Bibles in ancient languages
Old translations
Modern translations

Septante Song of Solomon 3

Pentateuch
Historical books
Poetical Writings
Prophetic Books
Chapter
Verses
1
’Επὶ κοίτην μου ἐν νυξὶν ἐζήτησα ὃν ἠγάπησεν ἡ ψυχή μου, ἐζήτησα αὐτὸν καὶ οὐχ εὗρον αὐτόν, ἐκάλεσα αὐτόν, καὶ οὐχ ὑπήκουσέν μου.

’Epì koítēn mou en nyxìn ezḗtēsa hòn ēgápēsen hē psychḗ mou, ezḗtēsa autòn kaì ouch heûron autón, ekálesa autón, kaì ouch hypḗkousén mou.

2
ἀναστήσομαι δὴ καὶ κυκλώσω ἐν τῇ πόλει ἐν ταῖς ἀγοραῖς καὶ ἐν ταῖς πλατείαις καὶ ζητήσω ὃν ἠγάπησεν ἡ ψυχή μου· ἐζήτησα αὐτὸν καὶ οὐχ εὗρον αὐτόν.

anastḗsomai dḕ kaì kyklṓsō en tē̂i pólei en taîs agoraîs kaì en taîs plateíais kaì zētḗsō hòn ēgápēsen hē psychḗ mou: ezḗtēsa autòn kaì ouch heûron autón.

3
εὕροσάν με οἱ τηροῦντες οἱ κυκλοῦντες ἐν τῇ πόλει Μὴ ὃν ἠγάπησεν ἡ ψυχή μου εἴδετε;

heúrosán me hoi tēroûntes hoi kykloûntes en tē̂i pólei Mḕ hòn ēgápēsen hē psychḗ mou eídete?

4
ὡς μικρὸν ὅτε παρῆλθον ἀπ’ αὐτῶν, ἕως οὗ εὗρον ὃν ἠγάπησεν ἡ ψυχή μου· ἐκράτησα αὐτὸν καὶ οὐκ ἀϕήσω αὐτόν, ἕως οὗ εἰσήγαγον αὐτὸν εἰς οἶκον μητρός μου καὶ εἰς ταμίειον τῆς συλλαβούσης με.

hōs mikròn hóte parē̂lthon ap’ autō̂n, héōs hoû heûron hòn ēgápēsen hē psychḗ mou: ekrátēsa autòn kaì ouk aphḗsō autón, héōs hoû eisḗgagon autòn eis oîkon mētrós mou kaì eis tamíeion tē̂s syllaboúsēs me.

5
ὥρκισα ὑμᾶς, θυγατέρες Ιερουσαλημ, ἐν ταῖς δυνάμεσιν καὶ ἐν ταῖς ἰσχύσεσιν τοῦ ἀγροῦ, ἐὰν ἐγείρητε καὶ ἐξεγείρητε τὴν ἀγάπην, ἕως ἂν θελήσῃ.

hṓrkisa hymâs, thygatéres Ierousalēm, en taîs dynámesin kaì en taîs ischýsesin toû agroû, eàn egeírēte kaì exegeírēte tḕn agápēn, héōs àn thelḗsēi.

6
Τίς αὕτη ἡ ἀναβαίνουσα ἀπὸ τῆς ἐρήμου ὡς στελέχη καπνοῦ τεθυμιαμένη σμύρναν καὶ λίβανον ἀπὸ πάντων κονιορτῶν μυρεψοῦ;

Tís haútē hē anabaínousa apò tē̂s erḗmou hōs steléchē kapnoû tethymiaménē smýrnan kaì líbanon apò pántōn koniortō̂n myrepsoû?

7
ἰδοὺ ἡ κλίνη τοῦ Σαλωμων, ἑξήκοντα δυνατοὶ κύκλῳ αὐτῆς ἀπὸ δυνατῶν Ισραηλ,

idoù hē klínē toû Salōmōn, hexḗkonta dynatoì kýklōi autē̂s apò dynatō̂n Israēl,

8
πάντες κατέχοντες ῥομϕαίαν δεδιδαγμένοι πόλεμον, ἀνὴρ ῥομϕαία αὐτοῦ ἐπὶ μηρὸν αὐτοῦ ἀπὸ θάμβους ἐν νυξίν.

pántes katéchontes rhomphaían dedidagménoi pólemon, anḕr rhomphaía autoû epì mēròn autoû apò thámbous en nyxín.

9
ϕορεῖον ἐποίησεν ἑαυτῷ ὁ βασιλεὺς Σαλωμων ἀπὸ ξύλων τοῦ Λιβάνου,

phoreîon epoíēsen heautō̂i ho basileùs Salōmōn apò xýlōn toû Libánou,

10
στύλους αὐτοῦ ἐποίησεν ἀργύριον καὶ ἀνάκλιτον αὐτοῦ χρύσεον, ἐπίβασις αὐτοῦ πορϕυρᾶ, ἐντὸς αὐτοῦ λιθόστρωτον, ἀγάπην ἀπὸ θυγατέρων Ιερουσαλημ.

stýlous autoû epoíēsen argýrion kaì anákliton autoû chrýseon, epíbasis autoû porphyrâ, entòs autoû lithóstrōton, agápēn apò thygatérōn Ierousalēm.

11
ἐξέλθατε καὶ ἴδετε ἐν τῷ βασιλεῖ Σαλωμων ἐν τῷ στεϕάνῳ, ᾧ ἐστεϕάνωσεν αὐτὸν ἡ μήτηρ αὐτοῦ ἐν ἡμέρᾳ νυμϕεύσεως αὐτοῦ καὶ ἐν ἡμέρᾳ εὐϕροσύνης καρδίας αὐτοῦ.

exélthate kaì ídete en tō̂i basileî Salōmōn en tō̂i stephánōi, hō̂i estephánōsen autòn hē mḗtēr autoû en hēmérāi nympheúseōs autoû kaì en hēmérāi euphrosýnēs kardías autoû.