Bibles in ancient languages
Old translations
Modern translations

Biblia Hebraica Stuttgartensia 1 Chroniques 4:26

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
בְּנֵ֖י יְהוּדָ֑ה פֶּ֧רֶץ חֶצְרֹ֛ון וְכַרְמִ֖י וְח֥וּר וְשֹׁובָֽל׃

bĕ̇né֖y yĕhẇdá֑h pė֧reẕ ẖeẕĕrò֛wn wĕkarĕmi֖y wĕẖ֥ẇr wĕşò̌wbáֽl׃

2
וּרְאָיָ֤ה בֶן־שֹׁובָל֙ הֹולִ֣יד אֶת־יַ֔חַת וְיַ֣חַת הֹלִ֔יד אֶת־אֲחוּמַ֖י וְאֶת־לָ֑הַד אֵ֖לֶּה מִשְׁפְּחֹ֥ות הַצָּֽרְעָתִֽי׃ ס

ẇrĕʼáyá֤h ben־şò̌wbál֙ hòwli֣yd ʼeţ־ya֔ẖaţ wĕya֣ẖaţ hòli֔yd ʼeţ־ʼàẖẇma֖y wĕʼeţ־lá֑had ʼé֖lėh mişĕ̌pĕ̇ẖò֥wţ haẕáֽ̇rĕʻáţiֽy׃ s

3
וְאֵ֨לֶּה֙ אֲבִ֣י עֵיטָ֔ם יִזְרְעֶ֥אל וְיִשְׁמָ֖א וְיִדְבָּ֑שׁ וְשֵׁ֥ם אֲחֹותָ֖ם הַצְלֶלְפֹּֽונִי׃

wĕʼé֨lėh֙ ʼàbi֣y ʻéytá֔m yizĕrĕʻe֥ʼl wĕyişĕ̌má֖ʼ wĕyidĕbá֑̇ş̌ wĕşé֥̌m ʼàẖòwţá֖m haẕĕlelĕpòֽ̇wniy׃

4
וּפְנוּאֵל֙ אֲבִ֣י גְדֹ֔ר וְעֵ֖זֶר אֲבִ֣י חוּשָׁ֑ה אֵ֤לֶּה בְנֵי־חוּר֙ בְּכֹ֣ור אֶפְרָ֔תָה אֲבִ֖י בֵּ֥ית לָֽחֶם׃

ẇpĕnẇʼél֙ ʼàbi֣y gĕdò֔r wĕʻé֖zer ʼàbi֣y ẖẇşá֑̌h ʼé֤lėh bĕnéy־ẖẇr֙ bĕ̇kò֣wr ʼepĕrá֔ţáh ʼàbi֖y bé֥̇yţ láֽẖem׃

5
וּלְאַשְׁחוּר֙ אֲבִ֣י תְקֹ֔ועַ הָי֖וּ שְׁתֵּ֣י נָשִׁ֑ים חֶלְאָ֖ה וְנַעֲרָֽה׃

ẇlĕʼaşĕ̌ẖẇr֙ ʼàbi֣y ţĕqò֔wʻa háy֖ẇ şĕ̌ţé֣̇y náşǐ֑ym ẖelĕʼá֖h wĕnaʻàráֽh׃

6
וַתֵּ֨לֶד לֹ֤ו נַעֲרָה֙ אֶת־אֲחֻזָּ֣ם וְאֶת־חֵ֔פֶר וְאֶת־תֵּימְנִ֖י וְאֶת־הָאֲחַשְׁתָּרִ֑י אֵ֖לֶּה בְּנֵ֥י נַעֲרָֽה׃

waţé̇֨led lò֤w naʻàráh֙ ʼeţ־ʼàẖuzá֣̇m wĕʼeţ־ẖé֔per wĕʼeţ־ţé̇ymĕni֖y wĕʼeţ־háʼàẖaşĕ̌ţá̇ri֑y ʼé֖lėh bĕ̇né֥y naʻàráֽh׃

