Bibles in ancient languages
Old translations
Modern translations

Biblia Hebraica Stuttgartiensia Exodus 20

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיְדַבֵּ֣ר אֱלֹהִ֔ים אֵ֛ת כָּל־הַדְּבָרִ֥ים הָאֵ֖לֶּה לֵאמֹֽר׃ ס

wayĕdabé֣̇r ʼèlòhi֔ym ʼé֛ţ ká̇l־hadĕ̇bári֥ym háʼé֖lėh léʼmòֽr׃ s

2
אָֽנֹכִ֖י֙ יְהוָ֣ה אֱלֹהֶ֑֔יךָ אֲשֶׁ֧ר הֹוצֵאתִ֛יךָ מֵאֶ֥רֶץ מִצְרַ֖יִם מִבֵּ֣֥ית עֲבָדִֽ֑ים׃

ʼáֽnòki֖y֙ yĕhwá֣h ʼèlòhe֑֔yká ʼàşě֧r hòwẕéʼţi֛yká méʼe֥reẕ miẕĕra֖yim mibé֣֥̇yţ ʻàbádiֽ֑ym׃

3
לֹֽ֣א יִהְיֶֽה־לְךָ֛֩ אֱלֹהִ֥֨ים אֲחֵרִ֖֜ים עַל־פָּנָֽ֗יַ׃

lòֽ֣ʼ yihĕyeֽh־lĕká֛֩ ʼèlòhi֥֨ym ʼàẖéri֖֜ym ʻal־pá̇náֽ֗ya׃

4
לֹֽ֣א תַֽעֲשֶׂ֨ה־לְךָ֥֣ פֶ֣֨סֶל֙׀ וְכָל־תְּמוּנָ֡֔ה אֲשֶׁ֤֣ר בַּשָּׁמַ֣֨יִם֙׀ מִמַּ֡֔עַל וַֽאֲשֶׁ֥ר֩ בָּאָ֖֨רֶץ מִתַָּ֑֜חַת וַאֲשֶׁ֥֣ר בַּמַּ֖֣יִם׀ מִתַּ֥֣חַת לָאָֽ֗רֶץ׃

lòֽ֣ʼ ţaֽʻàşê֨h־lĕká֥֣ pe֣֨sel֙׀ wĕkál־ţĕ̇mẇná֡֔h ʼàşě֤֣r bȧşá̇̌ma֣֨yim֙׀ mimȧ֡֔ʻal waֽʼàşě֥r֩ bá̇ʼá֖֨reẕ miţaá֑̇֜ẖaţ waʼàşě֥֣r bȧmȧ֖֣yim׀ miţȧ֥֣ẖaţ láʼáֽ֗reẕ׃

5
לֹֽא־תִשְׁתַּחְוֶ֥֣ה לָהֶ֖ם֮ וְלֹ֣א תָעָבְדֵ֑ם֒ כִּ֣י אָֽנֹכִ֞י יְהוָ֤ה אֱלֹהֶ֨יךָ֙ אֵ֣ל קַנָּ֔א פֹּ֠קֵד עֲוֹ֨ן אָבֹ֧ת עַל־בָּנִ֛ים עַל־שִׁלֵּשִׁ֥ים וְעַל־רִבֵּעִ֖ים לְשֹׂנְאָֽ֑י׃

lòֽʼ־ţişĕ̌ţȧẖĕwe֥֣h láhe֖m֮ wĕlò֣ʼ ţáʻábĕdé֑m֒ ki֣̇y ʼáֽnòki֞y yĕhwá֤h ʼèlòhe֨yká֙ ʼé֣l qaná̇֔ʼ pò̇֠qéd ʻàwò֨n ʼábò֧ţ ʻal־bá̇ni֛ym ʻal־şǐlé̇şǐ֥ym wĕʻal־ribé̇ʻi֖ym lĕşò̂nĕʼáֽ֑y׃

6
וְעֹ֥֤שֶׂה חֶ֖֨סֶד֙ לַאֲלָפִ֑֔ים לְאֹהֲבַ֖י וּלְשֹׁמְרֵ֥י מִצְוֹתָֽי׃ ס

wĕʻò֥֤şêh ẖe֖֨sed֙ laʼàlápi֑֔ym lĕʼòhàba֖y ẇlĕşò̌mĕré֥y miẕĕwòţáֽy׃ s

7
לֹ֥א תִשָּׂ֛א אֶת־שֵֽׁם־יְהוָ֥ה אֱלֹהֶ֖יךָ לַשָּׁ֑וְא כִּ֣י לֹ֤א יְנַקֶּה֙ יְהוָ֔ה אֵ֛ת אֲשֶׁר־יִשָּׂ֥א אֶת־שְׁמֹ֖ו לַשָּֽׁוְא׃ פ

lò֥ʼ ţişá֛̇̂ʼ ʼeţ־şéֽ̌m־yĕhwá֥h ʼèlòhe֖yká laşá֑̇̌wĕʼ ki֣̇y lò֤ʼ yĕnaqėh֙ yĕhwá֔h ʼé֛ţ ʼàşěr־yişá֥̇̂ʼ ʼeţ־şĕ̌mò֖w laşáֽ̇̌wĕʼ׃ p

