Bibles in ancient languages
Old translations
Modern translations

Septante Sirach 39

Pentateuch
Historical books
Poetical Writings
Prophetic Books
Chapter
Verses
1
Πλὴν τοῦ ἐπιδιδόντος τὴν ψυχὴν αὐτοῦ καὶ διανοουμένου ἐν νόμῳ ὑψίστου, σοϕίαν πάντων ἀρχαίων ἐκζητήσει καὶ ἐν προϕητείαις ἀσχοληθήσεται,

Plḕn toû epididóntos tḕn psychḕn autoû kaì dianoouménou en nómōi hypsístou, sophían pántōn archaíōn ekzētḗsei kaì en prophēteíais ascholēthḗsetai,

2
διήγησιν ἀνδρῶν ὀνομαστῶν συντηρήσει καὶ ἐν στροϕαῖς παραβολῶν συνεισελεύσεται,

diḗgēsin andrō̂n onomastō̂n syntērḗsei kaì en strophaîs parabolō̂n syneiseleúsetai,

3
ἀπόκρυϕα παροιμιῶν ἐκζητήσει καὶ ἐν αἰνίγμασι παραβολῶν ἀναστραϕήσεται.

apókrypha paroimiō̂n ekzētḗsei kaì en ainígmasi parabolō̂n anastraphḗsetai.

4
ἀνὰ μέσον μεγιστάνων ὑπηρετήσει καὶ ἔναντι ἡγουμένων ὀϕθήσεται· ἐν γῇ ἀλλοτρίων ἐθνῶν διελεύσεται, ἀγαθὰ γὰρ καὶ κακὰ ἐν ἀνθρώποις ἐπείρασεν.

anà méson megistánōn hypēretḗsei kaì énanti hēgouménōn ophthḗsetai: en gē̂i allotríōn ethnō̂n dieleúsetai, agathà gàr kaì kakà en anthrṓpois epeírasen.

5
τὴν καρδίαν αὐτοῦ ἐπιδώσει ὀρθρίσαι πρὸς κύριον τὸν ποιήσαντα αὐτὸν καὶ ἔναντι ὑψίστου δεηθήσεται· καὶ ἀνοίξει στόμα αὐτοῦ ἐν προσευχῇ καὶ περὶ τῶν ἁμαρτιῶν αὐτοῦ δεηθήσεται.

tḕn kardían autoû epidṓsei orthrísai pròs kýrion tòn poiḗsanta autòn kaì énanti hypsístou deēthḗsetai: kaì anoíxei stóma autoû en proseuchē̂i kaì perì tō̂n hamartiō̂n autoû deēthḗsetai.

6
ἐὰν κύριος ὁ μέγας θελήσῃ, πνεύματι συνέσεως ἐμπλησθήσεται· αὐτὸς ἀνομβρήσει ῥήματα σοϕίας αὐτοῦ καὶ ἐν προσευχῇ ἐξομολογήσεται κυρίῳ·

eàn kýrios ho mégas thelḗsēi, pneúmati synéseōs emplēsthḗsetai: autòs anombrḗsei rhḗmata sophías autoû kaì en proseuchē̂i exomologḗsetai kyríōi:

7
αὐτὸς κατευθυνεῖ βουλὴν αὐτοῦ καὶ ἐπιστήμην καὶ ἐν τοῖς ἀποκρύϕοις αὐτοῦ διανοηθήσεται·

autòs kateuthyneî boulḕn autoû kaì epistḗmēn kaì en toîs apokrýphois autoû dianoēthḗsetai:

8
αὐτὸς ἐκϕανεῖ παιδείαν διδασκαλίας αὐτοῦ καὶ ἐν νόμῳ διαθήκης κυρίου καυχήσεται.

autòs ekphaneî paideían didaskalías autoû kaì en nómōi diathḗkēs kyríou kauchḗsetai.

9
αἰνέσουσιν τὴν σύνεσιν αὐτοῦ πολλοί, καὶ ἕως τοῦ αἰῶνος οὐκ ἐξαλειϕθήσεται· οὐκ ἀποστήσεται τὸ μνημόσυνον αὐτοῦ, καὶ τὸ ὄνομα αὐτοῦ ζήσεται εἰς γενεὰς γενεῶν·

ainésousin tḕn sýnesin autoû polloí, kaì héōs toû aiō̂nos ouk exaleiphthḗsetai: ouk apostḗsetai tò mnēmósynon autoû, kaì tò ónoma autoû zḗsetai eis geneàs geneō̂n:

10
τὴν σοϕίαν αὐτοῦ διηγήσονται ἔθνη, καὶ τὸν ἔπαινον αὐτοῦ ἐξαγγελεῖ ἐκκλησία·

tḕn sophían autoû diēgḗsontai éthnē, kaì tòn épainon autoû exangeleî ekklēsía:

11
ἐὰν ἐμμείνῃ, ὄνομα καταλείψει ἢ χίλιοι, καὶ ἐὰν ἀναπαύσηται, ἐκποιεῖ αὐτῷ.

eàn emmeínēi, ónoma kataleípsei ḕ chílioi, kaì eàn anapaúsētai, ekpoieî autō̂i.

