Bibles in ancient languages
Old translations
Modern translations

Septante Zechariah 10

Pentateuch
Historical books
Poetical Writings
Prophetic Books
Chapter
Verses
1
Αἰτεῖσθε ὑετὸν παρὰ κυρίου καθ’ ὥραν πρόιμον καὶ ὄψιμον· κύριος ἐποίησεν ϕαντασίας, καὶ ὑετὸν χειμερινὸν δώσει αὐτοῖς, ἑκάστῳ βοτάνην ἐν ἀγρῷ.

Aiteîsthe hyetòn parà kyríou kath’ hṓran próimon kaì ópsimon: kýrios epoíēsen phantasías, kaì hyetòn cheimerinòn dṓsei autoîs, hekástōi botánēn en agrō̂i.

2
διότι οἱ ἀποϕθεγγόμενοι ἐλάλησαν κόπους, καὶ οἱ μάντεις ὁράσεις ψευδεῖς, καὶ τὰ ἐνύπνια ψευδῆ ἐλάλουν, μάταια παρεκάλουν· διὰ τοῦτο ἐξήρθησαν ὡς πρόβατα καὶ ἐκακώθησαν, διότι οὐκ ἦν ἴασις.

dióti hoi apophthengómenoi elálēsan kópous, kaì hoi mánteis horáseis pseudeîs, kaì tà enýpnia pseudē̂ eláloun, mátaia parekáloun: dià toûto exḗrthēsan hōs próbata kaì ekakṓthēsan, dióti ouk ē̂n íasis.

3
ἐπὶ τοὺς ποιμένας παρωξύνθη ὁ θυμός μου, καὶ ἐπὶ τοὺς ἀμνοὺς ἐπισκέψομαι· καὶ ἐπισκέψεται κύριος ὁ θεὸς ὁ παντοκράτωρ τὸ ποίμνιον αὐτοῦ τὸν οἶκον Ιουδα καὶ τάξει αὐτοὺς ὡς ἵππον εὐπρεπῆ αὐτοῦ ἐν πολέμῳ.

epì toùs poiménas parōxýnthē ho thymós mou, kaì epì toùs amnoùs episképsomai: kaì episképsetai kýrios ho theòs ho pantokrátōr tò poímnion autoû tòn oîkon Iouda kaì táxei autoùs hōs híppon euprepē̂ autoû en polémōi.

4
καὶ ἐξ αὐτοῦ ἐπέβλεψεν καὶ ἐξ αὐτοῦ ἔταξεν, καὶ ἐξ αὐτοῦ τόξον ἐν θυμῷ· ἐξ αὐτοῦ ἐξελεύσεται πᾶς ὁ ἐξελαύνων ἐν τῷ αὐτῷ.

kaì ex autoû epéblepsen kaì ex autoû étaxen, kaì ex autoû tóxon en thymō̂i: ex autoû exeleúsetai pâs ho exelaúnōn en tō̂i autō̂i.

5
καὶ ἔσονται ὡς μαχηταὶ πατοῦντες πηλὸν ἐν ταῖς ὁδοῖς ἐν πολέμῳ καὶ παρατάξονται, διότι κύριος μετ’ αὐτῶν, καὶ καταισχυνθήσονται ἀναβάται ἵππων.

kaì ésontai hōs machētaì patoûntes pēlòn en taîs hodoîs en polémōi kaì paratáxontai, dióti kýrios met’ autō̂n, kaì kataischynthḗsontai anabátai híppōn.

6
καὶ κατισχύσω τὸν οἶκον Ιουδα καὶ τὸν οἶκον Ιωσηϕ σώσω καὶ κατοικιῶ αὐτούς, ὅτι ἠγάπησα αὐτούς, καὶ ἔσονται ὃν τρόπον οὐκ ἀπεστρεψάμην αὐτούς, διότι ἐγὼ κύριος ὁ θεὸς αὐτῶν καὶ ἐπακούσομαι αὐτοῖς.

kaì katischýsō tòn oîkon Iouda kaì tòn oîkon Iōsēph sṓsō kaì katoikiō̂ autoús, hóti ēgápēsa autoús, kaì ésontai hòn trópon ouk apestrepsámēn autoús, dióti egṑ kýrios ho theòs autō̂n kaì epakoúsomai autoîs.

7
καὶ ἔσονται ὡς μαχηταὶ τοῦ Εϕραιμ, καὶ χαρήσεται ἡ καρδία αὐτῶν ὡς ἐν οἴνῳ· καὶ τὰ τέκνα αὐτῶν ὄψονται καὶ εὐϕρανθήσονται, καὶ χαρεῖται ἡ καρδία αὐτῶν ἐπὶ τῷ κυρίῳ.

kaì ésontai hōs machētaì toû Ephraim, kaì charḗsetai hē kardía autō̂n hōs en oínōi: kaì tà tékna autō̂n ópsontai kaì euphranthḗsontai, kaì chareîtai hē kardía autō̂n epì tō̂i kyríōi.

8
σημανῶ αὐτοῖς καὶ εἰσδέξομαι αὐτούς, διότι λυτρώσομαι αὐτούς, καὶ πληθυνθήσονται καθότι ἦσαν πολλοί·

sēmanō̂ autoîs kaì eisdéxomai autoús, dióti lytrṓsomai autoús, kaì plēthynthḗsontai kathóti ē̂san polloí:

9
καὶ σπερῶ αὐτοὺς ἐν λαοῖς, καὶ οἱ μακρὰν μνησθήσονταί μου, ἐκθρέψουσιν τὰ τέκνα αὐτῶν καὶ ἐπιστρέψουσιν.

kaì sperō̂ autoùs en laoîs, kaì hoi makràn mnēsthḗsontaí mou, ekthrépsousin tà tékna autō̂n kaì epistrépsousin.

10
καὶ ἐπιστρέψω αὐτοὺς ἐκ γῆς Αἰγύπτου καὶ ἐξ ’Ασσυρίων εἰσδέξομαι αὐτοὺς καὶ εἰς τὴν Γαλααδῖτιν καὶ εἰς τὸν Λίβανον εἰσάξω αὐτούς, καὶ οὐ μὴ ὑπολειϕθῇ ἐξ αὐτῶν οὐδὲ εἷς·

kaì epistrépsō autoùs ek gē̂s Aigýptou kaì ex ’Assyríōn eisdéxomai autoùs kaì eis tḕn Galaadîtin kaì eis tòn Líbanon eisáxō autoús, kaì ou mḕ hypoleiphthē̂i ex autō̂n oudè heîs:

11
καὶ διελεύσονται ἐν θαλάσσῃ στενῇ καὶ πατάξουσιν ἐν θαλάσσῃ κύματα, καὶ ξηρανθήσεται πάντα τὰ βάθη ποταμῶν, καὶ ἀϕαιρεθήσεται πᾶσα ὕβρις ’Ασσυρίων, καὶ σκῆπτρον Αἰγύπτου περιαιρεθήσεται.

kaì dieleúsontai en thalássēi stenē̂i kaì patáxousin en thalássēi kýmata, kaì xēranthḗsetai pánta tà báthē potamō̂n, kaì aphairethḗsetai pâsa hýbris ’Assyríōn, kaì skē̂ptron Aigýptou periairethḗsetai.

12
καὶ κατισχύσω αὐτοὺς ἐν κυρίῳ θεῷ αὐτῶν, καὶ ἐν τῷ ὀνόματι αὐτοῦ κατακαυχήσονται, λέγει κύριος.

kaì katischýsō autoùs en kyríōi theō̂i autō̂n, kaì en tō̂i onómati autoû katakauchḗsontai, légei kýrios.