Bibles in ancient languages
Old translations
Modern translations

Biblia Hebraica Stuttgartiensia Esther 2

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
אַחַר֙ הַדְּבָרִ֣ים הָאֵ֔לֶּה כְּשֹׁ֕ךְ חֲמַ֖ת הַמֶּ֣לֶךְ אֲחַשְׁוֵרֹ֑ושׁ זָכַ֤ר אֶת־וַשְׁתִּי֙ וְאֵ֣ת אֲשֶׁר־עָשָׂ֔תָה וְאֵ֥ת אֲשֶׁר־נִגְזַ֖ר עָלֶֽיהָ׃

ʼaẖar֙ hadĕ̇bári֣ym háʼé֔lėh kĕ̇şò̌֕kĕ ẖàma֖ţ hamė֣lekĕ ʼàẖaşĕ̌wérò֑wş̌ záka֤r ʼeţ־waşĕ̌ţi̇y֙ wĕʼé֣ţ ʼàşěr־ʻáşá̂֔ţáh wĕʼé֥ţ ʼàşěr־nigĕza֖r ʻáleֽyhá׃

2
וַיֹּאמְר֥וּ נַעֲרֵֽי־הַמֶּ֖לֶךְ מְשָׁרְתָ֑יו יְבַקְשׁ֥וּ לַמֶּ֛לֶךְ נְעָרֹ֥ות בְּתוּלֹ֖ות טֹובֹ֥ות מַרְאֶֽה׃

wayò̇ʼmĕr֥ẇ naʻàréֽy־hamė֖lekĕ mĕşá̌rĕţá֑yw yĕbaqĕş֥̌ẇ lamė֛lekĕ nĕʻárò֥wţ bĕ̇ţẇlò֖wţ tòwbò֥wţ marĕʼeֽh׃

3
וְיַפְקֵ֨ד הַמֶּ֣לֶךְ פְּקִידִים֮ בְּכָל־מְדִינֹ֣ות מַלְכוּתֹו֒ וְיִקְבְּצ֣וּ אֶת־כָּל־נַעֲרָֽה־בְ֠תוּלָה טֹובַ֨ת מַרְאֶ֜ה אֶל־שׁוּשַׁ֤ן הַבִּירָה֙ אֶל־בֵּ֣ית הַנָּשִׁ֔ים אֶל־יַ֥ד הֵגֶ֛א סְרִ֥יס הַמֶּ֖לֶךְ שֹׁמֵ֣ר הַנָּשִׁ֑ים וְנָתֹ֖ון תַּמְרוּקֵיהֶֽן׃

wĕyapĕqé֨d hamė֣lekĕ pĕ̇qiydiym֮ bĕ̇kál־mĕdiynò֣wţ malĕkẇţòw֒ wĕyiqĕbĕ̇ẕ֣ẇ ʼeţ־ká̇l־naʻàráֽh־bĕ֠ţẇláh tòwba֨ţ marĕʼe֜h ʼel־ş̌ẇşǎ֤n habi̇yráh֙ ʼel־bé֣̇yţ haná̇şǐ֔ym ʼel־ya֥d hége֛ʼ sĕri֥ys hamė֖lekĕ şò̌mé֣r haná̇şǐ֑ym wĕnáţò֖wn ţȧmĕrẇqéyheֽn׃

4
וְהַֽנַּעֲרָ֗ה אֲשֶׁ֤ר תִּיטַב֙ בְּעֵינֵ֣י הַמֶּ֔לֶךְ תִּמְלֹ֖ךְ תַּ֣חַת וַשְׁתִּ֑י וַיִּיטַ֧ב הַדָּבָ֛ר בְּעֵינֵ֥י הַמֶּ֖לֶךְ וַיַּ֥עַשׂ כֵּֽן׃ ס

wĕhaֽnȧʻàrá֗h ʼàşě֤r ţi̇ytab֙ bĕ̇ʻéyné֣y hamė֔lekĕ ţi̇mĕlò֖kĕ ţȧ֣ẖaţ waşĕ̌ţi֑̇y wayi̇yta֧b hadá̇bá֛r bĕ̇ʻéyné֥y hamė֖lekĕ wayȧ֥ʻaş̂ kéֽ̇n׃ s

