Bibles in ancient languages
Old translations
Modern translations

Biblia Hebraica Stuttgartiensia 2 Kings 4

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וְאִשָּׁ֣ה אַחַ֣ת מִנְּשֵׁ֣י בְנֵֽי־הַ֠נְּבִיאִים צָעֲקָ֨ה אֶל־אֱלִישָׁ֜ע לֵאמֹ֗ר עַבְדְּךָ֤ אִישִׁי֙ מֵ֔ת וְאַתָּ֣ה יָדַ֔עְתָּ כִּ֣י עַבְדְּךָ֔ הָיָ֥ה יָרֵ֖א אֶת־יְהוָ֑ה וְהַ֨נֹּשֶׁ֔ה בָּ֗א לָקַ֜חַת אֶת־שְׁנֵ֧י יְלָדַ֛י לֹ֖ו לַעֲבָדִֽים׃

wĕʼişá֣̇̌h ʼaẖa֣ţ minĕ̇şé֣̌y bĕnéֽy־ha֠nĕ̇biyʼiym ẕáʻàqá֨h ʼel־ʼèliyşá̌֜ʻ léʼmò֗r ʻabĕdĕ̇ká֤ ʼiyşǐy֙ mé֔ţ wĕʼaţá֣̇h yáda֔ʻĕţá̇ ki֣̇y ʻabĕdĕ̇ká֔ háyá֥h yáré֖ʼ ʼeţ־yĕhwá֑h wĕha֨nò̇şě֔h bá̇֗ʼ láqa֜ẖaţ ʼeţ־şĕ̌né֧y yĕláda֛y lò֖w laʻàbádiֽym׃

2
וַיֹּ֨אמֶר אֵלֶ֤יהָ אֱלִישָׁע֙ מָ֣ה אֶֽעֱשֶׂה־לָּ֔ךְ הַגִּ֣ידִי לִ֔י מַה־יֶּשׁ־לְכִי בַּבָּ֑יִת וַתֹּ֗אמֶר אֵ֣ין לְשִׁפְחָתְךָ֥ כֹל֙ בַּבַּ֔יִת כִּ֖י אִם־אָס֥וּךְ שָֽׁמֶן׃

wayò̇֨ʼmer ʼéle֤yhá ʼèliyşá̌ʻ֙ má֣h ʼeֽʻèşêh־lá̇֔kĕ hagi֣̇ydiy li֔y mah־yėş̌־lĕkiy bȧbá֑̇yiţ waţò̇֗ʼmer ʼé֣yn lĕşǐpĕẖáţĕká֥ kòl֙ bȧbȧ֔yiţ ki֖̇y ʼim־ʼás֥ẇkĕ şáֽ̌men׃

3
וַיֹּ֗אמֶר לְכִ֨י שַׁאֲלִי־לָ֤ךְ כֵּלִים֙ מִן־הַח֔וּץ מֵאֵ֖ת כָּל־שִׁכְנָכֵי כֵּלִ֥ים רֵקִ֖ים אַל־תַּמְעִֽיטִי׃

wayò̇֗ʼmer lĕki֨y şǎʼàliy־lá֤kĕ ké̇liym֙ min־haẖ֔ẇẕ méʼé֖ţ ká̇l־şǐkĕnákéy ké̇li֥ym réqi֖ym ʼal־ţȧmĕʻiֽytiy׃

4
וּבָ֗את וְסָגַ֤רְתְּ הַדֶּ֨לֶת֙ בַּעֲדֵ֣ךְ וּבְעַד־בָּנַ֔יִךְ וְיָצַ֕קְתְּ עַ֥ל כָּל־הַכֵּלִ֖ים הָאֵ֑לֶּה וְהַמָּלֵ֖א תַּסִּֽיעִי׃

ẇbá֗ʼţ wĕsága֤rĕţĕ̇ hadė֨leţ֙ bȧʻàdé֣kĕ ẇbĕʻad־bá̇na֔yikĕ wĕyáẕa֕qĕţĕ̇ ʻa֥l ká̇l־haké̇li֖ym háʼé֑lėh wĕhamá̇lé֖ʼ ţȧsiֽ̇yʻiy׃

5
וַתֵּ֨לֶךְ֙ מֵֽאִתֹּ֔ו וַתִּסְגֹּ֣ר הַדֶּ֔לֶת בַּעֲדָ֖הּ וּבְעַ֣ד בָּנֶ֑יהָ הֵ֛ם מַגִּשִׁ֥ים אֵלֶ֖יהָ וְהִ֥יא מֵיצָקֶת

waţé̇֨lekĕ֙ méֽʼiţò̇֔w waţi̇sĕgò֣̇r hadė֔leţ bȧʻàdá֖ḣ ẇbĕʻa֣d bá̇ne֑yhá hé֛m magi̇şǐ֥ym ʼéle֖yhá wĕhi֥yʼ méyẕáqeţ

