Bibles in ancient languages
Old translations
Modern translations

Biblia Hebraica Stuttgartiensia 2 Chronicles 20

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיְהִ֣י אַֽחֲרֵיכֵ֡ן בָּ֣אוּ בְנֵי־מֹואָב֩ וּבְנֵ֨י עַמֹּ֜ון וְעִמָּהֶ֧ם׀ מֵֽהָעַמֹּונִ֛ים עַל־יְהֹושָׁפָ֖ט לַמִּלְחָמָֽה׃

wayĕhi֣y ʼaֽẖàréyké֡n bá֣̇ʼẇ bĕnéy־mòwʼáb֩ ẇbĕné֨y ʻamò̇֜wn wĕʻimá̇he֧m׀ méֽháʻamò̇wni֛ym ʻal־yĕhòwşá̌pá֖t lami̇lĕẖámáֽh׃

2
וַיָּבֹ֗אוּ וַיַּגִּ֤ידוּ לִֽיהֹושָׁפָט֙ לֵאמֹ֔ר בָּ֣א עָלֶ֜יךָ הָמֹ֥ון רָ֛ב מֵעֵ֥בֶר לַיָּ֖ם מֵאֲרָ֑ם וְהִנָּם֙ בְּחַֽצְצֹ֣ון תָּמָ֔ר הִ֖יא עֵ֥ין גֶּֽדִי׃

wayá̇bò֗ʼẇ wayȧgi֤̇ydẇ liֽyhòwşá̌pát֙ léʼmò֔r bá֣̇ʼ ʻále֜yká hámò֥wn rá֛b méʻé֥ber layá֖̇m méʼàrá֑m wĕhiná̇m֙ bĕ̇ẖaֽẕĕẕò֣wn ţá̇má֔r hi֖yʼ ʻé֥yn gėֽdiy׃

3
וַיִּרָ֕א וַיִּתֵּ֧ן יְהֹושָׁפָ֛ט אֶת־פָּנָ֖יו לִדְרֹ֣ושׁ לַיהוָ֑ה וַיִּקְרָא־צֹ֖ום עַל־כָּל־יְהוּדָֽה׃

wayi̇rá֕ʼ wayi̇ţé֧̇n yĕhòwşá̌pá֛t ʼeţ־pá̇ná֖yw lidĕrò֣wş̌ layhwá֑h wayi̇qĕráʼ־ẕò֖wm ʻal־ká̇l־yĕhẇdáֽh׃

4
וַיִּקָּבְצ֣וּ יְהוּדָ֔ה לְבַקֵּ֖שׁ מֵֽיְהוָ֑ה גַּ֚ם מִכָּל־עָרֵ֣י יְהוּדָ֔ה בָּ֖אוּ לְבַקֵּ֥שׁ אֶת־יְהוָֽה׃

wayi̇qá̇bĕẕ֣ẇ yĕhẇdá֔h lĕbaqé֖̇ş̌ méֽyĕhwá֑h gȧ֚m miká̇l־ʻáré֣y yĕhẇdá֔h bá֖̇ʼẇ lĕbaqé֥̇ş̌ ʼeţ־yĕhwáֽh׃

5
וַיַּעֲמֹ֣ד יְהֹושָׁפָ֗ט בִּקְהַ֧ל יְהוּדָ֛ה וִירוּשָׁלִַ֖ם בְּבֵ֣ית יְהוָ֑ה לִפְנֵ֖י הֶחָצֵ֥ר הַחֲדָשָֽׁה׃

wayȧʻàmò֣d yĕhòwşá̌pá֗t bi̇qĕha֧l yĕhẇdá֛h wiyrẇşá̌lia֖m bĕ̇bé֣yţ yĕhwá֑h lipĕné֖y heẖáẕé֥r haẖàdáşáֽ̌h׃

