Bibles in ancient languages
Old translations
Modern translations

Septante Siracide 20

Pentateuch
Historical books
Poetical Writings
Prophetic Books
Chapter
Verses
1
῎Εστιν ἔλεγχος ὃς οὐκ ἔστιν ὡραῖος, καὶ ἔστιν σιωπῶν καὶ αὐτὸς ϕρόνιμος.

῎Estin élenchos hòs ouk éstin hōraîos, kaì éstin siōpō̂n kaì autòs phrónimos.
2
ὡς καλὸν ἐλέγξαι ἢ θυμοῦσθαι,

hōs kalòn elénxai ḕ thymoûsthai,
3
καὶ ὁ ἀνθομολογούμενος ἀπὸ ἐλαττώσεως κωλυθήσεται.

kaì ho anthomologoúmenos apò elattṓseōs kōlythḗsetai.
4
ἐπιθυμία εὐνούχου ἀποπαρθενῶσαι νεάνιδα, οὕτως ὁ ποιῶν ἐν βίᾳ κρίματα.

epithymía eunoúchou apoparthenō̂sai neánida, hoútōs ho poiō̂n en bíāi krímata.
5
ἔστιν σιωπῶν εὑρισκόμενος σοϕός, καὶ ἔστιν μισητὸς ἀπὸ πολλῆς λαλιᾶς.

éstin siōpō̂n heuriskómenos sophós, kaì éstin misētòs apò pollē̂s laliâs.
6
ἔστιν σιωπῶν, οὐ γὰρ ἔχει ἀπόκρισιν, καὶ ἔστιν σιωπῶν εἰδὼς καιρόν.

éstin siōpō̂n, ou gàr échei apókrisin, kaì éstin siōpō̂n eidṑs kairón.
7
ἄνθρωπος σοϕὸς σιγήσει ἕως καιροῦ, ὁ δὲ λαπιστὴς καὶ ἄϕρων ὑπερβήσεται καιρόν.

ánthrōpos sophòs sigḗsei héōs kairoû, ho dè lapistḕs kaì áphrōn hyperbḗsetai kairón.
8
ὁ πλεονάζων λόγῳ βδελυχθήσεται, καὶ ὁ ἐνεξουσιαζόμενος μισηθήσεται.

ho pleonázōn lógōi bdelychthḗsetai, kaì ho enexousiazómenos misēthḗsetai.
9
῎Εστιν εὐοδία ἐν κακοῖς ἀνδρί, καὶ ἔστιν εὕρεμα εἰς ἐλάττωσιν.

῎Estin euodía en kakoîs andrí, kaì éstin heúrema eis eláttōsin.
10
ἔστιν δόσις, ἣ οὐ λυσιτελήσει σοι, καὶ ἔστιν δόσις, ἧς τὸ ἀνταπόδομα διπλοῦν.

éstin dósis, hḕ ou lysitelḗsei soi, kaì éstin dósis, hē̂s tò antapódoma diploûn.
11
ἔστιν ἐλάττωσις ἕνεκεν δόξης, καὶ ἔστιν ὃς ἀπὸ ταπεινώσεως ἦρεν κεϕαλήν.

éstin eláttōsis héneken dóxēs, kaì éstin hòs apò tapeinṓseōs ē̂ren kephalḗn.
12
ἔστιν ἀγοράζων πολλὰ ὀλίγου καὶ ἀποτιννύων αὐτὰ ἑπταπλάσιον.

éstin agorázōn pollà olígou kaì apotinnýōn autà heptaplásion.
13
ὁ σοϕὸς ἐν λόγοις ἑαυτὸν προσϕιλῆ ποιήσει, χάριτες δὲ μωρῶν ἐκχυθήσονται.

ho sophòs en lógois heautòn prosphilē̂ poiḗsei, chárites dè mōrō̂n ekchythḗsontai.
14
δόσις ἄϕρονος οὐ λυσιτελήσει σοι, οἱ γὰρ ὀϕθαλμοὶ αὐτοῦ ἀνθ’ ἑνὸς πολλοί

dósis áphronos ou lysitelḗsei soi, hoi gàr ophthalmoì autoû anth’ henòs polloí
15
ὀλίγα δώσει καὶ πολλὰ ὀνειδίσει καὶ ἀνοίξει τὸ στόμα αὐτοῦ ὡς κῆρυξ· σήμερον δανιεῖ καὶ αὔριον ἀπαιτήσει, μισητὸς ἄνθρωπος ὁ τοιοῦτος.

olíga dṓsei kaì pollà oneidísei kaì anoíxei tò stóma autoû hōs kē̂ryx: sḗmeron danieî kaì aúrion apaitḗsei, misētòs ánthrōpos ho toioûtos.
16
μωρὸς ἐρεῖ Οὐχ ὑπάρχει μοι ϕίλος, καὶ οὐκ ἔστιν χάρις τοῖς ἀγαθοῖς μου·

mōròs ereî Ouch hypárchei moi phílos, kaì ouk éstin cháris toîs agathoîs mou:
17
οἱ ἔσθοντες τὸν ἄρτον αὐτοῦ ϕαῦλοι γλώσσῃ, ποσάκις καὶ ὅσοι καταγελάσονται αὐτοῦ;

hoi ésthontes tòn árton autoû phaûloi glṓssēi, posákis kaì hósoi katagelásontai autoû?
18
’Ολίσθημα ἀπὸ ἐδάϕους μᾶλλον ἢ ἀπὸ γλώσσης, οὕτως πτῶσις κακῶν κατὰ σπουδὴν ἥξει.

