Bibles in ancient languages
Old translations
Modern translations

Biblia Hebraica Stuttgartiensia Deuteronomy 31

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיֵּ֖לֶךְ מֹשֶׁ֑ה וַיְדַבֵּ֛ר אֶת־הַדְּבָרִ֥ים הָאֵ֖לֶּה אֶל־כָּל־יִשְׂרָאֵֽל׃

wayé֖̇lekĕ mòşě֑h wayĕdabé֛̇r ʼeţ־hadĕ̇bári֥ym háʼé֖lėh ʼel־ká̇l־yişĕ̂ráʼéֽl׃

2
וַיֹּ֣אמֶר אֲלֵהֶ֗ם בֶּן־מֵאָה֩ וְעֶשְׂרִ֨ים שָׁנָ֤ה אָנֹכִי֙ הַיֹּ֔ום לֹא־אוּכַ֥ל עֹ֖וד לָצֵ֣את וְלָבֹ֑וא וַֽיהוָה֙ אָמַ֣ר אֵלַ֔י לֹ֥א תַעֲבֹ֖ר אֶת־הַיַּרְדֵּ֥ן הַזֶּֽה׃

wayò֣̇ʼmer ʼàléhe֗m bėn־méʼáh֩ wĕʻeşĕ̂ri֨ym şá̌ná֤h ʼánòkiy֙ hayò̇֔wm lòʼ־ʼẇka֥l ʻò֖wd láẕé֣ʼţ wĕlábò֑wʼ waֽyhwáh֙ ʼáma֣r ʼéla֔y lò֥ʼ ţaʻàbò֖r ʼeţ־hayȧrĕdé֥̇n hazėֽh׃

3
יְהוָ֨ה אֱלֹהֶ֜יךָ ה֣וּא׀ עֹבֵ֣ר לְפָנֶ֗יךָ הֽוּא־יַשְׁמִ֞יד אֶת־הַגֹּויִ֥ם הָאֵ֛לֶּה מִלְּפָנֶ֖יךָ וִֽירִשְׁתָּ֑ם יְהֹושֻׁ֗עַ ה֚וּא עֹבֵ֣ר לְפָנֶ֔יךָ כַּאֲשֶׁ֖ר דִּבֶּ֥ר יְהוָֽה׃

yĕhwá֨h ʼèlòhe֜yká h֣ẇʼ׀ ʻòbé֣r lĕpáne֗yká hֽẇʼ־yaşĕ̌mi֞yd ʼeţ־hagò̇wyi֥m háʼé֛lėh milĕ̇páne֖yká wiֽyrişĕ̌ţá֑̇m yĕhòwşǔ֗ʻa h֚ẇʼ ʻòbé֣r lĕpáne֔yká kȧʼàşě֖r di̇bė֥r yĕhwáֽh׃

4
וְעָשָׂ֤ה יְהוָה֙ לָהֶ֔ם כַּאֲשֶׁ֣ר עָשָׂ֗ה לְסִיחֹ֥ון וּלְעֹ֛וג מַלְכֵ֥י הָאֱמֹרִ֖י וּלְאַרְצָ֑ם אֲשֶׁ֥ר הִשְׁמִ֖יד אֹתָֽם׃

wĕʻáşá֤̂h yĕhwáh֙ láhe֔m kȧʼàşě֣r ʻáşá̂֗h lĕsiyẖò֥wn ẇlĕʻò֛wg malĕké֥y háʼèmòri֖y ẇlĕʼarĕẕá֑m ʼàşě֥r hişĕ̌mi֖yd ʼòţáֽm׃

5
וּנְתָנָ֥ם יְהוָ֖ה לִפְנֵיכֶ֑ם וַעֲשִׂיתֶ֣ם לָהֶ֔ם כְּכָל־הַמִּצְוָ֔ה אֲשֶׁ֥ר צִוִּ֖יתִי אֶתְכֶֽם׃