6
וַיְהִ֣י׀ כִּמְלֹ֣את הַכֵּלִ֗ים וַתֹּ֤אמֶר אֶל־בְּנָהּ֙ הַגִּ֨ישָׁה אֵלַ֥י עֹוד֙ כֶּ֔לִי וַיֹּ֣אמֶר אֵלֶ֔יהָ אֵ֥ין עֹ֖וד כֶּ֑לִי וַֽיַּעֲמֹ֖ד הַשָּֽׁמֶן׃

wayĕhi֣y׀ ki̇mĕlò֣ʼţ haké̇li֗ym waţò֤̇ʼmer ʼel־bĕ̇náḣ֙ hagi̇֨yşá̌h ʼéla֥y ʻòwd֙ kė֔liy wayò֣̇ʼmer ʼéle֔yhá ʼé֥yn ʻò֖wd kė֑liy waֽyȧʻàmò֖d haşáֽ̇̌men׃

7
וַתָּבֹ֗א וַתַּגֵּד֙ לְאִ֣ישׁ הָאֱלֹהִ֔ים וַיֹּ֗אמֶר לְכִי֙ מִכְרִ֣י אֶת־הַשֶּׁ֔מֶן וְשַׁלְּמִ֖י אֶת־נִשְׁיֵכִי וְאַ֣תְּ בְּנֵיכִי תִֽחְיִ֖י בַּנֹּותָֽר׃ פ

waţá̇bò֗ʼ waţȧgé̇d֙ lĕʼi֣yş̌ háʼèlòhi֔ym wayò̇֗ʼmer lĕkiy֙ mikĕri֣y ʼeţ־haşė̌֔men wĕşǎlĕ̇mi֖y ʼeţ־nişĕ̌yékiy wĕʼa֣ţĕ̇ bĕ̇néykiy ţiֽẖĕyi֖y bȧnò̇wţáֽr׃ p

8
וַיְהִ֨י הַיֹּ֜ום וַיַּעֲבֹ֧ר אֱלִישָׁ֣ע אֶל־שׁוּנֵ֗ם וְשָׁם֙ אִשָּׁ֣ה גְדֹולָ֔ה וַתַּחֲזֶק־בֹּ֖ו לֶאֱכָל־לָ֑חֶם וַֽיְהִי֙ מִדֵּ֣י עָבְרֹ֔ו יָסֻ֥ר שָׁ֖מָּה לֶאֱכָל־לָֽחֶם׃

wayĕhi֨y hayò̇֜wm wayȧʻàbò֧r ʼèliyşá֣̌ʻ ʼel־ş̌ẇné֗m wĕşá̌m֙ ʼişá֣̇̌h gĕdòwlá֔h waţȧẖàzeq־bò֖̇w leʼèkál־lá֑ẖem waֽyĕhiy֙ midé֣̇y ʻábĕrò֔w yásu֥r şá֖̌má̇h leʼèkál־láֽẖem׃

9
וַתֹּ֨אמֶר֙ אֶל־אִישָׁ֔הּ הִנֵּה־נָ֣א יָדַ֔עְתִּי כִּ֛י אִ֥ישׁ אֱלֹהִ֖ים קָדֹ֣ושׁ ה֑וּא עֹבֵ֥ר עָלֵ֖ינוּ תָּמִֽיד׃

waţò̇֨ʼmer֙ ʼel־ʼiyşá̌֔ḣ hiné̇h־ná֣ʼ yáda֔ʻĕţi̇y ki֛̇y ʼi֥yş̌ ʼèlòhi֖ym qádò֣wş̌ h֑ẇʼ ʻòbé֥r ʻálé֖ynẇ ţá̇miֽyd׃

10
נַֽעֲשֶׂה־נָּ֤א עֲלִיַּת־קִיר֙ קְטַנָּ֔ה וְנָשִׂ֨ים לֹ֥ו שָׁ֛ם מִטָּ֥ה וְשֻׁלְחָ֖ן וְכִסֵּ֣א וּמְנֹורָ֑ה וְהָיָ֛ה בְּבֹאֹ֥ו אֵלֵ֖ינוּ יָס֥וּר שָֽׁמָּה׃

naֽʻàşêh־ná֤̇ʼ ʻàliyȧţ־qiyr֙ qĕtaná̇֔h wĕnáşî֨ym lò֥w şá֛̌m mitá֥̇h wĕşǔlĕẖá֖n wĕkisé֣̇ʼ ẇmĕnòwrá֑h wĕháyá֛h bĕ̇bòʼò֥w ʼélé֖ynẇ yás֥ẇr şáֽ̌má̇h׃

