Bibles in ancient languages
Old translations
Modern translations

Biblia Hebraica Stuttgartiensia Daniel 4

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
אֲנָ֣ה נְבוּכַדְנֶצַּ֗ר שְׁלֵ֤ה הֲוֵית֙ בְּבֵיתִ֔י וְרַעְנַ֖ן בְּהֵיכְלִֽי׃

ʼàná֣h nĕbẇkadĕneẕȧ֗r şĕ̌lé֤h hàwéyţ֙ bĕ̇béyţi֔y wĕraʻĕna֖n bĕ̇héykĕliֽy׃

2
חֵ֥לֶם חֲזֵ֖ית וִֽידַחֲלִנַּ֑נִי וְהַרְהֹרִין֙ עַֽל־מִשְׁכְּבִ֔י וְחֶזְוֵ֥י רֵאשִׁ֖י יְבַהֲלֻנַּֽנִי׃

ẖé֥lem ẖàzé֖yţ wiֽydaẖàlinȧ֑niy wĕharĕhòriyn֙ ʻaֽl־mişĕ̌kĕ̇bi֔y wĕẖezĕwé֥y réʼşǐ֖y yĕbahàlunȧֽniy׃

3
וּמִנִּי֙ שִׂ֣ים טְעֵ֔ם לְהַנְעָלָ֣ה קָֽדָמַ֔י לְכֹ֖ל חַכִּימֵ֣י בָבֶ֑ל דִּֽי־פְשַׁ֥ר חֶלְמָ֖א יְהֹֽודְעֻנַּֽנִי׃

ẇmini̇y֙ şî֣ym tĕʻé֔m lĕhanĕʻálá֣h qáֽdáma֔y lĕkò֖l ẖaki̇ymé֣y bábe֑l diֽ̇y־pĕşǎ֥r ẖelĕmá֖ʼ yĕhòֽwdĕʻunȧֽniy׃

4
בֵּאדַ֣יִן עָלֲלִין חַרְטֻמַיָּא֙ אָֽשְׁפַיָּ֔א כַּשְׂדָּיֵא וְגָזְרַיָּ֑א וְחֶלְמָ֗א אָמַ֤ר אֲנָה֙ קֳדָ֣מֵיהֹ֔ון וּפִשְׁרֵ֖הּ לָא־מְהֹודְעִ֥ין לִֽי׃

bé̇ʼda֣yin ʻálàliyn ẖarĕtumayá̇ʼ֙ ʼáֽşĕ̌payá̇֔ʼ kȧşĕ̂dá̇yéʼ wĕgázĕrayá֑̇ʼ wĕẖelĕmá֗ʼ ʼáma֤r ʼànáh֙ qodá֣méyhò֔wn ẇpişĕ̌ré֖ḣ láʼ־mĕhòwdĕʻi֥yn liֽy׃

5
וְעַ֣ד אָחֳרֵ֡ין עַל֩ קָֽדָמַ֨י דָּנִיֵּ֜אל דִּֽי־שְׁמֵ֤הּ בֵּלְטְשַׁאצַּר֙ כְּשֻׁ֣ם אֱלָהִ֔י וְדִ֛י רֽוּחַ־אֱלָהִ֥ין קַדִּישִׁ֖ין בֵּ֑הּ וְחֶלְמָ֖א קָֽדָמֹ֥והִי אַמְרֵֽת׃

wĕʻa֣d ʼáẖoré֡yn ʻal֩ qáֽdáma֨y dá̇niyé̇֜ʼl diֽ̇y־şĕ̌mé֤ḣ bé̇lĕtĕşǎʼẕȧr֙ kĕ̇şǔ֣m ʼèláhi֔y wĕdi֛y rֽẇẖa־ʼèláhi֥yn qadi̇yşǐ֖yn bé֑̇ḣ wĕẖelĕmá֖ʼ qáֽdámò֥whiy ʼamĕréֽţ׃

6
בֵּלְטְשַׁאצַּר֮ רַ֣ב חַרְטֻמַיָּא֒ דִּ֣י׀ אֲנָ֣ה יִדְעֵ֗ת דִּ֠י ר֣וּחַ אֱלָהִ֤ין קַדִּישִׁין֙ בָּ֔ךְ וְכָל־רָ֖ז לָא־אָנֵ֣ס לָ֑ךְ חֶזְוֵ֨י חֶלְמִ֧י דִֽי־חֲזֵ֛ית וּפִשְׁרֵ֖הּ אֱמַֽר׃

bé̇lĕtĕşǎʼẕȧr֮ ra֣b ẖarĕtumayá̇ʼ֒ di֣̇y׀ ʼàná֣h yidĕʻé֗ţ di̇֠y r֣ẇẖa ʼèláhi֤yn qadi̇yşǐyn֙ bá̇֔kĕ wĕkál־rá֖z láʼ־ʼáné֣s lá֑kĕ ẖezĕwé֨y ẖelĕmi֧y diֽy־ẖàzé֛yţ ẇpişĕ̌ré֖ḣ ʼèmaֽr׃