’Olísthēma apò edáphous mâllon ḕ apò glṓssēs, hoútōs ptō̂sis kakō̂n katà spoudḕn hḗxei.
19
ἄνθρωπος ἄχαρις, μῦθος ἄκαιρος· ἐν στόματι ἀπαιδεύτων ἐνδελεχισθήσεται.

ánthrōpos ácharis, mŷthos ákairos: en stómati apaideútōn endelechisthḗsetai.
20
ἀπὸ στόματος μωροῦ ἀποδοκιμασθήσεται παραβολή· οὐ γὰρ μὴ εἴπῃ αὐτὴν ἐν καιρῷ αὐτῆς.

apò stómatos mōroû apodokimasthḗsetai parabolḗ: ou gàr mḕ eípēi autḕn en kairō̂i autē̂s.
21
῎Εστιν κωλυόμενος ἁμαρτάνειν ἀπὸ ἐνδείας, καὶ ἐν τῇ ἀναπαύσει αὐτοῦ οὐ κατανυγήσεται.

῎Estin kōlyómenos hamartánein apò endeías, kaì en tē̂i anapaúsei autoû ou katanygḗsetai.
22
ἔστιν ἀπολλύων τὴν ψυχὴν αὐτοῦ δι’ αἰσχύνην, καὶ ἀπὸ ἄϕρονος προσώπου ἀπολεῖ αὐτήν.

éstin apollýōn tḕn psychḕn autoû di’ aischýnēn, kaì apò áphronos prosṓpou apoleî autḗn.
23
ἔστιν χάριν αἰσχύνης ἐπαγγελλόμενος ϕίλῳ, καὶ ἐκτήσατο αὐτὸν ἐχθρὸν δωρεάν.

éstin chárin aischýnēs epangellómenos phílōi, kaì ektḗsato autòn echthròn dōreán.
24
Μῶμος πονηρὸς ἐν ἀνθρώπῳ ψεῦδος, ἐν στόματι ἀπαιδεύτων ἐνδελεχισθήσεται.

Mō̂mos ponēròs en anthrṓpōi pseûdos, en stómati apaideútōn endelechisthḗsetai.
25
αἱρετὸν κλέπτης ἢ ὁ ἐνδελεχίζων ψεύδει, ἀμϕότεροι δὲ ἀπώλειαν κληρονομήσουσιν.

hairetòn kléptēs ḕ ho endelechízōn pseúdei, amphóteroi dè apṓleian klēronomḗsousin.
26
ἦθος ἀνθρώπου ψευδοῦς ἀτιμία, καὶ ἡ αἰσχύνη αὐτοῦ μετ’ αὐτοῦ ἐνδελεχῶς.

ē̂thos anthrṓpou pseudoûs atimía, kaì hē aischýnē autoû met’ autoû endelechō̂s.
27
‘Ο σοϕὸς ἐν λόγοις προάξει ἑαυτόν, καὶ ἄνθρωπος ϕρόνιμος ἀρέσει μεγιστᾶσιν.

‘O sophòs en lógois proáxei heautón, kaì ánthrōpos phrónimos arései megistâsin.
28
ὁ ἐργαζόμενος γῆν ἀνυψώσει θιμωνιὰν αὐτοῦ, καὶ ὁ ἀρέσκων μεγιστᾶσιν ἐξιλάσεται ἀδικίαν.

ho ergazómenos gē̂n anypsṓsei thimōniàn autoû, kaì ho aréskōn megistâsin exilásetai adikían.
29
ξένια καὶ δῶρα ἀποτυϕλοῖ ὀϕθαλμοὺς σοϕῶν καὶ ὡς ϕιμὸς ἐν στόματι ἀποτρέπει ἐλεγμούς.

xénia kaì dō̂ra apotyphloî ophthalmoùs sophō̂n kaì hōs phimòs en stómati apotrépei elegmoús.
30
σοϕία κεκρυμμένη καὶ θησαυρὸς ἀϕανής, τίς ὠϕέλεια ἐν ἀμϕοτέροις;

sophía kekrymménē kaì thēsauròs aphanḗs, tís ōphéleia en amphotérois?
31
κρείσσων ἄνθρωπος ἀποκρύπτων τὴν μωρίαν αὐτοῦ ἢ ἄνθρωπος ἀποκρύπτων τὴν σοϕίαν αὐτοῦ.

kreíssōn ánthrōpos apokrýptōn tḕn mōrían autoû ḕ ánthrōpos apokrýptōn tḕn sophían autoû.