Bibles in ancient languages
Old translations
Modern translations

Biblia Hebraica Stuttgartiensia Exodus 37

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיַּ֧עַשׂ בְּצַלְאֵ֛ל אֶת־הָאָרֹ֖ן עֲצֵ֣י שִׁטִּ֑ים אַמָּתַ֨יִם וָחֵ֜צִי אָרְכֹּ֗ו וְאַמָּ֤ה וָחֵ֨צִי֙ רָחְבֹּ֔ו וְאַמָּ֥ה וָחֵ֖צִי קֹמָתֹֽו׃

wayȧ֧ʻaş̂ bĕ̇ẕalĕʼé֛l ʼeţ־háʼárò֖n ʻàẕé֣y şǐti֑̇ym ʼamá̇ţa֨yim wáẖé֜ẕiy ʼárĕkò̇֗w wĕʼamá֤̇h wáẖé֨ẕiy֙ ráẖĕbò̇֔w wĕʼamá֥̇h wáẖé֖ẕiy qòmáţòֽw׃

2
וַיְצַפֵּ֛הוּ זָהָ֥ב טָהֹ֖ור מִבַּ֣יִת וּמִח֑וּץ וַיַּ֥עַשׂ לֹ֛ו זֵ֥ר זָהָ֖ב סָבִֽיב׃

wayĕẕapé֛̇hẇ záhá֥b táhò֖wr mibȧ֣yiţ ẇmiẖ֑ẇẕ wayȧ֥ʻaş̂ lò֛w zé֥r záhá֖b sábiֽyb׃

3
וַיִּצֹ֣ק לֹ֗ו אַרְבַּע֙ טַבְּעֹ֣ת זָהָ֔ב עַ֖ל אַרְבַּ֣ע פַּעֲמֹתָ֑יו וּשְׁתֵּ֣י טַבָּעֹ֗ת עַל־צַלְעֹו֙ הָֽאֶחָ֔ת וּשְׁתֵּי֙ טַבָּעֹ֔ות עַל־צַלְעֹ֖ו הַשֵּׁנִֽית׃

wayi̇ẕò֣q lò֗w ʼarĕbȧʻ֙ tabĕ̇ʻò֣ţ záhá֔b ʻa֖l ʼarĕbȧ֣ʻ pȧʻàmòţá֑yw ẇşĕ̌ţé֣̇y tabá̇ʻò֗ţ ʻal־ẕalĕʻòw֙ háֽʼeẖá֔ţ ẇşĕ̌ţé̇y֙ tabá̇ʻò֔wţ ʻal־ẕalĕʻò֖w haşé̇̌niֽyţ׃

4
וַיַּ֥עַשׂ בַּדֵּ֖י עֲצֵ֣י שִׁטִּ֑ים וַיְצַ֥ף אֹתָ֖ם זָהָֽב׃

wayȧ֥ʻaş̂ bȧdé֖̇y ʻàẕé֣y şǐti֑̇ym wayĕẕa֥p ʼòţá֖m záháֽb׃

5
וַיָּבֵ֤א אֶת־הַבַּדִּים֙ בַּטַּבָּעֹ֔ת עַ֖ל צַלְעֹ֣ת הָאָרֹ֑ן לָשֵׂ֖את אֶת־הָאָרֹֽן׃

wayá̇bé֤ʼ ʼeţ־habȧdi̇ym֙ bȧtȧbá̇ʻò֔ţ ʻa֖l ẕalĕʻò֣ţ háʼárò֑n láşé֖̂ʼţ ʼeţ־háʼáròֽn׃

6
וַיַּ֥עַשׂ כַּפֹּ֖רֶת זָהָ֣ב טָהֹ֑ור אַמָּתַ֤יִם וָחֵ֨צִי֙ אָרְכָּ֔הּ וְאַמָּ֥ה וָחֵ֖צִי רָחְבָּֽהּ׃

wayȧ֥ʻaş̂ kȧpò֖̇reţ záhá֣b táhò֑wr ʼamá̇ţa֤yim wáẖé֨ẕiy֙ ʼárĕká̇֔ḣ wĕʼamá֥̇h wáẖé֖ẕiy ráẖĕbáֽ̇ḣ׃