7
וְחֶזְוֵ֥י רֵאשִׁ֖י עַֽל־מִשְׁכְּבִ֑י חָזֵ֣ה הֲוֵ֔ית וַאֲל֥וּ אִילָ֛ן בְּגֹ֥וא אַרְעָ֖א וְרוּמֵ֥הּ שַׂגִּֽיא׃

wĕẖezĕwé֥y réʼşǐ֖y ʻaֽl־mişĕ̌kĕ̇bi֑y ẖázé֣h hàwé֔yţ waʼàl֥ẇ ʼiylá֛n bĕ̇gò֥wʼ ʼarĕʻá֖ʼ wĕrẇmé֥ḣ şâgiֽ̇yʼ׃

8
רְבָ֥ה אִֽילָנָ֖א וּתְקִ֑ף וְרוּמֵהּ֙ יִמְטֵ֣א לִשְׁמַיָּ֔א וַחֲזֹותֵ֖הּ לְסֹ֥וף כָּל־אַרְעָֽא׃

rĕbá֥h ʼiֽyláná֖ʼ ẇţĕqi֑p wĕrẇméḣ֙ yimĕté֣ʼ lişĕ̌mayá̇֔ʼ waẖàzòwţé֖ḣ lĕsò֥wp ká̇l־ʼarĕʻáֽʼ׃

9
עָפְיֵ֤הּ שַׁפִּיר֙ וְאִנְבֵּ֣הּ שַׂגִּ֔יא וּמָזֹ֨ון לְכֹ֖לָּא־בֵ֑הּ תְּחֹתֹ֜והִי תַּטְלֵ֣ל׀ חֵיוַ֣ת בָּרָ֗א וּבְעַנְפֹ֨והִי֙ יְדֻרוּן צִפֲּרֵ֣י שְׁמַיָּ֔א וּמִנֵּ֖הּ יִתְּזִ֥ין כָּל־בִּשְׂרָֽא׃

ʻápĕyé֤ḣ şǎpi̇yr֙ wĕʼinĕbé֣̇ḣ şâgi̇֔yʼ ẇmázò֨wn lĕkò֖lá̇ʼ־bé֑ḣ ţĕ̇ẖòţò֜whiy ţȧtĕlé֣l׀ ẖéywa֣ţ bá̇rá֗ʼ ẇbĕʻanĕpò֨whiy֙ yĕdurẇn ẕipà̇ré֣y şĕ̌mayá̇֔ʼ ẇminé֖̇ḣ yiţĕ̇zi֥yn ká̇l־bi̇şĕ̂ráֽʼ׃

10
חָזֵ֥ה הֲוֵ֛ית בְּחֶזְוֵ֥י רֵאשִׁ֖י עַֽל־מִשְׁכְּבִ֑י וַאֲלוּ֙ עִ֣יר וְקַדִּ֔ישׁ מִן־שְׁמַיָּ֖א נָחִֽת׃

ẖázé֥h hàwé֛yţ bĕ̇ẖezĕwé֥y réʼşǐ֖y ʻaֽl־mişĕ̌kĕ̇bi֑y waʼàlẇ֙ ʻi֣yr wĕqadi̇֔yş̌ min־şĕ̌mayá֖̇ʼ náẖiֽţ׃

11
קָרֵ֨א בְחַ֜יִל וְכֵ֣ן אָמַ֗ר גֹּ֤דּוּ אִֽילָנָא֙ וְקַצִּ֣צוּ עַנְפֹ֔והִי אַתַּ֥רוּ עָפְיֵ֖הּ וּבַדַּ֣רוּ אִנְבֵּ֑הּ תְּנֻ֤ד חֵֽיוְתָא֙ מִן־תַּחְתֹּ֔והִי וְצִפְּרַיָּ֖א מִן־עַנְפֹֽוהִי׃

qáré֨ʼ bĕẖa֜yil wĕké֣n ʼáma֗r gò֤̇ḋẇ ʼiֽylánáʼ֙ wĕqaẕi֣̇ẕẇ ʻanĕpò֔whiy ʼaţȧ֥rẇ ʻápĕyé֖ḣ ẇbadȧ֣rẇ ʼinĕbé֑̇ḣ ţĕ̇nu֤d ẖéֽywĕţáʼ֙ min־ţȧẖĕţò̇֔whiy wĕẕipĕ̇rayá֖̇ʼ min־ʻanĕpòֽwhiy׃