ẇnĕţáná֥m yĕhwá֖h lipĕnéyke֑m waʻàşîyţe֣m láhe֔m kĕ̇kál־hami̇ẕĕwá֔h ʼàşě֥r ẕiwi֖̇yţiy ʼeţĕkeֽm׃

6
חִזְק֣וּ וְאִמְצ֔וּ אַל־תִּֽירְא֥וּ וְאַל־תַּעַרְצ֖וּ מִפְּנֵיהֶ֑ם כִּ֣י׀ יְהוָ֣ה אֱלֹהֶ֗יךָ ה֚וּא הַהֹלֵ֣ךְ עִמָּ֔ךְ לֹ֥א יַרְפְּךָ֖ וְלֹ֥א יַעַזְבֶֽךָּ׃ פ

ẖizĕq֣ẇ wĕʼimĕẕ֔ẇ ʼal־ţiֽ̇yrĕʼ֥ẇ wĕʼal־ţȧʻarĕẕ֖ẇ mipĕ̇néyhe֑m ki֣̇y׀ yĕhwá֣h ʼèlòhe֗yká h֚ẇʼ hahòlé֣kĕ ʻimá̇֔kĕ lò֥ʼ yarĕpĕ̇ká֖ wĕlò֥ʼ yaʻazĕbeֽká̇׃ p

7
וַיִּקְרָ֨א מֹשֶׁ֜ה לִֽיהֹושֻׁ֗עַ וַיֹּ֨אמֶר אֵלָ֜יו לְעֵינֵ֣י כָל־יִשְׂרָאֵל֮ חֲזַ֣ק וֶאֱמָץ֒ כִּ֣י אַתָּ֗ה תָּבֹוא֙ אֶת־הָעָ֣ם הַזֶּ֔ה אֶל־הָאָ֕רֶץ אֲשֶׁ֨ר נִשְׁבַּ֧ע יְהוָ֛ה לַאֲבֹתָ֖ם לָתֵ֣ת לָהֶ֑ם וְאַתָּ֖ה תַּנְחִילֶ֥נָּה אֹותָֽם׃

wayi̇qĕrá֨ʼ mòşě֜h liֽyhòwşǔ֗ʻa wayò̇֨ʼmer ʼélá֜yw lĕʻéyné֣y kál־yişĕ̂ráʼél֮ ẖàza֣q weʼèmáẕ֒ ki֣̇y ʼaţá̇֗h ţá̇bòwʼ֙ ʼeţ־háʻá֣m hazė֔h ʼel־háʼá֕reẕ ʼàşě֨r nişĕ̌bȧ֧ʻ yĕhwá֛h laʼàbòţá֖m láţé֣ţ láhe֑m wĕʼaţá֖̇h ţȧnĕẖiyle֥ná̇h ʼòwţáֽm׃

8
וַֽיהוָ֞ה ה֣וּא׀ הַהֹלֵ֣ךְ לְפָנֶ֗יךָ ה֚וּא יִהְיֶ֣ה עִמָּ֔ךְ לֹ֥א יַרְפְּךָ֖ וְלֹ֣א יַֽעַזְבֶ֑ךָּ לֹ֥א תִירָ֖א וְלֹ֥א תֵחָֽת׃

waֽyhwá֞h h֣ẇʼ׀ hahòlé֣kĕ lĕpáne֗yká h֚ẇʼ yihĕye֣h ʻimá̇֔kĕ lò֥ʼ yarĕpĕ̇ká֖ wĕlò֣ʼ yaֽʻazĕbe֑ká̇ lò֥ʼ ţiyrá֖ʼ wĕlò֥ʼ ţéẖáֽţ׃

