Bibles in ancient languages
Old translations
Modern translations

Biblia Hebraica Stuttgartiensia Exodus 40

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

wayĕdabé֥̇r yĕhwá֖h ʼel־mòşě֥h lé̇ʼmòֽr׃

2
בְּיֹום־הַחֹ֥דֶשׁ הָרִאשֹׁ֖ון בְּאֶחָ֣ד לַחֹ֑דֶשׁ תָּקִ֕ים אֶת־מִשְׁכַּ֖ן אֹ֥הֶל מֹועֵֽד׃

bĕ̇yòwm־haẖò֥deş̌ háriʼşò֖̌wn bĕ̇ʼeẖá֣d laẖò֑deş̌ ţá̇qi֕ym ʼeţ־mişĕ̌kȧ֖n ʼò֥hel mòwʻéֽd׃

3
וְשַׂמְתָּ֣ שָׁ֔ם אֵ֖ת אֲרֹ֣ון הָעֵד֑וּת וְסַכֹּתָ֥ עַל־הָאָרֹ֖ן אֶת־הַפָּרֹֽכֶת׃

wĕşâmĕţá֣̇ şá̌֔m ʼé֖ţ ʼàrò֣wn háʻéd֑ẇţ wĕsakò̇ţá֥ ʻal־háʼárò֖n ʼeţ־hapá̇ròֽkeţ׃

4
וְהֵבֵאתָ֙ אֶת־הַשֻּׁלְחָ֔ן וְעָרַכְתָּ֖ אֶת־עֶרְכֹּ֑ו וְהֵבֵאתָ֙ אֶת־הַמְּנֹרָ֔ה וְהַעֲלֵיתָ֖ אֶת־נֵרֹתֶֽיהָ׃

wĕhébéʼţá֙ ʼeţ־haşu̇̌lĕẖá֔n wĕʻárakĕţá֖̇ ʼeţ־ʻerĕkò֑̇w wĕhébéʼţá֙ ʼeţ־hamĕ̇nòrá֔h wĕhaʻàléyţá֖ ʼeţ־néròţeֽyhá׃

5
וְנָתַתָּ֞ה אֶת־מִזְבַּ֤ח הַזָּהָב֙ לִקְטֹ֔רֶת לִפְנֵ֖י אֲרֹ֣ון הָעֵדֻ֑ת וְשַׂמְתָּ֛ אֶת־מָסַ֥ךְ הַפֶּ֖תַח לַמִּשְׁכָּֽן׃

wĕnáţaţá̇֞h ʼeţ־mizĕbȧ֤ẖ hazá̇háb֙ liqĕtò֔reţ lipĕné֖y ʼàrò֣wn háʻédu֑ţ wĕşâmĕţá֛̇ ʼeţ־mása֥kĕ hapė֖ţaẖ lami̇şĕ̌káֽ̇n׃

6
וְנָ֣תַתָּ֔ה אֵ֖ת מִזְבַּ֣ח הָעֹלָ֑ה לִפְנֵ֕י פֶּ֖תַח מִשְׁכַּ֥ן אֹֽהֶל־מֹועֵֽד׃

wĕná֣ţaţá̇֔h ʼé֖ţ mizĕbȧ֣ẖ háʻòlá֑h lipĕné֕y pė֖ţaẖ mişĕ̌kȧ֥n ʼòֽhel־mòwʻéֽd׃

7
וְנָֽתַתָּ֙ אֶת־הַכִּיֹּ֔ר בֵּֽין־אֹ֥הֶל מֹועֵ֖ד וּבֵ֣ין הַמִּזְבֵּ֑חַ וְנָתַתָּ֥ שָׁ֖ם מָֽיִם׃

wĕnáֽţaţá̇֙ ʼeţ־haki̇yò̇֔r béֽ̇yn־ʼò֥hel mòwʻé֖d ẇbé֣yn hami̇zĕbé֑̇ẖa wĕnáţaţá֥̇ şá֖̌m máֽyim׃

