Bibles in ancient languages
Old translations
Modern translations

Biblia Hebraica Stuttgartiensia Exodus 36

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וְעָשָׂה֩ בְצַלְאֵ֨ל וְאָהֳלִיאָ֜ב וְכֹ֣ל׀ אִ֣ישׁ חֲכַם־לֵ֗ב אֲשֶׁר֩ נָתַ֨ן יְהוָ֜ה חָכְמָ֤ה וּתְבוּנָה֙ בָּהֵ֔מָּה לָדַ֣עַת לַעֲשֹׂ֔ת אֶֽת־כָּל־מְלֶ֖אכֶת עֲבֹדַ֣ת הַקֹּ֑דֶשׁ לְכֹ֥ל אֲשֶׁר־צִוָּ֖ה יְהוָֽה׃

wĕʻáşá̂h֩ bĕẕalĕʼé֨l wĕʼáholiyʼá֜b wĕkò֣l׀ ʼi֣yş̌ ẖàkam־lé֗b ʼàşěr֩ náţa֨n yĕhwá֜h ẖákĕmá֤h ẇţĕbẇnáh֙ bá̇hé֔má̇h láda֣ʻaţ laʻàşò̂֔ţ ʼeֽţ־ká̇l־mĕle֖ʼkeţ ʻàbòda֣ţ haqò֑̇deş̌ lĕkò֥l ʼàşěr־ẕiwá֖̇h yĕhwáֽh׃

2
וַיִּקְרָ֣א מֹשֶׁ֗ה אֶל־בְּצַלְאֵל֮ וְאֶל־אָֽהֳלִיאָב֒ וְאֶל֙ כָּל־אִ֣ישׁ חֲכַם־לֵ֔ב אֲשֶׁ֨ר נָתַ֧ן יְהוָ֛ה חָכְמָ֖ה בְּלִבֹּ֑ו כֹּ֚ל אֲשֶׁ֣ר נְשָׂאֹ֣ו לִבֹּ֔ו לְקָרְבָ֥ה אֶל־הַמְּלָאכָ֖ה לַעֲשֹׂ֥ת אֹתָֽהּ׃

wayi̇qĕrá֣ʼ mòşě֗h ʼel־bĕ̇ẕalĕʼél֮ wĕʼel־ʼáֽholiyʼáb֒ wĕʼel֙ ká̇l־ʼi֣yş̌ ẖàkam־lé֔b ʼàşě֨r náţa֧n yĕhwá֛h ẖákĕmá֖h bĕ̇libò֑̇w kò֚̇l ʼàşě֣r nĕşá̂ʼò֣w libò̇֔w lĕqárĕbá֥h ʼel־hamĕ̇láʼká֖h laʻàşò֥̂ţ ʼòţáֽḣ׃

3
וַיִּקְח֞וּ מִלִּפְנֵ֣י מֹשֶׁ֗ה אֵ֤ת כָּל־הַתְּרוּמָה֙ אֲשֶׁ֨ר הֵבִ֜יאוּ בְּנֵ֣י יִשְׂרָאֵ֗ל לִמְלֶ֛אכֶת עֲבֹדַ֥ת הַקֹּ֖דֶשׁ לַעֲשֹׂ֣ת אֹתָ֑הּ וְ֠הֵם הֵבִ֨יאוּ אֵלָ֥יו עֹ֛וד נְדָבָ֖ה בַּבֹּ֥קֶר בַּבֹּֽקֶר׃

wayi̇qĕẖ֞ẇ mili̇pĕné֣y mòşě֗h ʼé֤ţ ká̇l־haţĕ̇rẇmáh֙ ʼàşě֨r hébi֜yʼẇ bĕ̇né֣y yişĕ̂ráʼé֗l limĕle֛ʼkeţ ʻàbòda֥ţ haqò֖̇deş̌ laʻàşò֣̂ţ ʼòţá֑ḣ wĕ֠hém hébi֨yʼẇ ʼélá֥yw ʻò֛wd nĕdábá֖h bȧbò֥̇qer bȧbòֽ̇qer׃