9
וַיִּכְתֹּ֣ב מֹשֶׁה֮ אֶת־הַתֹּורָ֣ה הַזֹּאת֒ וַֽיִּתְּנָ֗הּ אֶל־הַכֹּהֲנִים֙ בְּנֵ֣י לֵוִ֔י הַנֹּ֣שְׂאִ֔ים אֶת־אֲרֹ֖ון בְּרִ֣ית יְהוָ֑ה וְאֶל־כָּל־זִקְנֵ֖י יִשְׂרָאֵֽל׃

wayi̇kĕţò֣̇b mòşěh֮ ʼeţ־haţò̇wrá֣h hazò̇ʼţ֒ waֽyi̇ţĕ̇ná֗ḣ ʼel־hakò̇hàniym֙ bĕ̇né֣y léwi֔y hanò֣̇şĕ̂ʼi֔ym ʼeţ־ʼàrò֖wn bĕ̇ri֣yţ yĕhwá֑h wĕʼel־ká̇l־ziqĕné֖y yişĕ̂ráʼéֽl׃

10
וַיְצַ֥ו מֹשֶׁ֖ה אֹותָ֣ם לֵאמֹ֑ר מִקֵּ֣ץ׀ שֶׁ֣בַע שָׁנִ֗ים בְּמֹעֵ֛ד שְׁנַ֥ת הַשְּׁמִטָּ֖ה בְּחַ֥ג הַסֻּכֹּֽות׃

wayĕẕa֥w mòşě֖h ʼòwţá֣m léʼmò֑r miqé֣̇ẕ׀ şě֣baʻ şá̌ni֗ym bĕ̇mòʻé֛d şĕ̌na֥ţ haşĕ̇̌mitá֖̇h bĕ̇ẖa֥g hasu̇kòֽ̇wţ׃

11
בְּבֹ֣וא כָל־יִשְׂרָאֵ֗ל לֵרָאֹות֙ אֶת־פְּנֵי֙ יְהוָ֣ה אֱלֹהֶ֔יךָ בַּמָּקֹ֖ום אֲשֶׁ֣ר יִבְחָ֑ר תִּקְרָ֞א אֶת־הַתֹּורָ֥ה הַזֹּ֛את נֶ֥גֶד כָּל־יִשְׂרָאֵ֖ל בְּאָזְנֵיהֶֽם׃

bĕ̇bò֣wʼ kál־yişĕ̂ráʼé֗l léráʼòwţ֙ ʼeţ־pĕ̇néy֙ yĕhwá֣h ʼèlòhe֔yká bȧmá̇qò֖wm ʼàşě֣r yibĕẖá֑r ţi̇qĕrá֞ʼ ʼeţ־haţò̇wrá֥h hazò֛̇ʼţ ne֥ged ká̇l־yişĕ̂ráʼé֖l bĕ̇ʼázĕnéyheֽm׃

12
הַקְהֵ֣ל אֶת־הָעָ֗ם הָֽאֲנָשִׁ֤ים וְהַנָּשִׁים֙ וְהַטַּ֔ף וְגֵרְךָ֖ אֲשֶׁ֣ר בִּשְׁעָרֶ֑יךָ לְמַ֨עַן יִשְׁמְע֜וּ וּלְמַ֣עַן יִלְמְד֗וּ וְיָֽרְאוּ֙ אֶת־יְהוָ֣ה אֱלֹֽהֵיכֶ֔ם וְשָׁמְר֣וּ לַעֲשֹׂ֔ות אֶת־כָּל־דִּבְרֵ֖י הַתֹּורָ֥ה הַזֹּֽאת׃

haqĕhé֣l ʼeţ־háʻá֗m háֽʼànáşǐ֤ym wĕhaná̇şǐym֙ wĕhatȧ֔p wĕgérĕká֖ ʼàşě֣r bi̇şĕ̌ʻáre֑yká lĕma֨ʻan yişĕ̌mĕʻ֜ẇ ẇlĕma֣ʻan yilĕmĕd֗ẇ wĕyáֽrĕʼẇ֙ ʼeţ־yĕhwá֣h ʼèlòֽhéyke֔m wĕşá̌mĕr֣ẇ laʻàşò̂֔wţ ʼeţ־ká̇l־di̇bĕré֖y haţò̇wrá֥h hazòֽ̇ʼţ׃

