Bibles in ancient languages
Old translations
Modern translations

Septante Zacharie 14

Pentateuch
Historical books
Poetical Writings
Prophetic Books
Chapter
Verses
1
’Ιδοὺ ἡμέραι ἔρχονται τοῦ κυρίου, καὶ διαμερισθήσεται τὰ σκῦλά σου ἐν σοί.

’Idoù hēmérai érchontai toû kyríou, kaì diameristhḗsetai tà skŷlá sou en soí.
2
καὶ ἐπισυνάξω πάντα τὰ ἔθνη ἐπὶ Ιερουσαλημ εἰς πόλεμον, καὶ ἁλώσεται ἡ πόλις, καὶ διαρπαγήσονται αἱ οἰκίαι, καὶ αἱ γυναῖκες μολυνθήσονται, καὶ ἐξελεύσεται τὸ ἥμισυ τῆς πόλεως ἐν αἰχμαλωσίᾳ, οἱ δὲ κατάλοιποι τοῦ λαοῦ μου οὐ μὴ ἐξολεθρευθῶσιν ἐκ τῆς πόλεως.

kaì episynáxō pánta tà éthnē epì Ierousalēm eis pólemon, kaì halṓsetai hē pólis, kaì diarpagḗsontai hai oikíai, kaì hai gynaîkes molynthḗsontai, kaì exeleúsetai tò hḗmisy tē̂s póleōs en aichmalōsíāi, hoi dè katáloipoi toû laoû mou ou mḕ exolethreuthō̂sin ek tē̂s póleōs.
3
καὶ ἐξελεύσεται κύριος καὶ παρατάξεται ἐν τοῖς ἔθνεσιν ἐκείνοις καθὼς ἡμέρα παρατάξεως αὐτοῦ ἐν ἡμέρᾳ πολέμου.

kaì exeleúsetai kýrios kaì paratáxetai en toîs éthnesin ekeínois kathṑs hēméra paratáxeōs autoû en hēmérāi polémou.
4
καὶ στήσονται οἱ πόδες αὐτοῦ ἐν τῇ ἡμέρᾳ ἐκείνῃ ἐπὶ τὸ ὄρος τῶν ἐλαιῶν τὸ κατέναντι Ιερουσαλημ ἐξ ἀνατολῶν· καὶ σχισθήσεται τὸ ὄρος τῶν ἐλαιῶν, τὸ ἥμισυ αὐτοῦ πρὸς ἀνατολὰς καὶ τὸ ἥμισυ αὐτοῦ πρὸς θάλασσαν, χάος μέγα σϕόδρα· καὶ κλινεῖ τὸ ἥμισυ τοῦ ὄρους πρὸς βορρᾶν καὶ τὸ ἥμισυ αὐτοῦ πρὸς νότον.

kaì stḗsontai hoi pódes autoû en tē̂i hēmérāi ekeínēi epì tò óros tō̂n elaiō̂n tò katénanti Ierousalēm ex anatolō̂n: kaì schisthḗsetai tò óros tō̂n elaiō̂n, tò hḗmisy autoû pròs anatolàs kaì tò hḗmisy autoû pròs thálassan, cháos méga sphódra: kaì klineî tò hḗmisy toû órous pròs borrân kaì tò hḗmisy autoû pròs nóton.
5
καὶ ἐμϕραχθήσεται ϕάραγξ ὀρέων μου, καὶ ἐγκολληθήσεται ϕάραγξ ὀρέων ἕως Ιασολ καὶ ἐμϕραχθήσεται καθὼς ἐνεϕράγη ἐν ταῖς ἡμέραις τοῦ σεισμοῦ ἐν ἡμέραις Οζιου βασιλέως Ιουδα· καὶ ἥξει κύριος ὁ θεός μου καὶ πάντες οἱ ἅγιοι μετ’ αὐτοῦ.