6
וַיֹּאמַ֗ר יְהוָ֞ה אֱלֹהֵ֤י אֲבֹתֵ֨ינוּ֙ הֲלֹ֨א אַתָּֽה־ה֤וּא אֱלֹהִים֙ בַּשָּׁמַ֔יִם וְאַתָּ֣ה מֹושֵׁ֔ל בְּכֹ֖ל מַמְלְכֹ֣ות הַגֹּויִ֑ם וּבְיָדְךָ֙ כֹּ֣חַ וּגְבוּרָ֔ה וְאֵ֥ין עִמְּךָ֖ לְהִתְיַצֵּֽב׃

wayò̇ʼma֗r yĕhwá֞h ʼèlòhé֤y ʼàbòţé֨ynẇ֙ hàlò֨ʼ ʼaţáֽ̇h־h֤ẇʼ ʼèlòhiym֙ bȧşá̇̌ma֔yim wĕʼaţá֣̇h mòwşé̌֔l bĕ̇kò֖l mamĕlĕkò֣wţ hagò̇wyi֑m ẇbĕyádĕká֙ kò֣̇ẖa ẇgĕbẇrá֔h wĕʼé֥yn ʻimĕ̇ká֖ lĕhiţĕyaẕéֽ̇b׃

7
הֲלֹ֣א׀ אַתָּ֣ה אֱלֹהֵ֗ינוּ הֹורַ֨שְׁתָּ֙ אֶת־יֹשְׁבֵי֙ הָאָ֣רֶץ הַזֹּ֔את מִלִּפְנֵ֖י עַמְּךָ֣ יִשְׂרָאֵ֑ל וַֽתִּתְּנָ֗הּ לְזֶ֛רַע אַבְרָהָ֥ם אֹֽהַבְךָ֖ לְעֹולָֽם׃

hàlò֣ʼ׀ ʼaţá֣̇h ʼèlòhé֗ynẇ hòwra֨şĕ̌ţá̇֙ ʼeţ־yòşĕ̌béy֙ háʼá֣reẕ hazò̇֔ʼţ mili̇pĕné֖y ʻamĕ̇ká֣ yişĕ̂ráʼé֑l waֽţi̇ţĕ̇ná֗ḣ lĕze֛raʻ ʼabĕráhá֥m ʼòֽhabĕká֖ lĕʻòwláֽm׃

8
וַיֵּשְׁב֖וּ־בָ֑הּ וַיִּבְנ֨וּ לְךָ֧׀ בָּ֛הּ מִקְדָּ֖שׁ לְשִׁמְךָ֥ לֵאמֹֽר׃

wayé̇şĕ̌b֖ẇ־bá֑ḣ wayi̇bĕn֨ẇ lĕká֧׀ bá֛̇ḣ miqĕdá֖̇ş̌ lĕşǐmĕká֥ léʼmòֽr׃

9
אִם־תָּבֹ֨וא עָלֵ֜ינוּ רָעָ֗ה חֶרֶב֮ שְׁפֹוט֮ וְדֶ֣בֶר וְרָעָב֒ נַֽעַמְדָ֞ה לִפְנֵי֙ הַבַּ֤יִת הַזֶּה֙ וּלְפָנֶ֔יךָ כִּ֥י שִׁמְךָ֖ בַּבַּ֣יִת הַזֶּ֑ה וְנִזְעַ֥ק אֵלֶ֛יךָ מִצָּרָתֵ֖נוּ וְתִשְׁמַ֥ע וְתֹושִֽׁיעַ׃

ʼim־ţá̇bò֨wʼ ʻálé֜ynẇ ráʻá֗h ẖereb֮ şĕ̌pòwt֮ wĕde֣ber wĕráʻáb֒ naֽʻamĕdá֞h lipĕnéy֙ habȧ֤yiţ hazėh֙ ẇlĕpáne֔yká ki֥̇y şǐmĕká֖ bȧbȧ֣yiţ hazė֑h wĕnizĕʻa֥q ʼéle֛yká miẕá̇ráţé֖nẇ wĕţişĕ̌ma֥ʻ wĕţòwşǐֽyʻa׃

10
וְעַתָּ֡ה הִנֵּה֩ בְנֵֽי־עַמֹּ֨ון וּמֹואָ֜ב וְהַר־שֵׂעִ֗יר אֲ֠שֶׁר לֹֽא־נָתַ֤תָּה לְיִשְׂרָאֵל֙ לָבֹ֣וא בָהֶ֔ם בְּבֹאָ֖ם מֵאֶ֣רֶץ מִצְרָ֑יִם כִּ֛י סָ֥רוּ מֵעֲלֵיהֶ֖ם וְלֹ֥א הִשְׁמִידֽוּם׃

wĕʻaţá̇֡h hiné̇h֩ bĕnéֽy־ʻamò̇֨wn ẇmòwʼá֜b wĕhar־şé̂ʻi֗yr ʼà֠şěr lòֽʼ־náţa֤ţá̇h lĕyişĕ̂ráʼél֙ lábò֣wʼ báhe֔m bĕ̇bòʼá֖m méʼe֣reẕ miẕĕrá֑yim ki֛̇y sá֥rẇ méʻàléyhe֖m wĕlò֥ʼ hişĕ̌miydֽẇm׃