12
בְּרַ֨ם עִקַּ֤ר שָׁרְשֹׁ֨והִי֙ בְּאַרְעָ֣א שְׁבֻ֔קוּ וּבֶֽאֱסוּר֙ דִּֽי־פַרְזֶ֣ל וּנְחָ֔שׁ בְּדִתְאָ֖א דִּ֣י בָרָ֑א וּבְטַ֤ל שְׁמַיָּא֙ יִצְטַבַּ֔ע וְעִם־חֵיוְתָ֥א חֲלָקֵ֖הּ בַּעֲשַׂ֥ב אַרְעָֽא׃

bĕ̇ra֨m ʻiqȧ֤r şá̌rĕşò̌֨whiy֙ bĕ̇ʼarĕʻá֣ʼ şĕ̌bu֔qẇ ẇbeֽʼèsẇr֙ diֽ̇y־parĕze֣l ẇnĕẖá֔ş̌ bĕ̇diţĕʼá֖ʼ di֣̇y bárá֑ʼ ẇbĕta֤l şĕ̌mayá̇ʼ֙ yiẕĕtabȧ֔ʻ wĕʻim־ẖéywĕţá֥ʼ ẖàláqé֖ḣ bȧʻàşâ֥b ʼarĕʻáֽʼ׃

13
לִבְבֵהּ֙ מִן־אֱנֹושָׁא יְשַׁנֹּ֔ון וּלְבַ֥ב חֵיוָ֖ה יִתְיְהִ֣ב לֵ֑הּ וְשִׁבְעָ֥ה עִדָּנִ֖ין יַחְלְפ֥וּן עֲלֹֽוהִי׃

libĕbéḣ֙ min־ʼènòwşá̌ʼ yĕşǎnò̇֔wn ẇlĕba֥b ẖéywá֖h yiţĕyĕhi֣b lé֑ḣ wĕşǐbĕʻá֥h ʻidá̇ni֖yn yaẖĕlĕp֥ẇn ʻàlòֽwhiy׃

14
בִּגְזֵרַ֤ת עִירִין֙ פִּתְגָמָ֔א וּמֵאמַ֥ר קַדִּישִׁ֖ין שְׁאֵֽלְתָ֑א עַד־דִּבְרַ֡ת דִּ֣י יִנְדְּע֣וּן חַ֠יַּיָּא דִּֽי־שַׁלִּ֨יט עִלָּיָא בְּמַלְכ֣וּת אֱנֹושָׁא וּלְמַן־דִּ֤י יִצְבֵּא֙ יִתְּנִנַּ֔הּ וּשְׁפַ֥ל אֲנָשִׁ֖ים יְקִ֥ים עֲלַיַּהּ

bi̇gĕzéra֤ţ ʻiyriyn֙ pi̇ţĕgámá֔ʼ ẇméʼma֥r qadi̇yşǐ֖yn şĕ̌ʼéֽlĕţá֑ʼ ʻad־di̇bĕra֡ţ di֣̇y yinĕdĕ̇ʻ֣ẇn ẖa֠yȧyá̇ʼ diֽ̇y־şǎli̇֨yt ʻilá̇yáʼ bĕ̇malĕk֣ẇţ ʼènòwşá̌ʼ ẇlĕman־di֤̇y yiẕĕbé̇ʼ֙ yiţĕ̇ninȧ֔ḣ ẇşĕ̌pa֥l ʼànáşǐ֖ym yĕqi֥ym ʻàlayȧḣ