8
זָכֹ֛ור֩ אֶת־יֹ֥֨ום הַשַּׁבָּ֖֜ת לְקַדְּשֹֽׁ֗ו׃

zákò֛wr֩ ʼeţ־yò֥֨wm haşȧ̌bá֖̇֜ţ lĕqadĕ̇şòֽ̌֗w׃

9
שֵׁ֤֣שֶׁת יָמִ֣ים֙ תַּֽעֲבֹ֔ד֮ וְעָשִׂ֖֣יתָ כָּל־מְלַאכְתֶּֽךָ֒׃

şé֤֣̌şěţ yámi֣ym֙ ţȧֽʻàbò֔d֮ wĕʻáşî֖֣yţá ká̇l־mĕlaʼkĕţėֽká֒׃

10
וְיֹ֨ום֙ הַשְּׁבִיעִ֔֜י שַׁבָּ֖֣ת׀ לַיהוָ֣ה אֱלֹהֶ֑֗יךָ לֹֽ֣א־תַעֲשֶׂ֣֨ה כָל־מְלָאכָ֡֜ה אַתָּ֣ה׀ וּבִנְךָֽ֣־וּ֠בִתֶּ֗ךָ עַבְדְּךָ֤֨ וַאֲמָֽתְךָ֜֙ וּבְהֶמְתֶּ֔֗ךָ וְגֵרְךָ֖֙ אֲשֶׁ֥֣ר בִּשְׁעָרֶֽ֔יךָ׃

wĕyò֨wm֙ haşĕ̇̌biyʻi֔֜y şǎbá֖֣̇ţ׀ layhwá֣h ʼèlòhe֑֗yká lòֽ֣ʼ־ţaʻàşê֣֨h kál־mĕláʼká֡֜h ʼaţá֣̇h׀ ẇbinĕkáֽ֣־ẇ֠biţė֗ká ʻabĕdĕ̇ká֤֨ waʼàmáֽţĕká֜֙ ẇbĕhemĕţė֔֗ká wĕgérĕká֖֙ ʼàşě֥֣r bi̇şĕ̌ʻáreֽ֔yká׃

11
כִּ֣י שֵֽׁשֶׁת־יָמִים֩ עָשָׂ֨ה יְהוָ֜ה אֶת־הַשָּׁמַ֣יִם וְאֶת־הָאָ֗רֶץ אֶת־הַיָּם֙ וְאֶת־כָּל־אֲשֶׁר־בָּ֔ם וַיָּ֖נַח בַּיֹּ֣ום הַשְּׁבִיעִ֑י עַל־כֵּ֗ן בֵּרַ֧ךְ יְהוָ֛ה אֶת־יֹ֥ום הַשַּׁבָּ֖ת וַֽיְקַדְּשֵֽׁהוּ׃ ס

ki֣̇y şéֽ̌şěţ־yámiym֩ ʻáşá̂֨h yĕhwá֜h ʼeţ־haşá̇̌ma֣yim wĕʼeţ־háʼá֗reẕ ʼeţ־hayá̇m֙ wĕʼeţ־ká̇l־ʼàşěr־bá̇֔m wayá֖̇naẖ bȧyò֣̇wm haşĕ̇̌biyʻi֑y ʻal־ké̇֗n bé̇ra֧kĕ yĕhwá֛h ʼeţ־yò֥wm haşȧ̌bá֖̇ţ waֽyĕqadĕ̇şéֽ̌hẇ׃ s

12
כַּבֵּ֥ד אֶת־אָבִ֖יךָ וְאֶת־אִמֶּ֑ךָ לְמַ֨עַן֙ יַאֲרִכ֣וּן יָמֶ֔יךָ עַ֚ל הָאֲדָמָ֔ה אֲשֶׁר־יְהוָ֥ה אֱלֹהֶ֖יךָ נֹתֵ֥ן לָֽךְ׃ ס

kȧbé֥̇d ʼeţ־ʼábi֖yká wĕʼeţ־ʼimė֑ká lĕma֨ʻan֙ yaʼàrik֣ẇn yáme֔yká ʻa֚l háʼàdámá֔h ʼàşěr־yĕhwá֥h ʼèlòhe֖yká nòţé֥n láֽkĕ׃ s