11
וְהִ֨נֵּה־הֵ֔ם גֹּמְלִ֖ים עָלֵ֑ינוּ לָבֹוא֙ לְגָ֣רְשֵׁ֔נוּ מִיְּרֻשָּׁתְךָ֖ אֲשֶׁ֥ר הֹֽורַשְׁתָּֽנוּ׃

wĕhi֨né̇h־hé֔m gò̇mĕli֖ym ʻálé֑ynẇ lábòwʼ֙ lĕgá֣rĕşé̌֔nẇ miyĕ̇ruşá̇̌ţĕká֖ ʼàşě֥r hòֽwraşĕ̌ţáֽ̇nẇ׃

12
אֱלֹהֵ֨ינוּ֙ הֲלֹ֣א תִשְׁפָּט־בָּ֔ם כִּ֣י אֵ֥ין בָּ֨נוּ֙ כֹּ֔חַ לִ֠פְנֵי הֶהָמֹ֥ון הָרָ֛ב הַזֶּ֖ה הַבָּ֣א עָלֵ֑ינוּ וַאֲנַ֗חְנוּ לֹ֤א נֵדַע֙ מַֽה־נַּעֲשֶׂ֔ה כִּ֥י עָלֶ֖יךָ עֵינֵֽינוּ׃

ʼèlòhé֨ynẇ֙ hàlò֣ʼ ţişĕ̌pá̇t־bá̇֔m ki֣̇y ʼé֥yn bá̇֨nẇ֙ kò̇֔ẖa li֠pĕnéy hehámò֥wn hárá֛b hazė֖h habá֣̇ʼ ʻálé֑ynẇ waʼàna֗ẖĕnẇ lò֤ʼ nédaʻ֙ maֽh־nȧʻàşê֔h ki֥̇y ʻále֖yká ʻéynéֽynẇ׃

13
וְכֹ֨ל־יְהוּדָ֔ה עֹמְדִ֖ים לִפְנֵ֣י יְהוָ֑ה גַּם־טַפָּ֖ם נְשֵׁיהֶ֥ם וּבְנֵיהֶֽם׃ פ

wĕkò֨l־yĕhẇdá֔h ʻòmĕdi֖ym lipĕné֣y yĕhwá֑h gȧm־tapá֖̇m nĕşé̌yhe֥m ẇbĕnéyheֽm׃ p

14
וְיַחֲזִיאֵ֡ל בֶּן־זְכַרְיָ֡הוּ בֶּן־בְּ֠נָיָה בֶּן־יְעִיאֵ֧ל בֶּן־מַתַּנְיָ֛ה הַלֵּוִ֖י מִן־בְּנֵ֣י אָסָ֑ף הָיְתָ֤ה עָלָיו֙ ר֣וּחַ יְהוָ֔ה בְּתֹ֖וךְ הַקָּהָֽל׃

wĕyaẖàziyʼé֡l bėn־zĕkarĕyá֡hẇ bėn־bĕ̇֠náyáh bėn־yĕʻiyʼé֧l bėn־maţȧnĕyá֛h halé̇wi֖y min־bĕ̇né֣y ʼásá֑p háyĕţá֤h ʻáláyw֙ r֣ẇẖa yĕhwá֔h bĕ̇ţò֖wkĕ haqá̇háֽl׃

15
וַיֹּ֗אמֶר הַקְשִׁ֤יבוּ כָל־יְהוּדָה֙ וְיֹשְׁבֵ֣י יְרוּשָׁלִַ֔ם וְהַמֶּ֖לֶךְ יְהֹושָׁפָ֑ט כֹּֽה־אָמַ֨ר יְהוָ֜ה לָכֶ֗ם אַ֠תֶּם אַל־תִּֽירְא֤וּ וְאַל־תֵּחַ֨תּוּ֙ מִפְּנֵ֨י הֶהָמֹ֤ון הָרָב֙ הַזֶּ֔ה כִּ֣י לֹ֥א לָכֶ֛ם הַמִּלְחָמָ֖ה כִּ֥י לֵאלֹהִֽים׃

