Bibles in ancient languages
Old translations
Modern translations

Biblia Hebraica Stuttgartiensia 1 Samuel 26

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיָּבֹ֤אוּ הַזִּפִים֙ אֶל־שָׁא֔וּל הַגִּבְעָ֖תָה לֵאמֹ֑ר הֲלֹ֨וא דָוִ֤ד מִסְתַּתֵּר֙ בְּגִבְעַ֣ת הַחֲכִילָ֔ה עַ֖ל פְּנֵ֥י הַיְשִׁימֹֽן׃

wayá̇bò֤ʼẇ hazi̇piym֙ ʼel־şá̌ʼ֔ẇl hagi̇bĕʻá֖ţáh léʼmò֑r hàlò֨wʼ dáwi֤d misĕţȧţé̇r֙ bĕ̇gibĕʻa֣ţ haẖàkiylá֔h ʻa֖l pĕ̇né֥y hayĕşǐymòֽn׃

2
וַיָּ֣קָם שָׁא֗וּל וַיֵּ֨רֶד֙ אֶל־מִדְבַּר־זִ֔יף וְאִתֹּ֛ו שְׁלֹֽשֶׁת־אֲלָפִ֥ים אִ֖ישׁ בְּחוּרֵ֣י יִשְׂרָאֵ֑ל לְבַקֵּ֥שׁ אֶת־דָּוִ֖ד בְּמִדְבַּר־זִֽיף׃

wayá֣̇qám şá̌ʼ֗ẇl wayé̇֨red֙ ʼel־midĕbȧr־zi֔yp wĕʼiţò֛̇w şĕ̌lòֽşěţ־ʼàlápi֥ym ʼi֖yş̌ bĕ̇ẖẇré֣y yişĕ̂ráʼé֑l lĕbaqé֥̇ş̌ ʼeţ־dá̇wi֖d bĕ̇midĕbȧr־ziֽyp׃

3
וַיִּ֨חַן שָׁא֜וּל בְּגִבְעַ֣ת הַחֲכִילָ֗ה אֲשֶׁ֛ר עַל־פְּנֵ֥י הַיְשִׁימֹ֖ן עַל־הַדָּ֑רֶךְ וְדָוִד֙ יֹשֵׁ֣ב בַּמִּדְבָּ֔ר וַיַּ֕רְא כִּ֣י בָ֥א שָׁא֛וּל אַחֲרָ֖יו הַמִּדְבָּֽרָה׃

wayi̇֨ẖan şá̌ʼ֜ẇl bĕ̇gibĕʻa֣ţ haẖàkiylá֗h ʼàşě֛r ʻal־pĕ̇né֥y hayĕşǐymò֖n ʻal־hadá֑̇rekĕ wĕdáwid֙ yòşé֣̌b bȧmi̇dĕbá̇֔r wayȧ֕rĕʼ ki֣̇y bá֥ʼ şá̌ʼ֛ẇl ʼaẖàrá֖yw hami̇dĕbáֽ̇ráh׃

4
וַיִּשְׁלַ֥ח דָּוִ֖ד מְרַגְּלִ֑ים וַיֵּ֕דַע כִּֽי־בָ֥א שָׁא֖וּל אֶל־נָכֹֽון׃

wayi̇şĕ̌la֥ẖ dá̇wi֖d mĕragĕ̇li֑ym wayé̇֕daʻ kiֽ̇y־bá֥ʼ şá̌ʼ֖ẇl ʼel־nákòֽwn׃

5
וַיָּ֣קָם דָּוִ֗ד וַיָּבֹא֮ אֶֽל־הַמָּקֹום֮ אֲשֶׁ֣ר חָנָה־שָׁ֣ם שָׁאוּל֒ וַיַּ֣רְא דָּוִ֗ד אֶת־הַמָּקֹום֙ אֲשֶׁ֣ר שָֽׁכַב־שָׁ֣ם שָׁא֔וּל וְאַבְנֵ֥ר בֶּן־נֵ֖ר שַׂר־צְבָאֹ֑ו וְשָׁאוּל֙ שֹׁכֵ֣ב בַּמַּעְגָּ֔ל וְהָעָ֖ם חֹנִ֥ים סְבִיבֹתֹו

wayá֣̇qám dá̇wi֗d wayá̇bòʼ֮ ʼeֽl־hamá̇qòwm֮ ʼàşě֣r ẖánáh־şá֣̌m şá̌ʼẇl֒ wayȧ֣rĕʼ dá̇wi֗d ʼeţ־hamá̇qòwm֙ ʼàşě֣r şáֽ̌kab־şá֣̌m şá̌ʼ֔ẇl wĕʼabĕné֥r bėn־né֖r şâr־ẕĕbáʼò֑w wĕşá̌ʼẇl֙ şò̌ké֣b bȧmȧʻĕgá̇֔l wĕháʻá֖m ẖòni֥ym sĕbiybòţòw

