Bibles in ancient languages
Old translations
Modern translations

Biblia Hebraica Stuttgartiensia 2 Samuel 5

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיָּבֹ֜אוּ כָּל־שִׁבְטֵ֧י יִשְׂרָאֵ֛ל אֶל־דָּוִ֖ד חֶבְרֹ֑ונָה וַיֹּאמְר֣וּ לֵאמֹ֔ר הִנְנ֛וּ עַצְמְךָ֥ וּֽבְשָׂרְךָ֖ אֲנָֽחְנוּ׃

wayá̇bò֜ʼẇ ká̇l־şǐbĕté֧y yişĕ̂ráʼé֛l ʼel־dá̇wi֖d ẖebĕrò֑wnáh wayò̇ʼmĕr֣ẇ léʼmò֔r hinĕn֛ẇ ʻaẕĕmĕká֥ ẇֽbĕşá̂rĕká֖ ʼànáֽẖĕnẇ׃

2
גַּם־אֶתְמֹ֣ול גַּם־שִׁלְשֹׁ֗ום בִּהְיֹ֨ות שָׁא֥וּל מֶ֨לֶךְ֙ עָלֵ֔ינוּ אַתָּ֗ה הָיִיתָה מֹוצִיא וְהַמֵּבִי אֶת־יִשְׂרָאֵ֑ל וַיֹּ֨אמֶר יְהוָ֜ה לְךָ֗ אַתָּ֨ה תִרְעֶ֤ה אֶת־עַמִּי֙ אֶת־יִשְׂרָאֵ֔ל וְאַתָּ֛ה תִּהְיֶ֥ה לְנָגִ֖יד עַל־יִשְׂרָאֵֽל׃

gȧm־ʼeţĕmò֣wl gȧm־şǐlĕşò̌֗wm bi̇hĕyò֨wţ şá̌ʼ֥ẇl me֨lekĕ֙ ʻálé֔ynẇ ʼaţá̇֗h háyiyţáh mòwẕiyʼ wĕhamé̇biy ʼeţ־yişĕ̂ráʼé֑l wayò̇֨ʼmer yĕhwá֜h lĕká֗ ʼaţá̇֨h ţirĕʻe֤h ʼeţ־ʻami̇y֙ ʼeţ־yişĕ̂ráʼé֔l wĕʼaţá֛̇h ţi̇hĕye֥h lĕnági֖yd ʻal־yişĕ̂ráʼéֽl׃

3
וַ֠יָּבֹאוּ כָּל־זִקְנֵ֨י יִשְׂרָאֵ֤ל אֶל־הַמֶּ֨לֶךְ֙ חֶבְרֹ֔ונָה וַיִּכְרֹ֣ת לָהֶם֩ הַמֶּ֨לֶךְ דָּוִ֥ד בְּרִ֛ית בְּחֶבְרֹ֖ון לִפְנֵ֣י יְהוָ֑ה וַיִּמְשְׁח֧וּ אֶת־דָּוִ֛ד לְמֶ֖לֶךְ עַל־יִשְׂרָאֵֽל׃ פ

wa֠yá̇bòʼẇ ká̇l־ziqĕné֨y yişĕ̂ráʼé֤l ʼel־hamė֨lekĕ֙ ẖebĕrò֔wnáh wayi̇kĕrò֣ţ láhem֩ hamė֨lekĕ dá̇wi֥d bĕ̇ri֛yţ bĕ̇ẖebĕrò֖wn lipĕné֣y yĕhwá֑h wayi̇mĕşĕ̌ẖ֧ẇ ʼeţ־dá̇wi֛d lĕme֖lekĕ ʻal־yişĕ̂ráʼéֽl׃ p