7
וַיַּ֛עַשׂ שְׁנֵ֥י כְרֻבִ֖ים זָהָ֑ב מִקְשָׁה֙ עָשָׂ֣ה אֹתָ֔ם מִשְּׁנֵ֖י קְצֹ֥ות הַכַּפֹּֽרֶת׃

wayȧ֛ʻaş̂ şĕ̌né֥y kĕrubi֖ym záhá֑b miqĕşá̌h֙ ʻáşá֣̂h ʼòţá֔m mişĕ̇̌né֖y qĕẕò֥wţ hakȧpòֽ̇reţ׃

8
כְּרוּב־אֶחָ֤ד מִקָּצָה֙ מִזֶּ֔ה וּכְרוּב־אֶחָ֥ד מִקָּצָ֖ה מִזֶּ֑ה מִן־הַכַּפֹּ֛רֶת עָשָׂ֥ה אֶת־הַכְּרֻבִ֖ים מִשְּׁנֵ֥י קִצְוֹותֹו

kĕ̇rẇb־ʼeẖá֤d miqá̇ẕáh֙ mizė֔h ẇkĕrẇb־ʼeẖá֥d miqá̇ẕá֖h mizė֑h min־hakȧpò֛̇reţ ʻáşá֥̂h ʼeţ־hakĕ̇rubi֖ym mişĕ̇̌né֥y qiẕĕwòwţòw

9
וַיִּהְי֣וּ הַכְּרֻבִים֩ פֹּרְשֵׂ֨י כְנָפַ֜יִם לְמַ֗עְלָה סֹֽכְכִ֤ים בְּכַנְפֵיהֶם֙ עַל־הַכַּפֹּ֔רֶת וּפְנֵיהֶ֖ם אִ֣ישׁ אֶל־אָחִ֑יו אֶל־הַכַּפֹּ֔רֶת הָי֖וּ פְּנֵ֥י הַכְּרֻבִֽים׃ פ

wayi̇hĕy֣ẇ hakĕ̇rubiym֩ pò̇rĕşé̂֨y kĕnápa֜yim lĕma֗ʻĕláh sòֽkĕki֤ym bĕ̇kanĕpéyhem֙ ʻal־hakȧpò̇֔reţ ẇpĕnéyhe֖m ʼi֣yş̌ ʼel־ʼáẖi֑yw ʼel־hakȧpò̇֔reţ háy֖ẇ pĕ̇né֥y hakĕ̇rubiֽym׃ p

10
וַיַּ֥עַשׂ אֶת־הַשֻּׁלְחָ֖ן עֲצֵ֣י שִׁטִּ֑ים אַמָּתַ֤יִם אָרְכֹּו֙ וְאַמָּ֣ה רָחְבֹּ֔ו וְאַמָּ֥ה וָחֵ֖צִי קֹמָתֹֽו׃

wayȧ֥ʻaş̂ ʼeţ־haşu̇̌lĕẖá֖n ʻàẕé֣y şǐti֑̇ym ʼamá̇ţa֤yim ʼárĕkò̇w֙ wĕʼamá֣̇h ráẖĕbò̇֔w wĕʼamá֥̇h wáẖé֖ẕiy qòmáţòֽw׃

11
וַיְצַ֥ף אֹתֹ֖ו זָהָ֣ב טָהֹ֑ור וַיַּ֥עַשׂ לֹ֛ו זֵ֥ר זָהָ֖ב סָבִֽיב׃

wayĕẕa֥p ʼòţò֖w záhá֣b táhò֑wr wayȧ֥ʻaş̂ lò֛w zé֥r záhá֖b sábiֽyb׃

12
וַיַּ֨עַשׂ לֹ֥ו מִסְגֶּ֛רֶת טֹ֖פַח סָבִ֑יב וַיַּ֧עַשׂ זֵר־זָהָ֛ב לְמִסְגַּרְתֹּ֖ו סָבִֽיב׃

wayȧ֨ʻaş̂ lò֥w misĕgė֛reţ tò֖paẖ sábi֑yb wayȧ֧ʻaş̂ zér־záhá֛b lĕmisĕgȧrĕţò֖̇w sábiֽyb׃

