Bibles in ancient languages
Old translations
Modern translations

Septante Sirach 6

Pentateuch
Historical books
Poetical Writings
Prophetic Books
Chapter
Verses
2
Μὴ ἐπάρῃς σεαυτὸν ἐν βουλῇ ψυχῆς σου, ἵνα μὴ διαρπαγῇ ὡς ταῦρος ἡ ψυχή σου·

Mḕ epárēis seautòn en boulē̂i psychē̂s sou, hína mḕ diarpagē̂i hōs taûros hē psychḗ sou:

3
τὰ ϕύλλα σου καταϕάγεσαι καὶ τοὺς καρπούς σου ἀπολέσεις καὶ ἀϕήσεις σεαυτὸν ὡς ξύλον ξηρόν.

tà phýlla sou kataphágesai kaì toùs karpoús sou apoléseis kaì aphḗseis seautòn hōs xýlon xērón.

4
ψυχὴ πονηρὰ ἀπολεῖ τὸν κτησάμενον αὐτὴν καὶ ἐπίχαρμα ἐχθρῶν ποιήσει αὐτόν.

psychḕ ponērà apoleî tòn ktēsámenon autḕn kaì epícharma echthrō̂n poiḗsei autón.

5
Λάρυγξ γλυκὺς πληθυνεῖ ϕίλους αὐτοῦ, καὶ γλῶσσα εὔλαλος πληθυνεῖ εὐπροσήγορα.

Lárynx glykỳs plēthyneî phílous autoû, kaì glō̂ssa eúlalos plēthyneî euprosḗgora.

6
οἱ εἰρηνεύοντές σοι ἔστωσαν πολλοί, οἱ δὲ σύμβουλοί σου εἷς ἀπὸ χιλίων.

hoi eirēneúontés soi éstōsan polloí, hoi dè sýmbouloí sou heîs apò chilíōn.

7
εἰ κτᾶσαι ϕίλον, ἐν πειρασμῷ κτῆσαι αὐτὸν καὶ μὴ ταχὺ ἐμπιστεύσῃς αὐτῷ.

ei ktâsai phílon, en peirasmō̂i ktē̂sai autòn kaì mḕ tachỳ empisteúsēis autō̂i.

8
ἔστιν γὰρ ϕίλος ἐν καιρῷ αὐτοῦ καὶ οὐ μὴ παραμείνῃ ἐν ἡμέρᾳ θλίψεώς σου.

éstin gàr phílos en kairō̂i autoû kaì ou mḕ parameínēi en hēmérāi thlípseṓs sou.

9
καὶ ἔστιν ϕίλος μετατιθέμενος εἰς ἔχθραν καὶ μάχην ὀνειδισμοῦ σου ἀποκαλύψει.

kaì éstin phílos metatithémenos eis échthran kaì máchēn oneidismoû sou apokalýpsei.

10
καὶ ἔστιν ϕίλος κοινωνὸς τραπεζῶν καὶ οὐ μὴ παραμείνῃ ἐν ἡμέρᾳ θλίψεώς σου·

kaì éstin phílos koinōnòs trapezō̂n kaì ou mḕ parameínēi en hēmérāi thlípseṓs sou:

11
καὶ ἐν τοῖς ἀγαθοῖς σου ἔσται ὡς σὺ καὶ ἐπὶ τοὺς οἰκέτας σου παρρησιάσεται·

kaì en toîs agathoîs sou éstai hōs sỳ kaì epì toùs oikétas sou parrēsiásetai:

12
ἐὰν ταπεινωθῇς, ἔσται κατὰ σοῦ καὶ ἀπὸ τοῦ προσώπου σου κρυβήσεται.

eàn tapeinōthē̂is, éstai katà soû kaì apò toû prosṓpou sou krybḗsetai.

13
ἀπὸ τῶν ἐχθρῶν σου διαχωρίσθητι καὶ ἀπὸ τῶν ϕίλων σου πρόσεχε.

apò tō̂n echthrō̂n sou diachōrísthēti kaì apò tō̂n phílōn sou próseche.