4
בֶּן־שְׁלֹשִׁ֥ים שָׁנָ֛ה דָּוִ֖ד בְּמָלְכֹ֑ו אַרְבָּעִ֥ים שָׁנָ֖ה מָלָֽךְ׃

bėn־şĕ̌lòşǐ֥ym şá̌ná֛h dá̇wi֖d bĕ̇málĕkò֑w ʼarĕbá̇ʻi֥ym şá̌ná֖h máláֽkĕ׃

5
בְּחֶבְרֹון֙ מָלַ֣ךְ עַל־יְהוּדָ֔ה שֶׁ֥בַע שָׁנִ֖ים וְשִׁשָּׁ֣ה חֳדָשִׁ֑ים וּבִירוּשָׁלִַ֣ם מָלַ֗ךְ שְׁלֹשִׁ֤ים וְשָׁלֹשׁ֙ שָׁנָ֔ה עַ֥ל כָּל־יִשְׂרָאֵ֖ל וִיהוּדָֽה׃

bĕ̇ẖebĕròwn֙ mála֣kĕ ʻal־yĕhẇdá֔h şě֥baʻ şá̌ni֖ym wĕşǐşá֣̇̌h ẖodáşǐ֑ym ẇbiyrẇşá̌lia֣m mála֗kĕ şĕ̌lòşǐ֤ym wĕşá̌lòş̌֙ şá̌ná֔h ʻa֥l ká̇l־yişĕ̂ráʼé֖l wiyhẇdáֽh׃

6
וַיֵּ֨לֶךְ הַמֶּ֤לֶךְ וַֽאֲנָשָׁיו֙ יְר֣וּשָׁלִַ֔ם אֶל־הַיְבֻסִ֖י יֹושֵׁ֣ב הָאָ֑רֶץ וַיֹּ֨אמֶר לְדָוִ֤ד לֵאמֹר֙ לֹא־תָבֹ֣וא הֵ֔נָּה כִּ֣י אִם־הֱסִֽירְךָ֗ הַעִוְרִ֤ים וְהַפִּסְחִים֙ לֵאמֹ֔ר לֹֽא־יָבֹ֥וא דָוִ֖ד הֵֽנָּה׃

wayé̇֨lekĕ hamė֤lekĕ waֽʼànáşá̌yw֙ yĕr֣ẇşá̌lia֔m ʼel־hayĕbusi֖y yòwşé֣̌b háʼá֑reẕ wayò̇֨ʼmer lĕdáwi֤d léʼmòr֙ lòʼ־ţábò֣wʼ hé֔ná̇h ki֣̇y ʼim־hèsiֽyrĕká֗ haʻiwĕri֤ym wĕhapi̇sĕẖiym֙ léʼmò֔r lòֽʼ־yábò֥wʼ dáwi֖d héֽná̇h׃

7
וַיִּלְכֹּ֣ד דָּוִ֔ד אֵ֖ת מְצֻדַ֣ת צִיֹּ֑ון הִ֖יא עִ֥יר דָּוִֽד׃

wayi̇lĕkò֣̇d dá̇wi֔d ʼé֖ţ mĕẕuda֣ţ ẕiyò֑̇wn hi֖yʼ ʻi֥yr dá̇wiֽd׃

8
וַיֹּ֨אמֶר דָּוִ֜ד בַּיֹּ֣ום הַה֗וּא כָּל־מַכֵּ֤ה יְבֻסִי֙ וְיִגַּ֣ע בַּצִּנֹּ֔ור וְאֶת־הַפִּסְחִים֙ וְאֶת־הַ֣עִוְרִ֔ים שְׂנֹאו נֶ֣פֶשׁ דָּוִ֑ד עַל־כֵּן֙ יֹֽאמְר֔וּ עִוֵּ֣ר וּפִסֵּ֔חַ לֹ֥א יָבֹ֖וא אֶל־הַבָּֽיִת׃

wayò̇֨ʼmer dá̇wi֜d bȧyò֣̇wm hah֗ẇʼ ká̇l־maké֤̇h yĕbusiy֙ wĕyigȧ֣ʻ bȧẕi̇nò̇֔wr wĕʼeţ־hapi̇sĕẖiym֙ wĕʼeţ־ha֣ʻiwĕri֔ym şĕ̂nòʼw ne֣peş̌ dá̇wi֑d ʻal־ké̇n֙ yòֽʼmĕr֔ẇ ʻiwé֣̇r ẇpisé̇֔ẖa lò֥ʼ yábò֖wʼ ʼel־habáֽ̇yiţ׃