15
דְּנָה֙ חֶלְמָ֣א חֲזֵ֔ית אֲנָ֖ה מַלְכָּ֣א נְבוּכַדְנֶצַּ֑ר וְאַנְתָּה בֵּלְטְשַׁאצַּ֜ר פִּשְׁרֵ֣א׀ אֱמַ֗ר כָּל־קֳבֵל֙ דִּ֣י׀ כָּל־חַכִּימֵ֣י מַלְכוּתִ֗י לָֽא־יָכְלִ֤ין פִּשְׁרָא֙ לְהֹודָ֣עֻתַ֔נִי וְאַנְתָּה כָּהֵ֔ל דִּ֛י רֽוּחַ־אֱלָהִ֥ין קַדִּישִׁ֖ין בָּֽךְ׃

dĕ̇náh֙ ẖelĕmá֣ʼ ẖàzé֔yţ ʼàná֖h malĕká֣̇ʼ nĕbẇkadĕneẕȧ֑r wĕʼanĕţá̇h bé̇lĕtĕşǎʼẕȧ֜r pi̇şĕ̌ré֣ʼ׀ ʼèma֗r ká̇l־qobél֙ di֣̇y׀ ká̇l־ẖaki̇ymé֣y malĕkẇţi֗y láֽʼ־yákĕli֤yn pi̇şĕ̌ráʼ֙ lĕhòwdá֣ʻuţa֔niy wĕʼanĕţá̇h ká̇hé֔l di֛̇y rֽẇẖa־ʼèláhi֥yn qadi̇yşǐ֖yn báֽ̇kĕ׃

16
אֱדַ֨יִן דָּֽנִיֵּ֜אל דִּֽי־שְׁמֵ֣הּ בֵּלְטְשַׁאצַּ֗ר אֶשְׁתֹּומַם֙ כְּשָׁעָ֣ה חֲדָ֔ה וְרַעְיֹנֹ֖הִי יְבַהֲלֻנֵּ֑הּ עָנֵ֨ה מַלְכָּ֜א וְאָמַ֗ר בֵּלְטְשַׁאצַּר֙ חֶלְמָ֤א וּפִשְׁרֵא֙ אַֽל־יְבַהֲלָ֔ךְ עָנֵ֤ה בֵלְטְשַׁאצַּר֙ וְאָמַ֔ר מָרְאִי חֶלְמָ֥א לְשָׂנְאַיִךְ וּפִשְׁרֵ֥הּ לְעָרַיִךְ

ʼèda֨yin dáֽ̇niyé̇֜ʼl diֽ̇y־şĕ̌mé֣ḣ bé̇lĕtĕşǎʼẕȧ֗r ʼeşĕ̌ţò̇wmam֙ kĕ̇şá̌ʻá֣h ẖàdá֔h wĕraʻĕyònò֖hiy yĕbahàluné֑̇ḣ ʻáné֨h malĕká̇֜ʼ wĕʼáma֗r bé̇lĕtĕşǎʼẕȧr֙ ẖelĕmá֤ʼ ẇpişĕ̌réʼ֙ ʼaֽl־yĕbahàlá֔kĕ ʻáné֤h bélĕtĕşǎʼẕȧr֙ wĕʼáma֔r márĕʼiy ẖelĕmá֥ʼ lĕşá̂nĕʼayikĕ ẇpişĕ̌ré֥ḣ lĕʻárayikĕ

17
אִֽילָנָא֙ דִּ֣י חֲזַ֔יְתָ דִּ֥י רְבָ֖ה וּתְקִ֑ף וְרוּמֵהּ֙ יִמְטֵ֣א לִשְׁמַיָּ֔א וַחֲזֹותֵ֖הּ לְכָל־אַרְעָֽא׃

ʼiֽylánáʼ֙ di֣̇y ẖàza֔yĕţá di֥̇y rĕbá֖h ẇţĕqi֑p wĕrẇméḣ֙ yimĕté֣ʼ lişĕ̌mayá̇֔ʼ waẖàzòwţé֖ḣ lĕkál־ʼarĕʻáֽʼ׃

18
וְעָפְיֵ֤הּ שַׁפִּיר֙ וְאִנְבֵּ֣הּ שַׂגִּ֔יא וּמָזֹ֨ון לְכֹ֖לָּא־בֵ֑הּ תְּחֹתֹ֗והִי תְּדוּר֙ חֵיוַ֣ת בָּרָ֔א וּבְעַנְפֹ֕והִי יִשְׁכְּנָ֖ן צִפֲּרֵ֥י שְׁמַיָּֽא׃

wĕʻápĕyé֤ḣ şǎpi̇yr֙ wĕʼinĕbé֣̇ḣ şâgi̇֔yʼ ẇmázò֨wn lĕkò֖lá̇ʼ־bé֑ḣ ţĕ̇ẖòţò֗whiy ţĕ̇dẇr֙ ẖéywa֣ţ bá̇rá֔ʼ ẇbĕʻanĕpò֕whiy yişĕ̌kĕ̇ná֖n ẕipà̇ré֥y şĕ̌mayáֽ̇ʼ׃

