Bibles in ancient languages
Old translations
Modern translations

Septante Zacharie 12

Pentateuch
Historical books
Poetical Writings
Prophetic Books
Chapter
Verses
1
Λῆμμα λόγου κυρίου ἐπὶ τὸν Ισραηλ· λέγει κύριος ἐκτείνων οὐρανὸν καὶ θεμελιῶν γῆν καὶ πλάσσων πνεῦμα ἀνθρώπου ἐν αὐτῷ

Lē̂mma lógou kyríou epì tòn Israēl: légei kýrios ekteínōn ouranòn kaì themeliō̂n gē̂n kaì plássōn pneûma anthrṓpou en autō̂i

2
’Ιδοὺ ἐγὼ τίθημι τὴν Ιερουσαλημ ὡς πρόθυρα σαλευόμενα πᾶσι τοῖς λαοῖς κύκλῳ, καὶ ἐν τῇ Ιουδαίᾳ ἔσται περιοχὴ ἐπὶ Ιερουσαλημ.

’Idoù egṑ títhēmi tḕn Ierousalēm hōs próthyra saleuómena pâsi toîs laoîs kýklōi, kaì en tē̂i Ioudaíāi éstai periochḕ epì Ierousalēm.

3
καὶ ἔσται ἐν τῇ ἡμέρᾳ ἐκείνῃ θήσομαι τὴν Ιερουσαλημ λίθον καταπατούμενον πᾶσιν τοῖς ἔθνεσιν· πᾶς ὁ καταπατῶν αὐτὴν ἐμπαίζων ἐμπαίξεται, καὶ ἐπισυναχθήσονται ἐπ’ αὐτὴν πάντα τὰ ἔθνη τῆς γῆς.

kaì éstai en tē̂i hēmérāi ekeínēi thḗsomai tḕn Ierousalēm líthon katapatoúmenon pâsin toîs éthnesin: pâs ho katapatō̂n autḕn empaízōn empaíxetai, kaì episynachthḗsontai ep’ autḕn pánta tà éthnē tē̂s gē̂s.

4
ἐν τῇ ἡμέρᾳ ἐκείνῃ, λέγει κύριος παντοκράτωρ, πατάξω πάντα ἵππον ἐν ἐκστάσει καὶ τὸν ἀναβάτην αὐτοῦ ἐν παραϕρονήσει, ἐπὶ δὲ τὸν οἶκον Ιουδα διανοίξω τοὺς ὀϕθαλμούς μου καὶ πάντας τοὺς ἵππους τῶν λαῶν πατάξω ἐν ἀποτυϕλώσει.

en tē̂i hēmérāi ekeínēi, légei kýrios pantokrátōr, patáxō pánta híppon en ekstásei kaì tòn anabátēn autoû en paraphronḗsei, epì dè tòn oîkon Iouda dianoíxō toùs ophthalmoús mou kaì pántas toùs híppous tō̂n laō̂n patáxō en apotyphlṓsei.

5
καὶ ἐροῦσιν οἱ χιλίαρχοι Ιουδα ἐν ταῖς καρδίαις αὐτῶν Εὑρήσομεν ἑαυτοῖς τοὺς κατοικοῦντας Ιερουσαλημ ἐν κυρίῳ παντοκράτορι θεῷ αὐτῶν.

kaì eroûsin hoi chilíarchoi Iouda en taîs kardíais autō̂n Heurḗsomen heautoîs toùs katoikoûntas Ierousalēm en kyríōi pantokrátori theō̂i autō̂n.

6
ἐν τῇ ἡμέρᾳ ἐκείνῃ θήσομαι τοὺς χιλιάρχους Ιουδα ὡς δαλὸν πυρὸς ἐν ξύλοις καὶ ὡς λαμπάδα πυρὸς ἐν καλάμῃ, καὶ καταϕάγονται ἐκ δεξιῶν καὶ ἐξ εὐωνύμων πάντας τοὺς λαοὺς κυκλόθεν, καὶ κατοικήσει Ιερουσαλημ ἔτι καθ’ ἑαυτήν.

en tē̂i hēmérāi ekeínēi thḗsomai toùs chiliárchous Iouda hōs dalòn pyròs en xýlois kaì hōs lampáda pyròs en kalámēi, kaì kataphágontai ek dexiō̂n kaì ex euōnýmōn pántas toùs laoùs kyklóthen, kaì katoikḗsei Ierousalēm éti kath’ heautḗn.

7
καὶ σώσει κύριος τὰ σκηνώματα Ιουδα καθὼς ἀπ’ ἀρχῆς, ὅπως μὴ μεγαλύνηται καύχημα οἴκου Δαυιδ καὶ ἔπαρσις τῶν κατοικούντων Ιερουσαλημ ἐπὶ τὸν Ιουδαν.

kaì sṓsei kýrios tà skēnṓmata Iouda kathṑs ap’ archē̂s, hópōs mḕ megalýnētai kaúchēma oíkou Dauid kaì éparsis tō̂n katoikoúntōn Ierousalēm epì tòn Ioudan.

