Bibles in ancient languages
Old translations
Modern translations

Biblia Hebraica Stuttgartiensia Exodus 15

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
אָ֣ז יָשִֽׁיר־מֹשֶׁה֩ וּבְנֵ֨י יִשְׂרָאֵ֜ל אֶת־הַשִּׁירָ֤ה הַזֹּאת֙ לַֽיהוָ֔ה וַיֹּאמְר֖וּ לֵאמֹ֑ר אָשִׁ֤ירָה לַֽיהוָה֙ כִּֽי־גָאֹ֣ה גָּאָ֔ה ס֥וּס וְרֹכְבֹ֖ו רָמָ֥ה בַיָּֽם׃

ʼá֣z yáşǐֽyr־mòşěh֩ ẇbĕné֨y yişĕ̂ráʼé֜l ʼeţ־haşi̇̌yrá֤h hazò̇ʼţ֙ laֽyhwá֔h wayò̇ʼmĕr֖ẇ léʼmò֑r ʼáşǐ֤yráh laֽyhwáh֙ kiֽ̇y־gáʼò֣h gá̇ʼá֔h s֥ẇs wĕròkĕbò֖w rámá֥h bayáֽ̇m׃

2
עָזִּ֤י וְזִמְרָת֙ יָ֔הּ וַֽיְהִי־לִ֖י לִֽישׁוּעָ֑ה זֶ֤ה אֵלִי֙ וְאַנְוֵ֔הוּ אֱלֹהֵ֥י אָבִ֖י וַאֲרֹמְמֶֽנְהוּ׃

ʻázi֤̇y wĕzimĕráţ֙ yá֔ḣ waֽyĕhiy־li֖y liֽyş̌ẇʻá֑h ze֤h ʼéliy֙ wĕʼanĕwé֔hẇ ʼèlòhé֥y ʼábi֖y waʼàròmĕmeֽnĕhẇ׃

3
יְהוָ֖ה אִ֣ישׁ מִלְחָמָ֑ה יְהוָ֖ה שְׁמֹֽו׃

yĕhwá֖h ʼi֣yş̌ milĕẖámá֑h yĕhwá֖h şĕ̌mòֽw׃

4
מַרְכְּבֹ֥ת פַּרְעֹ֛ה וְחֵילֹ֖ו יָרָ֣ה בַיָּ֑ם וּמִבְחַ֥ר שָֽׁלִשָׁ֖יו טֻבְּע֥וּ בְיַם־סֽוּף׃

marĕkĕ̇bò֥ţ pȧrĕʻò֛h wĕẖéylò֖w yárá֣h bayá֑̇m ẇmibĕẖa֥r şáֽ̌lişá֖̌yw tubĕ̇ʻ֥ẇ bĕyam־sֽẇp׃

5
תְּהֹמֹ֖ת יְכַסְיֻ֑מוּ יָרְד֥וּ בִמְצֹולֹ֖ת כְּמֹו־אָֽבֶן׃

ţĕ̇hòmò֖ţ yĕkasĕyu֑mẇ yárĕd֥ẇ bimĕẕòwlò֖ţ kĕ̇mòw־ʼáֽben׃

6
יְמִֽינְךָ֣ יְהוָ֔ה נֶאְדָּרִ֖י בַּכֹּ֑חַ יְמִֽינְךָ֥ יְהוָ֖ה תִּרְעַ֥ץ אֹויֵֽב׃

yĕmiֽynĕká֣ yĕhwá֔h neʼĕdá̇ri֖y bȧkò֑̇ẖa yĕmiֽynĕká֥ yĕhwá֖h ţi̇rĕʻa֥ẕ ʼòwyéֽb׃

7
וּבְרֹ֥ב גְּאֹונְךָ֖ תַּהֲרֹ֣ס קָמֶ֑יךָ תְּשַׁלַּח֙ חֲרֹ֣נְךָ֔ יֹאכְלֵ֖מֹו כַּקַּֽשׁ׃

ẇbĕrò֥b gĕ̇ʼòwnĕká֖ ţȧhàrò֣s qáme֑yká ţĕ̇şǎlȧẖ֙ ẖàrò֣nĕká֔ yòʼkĕlé֖mòw kȧqȧֽş̌׃

8
וּבְר֤וּחַ אַפֶּ֨יךָ֙ נֶ֣עֶרְמוּ מַ֔יִם נִצְּב֥וּ כְמֹו־נֵ֖ד נֹזְלִ֑ים קָֽפְא֥וּ תְהֹמֹ֖ת בְּלֶב־יָֽם׃

