Bibles in ancient languages
Old translations
Modern translations

Biblia Hebraica Stuttgartiensia Exodus 21

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וְאֵ֨לֶּה֙ הַמִּשְׁפָּטִ֔ים אֲשֶׁ֥ר תָּשִׂ֖ים לִפְנֵיהֶֽם׃

wĕʼé֨lėh֙ hami̇şĕ̌pá̇ti֔ym ʼàşě֥r ţá̇şî֖ym lipĕnéyheֽm׃

2
כִּ֤י תִקְנֶה֙ עֶ֣בֶד עִבְרִ֔י שֵׁ֥שׁ שָׁנִ֖ים יַעֲבֹ֑ד וּבַ֨שְּׁבִעִ֔ת יֵצֵ֥א לַֽחָפְשִׁ֖י חִנָּֽם׃

ki֤̇y ţiqĕneh֙ ʻe֣bed ʻibĕri֔y şé֥̌ş̌ şá̌ni֖ym yaʻàbò֑d ẇba֨şĕ̇̌biʻi֔ţ yéẕé֥ʼ laֽẖápĕşǐ֖y ẖináֽ̇m׃

3
אִם־בְּגַפֹּ֥ו יָבֹ֖א בְּגַפֹּ֣ו יֵצֵ֑א אִם־בַּ֤עַל אִשָּׁה֙ ה֔וּא וְיָצְאָ֥ה אִשְׁתֹּ֖ו עִמֹּֽו׃

ʼim־bĕ̇gapò֥̇w yábò֖ʼ bĕ̇gapò֣̇w yéẕé֑ʼ ʼim־bȧ֤ʻal ʼişá̇̌h֙ h֔ẇʼ wĕyáẕĕʼá֥h ʼişĕ̌ţò֖̇w ʻimòֽ̇w׃

4
אִם־אֲדֹנָיו֙ יִתֶּן־לֹ֣ו אִשָּׁ֔ה וְיָלְדָה־לֹ֥ו בָנִ֖ים אֹ֣ו בָנֹ֑ות הָאִשָּׁ֣ה וִילָדֶ֗יהָ תִּהְיֶה֙ לַֽאדֹנֶ֔יהָ וְה֖וּא יֵצֵ֥א בְגַפֹּֽו׃

ʼim־ʼàdònáyw֙ yiţėn־lò֣w ʼişá̇̌֔h wĕyálĕdáh־lò֥w báni֖ym ʼò֣w bánò֑wţ háʼişá֣̇̌h wiyláde֗yhá ţi̇hĕyeh֙ laֽʼdòne֔yhá wĕh֖ẇʼ yéẕé֥ʼ bĕgapòֽ̇w׃

5
וְאִם־אָמֹ֤ר יֹאמַר֙ הָעֶ֔בֶד אָהַ֨בְתִּי֙ אֶת־אֲדֹנִ֔י אֶת־אִשְׁתִּ֖י וְאֶת־בָּנָ֑י לֹ֥א אֵצֵ֖א חָפְשִֽׁי׃

wĕʼim־ʼámò֤r yòʼmar֙ háʻe֔bed ʼáha֨bĕţi̇y֙ ʼeţ־ʼàdòni֔y ʼeţ־ʼişĕ̌ţi֖̇y wĕʼeţ־bá̇ná֑y lò֥ʼ ʼéẕé֖ʼ ẖápĕşǐֽy׃

6
וְהִגִּישֹׁ֤ו אֲדֹנָיו֙

wĕhigi̇yşò֤̌w ʼàdònáyw֙

7
וְכִֽי־יִמְכֹּ֥ר אִ֛ישׁ אֶת־בִּתֹּ֖ו לְאָמָ֑ה לֹ֥א תֵצֵ֖א כְּצֵ֥את הָעֲבָדִֽים׃

wĕkiֽy־yimĕkò֥̇r ʼi֛yş̌ ʼeţ־bi̇ţò֖̇w lĕʼámá֑h lò֥ʼ ţéẕé֖ʼ kĕ̇ẕé֥ʼţ háʻàbádiֽym׃

8
אִם־רָעָ֞ה בְּעֵינֵ֧י אֲדֹנֶ֛יהָ אֲשֶׁר־לֹא יְעָדָ֖הּ וְהֶפְדָּ֑הּ לְעַ֥ם נָכְרִ֛י לֹא־יִמְשֹׁ֥ל לְמָכְרָ֖הּ בְּבִגְדֹו־בָֽהּ׃

