Bibles in ancient languages
Old translations
Modern translations

Septante Sirach 38

Pentateuch
Historical books
Poetical Writings
Prophetic Books
Chapter
Verses
1
Τίμα ἰατρὸν πρὸς τὰς χρείας αὐτοῦ τιμαῖς αὐτοῦ, καὶ γὰρ αὐτὸν ἔκτισεν κύριος·

Tíma iatròn pròs tàs chreías autoû timaîs autoû, kaì gàr autòn éktisen kýrios:

2
παρὰ γὰρ ὑψίστου ἐστὶν ἴασις, καὶ παρὰ βασιλέως λήμψεται δόμα.

parà gàr hypsístou estìn íasis, kaì parà basiléōs lḗmpsetai dóma.

3
ἐπιστήμη ἰατροῦ ἀνυψώσει κεϕαλὴν αὐτοῦ, καὶ ἔναντι μεγιστάνων θαυμασθήσεται.

epistḗmē iatroû anypsṓsei kephalḕn autoû, kaì énanti megistánōn thaumasthḗsetai.

4
κύριος ἔκτισεν ἐκ γῆς ϕάρμακα, καὶ ἀνὴρ ϕρόνιμος οὐ προσοχθιεῖ αὐτοῖς.

kýrios éktisen ek gē̂s phármaka, kaì anḕr phrónimos ou prosochthieî autoîs.

5
οὐκ ἀπὸ ξύλου ἐγλυκάνθη ὕδωρ εἰς τὸ γνωσθῆναι τὴν ἰσχὺν αὐτοῦ;

ouk apò xýlou eglykánthē hýdōr eis tò gnōsthē̂nai tḕn ischỳn autoû?

6
καὶ αὐτὸς ἔδωκεν ἀνθρώποις ἐπιστήμην ἐνδοξάζεσθαι ἐν τοῖς θαυμασίοις αὐτοῦ·

kaì autòs édōken anthrṓpois epistḗmēn endoxázesthai en toîs thaumasíois autoû:

7
ἐν αὐτοῖς ἐθεράπευσεν καὶ ἦρεν τὸν πόνον αὐτοῦ, μυρεψὸς ἐν τούτοις ποιήσει μεῖγμα,

en autoîs etherápeusen kaì ē̂ren tòn pónon autoû, myrepsòs en toútois poiḗsei meîgma,

8
καὶ οὐ μὴ συντελεσθῇ ἔργα αὐτοῦ, καὶ εἰρήνη παρ’ αὐτοῦ ἐστιν ἐπὶ προσώπου τῆς γῆς.

kaì ou mḕ syntelesthē̂i érga autoû, kaì eirḗnē par’ autoû estin epì prosṓpou tē̂s gē̂s.

9
Τέκνον, ἐν ἀρρωστήματί σου μὴ παράβλεπε, ἀλλ’ εὖξαι κυρίῳ, καὶ αὐτὸς ἰάσεταί σε·

Téknon, en arrōstḗmatí sou mḕ paráblepe, all’ eûxai kyríōi, kaì autòs iásetaí se:

10
ἀπόστησον πλημμέλειαν καὶ εὔθυνον χεῖρας καὶ ἀπὸ πάσης ἁμαρτίας καθάρισον καρδίαν·

apóstēson plēmméleian kaì eúthynon cheîras kaì apò pásēs hamartías kathárison kardían:

11
δὸς εὐωδίαν καὶ μνημόσυνον σεμιδάλεως καὶ λίπανον προσϕορὰν ὡς μὴ ὑπάρχων.

dòs euōdían kaì mnēmósynon semidáleōs kaì lípanon prosphoràn hōs mḕ hypárchōn.

12
καὶ ἰατρῷ δὸς τόπον, καὶ γὰρ αὐτὸν ἔκτισεν κύριος, καὶ μὴ ἀποστήτω σου, καὶ γὰρ αὐτοῦ χρεία.

kaì iatrō̂i dòs tópon, kaì gàr autòn éktisen kýrios, kaì mḕ apostḗtō sou, kaì gàr autoû chreía.

13
ἔστιν καιρὸς ὅτε καὶ ἐν χερσὶν αὐτῶν εὐοδία·

éstin kairòs hóte kaì en chersìn autō̂n euodía:

14
καὶ γὰρ αὐτοὶ κυρίου δεηθήσονται, ἵνα εὐοδώσῃ αὐτοῖς ἀνάπαυσιν καὶ ἴασιν χάριν ἐμβιώσεως.

kaì gàr autoì kyríou deēthḗsontai, hína euodṓsēi autoîs anápausin kaì íasin chárin embiṓseōs.

15
ὁ ἁμαρτάνων ἔναντι τοῦ ποιήσαντος αὐτὸν ἐμπέσοι εἰς χεῖρας ἰατροῦ.

ho hamartánōn énanti toû poiḗsantos autòn empésoi eis cheîras iatroû.