8
καὶ ἔσται ἐν τῇ ἡμέρᾳ ἐκείνῃ ὑπερασπιεῖ κύριος ὑπὲρ τῶν κατοικούντων Ιερουσαλημ, καὶ ἔσται ὁ ἀσθενῶν ἐν αὐτοῖς ἐν ἐκείνῃ τῇ ἡμέρᾳ ὡς οἶκος Δαυιδ, ὁ δὲ οἶκος Δαυιδ ὡς οἶκος θεοῦ, ὡς ἄγγελος κυρίου ἐνώπιον αὐτῶν.

kaì éstai en tē̂i hēmérāi ekeínēi hyperaspieî kýrios hypèr tō̂n katoikoúntōn Ierousalēm, kaì éstai ho asthenō̂n en autoîs en ekeínēi tē̂i hēmérāi hōs oîkos Dauid, ho dè oîkos Dauid hōs oîkos theoû, hōs ángelos kyríou enṓpion autō̂n.

9
καὶ ἔσται ἐν τῇ ἡμέρᾳ ἐκείνῃ ζητήσω τοῦ ἐξᾶραι πάντα τὰ ἔθνη τὰ ἐπερχόμενα ἐπὶ Ιερουσαλημ.

kaì éstai en tē̂i hēmérāi ekeínēi zētḗsō toû exârai pánta tà éthnē tà eperchómena epì Ierousalēm.

10
καὶ ἐκχεῶ ἐπὶ τὸν οἶκον Δαυιδ καὶ ἐπὶ τοὺς κατοικοῦντας Ιερουσαλημ πνεῦμα χάριτος καὶ οἰκτιρμοῦ, καὶ ἐπιβλέψονται πρός με ἀνθ’ ὧν κατωρχήσαντο καὶ κόψονται ἐπ’ αὐτὸν κοπετὸν ὡς ἐπ’ ἀγαπητὸν καὶ ὀδυνηθήσονται ὀδύνην ὡς ἐπὶ πρωτοτόκῳ.

kaì ekcheō̂ epì tòn oîkon Dauid kaì epì toùs katoikoûntas Ierousalēm pneûma cháritos kaì oiktirmoû, kaì epiblépsontai prós me anth’ hō̂n katōrchḗsanto kaì kópsontai ep’ autòn kopetòn hōs ep’ agapētòn kaì odynēthḗsontai odýnēn hōs epì prōtotókōi.

11
ἐν τῇ ἡμέρᾳ ἐκείνῃ μεγαλυνθήσεται ὁ κοπετὸς ἐν Ιερουσαλημ ὡς κοπετὸς ῥοῶνος ἐν πεδίῳ ἐκκοπτομένου,

en tē̂i hēmérāi ekeínēi megalynthḗsetai ho kopetòs en Ierousalēm hōs kopetòs rhoō̂nos en pedíōi ekkoptoménou,

12
καὶ κόψεται ἡ γῆ κατὰ ϕυλὰς ϕυλάς, ϕυλὴ καθ’ ἑαυτὴν καὶ αἱ γυναῖκες αὐτῶν καθ’ ἑαυτάς, ϕυλὴ οἴκου Δαυιδ καθ’ ἑαυτὴν καὶ αἱ γυναῖκες αὐτῶν καθ’ ἑαυτάς, ϕυλὴ οἴκου Ναθαν καθ’ ἑαυτὴν καὶ αἱ γυναῖκες αὐτῶν καθ’ ἑαυτάς,

kaì kópsetai hē gē̂ katà phylàs phylás, phylḕ kath’ heautḕn kaì hai gynaîkes autō̂n kath’ heautás, phylḕ oíkou Dauid kath’ heautḕn kaì hai gynaîkes autō̂n kath’ heautás, phylḕ oíkou Nathan kath’ heautḕn kaì hai gynaîkes autō̂n kath’ heautás,

13
ϕυλὴ οἴκου Λευι καθ’ ἑαυτὴν καὶ αἱ γυναῖκες αὐτῶν καθ’ ἑαυτάς, ϕυλὴ τοῦ Συμεων καθ’ ἑαυτὴν καὶ αἱ γυναῖκες αὐτῶν καθ’ ἑαυτάς,

phylḕ oíkou Leui kath’ heautḕn kaì hai gynaîkes autō̂n kath’ heautás, phylḕ toû Symeōn kath’ heautḕn kaì hai gynaîkes autō̂n kath’ heautás,

14
πᾶσαι αἱ ϕυλαὶ αἱ ὑπολελειμμέναι ϕυλὴ καθ’ ἑαυτὴν καὶ αἱ γυναῖκες αὐτῶν καθ’ ἑαυτάς.

pâsai hai phylaì hai hypoleleimménai phylḕ kath’ heautḕn kaì hai gynaîkes autō̂n kath’ heautás.