14
ϕίλος πιστὸς σκέπη κραταιά, ὁ δὲ εὑρὼν αὐτὸν εὗρεν θησαυρόν.

phílos pistòs sképē krataiá, ho dè heurṑn autòn heûren thēsaurón.

15
ϕίλου πιστοῦ οὐκ ἔστιν ἀντάλλαγμα, καὶ οὐκ ἔστιν σταθμὸς τῆς καλλονῆς αὐτοῦ.

phílou pistoû ouk éstin antállagma, kaì ouk éstin stathmòs tē̂s kallonē̂s autoû.

16
ϕίλος πιστὸς ϕάρμακον ζωῆς, καὶ οἱ ϕοβούμενοι κύριον εὑρήσουσιν αὐτόν.

phílos pistòs phármakon zōē̂s, kaì hoi phoboúmenoi kýrion heurḗsousin autón.

17
ὁ ϕοβούμενος κύριον εὐθυνεῖ ϕιλίαν αὐτοῦ, ὅτι κατ’ αὐτὸν οὕτως καὶ ὁ πλησίον αὐτοῦ.

ho phoboúmenos kýrion euthyneî philían autoû, hóti kat’ autòn hoútōs kaì ho plēsíon autoû.

18
Τέκνον, ἐκ νεότητός σου ἐπίλεξαι παιδείαν, καὶ ἕως πολιῶν εὑρήσεις σοϕίαν.

Téknon, ek neótētós sou epílexai paideían, kaì héōs poliō̂n heurḗseis sophían.

19
ὡς ὁ ἀροτριῶν καὶ ὁ σπείρων πρόσελθε αὐτῇ καὶ ἀνάμενε τοὺς ἀγαθοὺς καρποὺς αὐτῆς· ἐν γὰρ τῇ ἐργασίᾳ αὐτῆς ὀλίγον κοπιάσεις καὶ ταχὺ ϕάγεσαι τῶν γενημάτων αὐτῆς.

hōs ho arotriō̂n kaì ho speírōn próselthe autē̂i kaì anámene toùs agathoùs karpoùs autē̂s: en gàr tē̂i ergasíāi autē̂s olígon kopiáseis kaì tachỳ phágesai tō̂n genēmátōn autē̂s.

20
ὡς τραχεῖά ἐστιν σϕόδρα τοῖς ἀπαιδεύτοις, καὶ οὐκ ἐμμενεῖ ἐν αὐτῇ ἀκάρδιος·

hōs tracheîá estin sphódra toîs apaideútois, kaì ouk emmeneî en autē̂i akárdios:

21
ὡς λίθος δοκιμασίας ἰσχυρὸς ἔσται ἐπ’ αὐτῷ, καὶ οὐ χρονιεῖ ἀπορρῖψαι αὐτήν.

hōs líthos dokimasías ischyròs éstai ep’ autō̂i, kaì ou chronieî aporrîpsai autḗn.

22
σοϕία γὰρ κατὰ τὸ ὄνομα αὐτῆς ἐστιν καὶ οὐ πολλοῖς ἐστιν ϕανερά.

sophía gàr katà tò ónoma autē̂s estin kaì ou polloîs estin phanerá.

23
῎Ακουσον, τέκνον, καὶ ἔκδεξαι γνώμην μου καὶ μὴ ἀπαναίνου τὴν συμβουλίαν μου·

῎Akouson, téknon, kaì ékdexai gnṓmēn mou kaì mḕ apanaínou tḕn symboulían mou:

24
καὶ εἰσένεγκον τοὺς πόδας σου εἰς τὰς πέδας αὐτῆς καὶ εἰς τὸν κλοιὸν αὐτῆς τὸν τράχηλόν σου·

kaì eisénenkon toùs pódas sou eis tàs pédas autē̂s kaì eis tòn kloiòn autē̂s tòn tráchēlón sou:

25
ὑπόθες τὸν ὦμόν σου καὶ βάσταξον αὐτὴν καὶ μὴ προσοχθίσῃς τοῖς δεσμοῖς αὐτῆς·

hypóthes tòn ō̂món sou kaì bástaxon autḕn kaì mḕ prosochthísēis toîs desmoîs autē̂s:

