Bibles in ancient languages
Old translations
Modern translations

Biblia Hebraica Stuttgartiensia Ezekiel 34

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיְהִ֥י דְבַר־יְהוָ֖ה אֵלַ֥י לֵאמֹֽר׃

wayĕhi֥y dĕbar־yĕhwá֖h ʼéla֥y léʼmòֽr׃

2
בֶּן־אָדָ֕ם הִנָּבֵ֖א עַל־רֹועֵ֣י יִשְׂרָאֵ֑ל הִנָּבֵ֣א וְאָמַרְתָּ֩ אֲלֵיהֶ֨ם לָרֹעִ֜ים כֹּ֥ה אָמַ֣ר׀ אֲדֹנָ֣י יְהוִ֗ה הֹ֤וי רֹעֵֽי־יִשְׂרָאֵל֙ אֲשֶׁ֤ר הָיוּ֙ רֹעִ֣ים אֹותָ֔ם הֲלֹ֣וא הַצֹּ֔אן יִרְע֖וּ הָרֹעִֽים׃

bėn־ʼádá֕m hiná̇bé֖ʼ ʻal־ròwʻé֣y yişĕ̂ráʼé֑l hiná̇bé֣ʼ wĕʼámarĕţá̇֩ ʼàléyhe֨m láròʻi֜ym kò֥̇h ʼáma֣r׀ ʼàdòná֣y yĕhwi֗h hò֤wy ròʻéֽy־yişĕ̂ráʼél֙ ʼàşě֤r háyẇ֙ ròʻi֣ym ʼòwţá֔m hàlò֣wʼ haẕò̇֔ʼn yirĕʻ֖ẇ háròʻiֽym׃

3
אֶת־הַחֵ֤לֶב תֹּאכֵ֨לוּ֙ וְאֶת־הַצֶּ֣מֶר תִּלְבָּ֔שׁוּ הַבְּרִיאָ֖ה תִּזְבָּ֑חוּ הַצֹּ֖אן לֹ֥א תִרְעֽוּ׃

ʼeţ־haẖé֤leb ţò̇ʼké֨lẇ֙ wĕʼeţ־haẕė֣mer ţi̇lĕbá̇֔ş̌ẇ habĕ̇riyʼá֖h ţi̇zĕbá֑̇ẖẇ haẕò֖̇ʼn lò֥ʼ ţirĕʻֽẇ׃

4
אֶֽת־הַנַּחְלֹות֩ לֹ֨א חִזַּקְתֶּ֜ם וְאֶת־הַחֹולָ֣ה לֹֽא־רִפֵּאתֶ֗ם וְלַנִּשְׁבֶּ֨רֶת֙ לֹ֣א חֲבַשְׁתֶּ֔ם וְאֶת־הַנִּדַּ֨חַת֙ לֹ֣א הֲשֵׁבֹתֶ֔ם וְאֶת־הָאֹבֶ֖דֶת לֹ֣א בִקַּשְׁתֶּ֑ם וּבְחָזְקָ֛ה רְדִיתֶ֥ם אֹתָ֖ם וּבְפָֽרֶךְ׃

ʼeֽţ־hanȧẖĕlòwţ֩ lò֨ʼ ẖizȧqĕţė֜m wĕʼeţ־haẖòwlá֣h lòֽʼ־ripé̇ʼţe֗m wĕlani̇şĕ̌bė֨reţ֙ lò֣ʼ ẖàbaşĕ̌ţė֔m wĕʼeţ־hani̇dȧ֨ẖaţ֙ lò֣ʼ hàşé̌bòţe֔m wĕʼeţ־háʼòbe֖deţ lò֣ʼ biqȧşĕ̌ţė֑m ẇbĕẖázĕqá֛h rĕdiyţe֥m ʼòţá֖m ẇbĕpáֽrekĕ׃

5
וַתְּפוּצֶ֖ינָה מִבְּלִ֣י רֹעֶ֑ה וַתִּהְיֶ֧ינָה לְאָכְלָ֛ה לְכָל־חַיַּ֥ת הַשָּׂדֶ֖ה וַתְּפוּצֶֽינָה׃

waţĕ̇pẇẕe֖ynáh mibĕ̇li֣y ròʻe֑h waţi̇hĕye֧ynáh lĕʼákĕlá֛h lĕkál־ẖayȧ֥ţ haşá̇̂de֖h waţĕ̇pẇẕeֽynáh׃