ʼim־ráʻá֞h bĕ̇ʻéyné֧y ʼàdòne֛yhá ʼàşěr־lòʼ yĕʻádá֖ḣ wĕhepĕdá֑̇ḣ lĕʻa֥m nákĕri֛y lòʼ־yimĕşò֥̌l lĕmákĕrá֖ḣ bĕ̇bigĕdòw־báֽḣ׃

9
וְאִם־לִבְנֹ֖ו יִֽיעָדֶ֑נָּה כְּמִשְׁפַּ֥ט הַבָּנֹ֖ות יַעֲשֶׂה־לָּֽהּ׃

wĕʼim־libĕnò֖w yiֽyʻáde֑ná̇h kĕ̇mişĕ̌pȧ֥t habá̇nò֖wţ yaʻàşêh־láֽ̇ḣ׃

10
אִם־אַחֶ֖רֶת יִֽקַּֽח־לֹ֑ו שְׁאֵרָ֛הּ כְּסוּתָ֥הּ וְעֹנָתָ֖הּ לֹ֥א יִגְרָֽע׃

ʼim־ʼaẖe֖reţ yiֽqȧֽẖ־lò֑w şĕ̌ʼérá֛ḣ kĕ̇sẇţá֥ḣ wĕʻònáţá֖ḣ lò֥ʼ yigĕráֽʻ׃

11
וְאִם־שְׁלָ֨שׁ־אֵ֔לֶּה לֹ֥א יַעֲשֶׂ֖ה לָ֑הּ וְיָצְאָ֥ה חִנָּ֖ם אֵ֥ין כָּֽסֶף׃ ס

wĕʼim־şĕ̌lá֨ş̌־ʼé֔lėh lò֥ʼ yaʻàşê֖h lá֑ḣ wĕyáẕĕʼá֥h ẖiná֖̇m ʼé֥yn káֽ̇sep׃ s

12
מַכֵּ֥ה אִ֛ישׁ וָמֵ֖ת מֹ֥ות יוּמָֽת׃

maké֥̇h ʼi֛yş̌ wámé֖ţ mò֥wţ yẇmáֽţ׃

13
וַאֲשֶׁר֙ לֹ֣א צָדָ֔ה וְהָאֱלֹהִ֖ים אִנָּ֣ה לְיָדֹ֑ו וְשַׂמְתִּ֤י לְךָ֙ מָקֹ֔ום אֲשֶׁ֥ר יָנ֖וּס שָֽׁמָּה׃ ס

waʼàşěr֙ lò֣ʼ ẕádá֔h wĕháʼèlòhi֖ym ʼiná֣̇h lĕyádò֑w wĕşâmĕţi֤̇y lĕká֙ máqò֔wm ʼàşě֥r yán֖ẇs şáֽ̌má̇h׃ s

14
וְכִי־יָזִ֥ד אִ֛ישׁ עַל־רֵעֵ֖הוּ לְהָרְגֹ֣ו בְעָרְמָ֑ה מֵעִ֣ם מִזְבְּחִ֔י תִּקָּחֶ֖נּוּ לָמֽוּת׃ ס

wĕkiy־yázi֥d ʼi֛yş̌ ʻal־réʻé֖hẇ lĕhárĕgò֣w bĕʻárĕmá֑h méʻi֣m mizĕbĕ̇ẖi֔y ţi̇qá̇ẖe֖ṅẇ lámֽẇţ׃ s