7
וּבְנֵ֖י חֶלְאָ֑ה צֶ֥רֶת יִצְחָר וְאֶתְנָֽן׃

ẇbĕné֖y ẖelĕʼá֑h ẕe֥reţ yiẕĕẖár wĕʼeţĕnáֽn׃

8
וְקֹ֣וץ הֹולִ֔יד אֶת־עָנ֖וּב וְאֶת־הַצֹּבֵבָ֑ה וּמִשְׁפְּחֹ֥ות אֲחַרְחֵ֖ל בֶּן־הָרֽוּם׃

wĕqò֣wẕ hòwli֔yd ʼeţ־ʻán֖ẇb wĕʼeţ־haẕò̇bébá֑h ẇmişĕ̌pĕ̇ẖò֥wţ ʼàẖarĕẖé֖l bėn־hárֽẇm׃

9
וַיְהִ֣י יַעְבֵּ֔ץ נִכְבָּ֖ד מֵאֶחָ֑יו וְאִמֹּ֗ו קָרְאָ֨ה שְׁמֹ֤ו יַעְבֵּץ֙ לֵאמֹ֔ר כִּ֥י יָלַ֖דְתִּי בְּעֹֽצֶב׃

wayĕhi֣y yaʻĕbé̇֔ẕ nikĕbá֖̇d méʼeẖá֑yw wĕʼimò̇֗w qárĕʼá֨h şĕ̌mò֤w yaʻĕbé̇ẕ֙ léʼmò֔r ki֥̇y yála֖dĕţi̇y bĕ̇ʻòֽẕeb׃

10
וַיִּקְרָ֣א יַ֠עְבֵּץ לֵאלֹהֵ֨י יִשְׂרָאֵ֜ל לֵאמֹ֗ר אִם־בָּרֵ֨ךְ תְּבָרֲכֵ֜נִי וְהִרְבִּ֤יתָ אֶת־גְּבוּלִי֙ וְהָיְתָ֤ה יָדְךָ֙ עִמִּ֔י וְעָשִׂ֥יתָ מֵּרָעָ֖ה לְבִלְתִּ֣י עָצְבִּ֑י וַיָּבֵ֥א אֱלֹהִ֖ים אֵ֥ת אֲשֶׁר־שָׁאָֽל׃

wayi̇qĕrá֣ʼ ya֠ʻĕbé̇ẕ léʼlòhé֨y yişĕ̂ráʼé֜l léʼmò֗r ʼim־bá̇ré֨kĕ ţĕ̇báràké֜niy wĕhirĕbi֤̇yţá ʼeţ־gĕ̇bẇliy֙ wĕháyĕţá֤h yádĕká֙ ʻimi̇֔y wĕʻáşî֥yţá mé̇ráʻá֖h lĕbilĕţi֣̇y ʻáẕĕbi֑̇y wayá̇bé֥ʼ ʼèlòhi֖ym ʼé֥ţ ʼàşěr־şá̌ʼáֽl׃

11
וּכְל֥וּב אֲחִֽי־שׁוּחָ֖ה הֹולִ֣יד אֶת־מְחִ֑יר ה֖וּא אֲבִ֥י אֶשְׁתֹּֽון׃

ẇkĕl֥ẇb ʼàẖiֽy־ş̌ẇẖá֖h hòwli֣yd ʼeţ־mĕẖi֑yr h֖ẇʼ ʼàbi֥y ʼeşĕ̌ţòֽ̇wn׃

12
וְאֶשְׁתֹּ֗ון הֹולִ֞יד אֶת־בֵּ֤ית רָפָא֙ וְאֶת־פָּסֵ֔חַ וְאֶת־תְּחִנָּ֖ה אֲבִ֣י עִ֣יר נָחָ֑שׁ אֵ֖לֶּה אַנְשֵׁ֥י רֵכָֽה׃ ס

wĕʼeşĕ̌ţò̇֗wn hòwli֞yd ʼeţ־bé֤̇yţ rápáʼ֙ wĕʼeţ־pá̇sé֔ẖa wĕʼeţ־ţĕ̇ẖiná֖̇h ʼàbi֣y ʻi֣yr náẖá֑ş̌ ʼé֖lėh ʼanĕşé֥̌y rékáֽh׃ s