8
וְשַׂמְתָּ֥ אֶת־הֶחָצֵ֖ר סָבִ֑יב וְנָ֣תַתָּ֔ אֶת־מָסַ֖ךְ שַׁ֥עַר הֶחָצֵֽר׃

wĕşâmĕţá֥̇ ʼeţ־heẖáẕé֖r sábi֑yb wĕná֣ţaţá̇֔ ʼeţ־mása֖kĕ şǎ֥ʻar heẖáẕéֽr׃

9
וְלָקַחְתָּ֙ אֶת־שֶׁ֣מֶן הַמִּשְׁחָ֔ה וּמָשַׁחְתָּ֥ אֶת־הַמִּשְׁכָּ֖ן וְאֶת־כָּל־אֲשֶׁר־בֹּ֑ו וְקִדַּשְׁתָּ֥ אֹתֹ֛ו וְאֶת־כָּל־כֵּלָ֖יו וְהָ֥יָה קֹֽדֶשׁ׃

wĕláqaẖĕţá̇֙ ʼeţ־şě֣men hami̇şĕ̌ẖá֔h ẇmáşǎẖĕţá֥̇ ʼeţ־hami̇şĕ̌ká֖̇n wĕʼeţ־ká̇l־ʼàşěr־bò֑̇w wĕqidȧşĕ̌ţá֥̇ ʼòţò֛w wĕʼeţ־ká̇l־ké̇lá֖yw wĕhá֥yáh qòֽdeş̌׃

10
וּמָשַׁחְתָּ֛ אֶת־מִזְבַּ֥ח הָעֹלָ֖ה וְאֶת־כָּל־כֵּלָ֑יו וְקִדַּשְׁתָּ֙ אֶת־הַמִּזְבֵּ֔חַ וְהָיָ֥ה הַמִּזְבֵּ֖חַ קֹ֥דֶשׁ קָֽדָשִֽׁים׃

ẇmáşǎẖĕţá֛̇ ʼeţ־mizĕbȧ֥ẖ háʻòlá֖h wĕʼeţ־ká̇l־ké̇lá֑yw wĕqidȧşĕ̌ţá̇֙ ʼeţ־hami̇zĕbé̇֔ẖa wĕháyá֥h hami̇zĕbé֖̇ẖa qò֥deş̌ qáֽdáşǐֽym׃

11
וּמָשַׁחְתָּ֥ אֶת־הַכִּיֹּ֖ר וְאֶת־כַּנֹּ֑ו וְקִדַּשְׁתָּ֖ אֹתֹֽו׃

ẇmáşǎẖĕţá֥̇ ʼeţ־haki̇yò֖̇r wĕʼeţ־kȧnò֑̇w wĕqidȧşĕ̌ţá֖̇ ʼòţòֽw׃

12
וְהִקְרַבְתָּ֤ אֶֽת־אַהֲרֹן֙ וְאֶת־בָּנָ֔יו אֶל־פֶּ֖תַח אֹ֣הֶל מֹועֵ֑ד וְרָחַצְתָּ֥ אֹתָ֖ם בַּמָּֽיִם׃

wĕhiqĕrabĕţá֤̇ ʼeֽţ־ʼahàròn֙ wĕʼeţ־bá̇ná֔yw ʼel־pė֖ţaẖ ʼò֣hel mòwʻé֑d wĕráẖaẕĕţá֥̇ ʼòţá֖m bȧmáֽ̇yim׃

13
וְהִלְבַּשְׁתָּ֙ אֶֽת־אַהֲרֹ֔ן אֵ֖ת בִּגְדֵ֣י הַקֹּ֑דֶשׁ וּמָשַׁחְתָּ֥ אֹתֹ֛ו וְקִדַּשְׁתָּ֥ אֹתֹ֖ו וְכִהֵ֥ן לִֽי׃

wĕhilĕbȧşĕ̌ţá̇֙ ʼeֽţ־ʼahàrò֔n ʼé֖ţ bi̇gĕdé֣y haqò֑̇deş̌ ẇmáşǎẖĕţá֥̇ ʼòţò֛w wĕqidȧşĕ̌ţá֥̇ ʼòţò֖w wĕkihé֥n liֽy׃