9
וַיֵּ֤שֶׁב דָּוִד֙ בַּמְּצֻדָ֔ה וַיִּקְרָא־לָ֖הּ עִ֣יר דָּוִ֑ד וַיִּ֤בֶן דָּוִד֙ סָבִ֔יב מִן־הַמִּלֹּ֖וא וָבָֽיְתָה׃

wayé֤̇şěb dá̇wid֙ bȧmĕ̇ẕudá֔h wayi̇qĕráʼ־lá֖ḣ ʻi֣yr dá̇wi֑d wayi֤̇ben dá̇wid֙ sábi֔yb min־hami̇lò֖̇wʼ wábáֽyĕţáh׃

10
וַיֵּ֥לֶךְ דָּוִ֖ד הָלֹ֣וךְ וְגָדֹ֑ול וַיהוָ֛ה אֱלֹהֵ֥י צְבָאֹ֖ות עִמֹּֽו׃ פ

wayé֥̇lekĕ dá̇wi֖d hálò֣wkĕ wĕgádò֑wl wayhwá֛h ʼèlòhé֥y ẕĕbáʼò֖wţ ʻimòֽ̇w׃ p

11
וַ֠יִּשְׁלַח חִירָ֨ם מֶֽלֶךְ־צֹ֥ר מַלְאָכִים֮ אֶל־דָּוִד֒ וַעֲצֵ֣י אֲרָזִ֔ים וְחָרָשֵׁ֣י עֵ֔ץ וְחָֽרָשֵׁ֖י אֶ֣בֶן קִ֑יר וַיִּבְנֽוּ־בַ֖יִת לְדָוִֽד׃

wa֠yi̇şĕ̌laẖ ẖiyrá֨m meֽlekĕ־ẕò֥r malĕʼákiym֮ ʼel־dá̇wid֒ waʻàẕé֣y ʼàrázi֔ym wĕẖáráşé֣̌y ʻé֔ẕ wĕẖáֽráşé֖̌y ʼe֣ben qi֑yr wayi̇bĕnֽẇ־ba֖yiţ lĕdáwiֽd׃

12
וַיֵּ֣דַע דָּוִ֔ד כִּֽי־הֱכִינֹ֧ו יְהוָ֛ה לְמֶ֖לֶךְ עַל־יִשְׂרָאֵ֑ל וְכִי֙ נִשֵּׂ֣א מַמְלַכְתֹּ֔ו בַּעֲב֖וּר עַמֹּ֥ו יִשְׂרָאֵֽל׃ ס

wayé֣̇daʻ dá̇wi֔d kiֽ̇y־hèkiynò֧w yĕhwá֛h lĕme֖lekĕ ʻal־yişĕ̂ráʼé֑l wĕkiy֙ nişé֣̇̂ʼ mamĕlakĕţò̇֔w bȧʻàb֖ẇr ʻamò֥̇w yişĕ̂ráʼéֽl׃ s

13
וַיִּקַּח֩ דָּוִ֨ד עֹ֜וד פִּֽלַגְשִׁ֤ים וְנָשִׁים֙ מִיר֣וּשָׁלִַ֔ם אַחֲרֵ֖י בֹּאֹ֣ו מֵחֶבְרֹ֑ון וַיִּוָּ֥לְדוּ עֹ֛וד לְדָוִ֖ד בָּנִ֥ים וּבָנֹֽות׃

wayi̇qȧẖ֩ dá̇wi֨d ʻò֜wd piֽ̇lagĕşǐ֤ym wĕnáşǐym֙ miyr֣ẇşá̌lia֔m ʼaẖàré֖y bò̇ʼò֣w méẖebĕrò֑wn wayi̇wá֥̇lĕdẇ ʻò֛wd lĕdáwi֖d bá̇ni֥ym ẇbánòֽwţ׃

14
וְאֵ֗לֶּה שְׁמֹ֛ות הַיִּלֹּדִ֥ים לֹ֖ו בִּירוּשָׁלִָ֑ם שַׁמּ֣וּעַ וְשֹׁובָ֔ב וְנָתָ֖ן וּשְׁלֹמֹֽה׃

wĕʼé֗lėh şĕ̌mò֛wţ hayi̇lò̇di֥ym lò֖w bi̇yrẇşá̌liá֑m şǎṁ֣ẇʻa wĕşò̌wbá֔b wĕnáţá֖n ẇşĕ̌lòmòֽh׃