19
אַנְתָּה ה֣וּא מַלְכָּ֔א דִּ֥י רְבַ֖ית וּתְקֵ֑פְתְּ וּרְבוּתָ֤ךְ רְבָת֙ וּמְטָ֣ת לִשְׁמַיָּ֔א וְשָׁלְטָנָ֖ךְ לְסֹ֥וף אַרְעָֽא׃

ʼanĕţá̇h h֣ẇʼ malĕká̇֔ʼ di֥̇y rĕba֖yţ ẇţĕqé֑pĕţĕ̇ ẇrĕbẇţá֤kĕ rĕbáţ֙ ẇmĕtá֣ţ lişĕ̌mayá̇֔ʼ wĕşá̌lĕtáná֖kĕ lĕsò֥wp ʼarĕʻáֽʼ׃

20
וְדִ֣י חֲזָ֣ה מַלְכָּ֡א עִ֣יר וְקַדִּ֣ישׁ נָחִ֣ת׀ מִן־שְׁמַיָּ֡א וְאָמַר֩ גֹּ֨דּוּ אִֽילָנָ֜א וְחַבְּל֗וּהִי בְּרַ֨ם עִקַּ֤ר שָׁרְשֹׁ֨והִי֙ בְּאַרְעָ֣א שְׁבֻ֔קוּ וּבֶאֱסוּר֙ דִּֽי־פַרְזֶ֣ל וּנְחָ֔שׁ בְּדִתְאָ֖א דִּ֣י בָרָ֑א וּבְטַ֧ל שְׁמַיָּ֣א יִצְטַבַּ֗ע וְעִם־חֵיוַ֤ת בָּרָא֙ חֲלָקֵ֔הּ עַ֛ד דִּֽי־שִׁבְעָ֥ה עִדָּנִ֖ין יַחְלְפ֥וּן עֲלֹֽוהִי׃

wĕdi֣y ẖàzá֣h malĕká̇֡ʼ ʻi֣yr wĕqadi֣̇yş̌ náẖi֣ţ׀ min־şĕ̌mayá̇֡ʼ wĕʼámar֩ gò̇֨ḋẇ ʼiֽyláná֜ʼ wĕẖabĕ̇l֗ẇhiy bĕ̇ra֨m ʻiqȧ֤r şá̌rĕşò̌֨whiy֙ bĕ̇ʼarĕʻá֣ʼ şĕ̌bu֔qẇ ẇbeʼèsẇr֙ diֽ̇y־parĕze֣l ẇnĕẖá֔ş̌ bĕ̇diţĕʼá֖ʼ di֣̇y bárá֑ʼ ẇbĕta֧l şĕ̌mayá֣̇ʼ yiẕĕtabȧ֗ʻ wĕʻim־ẖéywa֤ţ bá̇ráʼ֙ ẖàláqé֔ḣ ʻa֛d diֽ̇y־şǐbĕʻá֥h ʻidá̇ni֖yn yaẖĕlĕp֥ẇn ʻàlòֽwhiy׃

21
דְּנָ֥ה פִשְׁרָ֖א מַלְכָּ֑א וּגְזֵרַ֤ת עִלָּיָא הִ֔יא דִּ֥י מְטָ֖ת עַל־מַרְאִי מַלְכָּֽא׃

dĕ̇ná֥h pişĕ̌rá֖ʼ malĕká֑̇ʼ ẇgĕzéra֤ţ ʻilá̇yáʼ hi֔yʼ di֥̇y mĕtá֖ţ ʻal־marĕʼiy malĕkáֽ̇ʼ׃

22
וְלָ֣ךְ טָֽרְדִ֣ין מִן־אֲנָשָׁ֡א וְעִם־חֵיוַ֣ת בָּרָא֩ לֶהֱוֵ֨ה מְדֹרָ֜ךְ וְעִשְׂבָּ֥א כְתֹורִ֣ין׀ לָ֣ךְ יְטַֽעֲמ֗וּן וּמִטַּ֤ל שְׁמַיָּא֙ לָ֣ךְ מְצַבְּעִ֔ין וְשִׁבְעָ֥ה עִדָּנִ֖ין יַחְלְפ֣וּן עֲלַיִךְ עַ֣ד דִּֽי־תִנְדַּ֗ע דִּֽי־שַׁלִּ֤יט עִלָּיָא בְּמַלְכ֣וּת אֲנָשָׁ֔א וּלְמַן־דִּ֥י יִצְבֵּ֖א יִתְּנִנַּֽהּ׃

