Bibles in ancient languages
Old translations
Modern translations

Biblia Hebraica Stuttgartiensia Exodus 17

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַ֠יִּסְעוּ כָּל־עֲדַ֨ת בְּנֵֽי־יִשְׂרָאֵ֧ל מִמִּדְבַּר־סִ֛ין לְמַסְעֵיהֶ֖ם עַל־פִּ֣י יְהוָ֑ה וַֽיַּחֲנוּ֙ בִּרְפִידִ֔ים וְאֵ֥ין מַ֖יִם לִשְׁתֹּ֥ת הָעָֽם׃

wa֠yi̇sĕʻẇ ká̇l־ʻàda֨ţ bĕ̇néֽy־yişĕ̂ráʼé֧l mimi̇dĕbȧr־si֛yn lĕmasĕʻéyhe֖m ʻal־pi֣̇y yĕhwá֑h waֽyȧẖànẇ֙ bi̇rĕpiydi֔ym wĕʼé֥yn ma֖yim lişĕ̌ţò֥̇ţ háʻáֽm׃

2
וַיָּ֤רֶב הָעָם֙ עִם־מֹשֶׁ֔ה וַיֹּ֣אמְר֔וּ תְּנוּ־לָ֥נוּ מַ֖יִם וְנִשְׁתֶּ֑ה וַיֹּ֤אמֶר לָהֶם֙ מֹשֶׁ֔ה מַה־תְּרִיבוּן֙ עִמָּדִ֔י מַה־תְּנַסּ֖וּן אֶת־יְהוָֽה׃

wayá֤̇reb háʻám֙ ʻim־mòşě֔h wayò֣̇ʼmĕr֔ẇ ţĕ̇nẇ־lá֥nẇ ma֖yim wĕnişĕ̌ţė֑h wayò֤̇ʼmer láhem֙ mòşě֔h mah־ţĕ̇riybẇn֙ ʻimá̇di֔y mah־ţĕ̇naṡ֖ẇn ʼeţ־yĕhwáֽh׃

3
וַיִּצְמָ֨א שָׁ֤ם הָעָם֙ לַמַּ֔יִם וַיָּ֥לֶן הָעָ֖ם עַל־מֹשֶׁ֑ה וַיֹּ֗אמֶר לָ֤מָּה זֶּה֙ הֶעֱלִיתָ֣נוּ מִמִּצְרַ֔יִם לְהָמִ֥ית אֹתִ֛י וְאֶת־בָּנַ֥י וְאֶת־מִקְנַ֖י בַּצָּמָֽא׃

wayi̇ẕĕmá֨ʼ şá֤̌m háʻám֙ lamȧ֔yim wayá֥̇len háʻá֖m ʻal־mòşě֑h wayò̇֗ʼmer lá֤má̇h zėh֙ heʻèliyţá֣nẇ mimi̇ẕĕra֔yim lĕhámi֥yţ ʼòţi֛y wĕʼeţ־bá̇na֥y wĕʼeţ־miqĕna֖y bȧẕá̇máֽʼ׃

4
וַיִּצְעַ֤ק מֹשֶׁה֙ אֶל־יְהוָ֣ה לֵאמֹ֔ר מָ֥ה אֶעֱשֶׂ֖ה לָעָ֣ם הַזֶּ֑ה עֹ֥וד מְעַ֖ט וּסְקָלֻֽנִי׃

wayi̇ẕĕʻa֤q mòşěh֙ ʼel־yĕhwá֣h léʼmò֔r má֥h ʼeʻèşê֖h láʻá֣m hazė֑h ʻò֥wd mĕʻa֖t ẇsĕqáluֽniy׃

5
וַיֹּ֨אמֶר יְהוָ֜ה אֶל־מֹשֶׁ֗ה עֲבֹר֙ לִפְנֵ֣י הָעָ֔ם וְקַ֥ח אִתְּךָ֖ מִזִּקְנֵ֣י יִשְׂרָאֵ֑ל וּמַטְּךָ֗ אֲשֶׁ֨ר הִכִּ֤יתָ בֹּו֙ אֶת־הַיְאֹ֔ר קַ֥ח בְּיָדְךָ֖ וְהָלָֽכְתָּ׃

wayò̇֨ʼmer yĕhwá֜h ʼel־mòşě֗h ʻàbòr֙ lipĕné֣y háʻá֔m wĕqa֥ẖ ʼiţĕ̇ká֖ mizi̇qĕné֣y yişĕ̂ráʼé֑l ẇmatĕ̇ká֗ ʼàşě֨r hiki֤̇yţá bò̇w֙ ʼeţ־hayĕʼò֔r qa֥ẖ bĕ̇yádĕká֖ wĕháláֽkĕţá̇׃

