Bibles in ancient languages
Old translations
Modern translations

Biblia Hebraica Stuttgartiensia Ezekiel 13

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיְהִ֥י דְבַר־יְהוָ֖ה אֵלַ֥י לֵאמֹֽר׃

wayĕhi֥y dĕbar־yĕhwá֖h ʼéla֥y léʼmòֽr׃

2
בֶּן־אָדָ֕ם הִנָּבֵ֛א אֶל־נְבִיאֵ֥י יִשְׂרָאֵ֖ל הַנִּבָּאִ֑ים וְאָֽמַרְתָּ֙ לִנְבִיאֵ֣י מִלִּבָּ֔ם שִׁמְע֖וּ דְּבַר־יְהוָֽה׃

bėn־ʼádá֕m hiná̇bé֛ʼ ʼel־nĕbiyʼé֥y yişĕ̂ráʼé֖l hani̇bá̇ʼi֑ym wĕʼáֽmarĕţá̇֙ linĕbiyʼé֣y mili̇bá̇֔m şǐmĕʻ֖ẇ dĕ̇bar־yĕhwáֽh׃

3
כֹּ֤ה אָמַר֙ אֲדֹנָ֣י יְהוִ֔ה הֹ֖וי עַל־הַנְּבִיאִ֣ים הַנְּבָלִ֑ים אֲשֶׁ֥ר הֹלְכִ֛ים אַחַ֥ר רוּחָ֖ם וּלְבִלְתִּ֥י רָאֽוּ׃

kò֤̇h ʼámar֙ ʼàdòná֣y yĕhwi֔h hò֖wy ʻal־hanĕ̇biyʼi֣ym hanĕ̇báli֑ym ʼàşě֥r hòlĕki֛ym ʼaẖa֥r rẇẖá֖m ẇlĕbilĕţi֥̇y ráʼֽẇ׃

4
כְּשֻׁעָלִ֖ים בָּחֳרָבֹ֑ות נְבִיאֶ֥יךָ יִשְׂרָאֵ֖ל הָיֽוּ׃

kĕ̇şǔʻáli֖ym bá̇ẖorábò֑wţ nĕbiyʼe֥yká yişĕ̂ráʼé֖l háyֽẇ׃

5
לֹ֤א עֲלִיתֶם֙ בַּפְּרָצֹ֔ות וַתִּגְדְּר֥וּ גָדֵ֖ר עַל־בֵּ֣ית יִשְׂרָאֵ֑ל לַעֲמֹ֥ד בַּמִּלְחָמָ֖ה בְּיֹ֥ום יְהוָֽה׃

lò֤ʼ ʻàliyţem֙ bȧpĕ̇ráẕò֔wţ waţi̇gĕdĕ̇r֥ẇ gádé֖r ʻal־bé֣̇yţ yişĕ̂ráʼé֑l laʻàmò֥d bȧmi̇lĕẖámá֖h bĕ̇yò֥wm yĕhwáֽh׃

6
חָ֤זוּ שָׁוְא֙ וְקֶ֣סֶם כָּזָ֔ב הָאֹֽמְרִים֙ נְאֻם־יְהוָ֔ה וַֽיהוָ֖ה לֹ֣א שְׁלָחָ֑ם וְיִֽחֲל֖וּ לְקַיֵּ֥ם דָּבָֽר׃

ẖá֤zẇ şá̌wĕʼ֙ wĕqe֣sem ká̇zá֔b háʼòֽmĕriym֙ nĕʼum־yĕhwá֔h waֽyhwá֖h lò֣ʼ şĕ̌láẖá֑m wĕyiֽẖàl֖ẇ lĕqayé֥̇m dá̇báֽr׃

7
הֲלֹ֤וא מַֽחֲזֵה־שָׁוְא֙ חֲזִיתֶ֔ם וּמִקְסַ֥ם כָּזָ֖ב אֲמַרְתֶּ֑ם וְאֹֽמְרִים֙ נְאֻם־יְהוָ֔ה וַאֲנִ֖י לֹ֥א דִבַּֽרְתִּי׃ ס

hàlò֤wʼ maֽẖàzéh־şá̌wĕʼ֙ ẖàziyţe֔m ẇmiqĕsa֥m ká̇zá֖b ʼàmarĕţė֑m wĕʼòֽmĕriym֙ nĕʼum־yĕhwá֔h waʼàni֖y lò֥ʼ dibȧֽrĕţi̇y׃ s