wĕlá֣kĕ táֽrĕdi֣yn min־ʼànáşá̌֡ʼ wĕʻim־ẖéywa֣ţ bá̇ráʼ֩ lehèwé֨h mĕdòrá֜kĕ wĕʻişĕ̂bá֥̇ʼ kĕţòwri֣yn׀ lá֣kĕ yĕtaֽʻàm֗ẇn ẇmitȧ֤l şĕ̌mayá̇ʼ֙ lá֣kĕ mĕẕabĕ̇ʻi֔yn wĕşǐbĕʻá֥h ʻidá̇ni֖yn yaẖĕlĕp֣ẇn ʻàlayikĕ ʻa֣d diֽ̇y־ţinĕdȧ֗ʻ diֽ̇y־şǎli֤̇yt ʻilá̇yáʼ bĕ̇malĕk֣ẇţ ʼànáşá̌֔ʼ ẇlĕman־di֥̇y yiẕĕbé֖̇ʼ yiţĕ̇ninȧֽḣ׃

23
וְדִ֣י אֲמַ֗רוּ לְמִשְׁבַּ֞ק עִקַּ֤ר שָׁרְשֹׁ֨והִי֙ דִּ֣י אִֽילָנָ֔א מַלְכוּתָ֖ךְ לָ֣ךְ קַיָּמָ֑ה מִן־דִּ֣י תִנְדַּ֔ע דִּ֥י שַׁלִּטִ֖ן שְׁמַיָּֽא׃

wĕdi֣y ʼàma֗rẇ lĕmişĕ̌bȧ֞q ʻiqȧ֤r şá̌rĕşò̌֨whiy֙ di֣̇y ʼiֽyláná֔ʼ malĕkẇţá֖kĕ lá֣kĕ qayá̇má֑h min־di֣̇y ţinĕdȧ֔ʻ di֥̇y şǎli̇ti֖n şĕ̌mayáֽ̇ʼ׃

24
לָהֵ֣ן מַלְכָּ֗א מִלְכִּי֙ יִשְׁפַּ֣ר עֲלַיִךְ וַחֲטָיָךְ בְּצִדְקָ֣ה פְרֻ֔ק וַעֲוָיָתָ֖ךְ בְּמִחַ֣ן עֲנָ֑יִן הֵ֛ן תֶּהֱוֵ֥א אַרְכָ֖ה לִשְׁלֵוְתָֽךְ׃

láhé֣n malĕká̇֗ʼ milĕki̇y֙ yişĕ̌pȧ֣r ʻàlayikĕ waẖàtáyákĕ bĕ̇ẕidĕqá֣h pĕru֔q waʻàwáyáţá֖kĕ bĕ̇miẖa֣n ʻàná֑yin hé֛n ţėhèwé֥ʼ ʼarĕká֖h lişĕ̌léwĕţáֽkĕ׃

25
כֹּ֣לָּא מְּטָ֔א עַל־נְבוּכַדְנֶצַּ֖ר מַלְכָּֽא׃ פ

kò֣̇lá̇ʼ mĕ̇tá֔ʼ ʻal־nĕbẇkadĕneẕȧ֖r malĕkáֽ̇ʼ׃ p

26
לִקְצָ֥ת יַרְחִ֖ין תְּרֵֽי־עֲשַׂ֑ר עַל־הֵיכַ֧ל מַלְכוּתָ֛א דִּ֥י בָבֶ֖ל מְהַלֵּ֥ךְ הֲוָֽה׃

liqĕẕá֥ţ yarĕẖi֖yn ţĕ̇réֽy־ʻàşâ֑r ʻal־héyka֧l malĕkẇţá֛ʼ di֥̇y bábe֖l mĕhalé֥̇kĕ hàwáֽh׃

27
עָנֵ֤ה מַלְכָּא֙ וְאָמַ֔ר הֲלָ֥א דָא־הִ֖יא בָּבֶ֣ל רַבְּתָ֑א דִּֽי־אֲנָ֤ה בֱנַיְתַהּ֙ לְבֵ֣ית מַלְכ֔וּ בִּתְקַ֥ף חִסְנִ֖י וְלִיקָ֥ר הַדְרִֽי׃

ʻáné֤h malĕká̇ʼ֙ wĕʼáma֔r hàlá֥ʼ dáʼ־hi֖yʼ bá̇be֣l rabĕ̇ţá֑ʼ diֽ̇y־ʼàná֤h bènayĕţaḣ֙ lĕbé֣yţ malĕk֔ẇ bi̇ţĕqa֥p ẖisĕni֖y wĕliyqá֥r hadĕriֽy׃