16
Τέκνον, ἐπὶ νεκρῷ κατάγαγε δάκρυα καὶ ὡς δεινὰ πάσχων ἔναρξαι θρήνου, κατὰ δὲ τὴν κρίσιν αὐτοῦ περίστειλον τὸ σῶμα αὐτοῦ καὶ μὴ ὑπερίδῃς τὴν ταϕὴν αὐτοῦ.

Téknon, epì nekrō̂i katágage dákrya kaì hōs deinà páschōn énarxai thrḗnou, katà dè tḕn krísin autoû perísteilon tò sō̂ma autoû kaì mḕ hyperídēis tḕn taphḕn autoû.

17
πίκρανον κλαυθμὸν καὶ θέρμανον κοπετὸν καὶ ποίησον τὸ πένθος κατὰ τὴν ἀξίαν αὐτοῦ ἡμέραν μίαν καὶ δύο χάριν διαβολῆς καὶ παρακλήθητι λύπης ἕνεκα·

píkranon klauthmòn kaì thérmanon kopetòn kaì poíēson tò pénthos katà tḕn axían autoû hēméran mían kaì dýo chárin diabolē̂s kaì paraklḗthēti lýpēs héneka:

18
ἀπὸ λύπης γὰρ ἐκβαίνει θάνατος, καὶ λύπη καρδίας κάμψει ἰσχύν.

apò lýpēs gàr ekbaínei thánatos, kaì lýpē kardías kámpsei ischýn.

19
ἐν ἐπαγωγῇ παραμένει καὶ λύπη, καὶ βίος πτωχοῦ κατὰ καρδίας.

en epagōgē̂i paraménei kaì lýpē, kaì bíos ptōchoû katà kardías.

20
μὴ δῷς εἰς λύπην τὴν καρδίαν σου, ἀπόστησον αὐτὴν μνησθεὶς τὰ ἔσχατα·

mḕ dō̂is eis lýpēn tḕn kardían sou, apóstēson autḕn mnēstheìs tà éschata:

21
μὴ ἐπιλάθῃ, οὐ γάρ ἐστιν ἐπάνοδος, καὶ τοῦτον οὐκ ὠϕελήσεις καὶ σεαυτὸν κακώσεις.

mḕ epiláthēi, ou gár estin epánodos, kaì toûton ouk ōphelḗseis kaì seautòn kakṓseis.

22
μνήσθητι τὸ κρίμα μου, ὅτι οὕτως καὶ τὸ σόν· ἐμοὶ ἐχθὲς καὶ σοὶ σήμερον.

mnḗsthēti tò kríma mou, hóti hoútōs kaì tò són: emoì echthès kaì soì sḗmeron.

23
ἐν ἀναπαύσει νεκροῦ κατάπαυσον τὸ μνημόσυνον αὐτοῦ καὶ παρακλήθητι ἐν αὐτῷ ἐν ἐξόδῳ πνεύματος αὐτοῦ.

en anapaúsei nekroû katápauson tò mnēmósynon autoû kaì paraklḗthēti en autō̂i en exódōi pneúmatos autoû.

24
Σοϕία γραμματέως ἐν εὐκαιρίᾳ σχολῆς, καὶ ὁ ἐλασσούμενος πράξει αὐτοῦ σοϕισθήσεται.

Sophía grammatéōs en eukairíāi scholē̂s, kaì ho elassoúmenos práxei autoû sophisthḗsetai.

25
τί σοϕισθήσεται ὁ κρατῶν ἀρότρου καὶ καυχώμενος ἐν δόρατι κέντρου, βόας ἐλαύνων καὶ ἀναστρεϕόμενος ἐν ἔργοις αὐτῶν, καὶ ἡ διήγησις αὐτοῦ ἐν υἱοῖς ταύρων;

tí sophisthḗsetai ho kratō̂n arótrou kaì kauchṓmenos en dórati kéntrou, bóas elaúnōn kaì anastrephómenos en érgois autō̂n, kaì hē diḗgēsis autoû en hyioîs taúrōn?

26
καρδίαν αὐτοῦ δώσει ἐκδοῦναι αὔλακας, καὶ ἡ ἀγρυπνία αὐτοῦ εἰς χορτάσματα δαμάλεων.

kardían autoû dṓsei ekdoûnai aúlakas, kaì hē agrypnía autoû eis chortásmata damáleōn.