8
לָכֵ֗ן כֹּ֤ה אָמַר֙ אֲדֹנָ֣י יְהוִ֔ה יַ֚עַן דַּבֶּרְכֶ֣ם שָׁ֔וְא וַחֲזִיתֶ֖ם כָּזָ֑ב לָכֵן֙ הִנְנִ֣י אֲלֵיכֶ֔ם נְאֻ֖ם אֲדֹנָ֥י יְהוִֽה׃

láké֗n kò֤̇h ʼámar֙ ʼàdòná֣y yĕhwi֔h ya֚ʻan dȧbėrĕke֣m şá̌֔wĕʼ waẖàziyţe֖m ká̇zá֑b lákén֙ hinĕni֣y ʼàléyke֔m nĕʼu֖m ʼàdòná֥y yĕhwiֽh׃

9
וְהָיְתָ֣ה יָדִ֗י אֶֽל־הַנְּבִיאִ֞ים הַחֹזִ֣ים שָׁוְא֮ וְהַקֹּסְמִ֣ים כָּזָב֒ בְּסֹ֧וד עַמִּ֣י לֹֽא־יִהְי֗וּ וּבִכְתָ֤ב בֵּֽית־יִשְׂרָאֵל֙ לֹ֣א יִכָּתֵ֔בוּ וְאֶל־אַדְמַ֥ת יִשְׂרָאֵ֖ל לֹ֣א יָבֹ֑אוּ וִידַעְתֶּ֕ם כִּ֥י אֲנִ֖י אֲדֹנָ֥י יְהוִֽה׃

wĕháyĕţá֣h yádi֗y ʼeֽl־hanĕ̇biyʼi֞ym haẖòzi֣ym şá̌wĕʼ֮ wĕhaqò̇sĕmi֣ym ká̇záb֒ bĕ̇sò֧wd ʻami֣̇y lòֽʼ־yihĕy֗ẇ ẇbikĕţá֤b béֽ̇yţ־yişĕ̂ráʼél֙ lò֣ʼ yiká̇ţé֔bẇ wĕʼel־ʼadĕma֥ţ yişĕ̂ráʼé֖l lò֣ʼ yábò֑ʼẇ wiydaʻĕţė֕m ki֥̇y ʼàni֖y ʼàdòná֥y yĕhwiֽh׃

10
יַ֣עַן וּבְיַ֜עַן הִטְע֧וּ אֶת־עַמִּ֛י לֵאמֹ֥ר שָׁלֹ֖ום וְאֵ֣ין שָׁלֹ֑ום וְהוּא֙ בֹּ֣נֶה חַ֔יִץ וְהִנָּ֛ם טָחִ֥ים אֹתֹ֖ו תָּפֵֽל׃

ya֣ʻan ẇbĕya֜ʻan hitĕʻ֧ẇ ʼeţ־ʻami֛̇y léʼmò֥r şá̌lò֖wm wĕʼé֣yn şá̌lò֑wm wĕhẇʼ֙ bò֣̇neh ẖa֔yiẕ wĕhiná֛̇m táẖi֥ym ʼòţò֖w ţá̇péֽl׃

11
אֱמֹ֛ר אֶל־טָחֵ֥י תָפֵ֖ל וְיִפֹּ֑ל הָיָ֣ה׀ גֶּ֣שֶׁם שֹׁוטֵ֗ף וְאַתֵּ֜נָה אַבְנֵ֤י אֶלְגָּבִישׁ֙ תִּפֹּ֔לְנָה וְר֥וּחַ סְעָרֹ֖ות תְּבַקֵּֽעַ׃

ʼèmò֛r ʼel־táẖé֥y ţápé֖l wĕyipò֑̇l háyá֣h׀ gė֣şěm şò̌wté֗p wĕʼaţé̇֜náh ʼabĕné֤y ʼelĕgá̇biyş̌֙ ţi̇pò̇֔lĕnáh wĕr֥ẇẖa sĕʻárò֖wţ ţĕ̇baqéֽ̇ʻa׃