28
עֹ֗וד מִלְּתָא֙ בְּפֻ֣ם מַלְכָּ֔א קָ֖ל מִן־שְׁמַיָּ֣א נְפַ֑ל לָ֤ךְ אָֽמְרִין֙ נְבוּכַדְנֶצַּ֣ר מַלְכָּ֔א מַלְכוּתָ֖ה עֲדָ֥ת מִנָּֽךְ׃

ʻò֗wd milĕ̇ţáʼ֙ bĕ̇pu֣m malĕká̇֔ʼ qá֖l min־şĕ̌mayá֣̇ʼ nĕpa֑l lá֤kĕ ʼáֽmĕriyn֙ nĕbẇkadĕneẕȧ֣r malĕká̇֔ʼ malĕkẇţá֖h ʻàdá֥ţ mináֽ̇kĕ׃

29
וּמִן־אֲנָשָׁא֩ לָ֨ךְ טָֽרְדִ֜ין וְֽעִם־חֵיוַ֧ת בָּרָ֣א מְדֹרָ֗ךְ עִשְׂבָּ֤א כְתֹורִין֙ לָ֣ךְ יְטַעֲמ֔וּן וְשִׁבְעָ֥ה עִדָּנִ֖ין יַחְלְפ֣וּן עֲלַיִךְ עַ֣ד דִּֽי־תִנְדַּ֗ע דִּֽי־שַׁלִּ֤יט עִלָּיָא בְּמַלְכ֣וּת אֲנָשָׁ֔א וּלְמַן־דִּ֥י יִצְבֵּ֖א יִתְּנִנַּֽהּ׃

ẇmin־ʼànáşá̌ʼ֩ lá֨kĕ táֽrĕdi֜yn wĕֽʻim־ẖéywa֧ţ bá̇rá֣ʼ mĕdòrá֗kĕ ʻişĕ̂bá֤̇ʼ kĕţòwriyn֙ lá֣kĕ yĕtaʻàm֔ẇn wĕşǐbĕʻá֥h ʻidá̇ni֖yn yaẖĕlĕp֣ẇn ʻàlayikĕ ʻa֣d diֽ̇y־ţinĕdȧ֗ʻ diֽ̇y־şǎli֤̇yt ʻilá̇yáʼ bĕ̇malĕk֣ẇţ ʼànáşá̌֔ʼ ẇlĕman־di֥̇y yiẕĕbé֖̇ʼ yiţĕ̇ninȧֽḣ׃

30
בַּהּ־שַׁעֲתָ֗א מִלְּתָא֮ סָ֣פַת עַל־נְבוּכַדְנֶצַּר֒ וּמִן־אֲנָשָׁ֣א טְרִ֔יד וְעִשְׂבָּ֤א כְתֹורִין֙ יֵאכֻ֔ל וּמִטַּ֥ל שְׁמַיָּ֖א גִּשְׁמֵ֣הּ יִצְטַבַּ֑ע עַ֣ד דִּ֥י שַׂעְרֵ֛הּ כְּנִשְׁרִ֥ין רְבָ֖ה וְטִפְרֹ֥והִי כְצִפְּרִֽין׃

bȧḣ־şǎʻàţá֗ʼ milĕ̇ţáʼ֮ sá֣paţ ʻal־nĕbẇkadĕneẕȧr֒ ẇmin־ʼànáşá֣̌ʼ tĕri֔yd wĕʻişĕ̂bá֤̇ʼ kĕţòwriyn֙ yéʼku֔l ẇmitȧ֥l şĕ̌mayá֖̇ʼ gi̇şĕ̌mé֣ḣ yiẕĕtabȧ֑ʻ ʻa֣d di֥̇y şâʻĕré֛ḣ kĕ̇nişĕ̌ri֥yn rĕbá֖h wĕtipĕrò֥whiy kĕẕipĕ̇riֽyn׃