11
וַיְהִ֥י הַיֹּ֖ום וַיָּ֣בֹא שָׁ֑מָּה וַיָּ֥סַר אֶל־הָעֲלִיָּ֖ה וַיִּשְׁכַּב־שָֽׁמָּה׃

wayĕhi֥y hayò֖̇wm wayá֣̇bòʼ şá֑̌má̇h wayá֥̇sar ʼel־háʻàliyá֖̇h wayi̇şĕ̌kȧb־şáֽ̌má̇h׃

12
וַיֹּ֨אמֶר֙ אֶל־גֵּחֲזִ֣י נַעֲרֹ֔ו קְרָ֖א לַשּׁוּנַמִּ֣ית הַזֹּ֑את וַיִּקְרָא־לָ֔הּ וַֽתַּעֲמֹ֖ד לְפָנָֽיו׃

wayò̇֨ʼmer֙ ʼel־gé̇ẖàzi֣y naʻàrò֔w qĕrá֖ʼ laş̇̌ẇnami֣̇yţ hazò֑̇ʼţ wayi̇qĕráʼ־lá֔ḣ waֽţȧʻàmò֖d lĕpánáֽyw׃

13
וַיֹּ֣אמֶר לֹ֗ו אֱמָר־נָ֣א אֵלֶיהָ֮ הִנֵּ֣ה חָרַ֣דְתְּ׀ אֵלֵינוּ֮ אֶת־כָּל־הַחֲרָדָ֣ה הַזֹּאת֒ מֶ֚ה לַעֲשֹׂ֣ות לָ֔ךְ הֲיֵ֤שׁ לְדַבֶּר־לָךְ֙ אֶל־הַמֶּ֔לֶךְ אֹ֖ו אֶל־שַׂ֣ר הַצָּבָ֑א וַתֹּ֕אמֶר בְּתֹ֥וךְ עַמִּ֖י אָנֹכִ֥י יֹשָֽׁבֶת׃

wayò֣̇ʼmer lò֗w ʼèmár־ná֣ʼ ʼéleyhá֮ hiné֣̇h ẖára֣dĕţĕ̇׀ ʼéléynẇ֮ ʼeţ־ká̇l־haẖàrádá֣h hazò̇ʼţ֒ me֚h laʻàşò֣̂wţ lá֔kĕ hàyé֤ş̌ lĕdabėr־lákĕ֙ ʼel־hamė֔lekĕ ʼò֖w ʼel־şâ֣r haẕá̇bá֑ʼ waţò̇֕ʼmer bĕ̇ţò֥wkĕ ʻami֖̇y ʼánòki֥y yòşáֽ̌beţ׃

14
וַיֹּ֕אמֶר וּמֶ֖ה לַעֲשֹׂ֣ות לָ֑הּ וַיֹּ֣אמֶר גֵּיחֲזִ֗י אֲבָ֛ל בֵּ֥ן אֵֽין־לָ֖הּ וְאִישָׁ֥הּ זָקֵֽן׃

wayò̇֕ʼmer ẇme֖h laʻàşò֣̂wţ lá֑ḣ wayò֣̇ʼmer gé̇yẖàzi֗y ʼàbá֛l bé֥̇n ʼéֽyn־lá֖ḣ wĕʼiyşá֥̌ḣ záqéֽn׃

15
וַיֹּ֖אמֶר קְרָא־לָ֑הּ וַיִּקְרָא־לָ֔הּ וַֽתַּעֲמֹ֖ד בַּפָּֽתַח׃

wayò֖̇ʼmer qĕráʼ־lá֑ḣ wayi̇qĕráʼ־lá֔ḣ waֽţȧʻàmò֖d bȧpáֽ̇ţaẖ׃

16
וַיֹּ֗אמֶר לַמֹּועֵ֤ד הַזֶּה֙ כָּעֵ֣ת חַיָּ֔ה אַתִּי חֹבֶ֣קֶת בֵּ֑ן וַתֹּ֗אמֶר אַל־אֲדֹנִי֙ אִ֣ישׁ הָאֱלֹהִ֔ים אַל־תְּכַזֵּ֖ב בְּשִׁפְחָתֶֽךָ׃

wayò̇֗ʼmer lamò̇wʻé֤d hazėh֙ ká̇ʻé֣ţ ẖayá̇֔h ʼaţi̇y ẖòbe֣qeţ bé֑̇n waţò̇֗ʼmer ʼal־ʼàdòniy֙ ʼi֣yş̌ háʼèlòhi֔ym ʼal־ţĕ̇kazé֖̇b bĕ̇şǐpĕẖáţeֽká׃