13
וּבְנֵיהֶ֞ם אֲשֶׁ֣ר לֹֽא־יָדְע֗וּ יִשְׁמְעוּ֙ וְלָ֣מְד֔וּ לְיִרְאָ֖ה אֶת־יְהוָ֣ה אֱלֹהֵיכֶ֑ם כָּל־הַיָּמִ֗ים אֲשֶׁ֨ר אַתֶּ֤ם חַיִּים֙ עַל־הָ֣אֲדָמָ֔ה אֲשֶׁ֨ר אַתֶּ֜ם עֹבְרִ֧ים אֶת־הַיַּרְדֵּ֛ן שָׁ֖מָּה לְרִשְׁתָּֽהּ׃ פ

ẇbĕnéyhe֞m ʼàşě֣r lòֽʼ־yádĕʻ֗ẇ yişĕ̌mĕʻẇ֙ wĕlá֣mĕd֔ẇ lĕyirĕʼá֖h ʼeţ־yĕhwá֣h ʼèlòhéyke֑m ká̇l־hayá̇mi֗ym ʼàşě֨r ʼaţė֤m ẖayi̇ym֙ ʻal־há֣ʼàdámá֔h ʼàşě֨r ʼaţė֜m ʻòbĕri֧ym ʼeţ־hayȧrĕdé֛̇n şá֖̌má̇h lĕrişĕ̌ţáֽ̇ḣ׃ p

14
וַיֹּ֨אמֶר יְהוָ֜ה אֶל־מֹשֶׁ֗ה הֵ֣ן קָרְב֣וּ יָמֶיךָ֮ לָמוּת֒ קְרָ֣א אֶת־יְהֹושֻׁ֗עַ וְהִֽתְיַצְּב֛וּ בְּאֹ֥הֶל מֹועֵ֖ד וַאֲצַוֶּ֑נּוּ וַיֵּ֤לֶךְ מֹשֶׁה֙ וִֽיהֹושֻׁ֔עַ וַיִּֽתְיַצְּב֖וּ בְּאֹ֥הֶל מֹועֵֽד׃

wayò̇֨ʼmer yĕhwá֜h ʼel־mòşě֗h hé֣n qárĕb֣ẇ yámeyká֮ lámẇţ֒ qĕrá֣ʼ ʼeţ־yĕhòwşǔ֗ʻa wĕhiֽţĕyaẕĕ̇b֛ẇ bĕ̇ʼò֥hel mòwʻé֖d waʼàẕawė֑ṅẇ wayé֤̇lekĕ mòşěh֙ wiֽyhòwşǔ֔ʻa wayiֽ̇ţĕyaẕĕ̇b֖ẇ bĕ̇ʼò֥hel mòwʻéֽd׃

15
וַיֵּרָ֧א יְהוָ֛ה בָּאֹ֖הֶל בְּעַמּ֣וּד עָנָ֑ן וַיַּעֲמֹ֛ד עַמּ֥וּד הֶעָנָ֖ן עַל־פֶּ֥תַח הָאֹֽהֶל׃ ס

wayé̇rá֧ʼ yĕhwá֛h bá̇ʼò֖hel bĕ̇ʻaṁ֣ẇd ʻáná֑n wayȧʻàmò֛d ʻaṁ֥ẇd heʻáná֖n ʻal־pė֥ţaẖ háʼòֽhel׃ s

