Bibles in ancient languages
Old translations
Modern translations

Septante Zacharie 6

Pentateuch
Historical books
Poetical Writings
Prophetic Books
Chapter
Verses
1
Καὶ ἐπέστρεψα καὶ ἦρα τοὺς ὀϕθαλμούς μου καὶ εἶδον καὶ ἰδοὺ τέσσαρα ἅρματα ἐκπορευόμενα ἐκ μέσου δύο ὀρέων, καὶ τὰ ὄρη ἦν ὄρη χαλκᾶ.

Kaì epéstrepsa kaì ē̂ra toùs ophthalmoús mou kaì eîdon kaì idoù téssara hármata ekporeuómena ek mésou dýo oréōn, kaì tà órē ē̂n órē chalkâ.
2
ἐν τῷ ἅρματι τῷ πρώτῳ ἵπποι πυρροί, καὶ ἐν τῷ ἅρματι τῷ δευτέρῳ ἵπποι μέλανες,

en tō̂i hármati tō̂i prṓtōi híppoi pyrroí, kaì en tō̂i hármati tō̂i deutérōi híppoi mélanes,
3
καὶ ἐν τῷ ἅρματι τῷ τρίτῳ ἵπποι λευκοί, καὶ ἐν τῷ ἅρματι τῷ τετάρτῳ ἵπποι ποικίλοι ψαροί.

kaì en tō̂i hármati tō̂i trítōi híppoi leukoí, kaì en tō̂i hármati tō̂i tetártōi híppoi poikíloi psaroí.
4
καὶ ἀπεκρίθην καὶ εἶπα πρὸς τὸν ἄγγελον τὸν λαλοῦντα ἐν ἐμοί Τί ἐστιν ταῦτα, κύριε;

kaì apekríthēn kaì eîpa pròs tòn ángelon tòn laloûnta en emoí Tí estin taûta, kýrie?
5
καὶ ἀπεκρίθη ὁ ἄγγελος ὁ λαλῶν ἐν ἐμοὶ καὶ εἶπεν Ταῦτά ἐστιν οἱ τέσσαρες ἄνεμοι τοῦ οὐρανοῦ, ἐκπορεύονται παραστῆναι τῷ κυρίῳ πάσης τῆς γῆς·

kaì apekríthē ho ángelos ho lalō̂n en emoì kaì eîpen Taûtá estin hoi téssares ánemoi toû ouranoû, ekporeúontai parastē̂nai tō̂i kyríōi pásēs tē̂s gē̂s:
6
ἐν ᾧ ἦσαν οἱ ἵπποι οἱ μέλανες, ἐξεπορεύοντο ἐπὶ γῆν βορρᾶ, καὶ οἱ λευκοὶ ἐξεπορεύοντο κατόπισθεν αὐτῶν, καὶ οἱ ποικίλοι ἐξεπορεύοντο ἐπὶ γῆν νότου,

en hō̂i ē̂san hoi híppoi hoi mélanes, exeporeúonto epì gē̂n borrâ, kaì hoi leukoì exeporeúonto katópisthen autō̂n, kaì hoi poikíloi exeporeúonto epì gē̂n nótou,
7
καὶ οἱ ψαροὶ ἐξεπορεύοντο καὶ ἐπέβλεπον τοῦ πορεύεσθαι τοῦ περιοδεῦσαι τὴν γῆν. καὶ εἶπεν Πορεύεσθε καὶ περιοδεύσατε τὴν γῆν· καὶ περιώδευσαν τὴν γῆν.

kaì hoi psaroì exeporeúonto kaì epéblepon toû poreúesthai toû periodeûsai tḕn gē̂n. kaì eîpen Poreúesthe kaì periodeúsate tḕn gē̂n: kaì periṓdeusan tḕn gē̂n.
8
καὶ ἀνεβόησεν καὶ ἐλάλησεν πρός με λέγων ’Ιδοὺ οἱ ἐκπορευόμενοι ἐπὶ γῆν βορρᾶ ἀνέπαυσαν τὸν θυμόν μου ἐν γῇ βορρᾶ.

kaì anebóēsen kaì elálēsen prós me légōn ’Idoù hoi ekporeuómenoi epì gē̂n borrâ anépausan tòn thymón mou en gē̂i borrâ.
9
Καὶ ἐγένετο λόγος κυρίου πρός με λέγων