6
וַיַּ֨עַן דָּוִ֜ד וַיֹּ֣אמֶר׀ אֶל־אֲחִימֶ֣לֶךְ הַחִתִּ֗י וְאֶל־אֲבִישַׁ֨י בֶּן־צְרוּיָ֜ה אֲחִ֤י יֹואָב֙ לֵאמֹ֔ר מִֽי־יֵרֵ֥ד אִתִּ֛י אֶל־שָׁא֖וּל אֶל־הַֽמַּחֲנֶ֑ה וַיֹּ֣אמֶר אֲבִישַׁ֔י אֲנִ֖י אֵרֵ֥ד עִמָּֽךְ׃

wayȧ֨ʻan dá̇wi֜d wayò֣̇ʼmer׀ ʼel־ʼàẖiyme֣lekĕ haẖiţi̇֗y wĕʼel־ʼàbiyşǎ֨y bėn־ẕĕrẇyá֜h ʼàẖi֤y yòwʼáb֙ léʼmò֔r miֽy־yéré֥d ʼiţi֛̇y ʼel־şá̌ʼ֖ẇl ʼel־haֽmȧẖàne֑h wayò֣̇ʼmer ʼàbiyşǎ֔y ʼàni֖y ʼéré֥d ʻimáֽ̇kĕ׃

7
וַיָּבֹא֩ דָוִ֨ד וַאֲבִישַׁ֥י׀ אֶל־הָעָם֮ לַיְלָה֒ וְהִנֵּ֣ה שָׁא֗וּל שֹׁכֵ֤ב יָשֵׁן֙ בַּמַּעְגָּ֔ל וַחֲנִיתֹ֥ו מְעוּכָֽה־בָאָ֖רֶץ מְרַאֲשֹׁתֹו וְאַבְנֵ֣ר וְהָעָ֔ם שֹׁכְבִ֖ים סְבִיבֹתֹו

wayá̇bòʼ֩ dáwi֨d waʼàbiyşǎ֥y׀ ʼel־háʻám֮ layĕláh֒ wĕhiné֣̇h şá̌ʼ֗ẇl şò̌ké֤b yáşé̌n֙ bȧmȧʻĕgá̇֔l waẖàniyţò֥w mĕʻẇkáֽh־báʼá֖reẕ mĕraʼàşò̌ţòw wĕʼabĕné֣r wĕháʻá֔m şò̌kĕbi֖ym sĕbiybòţòw

8
וַיֹּ֤אמֶר אֲבִישַׁי֙ אֶל־דָּוִ֔ד סִגַּ֨ר אֱלֹהִ֥ים הַיֹּ֛ום אֶת־אֹויִבְךָ֖ בְּיָדֶ֑ךָ וְעַתָּה֩ אַכֶּ֨נּוּ נָ֜א בַּחֲנִ֤ית וּבָאָ֨רֶץ֙ פַּ֣עַם אַחַ֔ת וְלֹ֥א אֶשְׁנֶ֖ה לֹֽו׃

wayò֤̇ʼmer ʼàbiyşǎy֙ ʼel־dá̇wi֔d sigȧ֨r ʼèlòhi֥ym hayò֛̇wm ʼeţ־ʼòwyibĕká֖ bĕ̇yáde֑ká wĕʻaţá̇h֩ ʼakė֨ṅẇ ná֜ʼ bȧẖàni֤yţ ẇbáʼá֨reẕ֙ pȧ֣ʻam ʼaẖa֔ţ wĕlò֥ʼ ʼeşĕ̌ne֖h lòֽw׃