14
וְאֶת־בָּנָ֖יו תַּקְרִ֑יב וְהִלְבַּשְׁתָּ֥ אֹתָ֖ם כֻּתֳּנֹֽת׃

wĕʼeţ־bá̇ná֖yw ţȧqĕri֑yb wĕhilĕbȧşĕ̌ţá֥̇ ʼòţá֖m ku̇ţȯnòֽţ׃

15
וּמָשַׁחְתָּ֣ אֹתָ֗ם כַּאֲשֶׁ֤ר מָשַׁ֨חְתָּ֙ אֶת־אֲבִיהֶ֔ם וְכִהֲנ֖וּ לִ֑י וְ֠הָיְתָה לִהְיֹ֨ת לָהֶ֧ם מָשְׁחָתָ֛ם לִכְהֻנַּ֥ת עֹולָ֖ם לְדֹרֹתָֽם׃

ẇmáşǎẖĕţá֣̇ ʼòţá֗m kȧʼàşě֤r máşǎ֨ẖĕţá̇֙ ʼeţ־ʼàbiyhe֔m wĕkihàn֖ẇ li֑y wĕ֠háyĕţáh lihĕyò֨ţ láhe֧m máşĕ̌ẖáţá֛m likĕhunȧ֥ţ ʻòwlá֖m lĕdòròţáֽm׃

16
וַיַּ֖עַשׂ מֹשֶׁ֑ה כְּ֠כֹל אֲשֶׁ֨ר צִוָּ֧ה יְהוָ֛ה אֹתֹ֖ו כֵּ֥ן עָשָֽׂה׃ ס

wayȧ֖ʻaş̂ mòşě֑h kĕ̇֠kòl ʼàşě֨r ẕiwá֧̇h yĕhwá֛h ʼòţò֖w ké֥̇n ʻáşáֽ̂h׃ s

17
וַיְהִ֞י בַּחֹ֧דֶשׁ הָרִאשֹׁ֛ון בַּשָּׁנָ֥ה הַשֵּׁנִ֖ית בְּאֶחָ֣ד לַחֹ֑דֶשׁ הוּקַ֖ם הַמִּשְׁכָּֽן׃

wayĕhi֞y bȧẖò֧deş̌ háriʼşò֛̌wn bȧşá̇̌ná֥h haşé̇̌ni֖yţ bĕ̇ʼeẖá֣d laẖò֑deş̌ hẇqa֖m hami̇şĕ̌káֽ̇n׃

18
וַיָּ֨קֶם מֹשֶׁ֜ה אֶת־הַמִּשְׁכָּ֗ן וַיִּתֵּן֙ אֶת־אֲדָנָ֔יו וַיָּ֨שֶׂם֙ אֶת־קְרָשָׁ֔יו וַיִּתֵּ֖ן אֶת־בְּרִיחָ֑יו וַיָּ֖קֶם אֶת־עַמּוּדָֽיו׃

wayá̇֨qem mòşě֜h ʼeţ־hami̇şĕ̌ká̇֗n wayi̇ţé̇n֙ ʼeţ־ʼàdáná֔yw wayá̇֨şêm֙ ʼeţ־qĕráşá̌֔yw wayi̇ţé֖̇n ʼeţ־bĕ̇riyẖá֑yw wayá֖̇qem ʼeţ־ʻaṁẇdáֽyw׃

19
וַיִּפְרֹ֤שׂ אֶת־הָאֹ֨הֶל֙ עַל־הַמִּשְׁכָּ֔ן וַיָּ֜שֶׂם אֶת־מִכְסֵ֥ה הָאֹ֛הֶל עָלָ֖יו מִלְמָ֑עְלָה כַּאֲשֶׁ֛ר צִוָּ֥ה יְהוָ֖ה אֶת־מֹשֶֽׁה׃ ס

wayi̇pĕrò֤ş̂ ʼeţ־háʼò֨hel֙ ʻal־hami̇şĕ̌ká̇֔n wayá̇֜şêm ʼeţ־mikĕsé֥h háʼò֛hel ʻálá֖yw milĕmá֑ʻĕláh kȧʼàşě֛r ẕiwá֥̇h yĕhwá֖h ʼeţ־mòşěֽh׃ s