17
וַתַּ֥הַר הָאִשָּׁ֖ה וַתֵּ֣לֶד בֵּ֑ן לַמֹּועֵ֤ד הַזֶּה֙ כָּעֵ֣ת חַיָּ֔ה אֲשֶׁר־דִּבֶּ֥ר אֵלֶ֖יהָ אֱלִישָֽׁע׃

waţȧ֥har háʼişá֖̇̌h waţé֣̇led bé֑̇n lamò̇wʻé֤d hazėh֙ ká̇ʻé֣ţ ẖayá̇֔h ʼàşěr־di̇bė֥r ʼéle֖yhá ʼèliyşáֽ̌ʻ׃

18
וַיִּגְדַּ֖ל הַיָּ֑לֶד וַיְהִ֣י הַיֹּ֔ום וַיֵּצֵ֥א אֶל־אָבִ֖יו אֶל־הַקֹּצְרִֽים׃

wayi̇gĕdȧ֖l hayá֑̇led wayĕhi֣y hayò̇֔wm wayé̇ẕé֥ʼ ʼel־ʼábi֖yw ʼel־haqò̇ẕĕriֽym׃

19
וַיֹּ֥אמֶר אֶל־אָבִ֖יו רֹאשִׁ֣י׀ רֹאשִׁ֑י וַיֹּ֨אמֶר֙ אֶל־הַנַּ֔עַר שָׂאֵ֖הוּ אֶל־אִמֹּֽו׃

wayò֥̇ʼmer ʼel־ʼábi֖yw ròʼşǐ֣y׀ ròʼşǐ֑y wayò̇֨ʼmer֙ ʼel־hanȧ֔ʻar şá̂ʼé֖hẇ ʼel־ʼimòֽ̇w׃

20
וַיִּשָּׂאֵ֔הוּ וַיְבִיאֵ֖הוּ אֶל־אִמֹּ֑ו וַיֵּ֧שֶׁב עַל־בִּרְכֶּ֛יהָ עַד־הַֽצָּהֳרַ֖יִם וַיָּמֹֽת׃

wayi̇şá̇̂ʼé֔hẇ wayĕbiyʼé֖hẇ ʼel־ʼimò֑̇w wayé֧̇şěb ʻal־bi̇rĕkė֛yhá ʻad־haֽẕá̇hora֖yim wayá̇mòֽţ׃

21
וַתַּ֨עַל֙ וַתַּשְׁכִּבֵ֔הוּ עַל־מִטַּ֖ת אִ֣ישׁ הָאֱלֹהִ֑ים וַתִּסְגֹּ֥ר בַּעֲדֹ֖ו וַתֵּצֵֽא׃

waţȧ֨ʻal֙ waţȧşĕ̌ki̇bé֔hẇ ʻal־mitȧ֖ţ ʼi֣yş̌ háʼèlòhi֑ym waţi̇sĕgò֥̇r bȧʻàdò֖w waţé̇ẕéֽʼ׃

22
וַתִּקְרָא֮ אֶל־אִישָׁהּ֒ וַתֹּ֗אמֶר שִׁלְחָ֨ה נָ֥א לִי֙ אֶחָ֣ד מִן־הַנְּעָרִ֔ים וְאַחַ֖ת הָאֲתֹנֹ֑ות וְאָר֛וּצָה עַד־אִ֥ישׁ הָאֱלֹהִ֖ים וְאָשֽׁוּבָה׃

waţi̇qĕráʼ֮ ʼel־ʼiyşá̌ḣ֒ waţò̇֗ʼmer şǐlĕẖá֨h ná֥ʼ liy֙ ʼeẖá֣d min־hanĕ̇ʻári֔ym wĕʼaẖa֖ţ háʼàţònò֑wţ wĕʼár֛ẇẕáh ʻad־ʼi֥yş̌ háʼèlòhi֖ym wĕʼáşֽ̌ẇbáh׃

23
וַיֹּ֗אמֶר מַ֠דּוּעַ אַתִּי הֹלַכְתִּי אֵלָיו֙ הַיֹּ֔ום לֹֽא־חֹ֖דֶשׁ וְלֹ֣א שַׁבָּ֑ת וַתֹּ֖אמֶר שָׁלֹֽום׃

wayò̇֗ʼmer ma֠ḋẇʻa ʼaţi̇y hòlakĕţi̇y ʼéláyw֙ hayò̇֔wm lòֽʼ־ẖò֖deş̌ wĕlò֣ʼ şǎbá֑̇ţ waţò֖̇ʼmer şá̌lòֽwm׃