13
וּבְנֵ֣י קְנַ֔ז עָתְנִיאֵ֖ל וּשְׂרָיָ֑ה וּבְנֵ֥י עָתְנִיאֵ֖ל חֲתַֽת׃

ẇbĕné֣y qĕna֔z ʻáţĕniyʼé֖l ẇşĕ̂ráyá֑h ẇbĕné֥y ʻáţĕniyʼé֖l ẖàţaֽţ׃

14
וּמְעֹונֹתַ֖י הֹולִ֣יד אֶת־עָפְרָ֑ה וּשְׂרָיָ֗ה הֹולִ֤יד אֶת־יֹואָב֙ אֲבִי֙ גֵּ֣יא חֲרָשִׁ֔ים כִּ֥י חֲרָשִׁ֖ים הָיֽוּ׃ פ

ẇmĕʻòwnòţa֖y hòwli֣yd ʼeţ־ʻápĕrá֑h ẇşĕ̂ráyá֗h hòwli֤yd ʼeţ־yòwʼáb֙ ʼàbiy֙ gé֣̇yʼ ẖàráşǐ֔ym ki֥̇y ẖàráşǐ֖ym háyֽẇ׃ p

15
וּבְנֵי֙ כָּלֵ֣ב בֶּן־יְפֻנֶּ֔ה עִ֥ירוּ אֵלָ֖ה וָנָ֑עַם וּבְנֵ֥י אֵלָ֖ה וּקְנַֽז׃

ẇbĕnéy֙ ká̇lé֣b bėn־yĕpunė֔h ʻi֥yrẇ ʼélá֖h wáná֑ʻam ẇbĕné֥y ʼélá֖h ẇqĕnaֽz׃

16
וּבְנֵ֖י יְהַלֶּלְאֵ֑ל זִ֣יף וְזִיפָ֔ה תִּירְיָ֖א וַאֲשַׂרְאֵֽל׃

ẇbĕné֖y yĕhalėlĕʼé֑l zi֣yp wĕziypá֔h ţi̇yrĕyá֖ʼ waʼàşârĕʼéֽl׃

17
וּבֶן־עֶזְרָ֔ה יֶ֥תֶר וּמֶ֖רֶד וְעֵ֣פֶר וְיָלֹ֑ון וַתַּ֨הַר֙ אֶת־מִרְיָ֣ם וְאֶת־שַׁמַּ֔י וְאֶת־יִשְׁבָּ֖ח אֲבִ֥י אֶשְׁתְּמֹֽעַ׃

ẇben־ʻezĕrá֔h ye֥ţer ẇme֖red wĕʻé֣per wĕyálò֑wn waţȧ֨har֙ ʼeţ־mirĕyá֣m wĕʼeţ־şǎmȧ֔y wĕʼeţ־yişĕ̌bá֖̇ẖ ʼàbi֥y ʼeşĕ̌ţĕ̇mòֽʻa׃

18
וְאִשְׁתֹּ֣ו הַיְהֻדִיָּ֗ה יָלְדָ֞ה אֶת־יֶ֨רֶד אֲבִ֤י גְדֹור֙ וְאֶת־חֶ֨בֶר֙ אֲבִ֣י שֹׂוכֹ֔ו וְאֶת־יְקֽוּתִיאֵ֖ל אֲבִ֣י זָנֹ֑וחַ וְאֵ֗לֶּה בְּנֵי֙ בִּתְיָ֣ה בַת־פַּרְעֹ֔ה אֲשֶׁ֥ר לָקַ֖ח מָֽרֶד׃ ס

wĕʼişĕ̌ţò֣̇w hayĕhudiyá̇֗h yálĕdá֞h ʼeţ־ye֨red ʼàbi֤y gĕdòwr֙ wĕʼeţ־ẖe֨ber֙ ʼàbi֣y şò̂wkò֔w wĕʼeţ־yĕqֽẇţiyʼé֖l ʼàbi֣y zánò֑wẖa wĕʼé֗lėh bĕ̇néy֙ bi̇ţĕyá֣h baţ־pȧrĕʻò֔h ʼàşě֥r láqa֖ẖ máֽred׃ s

