Bibles in ancient languages
Old translations
Modern translations

Septante Sirach 29

Pentateuch
Historical books
Poetical Writings
Prophetic Books
Chapter
Verses
1
‘Ο ποιῶν ἔλεος δανιεῖ τῷ πλησίον, καὶ ὁ ἐπισχύων τῇ χειρὶ αὐτοῦ τηρεῖ ἐντολάς.

‘O poiō̂n éleos danieî tō̂i plēsíon, kaì ho epischýōn tē̂i cheirì autoû tēreî entolás.

2
δάνεισον τῷ πλησίον ἐν καιρῷ χρείας αὐτοῦ καὶ πάλιν ἀπόδος τῷ πλησίον εἰς τὸν καιρόν·

dáneison tō̂i plēsíon en kairō̂i chreías autoû kaì pálin apódos tō̂i plēsíon eis tòn kairón:

3
στερέωσον λόγον καὶ πιστώθητι μετ’ αὐτοῦ, καὶ ἐν παντὶ καιρῷ εὑρήσεις τὴν χρείαν σου.

steréōson lógon kaì pistṓthēti met’ autoû, kaì en pantì kairō̂i heurḗseis tḕn chreían sou.

4
πολλοὶ ὡς εὕρεμα ἐνόμισαν δάνος καὶ παρέσχον κόπον τοῖς βοηθήσασιν αὐτοῖς.

polloì hōs heúrema enómisan dános kaì paréschon kópon toîs boēthḗsasin autoîs.

5
ἕως οὗ λάβῃ, καταϕιλήσει χεῖρας αὐτοῦ καὶ ἐπὶ τῶν χρημάτων τοῦ πλησίον ταπεινώσει ϕωνήν· καὶ ἐν καιρῷ ἀποδόσεως παρελκύσει χρόνον καὶ ἀποδώσει λόγους ἀκηδίας καὶ τὸν καιρὸν αἰτιάσεται.

héōs hoû lábēi, kataphilḗsei cheîras autoû kaì epì tō̂n chrēmátōn toû plēsíon tapeinṓsei phōnḗn: kaì en kairō̂i apodóseōs parelkýsei chrónon kaì apodṓsei lógous akēdías kaì tòn kairòn aitiásetai.

6
ἐὰν ἰσχύσῃ, μόλις κομίσεται τὸ ἥμισυ καὶ λογιεῖται αὐτὸ ὡς εὕρεμα· εἰ δὲ μή, ἀπεστέρησεν αὐτὸν τῶν χρημάτων αὐτοῦ, καὶ ἐκτήσατο αὐτὸν ἐχθρὸν δωρεάν· κατάρας καὶ λοιδορίας ἀποδώσει αὐτῷ καὶ ἀντὶ δόξης ἀποδώσει αὐτῷ ἀτιμίαν.

eàn ischýsēi, mólis komísetai tò hḗmisy kaì logieîtai autò hōs heúrema: ei dè mḗ, apestérēsen autòn tō̂n chrēmátōn autoû, kaì ektḗsato autòn echthròn dōreán: katáras kaì loidorías apodṓsei autō̂i kaì antì dóxēs apodṓsei autō̂i atimían.

7
πολλοὶ οὐ χάριν πονηρίας ἀπέστρεψαν, ἀποστερηθῆναι δωρεὰν εὐλαβήθησαν.

polloì ou chárin ponērías apéstrepsan, aposterēthē̂nai dōreàn eulabḗthēsan.

8
Πλὴν ἐπὶ ταπεινῷ μακροθύμησον καὶ ἐπ’ ἐλεημοσύνῃ μὴ παρελκύσῃς αὐτόν.

Plḕn epì tapeinō̂i makrothýmēson kaì ep’ eleēmosýnēi mḕ parelkýsēis autón.

9
χάριν ἐντολῆς ἀντιλαβοῦ πένητος καὶ κατὰ τὴν ἔνδειαν αὐτοῦ μὴ ἀποστρέψῃς αὐτὸν κενόν.

chárin entolē̂s antilaboû pénētos kaì katà tḕn éndeian autoû mḕ apostrépsēis autòn kenón.

10
ἀπόλεσον ἀργύριον δι’ ἀδελϕὸν καὶ ϕίλον, καὶ μὴ ἰωθήτω ὑπὸ τὸν λίθον εἰς ἀπώλειαν.

apóleson argýrion di’ adelphòn kaì phílon, kaì mḕ iōthḗtō hypò tòn líthon eis apṓleian.

11
θὲς τὸν θησαυρόν σου κατ’ ἐντολὰς ὑψίστου, καὶ λυσιτελήσει σοι μᾶλλον ἢ τὸ χρυσίον.

thès tòn thēsaurón sou kat’ entolàs hypsístou, kaì lysitelḗsei soi mâllon ḕ tò chrysíon.