wayò̇֗ʼmer haqĕşǐ֤ybẇ kál־yĕhẇdáh֙ wĕyòşĕ̌bé֣y yĕrẇşá̌lia֔m wĕhamė֖lekĕ yĕhòwşá̌pá֑t kòֽ̇h־ʼáma֨r yĕhwá֜h láke֗m ʼa֠ţėm ʼal־ţiֽ̇yrĕʼ֤ẇ wĕʼal־ţé̇ẖa֨ţ̇ẇ֙ mipĕ̇né֨y hehámò֤wn háráb֙ hazė֔h ki֣̇y lò֥ʼ láke֛m hami̇lĕẖámá֖h ki֥̇y léʼlòhiֽym׃

16
מָחָר֙ רְד֣וּ עֲלֵיהֶ֔ם הִנָּ֥ם עֹלִ֖ים בְּמַעֲלֵ֣ה הַצִּ֑יץ וּמְצָאתֶ֤ם אֹתָם֙ בְּסֹ֣וף הַנַּ֔חַל פְּנֵ֖י מִדְבַּ֥ר יְרוּאֵֽל׃

máẖár֙ rĕd֣ẇ ʻàléyhe֔m hiná֥̇m ʻòli֖ym bĕ̇maʻàlé֣h haẕi֑̇yẕ ẇmĕẕáʼţe֤m ʼòţám֙ bĕ̇sò֣wp hanȧ֔ẖal pĕ̇né֖y midĕbȧ֥r yĕrẇʼéֽl׃

17
לֹ֥א לָכֶ֖ם לְהִלָּחֵ֣ם בָּזֹ֑את הִתְיַצְּב֣וּ עִמְד֡וּ וּרְא֣וּ אֶת־יְשׁוּעַת֩ יְהוָ֨ה עִמָּכֶ֜ם יְהוּדָ֣ה וִֽירוּשָׁלִַ֗ם אַל־תִּֽירְאוּ֙ וְאַל־תֵּחַ֔תּוּ מָחָר֙ צְא֣וּ לִפְנֵיהֶ֔ם וַיהוָ֖ה עִמָּכֶֽם׃

lò֥ʼ láke֖m lĕhilá̇ẖé֣m bá̇zò֑ʼţ hiţĕyaẕĕ̇b֣ẇ ʻimĕd֡ẇ ẇrĕʼ֣ẇ ʼeţ־yĕş̌ẇʻaţ֩ yĕhwá֨h ʻimá̇ke֜m yĕhẇdá֣h wiֽyrẇşá̌lia֗m ʼal־ţiֽ̇yrĕʼẇ֙ wĕʼal־ţé̇ẖa֔ţ̇ẇ máẖár֙ ẕĕʼ֣ẇ lipĕnéyhe֔m wayhwá֖h ʻimá̇keֽm׃

18
וַיִּקֹּ֧ד יְהֹושָׁפָ֛ט אַפַּ֖יִם אָ֑רְצָה וְכָל־יְהוּדָ֞ה וְיֹשְׁבֵ֣י יְרוּשָׁלִַ֗ם נָֽפְלוּ֙ לִפְנֵ֣י יְהוָ֔ה לְהִֽשְׁתַּחֲוֹ֖ת לַיהוָֽה׃

wayi̇qò֧̇d yĕhòwşá̌pá֛t ʼapȧ֖yim ʼá֑rĕẕáh wĕkál־yĕhẇdá֞h wĕyòşĕ̌bé֣y yĕrẇşá̌lia֗m náֽpĕlẇ֙ lipĕné֣y yĕhwá֔h lĕhiֽşĕ̌ţȧẖàwò֖ţ layhwáֽh׃

19
וַיָּקֻ֧מוּ הַלְוִיִּ֛ם מִן־בְּנֵ֥י הַקְּהָתִ֖ים וּמִן־בְּנֵ֣י הַקָּרְחִ֑ים לְהַלֵּ֗ל לַיהוָה֙ אֱלֹהֵ֣י יִשְׂרָאֵ֔ל בְּקֹ֥ול גָּדֹ֖ול לְמָֽעְלָה׃

wayá̇qu֧mẇ halĕwiyi֛̇m min־bĕ̇né֥y haqĕ̇háţi֖ym ẇmin־bĕ̇né֣y haqá̇rĕẖi֑ym lĕhalé̇֗l layhwáh֙ ʼèlòhé֣y yişĕ̂ráʼé֔l bĕ̇qò֥wl gá̇dò֖wl lĕmáֽʻĕláh׃