15
וּמַכֵּ֥ה אָבִ֛יו וְאִמֹּ֖ו מֹ֥ות יוּמָֽת׃

ẇmaké֥̇h ʼábi֛yw wĕʼimò֖̇w mò֥wţ yẇmáֽţ׃

16
וְגֹנֵ֨ב אִ֧ישׁ וּמְכָרֹ֛ו וְנִמְצָ֥א בְיָדֹ֖ו מֹ֥ות יוּמָֽת׃ ס

wĕgòné֨b ʼi֧yş̌ ẇmĕkárò֛w wĕnimĕẕá֥ʼ bĕyádò֖w mò֥wţ yẇmáֽţ׃ s

17
וּמְקַלֵּ֥ל אָבִ֛יו וְאִמֹּ֖ו מֹ֥ות יוּמָֽת׃ ס

ẇmĕqalé֥̇l ʼábi֛yw wĕʼimò֖̇w mò֥wţ yẇmáֽţ׃ s

18
וְכִֽי־יְרִיבֻ֣ן אֲנָשִׁ֔ים וְהִכָּה־אִישׁ֙ אֶת־רֵעֵ֔הוּ בְּאֶ֖בֶן אֹ֣ו בְאֶגְרֹ֑ף וְלֹ֥א יָמ֖וּת וְנָפַ֥ל לְמִשְׁכָּֽב׃

wĕkiֽy־yĕriybu֣n ʼànáşǐ֔ym wĕhiká̇h־ʼiyş̌֙ ʼeţ־réʻé֔hẇ bĕ̇ʼe֖ben ʼò֣w bĕʼegĕrò֑p wĕlò֥ʼ yám֖ẇţ wĕnápa֥l lĕmişĕ̌káֽ̇b׃

19
אִם־יָק֞וּם וְהִתְהַלֵּ֥ךְ בַּח֛וּץ עַל־מִשְׁעַנְתֹּ֖ו וְנִקָּ֣ה הַמַּכֶּ֑ה רַ֥ק שִׁבְתֹּ֛ו יִתֵּ֖ן וְרַפֹּ֥א יְרַפֵּֽא׃ ס

ʼim־yáq֞ẇm wĕhiţĕhalé֥̇kĕ bȧẖ֛ẇẕ ʻal־mişĕ̌ʻanĕţò֖̇w wĕniqá֣̇h hamȧkė֑h ra֥q şǐbĕţò֛̇w yiţé֖̇n wĕrapò֥̇ʼ yĕrapéֽ̇ʼ׃ s

20
וְכִֽי־יַכֶּה֩ אִ֨ישׁ אֶת־עַבְדֹּ֜ו אֹ֤ו אֶת־אֲמָתֹו֙ בַּשֵּׁ֔בֶט וּמֵ֖ת תַּ֣חַת יָדֹ֑ו נָקֹ֖ם יִנָּקֵֽם׃

wĕkiֽy־yakėh֩ ʼi֨yş̌ ʼeţ־ʻabĕdò̇֜w ʼò֤w ʼeţ־ʼàmáţòw֙ bȧşé̇̌֔bet ẇmé֖ţ ţȧ֣ẖaţ yádò֑w náqò֖m yiná̇qéֽm׃

21
אַ֥ךְ אִם־יֹ֛ום אֹ֥ו יֹומַ֖יִם יַעֲמֹ֑ד לֹ֣א יֻקַּ֔ם כִּ֥י כַסְפֹּ֖ו הֽוּא׃ ס

ʼa֥kĕ ʼim־yò֛wm ʼò֥w yòwma֖yim yaʻàmò֑d lò֣ʼ yuqȧ֔m ki֥̇y kasĕpò֖̇w hֽẇʼ׃ s

22
וְכִֽי־יִנָּצ֣וּ אֲנָשִׁ֗ים וְנָ֨גְפ֜וּ אִשָּׁ֤ה הָרָה֙ וְיָצְא֣וּ יְלָדֶ֔יהָ וְלֹ֥א יִהְיֶ֖ה אָסֹ֑ון עָנֹ֣ושׁ יֵעָנֵ֗שׁ כַּֽאֲשֶׁ֨ר יָשִׁ֤ית עָלָיו֙ בַּ֣עַל הָֽאִשָּׁ֔ה וְנָתַ֖ן בִּפְלִלִֽים׃