16
וַיֹּ֤אמֶר יְהוָה֙ אֶל־מֹשֶׁ֔ה הִנְּךָ֥ שֹׁכֵ֖ב עִם־אֲבֹתֶ֑יךָ וְקָם֩ הָעָ֨ם הַזֶּ֜ה וְזָנָ֣ה׀ אַחֲרֵ֣י׀ אֱלֹהֵ֣י נֵֽכַר־הָאָ֗רֶץ אֲשֶׁ֨ר ה֤וּא בָא־שָׁ֨מָּה֙ בְּקִרְבֹּ֔ו וַעֲזָבַ֕נִי וְהֵפֵר֙ אֶת־בְּרִיתִ֔י אֲשֶׁ֥ר כָּרַ֖תִּי אִתֹּֽו׃

wayò֤̇ʼmer yĕhwáh֙ ʼel־mòşě֔h hinĕ̇ká֥ şò̌ké֖b ʻim־ʼàbòţe֑yká wĕqám֩ háʻá֨m hazė֜h wĕzáná֣h׀ ʼaẖàré֣y׀ ʼèlòhé֣y néֽkar־háʼá֗reẕ ʼàşě֨r h֤ẇʼ báʼ־şá̌֨má̇h֙ bĕ̇qirĕbò̇֔w waʻàzába֕niy wĕhépér֙ ʼeţ־bĕ̇riyţi֔y ʼàşě֥r ká̇ra֖ţi̇y ʼiţòֽ̇w׃

17
וְחָרָ֣ה אַפִּ֣י בֹ֣ו בַיֹּום־הַ֠הוּא וַעֲזַבְתִּ֞ים וְהִסְתַּרְתִּ֨י פָנַ֤י מֵהֶם֙ וְהָיָ֣ה לֶֽאֱכֹ֔ל וּמְצָאֻ֛הוּ רָעֹ֥ות רַבֹּ֖ות וְצָרֹ֑ות וְאָמַר֙ בַּיֹּ֣ום הַה֔וּא הֲלֹ֗א עַ֣ל כִּֽי־אֵ֤ין אֱלֹהַי֙ בְּקִרְבִּ֔י מְצָא֖וּנִי הָרָעֹ֥ות הָאֵֽלֶּה׃

wĕẖárá֣h ʼapi֣̇y bò֣w bayò̇wm־ha֠hẇʼ waʻàzabĕţi̇֞ym wĕhisĕţȧrĕţi̇֨y pána֤y méhem֙ wĕháyá֣h leֽʼèkò֔l ẇmĕẕáʼu֛hẇ ráʻò֥wţ rabò֖̇wţ wĕẕárò֑wţ wĕʼámar֙ bȧyò֣̇wm hah֔ẇʼ hàlò֗ʼ ʻa֣l kiֽ̇y־ʼé֤yn ʼèlòhay֙ bĕ̇qirĕbi̇֔y mĕẕáʼ֖ẇniy háráʻò֥wţ háʼéֽlėh׃

18
וְאָנֹכִ֗י הַסְתֵּ֨ר אַסְתִּ֤יר פָּנַי֙ בַּיֹּ֣ום הַה֔וּא עַ֥ל כָּל־הָרָעָ֖ה אֲשֶׁ֣ר עָשָׂ֑ה כִּ֣י פָנָ֔ה אֶל־אֱלֹהִ֖ים אֲחֵרִֽים׃

wĕʼánòki֗y hasĕţé̇֨r ʼasĕţi֤̇yr pá̇nay֙ bȧyò֣̇wm hah֔ẇʼ ʻa֥l ká̇l־háráʻá֖h ʼàşě֣r ʻáşá֑̂h ki֣̇y páná֔h ʼel־ʼèlòhi֖ym ʼàẖériֽym׃

19
וְעַתָּ֗ה כִּתְב֤וּ לָכֶם֙ אֶת־הַשִּׁירָ֣ה הַזֹּ֔את וְלַמְּדָ֥הּ אֶת־בְּנֵי־יִשְׂרָאֵ֖ל שִׂימָ֣הּ בְּפִיהֶ֑ם לְמַ֨עַן תִּהְיֶה־לִּ֜י הַשִּׁירָ֥ה הַזֹּ֛את לְעֵ֖ד בִּבְנֵ֥י יִשְׂרָאֵֽל׃

wĕʻaţá̇֗h ki̇ţĕb֤ẇ lákem֙ ʼeţ־haşi̇̌yrá֣h hazò̇֔ʼţ wĕlamĕ̇dá֥ḣ ʼeţ־bĕ̇néy־yişĕ̂ráʼé֖l şîymá֣ḣ bĕ̇piyhe֑m lĕma֨ʻan ţi̇hĕyeh־li̇֜y haşi̇̌yrá֥h hazò֛̇ʼţ lĕʻé֖d bi̇bĕné֥y yişĕ̂ráʼéֽl׃