9
וַיֹּ֧אמֶר דָּוִ֛ד אֶל־אֲבִישַׁ֖י אַל־תַּשְׁחִיתֵ֑הוּ כִּ֠י מִ֣י שָׁלַ֥ח יָדֹ֛ו בִּמְשִׁ֥יחַ יְהוָ֖ה וְנִקָּֽה׃ פ

wayò֧̇ʼmer dá̇wi֛d ʼel־ʼàbiyşǎ֖y ʼal־ţȧşĕ̌ẖiyţé֑hẇ ki̇֠y mi֣y şá̌la֥ẖ yádò֛w bi̇mĕşǐ֥yẖa yĕhwá֖h wĕniqáֽ̇h׃ p

10
וַיֹּ֤אמֶר דָּוִד֙ חַי־יְהוָ֔ה כִּ֥י אִם־יְהוָ֖ה יִגָּפֶ֑נּוּ אֹֽו־יֹומֹ֤ו יָבֹוא֙ וָמֵ֔ת אֹ֧ו בַמִּלְחָמָ֛ה יֵרֵ֖ד וְנִסְפָּֽה׃

wayò֤̇ʼmer dá̇wid֙ ẖay־yĕhwá֔h ki֥̇y ʼim־yĕhwá֖h yigá̇pe֑ṅẇ ʼòֽw־yòwmò֤w yábòwʼ֙ wámé֔ţ ʼò֧w bami̇lĕẖámá֛h yéré֖d wĕnisĕpáֽ̇h׃

11
חָלִ֤ילָה לִּי֙ מֵֽיהוָ֔ה מִשְּׁלֹ֥חַ יָדִ֖י בִּמְשִׁ֣יחַ יְהוָ֑ה וְ֠עַתָּה קַח־נָ֨א אֶֽת־הַחֲנִ֜ית אֲשֶׁ֧ר מְרַאֲשֹׁתֹו וְאֶת־צַפַּ֥חַת הַמַּ֖יִם וְנֵ֥לֲכָה לָּֽנוּ׃

ẖáli֤yláh li̇y֙ méֽyhwá֔h mişĕ̇̌lò֥ẖa yádi֖y bi̇mĕşǐ֣yẖa yĕhwá֑h wĕ֠ʻaţá̇h qaẖ־ná֨ʼ ʼeֽţ־haẖàni֜yţ ʼàşě֧r mĕraʼàşò̌ţòw wĕʼeţ־ẕapȧ֥ẖaţ hamȧ֖yim wĕné֥làkáh láֽ̇nẇ׃

12
וַיִּקַּח֩ דָּוִ֨ד אֶֽת־הַחֲנִ֜ית וְאֶת־צַפַּ֤חַת הַמַּ֨יִם֙ מֵרַאֲשֹׁתֵ֣י שָׁא֔וּל וַיֵּלְכ֖וּ לָהֶ֑ם וְאֵ֣ין רֹאֶה֩ וְאֵ֨ין יֹודֵ֜עַ וְאֵ֣ין מֵקִ֗יץ כִּ֤י כֻלָּם֙ יְשֵׁנִ֔ים כִּ֚י תַּרְדֵּמַ֣ת יְהוָ֔ה נָפְלָ֖ה עֲלֵיהֶֽם׃

wayi̇qȧẖ֩ dá̇wi֨d ʼeֽţ־haẖàni֜yţ wĕʼeţ־ẕapȧ֤ẖaţ hamȧ֨yim֙ méraʼàşò̌ţé֣y şá̌ʼ֔ẇl wayé̇lĕk֖ẇ láhe֑m wĕʼé֣yn ròʼeh֩ wĕʼé֨yn yòwdé֜ʻa wĕʼé֣yn méqi֗yẕ ki֤̇y kulá̇m֙ yĕşé̌ni֔ym ki֚̇y ţȧrĕdé̇ma֣ţ yĕhwá֔h nápĕlá֖h ʻàléyheֽm׃

13
וַיַּעֲבֹ֤ר דָּוִד֙ הָעֵ֔בֶר וַיַּעֲמֹ֥ד עַל־רֹאשׁ־הָהָ֖ר מֵֽרָחֹ֑ק רַ֥ב הַמָּקֹ֖ום בֵּינֵיהֶֽם׃

wayȧʻàbò֤r dá̇wid֙ háʻé֔ber wayȧʻàmò֥d ʻal־ròʼş̌־háhá֖r méֽráẖò֑q ra֥b hamá̇qò֖wm bé̇ynéyheֽm׃