wĕkiֽy־yiná̇ẕ֣ẇ ʼànáşǐ֗ym wĕná֨gĕp֜ẇ ʼişá֤̇̌h háráh֙ wĕyáẕĕʼ֣ẇ yĕláde֔yhá wĕlò֥ʼ yihĕye֖h ʼásò֑wn ʻánò֣wş̌ yéʻáné֗ş̌ kȧֽʼàşě֨r yáşǐ֤yţ ʻáláyw֙ bȧ֣ʻal háֽʼişá̇̌֔h wĕnáţa֖n bi̇pĕliliֽym׃

23
וְאִם־אָסֹ֖ון יִהְיֶ֑ה וְנָתַתָּ֥ה נֶ֖פֶשׁ תַּ֥חַת נָֽפֶשׁ׃

wĕʼim־ʼásò֖wn yihĕye֑h wĕnáţaţá֥̇h ne֖peş̌ ţȧ֥ẖaţ náֽpeş̌׃

24
עַ֚יִן תַּ֣חַת עַ֔יִן שֵׁ֖ן תַּ֣חַת שֵׁ֑ן יָ֚ד תַּ֣חַת יָ֔ד רֶ֖גֶל תַּ֥חַת רָֽגֶל׃

ʻa֚yin ţȧ֣ẖaţ ʻa֔yin şé֖̌n ţȧ֣ẖaţ şé֑̌n yá֚d ţȧ֣ẖaţ yá֔d re֖gel ţȧ֥ẖaţ ráֽgel׃

25
כְּוִיָּה֙ תַּ֣חַת כְּוִיָּ֔ה פֶּ֖צַע תַּ֣חַת פָּ֑צַע חַבּוּרָ֕ה תַּ֖חַת חַבּוּרָֽה׃ ס

kĕ̇wiyá̇h֙ ţȧ֣ẖaţ kĕ̇wiyá̇֔h pė֖ẕaʻ ţȧ֣ẖaţ pá֑̇ẕaʻ ẖaḃẇrá֕h ţȧ֖ẖaţ ẖaḃẇráֽh׃ s

26
וְכִֽי־יַכֶּ֨ה אִ֜ישׁ אֶת־עֵ֥ין עַבְדֹּ֛ו אֹֽו־אֶת־עֵ֥ין אֲמָתֹ֖ו וְשִֽׁחֲתָ֑הּ לַֽחָפְשִׁ֥י יְשַׁלְּחֶ֖נּוּ תַּ֥חַת עֵינֹֽו׃ ס

wĕkiֽy־yakė֨h ʼi֜yş̌ ʼeţ־ʻé֥yn ʻabĕdò֛̇w ʼòֽw־ʼeţ־ʻé֥yn ʼàmáţò֖w wĕşǐֽẖàţá֑ḣ laֽẖápĕşǐ֥y yĕşǎlĕ̇ẖe֖ṅẇ ţȧ֥ẖaţ ʻéynòֽw׃ s

27
וְאִם־שֵׁ֥ן עַבְדֹּ֛ו אֹֽו־שֵׁ֥ן אֲמָתֹ֖ו יַפִּ֑יל לַֽחָפְשִׁ֥י יְשַׁלְּחֶ֖נּוּ תַּ֥חַת שִׁנֹּֽו׃ פ

wĕʼim־şé֥̌n ʻabĕdò֛̇w ʼòֽw־şé֥̌n ʼàmáţò֖w yapi֑̇yl laֽẖápĕşǐ֥y yĕşǎlĕ̇ẖe֖ṅẇ ţȧ֥ẖaţ şǐnòֽ̇w׃ p