13
וַיִּצֹ֣ק לֹ֔ו אַרְבַּ֖ע טַבְּעֹ֣ת זָהָ֑ב וַיִּתֵּן֙ אֶת־הַטַּבָּעֹ֔ת עַ֚ל אַרְבַּ֣ע הַפֵּאֹ֔ת אֲשֶׁ֖ר לְאַרְבַּ֥ע רַגְלָֽיו׃

wayi̇ẕò֣q lò֔w ʼarĕbȧ֖ʻ tabĕ̇ʻò֣ţ záhá֑b wayi̇ţé̇n֙ ʼeţ־hatȧbá̇ʻò֔ţ ʻa֚l ʼarĕbȧ֣ʻ hapé̇ʼò֔ţ ʼàşě֖r lĕʼarĕbȧ֥ʻ ragĕláֽyw׃

14
לְעֻמַּת֙ הַמִּסְגֶּ֔רֶת הָי֖וּ הַטַּבָּעֹ֑ת בָּתִּים֙ לַבַּדִּ֔ים לָשֵׂ֖את אֶת־הַשֻּׁלְחָֽן׃

lĕʻumȧţ֙ hami̇sĕgė֔reţ háy֖ẇ hatȧbá̇ʻò֑ţ bá̇ţi̇ym֙ labȧdi̇֔ym láşé֖̂ʼţ ʼeţ־haşu̇̌lĕẖáֽn׃

15
וַיַּ֤עַשׂ אֶת־הַבַּדִּים֙ עֲצֵ֣י שִׁטִּ֔ים וַיְצַ֥ף אֹתָ֖ם זָהָ֑ב לָשֵׂ֖את אֶת־הַשֻּׁלְחָֽן׃

wayȧ֤ʻaş̂ ʼeţ־habȧdi̇ym֙ ʻàẕé֣y şǐti̇֔ym wayĕẕa֥p ʼòţá֖m záhá֑b láşé֖̂ʼţ ʼeţ־haşu̇̌lĕẖáֽn׃

16
וַיַּ֜עַשׂ אֶֽת־הַכֵּלִ֣ים׀ אֲשֶׁ֣ר עַל־הַשֻּׁלְחָ֗ן אֶת־קְעָרֹתָ֤יו וְאֶת־כַּפֹּתָיו֙ וְאֵת֙ מְנַקִּיֹּתָ֔יו וְאֶת־הַקְּשָׂוֹ֔ת אֲשֶׁ֥ר יֻסַּ֖ךְ בָּהֵ֑ן זָהָ֖ב טָהֹֽור׃ פ

wayȧ֜ʻaş̂ ʼeֽţ־haké̇li֣ym׀ ʼàşě֣r ʻal־haşu̇̌lĕẖá֗n ʼeţ־qĕʻáròţá֤yw wĕʼeţ־kȧpò̇ţáyw֙ wĕʼéţ֙ mĕnaqi̇yò̇ţá֔yw wĕʼeţ־haqĕ̇şá̂wò֔ţ ʼàşě֥r yusȧ֖kĕ bá̇hé֑n záhá֖b táhòֽwr׃ p

17
וַיַּ֥עַשׂ אֶת־הַמְּנֹרָ֖ה זָהָ֣ב טָהֹ֑ור מִקְשָׁ֞ה עָשָׂ֤ה אֶת־הַמְּנֹרָה֙ יְרֵכָ֣הּ וְקָנָ֔הּ גְּבִיעֶ֛יהָ כַּפְתֹּרֶ֥יהָ וּפְרָחֶ֖יהָ מִמֶּ֥נָּה הָיֽוּ׃

wayȧ֥ʻaş̂ ʼeţ־hamĕ̇nòrá֖h záhá֣b táhò֑wr miqĕşá̌֞h ʻáşá֤̂h ʼeţ־hamĕ̇nòráh֙ yĕréká֣ḣ wĕqáná֔ḣ gĕ̇biyʻe֛yhá kȧpĕţò̇re֥yhá ẇpĕráẖe֖yhá mimė֥ná̇h háyֽẇ׃

18
וְשִׁשָּׁ֣ה קָנִ֔ים יֹצְאִ֖ים מִצִּדֶּ֑יהָ שְׁלֹשָׁ֣ה׀ קְנֵ֣י מְנֹרָ֗ה מִצִּדָּהּ֙ הָֽאֶחָ֔ד וּשְׁלֹשָׁה֙ קְנֵ֣י מְנֹרָ֔ה מִצִּדָּ֖הּ הַשֵּׁנִֽי׃

wĕşǐşá֣̇̌h qáni֔ym yòẕĕʼi֖ym miẕi̇dė֑yhá şĕ̌lòşá֣̌h׀ qĕné֣y mĕnòrá֗h miẕi̇dá̇ḣ֙ háֽʼeẖá֔d ẇşĕ̌lòşá̌h֙ qĕné֣y mĕnòrá֔h miẕi̇dá֖̇ḣ haşé̇̌niֽy׃