12
וְהִנֵּ֖ה נָפַ֣ל הַקִּ֑יר הֲלֹוא֙ יֵאָמֵ֣ר אֲלֵיכֶ֔ם אַיֵּ֥ה הַטִּ֖יחַ אֲשֶׁ֥ר טַחְתֶּֽם׃ ס

wĕhiné֖̇h nápa֣l haqi֑̇yr hàlòwʼ֙ yéʼámé֣r ʼàléyke֔m ʼayé֥̇h hati֖̇yẖa ʼàşě֥r taẖĕţėֽm׃ s

13
לָכֵ֗ן כֹּ֤ה אָמַר֙ אֲדֹנָ֣י יְהוִ֔ה וּבִקַּעְתִּ֥י רֽוּחַ־סְעָרֹ֖ות בַּֽחֲמָתִ֑י וְגֶ֤שֶׁם שֹׁטֵף֙ בְּאַפִּ֣י יִֽהְיֶ֔ה וְאַבְנֵ֥י אֶלְגָּבִ֖ישׁ בְּחֵמָ֥ה לְכָלָֽה׃

láké֗n kò֤̇h ʼámar֙ ʼàdòná֣y yĕhwi֔h ẇbiqȧʻĕţi֥̇y rֽẇẖa־sĕʻárò֖wţ bȧֽẖàmáţi֑y wĕge֤şěm şò̌tép֙ bĕ̇ʼapi֣̇y yiֽhĕye֔h wĕʼabĕné֥y ʼelĕgá̇bi֖yş̌ bĕ̇ẖémá֥h lĕkáláֽh׃

14
וְהָ֨רַסְתִּ֜י אֶת־הַקִּ֨יר אֲשֶׁר־טַחְתֶּ֥ם תָּפֵ֛ל וְהִגַּעְתִּ֥יהוּ אֶל־הָאָ֖רֶץ וְנִגְלָ֣ה יְסֹדֹ֑ו וְנָֽפְלָה֙ וּכְלִיתֶ֣ם בְּתֹוכָ֔הּ וִֽידַעְתֶּ֖ם כִּֽי־אֲנִ֥י יְהוָֽה׃

wĕhá֨rasĕţi̇֜y ʼeţ־haqi̇֨yr ʼàşěr־taẖĕţė֥m ţá̇pé֛l wĕhigȧʻĕţi֥̇yhẇ ʼel־háʼá֖reẕ wĕnigĕlá֣h yĕsòdò֑w wĕnáֽpĕláh֙ ẇkĕliyţe֣m bĕ̇ţòwká֔ḣ wiֽydaʻĕţė֖m kiֽ̇y־ʼàni֥y yĕhwáֽh׃

15
וְכִלֵּיתִ֤י אֶת־חֲמָתִי֙ בַּקִּ֔יר וּבַטָּחִ֥ים אֹתֹ֖ו תָּפֵ֑ל וְאֹמַ֤ר לָכֶם֙ אֵ֣ין הַקִּ֔יר וְאֵ֖ין הַטָּחִ֥ים אֹתֹֽו׃

wĕkilé̇yţi֤y ʼeţ־ẖàmáţiy֙ bȧqi̇֔yr ẇbatá̇ẖi֥ym ʼòţò֖w ţá̇pé֑l wĕʼòma֤r lákem֙ ʼé֣yn haqi̇֔yr wĕʼé֖yn hatá̇ẖi֥ym ʼòţòֽw׃

16
נְבִיאֵ֣י יִשְׂרָאֵ֗ל הַֽנִבְּאִים֙ אֶל־יְר֣וּשָׁלִַ֔ם וְהַחֹזִ֥ים לָ֖הּ חֲזֹ֣ון שָׁלֹ֑ם וְאֵ֣ין שָׁלֹ֔ם נְאֻ֖ם אֲדֹנָ֥י יְהֹוִֽה׃ פ

nĕbiyʼé֣y yişĕ̂ráʼé֗l haֽnibĕ̇ʼiym֙ ʼel־yĕr֣ẇşá̌lia֔m wĕhaẖòzi֥ym lá֖ḣ ẖàzò֣wn şá̌lò֑m wĕʼé֣yn şá̌lò֔m nĕʼu֖m ʼàdòná֥y yĕhòwiֽh׃ p