4
וַיָּבֹ֨אוּ֙ כָּל־הַ֣חֲכָמִ֔ים הָעֹשִׂ֕ים אֵ֖ת כָּל־מְלֶ֣אכֶת הַקֹּ֑דֶשׁ אִֽישׁ־אִ֥ישׁ מִמְּלַאכְתֹּ֖ו אֲשֶׁר־הֵ֥מָּה עֹשִֽׂים׃

wayá̇bò֨ʼẇ֙ ká̇l־ha֣ẖàkámi֔ym háʻòşî֕ym ʼé֖ţ ká̇l־mĕle֣ʼkeţ haqò֑̇deş̌ ʼiֽyş̌־ʼi֥yş̌ mimĕ̇laʼkĕţò֖̇w ʼàşěr־hé֥má̇h ʻòşîֽym׃

5
וַיֹּאמְרוּ֙ אֶל־מֹשֶׁ֣ה לֵּאמֹ֔ר מַרְבִּ֥ים הָעָ֖ם לְהָבִ֑יא מִדֵּ֤י הָֽעֲבֹדָה֙ לַמְּלָאכָ֔ה אֲשֶׁר־צִוָּ֥ה יְהוָ֖ה לַעֲשֹׂ֥ת אֹתָֽהּ׃

wayò̇ʼmĕrẇ֙ ʼel־mòşě֣h lé̇ʼmò֔r marĕbi֥̇ym háʻá֖m lĕhábi֑yʼ midé֤̇y háֽʻàbòdáh֙ lamĕ̇láʼká֔h ʼàşěr־ẕiwá֥̇h yĕhwá֖h laʻàşò֥̂ţ ʼòţáֽḣ׃

6
וַיְצַ֣ו מֹשֶׁ֗ה וַיַּעֲבִ֨ירוּ קֹ֥ול בַּֽמַּחֲנֶה֮ לֵאמֹר֒ אִ֣ישׁ וְאִשָּׁ֗ה אַל־יַעֲשׂוּ־עֹ֛וד מְלָאכָ֖ה לִתְרוּמַ֣ת הַקֹּ֑דֶשׁ וַיִּכָּלֵ֥א הָעָ֖ם מֵהָבִֽיא׃

wayĕẕa֣w mòşě֗h wayȧʻàbi֨yrẇ qò֥wl bȧֽmȧẖàneh֮ léʼmòr֒ ʼi֣yş̌ wĕʼişá̇̌֗h ʼal־yaʻàş̂ẇ־ʻò֛wd mĕláʼká֖h liţĕrẇma֣ţ haqò֑̇deş̌ wayi̇ká̇lé֥ʼ háʻá֖m méhábiֽyʼ׃

7
וְהַמְּלָאכָ֗ה הָיְתָ֥ה דַיָּ֛ם לְכָל־הַמְּלָאכָ֖ה לַעֲשֹׂ֣ות אֹתָ֑הּ וְהֹותֵֽר׃ ס

wĕhamĕ̇láʼká֗h háyĕţá֥h dayá֛̇m lĕkál־hamĕ̇láʼká֖h laʻàşò֣̂wţ ʼòţá֑ḣ wĕhòwţéֽr׃ s

8
וַיַּעֲשׂ֨וּ כָל־חֲכַם־לֵ֜ב בְּעֹשֵׂ֧י הַמְּלָאכָ֛ה אֶת־הַמִּשְׁכָּ֖ן עֶ֣שֶׂר יְרִיעֹ֑ת שֵׁ֣שׁ מָשְׁזָ֗ר וּתְכֵ֤לֶת וְאַרְגָּמָן֙ וְתֹולַ֣עַת שָׁנִ֔י כְּרֻבִ֛ים מַעֲשֵׂ֥ה חֹשֵׁ֖ב עָשָׂ֥ה אֹתָֽם׃

wayȧʻàş̂֨ẇ kál־ẖàkam־lé֜b bĕ̇ʻòşé֧̂y hamĕ̇láʼká֛h ʼeţ־hami̇şĕ̌ká֖̇n ʻe֣şêr yĕriyʻò֑ţ şé֣̌ş̌ máşĕ̌zá֗r ẇţĕké֤leţ wĕʼarĕgá̇mán֙ wĕţòwla֣ʻaţ şá̌ni֔y kĕ̇rubi֛ym maʻàşé֥̂h ẖòşé֖̌b ʻáşá֥̂h ʼòţáֽm׃