15
וְיִבְחָ֥ר וֶאֱלִישׁ֖וּעַ וְנֶ֥פֶג וְיָפִֽיעַ׃

wĕyibĕẖá֥r weʼèliyş֖̌ẇʻa wĕne֥peg wĕyápiֽyʻa׃

16
וֶאֱלִישָׁמָ֥ע וְאֶלְיָדָ֖ע וֶאֱלִיפָֽלֶט׃ פ

weʼèliyşá̌má֥ʻ wĕʼelĕyádá֖ʻ weʼèliypáֽlet׃ p

17
וַיִּשְׁמְע֣וּ פְלִשְׁתִּ֗ים כִּי־מָשְׁח֨וּ אֶת־דָּוִ֤ד לְמֶ֨לֶךְ֙ עַל־יִשְׂרָאֵ֔ל וַיַּעֲל֥וּ כָל־פְּלִשְׁתִּ֖ים לְבַקֵּ֣שׁ אֶת־דָּוִ֑ד וַיִּשְׁמַ֣ע דָּוִ֔ד וַיֵּ֖רֶד אֶל־הַמְּצוּדָֽה׃

wayi̇şĕ̌mĕʻ֣ẇ pĕlişĕ̌ţi̇֗ym ki̇y־máşĕ̌ẖ֨ẇ ʼeţ־dá̇wi֤d lĕme֨lekĕ֙ ʻal־yişĕ̂ráʼé֔l wayȧʻàl֥ẇ kál־pĕ̇lişĕ̌ţi֖̇ym lĕbaqé֣̇ş̌ ʼeţ־dá̇wi֑d wayi̇şĕ̌ma֣ʻ dá̇wi֔d wayé֖̇red ʼel־hamĕ̇ẕẇdáֽh׃

18
וּפְלִשְׁתִּ֖ים בָּ֑אוּ וַיִּנָּטְשׁ֖וּ בְּעֵ֥מֶק רְפָאִֽים׃

ẇpĕlişĕ̌ţi֖̇ym bá֑̇ʼẇ wayi̇ná̇tĕş֖̌ẇ bĕ̇ʻé֥meq rĕpáʼiֽym׃

19
וַיִּשְׁאַ֨ל דָּוִ֤ד בַּֽיהוָה֙ לֵאמֹ֔ר הַאֶֽעֱלֶה֙ אֶל־פְּלִשְׁתִּ֔ים הֲתִתְּנֵ֖ם בְּיָדִ֑י וַיֹּ֨אמֶר יְהוָ֤ה אֶל־דָּוִד֙ עֲלֵ֔ה כִּֽי־נָתֹ֥ן אֶתֵּ֛ן אֶת־הַפְּלִשְׁתִּ֖ים בְּיָדֶֽךָ׃

wayi̇şĕ̌ʼa֨l dá̇wi֤d bȧֽyhwáh֙ léʼmò֔r haʼeֽʻèleh֙ ʼel־pĕ̇lişĕ̌ţi̇֔ym hàţiţĕ̇né֖m bĕ̇yádi֑y wayò̇֨ʼmer yĕhwá֤h ʼel־dá̇wid֙ ʻàlé֔h kiֽ̇y־náţò֥n ʼeţé֛̇n ʼeţ־hapĕ̇lişĕ̌ţi֖̇ym bĕ̇yádeֽká׃