24
וַֽתַּחֲבֹשׁ֙ הָֽאָתֹ֔ון וַתֹּ֥אמֶר אֶֽל־נַעֲרָ֖הּ נְהַ֣ג וָלֵ֑ךְ אַל־תַּעֲצָר־לִ֣י לִרְכֹּ֔ב כִּ֖י אִם־אָמַ֥רְתִּי לָֽךְ׃

waֽţȧẖàbòş̌֙ háֽʼáţò֔wn waţò֥̇ʼmer ʼeֽl־naʻàrá֖ḣ nĕha֣g wálé֑kĕ ʼal־ţȧʻàẕár־li֣y lirĕkò̇֔b ki֖̇y ʼim־ʼáma֥rĕţi̇y láֽkĕ׃

25
וַתֵּ֗לֶךְ וַתָּבֹ֛וא אֶל־אִ֥ישׁ הָאֱלֹהִ֖ים אֶל־הַ֣ר הַכַּרְמֶ֑ל וַ֠יְהִי כִּרְאֹ֨ות אִישׁ־הָאֱלֹהִ֤ים אֹתָהּ֙ מִנֶּ֔גֶד וַיֹּ֨אמֶר֙ אֶל־גֵּיחֲזִ֣י נַעֲרֹ֔ו הִנֵּ֖ה הַשּׁוּנַמִּ֥ית הַלָּֽז׃

waţé̇֗lekĕ waţá̇bò֛wʼ ʼel־ʼi֥yş̌ háʼèlòhi֖ym ʼel־ha֣r hakȧrĕme֑l wa֠yĕhiy ki̇rĕʼò֨wţ ʼiyş̌־háʼèlòhi֤ym ʼòţáḣ֙ minė֔ged wayò̇֨ʼmer֙ ʼel־gé̇yẖàzi֣y naʻàrò֔w hiné֖̇h haş̇̌ẇnami֥̇yţ haláֽ̇z׃

26
עַתָּה֮ רֽוּץ־נָ֣א לִקְרָאתָהּ֒ וֶאֱמָר־לָ֗הּ הֲשָׁלֹ֥ום לָ֛ךְ הֲשָׁלֹ֥ום לְאִישֵׁ֖ךְ הֲשָׁלֹ֣ום לַיָּ֑לֶד וַתֹּ֖אמֶר שָׁלֹֽום׃

ʻaţá̇h֮ rֽẇẕ־ná֣ʼ liqĕráʼţáḣ֒ weʼèmár־lá֗ḣ hàşá̌lò֥wm lá֛kĕ hàşá̌lò֥wm lĕʼiyşé֖̌kĕ hàşá̌lò֣wm layá֑̇led waţò֖̇ʼmer şá̌lòֽwm׃

27
וַתָּבֹ֞א אֶל־אִ֤ישׁ הָֽאֱלֹהִים֙ אֶל־הָהָ֔ר וַֽתַּחֲזֵ֖ק בְּרַגְלָ֑יו וַיִּגַּ֨שׁ גֵּֽיחֲזִ֜י לְהָדְפָ֗הּ וַיֹּאמֶר֩ אִ֨ישׁ הָאֱלֹהִ֤ים הַרְפֵּֽה־לָהּ֙ כִּֽי־נַפְשָׁ֣הּ מָֽרָה־לָ֔הּ וַֽיהוָה֙ הֶעְלִ֣ים מִמֶּ֔נִּי וְלֹ֥א הִגִּ֖יד לִֽי׃

waţá̇bò֞ʼ ʼel־ʼi֤yş̌ háֽʼèlòhiym֙ ʼel־háhá֔r waֽţȧẖàzé֖q bĕ̇ragĕlá֑yw wayi̇gȧ֨ş̌ géֽ̇yẖàzi֜y lĕhádĕpá֗ḣ wayò̇ʼmer֩ ʼi֨yş̌ háʼèlòhi֤ym harĕpéֽ̇h־láḣ֙ kiֽ̇y־napĕşá֣̌ḣ máֽráh־lá֔ḣ waֽyhwáh֙ heʻĕli֣ym mimė֔ni̇y wĕlò֥ʼ higi֖̇yd liֽy׃

28
וַתֹּ֕אמֶר הֲשָׁאַ֥לְתִּי בֵ֖ן מֵאֵ֣ת אֲדֹנִ֑י הֲלֹ֣א אָמַ֔רְתִּי לֹ֥א תַשְׁלֶ֖ה אֹתִֽי׃

waţò̇֕ʼmer hàşá̌ʼa֥lĕţi̇y bé֖n méʼé֣ţ ʼàdòni֑y hàlò֣ʼ ʼáma֔rĕţi̇y lò֥ʼ ţaşĕ̌le֖h ʼòţiֽy׃