9
אֹ֜רֶךְ הַיְרִיעָ֣ה הָֽאַחַ֗ת שְׁמֹנֶ֤ה וְעֶשְׂרִים֙ בָּֽאַמָּ֔ה וְרֹ֨חַב֙ אַרְבַּ֣ע בָּֽאַמָּ֔ה הַיְרִיעָ֖ה הָאֶחָ֑ת מִדָּ֥ה אַחַ֖ת לְכָל־הַיְרִיעֹֽת׃

ʼò֜rekĕ hayĕriyʻá֣h háֽʼaẖa֗ţ şĕ̌mòne֤h wĕʻeşĕ̂riym֙ báֽ̇ʼamá̇֔h wĕrò֨ẖab֙ ʼarĕbȧ֣ʻ báֽ̇ʼamá̇֔h hayĕriyʻá֖h háʼeẖá֑ţ midá֥̇h ʼaẖa֖ţ lĕkál־hayĕriyʻòֽţ׃

10
וַיְחַבֵּר֙ אֶת־חֲמֵ֣שׁ הַיְרִיעֹ֔ת אַחַ֖ת אֶל־אֶחָ֑ת וְחָמֵ֤שׁ יְרִיעֹת֙ חִבַּ֔ר אַחַ֖ת אֶל־אֶחָֽת׃

wayĕẖabé̇r֙ ʼeţ־ẖàmé֣ş̌ hayĕriyʻò֔ţ ʼaẖa֖ţ ʼel־ʼeẖá֑ţ wĕẖámé֤ş̌ yĕriyʻòţ֙ ẖibȧ֔r ʼaẖa֖ţ ʼel־ʼeẖáֽţ׃

11
וַיַּ֜עַשׂ לֻֽלְאֹ֣ת תְּכֵ֗לֶת עַ֣ל שְׂפַ֤ת הַיְרִיעָה֙ הָֽאֶחָ֔ת מִקָּצָ֖ה בַּמַּחְבָּ֑רֶת כֵּ֤ן עָשָׂה֙ בִּשְׂפַ֣ת הַיְרִיעָ֔ה הַקִּ֣יצֹונָ֔ה בַּמַּחְבֶּ֖רֶת הַשֵּׁנִֽית׃

wayȧ֜ʻaş̂ luֽlĕʼò֣ţ ţĕ̇ké֗leţ ʻa֣l şĕ̂pa֤ţ hayĕriyʻáh֙ háֽʼeẖá֔ţ miqá̇ẕá֖h bȧmȧẖĕbá֑̇reţ ké֤̇n ʻáşá̂h֙ bi̇şĕ̂pa֣ţ hayĕriyʻá֔h haqi֣̇yẕòwná֔h bȧmȧẖĕbė֖reţ haşé̇̌niֽyţ׃

12
חֲמִשִּׁ֣ים לֻלָאֹ֗ת עָשָׂה֮ בַּיְרִיעָ֣ה הָאֶחָת֒ וַחֲמִשִּׁ֣ים לֻלָאֹ֗ת עָשָׂה֙ בִּקְצֵ֣ה הַיְרִיעָ֔ה אֲשֶׁ֖ר בַּמַּחְבֶּ֣רֶת הַשֵּׁנִ֑ית מַקְבִּילֹת֙ הַלֻּ֣לָאֹ֔ת אַחַ֖ת אֶל־אֶחָֽת׃