20
וַיַּשְׁכִּ֣ימוּ בַבֹּ֔קֶר וַיֵּצְא֖וּ לְמִדְבַּ֣ר תְּקֹ֑ועַ וּבְצֵאתָ֞ם עָמַ֣ד יְהֹושָׁפָ֗ט וַיֹּ֨אמֶר֙ שְׁמָע֗וּנִי יְהוּדָה֙ וְיֹשְׁבֵ֣י יְרוּשָׁלִַ֔ם הַאֲמִ֜ינוּ בַּיהוָ֤ה אֱלֹהֵיכֶם֙ וְתֵ֣אָמֵ֔נוּ הַאֲמִ֥ינוּ בִנְבִיאָ֖יו וְהַצְלִֽיחוּ׃

wayȧşĕ̌ki֣̇ymẇ babò̇֔qer wayé̇ẕĕʼ֖ẇ lĕmidĕbȧ֣r ţĕ̇qò֑wʻa ẇbĕẕéʼţá֞m ʻáma֣d yĕhòwşá̌pá֗t wayò̇֨ʼmer֙ şĕ̌máʻ֗ẇniy yĕhẇdáh֙ wĕyòşĕ̌bé֣y yĕrẇşá̌lia֔m haʼàmi֜ynẇ bȧyhwá֤h ʼèlòhéykem֙ wĕţé֣ʼámé֔nẇ haʼàmi֥ynẇ binĕbiyʼá֖yw wĕhaẕĕliֽyẖẇ׃

21
וַיִּוָּעַץ֙ אֶל־הָעָ֔ם וַיַּעֲמֵ֤ד מְשֹֽׁרֲרִים֙ לַיהוָ֔ה וּֽמְהַֽלְלִ֖ים לְהַדְרַת־קֹ֑דֶשׁ בְּצֵאת֙ לִפְנֵ֣י הֶֽחָל֔וּץ וְאֹֽמְרִים֙ הֹוד֣וּ לַיהוָ֔ה כִּ֥י לְעֹולָ֖ם חַסְדֹּֽו׃

wayi̇wá̇ʻaẕ֙ ʼel־háʻá֔m wayȧʻàmé֤d mĕşòֽ̌ràriym֙ layhwá֔h ẇֽmĕhaֽlĕli֖ym lĕhadĕraţ־qò֑deş̌ bĕ̇ẕéʼţ֙ lipĕné֣y heֽẖál֔ẇẕ wĕʼòֽmĕriym֙ hòwd֣ẇ layhwá֔h ki֥̇y lĕʻòwlá֖m ẖasĕdòֽ̇w׃

22
וּבְעֵת֩ הֵחֵ֨לּוּ בְרִנָּ֜ה וּתְהִלָּ֗ה נָתַ֣ן יְהוָ֣ה׀ מְ֠אָֽרְבִים עַל־בְּנֵ֨י עַמֹּ֜ון מֹואָ֧ב וְהַר־שֵׂעִ֛יר הַבָּאִ֥ים לִֽיהוּדָ֖ה וַיִּנָּגֵֽפוּ׃

ẇbĕʻéţ֩ héẖé֨l̇ẇ bĕriná̇֜h ẇţĕhilá̇֗h náţa֣n yĕhwá֣h׀ mĕ֠ʼáֽrĕbiym ʻal־bĕ̇né֨y ʻamò̇֜wn mòwʼá֧b wĕhar־şé̂ʻi֛yr habá̇ʼi֥ym liֽyhẇdá֖h wayi̇ná̇géֽpẇ׃