20
וַיִּקַּ֞ח וַיִּתֵּ֤ן אֶת־הָעֵדֻת֙ אֶל־הָ֣אָרֹ֔ן וַיָּ֥שֶׂם אֶת־הַבַּדִּ֖ים עַל־הָאָרֹ֑ן וַיִּתֵּ֧ן אֶת־הַכַּפֹּ֛רֶת עַל־הָאָרֹ֖ן מִלְמָֽעְלָה׃

wayi̇qȧ֞ẖ wayi̇ţé֤̇n ʼeţ־háʻéduţ֙ ʼel־há֣ʼárò֔n wayá֥̇şêm ʼeţ־habȧdi֖̇ym ʻal־háʼárò֑n wayi̇ţé֧̇n ʼeţ־hakȧpò֛̇reţ ʻal־háʼárò֖n milĕmáֽʻĕláh׃

21
וַיָּבֵ֣א אֶת־הָאָרֹן֮ אֶל־הַמִּשְׁכָּן֒ וַיָּ֗שֶׂם אֵ֚ת פָּרֹ֣כֶת הַמָּסָ֔ךְ וַיָּ֕סֶךְ עַ֖ל אֲרֹ֣ון הָעֵד֑וּת כַּאֲשֶׁ֛ר צִוָּ֥ה יְהוָ֖ה אֶת־מֹשֶֽׁה׃ ס

wayá̇bé֣ʼ ʼeţ־háʼáròn֮ ʼel־hami̇şĕ̌ká̇n֒ wayá̇֗şêm ʼé֚ţ pá̇rò֣keţ hamá̇sá֔kĕ wayá̇֕sekĕ ʻa֖l ʼàrò֣wn háʻéd֑ẇţ kȧʼàşě֛r ẕiwá֥̇h yĕhwá֖h ʼeţ־mòşěֽh׃ s

22
וַיִּתֵּ֤ן אֶת־הַשֻּׁלְחָן֙ בְּאֹ֣הֶל מֹועֵ֔ד עַ֛ל יֶ֥רֶךְ הַמִּשְׁכָּ֖ן צָפֹ֑נָה מִח֖וּץ לַפָּרֹֽכֶת׃

wayi̇ţé֤̇n ʼeţ־haşu̇̌lĕẖán֙ bĕ̇ʼò֣hel mòwʻé֔d ʻa֛l ye֥rekĕ hami̇şĕ̌ká֖̇n ẕápò֑náh miẖ֖ẇẕ lapá̇ròֽkeţ׃

23
וַיַּעֲרֹ֥ךְ עָלָ֛יו עֵ֥רֶךְ לֶ֖חֶם לִפְנֵ֣י יְהוָ֑ה כַּאֲשֶׁ֛ר צִוָּ֥ה יְהוָ֖ה אֶת־מֹשֶֽׁה׃ ס

wayȧʻàrò֥kĕ ʻálá֛yw ʻé֥rekĕ le֖ẖem lipĕné֣y yĕhwá֑h kȧʼàşě֛r ẕiwá֥̇h yĕhwá֖h ʼeţ־mòşěֽh׃ s

24
וַיָּ֤שֶׂם אֶת־הַמְּנֹרָה֙ בְּאֹ֣הֶל מֹועֵ֔ד נֹ֖כַח הַשֻּׁלְחָ֑ן עַ֛ל יֶ֥רֶךְ הַמִּשְׁכָּ֖ן נֶֽגְבָּה׃

wayá֤̇şêm ʼeţ־hamĕ̇nòráh֙ bĕ̇ʼò֣hel mòwʻé֔d nò֖kaẖ haşu̇̌lĕẖá֑n ʻa֛l ye֥rekĕ hami̇şĕ̌ká֖̇n neֽgĕbá̇h׃