31
וְלִקְצָ֣ת יֹֽומַיָּה֩ אֲנָ֨ה נְבוּכַדְנֶצַּ֜ר עַיְנַ֣י׀ לִשְׁמַיָּ֣א נִטְלֵ֗ת וּמַנְדְּעִי֙ עֲלַ֣י יְת֔וּב וּלְעִלָּיָא בָּרְכֵ֔ת וּלְחַ֥י עָלְמָ֖א שַׁבְּחֵ֣ת וְהַדְּרֵ֑ת דִּ֤י שָׁלְטָנֵהּ֙ שָׁלְטָ֣ן עָלַ֔ם וּמַלְכוּתֵ֖הּ עִם־דָּ֥ר וְדָֽר׃

wĕliqĕẕá֣ţ yòֽwmayá̇h֩ ʼàná֨h nĕbẇkadĕneẕȧ֜r ʻayĕna֣y׀ lişĕ̌mayá֣̇ʼ nitĕlé֗ţ ẇmanĕdĕ̇ʻiy֙ ʻàla֣y yĕţ֔ẇb ẇlĕʻilá̇yáʼ bá̇rĕké֔ţ ẇlĕẖa֥y ʻálĕmá֖ʼ şǎbĕ̇ẖé֣ţ wĕhadĕ̇ré֑ţ di֤̇y şá̌lĕtánéḣ֙ şá̌lĕtá֣n ʻála֔m ẇmalĕkẇţé֖ḣ ʻim־dá֥̇r wĕdáֽr׃

32
וְכָל־דָּאֲרֵי אַרְעָא֙ כְּלָ֣ה חֲשִׁיבִ֔ין וּֽכְמִצְבְּיֵ֗הּ עָבֵד֙ בְּחֵ֣יל שְׁמַיָּ֔א וְדָאֲרֵי אַרְעָ֑א וְלָ֤א אִיתַי֙ דִּֽי־יְמַחֵ֣א בִידֵ֔הּ וְיֵ֥אמַר לֵ֖הּ מָ֥ה עֲבַֽדְתְּ׃

wĕkál־dá̇ʼàréy ʼarĕʻáʼ֙ kĕ̇lá֣h ẖàşǐybi֔yn ẇֽkĕmiẕĕbĕ̇yé֗ḣ ʻábéd֙ bĕ̇ẖé֣yl şĕ̌mayá̇֔ʼ wĕdáʼàréy ʼarĕʻá֑ʼ wĕlá֤ʼ ʼiyţay֙ diֽ̇y־yĕmaẖé֣ʼ biydé֔ḣ wĕyé֥ʼmar lé֖ḣ má֥h ʻàbaֽdĕţĕ̇׃

33
בֵּהּ־זִמְנָ֞א מַנְדְּעִ֣י׀ יְת֣וּב עֲלַ֗י וְלִיקַ֨ר מַלְכוּתִ֜י הַדְרִ֤י וְזִוִי֙ יְת֣וּב עֲלַ֔י וְלִ֕י הַדָּֽבְרַ֥י וְרַבְרְבָנַ֖י יְבַעֹ֑ון וְעַל־מַלְכוּתִ֣י הָתְקְנַ֔ת וּרְב֥וּ יַתִּירָ֖ה ה֥וּסְפַת לִֽי׃

bé̇ḣ־zimĕná֞ʼ manĕdĕ̇ʻi֣y׀ yĕţ֣ẇb ʻàla֗y wĕliyqa֨r malĕkẇţi֜y hadĕri֤y wĕziwiy֙ yĕţ֣ẇb ʻàla֔y wĕli֕y hadáֽ̇bĕra֥y wĕrabĕrĕbána֖y yĕbaʻò֑wn wĕʻal־malĕkẇţi֣y háţĕqĕna֔ţ ẇrĕb֥ẇ yaţi̇yrá֖h h֥ẇsĕpaţ liֽy׃

34
כְּעַ֞ן אֲנָ֣ה נְבוּכַדְנֶצַּ֗ר מְשַׁבַּ֨ח וּמְרֹומֵ֤ם וּמְהַדַּר֙ לְמֶ֣לֶךְ שְׁמַיָּ֔א דִּ֤י כָל־מַעֲבָדֹ֨והִי֙ קְשֹׁ֔ט וְאֹרְחָתֵ֖הּ דִּ֑ין וְדִי֙ מַהְלְכִ֣ין בְּגֵוָ֔ה יָכִ֖ל לְהַשְׁפָּלָֽה׃ פ

kĕ̇ʻa֞n ʼàná֣h nĕbẇkadĕneẕȧ֗r mĕşǎbȧ֨ẖ ẇmĕròwmé֤m ẇmĕhadȧr֙ lĕme֣lekĕ şĕ̌mayá̇֔ʼ di֤̇y kál־maʻàbádò֨whiy֙ qĕşò̌֔t wĕʼòrĕẖáţé֖ḣ di֑̇yn wĕdiy֙ mahĕlĕki֣yn bĕ̇géwá֔h yáki֖l lĕhaşĕ̌pá̇láֽh׃ p