kaì emphrachthḗsetai pháranx oréōn mou, kaì enkollēthḗsetai pháranx oréōn héōs Iasol kaì emphrachthḗsetai kathṑs enephrágē en taîs hēmérais toû seismoû en hēmérais Oziou basiléōs Iouda: kaì hḗxei kýrios ho theós mou kaì pántes hoi hágioi met’ autoû.
6
ἐν ἐκείνῃ τῇ ἡμέρᾳ οὐκ ἔσται ϕῶς καὶ ψῦχος καὶ πάγος·

en ekeínēi tē̂i hēmérāi ouk éstai phō̂s kaì psŷchos kaì págos:
7
ἔσται μίαν ἡμέραν, καὶ ἡ ἡμέρα ἐκείνη γνωστὴ τῷ κυρίῳ, καὶ οὐχ ἡμέρα καὶ οὐ νύξ, καὶ πρὸς ἑσπέραν ἔσται ϕῶς.

éstai mían hēméran, kaì hē hēméra ekeínē gnōstḕ tō̂i kyríōi, kaì ouch hēméra kaì ou nýx, kaì pròs hespéran éstai phō̂s.
8
καὶ ἐν τῇ ἡμέρᾳ ἐκείνῃ ἐξελεύσεται ὕδωρ ζῶν ἐξ Ιερουσαλημ, τὸ ἥμισυ αὐτοῦ εἰς τὴν θάλασσαν τὴν πρώτην καὶ τὸ ἥμισυ αὐτοῦ εἰς τὴν θάλασσαν τὴν ἐσχάτην, καὶ ἐν θέρει καὶ ἐν ἔαρι ἔσται οὕτως.

kaì en tē̂i hēmérāi ekeínēi exeleúsetai hýdōr zō̂n ex Ierousalēm, tò hḗmisy autoû eis tḕn thálassan tḕn prṓtēn kaì tò hḗmisy autoû eis tḕn thálassan tḕn eschátēn, kaì en thérei kaì en éari éstai hoútōs.
9
καὶ ἔσται κύριος εἰς βασιλέα ἐπὶ πᾶσαν τὴν γῆν· ἐν τῇ ἡμέρᾳ ἐκείνῃ ἔσται κύριος εἷς καὶ τὸ ὄνομα αὐτοῦ ἕν.

kaì éstai kýrios eis basiléa epì pâsan tḕn gē̂n: en tē̂i hēmérāi ekeínēi éstai kýrios heîs kaì tò ónoma autoû hén.
10
κυκλῶν πᾶσαν τὴν γῆν καὶ τὴν ἔρημον ἀπὸ Γαβε ἕως Ρεμμων κατὰ νότον Ιερουσαλημ· Ραμα δὲ ἐπὶ τόπου μενεῖ ἀπὸ τῆς πύλης Βενιαμιν ἕως τοῦ τόπου τῆς πύλης τῆς πρώτης, ἕως τῆς πύλης τῶν γωνιῶν καὶ ἕως τοῦ πύργου Ανανεηλ, ἕως τῶν ὑποληνίων τοῦ βασιλέως.

kyklō̂n pâsan tḕn gē̂n kaì tḕn érēmon apò Gabe héōs Remmōn katà nóton Ierousalēm: Rama dè epì tópou meneî apò tē̂s pýlēs Beniamin héōs toû tópou tē̂s pýlēs tē̂s prṓtēs, héōs tē̂s pýlēs tō̂n gōniō̂n kaì héōs toû pýrgou Ananeēl, héōs tō̂n hypolēníōn toû basiléōs.
11
κατοικήσουσιν ἐν αὐτῇ, καὶ οὐκ ἔσται ἀνάθεμα ἔτι, καὶ κατοικήσει Ιερουσαλημ πεποιθότως.