28
וְכִֽי־יִגַּ֨ח שֹׁ֥ור אֶת־אִ֛ישׁ אֹ֥ו אֶת־אִשָּׁ֖ה וָמֵ֑ת סָקֹ֨ול יִסָּקֵ֜ל הַשֹּׁ֗ור וְלֹ֤א יֵאָכֵל֙ אֶת־בְּשָׂרֹ֔ו וּבַ֥עַל הַשֹּׁ֖ור נָקִֽי׃

wĕkiֽy־yigȧ֨ẖ şò֥̌wr ʼeţ־ʼi֛yş̌ ʼò֥w ʼeţ־ʼişá֖̇̌h wámé֑ţ sáqò֨wl yisá̇qé֜l haşò̇̌֗wr wĕlò֤ʼ yéʼákél֙ ʼeţ־bĕ̇şá̂rò֔w ẇba֥ʻal haşò֖̇̌wr náqiֽy׃

29
וְאִ֡ם שֹׁור֩ נַגָּ֨ח ה֜וּא מִתְּמֹ֣ל שִׁלְשֹׁ֗ם וְהוּעַ֤ד בִּבְעָלָיו֙ וְלֹ֣א יִשְׁמְרֶ֔נּוּ וְהֵמִ֥ית אִ֖ישׁ אֹ֣ו אִשָּׁ֑ה הַשֹּׁור֙ יִסָּקֵ֔ל וְגַם־בְּעָלָ֖יו יוּמָֽת׃

wĕʼi֡m şò̌wr֩ nagá̇֨ẖ h֜ẇʼ miţĕ̇mò֣l şǐlĕşò̌֗m wĕhẇʻa֤d bi̇bĕʻáláyw֙ wĕlò֣ʼ yişĕ̌mĕre֔ṅẇ wĕhémi֥yţ ʼi֖yş̌ ʼò֣w ʼişá֑̇̌h haşò̇̌wr֙ yisá̇qé֔l wĕgam־bĕ̇ʻálá֖yw yẇmáֽţ׃

30
אִם־כֹּ֖פֶר יוּשַׁ֣ת עָלָ֑יו וְנָתַן֙ פִּדְיֹ֣ן נַפְשֹׁ֔ו כְּכֹ֥ל אֲשֶׁר־יוּשַׁ֖ת עָלָֽיו׃

ʼim־kò֖̇per yẇşǎ֣ţ ʻálá֑yw wĕnáţan֙ pi̇dĕyò֣n napĕşò̌֔w kĕ̇kò֥l ʼàşěr־yẇşǎ֖ţ ʻáláֽyw׃

31
אֹו־בֵ֥ן יִגָּ֖ח אֹו־בַ֣ת יִגָּ֑ח כַּמִּשְׁפָּ֥ט הַזֶּ֖ה יֵעָ֥שֶׂה לֹּֽו׃

ʼòw־bé֥n yigá֖̇ẖ ʼòw־ba֣ţ yigá֑̇ẖ kȧmi̇şĕ̌pá֥̇t hazė֖h yéʻá֥şêh lòֽ̇w׃

32
אִם־עֶ֛בֶד יִגַּ֥ח הַשֹּׁ֖ור אֹ֣ו אָמָ֑ה כֶּ֣סֶף׀ שְׁלֹשִׁ֣ים שְׁקָלִ֗ים יִתֵּן֙ לַֽאדֹנָ֔יו וְהַשֹּׁ֖ור יִסָּקֵֽל׃ ס

ʼim־ʻe֛bed yigȧ֥ẖ haşò֖̇̌wr ʼò֣w ʼámá֑h kė֣sep׀ şĕ̌lòşǐ֣ym şĕ̌qáli֗ym yiţé̇n֙ laֽʼdòná֔yw wĕhaşò֖̇̌wr yisá̇qéֽl׃ s