20
כִּֽי־אֲבִיאֶ֜נּוּ אֶֽל־הָאֲדָמָ֣ה׀ אֲשֶׁר־נִשְׁבַּ֣עְתִּי לַאֲבֹתָ֗יו זָבַ֤ת חָלָב֙ וּדְבַ֔שׁ וְאָכַ֥ל וְשָׂבַ֖ע וְדָשֵׁ֑ן וּפָנָ֞ה אֶל־אֱלֹהִ֤ים אֲחֵרִים֙ וַעֲבָד֔וּם וְנִ֣אֲצ֔וּנִי וְהֵפֵ֖ר אֶת־בְּרִיתִֽי׃

kiֽ̇y־ʼàbiyʼe֜ṅẇ ʼeֽl־háʼàdámá֣h׀ ʼàşěr־nişĕ̌bȧ֣ʻĕţi̇y laʼàbòţá֗yw zába֤ţ ẖáláb֙ ẇdĕba֔ş̌ wĕʼáka֥l wĕşá̂ba֖ʻ wĕdáşé֑̌n ẇpáná֞h ʼel־ʼèlòhi֤ym ʼàẖériym֙ waʻàbád֔ẇm wĕni֣ʼàẕ֔ẇniy wĕhépé֖r ʼeţ־bĕ̇riyţiֽy׃

21
וְ֠הָיָה כִּֽי־תִמְצֶ֨אןָ אֹתֹ֜ו רָעֹ֣ות רַבֹּות֮ וְצָרֹות֒ וְ֠עָנְתָה הַשִּׁירָ֨ה הַזֹּ֤את לְפָנָיו֙ לְעֵ֔ד כִּ֛י לֹ֥א תִשָּׁכַ֖ח מִפִּ֣י זַרְעֹ֑ו כִּ֧י יָדַ֣עְתִּי אֶת־יִצְרֹ֗ו אֲשֶׁ֨ר ה֤וּא עֹשֶׂה֙ הַיֹּ֔ום בְּטֶ֣רֶם אֲבִיאֶ֔נּוּ אֶל־הָאָ֖רֶץ אֲשֶׁ֥ר נִשְׁבָּֽעְתִּי׃

wĕ֠háyáh kiֽ̇y־ţimĕẕe֨ʼná ʼòţò֜w ráʻò֣wţ rabò̇wţ֮ wĕẕáròwţ֒ wĕ֠ʻánĕţáh haşi̇̌yrá֨h hazò֤̇ʼţ lĕpánáyw֙ lĕʻé֔d ki֛̇y lò֥ʼ ţişá̇̌ka֖ẖ mipi֣̇y zarĕʻò֑w ki֧̇y yáda֣ʻĕţi̇y ʼeţ־yiẕĕrò֗w ʼàşě֨r h֤ẇʼ ʻòşêh֙ hayò̇֔wm bĕ̇te֣rem ʼàbiyʼe֔ṅẇ ʼel־háʼá֖reẕ ʼàşě֥r nişĕ̌báֽ̇ʻĕţi̇y׃

22
וַיִּכְתֹּ֥ב מֹשֶׁ֛ה אֶת־הַשִּׁירָ֥ה הַזֹּ֖את בַּיֹּ֣ום הַה֑וּא וַֽיְלַמְּדָ֖הּ אֶת־בְּנֵ֥י יִשְׂרָאֵֽל׃

wayi̇kĕţò֥̇b mòşě֛h ʼeţ־haşi̇̌yrá֥h hazò֖̇ʼţ bȧyò֣̇wm hah֑ẇʼ waֽyĕlamĕ̇dá֖ḣ ʼeţ־bĕ̇né֥y yişĕ̂ráʼéֽl׃