katoikḗsousin en autē̂i, kaì ouk éstai anáthema éti, kaì katoikḗsei Ierousalēm pepoithótōs.
12
Καὶ αὕτη ἔσται ἡ πτῶσις, ἣν κόψει κύριος πάντας τοὺς λαούς, ὅσοι ἐπεστράτευσαν ἐπὶ Ιερουσαλημ· τακήσονται αἱ σάρκες αὐτῶν ἑστηκότων αὐτῶν ἐπὶ τοὺς πόδας αὐτῶν, καὶ οἱ ὀϕθαλμοὶ αὐτῶν ῥυήσονται ἐκ τῶν ὀπῶν αὐτῶν, καὶ ἡ γλῶσσα αὐτῶν τακήσεται ἐν τῷ στόματι αὐτῶν.

Kaì haútē éstai hē ptō̂sis, hḕn kópsei kýrios pántas toùs laoús, hósoi epestráteusan epì Ierousalēm: takḗsontai hai sárkes autō̂n hestēkótōn autō̂n epì toùs pódas autō̂n, kaì hoi ophthalmoì autō̂n rhyḗsontai ek tō̂n opō̂n autō̂n, kaì hē glō̂ssa autō̂n takḗsetai en tō̂i stómati autō̂n.
13
καὶ ἔσται ἐν τῇ ἡμέρᾳ ἐκείνῃ ἔκστασις κυρίου ἐπ’ αὐτοὺς μεγάλη, καὶ ἐπιλήμψονται ἕκαστος τῆς χειρὸς τοῦ πλησίον αὐτοῦ, καὶ συμπλακήσεται ἡ χεὶρ αὐτοῦ πρὸς χεῖρα τοῦ πλησίον αὐτοῦ.

kaì éstai en tē̂i hēmérāi ekeínēi ékstasis kyríou ep’ autoùs megálē, kaì epilḗmpsontai hékastos tē̂s cheiròs toû plēsíon autoû, kaì symplakḗsetai hē cheìr autoû pròs cheîra toû plēsíon autoû.
14
καὶ ὁ Ιουδας παρατάξεται ἐν Ιερουσαλημ καὶ συνάξει τὴν ἰσχὺν πάντων τῶν λαῶν κυκλόθεν, χρυσίον καὶ ἀργύριον καὶ ἱματισμὸν εἰς πλῆθος σϕόδρα.

kaì ho Ioudas paratáxetai en Ierousalēm kaì synáxei tḕn ischỳn pántōn tō̂n laō̂n kyklóthen, chrysíon kaì argýrion kaì himatismòn eis plē̂thos sphódra.
15
καὶ αὕτη ἔσται ἡ πτῶσις τῶν ἵππων καὶ τῶν ἡμιόνων καὶ τῶν καμήλων καὶ τῶν ὄνων καὶ πάντων τῶν κτηνῶν τῶν ὄντων ἐν ταῖς παρεμβολαῖς ἐκείναις κατὰ τὴν πτῶσιν ταύτην.

kaì haútē éstai hē ptō̂sis tō̂n híppōn kaì tō̂n hēmiónōn kaì tō̂n kamḗlōn kaì tō̂n ónōn kaì pántōn tō̂n ktēnō̂n tō̂n óntōn en taîs parembolaîs ekeínais katà tḕn ptō̂sin taútēn.
16
καὶ ἔσται ὅσοι ἐὰν καταλειϕθῶσιν ἐκ πάντων τῶν ἐθνῶν τῶν ἐλθόντων ἐπὶ Ιερουσαλημ, καὶ ἀναβήσονται κατ’ ἐνιαυτὸν τοῦ προσκυνῆσαι τῷ βασιλεῖ κυρίῳ παντοκράτορι καὶ τοῦ ἑορτάζειν τὴν ἑορτὴν τῆς σκηνοπηγίας.