ẖàmişi֣̇̌ym luláʼò֗ţ ʻáşá̂h֮ bȧyĕriyʻá֣h háʼeẖáţ֒ waẖàmişi֣̇̌ym luláʼò֗ţ ʻáşá̂h֙ bi̇qĕẕé֣h hayĕriyʻá֔h ʼàşě֖r bȧmȧẖĕbė֣reţ haşé̇̌ni֑yţ maqĕbi̇ylòţ֙ halu֣̇láʼò֔ţ ʼaẖa֖ţ ʼel־ʼeẖáֽţ׃

13
וַיַּ֕עַשׂ חֲמִשִּׁ֖ים קַרְסֵ֣י זָהָ֑ב וַיְחַבֵּ֨ר אֶת־הַיְרִעֹ֜ת אַחַ֤ת אֶל־אַחַת֙ בַּקְּרָסִ֔ים וַֽיְהִ֥י הַמִּשְׁכָּ֖ן אֶחָֽד׃ ס

wayȧ֕ʻaş̂ ẖàmişi֖̇̌ym qarĕsé֣y záhá֑b wayĕẖabé̇֨r ʼeţ־hayĕriʻò֜ţ ʼaẖa֤ţ ʼel־ʼaẖaţ֙ bȧqĕ̇rási֔ym waֽyĕhi֥y hami̇şĕ̌ká֖̇n ʼeẖáֽd׃ s

14
וַיַּ֨עַשׂ֙ יְרִיעֹ֣ת עִזִּ֔ים לְאֹ֖הֶל עַל־הַמִּשְׁכָּ֑ן עַשְׁתֵּֽי־עֶשְׂרֵ֥ה יְרִיעֹ֖ת עָשָׂ֥ה אֹתָֽם׃

wayȧ֨ʻaş̂֙ yĕriyʻò֣ţ ʻizi̇֔ym lĕʼò֖hel ʻal־hami̇şĕ̌ká֑̇n ʻaşĕ̌ţéֽ̇y־ʻeşĕ̂ré֥h yĕriyʻò֖ţ ʻáşá֥̂h ʼòţáֽm׃

15
אֹ֜רֶךְ הַיְרִיעָ֣ה הָאַחַ֗ת שְׁלֹשִׁים֙ בָּֽאַמָּ֔ה וְאַרְבַּ֣ע אַמֹּ֔ות רֹ֖חַב הַיְרִיעָ֣ה הָאֶחָ֑ת מִדָּ֣ה אַחַ֔ת לְעַשְׁתֵּ֥י עֶשְׂרֵ֖ה יְרִיעֹֽת׃

ʼò֜rekĕ hayĕriyʻá֣h háʼaẖa֗ţ şĕ̌lòşǐym֙ báֽ̇ʼamá̇֔h wĕʼarĕbȧ֣ʻ ʼamò̇֔wţ rò֖ẖab hayĕriyʻá֣h háʼeẖá֑ţ midá֣̇h ʼaẖa֔ţ lĕʻaşĕ̌ţé֥̇y ʻeşĕ̂ré֖h yĕriyʻòֽţ׃

16
וַיְחַבֵּ֛ר אֶת־חֲמֵ֥שׁ הַיְרִיעֹ֖ת לְבָ֑ד וְאֶת־שֵׁ֥שׁ הַיְרִיעֹ֖ת לְבָֽד׃

wayĕẖabé֛̇r ʼeţ־ẖàmé֥ş̌ hayĕriyʻò֖ţ lĕbá֑d wĕʼeţ־şé֥̌ş̌ hayĕriyʻò֖ţ lĕbáֽd׃

17
וַיַּ֜עַשׂ לֻֽלָאֹ֣ת חֲמִשִּׁ֗ים עַ֚ל שְׂפַ֣ת הַיְרִיעָ֔ה הַקִּיצֹנָ֖ה בַּמַּחְבָּ֑רֶת וַחֲמִשִּׁ֣ים לֻלָאֹ֗ת עָשָׂה֙ עַל־שְׂפַ֣ת הַיְרִיעָ֔ה הַחֹבֶ֖רֶת הַשֵּׁנִֽית׃