13
לֹ֥֖א תִּֿרְצָֽ֖ח׃ ס

lò֥֖ʼ ţi̇̄rĕẕáֽ֖ẖ׃ s

14
לֹ֣֖א תִּֿנְאָֽ֑ף׃ ס

lò֣֖ʼ ţi̇̄nĕʼáֽ֑p׃ s

15
לֹ֣֖א תִּֿגְנֹֽ֔ב׃ ס

lò֣֖ʼ ţi̇̄gĕnòֽ֔b׃ s

16
לֹֽא־תַעֲנֶ֥ה בְרֵעֲךָ֖ עֵ֥ד שָֽׁקֶר׃ ס

lòֽʼ־ţaʻàne֥h bĕréʻàká֖ ʻé֥d şáֽ̌qer׃ s

17
לֹ֥א תַחְמֹ֖ד בֵּ֣ית רֵעֶ֑ךָ לֹֽא־תַחְמֹ֞ד אֵ֣שֶׁת רֵעֶ֗ךָ וְעַבְדֹּ֤ו וַאֲמָתֹו֙ וְשֹׁורֹ֣ו וַחֲמֹרֹ֔ו וְכֹ֖ל אֲשֶׁ֥ר לְרֵעֶֽךָ׃ פ

lò֥ʼ ţaẖĕmò֖d bé֣̇yţ réʻe֑ká lòֽʼ־ţaẖĕmò֞d ʼé֣şěţ réʻe֗ká wĕʻabĕdò֤̇w waʼàmáţòw֙ wĕşò̌wrò֣w waẖàmòrò֔w wĕkò֖l ʼàşě֥r lĕréʻeֽká׃ p

18
וְכָל־הָעָם֩ רֹאִ֨ים אֶת־הַקֹּולֹ֜ת וְאֶת־הַלַּפִּידִ֗ם וְאֵת֙ קֹ֣ול הַשֹּׁפָ֔ר וְאֶת־הָהָ֖ר עָשֵׁ֑ן וַיַּ֤רְא הָעָם֙ וַיָּנֻ֔עוּ וַיַּֽעַמְד֖וּ מֵֽרָחֹֽק׃

wĕkál־háʻám֩ ròʼi֨ym ʼeţ־haqò̇wlò֜ţ wĕʼeţ־halȧpi̇ydi֗m wĕʼéţ֙ qò֣wl haşò̇̌pá֔r wĕʼeţ־háhá֖r ʻáşé֑̌n wayȧ֤rĕʼ háʻám֙ wayá̇nu֔ʻẇ wayȧֽʻamĕd֖ẇ méֽráẖòֽq׃

19
וַיֹּֽאמְרוּ֙ אֶל־מֹשֶׁ֔ה דַּבֵּר־אַתָּ֥ה עִמָּ֖נוּ וְנִשְׁמָ֑עָה וְאַל־יְדַבֵּ֥ר עִמָּ֛נוּ אֱלֹהִ֖ים פֶּן־נָמֽוּת׃

wayòֽ̇ʼmĕrẇ֙ ʼel־mòşě֔h dȧbé̇r־ʼaţá֥̇h ʻimá֖̇nẇ wĕnişĕ̌má֑ʻáh wĕʼal־yĕdabé֥̇r ʻimá֛̇nẇ ʼèlòhi֖ym pėn־námֽẇţ׃

20
וַיֹּ֨אמֶר מֹשֶׁ֣ה אֶל־הָעָם֮ אַל־תִּירָאוּ֒ כִּ֗י לְבַֽעֲבוּר֙ נַסֹּ֣ות אֶתְכֶ֔ם בָּ֖א הָאֱלֹהִ֑ים וּבַעֲב֗וּר תִּהְיֶ֧ה יִרְאָתֹ֛ו עַל־פְּנֵיכֶ֖ם לְבִלְתִּ֥י תֶחֱטָֽאוּ׃

wayò̇֨ʼmer mòşě֣h ʼel־háʻám֮ ʼal־ţi̇yráʼẇ֒ ki̇֗y lĕbaֽʻàbẇr֙ nasò֣̇wţ ʼeţĕke֔m bá֖̇ʼ háʼèlòhi֑ym ẇbaʻàb֗ẇr ţi̇hĕye֧h yirĕʼáţò֛w ʻal־pĕ̇néyke֖m lĕbilĕţi֥̇y ţeẖètáֽʼẇ׃