6
הִנְנִ֣י עֹמֵד֩ לְפָנֶ֨יךָ שָּׁ֥ם׀ עַֽל־הַצּוּר֮ בְּחֹרֵב֒ וְהִכִּ֣יתָ בַצּ֗וּר וְיָצְא֥וּ מִמֶּ֛נּוּ מַ֖יִם וְשָׁתָ֣ה הָעָ֑ם וַיַּ֤עַשׂ כֵּן֙ מֹשֶׁ֔ה לְעֵינֵ֖י זִקְנֵ֥י יִשְׂרָאֵֽל׃

hinĕni֣y ʻòméd֩ lĕpáne֨yká şá֥̇̌m׀ ʻaֽl־haẕ̇ẇr֮ bĕ̇ẖòréb֒ wĕhiki֣̇yţá baẕ̇֗ẇr wĕyáẕĕʼ֥ẇ mimė֛ṅẇ ma֖yim wĕşá̌ţá֣h háʻá֑m wayȧ֤ʻaş̂ ké̇n֙ mòşě֔h lĕʻéyné֖y ziqĕné֥y yişĕ̂ráʼéֽl׃

7
וַיִּקְרָא֙ שֵׁ֣ם הַמָּקֹ֔ום מַסָּ֖ה וּמְרִיבָ֑ה עַל־רִ֣יב׀ בְּנֵ֣י יִשְׂרָאֵ֗ל וְעַ֨ל נַסֹּתָ֤ם אֶת־יְהוָה֙ לֵאמֹ֔ר הֲיֵ֧שׁ יְהוָ֛ה בְּקִרְבֵּ֖נוּ אִם־אָֽיִן׃ פ

wayi̇qĕráʼ֙ şé֣̌m hamá̇qò֔wm masá֖̇h ẇmĕriybá֑h ʻal־ri֣yb׀ bĕ̇né֣y yişĕ̂ráʼé֗l wĕʻa֨l nasò̇ţá֤m ʼeţ־yĕhwáh֙ léʼmò֔r hàyé֧ş̌ yĕhwá֛h bĕ̇qirĕbé֖̇nẇ ʼim־ʼáֽyin׃ p

8
וַיָּבֹ֖א עֲמָלֵ֑ק וַיִּלָּ֥חֶם עִם־יִשְׂרָאֵ֖ל בִּרְפִידִֽם׃

wayá̇bò֖ʼ ʻàmálé֑q wayi̇lá֥̇ẖem ʻim־yişĕ̂ráʼé֖l bi̇rĕpiydiֽm׃

9
וַיֹּ֨אמֶר מֹשֶׁ֤ה אֶל־יְהֹושֻׁ֨עַ֙ בְּחַר־לָ֣נוּ אֲנָשִׁ֔ים וְצֵ֖א הִלָּחֵ֣ם בַּעֲמָלֵ֑ק מָחָ֗ר אָנֹכִ֤י נִצָּב֙ עַל־רֹ֣אשׁ הַגִּבְעָ֔ה וּמַטֵּ֥ה הָאֱלֹהִ֖ים בְּיָדִֽי׃

wayò̇֨ʼmer mòşě֤h ʼel־yĕhòwşǔ֨ʻa֙ bĕ̇ẖar־lá֣nẇ ʼànáşǐ֔ym wĕẕé֖ʼ hilá̇ẖé֣m bȧʻàmálé֑q máẖá֗r ʼánòki֤y niẕá̇b֙ ʻal־rò֣ʼş̌ hagi̇bĕʻá֔h ẇmaté֥̇h háʼèlòhi֖ym bĕ̇yádiֽy׃

10
וַיַּ֣עַשׂ יְהֹושֻׁ֗עַ כַּאֲשֶׁ֤ר אָֽמַר־לֹו֙ מֹשֶׁ֔ה לְהִלָּחֵ֖ם בַּעֲמָלֵ֑ק וּמֹשֶׁה֙ אַהֲרֹ֣ן וְח֔וּר עָל֖וּ רֹ֥אשׁ הַגִּבְעָֽה׃

wayȧ֣ʻaş̂ yĕhòwşǔ֗ʻa kȧʼàşě֤r ʼáֽmar־lòw֙ mòşě֔h lĕhilá̇ẖé֖m bȧʻàmálé֑q ẇmòşěh֙ ʼahàrò֣n wĕẖ֔ẇr ʻál֖ẇ rò֥ʼş̌ hagi̇bĕʻáֽh׃