wayȧ֜ʻaş̂ luֽláʼò֣ţ ẖàmişi̇̌֗ym ʻa֚l şĕ̂pa֣ţ hayĕriyʻá֔h haqi̇yẕòná֖h bȧmȧẖĕbá֑̇reţ waẖàmişi֣̇̌ym luláʼò֗ţ ʻáşá̂h֙ ʻal־şĕ̂pa֣ţ hayĕriyʻá֔h haẖòbe֖reţ haşé̇̌niֽyţ׃

18
וַיַּ֛עַשׂ קַרְסֵ֥י נְחֹ֖שֶׁת חֲמִשִּׁ֑ים לְחַבֵּ֥ר אֶת־הָאֹ֖הֶל לִהְיֹ֥ת אֶחָֽד׃

wayȧ֛ʻaş̂ qarĕsé֥y nĕẖò֖şěţ ẖàmişi֑̇̌ym lĕẖabé֥̇r ʼeţ־háʼò֖hel lihĕyò֥ţ ʼeẖáֽd׃

19
וַיַּ֤עַשׂ מִכְסֶה֙ לָאֹ֔הֶל עֹרֹ֥ת אֵלִ֖ים מְאָדָּמִ֑ים וּמִכְסֵ֛ה עֹרֹ֥ת תְּחָשִׁ֖ים מִלְמָֽעְלָה׃ ס

wayȧ֤ʻaş̂ mikĕseh֙ láʼò֔hel ʻòrò֥ţ ʼéli֖ym mĕʼádá̇mi֑ym ẇmikĕsé֛h ʻòrò֥ţ ţĕ̇ẖáşǐ֖ym milĕmáֽʻĕláh׃ s

20
וַיַּ֥עַשׂ אֶת־הַקְּרָשִׁ֖ים לַמִּשְׁכָּ֑ן עֲצֵ֥י שִׁטִּ֖ים עֹמְדִֽים׃

wayȧ֥ʻaş̂ ʼeţ־haqĕ̇ráşǐ֖ym lami̇şĕ̌ká֑̇n ʻàẕé֥y şǐti֖̇ym ʻòmĕdiֽym׃

21
עֶ֥שֶׂר אַמֹּ֖ת אֹ֣רֶךְ הַקָּ֑רֶשׁ וְאַמָּה֙ וַחֲצִ֣י הָֽאַמָּ֔ה רֹ֖חַב הַקֶּ֥רֶשׁ הָאֶחָֽד׃

ʻe֥şêr ʼamò֖̇ţ ʼò֣rekĕ haqá֑̇reş̌ wĕʼamá̇h֙ waẖàẕi֣y háֽʼamá̇֔h rò֖ẖab haqė֥reş̌ háʼeẖáֽd׃

22
שְׁתֵּ֣י יָדֹ֗ת לַקֶּ֨רֶשׁ֙ הָֽאֶחָ֔ד מְשֻׁלָּבֹ֔ת אַחַ֖ת אֶל־אֶחָ֑ת כֵּ֣ן עָשָׂ֔ה לְכֹ֖ל קַרְשֵׁ֥י הַמִּשְׁכָּֽן׃

şĕ̌ţé֣̇y yádò֗ţ laqė֨reş̌֙ háֽʼeẖá֔d mĕşǔlá̇bò֔ţ ʼaẖa֖ţ ʼel־ʼeẖá֑ţ ké֣̇n ʻáşá̂֔h lĕkò֖l qarĕşé֥̌y hami̇şĕ̌káֽ̇n׃