27
οὕτως πᾶς τέκτων καὶ ἀρχιτέκτων, ὅστις νύκτωρ ὡς ἡμέρας διάγει· οἱ γλύϕοντες γλύμματα σϕραγίδων, καὶ ἡ ἐπιμονὴ αὐτοῦ ἀλλοιῶσαι ποικιλίαν· καρδίαν αὐτοῦ δώσει εἰς ὁμοιῶσαι ζωγραϕίαν, καὶ ἡ ἀγρυπνία αὐτοῦ τελέσαι ἔργον.

hoútōs pâs téktōn kaì architéktōn, hóstis nýktōr hōs hēméras diágei: hoi glýphontes glýmmata sphragídōn, kaì hē epimonḕ autoû alloiō̂sai poikilían: kardían autoû dṓsei eis homoiō̂sai zōgraphían, kaì hē agrypnía autoû telésai érgon.

28
οὕτως χαλκεὺς καθήμενος ἐγγὺς ἄκμονος καὶ καταμανθάνων ἔργα σιδήρου· ἀτμὶς πυρὸς τήξει σάρκας αὐτοῦ, καὶ ἐν θέρμῃ καμίνου διαμαχήσεται· ϕωνῇ σϕύρης κλινεῖ τὸ οὖς αὐτοῦ, καὶ κατέναντι ὁμοιώματος σκεύους οἱ ὀϕθαλμοὶ αὐτοῦ· καρδίαν αὐτοῦ δώσει εἰς συντέλειαν ἔργων, καὶ ἡ ἀγρυπνία αὐτοῦ κοσμῆσαι ἐπὶ συντελείας.

hoútōs chalkeùs kathḗmenos engỳs ákmonos kaì katamanthánōn érga sidḗrou: atmìs pyròs tḗxei sárkas autoû, kaì en thérmēi kamínou diamachḗsetai: phōnē̂i sphýrēs klineî tò oûs autoû, kaì katénanti homoiṓmatos skeúous hoi ophthalmoì autoû: kardían autoû dṓsei eis syntéleian érgōn, kaì hē agrypnía autoû kosmē̂sai epì synteleías.

29
οὕτως κεραμεὺς καθήμενος ἐν ἔργῳ αὐτοῦ καὶ συστρέϕων ἐν ποσὶν αὐτοῦ τροχόν, ὃς ἐν μερίμνῃ κεῖται διὰ παντὸς ἐπὶ τὸ ἔργον αὐτοῦ, καὶ ἐναρίθμιος πᾶσα ἡ ἐργασία αὐτοῦ·

hoútōs kerameùs kathḗmenos en érgōi autoû kaì systréphōn en posìn autoû trochón, hòs en merímnēi keîtai dià pantòs epì tò érgon autoû, kaì enaríthmios pâsa hē ergasía autoû:

30
ἐν βραχίονι αὐτοῦ τυπώσει πηλὸν καὶ πρὸ ποδῶν κάμψει ἰσχὺν αὐτοῦ· καρδίαν ἐπιδώσει συντελέσαι τὸ χρῖσμα, καὶ ἡ ἀγρυπνία αὐτοῦ καθαρίσαι κάμινον.

en brachíoni autoû typṓsei pēlòn kaì prò podō̂n kámpsei ischỳn autoû: kardían epidṓsei syntelésai tò chrîsma, kaì hē agrypnía autoû katharísai káminon.

31
Πάντες οὗτοι εἰς χεῖρας αὐτῶν ἐνεπίστευσαν, καὶ ἕκαστος ἐν τῷ ἔργῳ αὐτοῦ σοϕίζεται·

Pántes hoûtoi eis cheîras autō̂n enepísteusan, kaì hékastos en tō̂i érgōi autoû sophízetai:

32
ἄνευ αὐτῶν οὐκ οἰκισθήσεται πόλις, καὶ οὐ παροικήσουσιν οὐδὲ περιπατήσουσιν.

áneu autō̂n ouk oikisthḗsetai pólis, kaì ou paroikḗsousin oudè peripatḗsousin.

33
ἀλλ’ εἰς βουλὴν λαοῦ οὐ ζητηθήσονται καὶ ἐν ἐκκλησίᾳ οὐχ ὑπεραλοῦνται· ἐπὶ δίϕρον δικαστοῦ οὐ καθιοῦνται καὶ διαθήκην κρίματος οὐ διανοηθήσονται.

all’ eis boulḕn laoû ou zētēthḗsontai kaì en ekklēsíāi ouch hyperaloûntai: epì díphron dikastoû ou kathioûntai kaì diathḗkēn krímatos ou dianoēthḗsontai.

34
οὐδὲ μὴ ἐκϕάνωσιν παιδείαν καὶ κρίμα καὶ ἐν παραβολαῖς οὐχ εὑρεθήσονται, ἀλλὰ κτίσμα αἰῶνος στηρίσουσιν, καὶ ἡ δέησις αὐτῶν ἐν ἐργασίᾳ τέχνης.

oudè mḕ ekphánōsin paideían kaì kríma kaì en parabolaîs ouch heurethḗsontai, allà ktísma aiō̂nos stērísousin, kaì hē déēsis autō̂n en ergasíāi téchnēs.