kaì éstai hósoi eàn kataleiphthō̂sin ek pántōn tō̂n ethnō̂n tō̂n elthóntōn epì Ierousalēm, kaì anabḗsontai kat’ eniautòn toû proskynē̂sai tō̂i basileî kyríōi pantokrátori kaì toû heortázein tḕn heortḕn tē̂s skēnopēgías.
17
καὶ ἔσται ὅσοι ἐὰν μὴ ἀναβῶσιν ἐκ πασῶν τῶν ϕυλῶν τῆς γῆς εἰς Ιερουσαλημ τοῦ προσκυνῆσαι τῷ βασιλεῖ κυρίῳ παντοκράτορι, καὶ οὗτοι ἐκείνοις προστεθήσονται.

kaì éstai hósoi eàn mḕ anabō̂sin ek pasō̂n tō̂n phylō̂n tē̂s gē̂s eis Ierousalēm toû proskynē̂sai tō̂i basileî kyríōi pantokrátori, kaì hoûtoi ekeínois prostethḗsontai.
18
ἐὰν δὲ ϕυλὴ Αἰγύπτου μὴ ἀναβῇ μηδὲ ἔλθῃ ἐκεῖ, καὶ ἐπὶ τούτοις ἔσται ἡ πτῶσις, ἣν πατάξει κύριος πάντα τὰ ἔθνη, ὅσα ἐὰν μὴ ἀναβῇ τοῦ ἑορτάσαι τὴν ἑορτὴν τῆς σκηνοπηγίας.

eàn dè phylḕ Aigýptou mḕ anabē̂i mēdè élthēi ekeî, kaì epì toútois éstai hē ptō̂sis, hḕn patáxei kýrios pánta tà éthnē, hósa eàn mḕ anabē̂i toû heortásai tḕn heortḕn tē̂s skēnopēgías.
19
αὕτη ἔσται ἡ ἁμαρτία Αἰγύπτου καὶ ἡ ἁμαρτία πάντων τῶν ἐθνῶν, ὅσα ἂν μὴ ἀναβῇ τοῦ ἑορτάσαι τὴν ἑορτὴν τῆς σκηνοπηγίας.

haútē éstai hē hamartía Aigýptou kaì hē hamartía pántōn tō̂n ethnō̂n, hósa àn mḕ anabē̂i toû heortásai tḕn heortḕn tē̂s skēnopēgías.
20
ἐν τῇ ἡμέρᾳ ἐκείνῃ ἔσται τὸ ἐπὶ τὸν χαλινὸν τοῦ ἵππου ἅγιον τῷ κυρίῳ παντοκράτορι, καὶ ἔσονται οἱ λέβητες οἱ ἐν τῷ οἴκῳ κυρίου ὡς ϕιάλαι πρὸ προσώπου τοῦ θυσιαστηρίου,

en tē̂i hēmérāi ekeínēi éstai tò epì tòn chalinòn toû híppou hágion tō̂i kyríōi pantokrátori, kaì ésontai hoi lébētes hoi en tō̂i oíkōi kyríou hōs phiálai prò prosṓpou toû thysiastēríou,
21
καὶ ἔσται πᾶς λέβης ἐν Ιερουσαλημ καὶ ἐν τῷ Ιουδα ἅγιον τῷ κυρίῳ παντοκράτορι· καὶ ἥξουσιν πάντες οἱ θυσιάζοντες καὶ λήμψονται ἐξ αὐτῶν καὶ ἑψήσουσιν ἐν αὐτοῖς. καὶ οὐκ ἔσται Χαναναῖος οὐκέτι ἐν τῷ οἴκῳ κυρίου παντοκράτορος ἐν τῇ ἡμέρᾳ ἐκείνῃ.

kaì éstai pâs lébēs en Ierousalēm kaì en tō̂i Iouda hágion tō̂i kyríōi pantokrátori: kaì hḗxousin pántes hoi thysiázontes kaì lḗmpsontai ex autō̂n kaì hepsḗsousin en autoîs. kaì ouk éstai Chananaîos oukéti en tō̂i oíkōi kyríou pantokrátoros en tē̂i hēmérāi ekeínēi.