26
ἐν πάσῃ ψυχῇ σου πρόσελθε αὐτῇ καὶ ἐν ὅλῃ δυνάμει σου συντήρησον τὰς ὁδοὺς αὐτῆς·

en pásēi psychē̂i sou próselthe autē̂i kaì en hólēi dynámei sou syntḗrēson tàs hodoùs autē̂s:

27
ἐξίχνευσον καὶ ζήτησον, καὶ γνωσθήσεταί σοι, καὶ ἐγκρατὴς γενόμενος μὴ ἀϕῇς αὐτήν·

exíchneuson kaì zḗtēson, kaì gnōsthḗsetaí soi, kaì enkratḕs genómenos mḕ aphē̂is autḗn:

28
ἐπ’ ἐσχάτων γὰρ εὑρήσεις τὴν ἀνάπαυσιν αὐτῆς, καὶ στραϕήσεταί σοι εἰς εὐϕροσύνην·

ep’ eschátōn gàr heurḗseis tḕn anápausin autē̂s, kaì straphḗsetaí soi eis euphrosýnēn:

29
καὶ ἔσονταί σοι αἱ πέδαι εἰς σκέπην ἰσχύος καὶ οἱ κλοιοὶ αὐτῆς εἰς στολὴν δόξης.

kaì ésontaí soi hai pédai eis sképēn ischýos kaì hoi kloioì autē̂s eis stolḕn dóxēs.

30
κόσμος γὰρ χρύσεός ἐστιν ἐπ’ αὐτῆς, καὶ οἱ δεσμοὶ αὐτῆς κλῶσμα ὑακίνθινον·

kósmos gàr chrýseós estin ep’ autē̂s, kaì hoi desmoì autē̂s klō̂sma hyakínthinon:

31
στολὴν δόξης ἐνδύσῃ αὐτὴν καὶ στέϕανον ἀγαλλιάματος περιθήσεις σεαυτῷ.

stolḕn dóxēs endýsēi autḕn kaì stéphanon agalliámatos perithḗseis seautō̂i.

32
’Εὰν θέλῃς, τέκνον, παιδευθήσῃ, καὶ ἐὰν ἐπιδῷς τὴν ψυχήν σου, πανοῦργος ἔσῃ·

’Eàn thélēis, téknon, paideuthḗsēi, kaì eàn epidō̂is tḕn psychḗn sou, panoûrgos ésēi:

33
ἐὰν ἀγαπήσῃς ἀκούειν, ἐκδέξῃ, καὶ ἐὰν κλίνῃς τὸ οὖς σου, σοϕὸς ἔσῃ.

eàn agapḗsēis akoúein, ekdéxēi, kaì eàn klínēis tò oûs sou, sophòs ésēi.

34
ἐν πλήθει πρεσβυτέρων στῆθι· καὶ τίς σοϕός; αὐτῷ προσκολλήθητι.

en plḗthei presbytérōn stē̂thi: kaì tís sophós? autō̂i proskollḗthēti.

35
πᾶσαν διήγησιν θείαν θέλε ἀκροᾶσθαι, καὶ παροιμίαι συνέσεως μὴ ἐκϕευγέτωσάν σε.

pâsan diḗgēsin theían théle akroâsthai, kaì paroimíai synéseōs mḕ ekpheugétōsán se.

36
ἐὰν ἴδῃς συνετόν, ὄρθριζε πρὸς αὐτόν, καὶ βαθμοὺς θυρῶν αὐτοῦ ἐκτριβέτω ὁ πούς σου.

eàn ídēis synetón, órthrize pròs autón, kaì bathmoùs thyrō̂n autoû ektribétō ho poús sou.

37
διανοοῦ ἐν τοῖς προστάγμασιν κυρίου καὶ ἐν ταῖς ἐντολαῖς αὐτοῦ μελέτα διὰ παντός· αὐτὸς στηριεῖ τὴν καρδίαν σου, καὶ ἡ ἐπιθυμία τῆς σοϕίας δοθήσεταί σοι.

dianooû en toîs prostágmasin kyríou kaì en taîs entolaîs autoû meléta dià pantós: autòs stērieî tḕn kardían sou, kaì hē epithymía tē̂s sophías dothḗsetaí soi.