29
וַיֹּ֨אמֶר לְגֵיחֲזִ֜י חֲגֹ֣ר מָתְנֶ֗יךָ וְקַ֨ח מִשְׁעַנְתִּ֣י בְיָדְךָ֮ וָלֵךְ֒ כִּֽי־תִמְצָ֥א אִישׁ֙ לֹ֣א תְבָרְכֶ֔נּוּ וְכִֽי־יְבָרֶכְךָ֥ אִ֖ישׁ לֹ֣א תַעֲנֶנּ֑וּ וְשַׂמְתָּ֥ מִשְׁעַנְתִּ֖י עַל־פְּנֵ֥י הַנָּֽעַר׃

wayò̇֨ʼmer lĕgéyẖàzi֜y ẖàgò֣r máţĕne֗yká wĕqa֨ẖ mişĕ̌ʻanĕţi֣̇y bĕyádĕká֮ wálékĕ֒ kiֽ̇y־ţimĕẕá֥ʼ ʼiyş̌֙ lò֣ʼ ţĕbárĕke֔ṅẇ wĕkiֽy־yĕbárekĕká֥ ʼi֖yş̌ lò֣ʼ ţaʻàneṅ֑ẇ wĕşâmĕţá֥̇ mişĕ̌ʻanĕţi֖̇y ʻal־pĕ̇né֥y hanáֽ̇ʻar׃

30
וַתֹּ֨אמֶר֙ אֵ֣ם הַנַּ֔עַר חַי־יְהוָ֥ה וְחֵֽי־נַפְשְׁךָ֖ אִם־אֶעֶזְבֶ֑ךָּ וַיָּ֖קָם וַיֵּ֥לֶךְ אַחֲרֶֽיהָ׃

waţò̇֨ʼmer֙ ʼé֣m hanȧ֔ʻar ẖay־yĕhwá֥h wĕẖéֽy־napĕşĕ̌ká֖ ʼim־ʼeʻezĕbe֑ká̇ wayá֖̇qám wayé֥̇lekĕ ʼaẖàreֽyhá׃

31
וְגֵחֲזִ֞י עָבַ֣ר לִפְנֵיהֶ֗ם וַיָּ֤שֶׂם אֶת־הַמִּשְׁעֶ֨נֶת֙ עַל־פְּנֵ֣י הַנַּ֔עַר וְאֵ֥ין קֹ֖ול וְאֵ֣ין קָ֑שֶׁב וַיָּ֤שָׁב לִקְרָאתֹו֙ וַיַּגֶּד־לֹ֣ו לֵאמֹ֔ר לֹ֥א הֵקִ֖יץ הַנָּֽעַר׃

wĕgéẖàzi֞y ʻába֣r lipĕnéyhe֗m wayá֤̇şêm ʼeţ־hami̇şĕ̌ʻe֨neţ֙ ʻal־pĕ̇né֣y hanȧ֔ʻar wĕʼé֥yn qò֖wl wĕʼé֣yn qá֑şěb wayá֤̇şá̌b liqĕráʼţòw֙ wayȧgėd־lò֣w léʼmò֔r lò֥ʼ héqi֖yẕ hanáֽ̇ʻar׃

32
וַיָּבֹ֥א אֱלִישָׁ֖ע הַבָּ֑יְתָה וְהִנֵּ֤ה הַנַּ֨עַר֙ מֵ֔ת מֻשְׁכָּ֖ב עַל־מִטָּתֹֽו׃

wayá̇bò֥ʼ ʼèliyşá֖̌ʻ habá֑̇yĕţáh wĕhiné֤̇h hanȧ֨ʻar֙ mé֔ţ muşĕ̌ká֖̇b ʻal־mitá̇ţòֽw׃

33
וַיָּבֹ֕א וַיִּסְגֹּ֥ר הַדֶּ֖לֶת בְּעַ֣ד שְׁנֵיהֶ֑ם וַיִּתְפַּלֵּ֖ל אֶל־יְהוָֽה׃

wayá̇bò֕ʼ wayi̇sĕgò֥̇r hadė֖leţ bĕ̇ʻa֣d şĕ̌néyhe֑m wayi̇ţĕpȧlé֖̇l ʼel־yĕhwáֽh׃

34
וַיַּ֜עַל וַיִּשְׁכַּ֣ב עַל־הַיֶּ֗לֶד וַיָּשֶׂם֩ פִּ֨יו עַל־פִּ֜יו וְעֵינָ֤יו עַל־עֵינָיו֙ וְכַפָּ֣יו עַל־כַּפֹּו וַיִּגְהַ֖ר עָלָ֑יו וַיָּ֖חָם בְּשַׂ֥ר הַיָּֽלֶד׃

wayȧ֜ʻal wayi̇şĕ̌kȧ֣b ʻal־hayė֗led wayá̇şêm֩ pi̇֨yw ʻal־pi̇֜yw wĕʻéyná֤yw ʻal־ʻéynáyw֙ wĕkapá֣̇yw ʻal־kȧpò̇w wayi̇gĕha֖r ʻálá֑yw wayá֖̇ẖám bĕ̇şâ֥r hayáֽ̇led׃