17
וְאַתָּ֣ה בֶן־אָדָ֗ם שִׂ֤ים פָּנֶ֨יךָ֙ אֶל־בְּנֹ֣ות עַמְּךָ֔ הַמִּֽתְנַבְּאֹ֖ות מִֽלִּבְּהֶ֑ן וְהִנָּבֵ֖א עֲלֵיהֶֽן׃

wĕʼaţá֣̇h ben־ʼádá֗m şî֤ym pá̇ne֨yká֙ ʼel־bĕ̇nò֣wţ ʻamĕ̇ká֔ hamiֽ̇ţĕnabĕ̇ʼò֖wţ miֽli̇bĕ̇he֑n wĕhiná̇bé֖ʼ ʻàléyheֽn׃

18
וְאָמַרְתָּ֞ כֹּה־אָמַ֣ר׀ אֲדֹנָ֣י יְהוִ֗ה הֹוי֩ לִֽמְתַפְּרֹ֨ות כְּסָתֹ֜ות עַ֣ל׀ כָּל־אַצִּילֵ֣י יָדַ֗י וְעֹשֹׂ֧ות הַמִּסְפָּחֹ֛ות עַל־רֹ֥אשׁ כָּל־קֹומָ֖ה לְצֹודֵ֣ד נְפָשֹׁ֑ות הַנְּפָשֹׁות֙ תְּצֹודֵ֣דְנָה לְעַמִּ֔י וּנְפָשֹׁ֖ות לָכֶ֥נָה תְחַיֶּֽינָה׃

wĕʼámarĕţá̇֞ kò̇h־ʼáma֣r׀ ʼàdòná֣y yĕhwi֗h hòwy֩ liֽmĕţapĕ̇rò֨wţ kĕ̇sáţò֜wţ ʻa֣l׀ ká̇l־ʼaẕi̇ylé֣y yáda֗y wĕʻòşò֧̂wţ hami̇sĕpá̇ẖò֛wţ ʻal־rò֥ʼş̌ ká̇l־qòwmá֖h lĕẕòwdé֣d nĕpáşò֑̌wţ hanĕ̇páşò̌wţ֙ ţĕ̇ẕòwdé֣dĕnáh lĕʻami̇֔y ẇnĕpáşò֖̌wţ láke֥náh ţĕẖayėֽynáh׃

19
וַתְּחַלֶּלְ֨נָה אֹתִ֜י אֶל־עַמִּ֗י בְּשַׁעֲלֵ֣י שְׂעֹרִים֮ וּבִפְתֹ֣ותֵי לֶחֶם֒ לְהָמִ֤ית נְפָשֹׁות֙ אֲשֶׁ֣ר לֹֽא־תְמוּתֶ֔נָה וּלְחַיֹּ֥ות נְפָשֹׁ֖ות אֲשֶׁ֣ר לֹא־תִֽחְיֶ֑ינָה בְּכַ֨זֶּבְכֶ֔ם לְעַמִּ֖י שֹׁמְעֵ֥י כָזָֽב׃ ס

waţĕ̇ẖalėlĕ֨náh ʼòţi֜y ʼel־ʻami̇֗y bĕ̇şǎʻàlé֣y şĕ̂ʻòriym֮ ẇbipĕţò֣wţéy leẖem֒ lĕhámi֤yţ nĕpáşò̌wţ֙ ʼàşě֣r lòֽʼ־ţĕmẇţe֔náh ẇlĕẖayò֥̇wţ nĕpáşò֖̌wţ ʼàşě֣r lòʼ־ţiֽẖĕye֑ynáh bĕ̇ka֨zėbĕke֔m lĕʻami֖̇y şò̌mĕʻé֥y kázáֽb׃ s