25
וַיַּ֥עַל הַנֵּרֹ֖ת לִפְנֵ֣י יְהוָ֑ה כַּאֲשֶׁ֛ר צִוָּ֥ה יְהוָ֖ה אֶת־מֹשֶֽׁה׃ ס

wayȧ֥ʻal hané̇rò֖ţ lipĕné֣y yĕhwá֑h kȧʼàşě֛r ẕiwá֥̇h yĕhwá֖h ʼeţ־mòşěֽh׃ s

26
וַיָּ֛שֶׂם אֶת־מִזְבַּ֥ח הַזָּהָ֖ב בְּאֹ֣הֶל מֹועֵ֑ד לִפְנֵ֖י הַפָּרֹֽכֶת׃

wayá֛̇şêm ʼeţ־mizĕbȧ֥ẖ hazá̇há֖b bĕ̇ʼò֣hel mòwʻé֑d lipĕné֖y hapá̇ròֽkeţ׃

27
וַיַּקְטֵ֥ר עָלָ֖יו קְטֹ֣רֶת סַמִּ֑ים כַּאֲשֶׁ֛ר צִוָּ֥ה יְהוָ֖ה אֶת־מֹשֶֽׁה׃ פ

wayȧqĕté֥r ʻálá֖yw qĕtò֣reţ sami֑̇ym kȧʼàşě֛r ẕiwá֥̇h yĕhwá֖h ʼeţ־mòşěֽh׃ p

28
וַיָּ֛שֶׂם אֶת־מָסַ֥ךְ הַפֶּ֖תַח לַמִּשְׁכָּֽן׃

wayá֛̇şêm ʼeţ־mása֥kĕ hapė֖ţaẖ lami̇şĕ̌káֽ̇n׃

29
וְאֵת֙ מִזְבַּ֣ח הָעֹלָ֔ה שָׂ֕ם פֶּ֖תַח מִשְׁכַּ֣ן אֹֽהֶל־מֹועֵ֑ד וַיַּ֣עַל עָלָ֗יו אֶת־הָעֹלָה֙ וְאֶת־הַמִּנְחָ֔ה כַּאֲשֶׁ֛ר צִוָּ֥ה יְהוָ֖ה אֶת־מֹשֶֽׁה׃ ס

wĕʼéţ֙ mizĕbȧ֣ẖ háʻòlá֔h şá̂֕m pė֖ţaẖ mişĕ̌kȧ֣n ʼòֽhel־mòwʻé֑d wayȧ֣ʻal ʻálá֗yw ʼeţ־háʻòláh֙ wĕʼeţ־hami̇nĕẖá֔h kȧʼàşě֛r ẕiwá֥̇h yĕhwá֖h ʼeţ־mòşěֽh׃ s

30
וַיָּ֨שֶׂם֙ אֶת־הַכִּיֹּ֔ר בֵּֽין־אֹ֥הֶל מֹועֵ֖ד וּבֵ֣ין הַמִּזְבֵּ֑חַ וַיִּתֵּ֥ן שָׁ֛מָּה מַ֖יִם לְרָחְצָֽה׃

wayá̇֨şêm֙ ʼeţ־haki̇yò̇֔r béֽ̇yn־ʼò֥hel mòwʻé֖d ẇbé֣yn hami̇zĕbé֑̇ẖa wayi̇ţé֥̇n şá֛̌má̇h ma֖yim lĕráẖĕẕáֽh׃

31
וְרָחֲצ֣וּ מִמֶּ֔נּוּ מֹשֶׁ֖ה וְאַהֲרֹ֣ן וּבָנָ֑יו אֶת־יְדֵיהֶ֖ם וְאֶת־רַגְלֵיהֶֽם׃

wĕráẖàẕ֣ẇ mimė֔ṅẇ mòşě֖h wĕʼahàrò֣n ẇbáná֑yw ʼeţ־yĕdéyhe֖m wĕʼeţ־ragĕléyheֽm׃

32
בְּבֹאָ֞ם אֶל־אֹ֣הֶל מֹועֵ֗ד וּבְקָרְבָתָ֛ם אֶל־הַמִּזְבֵּ֖חַ יִרְחָ֑צוּ כַּאֲשֶׁ֛ר צִוָּ֥ה יְהוָ֖ה אֶת־מֹשֶֽׁה׃ ס

bĕ̇bòʼá֞m ʼel־ʼò֣hel mòwʻé֗d ẇbĕqárĕbáţá֛m ʼel־hami̇zĕbé֖̇ẖa yirĕẖá֑ẕẇ kȧʼàşě֛r ẕiwá֥̇h yĕhwá֖h ʼeţ־mòşěֽh׃ s