23
וַיַּ֥עַשׂ אֶת־הַקְּרָשִׁ֖ים לַמִּשְׁכָּ֑ן עֶשְׂרִ֣ים קְרָשִׁ֔ים לִפְאַ֖ת נֶ֥גֶב תֵּימָֽנָה׃

wayȧ֥ʻaş̂ ʼeţ־haqĕ̇ráşǐ֖ym lami̇şĕ̌ká֑̇n ʻeşĕ̂ri֣ym qĕráşǐ֔ym lipĕʼa֖ţ ne֥geb ţé̇ymáֽnáh׃

24
וְאַרְבָּעִים֙ אַדְנֵי־כֶ֔סֶף עָשָׂ֕ה תַּ֖חַת עֶשְׂרִ֣ים הַקְּרָשִׁ֑ים שְׁנֵ֨י אֲדָנִ֜ים תַּֽחַת־הַקֶּ֤רֶשׁ הָאֶחָד֙ לִשְׁתֵּ֣י יְדֹתָ֔יו וּשְׁנֵ֧י אֲדָנִ֛ים תַּֽחַת־הַקֶּ֥רֶשׁ הָאֶחָ֖ד לִשְׁתֵּ֥י יְדֹתָֽיו׃

wĕʼarĕbá̇ʻiym֙ ʼadĕnéy־ke֔sep ʻáşá̂֕h ţȧ֖ẖaţ ʻeşĕ̂ri֣ym haqĕ̇ráşǐ֑ym şĕ̌né֨y ʼàdáni֜ym ţȧֽẖaţ־haqė֤reş̌ háʼeẖád֙ lişĕ̌ţé֣̇y yĕdòţá֔yw ẇşĕ̌né֧y ʼàdáni֛ym ţȧֽẖaţ־haqė֥reş̌ háʼeẖá֖d lişĕ̌ţé֥̇y yĕdòţáֽyw׃

25
וּלְצֶ֧לַע הַמִּשְׁכָּ֛ן הַשֵּׁנִ֖ית לִפְאַ֣ת צָפֹ֑ון עָשָׂ֖ה עֶשְׂרִ֥ים קְרָשִֽׁים׃

ẇlĕẕe֧laʻ hami̇şĕ̌ká֛̇n haşé̇̌ni֖yţ lipĕʼa֣ţ ẕápò֑wn ʻáşá֖̂h ʻeşĕ̂ri֥ym qĕráşǐֽym׃

26
וְאַרְבָּעִ֥ים אַדְנֵיהֶ֖ם כָּ֑סֶף שְׁנֵ֣י אֲדָנִ֗ים תַּ֚חַת הַקֶּ֣רֶשׁ הָאֶחָ֔ד וּשְׁנֵ֣י אֲדָנִ֔ים תַּ֖חַת הַקֶּ֥רֶשׁ הָאֶחָֽד׃

wĕʼarĕbá̇ʻi֥ym ʼadĕnéyhe֖m ká֑̇sep şĕ̌né֣y ʼàdáni֗ym ţȧ֚ẖaţ haqė֣reş̌ háʼeẖá֔d ẇşĕ̌né֣y ʼàdáni֔ym ţȧ֖ẖaţ haqė֥reş̌ háʼeẖáֽd׃

27
וּֽלְיַרְכְּתֵ֥י הַמִּשְׁכָּ֖ן יָ֑מָּה עָשָׂ֖ה שִׁשָּׁ֥ה קְרָשִֽׁים׃

ẇֽlĕyarĕkĕ̇ţé֥y hami̇şĕ̌ká֖̇n yá֑má̇h ʻáşá֖̂h şǐşá֥̇̌h qĕráşǐֽym׃

28
וּשְׁנֵ֤י קְרָשִׁים֙ עָשָׂ֔ה לִמְקֻצְעֹ֖ת הַמִּשְׁכָּ֑ן בַּיַּרְכָתָֽיִם׃

ẇşĕ̌né֤y qĕráşǐym֙ ʻáşá̂֔h limĕquẕĕʻò֖ţ hami̇şĕ̌ká֑̇n bȧyȧrĕkáţáֽyim׃

29
וְהָי֣וּ תֹואֲמִם֮ מִלְּמַטָּה֒ וְיַחְדָּ֗ו יִהְי֤וּ תַמִּים֙ אֶל־רֹאשֹׁ֔ו אֶל־הַטַּבַּ֖עַת הָאֶחָ֑ת כֵּ֚ן עָשָׂ֣ה לִשְׁנֵיהֶ֔ם לִשְׁנֵ֖י הַמִּקְצֹעֹֽת׃