12
῎Ετι διανοηθεὶς ἐκδιηγήσομαι καὶ ὡς διχομηνία ἐπληρώθην.

῎Eti dianoētheìs ekdiēgḗsomai kaì hōs dichomēnía eplērṓthēn.

13
εἰσακούσατέ μου, υἱοὶ ὅσιοι, καὶ βλαστήσατε ὡς ῥόδον ϕυόμενον ἐπὶ ῥεύματος ὑγροῦ

eisakoúsaté mou, hyioì hósioi, kaì blastḗsate hōs rhódon phyómenon epì rheúmatos hygroû

14
καὶ ὡς λίβανος εὐωδιάσατε ὀσμὴν καὶ ἀνθήσατε ἄνθος ὡς κρίνον. διάδοτε ὀσμὴν καὶ αἰνέσατε ᾆσμα, εὐλογήσατε κύριον ἐπὶ πᾶσιν τοῖς ἔργοις,

kaì hōs líbanos euōdiásate osmḕn kaì anthḗsate ánthos hōs krínon. diádote osmḕn kaì ainésate ā̂isma, eulogḗsate kýrion epì pâsin toîs érgois,

15
δότε τῷ ὀνόματι αὐτοῦ μεγαλωσύνην καὶ ἐξομολογήσασθε ἐν αἰνέσει αὐτοῦ ἐν ᾠδαῖς χειλέων καὶ ἐν κινύραις καὶ οὕτως ἐρεῖτε ἐν ἐξομολογήσει

dóte tō̂i onómati autoû megalōsýnēn kaì exomologḗsasthe en ainései autoû en ōidaîs cheiléōn kaì en kinýrais kaì hoútōs ereîte en exomologḗsei

16
Τὰ ἔργα κυρίου πάντα ὅτι καλὰ σϕόδρα, καὶ πᾶν πρόσταγμα ἐν καιρῷ αὐτοῦ ἔσται· οὐκ ἔστιν εἰπεῖν Τί τοῦτο; εἰς τί τοῦτο; πάντα γὰρ ἐν καιρῷ αὐτοῦ ζητηθήσεται.

Tà érga kyríou pánta hóti kalà sphódra, kaì pân próstagma en kairō̂i autoû éstai: ouk éstin eipeîn Tí toûto? eis tí toûto? pánta gàr en kairō̂i autoû zētēthḗsetai.

17
ἐν λόγῳ αὐτοῦ ἔστη ὡς θιμωνιὰ ὕδωρ καὶ ἐν ῥήματι στόματος αὐτοῦ ἀποδοχεῖα ὑδάτων.

en lógōi autoû éstē hōs thimōnià hýdōr kaì en rhḗmati stómatos autoû apodocheîa hydátōn.

18
ἐν προστάγματι αὐτοῦ πᾶσα ἡ εὐδοκία, καὶ οὐκ ἔστιν ὃς ἐλαττώσει τὸ σωτήριον αὐτοῦ.

en prostágmati autoû pâsa hē eudokía, kaì ouk éstin hòs elattṓsei tò sōtḗrion autoû.

19
ἔργα πάσης σαρκὸς ἐνώπιον αὐτοῦ, καὶ οὐκ ἔστιν κρυβῆναι ἀπὸ τῶν ὀϕθαλμῶν αὐτοῦ·

érga pásēs sarkòs enṓpion autoû, kaì ouk éstin krybē̂nai apò tō̂n ophthalmō̂n autoû:

20
ἀπὸ τοῦ αἰῶνος εἰς τὸν αἰῶνα ἐπέβλεψεν, καὶ οὐθέν ἐστιν θαυμάσιον ἐναντίον αὐτοῦ.

apò toû aiō̂nos eis tòn aiō̂na epéblepsen, kaì outhén estin thaumásion enantíon autoû.

21
οὐκ ἔστιν εἰπεῖν Τί τοῦτο; εἰς τί τοῦτο; πάντα γὰρ εἰς χρείας αὐτῶν ἔκτισται.

ouk éstin eipeîn Tí toûto? eis tí toûto? pánta gàr eis chreías autō̂n éktistai.

22
‘Η εὐλογία αὐτοῦ ὡς ποταμὸς ἐπεκάλυψεν καὶ ὡς κατακλυσμὸς ξηρὰν ἐμέθυσεν·

‘Ē eulogía autoû hōs potamòs epekálypsen kaì hōs kataklysmòs xēràn eméthysen:

23
οὕτως ὀργὴν αὐτοῦ ἔθνη κληρονομήσει, ὡς μετέστρεψεν ὕδατα εἰς ἅλμην.

hoútōs orgḕn autoû éthnē klēronomḗsei, hōs metéstrepsen hýdata eis hálmēn.