6
יִשְׁגּ֤וּ צֹאנִי֙ בְּכָל־הֶ֣הָרִ֔ים וְעַ֖ל כָּל־גִּבְעָ֣ה רָמָ֑ה וְעַ֨ל כָּל־פְּנֵ֤י הָאָ֨רֶץ֙ נָפֹ֣צוּ צֹאנִ֔י וְאֵ֥ין דֹּורֵ֖שׁ וְאֵ֥ין מְבַקֵּֽשׁ׃

yişĕ̌ġ֤ẇ ẕòʼniy֙ bĕ̇kál־he֣hári֔ym wĕʻa֖l ká̇l־gi̇bĕʻá֣h rámá֑h wĕʻa֨l ká̇l־pĕ̇né֤y háʼá֨reẕ֙ nápò֣ẕẇ ẕòʼni֔y wĕʼé֥yn dò̇wré֖ş̌ wĕʼé֥yn mĕbaqéֽ̇ş̌׃

7
לָכֵ֣ן רֹעִ֔ים שִׁמְע֖וּ אֶת־דְּבַ֥ר יְהוָֽה׃

láké֣n ròʻi֔ym şǐmĕʻ֖ẇ ʼeţ־dĕ̇ba֥r yĕhwáֽh׃

8
חַי־אָ֜נִי נְאֻ֣ם׀ אֲדֹנָ֣י יְהוִ֗ה אִם־לֹ֣א יַ֣עַן הֱיֹֽות־צֹאנִ֣י׀ לָבַ֡ז וַתִּֽהְיֶינָה֩ צֹאנִ֨י לְאָכְלָ֜ה לְכָל־חַיַּ֤ת הַשָּׂדֶה֙ מֵאֵ֣ין רֹעֶ֔ה וְלֹֽא־דָרְשׁ֥וּ רֹעַ֖י אֶת־צֹאנִ֑י וַיִּרְע֤וּ הָֽרֹעִים֙ אֹותָ֔ם וְאֶת־צֹאנִ֖י לֹ֥א רָעֽוּ׃ ס

ẖay־ʼá֜niy nĕʼu֣m׀ ʼàdòná֣y yĕhwi֗h ʼim־lò֣ʼ ya֣ʻan hèyòֽwţ־ẕòʼni֣y׀ lába֡z waţiֽ̇hĕyeynáh֩ ẕòʼni֨y lĕʼákĕlá֜h lĕkál־ẖayȧ֤ţ haşá̇̂deh֙ méʼé֣yn ròʻe֔h wĕlòֽʼ־dárĕş֥̌ẇ ròʻa֖y ʼeţ־ẕòʼni֑y wayi̇rĕʻ֤ẇ háֽròʻiym֙ ʼòwţá֔m wĕʼeţ־ẕòʼni֖y lò֥ʼ ráʻֽẇ׃ s

9
לָכֵן֙ הָֽרֹעִ֔ים שִׁמְע֖וּ דְּבַר־יְהוָֽה׃

lákén֙ háֽròʻi֔ym şǐmĕʻ֖ẇ dĕ̇bar־yĕhwáֽh׃

10
כֹּה־אָמַ֞ר אֲדֹנָ֣י יְהוִ֗ה הִנְנִ֨י אֶֽל־הָרֹעִ֜ים וְֽדָרַשְׁתִּ֧י אֶת־צֹאנִ֣י מִיָּדָ֗ם וְהִשְׁבַּתִּים֙ מֵרְעֹ֣ות צֹ֔אן וְלֹא־יִרְע֥וּ עֹ֛וד הָרֹעִ֖ים אֹותָ֑ם וְהִצַּלְתִּ֤י צֹאנִי֙ מִפִּיהֶ֔ם וְלֹֽא־תִהְיֶ֥יןָ לָהֶ֖ם לְאָכְלָֽה׃ ס

kò̇h־ʼáma֞r ʼàdòná֣y yĕhwi֗h hinĕni֨y ʼeֽl־háròʻi֜ym wĕֽdáraşĕ̌ţi֧̇y ʼeţ־ẕòʼni֣y miyá̇dá֗m wĕhişĕ̌bȧţi̇ym֙ mérĕʻò֣wţ ẕò֔ʼn wĕlòʼ־yirĕʻ֥ẇ ʻò֛wd háròʻi֖ym ʼòwţá֑m wĕhiẕȧlĕţi֤̇y ẕòʼniy֙ mipi̇yhe֔m wĕlòֽʼ־ţihĕye֥yná láhe֖m lĕʼákĕláֽh׃ s