5
אִ֣ישׁ יְהוּדִ֔י הָיָ֖ה בְּשׁוּשַׁ֣ן הַבִּירָ֑ה וּשְׁמֹ֣ו מָרְדֳּכַ֗י בֶּ֣ן יָאִ֧יר בֶּן־שִׁמְעִ֛י בֶּן־קִ֖ישׁ אִ֥ישׁ יְמִינִֽי׃

ʼi֣yş̌ yĕhẇdi֔y háyá֖h bĕ̇ş̌ẇşǎ֣n habi̇yrá֑h ẇşĕ̌mò֣w márĕdȯka֗y bė֣n yáʼi֧yr bėn־şǐmĕʻi֛y bėn־qi֖yş̌ ʼi֥yş̌ yĕmiyniֽy׃

6
אֲשֶׁ֤ר הָגְלָה֙ מִיר֣וּשָׁלַ֔יִם עִם־הַגֹּלָה֙ אֲשֶׁ֣ר הָגְלְתָ֔ה עִ֖ם יְכָנְיָ֣ה מֶֽלֶךְ־יְהוּדָ֑ה אֲשֶׁ֣ר הֶגְלָ֔ה נְבוּכַדְנֶאצַּ֖ר מֶ֥לֶךְ בָּבֶֽל׃

ʼàşě֤r hágĕláh֙ miyr֣ẇşá̌la֔yim ʻim־hagò̇láh֙ ʼàşě֣r hágĕlĕţá֔h ʻi֖m yĕkánĕyá֣h meֽlekĕ־yĕhẇdá֑h ʼàşě֣r hegĕlá֔h nĕbẇkadĕneʼẕȧ֖r me֥lekĕ bá̇beֽl׃

7
וַיְהִ֨י אֹמֵ֜ן אֶת־הֲדַסָּ֗ה הִ֤יא אֶסְתֵּר֙ בַּת־דֹּדֹ֔ו כִּ֛י אֵ֥ין לָ֖הּ אָ֣ב וָאֵ֑ם וְהַנַּעֲרָ֤ה יְפַת־תֹּ֨אַר֙ וְטֹובַ֣ת מַרְאֶ֔ה וּבְמֹ֤ות אָבִ֨יהָ֙ וְאִמָּ֔הּ לְקָחָ֧הּ מָרְדֳּכַ֛י לֹ֖ו לְבַֽת׃

wayĕhi֨y ʼòmé֜n ʼeţ־hàdasá̇֗h hi֤yʼ ʼesĕţé̇r֙ bȧţ־dò̇dò֔w ki֛̇y ʼé֥yn lá֖ḣ ʼá֣b wáʼé֑m wĕhanȧʻàrá֤h yĕpaţ־ţò̇֨ʼar֙ wĕtòwba֣ţ marĕʼe֔h ẇbĕmò֤wţ ʼábi֨yhá֙ wĕʼimá̇֔ḣ lĕqáẖá֧ḣ márĕdȯka֛y lò֖w lĕbaֽţ׃

8
וַיְהִ֗י בְּהִשָּׁמַ֤ע דְּבַר־הַמֶּ֨לֶךְ֙ וְדָתֹ֔ו וּֽבְהִקָּבֵ֞ץ נְעָרֹ֥ות רַבֹּ֛ות אֶל־שׁוּשַׁ֥ן הַבִּירָ֖ה אֶל־יַ֣ד הֵגָ֑י וַתִּלָּקַ֤ח אֶסְתֵּר֙ אֶל־בֵּ֣ית הַמֶּ֔לֶךְ אֶל־יַ֥ד הֵגַ֖י שֹׁמֵ֥ר הַנָּשִֽׁים׃

wayĕhi֗y bĕ̇hişá̇̌ma֤ʻ dĕ̇bar־hamė֨lekĕ֙ wĕdáţò֔w ẇֽbĕhiqá̇bé֞ẕ nĕʻárò֥wţ rabò֛̇wţ ʼel־ş̌ẇşǎ֥n habi̇yrá֖h ʼel־ya֣d hégá֑y waţi̇lá̇qa֤ẖ ʼesĕţé̇r֙ ʼel־bé֣̇yţ hamė֔lekĕ ʼel־ya֥d héga֖y şò̌mé֥r haná̇şǐֽym׃