20
וַיָּבֹ֨א דָוִ֥ד בְּבַֽעַל־פְּרָצִים֮ וַיַּכֵּ֣ם שָׁ֣ם דָּוִד֒ וַיֹּ֕אמֶר פָּרַ֨ץ יְהוָ֧ה אֶת־אֹיְבַ֛י לְפָנַ֖י כְּפֶ֣רֶץ מָ֑יִם עַל־כֵּ֗ן קָרָ֛א שֵֽׁם־הַמָּקֹ֥ום הַה֖וּא בַּ֥עַל פְּרָצִֽים׃

wayá̇bò֨ʼ dáwi֥d bĕ̇baֽʻal־pĕ̇ráẕiym֮ wayȧké֣̇m şá֣̌m dá̇wid֒ wayò̇֕ʼmer pá̇ra֨ẕ yĕhwá֧h ʼeţ־ʼòyĕba֛y lĕpána֖y kĕ̇pe֣reẕ má֑yim ʻal־ké̇֗n qárá֛ʼ şéֽ̌m־hamá̇qò֥wm hah֖ẇʼ bȧ֥ʻal pĕ̇ráẕiֽym׃

21
וַיַּעַזְבוּ־שָׁ֖ם אֶת־עֲצַבֵּיהֶ֑ם וַיִּשָּׂאֵ֥ם דָּוִ֖ד וַאֲנָשָֽׁיו׃ פ

wayȧʻazĕbẇ־şá֖̌m ʼeţ־ʻàẕabé̇yhe֑m wayi̇şá̇̂ʼé֥m dá̇wi֖d waʼànáşáֽ̌yw׃ p

22
וַיֹּסִ֥פוּ עֹ֛וד פְּלִשְׁתִּ֖ים לַֽעֲלֹ֑ות וַיִּנָּֽטְשׁ֖וּ בְּעֵ֥מֶק רְפָאִֽים׃

wayò̇si֥pẇ ʻò֛wd pĕ̇lişĕ̌ţi֖̇ym laֽʻàlò֑wţ wayi̇náֽ̇tĕş֖̌ẇ bĕ̇ʻé֥meq rĕpáʼiֽym׃

23
וַיִּשְׁאַ֤ל דָּוִד֙ בַּֽיהוָ֔ה וַיֹּ֖אמֶר לֹ֣א תַעֲלֶ֑ה הָסֵב֙ אֶל־אַ֣חֲרֵיהֶ֔ם וּבָ֥אתָ לָהֶ֖ם מִמּ֥וּל בְּכָאִֽים׃

wayi̇şĕ̌ʼa֤l dá̇wid֙ bȧֽyhwá֔h wayò֖̇ʼmer lò֣ʼ ţaʻàle֑h háséb֙ ʼel־ʼa֣ẖàréyhe֔m ẇbá֥ʼţá láhe֖m miṁ֥ẇl bĕ̇káʼiֽym׃

24
וִ֠יהִי בְּשָׁמְעֲךָ אֶת־קֹ֧ול צְעָדָ֛ה בְּרָאשֵׁ֥י הַבְּכָאִ֖ים אָ֣ז תֶּחֱרָ֑ץ כִּ֣י אָ֗ז יָצָ֤א יְהוָה֙ לְפָנֶ֔יךָ לְהַכֹּ֖ות בְּמַחֲנֵ֥ה פְלִשְׁתִּֽים׃

wi֠yhiy bĕ̇şá̌mĕʻàká ʼeţ־qò֧wl ẕĕʻádá֛h bĕ̇ráʼşé֥̌y habĕ̇káʼi֖ym ʼá֣z ţėẖèrá֑ẕ ki֣̇y ʼá֗z yáẕá֤ʼ yĕhwáh֙ lĕpáne֔yká lĕhakò֖̇wţ bĕ̇maẖàné֥h pĕlişĕ̌ţiֽ̇ym׃

25
וַיַּ֤עַשׂ דָּוִד֙ כֵּ֔ן כַּאֲשֶׁ֥ר צִוָּ֖הוּ יְהוָ֑ה וַיַּךְ֙ אֶת־פְּלִשְׁתִּ֔ים מִגֶּ֖בַע עַד־בֹּאֲךָ֥ גָֽזֶר׃ פ

wayȧ֤ʻaş̂ dá̇wid֙ ké̇֔n kȧʼàşě֥r ẕiwá֖̇hẇ yĕhwá֑h wayȧkĕ֙ ʼeţ־pĕ̇lişĕ̌ţi̇֔ym migė֖baʻ ʻad־bò̇ʼàká֥ gáֽzer׃ p