11
כִּ֛י כֹּ֥ה אָמַ֖ר אֲדֹנָ֣י יְהוִ֑ה הִנְנִי־אָ֕נִי וְדָרַשְׁתִּ֥י אֶת־צֹאנִ֖י וּבִקַּרְתִּֽים׃

ki֛̇y kò֥̇h ʼáma֖r ʼàdòná֣y yĕhwi֑h hinĕniy־ʼá֕niy wĕdáraşĕ̌ţi֥̇y ʼeţ־ẕòʼni֖y ẇbiqȧrĕţiֽ̇ym׃

12
כְּבַקָּרַת֩ רֹעֶ֨ה עֶדְרֹ֜ו בְּיֹום־הֱיֹותֹ֤ו בְתֹוךְ־צֹאנֹו֙ נִפְרָשֹׁ֔ות כֵּ֖ן אֲבַקֵּ֣ר אֶת־צֹאנִ֑י וְהִצַּלְתִּ֣י אֶתְהֶ֗ם מִכָּל־הַמְּקֹומֹת֙ אֲשֶׁ֣ר נָפֹ֣צוּ שָׁ֔ם בְּיֹ֥ום עָנָ֖ן וַעֲרָפֶֽל׃

kĕ̇baqá̇raţ֩ ròʻe֨h ʻedĕrò֜w bĕ̇yòwm־hèyòwţò֤w bĕţòwkĕ־ẕòʼnòw֙ nipĕráşò̌֔wţ ké֖̇n ʼàbaqé֣̇r ʼeţ־ẕòʼni֑y wĕhiẕȧlĕţi֣̇y ʼeţĕhe֗m miká̇l־hamĕ̇qòwmòţ֙ ʼàşě֣r nápò֣ẕẇ şá̌֔m bĕ̇yò֥wm ʻáná֖n waʻàrápeֽl׃

13
וְהֹוצֵאתִ֣ים מִן־הָעַמִּ֗ים וְקִבַּצְתִּים֙ מִן־הָ֣אֲרָצֹ֔ות וַהֲבִיאֹתִ֖ים אֶל־אַדְמָתָ֑ם וּרְעִיתִים֙ אֶל־הָרֵ֣י יִשְׂרָאֵ֔ל בָּאֲפִיקִ֕ים וּבְכֹ֖ל מֹושְׁבֵ֥י הָאָֽרֶץ׃

wĕhòwẕéʼţi֣ym min־háʻami̇֗ym wĕqibȧẕĕţi̇ym֙ min־há֣ʼàráẕò֔wţ wahàbiyʼòţi֖ym ʼel־ʼadĕmáţá֑m ẇrĕʻiyţiym֙ ʼel־háré֣y yişĕ̂ráʼé֔l bá̇ʼàpiyqi֕ym ẇbĕkò֖l mòwşĕ̌bé֥y háʼáֽreẕ׃

14
בְּמִרְעֶה־טֹּוב֙ אֶרְעֶ֣ה אֹתָ֔ם וּבְהָרֵ֥י מְרֹֽום־יִשְׂרָאֵ֖ל יִהְיֶ֣ה נְוֵהֶ֑ם שָׁ֤ם תִּרְבַּ֨צְנָה֙ בְּנָ֣וֶה טֹּ֔וב וּמִרְעֶ֥ה שָׁמֵ֛ן תִּרְעֶ֖ינָה אֶל־הָרֵ֥י יִשְׂרָאֵֽל׃

bĕ̇mirĕʻeh־tò̇wb֙ ʼerĕʻe֣h ʼòţá֔m ẇbĕháré֥y mĕròֽwm־yişĕ̂ráʼé֖l yihĕye֣h nĕwéhe֑m şá֤̌m ţi̇rĕbȧ֨ẕĕnáh֙ bĕ̇ná֣weh tò̇֔wb ẇmirĕʻe֥h şá̌mé֛n ţi̇rĕʻe֖ynáh ʼel־háré֥y yişĕ̂ráʼéֽl׃