19
וּבְנֵי֙ אֵ֣שֶׁת הֹֽודִיָּ֔ה אֲחֹ֣ות נַ֔חַם אֲבִ֥י קְעִילָ֖ה הַגַּרְמִ֑י וְאֶשְׁתְּמֹ֖עַ הַמַּעֲכָתִֽי׃

ẇbĕnéy֙ ʼé֣şěţ hòֽwdiyá̇֔h ʼàẖò֣wţ na֔ẖam ʼàbi֥y qĕʻiylá֖h hagȧrĕmi֑y wĕʼeşĕ̌ţĕ̇mò֖ʻa hamȧʻàkáţiֽy׃

20
וּבְנֵ֣י שִׁימֹ֔ון אַמְנֹ֣ון וְרִנָּ֔ה בֶּן־חָנָ֖ן וְתֹולֹון וּבְנֵ֣י יִשְׁעִ֔י זֹוחֵ֖ת וּבֶן־זֹוחֵֽת׃

ẇbĕné֣y şǐymò֔wn ʼamĕnò֣wn wĕriná̇֔h bėn־ẖáná֖n wĕţòwlòwn ẇbĕné֣y yişĕ̌ʻi֔y zòwẖé֖ţ ẇben־zòwẖéֽţ׃

21
בְּנֵי֙ שֵׁלָ֣ה בֶן־יְהוּדָ֔ה עֵ֚ר אֲבִ֣י לֵכָ֔ה וְלַעְדָּ֖ה אֲבִ֣י מָרֵשָׁ֑ה וּמִשְׁפְּחֹ֛ות בֵּית־עֲבֹדַ֥ת הַבֻּ֖ץ לְבֵ֥ית אַשְׁבֵּֽעַ׃

bĕ̇néy֙ şé̌lá֣h ben־yĕhẇdá֔h ʻé֚r ʼàbi֣y léká֔h wĕlaʻĕdá֖̇h ʼàbi֣y máréşá֑̌h ẇmişĕ̌pĕ̇ẖò֛wţ bé̇yţ־ʻàbòda֥ţ habu֖̇ẕ lĕbé֥yţ ʼaşĕ̌béֽ̇ʻa׃

22
וְיֹוקִ֞ים וְאַנְשֵׁ֣י כֹזֵבָ֗א וְיֹואָ֧שׁ וְשָׂרָ֛ף אֲשֶׁר־בָּעֲל֥וּ לְמֹואָ֖ב וְיָשֻׁ֣בִי לָ֑חֶם וְהַדְּבָרִ֖ים עַתִּיקִֽים׃

wĕyòwqi֞ym wĕʼanĕşé֣̌y kòzébá֗ʼ wĕyòwʼá֧ş̌ wĕşá̂rá֛p ʼàşěr־bá̇ʻàl֥ẇ lĕmòwʼá֖b wĕyáşǔ֣biy lá֑ẖem wĕhadĕ̇bári֖ym ʻaţi̇yqiֽym׃

23
הֵ֚מָּה הַיֹּ֣וצְרִ֔ים וְיֹשְׁבֵ֥י נְטָעִ֖ים וּגְדֵרָ֑ה עִם־הַמֶּ֥לֶךְ בִּמְלַאכְתֹּ֖ו יָ֥שְׁבוּ שָֽׁם׃ ס

hé֚má̇h hayò֣̇wẕĕri֔ym wĕyòşĕ̌bé֥y nĕtáʻi֖ym ẇgĕdérá֑h ʻim־hamė֥lekĕ bi̇mĕlaʼkĕţò֖̇w yá֥şĕ̌bẇ şáֽ̌m׃ s