20
לָכֵ֞ן כֹּה־אָמַ֣ר׀ אֲדֹנָ֣י יְהוִ֗ה הִנְנִ֤י אֶל־כִּסְּתֹותֵיכֶ֨נָה֙ אֲשֶׁ֣ר אַ֠תֵּנָה מְצֹדְדֹ֨ות שָׁ֤ם אֶת־הַנְּפָשֹׁות֙ לְפֹ֣רְחֹ֔ות וְקָרַעְתִּ֣י אֹתָ֔ם מֵעַ֖ל זְרֹועֹֽתֵיכֶ֑ם וְשִׁלַּחְתִּי֙ אֶת־הַנְּפָשֹׁ֔ות אֲשֶׁ֥ר אַתֶּ֛ם מְצֹדְדֹ֥ות אֶת־נְפָשִׁ֖ים לְפֹרְחֹֽת׃

láké֞n kò̇h־ʼáma֣r׀ ʼàdòná֣y yĕhwi֗h hinĕni֤y ʼel־ki̇sĕ̇ţòwţéyke֨náh֙ ʼàşě֣r ʼa֠ţé̇náh mĕẕòdĕdò֨wţ şá֤̌m ʼeţ־hanĕ̇páşò̌wţ֙ lĕpò֣rĕẖò֔wţ wĕqáraʻĕţi֣̇y ʼòţá֔m méʻa֖l zĕròwʻòֽţéyke֑m wĕşǐlȧẖĕţi̇y֙ ʼeţ־hanĕ̇páşò̌֔wţ ʼàşě֥r ʼaţė֛m mĕẕòdĕdò֥wţ ʼeţ־nĕpáşǐ֖ym lĕpòrĕẖòֽţ׃

21
וְקָרַעְתִּ֞י אֶת־מִסְפְּחֹֽתֵיכֶ֗ם וְהִצַּלְתִּ֤י אֶת־עַמִּי֙ מִיֶּדְכֶ֔ן וְלֹֽא־יִהְי֥וּ עֹ֛וד בְּיֶדְכֶ֖ן לִמְצוּדָ֑ה וִֽידַעְתֶּ֖ן כִּֽי־אֲנִ֥י יְהוָֽה׃

wĕqáraʻĕţi̇֞y ʼeţ־misĕpĕ̇ẖòֽţéyke֗m wĕhiẕȧlĕţi֤̇y ʼeţ־ʻami̇y֙ miyėdĕke֔n wĕlòֽʼ־yihĕy֥ẇ ʻò֛wd bĕ̇yedĕke֖n limĕẕẇdá֑h wiֽydaʻĕţė֖n kiֽ̇y־ʼàni֥y yĕhwáֽh׃

22
יַ֣עַן הַכְאֹ֤ות לֵב־צַדִּיק֙ שֶׁ֔קֶר וַאֲנִ֖י לֹ֣א הִכְאַבְתִּ֑יו וּלְחַזֵּק֙ יְדֵ֣י רָשָׁ֔ע לְבִלְתִּי־שׁ֛וּב מִדַּרְכֹּ֥ו הָרָ֖ע לְהַחֲיֹתֹֽו׃

ya֣ʻan hakĕʼò֤wţ léb־ẕadi̇yq֙ şě֔qer waʼàni֖y lò֣ʼ hikĕʼabĕţi֑̇yw ẇlĕẖazé̇q֙ yĕdé֣y ráşá̌֔ʻ lĕbilĕţi̇y־ş֛̌ẇb midȧrĕkò֥̇w hárá֖ʻ lĕhaẖàyòţòֽw׃

23
לָכֵ֗ן שָׁ֚וְא לֹ֣א תֶחֱזֶ֔ינָה וְקֶ֖סֶם לֹא־תִקְסַ֣מְנָה עֹ֑וד וְהִצַּלְתִּ֤י אֶת־עַמִּי֙ מִיֶּדְכֶ֔ן וִֽידַעְתֶּ֖ן כִּֽי־אֲנִ֥י יְהוָֽה׃

láké֗n şá֚̌wĕʼ lò֣ʼ ţeẖèze֔ynáh wĕqe֖sem lòʼ־ţiqĕsa֣mĕnáh ʻò֑wd wĕhiẕȧlĕţi֤̇y ʼeţ־ʻami̇y֙ miyėdĕke֔n wiֽydaʻĕţė֖n kiֽ̇y־ʼàni֥y yĕhwáֽh׃