15
אֲנִ֨י אֶרְעֶ֤ה צֹאנִי֙ וַאֲנִ֣י אַרְבִּיצֵ֔ם נְאֻ֖ם אֲדֹנָ֥י יְהוִֽה׃

ʼàni֨y ʼerĕʻe֤h ẕòʼniy֙ waʼàni֣y ʼarĕbi̇yẕé֔m nĕʼu֖m ʼàdòná֥y yĕhwiֽh׃

16
אֶת־הָאֹבֶ֤דֶת אֲבַקֵּשׁ֙ וְאֶת־הַנִּדַּ֣חַת אָשִׁ֔יב וְלַנִּשְׁבֶּ֣רֶת אֶחֱבֹ֔שׁ וְאֶת־הַחֹולָ֖ה אֲחַזֵּ֑ק וְאֶת־הַשְּׁמֵנָ֧ה וְאֶת־הַחֲזָקָ֛ה אַשְׁמִ֖יד אֶרְעֶ֥נָּה בְמִשְׁפָּֽט׃

ʼeţ־háʼòbe֤deţ ʼàbaqé̇ş̌֙ wĕʼeţ־hani̇dȧ֣ẖaţ ʼáşǐ֔yb wĕlani̇şĕ̌bė֣reţ ʼeẖèbò֔ş̌ wĕʼeţ־haẖòwlá֖h ʼàẖazé֑̇q wĕʼeţ־haşĕ̇̌méná֧h wĕʼeţ־haẖàzáqá֛h ʼaşĕ̌mi֖yd ʼerĕʻe֥ná̇h bĕmişĕ̌páֽ̇t׃

17
וְאַתֵּ֣נָה צֹאנִ֔י כֹּ֥ה אָמַ֖ר אֲדֹנָ֣י יְהוִ֑ה הִנְנִ֤י שֹׁפֵט֙ בֵּֽין־שֶׂ֣ה לָשֶׂ֔ה לָאֵילִ֖ים וְלָעַתּוּדִֽים׃

wĕʼaţé֣̇náh ẕòʼni֔y kò֥̇h ʼáma֖r ʼàdòná֣y yĕhwi֑h hinĕni֤y şò̌pét֙ béֽ̇yn־şê֣h láşê֔h láʼéyli֖ym wĕláʻaţ̇ẇdiֽym׃

18
הַמְעַ֣ט מִכֶּ֗ם הַמִּרְעֶ֤ה הַטֹּוב֙ תִּרְע֔וּ וְיֶ֨תֶר֙ מִרְעֵיכֶ֔ם תִּרְמְס֖וּ בְּרַגְלֵיכֶ֑ם וּמִשְׁקַע־מַ֣יִם תִּשְׁתּ֔וּ וְאֵת֙ הַנֹּ֣ותָרִ֔ים בְּרַגְלֵיכֶ֖ם תִּרְפֹּשֽׂוּן׃

hamĕʻa֣t mikė֗m hami̇rĕʻe֤h hatò̇wb֙ ţi̇rĕʻ֔ẇ wĕye֨ţer֙ mirĕʻéyke֔m ţi̇rĕmĕs֖ẇ bĕ̇ragĕléyke֑m ẇmişĕ̌qaʻ־ma֣yim ţi̇şĕ̌ţ̇֔ẇ wĕʼéţ֙ hanò֣̇wţári֔ym bĕ̇ragĕléyke֖m ţi̇rĕpò̇şֽ̂ẇn׃

19
וְצֹאנִ֑י מִרְמַ֤ס רַגְלֵיכֶם֙ תִּרְעֶ֔ינָה וּמִרְפַּ֥שׂ רַגְלֵיכֶ֖ם תִּשְׁתֶּֽינָה׃ ס

wĕẕòʼni֑y mirĕma֤s ragĕléykem֙ ţi̇rĕʻe֔ynáh ẇmirĕpȧ֥ş̂ ragĕléyke֖m ţi̇şĕ̌ţėֽynáh׃ s