33
וַיָּ֣קֶם אֶת־הֶחָצֵ֗ר סָבִיב֙ לַמִּשְׁכָּ֣ן וְלַמִּזְבֵּ֔חַ וַיִּתֵּ֕ן אֶת־מָסַ֖ךְ שַׁ֣עַר הֶחָצֵ֑ר וַיְכַ֥ל מֹשֶׁ֖ה אֶת־הַמְּלָאכָֽה׃ פ

wayá֣̇qem ʼeţ־heẖáẕé֗r sábiyb֙ lami̇şĕ̌ká֣̇n wĕlami̇zĕbé̇֔ẖa wayi̇ţé̇֕n ʼeţ־mása֖kĕ şǎ֣ʻar heẖáẕé֑r wayĕka֥l mòşě֖h ʼeţ־hamĕ̇láʼkáֽh׃ p

34
וַיְכַ֥ס הֶעָנָ֖ן אֶת־אֹ֣הֶל מֹועֵ֑ד וּכְבֹ֣וד יְהוָ֔ה מָלֵ֖א אֶת־הַמִּשְׁכָּֽן׃

wayĕka֥s heʻáná֖n ʼeţ־ʼò֣hel mòwʻé֑d ẇkĕbò֣wd yĕhwá֔h málé֖ʼ ʼeţ־hami̇şĕ̌káֽ̇n׃

35
וְלֹא־יָכֹ֣ל מֹשֶׁ֗ה לָבֹוא֙ אֶל־אֹ֣הֶל מֹועֵ֔ד כִּֽי־שָׁכַ֥ן עָלָ֖יו הֶעָנָ֑ן וּכְבֹ֣וד יְהוָ֔ה מָלֵ֖א אֶת־הַמִּשְׁכָּֽן׃

wĕlòʼ־yákò֣l mòşě֗h lábòwʼ֙ ʼel־ʼò֣hel mòwʻé֔d kiֽ̇y־şá̌ka֥n ʻálá֖yw heʻáná֑n ẇkĕbò֣wd yĕhwá֔h málé֖ʼ ʼeţ־hami̇şĕ̌káֽ̇n׃

36
וּבְהֵעָלֹ֤ות הֶֽעָנָן֙ מֵעַ֣ל הַמִּשְׁכָּ֔ן יִסְע֖וּ בְּנֵ֣י יִשְׂרָאֵ֑ל בְּכֹ֖ל מַסְעֵיהֶֽם׃

ẇbĕhéʻálò֤wţ heֽʻánán֙ méʻa֣l hami̇şĕ̌ká̇֔n yisĕʻ֖ẇ bĕ̇né֣y yişĕ̂ráʼé֑l bĕ̇kò֖l masĕʻéyheֽm׃

37
וְאִם־לֹ֥א יֵעָלֶ֖ה הֶעָנָ֑ן וְלֹ֣א יִסְע֔וּ עַד־יֹ֖ום הֵעָלֹתֹֽו׃

wĕʼim־lò֥ʼ yéʻále֖h heʻáná֑n wĕlò֣ʼ yisĕʻ֔ẇ ʻad־yò֖wm héʻálòţòֽw׃

38
כִּי֩ עֲנַ֨ן יְהוָ֤ה עַֽל־הַמִּשְׁכָּן֙ יֹומָ֔ם וְאֵ֕שׁ תִּהְיֶ֥ה לַ֖יְלָה בֹּ֑ו לְעֵינֵ֥י כָל־בֵּֽית־יִשְׂרָאֵ֖ל בְּכָל־מַסְעֵיהֶֽם׃

ki̇y֩ ʻàna֨n yĕhwá֤h ʻaֽl־hami̇şĕ̌ká̇n֙ yòwmá֔m wĕʼé֕ş̌ ţi̇hĕye֥h la֖yĕláh bò֑̇w lĕʻéyné֥y kál־béֽ̇yţ־yişĕ̂ráʼé֖l bĕ̇kál־masĕʻéyheֽm׃