14
וַיִּקְרָ֨א דָוִ֜ד אֶל־הָעָ֗ם וְאֶל־אַבְנֵ֤ר בֶּן־נֵר֙ לֵאמֹ֔ר הֲלֹ֥וא תַעֲנֶ֖ה אַבְנֵ֑ר וַיַּ֤עַן אַבְנֵר֙ וַיֹּ֔אמֶר מִ֥י אַתָּ֖ה קָרָ֥אתָ אֶל־הַמֶּֽלֶךְ׃ פ

wayi̇qĕrá֨ʼ dáwi֜d ʼel־háʻá֗m wĕʼel־ʼabĕné֤r bėn־nér֙ léʼmò֔r hàlò֥wʼ ţaʻàne֖h ʼabĕné֑r wayȧ֤ʻan ʼabĕnér֙ wayò̇֔ʼmer mi֥y ʼaţá֖̇h qárá֥ʼţá ʼel־hamėֽlekĕ׃ p

15
וַיֹּאמֶר֩ דָּוִ֨ד אֶל־אַבְנֵ֜ר הֲלֹוא־אִ֣ישׁ אַתָּ֗ה וּמִ֤י כָמֹ֨וךָ֙ בְּיִשְׂרָאֵ֔ל וְלָ֨מָּה֙ לֹ֣א שָׁמַ֔רְתָּ אֶל־אֲדֹנֶ֖יךָ הַמֶּ֑לֶךְ כִּי־בָא֙ אַחַ֣ד הָעָ֔ם לְהַשְׁחִ֖ית אֶת־הַמֶּ֥לֶךְ אֲדֹנֶֽיךָ׃

wayò̇ʼmer֩ dá̇wi֨d ʼel־ʼabĕné֜r hàlòwʼ־ʼi֣yş̌ ʼaţá̇֗h ẇmi֤y kámò֨wká֙ bĕ̇yişĕ̂ráʼé֔l wĕlá֨má̇h֙ lò֣ʼ şá̌ma֔rĕţá̇ ʼel־ʼàdòne֖yká hamė֑lekĕ ki̇y־báʼ֙ ʼaẖa֣d háʻá֔m lĕhaşĕ̌ẖi֖yţ ʼeţ־hamė֥lekĕ ʼàdòneֽyká׃

16
לֹא־טֹ֞וב הַדָּבָ֣ר הַזֶּה֮ אֲשֶׁ֣ר עָשִׂיתָ֒ חַי־יְהוָ֗ה כִּ֤י בְנֵי־מָ֨וֶת֙ אַתֶּ֔ם אֲשֶׁ֧ר לֹֽא־שְׁמַרְתֶּ֛ם עַל־אֲדֹנֵיכֶ֖ם עַל־מְשִׁ֣יחַ יְהוָ֑ה וְעַתָּ֣ה׀ רְאֵ֗ה אֵֽי־חֲנִ֥ית הַמֶּ֛לֶךְ וְאֶת־צַפַּ֥חַת הַמַּ֖יִם אֲשֶׁ֥ר מְרַאֲשֹׁתֹו

lòʼ־tò֞wb hadá̇bá֣r hazėh֮ ʼàşě֣r ʻáşîyţá֒ ẖay־yĕhwá֗h ki֤̇y bĕnéy־má֨weţ֙ ʼaţė֔m ʼàşě֧r lòֽʼ־şĕ̌marĕţė֛m ʻal־ʼàdònéyke֖m ʻal־mĕşǐ֣yẖa yĕhwá֑h wĕʻaţá֣̇h׀ rĕʼé֗h ʼéֽy־ẖàni֥yţ hamė֛lekĕ wĕʼeţ־ẕapȧ֥ẖaţ hamȧ֖yim ʼàşě֥r mĕraʼàşò̌ţòw

17
וַיַּכֵּ֤ר שָׁאוּל֙ אֶת־קֹ֣ול דָּוִ֔ד וַיֹּ֕אמֶר הֲקֹולְךָ֥ זֶ֖ה בְּנִ֣י דָוִ֑ד וַיֹּ֣אמֶר דָּוִ֔ד קֹולִ֖י אֲדֹנִ֥י הַמֶּֽלֶךְ׃

wayȧké֤̇r şá̌ʼẇl֙ ʼeţ־qò֣wl dá̇wi֔d wayò̇֕ʼmer hàqòwlĕká֥ ze֖h bĕ̇ni֣y dáwi֑d wayò֣̇ʼmer dá̇wi֔d qòwli֖y ʼàdòni֥y hamėֽlekĕ׃