24
בְּנֵ֖י שִׁמְעֹ֑ון נְמוּאֵ֣ל וְיָמִ֔ין יָרִ֖יב זֶ֥רַח שָׁאֽוּל׃

bĕ̇né֖y şǐmĕʻò֑wn nĕmẇʼé֣l wĕyámi֔yn yári֖yb ze֥raẖ şá̌ʼֽẇl׃

25
שַׁלֻּ֥ם בְּנֹ֛ו מִבְשָׂ֥ם בְּנֹ֖ו מִשְׁמָ֥ע בְּנֹֽו׃

şǎlu֥̇m bĕ̇nò֛w mibĕşá֥̂m bĕ̇nò֖w mişĕ̌má֥ʻ bĕ̇nòֽw׃

26
וּבְנֵ֖י מִשְׁמָ֑ע חַמּוּאֵ֥ל בְּנֹ֛ו זַכּ֥וּר בְּנֹ֖ו שִׁמְעִ֥י בְנֹֽו׃

ẇbĕné֖y mişĕ̌má֑ʻ ẖaṁẇʼé֥l bĕ̇nò֛w zak֥̇ẇr bĕ̇nò֖w şǐmĕʻi֥y bĕnòֽw׃

27
וּלְשִׁמְעִ֞י בָּנִ֨ים שִׁשָּׁ֤ה עָשָׂר֙ וּבָנֹ֣ות שֵׁ֔שׁ וּלְאֶחָ֕יו אֵ֖ין בָּנִ֣ים רַבִּ֑ים וְכֹל֙ מִשְׁפַּחְתָּ֔ם לֹ֥א הִרְבּ֖וּ עַד־בְּנֵ֥י יְהוּדָֽה׃ ס

ẇlĕşǐmĕʻi֞y bá̇ni֨ym şǐşá֤̇̌h ʻáşá̂r֙ ẇbánò֣wţ şé̌֔ş̌ ẇlĕʼeẖá֕yw ʼé֖yn bá̇ni֣ym rabi֑̇ym wĕkòl֙ mişĕ̌pȧẖĕţá̇֔m lò֥ʼ hirĕḃ֖ẇ ʻad־bĕ̇né֥y yĕhẇdáֽh׃ s

28
וַיֵּֽשְׁב֛וּ בִּבְאֵֽר־שֶׁ֥בַע וּמֹולָדָ֖ה וַחֲצַ֥ר שׁוּעָֽל׃

wayéֽ̇şĕ̌b֛ẇ bi̇bĕʼéֽr־şě֥baʻ ẇmòwládá֖h waẖàẕa֥r ş̌ẇʻáֽl׃

29
וּבְבִלְהָ֥ה וּבְעֶ֖צֶם וּבְתֹולָֽד׃

ẇbĕbilĕhá֥h ẇbĕʻe֖ẕem ẇbĕţòwláֽd׃

30
וּבִבְתוּאֵ֥ל וּבְחָרְמָ֖ה וּבְצִֽיקְלָֽג׃

ẇbibĕţẇʼé֥l ẇbĕẖárĕmá֖h ẇbĕẕiֽyqĕláֽg׃

31
וּבְבֵ֤ית מַרְכָּבֹות֙ וּבַחֲצַ֣ר סוּסִ֔ים וּבְבֵ֥ית בִּרְאִ֖י וּֽבְשַׁעֲרָ֑יִם אֵ֥לֶּה עָרֵיהֶ֖ם עַד־מְלֹ֥ךְ דָּוִֽיד׃

ẇbĕbé֤yţ marĕká̇bòwţ֙ ẇbaẖàẕa֣r sẇsi֔ym ẇbĕbé֥yţ bi̇rĕʼi֖y ẇֽbĕşǎʻàrá֑yim ʼé֥lėh ʻáréyhe֖m ʻad־mĕlò֥kĕ dá̇wiֽyd׃