23
וַ֠יַּֽעַמְדוּ בְּנֵ֨י עַמֹּ֧ון וּמֹואָ֛ב עַל־יֹשְׁבֵ֥י הַר־שֵׂעִ֖יר לְהַחֲרִ֣ים וּלְהַשְׁמִ֑יד וּכְכַלֹּותָם֙ בְּיֹושְׁבֵ֣י שֵׂעִ֔יר עָזְר֥וּ אִישׁ־בְּרֵעֵ֖הוּ לְמַשְׁחִֽית׃

wa֠yȧֽʻamĕdẇ bĕ̇né֨y ʻamò֧̇wn ẇmòwʼá֛b ʻal־yòşĕ̌bé֥y har־şé̂ʻi֖yr lĕhaẖàri֣ym ẇlĕhaşĕ̌mi֑yd ẇkĕkalò̇wţám֙ bĕ̇yòwşĕ̌bé֣y şé̂ʻi֔yr ʻázĕr֥ẇ ʼiyş̌־bĕ̇réʻé֖hẇ lĕmaşĕ̌ẖiֽyţ׃

24
וִֽיהוּדָ֛ה בָּ֥א עַל־הַמִּצְפֶּ֖ה לַמִּדְבָּ֑ר וַיִּפְנוּ֙ אֶל־הֶ֣הָמֹ֔ון וְהִנָּ֧ם פְּגָרִ֛ים נֹפְלִ֥ים אַ֖רְצָה וְאֵ֥ין פְּלֵיטָֽה׃

wiֽyhẇdá֛h bá֥̇ʼ ʻal־hami̇ẕĕpė֖h lami̇dĕbá֑̇r wayi̇pĕnẇ֙ ʼel־he֣hámò֔wn wĕhiná֧̇m pĕ̇gári֛ym nòpĕli֥ym ʼa֖rĕẕáh wĕʼé֥yn pĕ̇léytáֽh׃

25
וַיָּבֹ֨א יְהֹושָׁפָ֣ט וְעַמֹּו֮ לָבֹ֣ז אֶת־שְׁלָלָם֒ וַיִּמְצְאוּ֩ בָהֶ֨ם לָרֹ֜ב וּרְכ֤וּשׁ וּפְגָרִים֙ וּכְלֵ֣י חֲמֻדֹ֔ות וַיְנַצְּל֥וּ לָהֶ֖ם לְאֵ֣ין מַשָּׂ֑א וַיִּֽהְי֞וּ יָמִ֧ים שְׁלֹושָׁ֛ה בֹּזְזִ֥ים אֶת־הַשָּׁלָ֖ל כִּ֥י רַב־הֽוּא׃

wayá̇bò֨ʼ yĕhòwşá̌pá֣t wĕʻamò̇w֮ lábò֣z ʼeţ־şĕ̌lálám֒ wayi̇mĕẕĕʼẇ֩ báhe֨m lárò֜b ẇrĕk֤ẇş̌ ẇpĕgáriym֙ ẇkĕlé֣y ẖàmudò֔wţ wayĕnaẕĕ̇l֥ẇ láhe֖m lĕʼé֣yn maşá֑̇̂ʼ wayiֽ̇hĕy֞ẇ yámi֧ym şĕ̌lòwşá֛̌h bò̇zĕzi֥ym ʼeţ־haşá̇̌lá֖l ki֥̇y rab־hֽẇʼ׃

26
וּבַיֹּ֣ום הָרְבִעִ֗י נִקְהֲלוּ֙ לְעֵ֣מֶק בְּרָכָ֔ה כִּי־שָׁ֖ם בֵּרֲכ֣וּ אֶת־יְהוָ֑ה עַל־כֵּ֡ן קָֽרְא֞וּ אֶת־שֵׁ֨ם הַמָּקֹ֥ום הַה֛וּא עֵ֥מֶק בְּרָכָ֖ה עַד־הַיֹּֽום׃

ẇbayò֣̇wm hárĕbiʻi֗y niqĕhàlẇ֙ lĕʻé֣meq bĕ̇ráká֔h ki̇y־şá֖̌m bé̇ràk֣ẇ ʼeţ־yĕhwá֑h ʻal־ké̇֡n qáֽrĕʼ֞ẇ ʼeţ־şé̌֨m hamá̇qò֥wm hah֛ẇʼ ʻé֥meq bĕ̇ráká֖h ʻad־hayòֽ̇wm׃