18
וַיֹּ֕אמֶר לָ֥מָּה זֶּ֛ה אֲדֹנִ֥י רֹדֵ֖ף אַחֲרֵ֣י עַבְדֹּ֑ו כִּ֚י מֶ֣ה עָשִׂ֔יתִי וּמַה־בְּיָדִ֖י רָעָֽה׃

wayò̇֕ʼmer lá֥má̇h zė֛h ʼàdòni֥y ròdé֖p ʼaẖàré֣y ʻabĕdò֑̇w ki֚̇y me֣h ʻáşî֔yţiy ẇmah־bĕ̇yádi֖y ráʻáֽh׃

19
וְעַתָּ֗ה יִֽשְׁמַֽע־נָא֙ אֲדֹנִ֣י הַמֶּ֔לֶךְ אֵ֖ת דִּבְרֵ֣י עַבְדֹּ֑ו אִם־יְהוָ֞ה הֱסִֽיתְךָ֥ בִי֙ יָרַ֣ח מִנְחָ֔ה וְאִ֣ם׀ בְּנֵ֣י הָאָדָ֗ם אֲרוּרִ֥ים הֵם֙ לִפְנֵ֣י יְהוָ֔ה כִּֽי־גֵרְשׁ֣וּנִי הַיֹּ֗ום מֵהִסְתַּפֵּ֜חַ בְּנַחֲלַ֤ת יְהוָה֙ לֵאמֹ֔ר לֵ֥ךְ עֲבֹ֖ד אֱלֹהִ֥ים אֲחֵרִֽים׃

wĕʻaţá̇֗h yiֽşĕ̌maֽʻ־náʼ֙ ʼàdòni֣y hamė֔lekĕ ʼé֖ţ di̇bĕré֣y ʻabĕdò֑̇w ʼim־yĕhwá֞h hèsiֽyţĕká֥ biy֙ yára֣ẖ minĕẖá֔h wĕʼi֣m׀ bĕ̇né֣y háʼádá֗m ʼàrẇri֥ym hém֙ lipĕné֣y yĕhwá֔h kiֽ̇y־gérĕş֣̌ẇniy hayò̇֗wm méhisĕţȧpé̇֜ẖa bĕ̇naẖàla֤ţ yĕhwáh֙ léʼmò֔r lé֥kĕ ʻàbò֖d ʼèlòhi֥ym ʼàẖériֽym׃

20
וְעַתָּ֗ה אַל־יִפֹּ֤ל דָּֽמִי֙ אַ֔רְצָה מִנֶּ֖גֶד פְּנֵ֣י יְהוָ֑ה כִּֽי־יָצָ֞א מֶ֣לֶךְ יִשְׂרָאֵ֗ל לְבַקֵּשׁ֙ אֶת־פַּרְעֹ֣שׁ אֶחָ֔ד כַּאֲשֶׁ֛ר יִרְדֹּ֥ף הַקֹּרֵ֖א בֶּהָרִֽים׃

wĕʻaţá̇֗h ʼal־yipò֤̇l dáֽ̇miy֙ ʼa֔rĕẕáh minė֖ged pĕ̇né֣y yĕhwá֑h kiֽ̇y־yáẕá֞ʼ me֣lekĕ yişĕ̂ráʼé֗l lĕbaqé̇ş̌֙ ʼeţ־pȧrĕʻò֣ş̌ ʼeẖá֔d kȧʼàşě֛r yirĕdò֥̇p haqò̇ré֖ʼ bėháriֽym׃