32
וְחַצְרֵיהֶם֙ עֵיטָ֣ם וָעַ֔יִן רִמֹּ֥ון וְתֹ֖כֶן וְעָשָׁ֑ן עָרִ֖ים חָמֵֽשׁ׃

wĕẖaẕĕréyhem֙ ʻéytá֣m wáʻa֔yin rimò֥̇wn wĕţò֖ken wĕʻáşá֑̌n ʻári֖ym ẖáméֽş̌׃

33
וְכָל־חַצְרֵיהֶ֗ם אֲשֶׁ֧ר סְבִיבֹ֛ות הֶעָרִ֥ים הָאֵ֖לֶּה עַד־בָּ֑עַל זֹ֚את מֹושְׁבֹתָ֔ם וְהִתְיַחְשָׂ֖ם לָהֶֽם׃

wĕkál־ẖaẕĕréyhe֗m ʼàşě֧r sĕbiybò֛wţ heʻári֥ym háʼé֖lėh ʻad־bá֑̇ʻal zò֚ʼţ mòwşĕ̌bòţá֔m wĕhiţĕyaẖĕşá֖̂m láheֽm׃

34
וּמְשֹׁובָ֣ב וְיַמְלֵ֔ךְ וְיֹושָׁ֖ה בֶּן־אֲמַצְיָֽה׃

ẇmĕşò̌wbá֣b wĕyamĕlé֔kĕ wĕyòwşá֖̌h bėn־ʼàmaẕĕyáֽh׃

35
וְיֹואֵ֑ל וְיֵהוּא֙ בֶּן־יֹ֣ושִׁבְיָ֔ה בֶּן־שְׂרָיָ֖ה בֶּן־עֲשִׂיאֵֽל׃

wĕyòwʼé֑l wĕyéhẇʼ֙ bėn־yò֣wşǐbĕyá֔h bėn־şĕ̂ráyá֖h bėn־ʻàşîyʼéֽl׃

36
וְאֶלְיֹועֵינַ֡י וְֽיַעֲקֹ֡בָה וִ֠ישֹׁוחָיָה וַעֲשָׂיָ֧ה וַעֲדִיאֵ֛ל וִישִׂימִאֵ֖ל וּבְנָיָֽה׃

wĕʼelĕyòwʻéyna֡y wĕֽyaʻàqò֡báh wi֠yşò̌wẖáyáh waʻàşá̂yá֧h waʻàdiyʼé֛l wiyşîymiʼé֖l ẇbĕnáyáֽh׃

37
וְזִיזָ֨א בֶן־שִׁפְעִ֧י בֶן־אַלֹּ֛ון בֶּן־יְדָיָ֥ה בֶן־שִׁמְרִ֖י בֶּן־שְׁמַֽעְיָֽה׃

wĕziyzá֨ʼ ben־şǐpĕʻi֧y ben־ʼalò֛̇wn bėn־yĕdáyá֥h ben־şǐmĕri֖y bėn־şĕ̌maֽʻĕyáֽh׃

38
אֵ֚לֶּה הַבָּאִ֣ים בְּשֵׁמֹ֔ות נְשִׂיאִ֖ים בְּמִשְׁפְּחֹותָ֑ם וּבֵית֙ אֲבֹ֣ותֵיהֶ֔ם פָּרְצ֖וּ לָרֹֽוב׃

ʼé֚lėh habá̇ʼi֣ym bĕ̇şé̌mò֔wţ nĕşîyʼi֖ym bĕ̇mişĕ̌pĕ̇ẖòwţá֑m ẇbéyţ֙ ʼàbò֣wţéyhe֔m pá̇rĕẕ֖ẇ láròֽwb׃

39
וַיֵּלְכוּ֙ לִמְבֹ֣וא גְדֹ֔ר עַ֖ד לְמִזְרַ֣ח הַגָּ֑יְא לְבַקֵּ֥שׁ מִרְעֶ֖ה לְצֹאנָֽם׃

wayé̇lĕkẇ֙ limĕbò֣wʼ gĕdò֔r ʻa֖d lĕmizĕra֣ẖ hagá֑̇yĕʼ lĕbaqé֥̇ş̌ mirĕʻe֖h lĕẕòʼnáֽm׃