ẇbĕr֤ẇẖa ʼapė֨yká֙ ne֣ʻerĕmẇ ma֔yim niẕĕ̇b֥ẇ kĕmòw־né֖d nòzĕli֑ym qáֽpĕʼ֥ẇ ţĕhòmò֖ţ bĕ̇leb־yáֽm׃

9
אָמַ֥ר אֹויֵ֛ב אֶרְדֹּ֥ף אַשִּׂ֖יג אֲחַלֵּ֣ק שָׁלָ֑ל תִּמְלָאֵ֣מֹו נַפְשִׁ֔י אָרִ֣יק חַרְבִּ֔י תֹּורִישֵׁ֖מֹו יָדִֽי׃

ʼáma֥r ʼòwyé֛b ʼerĕdò֥̇p ʼaşi֖̇̂yg ʼàẖalé֣̇q şá̌lá֑l ţi̇mĕláʼé֣mòw napĕşǐ֔y ʼári֣yq ẖarĕbi̇֔y ţò̇wriyşé֖̌mòw yádiֽy׃

10
נָשַׁ֥פְתָּ בְרוּחֲךָ֖ כִּסָּ֣מֹו יָ֑ם צָֽלֲלוּ֙ כַּֽעֹופֶ֔רֶת בְּמַ֖יִם אַדִּירִֽים׃

náşǎ֥pĕţá̇ bĕrẇẖàká֖ ki̇sá֣̇mòw yá֑m ẕáֽlàlẇ֙ kȧֽʻòwpe֔reţ bĕ̇ma֖yim ʼadi̇yriֽym׃

11
מִֽי־כָמֹ֤כָה בָּֽאֵלִם֙ יְהוָ֔ה מִ֥י כָּמֹ֖כָה נֶאְדָּ֣ר בַּקֹּ֑דֶשׁ נֹורָ֥א תְהִלֹּ֖ת עֹ֥שֵׂה פֶֽלֶא׃

miֽy־kámò֤káh báֽ̇ʼélim֙ yĕhwá֔h mi֥y ká̇mò֖káh neʼĕdá֣̇r bȧqò֑̇deş̌ nòwrá֥ʼ ţĕhilò֖̇ţ ʻò֥şé̂h peֽleʼ׃

12
נָטִ֨יתָ֙ יְמִ֣ינְךָ֔ תִּבְלָעֵ֖מֹו אָֽרֶץ׃

náti֨yţá֙ yĕmi֣ynĕká֔ ţi̇bĕláʻé֖mòw ʼáֽreẕ׃

13
נָחִ֥יתָ בְחַסְדְּךָ֖ עַם־ז֣וּ גָּאָ֑לְתָּ נֵהַ֥לְתָּ בְעָזְּךָ֖ אֶל־נְוֵ֥ה קָדְשֶֽׁךָ׃

náẖi֥yţá bĕẖasĕdĕ̇ká֖ ʻam־z֣ẇ gá̇ʼá֑lĕţá̇ néha֥lĕţá̇ bĕʻázĕ̇ká֖ ʼel־nĕwé֥h qádĕşěֽká׃

14
שָֽׁמְע֥וּ עַמִּ֖ים יִרְגָּז֑וּן חִ֣יל אָחַ֔ז יֹשְׁבֵ֖י פְּלָֽשֶׁת׃

şáֽ̌mĕʻ֥ẇ ʻami֖̇ym yirĕgá̇z֑ẇn ẖi֣yl ʼáẖa֔z yòşĕ̌bé֖y pĕ̇láֽşěţ׃

15
אָ֤ז נִבְהֲלוּ֙ אַלּוּפֵ֣י אֱדֹ֔ום אֵילֵ֣י מֹואָ֔ב יֹֽאחֲזֵ֖מֹו רָ֑עַד נָמֹ֕גוּ כֹּ֖ל יֹשְׁבֵ֥י כְנָֽעַן׃

ʼá֤z nibĕhàlẇ֙ ʼal̇ẇpé֣y ʼèdò֔wm ʼéylé֣y mòwʼá֔b yòֽʼẖàzé֖mòw rá֑ʻad námò֕gẇ kò֖̇l yòşĕ̌bé֥y kĕnáֽʻan׃

16
תִּפֹּ֨ל עֲלֵיהֶ֤ם אֵימָ֨תָה֙ וָפַ֔חַד בִּגְדֹ֥ל זְרֹועֲךָ֖ יִדְּמ֣וּ כָּאָ֑בֶן עַד־יַעֲבֹ֤ר עַמְּךָ֙ יְהוָ֔ה עַֽד־יַעֲבֹ֖ר עַם־ז֥וּ קָנִֽיתָ׃