19
שְׁלֹשָׁ֣ה גְ֠בִעִים מְֽשֻׁקָּדִ֞ים בַּקָּנֶ֣ה הָאֶחָד֮ כַּפְתֹּ֣ר וָפֶרַח֒ וּשְׁלֹשָׁ֣ה גְבִעִ֗ים מְשֻׁקָּדִ֛ים בְּקָנֶ֥ה אֶחָ֖ד כַּפְתֹּ֣ר וָפָ֑רַח כֵּ֚ן לְשֵׁ֣שֶׁת הַקָּנִ֔ים הַיֹּצְאִ֖ים מִן־הַמְּנֹרָֽה׃

şĕ̌lòşá֣̌h gĕ֠biʻiym mĕֽşǔqá̇di֞ym bȧqá̇ne֣h háʼeẖád֮ kȧpĕţò֣̇r wáperaẖ֒ ẇşĕ̌lòşá֣̌h gĕbiʻi֗ym mĕşǔqá̇di֛ym bĕ̇qáne֥h ʼeẖá֖d kȧpĕţò֣̇r wápá֑raẖ ké֚̇n lĕşé֣̌şěţ haqá̇ni֔ym hayò̇ẕĕʼi֖ym min־hamĕ̇nòráֽh׃

20
וּבַמְּנֹרָ֖ה אַרְבָּעָ֣ה גְבִעִ֑ים מְשֻׁ֨קָּדִ֔ים כַּפְתֹּרֶ֖יהָ וּפְרָחֶֽיהָ׃

ẇbamĕ̇nòrá֖h ʼarĕbá̇ʻá֣h gĕbiʻi֑ym mĕşǔ֨qá̇di֔ym kȧpĕţò̇re֖yhá ẇpĕráẖeֽyhá׃

21
וְכַפְתֹּ֡ר תַּחַת֩ שְׁנֵ֨י הַקָּנִ֜ים מִמֶּ֗נָּה וְכַפְתֹּר֙ תַּ֣חַת שְׁנֵ֤י הַקָּנִים֙ מִמֶּ֔נָּה וְכַפְתֹּ֕ר תַּֽחַת־שְׁנֵ֥י הַקָּנִ֖ים מִמֶּ֑נָּה לְשֵׁ֨שֶׁת֙ הַקָּנִ֔ים הַיֹּצְאִ֖ים מִמֶּֽנָּה׃

wĕkapĕţò̇֡r ţȧẖaţ֩ şĕ̌né֨y haqá̇ni֜ym mimė֗ná̇h wĕkapĕţò̇r֙ ţȧ֣ẖaţ şĕ̌né֤y haqá̇niym֙ mimė֔ná̇h wĕkapĕţò̇֕r ţȧֽẖaţ־şĕ̌né֥y haqá̇ni֖ym mimė֑ná̇h lĕşé̌֨şěţ֙ haqá̇ni֔ym hayò̇ẕĕʼi֖ym mimėֽná̇h׃

22
כַּפְתֹּרֵיהֶ֥ם וּקְנֹתָ֖ם מִמֶּ֣נָּה הָי֑וּ כֻּלָּ֛הּ מִקְשָׁ֥ה אַחַ֖ת זָהָ֥ב טָהֹֽור׃

kȧpĕţò̇réyhe֥m ẇqĕnòţá֖m mimė֣ná̇h háy֑ẇ ku̇lá֛̇ḣ miqĕşá֥̌h ʼaẖa֖ţ záhá֥b táhòֽwr׃