9
וַתִּיטַ֨ב הַנַּעֲרָ֣ה בְעֵינָיו֮ וַתִּשָּׂ֣א חֶ֣סֶד לְפָנָיו֒ וַ֠יְבַהֵל אֶת־תַּמְרוּקֶ֤יהָ וְאֶת־מָנֹותֶ֨הָ֙ לָתֵ֣ת לָ֔הּ וְאֵת֙ שֶׁ֣בַע הַנְּעָרֹ֔ות הָרְאֻיֹ֥ות לָֽתֶת־לָ֖הּ מִבֵּ֣ית הַמֶּ֑לֶךְ וַיְשַׁנֶּ֧הָ וְאֶת־נַעֲרֹותֶ֛יהָ לְטֹ֖וב בֵּ֥ית הַנָּשִֽׁים׃

waţi̇yta֨b hanȧʻàrá֣h bĕʻéynáyw֮ waţi̇şá֣̇̂ʼ ẖe֣sed lĕpánáyw֒ wa֠yĕbahél ʼeţ־ţȧmĕrẇqe֤yhá wĕʼeţ־mánòwţe֨há֙ láţé֣ţ lá֔ḣ wĕʼéţ֙ şě֣baʻ hanĕ̇ʻárò֔wţ hárĕʼuyò֥wţ láֽţeţ־lá֖ḣ mibé֣̇yţ hamė֑lekĕ wayĕşǎnė֧há wĕʼeţ־naʻàròwţe֛yhá lĕtò֖wb bé֥̇yţ haná̇şǐֽym׃

10
לֹא־הִגִּ֣ידָה אֶסְתֵּ֔ר אֶת־עַמָּ֖הּ וְאֶת־מֹֽולַדְתָּ֑הּ כִּ֧י מָרְדֳּכַ֛י צִוָּ֥ה עָלֶ֖יהָ אֲשֶׁ֥ר לֹא־תַגִּֽיד׃

lòʼ־higi֣̇ydáh ʼesĕţé̇֔r ʼeţ־ʻamá֖̇ḣ wĕʼeţ־mòֽwladĕţá֑̇ḣ ki֧̇y márĕdȯka֛y ẕiwá֥̇h ʻále֖yhá ʼàşě֥r lòʼ־ţagiֽ̇yd׃

11
וּבְכָל־יֹ֣ום וָיֹ֔ום מָרְדֳּכַי֙ מִתְהַלֵּ֔ךְ לִפְנֵ֖י חֲצַ֣ר בֵּית־הַנָּשִׁ֑ים לָדַ֨עַת֙ אֶת־שְׁלֹ֣ום אֶסְתֵּ֔ר וּמַה־יֵּעָשֶׂ֖ה בָּֽהּ׃

ẇbĕkál־yò֣wm wáyò֔wm márĕdȯkay֙ miţĕhalé̇֔kĕ lipĕné֖y ẖàẕa֣r bé̇yţ־haná̇şǐ֑ym láda֨ʻaţ֙ ʼeţ־şĕ̌lò֣wm ʼesĕţé̇֔r ẇmah־yé̇ʻáşê֖h báֽ̇ḣ׃

12
וּבְהַגִּ֡יעַ תֹּר֩ נַעֲרָ֨ה וְנַעֲרָ֜ה לָבֹ֣וא׀ אֶל־הַמֶּ֣לֶךְ אֲחַשְׁוֵרֹ֗ושׁ מִקֵּץ֩ הֱיֹ֨ות לָ֜הּ כְּדָ֤ת הַנָּשִׁים֙ שְׁנֵ֣ים עָשָׂ֣ר חֹ֔דֶשׁ כִּ֛י כֵּ֥ן יִמְלְא֖וּ יְמֵ֣י מְרוּקֵיהֶ֑ן שִׁשָּׁ֤ה חֳדָשִׁים֙ בְּשֶׁ֣מֶן הַמֹּ֔ר וְשִׁשָּׁ֤ה חֳדָשִׁים֙ בַּבְּשָׂמִ֔ים וּבְתַמְרוּקֵ֖י הַנָּשִֽׁים׃