23
וַיְצַ֞ו אֶת־יְהֹושֻׁ֣עַ בִּן־נ֗וּן וַיֹּאמֶר֮ חֲזַ֣ק וֶֽאֱמָץ֒ כִּ֣י אַתָּ֗ה תָּבִיא֙ אֶת־בְּנֵ֣י יִשְׂרָאֵ֔ל אֶל־הָאָ֖רֶץ אֲשֶׁר־נִשְׁבַּ֣עְתִּי לָהֶ֑ם וְאָנֹכִ֖י אֶֽהְיֶ֥ה עִמָּֽךְ׃

wayĕẕa֞w ʼeţ־yĕhòwşǔ֣ʻa bi̇n־n֗ẇn wayò̇ʼmer֮ ẖàza֣q weֽʼèmáẕ֒ ki֣̇y ʼaţá̇֗h ţá̇biyʼ֙ ʼeţ־bĕ̇né֣y yişĕ̂ráʼé֔l ʼel־háʼá֖reẕ ʼàşěr־nişĕ̌bȧ֣ʻĕţi̇y láhe֑m wĕʼánòki֖y ʼeֽhĕye֥h ʻimáֽ̇kĕ׃

24
וַיְהִ֣י׀ כְּכַלֹּ֣ות מֹשֶׁ֗ה לִכְתֹּ֛ב אֶת־דִּבְרֵ֥י הַתֹּורָֽה־הַזֹּ֖את עַל־סֵ֑פֶר עַ֖ד תֻּמָּֽם׃

wayĕhi֣y׀ kĕ̇kalò֣̇wţ mòşě֗h likĕţò֛̇b ʼeţ־di̇bĕré֥y haţò̇wráֽh־hazò֖̇ʼţ ʻal־sé֑per ʻa֖d ţu̇máֽ̇m׃

25
וַיְצַ֤ו מֹשֶׁה֙ אֶת־הַלְוִיִּ֔ם נֹֽשְׂאֵ֛י אֲרֹ֥ון בְּרִית־יְהוָ֖ה לֵאמֹֽר׃

wayĕẕa֤w mòşěh֙ ʼeţ־halĕwiyi̇֔m nòֽşĕ̂ʼé֛y ʼàrò֥wn bĕ̇riyţ־yĕhwá֖h léʼmòֽr׃

26
לָקֹ֗חַ אֵ֣ת סֵ֤פֶר הַתֹּורָה֙ הַזֶּ֔ה וְשַׂמְתֶּ֣ם אֹתֹ֔ו מִצַּ֛ד אֲרֹ֥ון בְּרִית־יְהוָ֖ה אֱלֹהֵיכֶ֑ם וְהָֽיָה־שָׁ֥ם בְּךָ֖ לְעֵֽד׃

láqò֗ẖa ʼé֣ţ sé֤per haţò̇wráh֙ hazė֔h wĕşâmĕţė֣m ʼòţò֔w miẕȧ֛d ʼàrò֥wn bĕ̇riyţ־yĕhwá֖h ʼèlòhéyke֑m wĕháֽyáh־şá֥̌m bĕ̇ká֖ lĕʻéֽd׃