ţi̇pò̇֨l ʻàléyhe֤m ʼéymá֨ţáh֙ wápa֔ẖad bi̇gĕdò֥l zĕròwʻàká֖ yidĕ̇m֣ẇ ká̇ʼá֑ben ʻad־yaʻàbò֤r ʻamĕ̇ká֙ yĕhwá֔h ʻaֽd־yaʻàbò֖r ʻam־z֥ẇ qániֽyţá׃

17
תְּבִאֵ֗מֹו וְתִטָּעֵ֨מֹו֙ בְּהַ֣ר נַחֲלָֽתְךָ֔ מָכֹ֧ון לְשִׁבְתְּךָ֛ פָּעַ֖לְתָּ יְהוָ֑ה מִקְּדָ֕שׁ אֲדֹנָ֖י כֹּונְנ֥וּ יָדֶֽיךָ׃

ţĕ̇biʼé֗mòw wĕţitá̇ʻé֨mòw֙ bĕ̇ha֣r naẖàláֽţĕká֔ mákò֧wn lĕşǐbĕţĕ̇ká֛ pá̇ʻa֖lĕţá̇ yĕhwá֑h miqĕ̇dá֕ş̌ ʼàdòná֖y kò̇wnĕn֥ẇ yádeֽyká׃

18
יְהוָ֥ה׀ יִמְלֹ֖ךְ לְעֹלָ֥ם וָעֶֽד׃

yĕhwá֥h׀ yimĕlò֖kĕ lĕʻòlá֥m wáʻeֽd׃

19
כִּ֣י בָא֩ ס֨וּס פַּרְעֹ֜ה בְּרִכְבֹּ֤ו וּבְפָרָשָׁיו֙ בַּיָּ֔ם וַיָּ֧שֶׁב יְהוָ֛ה עֲלֵהֶ֖ם אֶת־מֵ֣י הַיָּ֑ם וּבְנֵ֧י יִשְׂרָאֵ֛ל הָלְכ֥וּ בַיַּבָּשָׁ֖ה בְּתֹ֥וךְ הַיָּֽם׃ פ

ki֣̇y báʼ֩ s֨ẇs pȧrĕʻò֜h bĕ̇rikĕbò֤̇w ẇbĕpáráşá̌yw֙ bȧyá̇֔m wayá֧̇şěb yĕhwá֛h ʻàléhe֖m ʼeţ־mé֣y hayá֑̇m ẇbĕné֧y yişĕ̂ráʼé֛l hálĕk֥ẇ bayȧbá̇şá֖̌h bĕ̇ţò֥wkĕ hayáֽ̇m׃ p

20
וַתִּקַּח֩ מִרְיָ֨ם הַנְּבִיאָ֜ה אֲחֹ֧ות אַהֲרֹ֛ן אֶת־הַתֹּ֖ף בְּיָדָ֑הּ וַתֵּצֶ֤אןָ כָֽל־הַנָּשִׁים֙ אַחֲרֶ֔יהָ בְּתֻפִּ֖ים וּבִמְחֹלֹֽת׃

waţi̇qȧẖ֩ mirĕyá֨m hanĕ̇biyʼá֜h ʼàẖò֧wţ ʼahàrò֛n ʼeţ־haţò֖̇p bĕ̇yádá֑ḣ waţé̇ẕe֤ʼná káֽl־haná̇şǐym֙ ʼaẖàre֔yhá bĕ̇ţupi֖̇ym ẇbimĕẖòlòֽţ׃

21
וַתַּ֥עַן לָהֶ֖ם מִרְיָ֑ם שִׁ֤ירוּ לַֽיהוָה֙ כִּֽי־גָאֹ֣ה גָּאָ֔ה ס֥וּס וְרֹכְבֹ֖ו רָמָ֥ה בַיָּֽם׃ ס

waţȧ֥ʻan láhe֖m mirĕyá֑m şǐ֤yrẇ laֽyhwáh֙ kiֽ̇y־gáʼò֣h gá̇ʼá֔h s֥ẇs wĕròkĕbò֖w rámá֥h bayáֽ̇m׃ s

22
וַיַּסַּ֨ע מֹשֶׁ֤ה אֶת־יִשְׂרָאֵל֙ מִיַּם־ס֔וּף וַיֵּצְא֖וּ אֶל־מִדְבַּר־שׁ֑וּר וַיֵּלְכ֧וּ שְׁלֹֽשֶׁת־יָמִ֛ים בַּמִּדְבָּ֖ר וְלֹא־מָ֥צְאוּ מָֽיִם׃

wayȧsȧ֨ʻ mòşě֤h ʼeţ־yişĕ̂ráʼél֙ miyȧm־s֔ẇp wayé̇ẕĕʼ֖ẇ ʼel־midĕbȧr־ş֑̌ẇr wayé̇lĕk֧ẇ şĕ̌lòֽşěţ־yámi֛ym bȧmi̇dĕbá֖̇r wĕlòʼ־má֥ẕĕʼẇ máֽyim׃