ẇbĕhagi̇֡yʻa ţò̇r֩ naʻàrá֨h wĕnaʻàrá֜h lábò֣wʼ׀ ʼel־hamė֣lekĕ ʼàẖaşĕ̌wérò֗wş̌ miqé̇ẕ֩ hèyò֨wţ lá֜ḣ kĕ̇dá֤ţ haná̇şǐym֙ şĕ̌né֣ym ʻáşá֣̂r ẖò֔deş̌ ki֛̇y ké֥̇n yimĕlĕʼ֖ẇ yĕmé֣y mĕrẇqéyhe֑n şǐşá֤̇̌h ẖodáşǐym֙ bĕ̇şě֣men hamò̇֔r wĕşǐşá֤̇̌h ẖodáşǐym֙ bȧbĕ̇şá̂mi֔ym ẇbĕţamĕrẇqé֖y haná̇şǐֽym׃

13
וּבָזֶ֕ה הַֽנַּעֲרָ֖ה בָּאָ֣ה אֶל־הַמֶּ֑לֶךְ אֵת֩ כָּל־אֲשֶׁ֨ר תֹּאמַ֜ר יִנָּ֤תֵֽן לָהּ֙ לָבֹ֣וא עִמָּ֔הּ מִבֵּ֥ית הַנָּשִׁ֖ים עַד־בֵּ֥ית הַמֶּֽלֶךְ׃

ẇbáze֕h haֽnȧʻàrá֖h bá̇ʼá֣h ʼel־hamė֑lekĕ ʼéţ֩ ká̇l־ʼàşě֨r ţò̇ʼma֜r yiná֤̇ţéֽn láḣ֙ lábò֣wʼ ʻimá̇֔ḣ mibé֥̇yţ haná̇şǐ֖ym ʻad־bé֥̇yţ hamėֽlekĕ׃

14
בָּעֶ֣רֶב׀ הִ֣יא בָאָ֗ה וּ֠בַבֹּקֶר הִ֣יא שָׁבָ֞ה אֶל־בֵּ֤ית הַנָּשִׁים֙ שֵׁנִ֔י אֶל־יַ֧ד שַֽׁעֲשְׁגַ֛ז סְרִ֥יס הַמֶּ֖לֶךְ שֹׁמֵ֣ר הַפִּֽילַגְשִׁ֑ים לֹא־תָבֹ֥וא עֹוד֙ אֶל־הַמֶּ֔לֶךְ כִּ֣י אִם־חָפֵ֥ץ בָּ֛הּ הַמֶּ֖לֶךְ וְנִקְרְאָ֥ה בְשֵֽׁם׃

bá̇ʻe֣reb׀ hi֣yʼ báʼá֗h ẇ֠babò̇qer hi֣yʼ şá̌bá֞h ʼel־bé֤̇yţ haná̇şǐym֙ şé̌ni֔y ʼel־ya֧d şǎֽʻàşĕ̌ga֛z sĕri֥ys hamė֖lekĕ şò̌mé֣r hapiֽ̇ylagĕşǐ֑ym lòʼ־ţábò֥wʼ ʻòwd֙ ʼel־hamė֔lekĕ ki֣̇y ʼim־ẖápé֥ẕ bá֛̇ḣ hamė֖lekĕ wĕniqĕrĕʼá֥h bĕşéֽ̌m׃

15
וּבְהַגִּ֣יעַ תֹּר־אֶסְתֵּ֣ר בַּת־אֲבִיחַ֣יִל דֹּ֣ד מָרְדֳּכַ֡י אֲשֶׁר֩ לָקַֽח־לֹ֨ו לְבַ֜ת לָבֹ֣וא אֶל־הַמֶּ֗לֶךְ לֹ֤א בִקְשָׁה֙ דָּבָ֔ר כִּ֠י אִ֣ם אֶת־אֲשֶׁ֥ר יֹאמַ֛ר הֵגַ֥י סְרִיס־הַמֶּ֖לֶךְ שֹׁמֵ֣ר הַנָּשִׁ֑ים וַתְּהִ֤י אֶסְתֵּר֙ נֹשֵׂ֣את חֵ֔ן בְּעֵינֵ֖י כָּל־רֹאֶֽיהָ׃