23
וַיַּ֥עַשׂ אֶת־נֵרֹתֶ֖יהָ שִׁבְעָ֑ה וּמַלְקָחֶ֥יהָ וּמַחְתֹּתֶ֖יהָ זָהָ֥ב טָהֹֽור׃

wayȧ֥ʻaş̂ ʼeţ־néròţe֖yhá şǐbĕʻá֑h ẇmalĕqáẖe֥yhá ẇmaẖĕţò̇ţe֖yhá záhá֥b táhòֽwr׃

24
כִּכָּ֛ר זָהָ֥ב טָהֹ֖ור עָשָׂ֣ה אֹתָ֑הּ וְאֵ֖ת כָּל־כֵּלֶֽיהָ׃ פ

ki̇ká֛̇r záhá֥b táhò֖wr ʻáşá֣̂h ʼòţá֑ḣ wĕʼé֖ţ ká̇l־ké̇leֽyhá׃ p

25
וַיַּ֛עַשׂ אֶת־מִזְבַּ֥ח הַקְּטֹ֖רֶת עֲצֵ֣י שִׁטִּ֑ים אַמָּ֣ה אָרְכֹּו֩ וְאַמָּ֨ה רָחְבֹּ֜ו רָב֗וּעַ וְאַמָּתַ֨יִם֙ קֹֽמָתֹ֔ו מִמֶּ֖נּוּ הָי֥וּ קַרְנֹתָֽיו׃

wayȧ֛ʻaş̂ ʼeţ־mizĕbȧ֥ẖ haqĕ̇tò֖reţ ʻàẕé֣y şǐti֑̇ym ʼamá֣̇h ʼárĕkò̇w֩ wĕʼamá̇֨h ráẖĕbò̇֜w ráb֗ẇʻa wĕʼamá̇ţa֨yim֙ qòֽmáţò֔w mimė֖ṅẇ háy֥ẇ qarĕnòţáֽyw׃

26
וַיְצַ֨ף אֹתֹ֜ו זָהָ֣ב טָהֹ֗ור אֶת־גַּגֹּ֧ו וְאֶת־קִירֹתָ֛יו סָבִ֖יב וְאֶת־קַרְנֹתָ֑יו וַיַּ֥עַשׂ לֹ֛ו זֵ֥ר זָהָ֖ב סָבִֽיב׃

wayĕẕa֨p ʼòţò֜w záhá֣b táhò֗wr ʼeţ־gȧgò֧̇w wĕʼeţ־qiyròţá֛yw sábi֖yb wĕʼeţ־qarĕnòţá֑yw wayȧ֥ʻaş̂ lò֛w zé֥r záhá֖b sábiֽyb׃

27
וּשְׁתֵּי֩ טַבְּעֹ֨ת זָהָ֜ב עָֽשָׂה־לֹ֣ו׀ מִתַּ֣חַת לְזֵרֹ֗ו עַ֚ל שְׁתֵּ֣י צַלְעֹתָ֔יו עַ֖ל שְׁנֵ֣י צִדָּ֑יו לְבָתִּ֣ים לְבַדִּ֔ים לָשֵׂ֥את אֹתֹ֖ו בָּהֶֽם׃

ẇşĕ̌ţé̇y֩ tabĕ̇ʻò֨ţ záhá֜b ʻáֽşá̂h־lò֣w׀ miţȧ֣ẖaţ lĕzérò֗w ʻa֚l şĕ̌ţé֣̇y ẕalĕʻòţá֔yw ʻa֖l şĕ̌né֣y ẕidá֑̇yw lĕbáţi֣̇ym lĕbadi̇֔ym láşé֥̂ʼţ ʼòţò֖w bá̇heֽm׃

28
וַיַּ֥עַשׂ אֶת־הַבַּדִּ֖ים עֲצֵ֣י שִׁטִּ֑ים וַיְצַ֥ף אֹתָ֖ם זָהָֽב׃

wayȧ֥ʻaş̂ ʼeţ־habȧdi֖̇ym ʻàẕé֣y şǐti֑̇ym wayĕẕa֥p ʼòţá֖m záháֽb׃

29
וַיַּ֜עַשׂ אֶת־שֶׁ֤מֶן הַמִּשְׁחָה֙ קֹ֔דֶשׁ וְאֶת־קְטֹ֥רֶת הַסַּמִּ֖ים טָהֹ֑ור מַעֲשֵׂ֖ה רֹקֵֽחַ׃ פ

wayȧ֜ʻaş̂ ʼeţ־şě֤men hami̇şĕ̌ẖáh֙ qò֔deş̌ wĕʼeţ־qĕtò֥reţ hasȧmi֖̇ym táhò֑wr maʻàşé֖̂h ròqéֽẖa׃ p