Kaì egéneto lógos kyríou prós me légōn
10
Λαβὲ τὰ ἐκ τῆς αἰχμαλωσίας παρὰ τῶν ἀρχόντων καὶ παρὰ τῶν χρησίμων αὐτῆς καὶ παρὰ τῶν ἐπεγνωκότων αὐτὴν καὶ εἰσελεύσῃ σὺ ἐν τῇ ἡμέρᾳ ἐκείνῃ εἰς τὸν οἶκον Ιωσιου τοῦ Σοϕονιου τοῦ ἥκοντος ἐκ Βαβυλῶνος

Labè tà ek tē̂s aichmalōsías parà tō̂n archóntōn kaì parà tō̂n chrēsímōn autē̂s kaì parà tō̂n epegnōkótōn autḕn kaì eiseleúsēi sỳ en tē̂i hēmérāi ekeínēi eis tòn oîkon Iōsiou toû Sophoniou toû hḗkontos ek Babylō̂nos
11
καὶ λήψῃ ἀργύριον καὶ χρυσίον καὶ ποιήσεις στεϕάνους καὶ ἐπιθήσεις ἐπὶ τὴν κεϕαλὴν ’Ιησοῦ τοῦ Ιωσεδεκ τοῦ ἱερέως τοῦ μεγάλου

kaì lḗpsēi argýrion kaì chrysíon kaì poiḗseis stephánous kaì epithḗseis epì tḕn kephalḕn ’Iēsoû toû Iōsedek toû hieréōs toû megálou
12
καὶ ἐρεῖς πρὸς αὐτόν Τάδε λέγει κύριος παντοκράτωρ ’Ιδοὺ ἀνήρ, ’Ανατολὴ ὄνομα αὐτῷ, καὶ ὑποκάτωθεν αὐτοῦ ἀνατελεῖ, καὶ οἰκοδομήσει τὸν οἶκον κυρίου·

kaì ereîs pròs autón Táde légei kýrios pantokrátōr ’Idoù anḗr, ’Anatolḕ ónoma autō̂i, kaì hypokátōthen autoû anateleî, kaì oikodomḗsei tòn oîkon kyríou:
13
καὶ αὐτὸς λήμψεται ἀρετὴν καὶ καθίεται καὶ κατάρξει ἐπὶ τοῦ θρόνου αὐτοῦ, καὶ ἔσται ὁ ἱερεὺς ἐκ δεξιῶν αὐτοῦ, καὶ βουλὴ εἰρηνικὴ ἔσται ἀνὰ μέσον ἀμϕοτέρων.

kaì autòs lḗmpsetai aretḕn kaì kathíetai kaì katárxei epì toû thrónou autoû, kaì éstai ho hiereùs ek dexiō̂n autoû, kaì boulḕ eirēnikḕ éstai anà méson amphotérōn.
14
ὁ δὲ στέϕανος ἔσται τοῖς ὑπομένουσιν καὶ τοῖς χρησίμοις αὐτῆς καὶ τοῖς ἐπεγνωκόσιν αὐτὴν καὶ εἰς χάριτα υἱοῦ Σοϕονιου καὶ εἰς ψαλμὸν ἐν οἴκῳ κυρίου.

ho dè stéphanos éstai toîs hypoménousin kaì toîs chrēsímois autē̂s kaì toîs epegnōkósin autḕn kaì eis chárita hyioû Sophoniou kaì eis psalmòn en oíkōi kyríou.
15
καὶ οἱ μακρὰν ἀπ’ αὐτῶν ἥξουσιν καὶ οἰκοδομήσουσιν ἐν τῷ οἴκῳ κυρίου, καὶ γνώσεσθε διότι κύριος παντοκράτωρ ἀπέσταλκέν με πρὸς ὑμᾶς· καὶ ἔσται, ἐὰν εἰσακούοντες εἰσακούσητε τῆς ϕωνῆς κυρίου τοῦ θεοῦ ὑμῶν.

kaì hoi makràn ap’ autō̂n hḗxousin kaì oikodomḗsousin en tō̂i oíkōi kyríou, kaì gnṓsesthe dióti kýrios pantokrátōr apéstalkén me pròs hymâs: kaì éstai, eàn eisakoúontes eisakoúsēte tē̂s phōnē̂s kyríou toû theoû hymō̂n.