ẇbĕhagi֣̇yʻa ţò̇r־ʼesĕţé֣̇r bȧţ־ʼàbiyẖa֣yil dò֣̇d márĕdȯka֡y ʼàşěr֩ láqaֽẖ־lò֨w lĕba֜ţ lábò֣wʼ ʼel־hamė֗lekĕ lò֤ʼ biqĕşá̌h֙ dá̇bá֔r ki̇֠y ʼi֣m ʼeţ־ʼàşě֥r yòʼma֛r héga֥y sĕriys־hamė֖lekĕ şò̌mé֣r haná̇şǐ֑ym waţĕ̇hi֤y ʼesĕţé̇r֙ nòşé֣̂ʼţ ẖé֔n bĕ̇ʻéyné֖y ká̇l־ròʼeֽyhá׃

16
וַתִּלָּקַ֨ח אֶסְתֵּ֜ר אֶל־הַמֶּ֤לֶךְ אֲחַשְׁוֵרֹושׁ֙ אֶל־בֵּ֣ית מַלְכוּתֹ֔ו בַּחֹ֥דֶשׁ הָעֲשִׂירִ֖י הוּא־חֹ֣דֶשׁ טֵבֵ֑ת בִּשְׁנַת־שֶׁ֖בַע לְמַלְכוּתֹֽו׃

waţi̇lá̇qa֨ẖ ʼesĕţé̇֜r ʼel־hamė֤lekĕ ʼàẖaşĕ̌wéròwş̌֙ ʼel־bé֣̇yţ malĕkẇţò֔w bȧẖò֥deş̌ háʻàşîyri֖y hẇʼ־ẖò֣deş̌ tébé֑ţ bi̇şĕ̌naţ־şě֖baʻ lĕmalĕkẇţòֽw׃

17
וַיֶּאֱהַ֨ב הַמֶּ֤לֶךְ אֶת־אֶסְתֵּר֙ מִכָּל־הַנָּשִׁ֔ים וַתִּשָּׂא־חֵ֥ן וָחֶ֛סֶד לְפָנָ֖יו מִכָּל־הַבְּתוּלֹ֑ת וַיָּ֤שֶׂם כֶּֽתֶר־מַלְכוּת֙ בְּרֹאשָׁ֔הּ וַיַּמְלִיכֶ֖הָ תַּ֥חַת וַשְׁתִּֽי׃

wayėʼèha֨b hamė֤lekĕ ʼeţ־ʼesĕţé̇r֙ miká̇l־haná̇şǐ֔ym waţi̇şá̇̂ʼ־ẖé֥n wáẖe֛sed lĕpáná֖yw miká̇l־habĕ̇ţẇlò֑ţ wayá֤̇şêm kėֽţer־malĕkẇţ֙ bĕ̇ròʼşá̌֔ḣ wayȧmĕliyke֖há ţȧ֥ẖaţ waşĕ̌ţiֽ̇y׃

18
וַיַּ֨עַשׂ הַמֶּ֜לֶךְ מִשְׁתֶּ֣ה גָדֹ֗ול לְכָל־שָׂרָיו֙ וַעֲבָדָ֔יו אֵ֖ת מִשְׁתֵּ֣ה אֶסְתֵּ֑ר וַהֲנָחָ֤ה לַמְּדִינֹות֙ עָשָׂ֔ה וַיִּתֵּ֥ן מַשְׂאֵ֖ת כְּיַ֥ד הַמֶּֽלֶךְ׃

wayȧ֨ʻaş̂ hamė֜lekĕ mişĕ̌ţė֣h gádò֗wl lĕkál־şá̂ráyw֙ waʻàbádá֔yw ʼé֖ţ mişĕ̌ţé֣̇h ʼesĕţé֑̇r wahànáẖá֤h lamĕ̇diynòwţ֙ ʻáşá̂֔h wayi̇ţé֥̇n maşĕ̂ʼé֖ţ kĕ̇ya֥d hamėֽlekĕ׃

19
וּבְהִקָּבֵ֥ץ בְּתוּלֹ֖ות שֵׁנִ֑ית וּמָרְדֳּכַ֖י יֹשֵׁ֥ב בְּשַֽׁעַר־הַמֶּֽלֶךְ׃