21
וַיֹּאמֶר֩ שָׁא֨וּל חָטָ֜אתִי שׁ֣וּב בְּנִֽי־דָוִ֗ד כִּ֠י לֹֽא־אָרַ֤ע לְךָ֙ עֹ֔וד תַּ֠חַת אֲשֶׁ֨ר יָקְרָ֥ה נַפְשִׁ֛י בְּעֵינֶ֖יךָ הַיֹּ֣ום הַזֶּ֑ה הִנֵּ֥ה הִסְכַּ֛לְתִּי וָאֶשְׁגֶּ֖ה הַרְבֵּ֥ה מְאֹֽד׃

wayò̇ʼmer֩ şá̌ʼ֨ẇl ẖátá֜ʼţiy ş֣̌ẇb bĕ̇niֽy־dáwi֗d ki̇֠y lòֽʼ־ʼára֤ʻ lĕká֙ ʻò֔wd ţȧ֠ẖaţ ʼàşě֨r yáqĕrá֥h napĕşǐ֛y bĕ̇ʻéyne֖yká hayò֣̇wm hazė֑h hiné֥̇h hisĕkȧ֛lĕţi̇y wáʼeşĕ̌gė֖h harĕbé֥̇h mĕʼòֽd׃

22
וַיַּ֤עַן דָּוִד֙ וַיֹּ֔אמֶר הִנֵּ֖ה הַחֲנִית הַמֶּ֑לֶךְ וְיַעֲבֹ֛ר אֶחָ֥ד מֵֽהַנְּעָרִ֖ים וְיִקָּחֶֽהָ׃

wayȧ֤ʻan dá̇wid֙ wayò̇֔ʼmer hiné֖̇h haẖàniyţ hamė֑lekĕ wĕyaʻàbò֛r ʼeẖá֥d méֽhanĕ̇ʻári֖ym wĕyiqá̇ẖeֽhá׃

23
וַֽיהוָה֙ יָשִׁ֣יב לָאִ֔ישׁ אֶת־צִדְקָתֹ֖ו וְאֶת־אֱמֻנָתֹ֑ו אֲשֶׁר֩ נְתָנְךָ֙ יְהוָ֤ה׀ הַיֹּום֙ בְּיָ֔ד וְלֹ֣א אָבִ֔יתִי לִשְׁלֹ֥חַ יָדִ֖י בִּמְשִׁ֥יחַ יְהוָֽה׃

waֽyhwáh֙ yáşǐ֣yb láʼi֔yş̌ ʼeţ־ẕidĕqáţò֖w wĕʼeţ־ʼèmunáţò֑w ʼàşěr֩ nĕţánĕká֙ yĕhwá֤h׀ hayò̇wm֙ bĕ̇yá֔d wĕlò֣ʼ ʼábi֔yţiy lişĕ̌lò֥ẖa yádi֖y bi̇mĕşǐ֥yẖa yĕhwáֽh׃

24
וְהִנֵּ֗ה כַּאֲשֶׁ֨ר גָּדְלָ֧ה נַפְשְׁךָ֛ הַיֹּ֥ום הַזֶּ֖ה בְּעֵינָ֑י כֵּ֣ן תִּגְדַּ֤ל נַפְשִׁי֙ בְּעֵינֵ֣י יְהוָ֔ה וְיַצִּלֵ֖נִי מִכָּל־צָרָֽה׃ פ

wĕhiné̇֗h kȧʼàşě֨r gá̇dĕlá֧h napĕşĕ̌ká֛ hayò֥̇wm hazė֖h bĕ̇ʻéyná֑y ké֣̇n ţi̇gĕdȧ֤l napĕşǐy֙ bĕ̇ʻéyné֣y yĕhwá֔h wĕyaẕi̇lé֖niy miká̇l־ẕáráֽh׃ p

25
וַיֹּ֨אמֶר שָׁא֜וּל אֶל־דָּוִ֗ד בָּר֤וּךְ אַתָּה֙ בְּנִ֣י דָוִ֔ד גַּ֚ם עָשֹׂ֣ה תַעֲשֶׂ֔ה וְגַ֖ם יָכֹ֣ל תּוּכָ֑ל וַיֵּ֤לֶךְ דָּוִד֙ לְדַרְכֹּ֔ו וְשָׁא֖וּל שָׁ֥ב לִמְקֹומֹֽו׃ פ

wayò̇֨ʼmer şá̌ʼ֜ẇl ʼel־dá̇wi֗d bá̇r֤ẇkĕ ʼaţá̇h֙ bĕ̇ni֣y dáwi֔d gȧ֚m ʻáşò֣̂h ţaʻàşê֔h wĕga֖m yákò֣l ţ̇ẇká֑l wayé֤̇lekĕ dá̇wid֙ lĕdarĕkò̇֔w wĕşá̌ʼ֖ẇl şá֥̌b limĕqòwmòֽw׃ p