27
כִּ֣י אָנֹכִ֤י יָדַ֨עְתִּי֙ אֶֽת־מֶרְיְךָ֔ וְאֶֽת־עָרְפְּךָ֖ הַקָּשֶׁ֑ה הֵ֣ן בְּעֹודֶנִּי֩ חַ֨י עִמָּכֶ֜ם הַיֹּ֗ום מַמְרִ֤ים הֱיִתֶם֙ עִם־יְהֹוָ֔ה וְאַ֖ף כִּי־אַחֲרֵ֥י מֹותִֽי׃

ki֣̇y ʼánòki֤y yáda֨ʻĕţi̇y֙ ʼeֽţ־merĕyĕká֔ wĕʼeֽţ־ʻárĕpĕ̇ká֖ haqá̇şě֑h hé֣n bĕ̇ʻòwdeni̇y֩ ẖa֨y ʻimá̇ke֜m hayò̇֗wm mamĕri֤ym hèyiţem֙ ʻim־yĕhòwá֔h wĕʼa֖p ki̇y־ʼaẖàré֥y mòwţiֽy׃

28
הַקְהִ֧ילוּ אֵלַ֛י אֶת־כָּל־זִקְנֵ֥י שִׁבְטֵיכֶ֖ם וְשֹׁטְרֵיכֶ֑ם וַאֲדַבְּרָ֣ה בְאָזְנֵיהֶ֗ם אֵ֚ת הַדְּבָרִ֣ים הָאֵ֔לֶּה וְאָעִ֣ידָה בָּ֔ם אֶת־הַשָּׁמַ֖יִם וְאֶת־הָאָֽרֶץ׃

haqĕhi֧ylẇ ʼéla֛y ʼeţ־ká̇l־ziqĕné֥y şǐbĕtéyke֖m wĕşò̌tĕréyke֑m waʼàdabĕ̇rá֣h bĕʼázĕnéyhe֗m ʼé֚ţ hadĕ̇bári֣ym háʼé֔lėh wĕʼáʻi֣ydáh bá̇֔m ʼeţ־haşá̇̌ma֖yim wĕʼeţ־háʼáֽreẕ׃

29
כִּ֣י יָדַ֗עְתִּי אַחֲרֵ֤י מֹותִי֙ כִּֽי־הַשְׁחֵ֣ת תַּשְׁחִת֔וּן וְסַרְתֶּ֣ם מִן־הַדֶּ֔רֶךְ אֲשֶׁ֥ר צִוִּ֖יתִי אֶתְכֶ֑ם וְקָרָ֨את אֶתְכֶ֤ם הָֽרָעָה֙ בְּאַחֲרִ֣ית הַיָּמִ֔ים כִּֽי־תַעֲשׂ֤וּ אֶת־הָרַע֙ בְּעֵינֵ֣י יְהוָ֔ה לְהַכְעִיסֹ֖ו בְּמַעֲשֵׂ֥ה יְדֵיכֶֽם׃

ki֣̇y yáda֗ʻĕţi̇y ʼaẖàré֤y mòwţiy֙ kiֽ̇y־haşĕ̌ẖé֣ţ ţȧşĕ̌ẖiţ֔ẇn wĕsarĕţė֣m min־hadė֔rekĕ ʼàşě֥r ẕiwi֖̇yţiy ʼeţĕke֑m wĕqárá֨ʼţ ʼeţĕke֤m háֽráʻáh֙ bĕ̇ʼaẖàri֣yţ hayá̇mi֔ym kiֽ̇y־ţaʻàş֤̂ẇ ʼeţ־háraʻ֙ bĕ̇ʻéyné֣y yĕhwá֔h lĕhakĕʻiysò֖w bĕ̇maʻàşé֥̂h yĕdéykeֽm׃

30
וַיְדַבֵּ֣ר מֹשֶׁ֗ה בְּאָזְנֵי֙ כָּל־קְהַ֣ל יִשְׂרָאֵ֔ל אֶת־דִּבְרֵ֥י הַשִּׁירָ֖ה הַזֹּ֑את עַ֖ד תֻּמָּֽם׃ פ

wayĕdabé֣̇r mòşě֗h bĕ̇ʼázĕnéy֙ ká̇l־qĕha֣l yişĕ̂ráʼé֔l ʼeţ־di̇bĕré֥y haşi̇̌yrá֖h hazò֑̇ʼţ ʻa֖d ţu̇máֽ̇m׃ p