23
וַיָּבֹ֣אוּ מָרָ֔תָה וְלֹ֣א יָֽכְל֗וּ לִשְׁתֹּ֥ת מַ֨יִם֙ מִמָּרָ֔ה כִּ֥י מָרִ֖ים הֵ֑ם עַל־כֵּ֥ן קָרָֽא־שְׁמָ֖הּ מָרָֽה׃

wayá̇bò֣ʼẇ márá֔ţáh wĕlò֣ʼ yáֽkĕl֗ẇ lişĕ̌ţò֥̇ţ ma֨yim֙ mimá̇rá֔h ki֥̇y mári֖ym hé֑m ʻal־ké֥̇n qáráֽʼ־şĕ̌má֖ḣ máráֽh׃

24
וַיִּלֹּ֧נוּ הָעָ֛ם עַל־מֹשֶׁ֥ה לֵּאמֹ֖ר מַה־נִּשְׁתֶּֽה׃

wayi̇lò֧̇nẇ háʻá֛m ʻal־mòşě֥h lé̇ʼmò֖r mah־ni̇şĕ̌ţėֽh׃

25
וַיִּצְעַ֣ק אֶל־יְהוָ֗ה וַיֹּורֵ֤הוּ יְהוָה֙ עֵ֔ץ וַיַּשְׁלֵךְ֙ אֶל־הַמַּ֔יִם וַֽיִּמְתְּק֖וּ הַמָּ֑יִם שָׁ֣ם שָׂ֥ם לֹ֛ו חֹ֥ק וּמִשְׁפָּ֖ט וְשָׁ֥ם נִסָּֽהוּ׃

wayi̇ẕĕʻa֣q ʼel־yĕhwá֗h wayò̇wré֤hẇ yĕhwáh֙ ʻé֔ẕ wayȧşĕ̌lékĕ֙ ʼel־hamȧ֔yim waֽyi̇mĕţĕ̇q֖ẇ hamá֑̇yim şá֣̌m şá֥̂m lò֛w ẖò֥q ẇmişĕ̌pá֖̇t wĕşá֥̌m nisáֽ̇hẇ׃

26
וַיֹּאמֶר֩ אִם־שָׁמֹ֨ועַ תִּשְׁמַ֜ע לְקֹ֣ול׀ יְהוָ֣ה אֱלֹהֶ֗יךָ וְהַיָּשָׁ֤ר בְּעֵינָיו֙ תַּעֲשֶׂ֔ה וְהַֽאֲזַנְתָּ֙ לְמִצְוֹתָ֔יו וְשָׁמַרְתָּ֖ כָּל־חֻקָּ֑יו כָּֽל־הַמַּֽחֲלָ֞ה אֲשֶׁר־שַׂ֤מְתִּי בְמִצְרַ֨יִם֙ לֹא־אָשִׂ֣ים עָלֶ֔יךָ כִּ֛י אֲנִ֥י יְהוָ֖ה רֹפְאֶֽךָ׃ ס

wayò̇ʼmer֩ ʼim־şá̌mò֨wʻa ţi̇şĕ̌ma֜ʻ lĕqò֣wl׀ yĕhwá֣h ʼèlòhe֗yká wĕhayá̇şá֤̌r bĕ̇ʻéynáyw֙ ţȧʻàşê֔h wĕhaֽʼàzanĕţá̇֙ lĕmiẕĕwòţá֔yw wĕşá̌marĕţá֖̇ ká̇l־ẖuqá֑̇yw káֽ̇l־hamȧֽẖàlá֞h ʼàşěr־şâ֤mĕţi̇y bĕmiẕĕra֨yim֙ lòʼ־ʼáşî֣ym ʻále֔yká ki֛̇y ʼàni֥y yĕhwá֖h ròpĕʼeֽká׃ s

27
וַיָּבֹ֣אוּ אֵילִ֔מָה וְשָׁ֗ם שְׁתֵּ֥ים עֶשְׂרֵ֛ה עֵינֹ֥ת מַ֖יִם וְשִׁבְעִ֣ים תְּמָרִ֑ים וַיַּחֲנוּ־שָׁ֖ם עַל־הַמָּֽיִם׃

wayá̇bò֣ʼẇ ʼéyli֔máh wĕşá̌֗m şĕ̌ţé֥̇ym ʻeşĕ̂ré֛h ʻéynò֥ţ ma֖yim wĕşǐbĕʻi֣ym ţĕ̇mári֑ym wayȧẖànẇ־şá֖̌m ʻal־hamáֽ̇yim׃