35
וַיָּ֜שָׁב וַיֵּ֣לֶךְ בַּבַּ֗יִת אַחַ֥ת הֵ֨נָּה֙ וְאַחַ֣ת הֵ֔נָּה וַיַּ֖עַל וַיִּגְהַ֣ר עָלָ֑יו וַיְזֹורֵ֤ר הַנַּ֨עַר֙ עַד־שֶׁ֣בַע פְּעָמִ֔ים וַיִּפְקַ֥ח הַנַּ֖עַר אֶת־עֵינָֽיו׃

wayá̇֜şá̌b wayé֣̇lekĕ bȧbȧ֗yiţ ʼaẖa֥ţ hé֨ná̇h֙ wĕʼaẖa֣ţ hé֔ná̇h wayȧ֖ʻal wayi̇gĕha֣r ʻálá֑yw wayĕzòwré֤r hanȧ֨ʻar֙ ʻad־şě֣baʻ pĕ̇ʻámi֔ym wayi̇pĕqa֥ẖ hanȧ֖ʻar ʼeţ־ʻéynáֽyw׃

36
וַיִּקְרָ֣א אֶל־גֵּיחֲזִ֗י וַיֹּ֨אמֶר֙ קְרָא֙ אֶל־הַשֻּׁנַמִּ֣ית הַזֹּ֔את וַיִּקְרָאֶ֖הָ וַתָּבֹ֣וא אֵלָ֑יו וַיֹּ֖אמֶר שְׂאִ֥י בְנֵֽךְ׃

wayi̇qĕrá֣ʼ ʼel־gé̇yẖàzi֗y wayò̇֨ʼmer֙ qĕráʼ֙ ʼel־haşu̇̌nami֣̇yţ hazò̇֔ʼţ wayi̇qĕráʼe֖há waţá̇bò֣wʼ ʼélá֑yw wayò֖̇ʼmer şĕ̂ʼi֥y bĕnéֽkĕ׃

37
וַתָּבֹא֙ וַתִּפֹּ֣ל עַל־רַגְלָ֔יו וַתִּשְׁתַּ֖חוּ אָ֑רְצָה וַתִּשָּׂ֥א אֶת־בְּנָ֖הּ וַתֵּצֵֽא׃ פ

waţá̇bòʼ֙ waţi̇pò֣̇l ʻal־ragĕlá֔yw waţi̇şĕ̌ţȧ֖ẖẇ ʼá֑rĕẕáh waţi̇şá֥̇̂ʼ ʼeţ־bĕ̇ná֖ḣ waţé̇ẕéֽʼ׃ p

38
וֶאֱלִישָׁ֞ע שָׁ֤ב הַגִּלְגָּ֨לָה֙ וְהָרָעָ֣ב בָּאָ֔רֶץ וּבְנֵי֙ הַנְּבִיאִ֔ים יֹשְׁבִ֖ים לְפָנָ֑יו וַיֹּ֣אמֶר לְנַעֲרֹ֗ו שְׁפֹת֙ הַסִּ֣יר הַגְּדֹולָ֔ה וּבַשֵּׁ֥ל נָזִ֖יד לִבְנֵ֥י הַנְּבִיאִֽים׃

weʼèliyşá̌֞ʻ şá֤̌b hagi̇lĕgá̇֨láh֙ wĕháráʻá֣b bá̇ʼá֔reẕ ẇbĕnéy֙ hanĕ̇biyʼi֔ym yòşĕ̌bi֖ym lĕpáná֑yw wayò֣̇ʼmer lĕnaʻàrò֗w şĕ̌pòţ֙ hasi֣̇yr hagĕ̇dòwlá֔h ẇbaşé֥̇̌l názi֖yd libĕné֥y hanĕ̇biyʼiֽym׃

39
וַיֵּצֵ֨א אֶחָ֣ד אֶל־הַשָּׂדֶה֮ לְלַקֵּ֣ט אֹרֹת֒ וַיִּמְצָא֙ גֶּ֣פֶן שָׂדֶ֔ה וַיְלַקֵּ֥ט מִמֶּ֛נּוּ פַּקֻּעֹ֥ת שָׂדֶ֖ה מְלֹ֣א בִגְדֹ֑ו וַיָּבֹ֗א וַיְפַלַּ֛ח אֶל־סִ֥יר הַנָּזִ֖יד כִּֽי־לֹ֥א יָדָֽעוּ׃

wayé̇ẕé֨ʼ ʼeẖá֣d ʼel־haşá̇̂deh֮ lĕlaqé֣̇t ʼòròţ֒ wayi̇mĕẕáʼ֙ gė֣pen şá̂de֔h wayĕlaqé֥̇t mimė֛ṅẇ pȧqu̇ʻò֥ţ şá̂de֖h mĕlò֣ʼ bigĕdò֑w wayá̇bò֗ʼ wayĕpalȧ֛ẖ ʼel־si֥yr haná̇zi֖yd kiֽ̇y־lò֥ʼ yádáֽʻẇ׃