27
וַ֠יָּשֻׁבוּ כָּל־אִ֨ישׁ יְהוּדָ֤ה וִֽירוּשָׁלִַ֨ם֙ וִֽיהֹושָׁפָ֣ט בְּרֹאשָׁ֔ם לָשׁ֥וּב אֶל־יְרוּשָׁלִַ֖ם בְּשִׂמְחָ֑ה כִּֽי־שִׂמְּחָ֥ם יְהוָ֖ה מֵֽאֹויְבֵיהֶֽם׃

wa֠yá̇şǔbẇ ká̇l־ʼi֨yş̌ yĕhẇdá֤h wiֽyrẇşá̌lia֨m֙ wiֽyhòwşá̌pá֣t bĕ̇ròʼşá̌֔m láş֥̌ẇb ʼel־yĕrẇşá̌lia֖m bĕ̇şîmĕẖá֑h kiֽ̇y־şîmĕ̇ẖá֥m yĕhwá֖h méֽʼòwyĕbéyheֽm׃

28
וַיָּבֹ֨אוּ֙ יְר֣וּשָׁלִַ֔ם בִּנְבָלִ֥ים וּבְכִנֹּרֹ֖ות וּבַחֲצֹצְרֹ֑ות אֶל־בֵּ֖ית יְהוָֽה׃

wayá̇bò֨ʼẇ֙ yĕr֣ẇşá̌lia֔m bi̇nĕbáli֥ym ẇbĕkinò̇rò֖wţ ẇbaẖàẕòẕĕrò֑wţ ʼel־bé֖̇yţ yĕhwáֽh׃

29
וַיְהִי֙ פַּ֣חַד אֱלֹהִ֔ים עַ֖ל כָּל־מַמְלְכֹ֣ות הָאֲרָצֹ֑ות בְּשָׁמְעָ֕ם כִּ֚י נִלְחַ֣ם יְהוָ֔ה עִ֖ם אֹויְבֵ֥י יִשְׂרָאֵֽל׃

wayĕhiy֙ pȧ֣ẖad ʼèlòhi֔ym ʻa֖l ká̇l־mamĕlĕkò֣wţ háʼàráẕò֑wţ bĕ̇şá̌mĕʻá֕m ki֚̇y nilĕẖa֣m yĕhwá֔h ʻi֖m ʼòwyĕbé֥y yişĕ̂ráʼéֽl׃

30
וַתִּשְׁקֹ֖ט מַלְכ֣וּת יְהֹושָׁפָ֑ט וַיָּ֧נַֽח לֹ֦ו אֱלֹהָ֖יו מִסָּבִֽיב׃ פ

waţi̇şĕ̌qò֖t malĕk֣ẇţ yĕhòwşá̌pá֑t wayá֧̇naֽẖ lò֦w ʼèlòhá֖yw misá̇biֽyb׃ p

31
וַיִּמְלֹ֥ךְ יְהֹושָׁפָ֖ט עַל־יְהוּדָ֑ה בֶּן־שְׁלֹשִׁים֩ וְחָמֵ֨שׁ שָׁנָ֜ה בְּמָלְכֹ֗ו וְעֶשְׂרִ֨ים וְחָמֵ֤שׁ שָׁנָה֙ מָלַ֣ךְ בִּֽירוּשָׁלִַ֔ם וְשֵׁ֣ם אִמֹּ֔ו עֲזוּבָ֖ה בַּת־שִׁלְחִֽי׃

wayi̇mĕlò֥kĕ yĕhòwşá̌pá֖t ʻal־yĕhẇdá֑h bėn־şĕ̌lòşǐym֩ wĕẖámé֨ş̌ şá̌ná֜h bĕ̇málĕkò֗w wĕʻeşĕ̂ri֨ym wĕẖámé֤ş̌ şá̌náh֙ mála֣kĕ biֽ̇yrẇşá̌lia֔m wĕşé֣̌m ʼimò̇֔w ʻàzẇbá֖h bȧţ־şǐlĕẖiֽy׃

32
וַיֵּ֗לֶךְ בְּדֶ֛רֶךְ אָבִ֥יו אָסָ֖א וְלֹא־סָ֣ר מִמֶּ֑נָּה לַעֲשֹׂ֥ות הַיָּשָׁ֖ר בְּעֵינֵ֥י יְהוָֽה׃

wayé̇֗lekĕ bĕ̇de֛rekĕ ʼábi֥yw ʼásá֖ʼ wĕlòʼ־sá֣r mimė֑ná̇h laʻàşò֥̂wţ hayá̇şá֖̌r bĕ̇ʻéyné֥y yĕhwáֽh׃