40
וַֽיִּמְצְא֤וּ מִרְעֶה֙ שָׁמֵ֣ן וָטֹ֔וב וְהָאָ֨רֶץ֙ רַחֲבַ֣ת יָדַ֔יִם וְשֹׁקֶ֖טֶת וּשְׁלֵוָ֑ה כִּ֣י מִן־חָ֔ם הַיֹּשְׁבִ֥ים שָׁ֖ם לְפָנִֽים׃

waֽyi̇mĕẕĕʼ֤ẇ mirĕʻeh֙ şá̌mé֣n wátò֔wb wĕháʼá֨reẕ֙ raẖàba֣ţ yáda֔yim wĕşò̌qe֖teţ ẇşĕ̌léwá֑h ki֣̇y min־ẖá֔m hayò̇şĕ̌bi֥ym şá֖̌m lĕpániֽym׃

41
וַיָּבֹ֡אוּ אֵלֶּה֩ הַכְּתוּבִ֨ים בְּשֵׁמֹ֜ות בִּימֵ֣י׀ יְחִזְקִיָּ֣הוּ מֶֽלֶךְ־יְהוּדָ֗ה וַיַּכּ֨וּ אֶת־אָהֳלֵיהֶ֜ם וְאֶת־הַמְּעִינִים אֲשֶׁ֤ר נִמְצְאוּ־שָׁ֨מָּה֙ וַיַּחֲרִימֻם֙ עַד־הַיֹּ֣ום הַזֶּ֔ה וַיֵּשְׁב֖וּ תַּחְתֵּיהֶ֑ם כִּֽי־מִרְעֶ֥ה לְצֹאנָ֖ם שָֽׁם׃

wayá̇bò֡ʼẇ ʼélėh֩ hakĕ̇ţẇbi֨ym bĕ̇şé̌mò֜wţ bi̇ymé֣y׀ yĕẖizĕqiyá֣̇hẇ meֽlekĕ־yĕhẇdá֗h wayȧk̇֨ẇ ʼeţ־ʼáholéyhe֜m wĕʼeţ־hamĕ̇ʻiyniym ʼàşě֤r nimĕẕĕʼẇ־şá̌֨má̇h֙ wayȧẖàriymum֙ ʻad־hayò֣̇wm hazė֔h wayé̇şĕ̌b֖ẇ ţȧẖĕţé̇yhe֑m kiֽ̇y־mirĕʻe֥h lĕẕòʼná֖m şáֽ̌m׃

42
וּמֵהֶ֣ם׀ מִן־בְּנֵ֣י שִׁמְעֹ֗ון הָלְכוּ֙ לְהַ֣ר שֵׂעִ֔יר אֲנָשִׁ֖ים חֲמֵ֣שׁ מֵאֹ֑ות וּפְלַטְיָ֡ה וּ֠נְעַרְיָה וּרְפָיָ֧ה וְעֻזִּיאֵ֛ל בְּנֵ֥י יִשְׁעִ֖י בְּרֹאשָֽׁם׃

ẇméhe֣m׀ min־bĕ̇né֣y şǐmĕʻò֗wn hálĕkẇ֙ lĕha֣r şé̂ʻi֔yr ʼànáşǐ֖ym ẖàmé֣ş̌ méʼò֑wţ ẇpĕlatĕyá֡h ẇ֠nĕʻarĕyáh ẇrĕpáyá֧h wĕʻuzi̇yʼé֛l bĕ̇né֥y yişĕ̌ʻi֖y bĕ̇ròʼşáֽ̌m׃

43
וַיַּכּ֕וּ אֶת־שְׁאֵרִ֥ית הַפְּלֵטָ֖ה לַעֲמָלֵ֑ק וַיֵּ֣שְׁבוּ שָׁ֔ם עַ֖ד הַיֹּ֥ום הַזֶּֽה׃

wayȧk̇֕ẇ ʼeţ־şĕ̌ʼéri֥yţ hapĕ̇létá֖h laʻàmálé֑q wayé֣̇şĕ̌bẇ şá̌֔m ʻa֖d hayò֥̇wm hazėֽh׃