wĕháy֣ẇ ţòwʼàmim֮ milĕ̇matá̇h֒ wĕyaẖĕdá̇֗w yihĕy֤ẇ ţami̇ym֙ ʼel־ròʼşò̌֔w ʼel־hatȧbȧ֖ʻaţ háʼeẖá֑ţ ké֚̇n ʻáşá֣̂h lişĕ̌néyhe֔m lişĕ̌né֖y hami̇qĕẕòʻòֽţ׃

30
וְהָיוּ֙ שְׁמֹנָ֣ה קְרָשִׁ֔ים וְאַדְנֵיהֶ֣ם כֶּ֔סֶף שִׁשָּׁ֥ה עָשָׂ֖ר אֲדָנִ֑ים שְׁנֵ֤י אֲדָנִים֙ שְׁנֵ֣י אֲדָנִ֔ים תַּ֖חַת הַקֶּ֥רֶשׁ הָאֶחָֽד׃

wĕháyẇ֙ şĕ̌mòná֣h qĕráşǐ֔ym wĕʼadĕnéyhe֣m kė֔sep şǐşá֥̇̌h ʻáşá֖̂r ʼàdáni֑ym şĕ̌né֤y ʼàdániym֙ şĕ̌né֣y ʼàdáni֔ym ţȧ֖ẖaţ haqė֥reş̌ háʼeẖáֽd׃

31
וַיַּ֥עַשׂ בְּרִיחֵ֖י עֲצֵ֣י שִׁטִּ֑ים חֲמִשָּׁ֕ה לְקַרְשֵׁ֥י צֶֽלַע־הַמִּשְׁכָּ֖ן הָאֶחָֽת׃

wayȧ֥ʻaş̂ bĕ̇riyẖé֖y ʻàẕé֣y şǐti֑̇ym ẖàmişá̇̌֕h lĕqarĕşé֥̌y ẕeֽlaʻ־hami̇şĕ̌ká֖̇n háʼeẖáֽţ׃

32
וַחֲמִשָּׁ֣ה בְרִיחִ֔ם לְקַרְשֵׁ֥י צֶֽלַע־הַמִּשְׁכָּ֖ן הַשֵּׁנִ֑ית וַחֲמִשָּׁ֤ה בְרִיחִם֙ לְקַרְשֵׁ֣י הַמִּשְׁכָּ֔ן לַיַּרְכָתַ֖יִם יָֽמָּה׃

waẖàmişá֣̇̌h bĕriyẖi֔m lĕqarĕşé֥̌y ẕeֽlaʻ־hami̇şĕ̌ká֖̇n haşé̇̌ni֑yţ waẖàmişá֤̇̌h bĕriyẖim֙ lĕqarĕşé֣̌y hami̇şĕ̌ká̇֔n layȧrĕkáţa֖yim yáֽmá̇h׃

33
וַיַּ֖עַשׂ אֶת־הַבְּרִ֣יחַ הַתִּיכֹ֑ן לִבְרֹ֨חַ֙ בְּתֹ֣וךְ הַקְּרָשִׁ֔ים מִן־הַקָּצֶ֖ה אֶל־הַקָּצֶֽה׃

wayȧ֖ʻaş̂ ʼeţ־habĕ̇ri֣yẖa haţi̇ykò֑n libĕrò֨ẖa֙ bĕ̇ţò֣wkĕ haqĕ̇ráşǐ֔ym min־haqá̇ẕe֖h ʼel־haqá̇ẕeֽh׃