11
וְהָיָ֗ה כַּאֲשֶׁ֨ר יָרִ֥ים מֹשֶׁ֛ה יָדֹ֖ו וְגָבַ֣ר יִשְׂרָאֵ֑ל וְכַאֲשֶׁ֥ר יָנִ֛יחַ יָדֹ֖ו וְגָבַ֥ר עֲמָלֵֽק׃

wĕháyá֗h kȧʼàşě֨r yári֥ym mòşě֛h yádò֖w wĕgába֣r yişĕ̂ráʼé֑l wĕkaʼàşě֥r yáni֛yẖa yádò֖w wĕgába֥r ʻàmáléֽq׃

12
וִידֵ֤י מֹשֶׁה֙ כְּבֵדִ֔ים וַיִּקְחוּ־אֶ֛בֶן וַיָּשִׂ֥ימוּ תַחְתָּ֖יו וַיֵּ֣שֶׁב עָלֶ֑יהָ וְאַהֲרֹ֨ן וְח֜וּר תָּֽמְכ֣וּ בְיָדָ֗יו מִזֶּ֤ה אֶחָד֙ וּמִזֶּ֣ה אֶחָ֔ד וַיְהִ֥י יָדָ֛יו אֱמוּנָ֖ה עַד־בֹּ֥א הַשָּֽׁמֶשׁ׃

wiydé֤y mòşěh֙ kĕ̇bédi֔ym wayi̇qĕẖẇ־ʼe֛ben wayá̇şî֥ymẇ ţaẖĕţá֖̇yw wayé֣̇şěb ʻále֑yhá wĕʼahàrò֨n wĕẖ֜ẇr ţáֽ̇mĕk֣ẇ bĕyádá֗yw mizė֤h ʼeẖád֙ ẇmizė֣h ʼeẖá֔d wayĕhi֥y yádá֛yw ʼèmẇná֖h ʻad־bò֥̇ʼ haşáֽ̇̌meş̌׃

13
וַיַּחֲלֹ֧שׁ יְהֹושֻׁ֛עַ אֶת־עֲמָלֵ֥ק וְאֶת־עַמֹּ֖ו לְפִי־חָֽרֶב׃ פ

wayȧẖàlò֧ş̌ yĕhòwşǔ֛ʻa ʼeţ־ʻàmálé֥q wĕʼeţ־ʻamò֖̇w lĕpiy־ẖáֽreb׃ p

14
וַיֹּ֨אמֶר יְהוָ֜ה אֶל־מֹשֶׁ֗ה כְּתֹ֨ב זֹ֤את זִכָּרֹון֙ בַּסֵּ֔פֶר וְשִׂ֖ים בְּאָזְנֵ֣י יְהֹושֻׁ֑עַ כִּֽי־מָחֹ֤ה אֶמְחֶה֙ אֶת־זֵ֣כֶר עֲמָלֵ֔ק מִתַּ֖חַת הַשָּׁמָֽיִם׃

wayò̇֨ʼmer yĕhwá֜h ʼel־mòşě֗h kĕ̇ţò֨b zò֤ʼţ ziká̇ròwn֙ bȧsé̇֔per wĕşî֖ym bĕ̇ʼázĕné֣y yĕhòwşǔ֑ʻa kiֽ̇y־máẖò֤h ʼemĕẖeh֙ ʼeţ־zé֣ker ʻàmálé֔q miţȧ֖ẖaţ haşá̇̌máֽyim׃

15
וַיִּ֥בֶן מֹשֶׁ֖ה מִזְבֵּ֑חַ וַיִּקְרָ֥א שְׁמֹ֖ו יְהוָ֥ה׀ נִסִּֽי׃

wayi֥̇ben mòşě֖h mizĕbé֑̇ẖa wayi̇qĕrá֥ʼ şĕ̌mò֖w yĕhwá֥h׀ nisiֽ̇y׃

16
וַיֹּ֗אמֶר כִּֽי־יָד֙ עַל־כֵּ֣ס יָ֔הּ מִלְחָמָ֥ה לַיהוָ֖ה בַּֽעֲמָלֵ֑ק מִדֹּ֖ר דֹּֽר׃ פ

wayò̇֗ʼmer kiֽ̇y־yád֙ ʻal־ké֣̇s yá֔ḣ milĕẖámá֥h layhwá֖h bȧֽʻàmálé֑q midò֖̇r dòֽ̇r׃ p