33
וְכִֽי־יִפְתַּ֨ח אִ֜ישׁ בֹּ֗ור אֹ֠ו כִּֽי־יִכְרֶ֥ה אִ֛ישׁ בֹּ֖ר וְלֹ֣א יְכַסֶּ֑נּוּ וְנָֽפַל־שָׁ֥מָּה שֹּׁ֖ור אֹ֥ו חֲמֹֽור׃

wĕkiֽy־yipĕţȧ֨ẖ ʼi֜yş̌ bò̇֗wr ʼò֠w kiֽ̇y־yikĕre֥h ʼi֛yş̌ bò֖̇r wĕlò֣ʼ yĕkasė֑ṅẇ wĕnáֽpal־şá֥̌má̇h şò֖̇̌wr ʼò֥w ẖàmòֽwr׃

34
בַּ֤עַל הַבֹּור֙ יְשַׁלֵּ֔ם כֶּ֖סֶף יָשִׁ֣יב לִבְעָלָ֑יו וְהַמֵּ֖ת יִֽהְיֶה־לֹּֽו׃ ס

bȧ֤ʻal habò̇wr֙ yĕşǎlé̇֔m kė֖sep yáşǐ֣yb libĕʻálá֑yw wĕhamé֖̇ţ yiֽhĕyeh־lòֽ̇w׃ s

35
וְכִֽי־יִגֹּ֧ף שֹֽׁור־אִ֛ישׁ אֶת־שֹׁ֥ור רֵעֵ֖הוּ וָמֵ֑ת וּמָ֨כְר֜וּ אֶת־הַשֹּׁ֤ור הַחַי֙ וְחָצ֣וּ אֶת־כַּסְפֹּ֔ו וְגַ֥ם אֶת־הַמֵּ֖ת יֶֽחֱצֽוּן׃

wĕkiֽy־yigò֧̇p şòֽ̌wr־ʼi֛yş̌ ʼeţ־şò֥̌wr réʻé֖hẇ wámé֑ţ ẇmá֨kĕr֜ẇ ʼeţ־haşò֤̇̌wr haẖay֙ wĕẖáẕ֣ẇ ʼeţ־kȧsĕpò̇֔w wĕga֥m ʼeţ־hamé֖̇ţ yeֽẖèẕֽẇn׃

36
אֹ֣ו נֹודַ֗ע כִּ֠י שֹׁ֣ור נַגָּ֥ח הוּא֙ מִתְּמֹ֣ול שִׁלְשֹׁ֔ם וְלֹ֥א יִשְׁמְרֶ֖נּוּ בְּעָלָ֑יו שַׁלֵּ֨ם יְשַׁלֵּ֥ם שֹׁור֙ תַּ֣חַת הַשֹּׁ֔ור וְהַמֵּ֖ת יִֽהְיֶה־לֹּֽו׃ ס

ʼò֣w nòwda֗ʻ ki̇֠y şò֣̌wr nagá֥̇ẖ hẇʼ֙ miţĕ̇mò֣wl şǐlĕşò̌֔m wĕlò֥ʼ yişĕ̌mĕre֖ṅẇ bĕ̇ʻálá֑yw şǎlé̇֨m yĕşǎlé֥̇m şò̌wr֙ ţȧ֣ẖaţ haşò̇̌֔wr wĕhamé֖̇ţ yiֽhĕyeh־lòֽ̇w׃ s

37
כִּ֤י יִגְנֹֽב־אִישׁ֙ שֹׁ֣ור אֹו־שֶׂ֔ה וּטְבָחֹ֖ו אֹ֣ו מְכָרֹ֑ו חֲמִשָּׁ֣ה בָקָ֗ר יְשַׁלֵּם֙ תַּ֣חַת הַשֹּׁ֔ור וְאַרְבַּע־צֹ֖אן תַּ֥חַת הַשֶּֽׂה׃

ki֤̇y yigĕnòֽb־ʼiyş̌֙ şò֣̌wr ʼòw־şê֔h ẇtĕbáẖò֖w ʼò֣w mĕkárò֑w ẖàmişá֣̇̌h báqá֗r yĕşǎlé̇m֙ ţȧ֣ẖaţ haşò̇̌֔wr wĕʼarĕbȧʻ־ẕò֖ʼn ţȧ֥ẖaţ haşėֽ̂h׃