ẇbĕhiqá̇bé֥ẕ bĕ̇ţẇlò֖wţ şé̌ni֑yţ ẇmárĕdȯka֖y yòşé֥̌b bĕ̇şǎֽʻar־hamėֽlekĕ׃

20
אֵ֣ין אֶסְתֵּ֗ר מַגֶּ֤דֶת מֹֽולַדְתָּהּ֙ וְאֶת־עַמָּ֔הּ כַּאֲשֶׁ֛ר צִוָּ֥ה עָלֶ֖יהָ מָרְדֳּכָ֑י וְאֶת־מַאֲמַ֤ר מָרְדֳּכַי֙ אֶסְתֵּ֣ר עֹשָׂ֔ה כַּאֲשֶׁ֛ר הָיְתָ֥ה בְאָמְנָ֖ה אִתֹּֽו׃ ס

ʼé֣yn ʼesĕţé̇֗r magė֤deţ mòֽwladĕţá̇ḣ֙ wĕʼeţ־ʻamá̇֔ḣ kȧʼàşě֛r ẕiwá֥̇h ʻále֖yhá márĕdȯká֑y wĕʼeţ־maʼàma֤r márĕdȯkay֙ ʼesĕţé֣̇r ʻòşá̂֔h kȧʼàşě֛r háyĕţá֥h bĕʼámĕná֖h ʼiţòֽ̇w׃ s

21
בַּיָּמִ֣ים הָהֵ֔ם וּמָרְדֳּכַ֖י יֹשֵׁ֣ב בְּשַֽׁעַר־הַמֶּ֑לֶךְ קָצַף֩ בִּגְתָ֨ן וָתֶ֜רֶשׁ שְׁנֵֽי־סָרִיסֵ֤י הַמֶּ֨לֶךְ֙ מִשֹּׁמְרֵ֣י הַסַּ֔ף וַיְבַקְשׁוּ֙ לִשְׁלֹ֣חַ יָ֔ד בַּמֶּ֖לֶךְ אֲחַשְׁוֵֽרֹשׁ׃

bȧyá̇mi֣ym háhé֔m ẇmárĕdȯka֖y yòşé֣̌b bĕ̇şǎֽʻar־hamė֑lekĕ qáẕap֩ bi̇gĕţá֨n wáţe֜reş̌ şĕ̌néֽy־sáriysé֤y hamė֨lekĕ֙ mişò̇̌mĕré֣y hasȧ֔p wayĕbaqĕş̌ẇ֙ lişĕ̌lò֣ẖa yá֔d bȧmė֖lekĕ ʼàẖaşĕ̌wéֽròş̌׃

22
וַיִּוָּדַ֤ע הַדָּבָר֙ לְמָרְדֳּכַ֔י וַיַּגֵּ֖ד לְאֶסְתֵּ֣ר הַמַּלְכָּ֑ה וַתֹּ֧אמֶר אֶסְתֵּ֛ר לַמֶּ֖לֶךְ בְּשֵׁ֥ם מָרְדֳּכָֽי׃

wayi̇wá̇da֤ʻ hadá̇bár֙ lĕmárĕdȯka֔y wayȧgé֖̇d lĕʼesĕţé֣̇r hamȧlĕká֑̇h waţò֧̇ʼmer ʼesĕţé֛̇r lamė֖lekĕ bĕ̇şé֥̌m márĕdȯkáֽy׃

23
וַיְבֻקַּ֤שׁ הַדָּבָר֙ וַיִּמָּצֵ֔א וַיִּתָּל֥וּ שְׁנֵיהֶ֖ם עַל־עֵ֑ץ וַיִּכָּתֵ֗ב בְּסֵ֛פֶר דִּבְרֵ֥י הַיָּמִ֖ים לִפְנֵ֥י הַמֶּֽלֶךְ׃ פ

wayĕbuqȧ֤ş̌ hadá̇bár֙ wayi̇má̇ẕé֔ʼ wayi̇ţá̇l֥ẇ şĕ̌néyhe֖m ʻal־ʻé֑ẕ wayi̇ká̇ţé֗b bĕ̇sé֛per di̇bĕré֥y hayá̇mi֖ym lipĕné֥y hamėֽlekĕ׃ p