40
וַיִּֽצְק֥וּ לַאֲנָשִׁ֖ים לֶאֱכֹ֑ול וַ֠יְהִי כְּאָכְלָ֨ם מֵהַנָּזִ֜יד וְהֵ֣מָּה צָעָ֗קוּ וַיֹּֽאמְרוּ֙ מָ֤וֶת בַּסִּיר֙ אִ֣ישׁ הָאֱלֹהִ֔ים וְלֹ֥א יָכְל֖וּ לֶאֱכֹֽל׃

wayiֽ̇ẕĕq֥ẇ laʼànáşǐ֖ym leʼèkò֑wl wa֠yĕhiy kĕ̇ʼákĕlá֨m méhaná̇zi֜yd wĕhé֣má̇h ẕáʻá֗qẇ wayòֽ̇ʼmĕrẇ֙ má֤weţ bȧsi̇yr֙ ʼi֣yş̌ háʼèlòhi֔ym wĕlò֥ʼ yákĕl֖ẇ leʼèkòֽl׃

41
וַיֹּ֨אמֶר֙ וּקְחוּ־קֶ֔מַח וַיַּשְׁלֵ֖ךְ אֶל־הַסִּ֑יר וַיֹּ֗אמֶר צַ֤ק לָעָם֙ וְיֹאכֵ֔לוּ וְלֹ֥א הָיָ֛ה דָּבָ֥ר רָ֖ע בַּסִּֽיר׃ ס

wayò̇֨ʼmer֙ ẇqĕẖẇ־qe֔maẖ wayȧşĕ̌lé֖kĕ ʼel־hasi֑̇yr wayò̇֗ʼmer ẕa֤q láʻám֙ wĕyòʼké֔lẇ wĕlò֥ʼ háyá֛h dá̇bá֥r rá֖ʻ bȧsiֽ̇yr׃ s

42
וְאִ֨ישׁ בָּ֜א מִבַּ֣עַל שָׁלִ֗שָׁה וַיָּבֵא֩ לְאִ֨ישׁ הָאֱלֹהִ֜ים לֶ֤חֶם בִּכּוּרִים֙ עֶשְׂרִֽים־לֶ֣חֶם שְׂעֹרִ֔ים וְכַרְמֶ֖ל בְּצִקְלֹנֹ֑ו וַיֹּ֕אמֶר תֵּ֥ן לָעָ֖ם וְיֹאכֵֽלוּ׃

wĕʼi֨yş̌ bá̇֜ʼ mibȧ֣ʻal şá̌li֗şá̌h wayá̇béʼ֩ lĕʼi֨yş̌ háʼèlòhi֜ym le֤ẖem bi̇k̇ẇriym֙ ʻeşĕ̂riֽym־le֣ẖem şĕ̂ʻòri֔ym wĕkarĕme֖l bĕ̇ẕiqĕlònò֑w wayò̇֕ʼmer ţé֥̇n láʻá֖m wĕyòʼkéֽlẇ׃

43
וַיֹּ֨אמֶר֙ מְשָׁ֣רְתֹ֔ו מָ֚ה אֶתֵּ֣ן זֶ֔ה לִפְנֵ֖י מֵ֣אָה אִ֑ישׁ וַיֹּ֗אמֶר תֵּ֤ן לָעָם֙ וְיֹאכֵ֔לוּ כִּ֣י כֹ֥ה אָמַ֛ר יְהוָ֖ה אָכֹ֥ל וְהֹותֵֽר׃

wayò̇֨ʼmer֙ mĕşá֣̌rĕţò֔w má֚h ʼeţé֣̇n ze֔h lipĕné֖y mé֣ʼáh ʼi֑yş̌ wayò̇֗ʼmer ţé֤̇n láʻám֙ wĕyòʼké֔lẇ ki֣̇y kò֥h ʼáma֛r yĕhwá֖h ʼákò֥l wĕhòwţéֽr׃

44
וַיִּתֵּ֧ן לִפְנֵיהֶ֛ם וַיֹּאכְל֥וּ וַיֹּותִ֖רוּ כִּדְבַ֥ר יְהוָֽה׃ פ

wayi̇ţé֧̇n lipĕnéyhe֛m wayò̇ʼkĕl֥ẇ wayò̇wţi֖rẇ ki̇dĕba֥r yĕhwáֽh׃ p