24
αἱ ὁδοὶ αὐτοῦ τοῖς ὁσίοις εὐθεῖαι, οὕτως τοῖς ἀνόμοις προσκόμματα·

hai hodoì autoû toîs hosíois eutheîai, hoútōs toîs anómois proskómmata:

25
ἀγαθὰ τοῖς ἀγαθοῖς ἔκτισται ἀπ’ ἀρχῆς, οὕτως τοῖς ἁμαρτωλοῖς κακά.

agathà toîs agathoîs éktistai ap’ archē̂s, hoútōs toîs hamartōloîs kaká.

26
ἀρχὴ πάσης χρείας εἰς ζωὴν ἀνθρώπου, ὕδωρ καὶ πῦρ καὶ σίδηρος καὶ ἅλας καὶ σεμίδαλις πυροῦ καὶ γάλα καὶ μέλι, αἷμα σταϕυλῆς καὶ ἔλαιον καὶ ἱμάτιον·

archḕ pásēs chreías eis zōḕn anthrṓpou, hýdōr kaì pŷr kaì sídēros kaì hálas kaì semídalis pyroû kaì gála kaì méli, haîma staphylē̂s kaì élaion kaì himátion:

27
ταῦτα πάντα τοῖς εὐσεβέσιν εἰς ἀγαθά, οὕτως τοῖς ἁμαρτωλοῖς τραπήσεται εἰς κακά.

taûta pánta toîs eusebésin eis agathá, hoútōs toîs hamartōloîs trapḗsetai eis kaká.

28
῎Εστιν πνεύματα, ἃ εἰς ἐκδίκησιν ἔκτισται καὶ ἐν θυμῷ αὐτοῦ ἐστερέωσεν μάστιγας αὐτῶν· ἐν καιρῷ συντελείας ἰσχὺν ἐκχεοῦσιν καὶ τὸν θυμὸν τοῦ ποιήσαντος αὐτοὺς κοπάσουσιν.

῎Estin pneúmata, hà eis ekdíkēsin éktistai kaì en thymō̂i autoû esteréōsen mástigas autō̂n: en kairō̂i synteleías ischỳn ekcheoûsin kaì tòn thymòn toû poiḗsantos autoùs kopásousin.

29
πῦρ καὶ χάλαζα καὶ λιμὸς καὶ θάνατος, πάντα ταῦτα εἰς ἐκδίκησιν ἔκτισται·

pŷr kaì chálaza kaì limòs kaì thánatos, pánta taûta eis ekdíkēsin éktistai:

30
θηρίων ὀδόντες καὶ σκορπίοι καὶ ἔχεις καὶ ῥομϕαία ἐκδικοῦσα εἰς ὄλεθρον ἀσεβεῖς·

thēríōn odóntes kaì skorpíoi kaì écheis kaì rhomphaía ekdikoûsa eis ólethron asebeîs:

31
ἐν τῇ ἐντολῇ αὐτοῦ εὐϕρανθήσονται καὶ ἐπὶ τῆς γῆς εἰς χρείας ἑτοιμασθήσονται καὶ ἐν καιροῖς αὐτῶν οὐ παραβήσονται λόγον.

en tē̂i entolē̂i autoû euphranthḗsontai kaì epì tē̂s gē̂s eis chreías hetoimasthḗsontai kaì en kairoîs autō̂n ou parabḗsontai lógon.

32
Διὰ τοῦτο ἐξ ἀρχῆς ἐστηρίχθην καὶ διενοήθην καὶ ἐν γραϕῇ ἀϕῆκα

Dià toûto ex archē̂s estēríchthēn kaì dienoḗthēn kaì en graphē̂i aphē̂ka

33
Τὰ ἔργα κυρίου πάντα ἀγαθὰ καὶ πᾶσαν χρείαν ἐν ὥρᾳ αὐτῆς χορηγήσει,

Tà érga kyríou pánta agathà kaì pâsan chreían en hṓrāi autē̂s chorēgḗsei,

34
καὶ οὐκ ἔστιν εἰπεῖν Τοῦτο τούτου πονηρότερον, πάντα γὰρ ἐν καιρῷ εὐδοκιμηθήσεται.

kaì ouk éstin eipeîn Toûto toútou ponēróteron, pánta gàr en kairō̂i eudokimēthḗsetai.

35
καὶ νῦν ἐν πάσῃ καρδίᾳ καὶ στόματι ὑμνήσατε καὶ εὐλογήσατε τὸ ὄνομα κυρίου.

kaì nŷn en pásēi kardíāi kaì stómati hymnḗsate kaì eulogḗsate tò ónoma kyríou.