34
וְֽאֶת־הַקְּרָשִׁ֞ים צִפָּ֣ה זָהָ֗ב וְאֶת־טַבְּעֹתָם֙ עָשָׂ֣ה זָהָ֔ב בָּתִּ֖ים לַבְּרִיחִ֑ם וַיְצַ֥ף אֶת־הַבְּרִיחִ֖ם זָהָֽב׃

wĕֽʼeţ־haqĕ̇ráşǐ֞ym ẕipá֣̇h záhá֗b wĕʼeţ־tabĕ̇ʻòţám֙ ʻáşá֣̂h záhá֔b bá̇ţi֖̇ym labĕ̇riyẖi֑m wayĕẕa֥p ʼeţ־habĕ̇riyẖi֖m záháֽb׃

35
וַיַּ֨עַשׂ֙ אֶת־הַפָּרֹ֔כֶת תְּכֵ֧לֶת וְאַרְגָּמָ֛ן וְתֹולַ֥עַת שָׁנִ֖י וְשֵׁ֣שׁ מָשְׁזָ֑ר מַעֲשֵׂ֥ה חֹשֵׁ֛ב עָשָׂ֥ה אֹתָ֖הּ כְּרֻבִֽים׃

wayȧ֨ʻaş̂֙ ʼeţ־hapá̇rò֔keţ ţĕ̇ké֧leţ wĕʼarĕgá̇má֛n wĕţòwla֥ʻaţ şá̌ni֖y wĕşé֣̌ş̌ máşĕ̌zá֑r maʻàşé֥̂h ẖòşé֛̌b ʻáşá֥̂h ʼòţá֖ḣ kĕ̇rubiֽym׃

36
וַיַּ֣עַשׂ לָ֗הּ אַרְבָּעָה֙ עַמּוּדֵ֣י שִׁטִּ֔ים וַיְצַפֵּ֣ם זָהָ֔ב וָוֵיהֶ֖ם זָהָ֑ב וַיִּצֹ֣ק לָהֶ֔ם אַרְבָּעָ֖ה אַדְנֵי־כָֽסֶף׃

wayȧ֣ʻaş̂ lá֗ḣ ʼarĕbá̇ʻáh֙ ʻaṁẇdé֣y şǐti̇֔ym wayĕẕapé֣̇m záhá֔b wáwéyhe֖m záhá֑b wayi̇ẕò֣q láhe֔m ʼarĕbá̇ʻá֖h ʼadĕnéy־káֽsep׃

37
וַיַּ֤עַשׂ מָסָךְ֙ לְפֶ֣תַח הָאֹ֔הֶל תְּכֵ֧לֶת וְאַרְגָּמָ֛ן וְתֹולַ֥עַת שָׁנִ֖י וְשֵׁ֣שׁ מָשְׁזָ֑ר מַעֲשֵׂ֖ה רֹקֵֽם׃

wayȧ֤ʻaş̂ másákĕ֙ lĕpe֣ţaẖ háʼò֔hel ţĕ̇ké֧leţ wĕʼarĕgá̇má֛n wĕţòwla֥ʻaţ şá̌ni֖y wĕşé֣̌ş̌ máşĕ̌zá֑r maʻàşé֖̂h ròqéֽm׃

38
וְאֶת־עַמּוּדָ֤יו חֲמִשָּׁה֙ וְאֶת־וָ֣וֵיהֶ֔ם וְצִפָּ֧ה רָאשֵׁיהֶ֛ם וַחֲשֻׁקֵיהֶ֖ם זָהָ֑ב וְאַדְנֵיהֶ֥ם חֲמִשָּׁ֖ה נְחֹֽשֶׁת׃ פ

wĕʼeţ־ʻaṁẇdá֤yw ẖàmişá̇̌h֙ wĕʼeţ־wá֣wéyhe֔m wĕẕipá֧̇h ráʼşé̌yhe֛m waẖàşǔqéyhe֖m záhá֑b wĕʼadĕnéyhe֥m ẖàmişá֖̇̌h nĕẖòֽşěţ׃ p