21
וַיַּעֲמֹ֥ד הָעָ֖ם מֵרָחֹ֑ק וּמֹשֶׁה֙ נִגַּ֣שׁ אֶל־הָֽעֲרָפֶ֔ל אֲשֶׁר־שָׁ֖ם הָאֱלֹהִֽים׃ פ

wayȧʻàmò֥d háʻá֖m méráẖò֑q ẇmòşěh֙ nigȧ֣ş̌ ʼel־háֽʻàrápe֔l ʼàşěr־şá֖̌m háʼèlòhiֽym׃ p

22
וַיֹּ֤אמֶר יְהוָה֙ אֶל־מֹשֶׁ֔ה כֹּ֥ה תֹאמַ֖ר אֶל־בְּנֵ֣י יִשְׂרָאֵ֑ל אַתֶּ֣ם רְאִיתֶ֔ם כִּ֚י מִן־הַשָּׁמַ֔יִם דִּבַּ֖רְתִּי עִמָּכֶֽם׃

wayò֤̇ʼmer yĕhwáh֙ ʼel־mòşě֔h kò֥̇h ţòʼma֖r ʼel־bĕ̇né֣y yişĕ̂ráʼé֑l ʼaţė֣m rĕʼiyţe֔m ki֚̇y min־haşá̇̌ma֔yim di̇bȧ֖rĕţi̇y ʻimá̇keֽm׃

23
לֹ֥א תַעֲשׂ֖וּן אִתִּ֑י אֱלֹ֤הֵי כֶ֨סֶף֙ וֵאלֹהֵ֣י זָהָ֔ב לֹ֥א תַעֲשׂ֖וּ לָכֶֽם׃

lò֥ʼ ţaʻàş֖̂ẇn ʼiţi֑̇y ʼèlò֤héy ke֨sep֙ wéʼlòhé֣y záhá֔b lò֥ʼ ţaʻàş֖̂ẇ lákeֽm׃

24
מִזְבַּ֣ח אֲדָמָה֮ תַּעֲשֶׂה־לִּי֒ וְזָבַחְתָּ֣ עָלָ֗יו אֶת־עֹלֹתֶ֨יךָ֙ וְאֶת־שְׁלָמֶ֔יךָ אֶת־צֹֽאנְךָ֖ וְאֶת־בְּקָרֶ֑ךָ בְּכָל־הַמָּקֹום֙ אֲשֶׁ֣ר אַזְכִּ֣יר אֶת־שְׁמִ֔י אָבֹ֥וא אֵלֶ֖יךָ וּבֵרַכְתִּֽיךָ׃

mizĕbȧ֣ẖ ʼàdámáh֮ ţȧʻàşêh־li̇y֒ wĕzábaẖĕţá֣̇ ʻálá֗yw ʼeţ־ʻòlòţe֨yká֙ wĕʼeţ־şĕ̌láme֔yká ʼeţ־ẕòֽʼnĕká֖ wĕʼeţ־bĕ̇qáre֑ká bĕ̇kál־hamá̇qòwm֙ ʼàşě֣r ʼazĕki֣̇yr ʼeţ־şĕ̌mi֔y ʼábò֥wʼ ʼéle֖yká ẇbérakĕţiֽ̇yká׃

25
וְאִם־מִזְבַּ֤ח אֲבָנִים֙ תַּֽעֲשֶׂה־לִּ֔י לֹֽא־תִבְנֶ֥ה אֶתְהֶ֖ן גָּזִ֑ית כִּ֧י חַרְבְּךָ֛ הֵנַ֥פְתָּ עָלֶ֖יהָ וַתְּחַֽלְלֶֽהָ׃

wĕʼim־mizĕbȧ֤ẖ ʼàbániym֙ ţȧֽʻàşêh־li̇֔y lòֽʼ־ţibĕne֥h ʼeţĕhe֖n gá̇zi֑yţ ki֧̇y ẖarĕbĕ̇ká֛ héna֥pĕţá̇ ʻále֖yhá waţĕ̇ẖaֽlĕleֽhá׃

26
וְלֹֽא־תַעֲלֶ֥ה בְמַעֲלֹ֖ת עַֽל־מִזְבְּחִ֑י אֲשֶׁ֛ר לֹֽא־תִגָּלֶ֥ה עֶרְוָתְךָ֖ עָלָֽיו׃ פ

wĕlòֽʼ־ţaʻàle֥h bĕmaʻàlò֖ţ ʻaֽl־mizĕbĕ̇ẖi֑y ʼàşě֛r lòֽʼ־ţigá̇le֥h ʻerĕwáţĕká֖ ʻáláֽyw׃ p