12
σύγκλεισον ἐλεημοσύνην ἐν τοῖς ταμιείοις σου, καὶ αὕτη ἐξελεῖταί σε ἐκ πάσης κακώσεως·

sýnkleison eleēmosýnēn en toîs tamieíois sou, kaì haútē exeleîtaí se ek pásēs kakṓseōs:

13
ὑπὲρ ἀσπίδα κράτους καὶ ὑπὲρ δόρυ ὁλκῆς κατέναντι ἐχθροῦ πολεμήσει ὑπὲρ σοῦ.

hypèr aspída krátous kaì hypèr dóry holkē̂s katénanti echthroû polemḗsei hypèr soû.

14
’Ανὴρ ἀγαθὸς ἐγγυήσεται τὸν πλησίον, καὶ ὁ ἀπολωλεκὼς αἰσχύνην ἐγκαταλείψει αὐτόν.

’Anḕr agathòs engyḗsetai tòn plēsíon, kaì ho apolōlekṑs aischýnēn enkataleípsei autón.

15
χάριτας ἐγγύου μὴ ἐπιλάθῃ· ἔδωκεν γὰρ τὴν ψυχὴν αὐτοῦ ὑπὲρ σοῦ.

cháritas engýou mḕ epiláthēi: édōken gàr tḕn psychḕn autoû hypèr soû.

16
ἀγαθὰ ἐγγύου ἀνατρέψει ἁμαρτωλός, καὶ ἀχάριστος ἐν διανοίᾳ ἐγκαταλείψει ῥυσάμενον.

agathà engýou anatrépsei hamartōlós, kaì acháristos en dianoíāi enkataleípsei rhysámenon.

17
ἐγγύη πολλοὺς ἀπώλεσεν κατευθύνοντας καὶ ἐσάλευσεν αὐτοὺς ὡς κῦμα θαλάσσης·

engýē polloùs apṓlesen kateuthýnontas kaì esáleusen autoùs hōs kŷma thalássēs:

18
ἄνδρας δυνατοὺς ἀπῴκισεν, καὶ ἐπλανήθησαν ἐν ἔθνεσιν ἀλλοτρίοις.

ándras dynatoùs apṓikisen, kaì eplanḗthēsan en éthnesin allotríois.

19
ἁμαρτωλὸς ἐμπεσὼν εἰς ἐγγύην καὶ διώκων ἐργολαβίας ἐμπεσεῖται εἰς κρίσεις.

hamartōlòs empesṑn eis engýēn kaì diṓkōn ergolabías empeseîtai eis kríseis.

20
ἀντιλαβοῦ τοῦ πλησίον κατὰ δύναμίν σου καὶ πρόσεχε σεαυτῷ μὴ ἐμπέσῃς.

antilaboû toû plēsíon katà dýnamín sou kaì próseche seautō̂i mḕ empésēis.

21
’Αρχὴ ζωῆς ὕδωρ καὶ ἄρτος καὶ ἱμάτιον καὶ οἶκος καλύπτων ἀσχημοσύνην.

’Archḕ zōē̂s hýdōr kaì ártos kaì himátion kaì oîkos kalýptōn aschēmosýnēn.

22
κρείσσων βίος πτωχοῦ ὑπὸ σκέπην δοκῶν ἢ ἐδέσματα λαμπρὰ ἐν ἀλλοτρίοις.

kreíssōn bíos ptōchoû hypò sképēn dokō̂n ḕ edésmata lamprà en allotríois.

23
ἐπὶ μικρῷ καὶ μεγάλῳ εὐδοκίαν ἔχε, καὶ ὀνειδισμὸν παροικίας οὐ μὴ ἀκούσῃς.

epì mikrō̂i kaì megálōi eudokían éche, kaì oneidismòn paroikías ou mḕ akoúsēis.

24
ζωὴ πονηρὰ ἐξ οἰκίας εἰς οἰκίαν, καὶ οὗ παροικήσεις, οὐκ ἀνοίξεις στόμα·

zōḕ ponērà ex oikías eis oikían, kaì hoû paroikḗseis, ouk anoíxeis stóma:

25
ξενιεῖς καὶ ποτιεῖς εἰς ἀχάριστα καὶ πρὸς ἐπὶ τούτοις πικρὰ ἀκούσῃ

xenieîs kaì potieîs eis achárista kaì pròs epì toútois pikrà akoúsēi

26
Πάρελθε, πάροικε, κόσμησον τράπεζαν, καὶ εἴ τι ἐν τῇ χειρί σου, ψώμισόν με·

Párelthe, pároike, kósmēson trápezan, kaì eí ti en tē̂i cheirí sou, psṓmisón me:

27
ἔξελθε, πάροικε, ἀπὸ προσώπου δόξης, ἐπεξένωταί μοι ὁ ἀδελϕός, χρεία τῆς οἰκίας.

éxelthe, pároike, apò prosṓpou dóxēs, epexénōtaí moi ho adelphós, chreía tē̂s oikías.

28
βαρέα ταῦτα ἀνθρώπῳ ἔχοντι ϕρόνησιν, ἐπιτίμησις οἰκίας καὶ ὀνειδισμὸς δανειστοῦ.

baréa taûta anthrṓpōi échonti phrónēsin, epitímēsis oikías kaì oneidismòs daneistoû.