33
אַ֥ךְ הַבָּמֹ֖ות לֹא־סָ֑רוּ וְעֹ֤וד הָעָם֙ לֹא־הֵכִ֣ינוּ לְבָבָ֔ם לֵאלֹהֵ֖י אֲבֹתֵיהֶֽם׃

ʼa֥kĕ habá̇mò֖wţ lòʼ־sá֑rẇ wĕʻò֤wd háʻám֙ lòʼ־héki֣ynẇ lĕbábá֔m léʼlòhé֖y ʼàbòţéyheֽm׃

34
וְיֶ֨תֶר֙ דִּבְרֵ֣י יְהֹושָׁפָ֔ט הָרִאשֹׁנִ֖ים וְהָאַחֲרֹנִ֑ים הִנָּ֣ם כְּתוּבִ֗ים בְּדִבְרֵי֙ יֵה֣וּא בֶן־חֲנָ֔נִי אֲשֶׁ֣ר הֹֽעֲלָ֔ה עַל־סֵ֖פֶר מַלְכֵ֥י יִשְׂרָאֵֽל׃

wĕye֨ţer֙ di̇bĕré֣y yĕhòwşá̌pá֔t háriʼşò̌ni֖ym wĕháʼaẖàròni֑ym hiná֣̇m kĕ̇ţẇbi֗ym bĕ̇dibĕréy֙ yéh֣ẇʼ ben־ẖàná֔niy ʼàşě֣r hòֽʻàlá֔h ʻal־sé֖per malĕké֥y yişĕ̂ráʼéֽl׃

35
וְאַחֲרֵיכֵ֗ן אֶתְחַבַּר֙ יְהֹושָׁפָ֣ט מֶֽלֶךְ־יְהוּדָ֔ה עִ֖ם אֲחַזְיָ֣ה מֶֽלֶךְ־יִשְׂרָאֵ֑ל ה֖וּא הִרְשִׁ֥יעַ לַעֲשֹֽׂות׃

wĕʼaẖàréyké֗n ʼeţĕẖabȧr֙ yĕhòwşá̌pá֣t meֽlekĕ־yĕhẇdá֔h ʻi֖m ʼàẖazĕyá֣h meֽlekĕ־yişĕ̂ráʼé֑l h֖ẇʼ hirĕşǐ֥yʻa laʻàşòֽ̂wţ׃

36
וַיְחַבְּרֵ֣הוּ עִמֹּ֔ו לַעֲשֹׂ֥ות אֳנִיֹּ֖ות לָלֶ֣כֶת תַּרְשִׁ֑ישׁ וַיַּעֲשׂ֥וּ אֳנִיֹּ֖ות בְּעֶצְיֹ֥ון גָּֽבֶר׃

wayĕẖabĕ̇ré֣hẇ ʻimò̇֔w laʻàşò֥̂wţ ʼoniyò֖̇wţ lále֣keţ ţȧrĕşǐ֑yş̌ wayȧʻàş֥̂ẇ ʼoniyò֖̇wţ bĕ̇ʻeẕĕyò֥wn gáֽ̇ber׃

37
וַיִּתְנַבֵּ֞א אֱלִיעֶ֤זֶר בֶּן־דֹּדָוָ֨הוּ֙ מִמָּ֣רֵשָׁ֔ה עַל־יְהֹושָׁפָ֖ט לֵאמֹ֑ר כְּהִֽתְחַבֶּרְךָ֣ עִם־אֲחַזְיָ֗הוּ פָּרַ֤ץ יְהוָה֙ אֶֽת־מַעֲשֶׂ֔יךָ וַיִּשָּׁבְר֣וּ אֳנִיֹּ֔ות וְלֹ֥א עָצְר֖וּ לָלֶ֥כֶת אֶל־תַּרְשִֽׁישׁ׃

wayi̇ţĕnabé̇֞ʼ ʼèliyʻe֤zer bėn־dò̇dáwá֨hẇ֙ mimá֣̇réşá̌֔h ʻal־yĕhòwşá̌pá֖t léʼmò֑r kĕ̇hiֽţĕẖabėrĕká֣ ʻim־ʼàẖazĕyá֗hẇ pá̇ra֤ẕ yĕhwáh֙ ʼeֽţ־maʻàşê֔yká wayi̇şá̇̌bĕr֣ẇ ʼoniyò̇֔wţ wĕlò֥ʼ ʻáẕĕr֖ẇ lále֥keţ ʼel־ţȧrĕşǐֽyş̌׃