20
לָכֵ֗ן כֹּ֥ה אָמַ֛ר אֲדֹנָ֥י יְהוִ֖ה אֲלֵיהֶ֑ם הִנְנִי־אָ֕נִי וְשָֽׁפַטְתִּי֙ בֵּֽין־שֶׂ֣ה בִרְיָ֔ה וּבֵ֥ין שֶׂ֖ה רָזָֽה׃

láké֗n kò֥̇h ʼáma֛r ʼàdòná֥y yĕhwi֖h ʼàléyhe֑m hinĕniy־ʼá֕niy wĕşáֽ̌patĕţi̇y֙ béֽ̇yn־şê֣h birĕyá֔h ẇbé֥yn şê֖h rázáֽh׃

21
יַ֗עַן בְּצַ֤ד וּבְכָתֵף֙ תֶּהְדֹּ֔פוּ וּבְקַרְנֵיכֶ֥ם תְּנַגְּח֖וּ כָּל־הַנַּחְלֹ֑ות עַ֣ד אֲשֶׁ֧ר הֲפִיצֹותֶ֛ם אֹותָ֖נָה אֶל־הַחֽוּצָה׃

ya֗ʻan bĕ̇ẕa֤d ẇbĕkáţép֙ ţėhĕdò̇֔pẇ ẇbĕqarĕnéyke֥m ţĕ̇nagĕ̇ẖ֖ẇ ká̇l־hanȧẖĕlò֑wţ ʻa֣d ʼàşě֧r hàpiyẕòwţe֛m ʼòwţá֖náh ʼel־haẖֽẇẕáh׃

22
וְהֹושַׁעְתִּ֣י לְצֹאנִ֔י וְלֹֽא־תִהְיֶ֥ינָה עֹ֖וד לָבַ֑ז וְשָׁ֣פַטְתִּ֔י בֵּ֥ין שֶׂ֖ה לָשֶֽׂה׃

wĕhòwşǎʻĕţi֣̇y lĕẕòʼni֔y wĕlòֽʼ־ţihĕye֥ynáh ʻò֖wd lába֑z wĕşá֣̌patĕţi̇֔y bé֥̇yn şê֖h láşêֽh׃

23
וַהֲקִמֹתִ֨י עֲלֵיהֶ֜ם רֹעֶ֤ה אֶחָד֙ וְרָעָ֣ה אֶתְהֶ֔ן אֵ֖ת עַבְדִּ֣י דָוִ֑יד ה֚וּא יִרְעֶ֣ה אֹתָ֔ם וְהֽוּא־יִהְיֶ֥ה לָהֶ֖ן לְרֹעֶֽה׃

wahàqimòţi֨y ʻàléyhe֜m ròʻe֤h ʼeẖád֙ wĕráʻá֣h ʼeţĕhe֔n ʼé֖ţ ʻabĕdi֣̇y dáwi֑yd h֚ẇʼ yirĕʻe֣h ʼòţá֔m wĕhֽẇʼ־yihĕye֥h láhe֖n lĕròʻeֽh׃

24
וַאֲנִ֣י יְהוָ֗ה אֶהְיֶ֤ה לָהֶם֙ לֵֽאלֹהִ֔ים וְעַבְדִּ֥י דָוִ֖ד נָשִׂ֣יא בְתֹוכָ֑ם אֲנִ֥י יְהוָ֖ה דִּבַּֽרְתִּי׃

waʼàni֣y yĕhwá֗h ʼehĕye֤h láhem֙ léֽʼlòhi֔ym wĕʻabĕdi֥̇y dáwi֖d náşî֣yʼ bĕţòwká֑m ʼàni֥y yĕhwá֖h di̇bȧֽrĕţi̇y׃

25
וְכָרַתִּ֤י לָהֶם֙ בְּרִ֣ית שָׁלֹ֔ום וְהִשְׁבַּתִּ֥י חַיָּֽה־רָעָ֖ה מִן־הָאָ֑רֶץ וְיָשְׁב֤וּ בַמִּדְבָּר֙ לָבֶ֔טַח וְיָשְׁנ֖וּ בַּיְּעָרִֽים׃

wĕkáraţi֤̇y láhem֙ bĕ̇ri֣yţ şá̌lò֔wm wĕhişĕ̌bȧţi֥̇y ẖayáֽ̇h־ráʻá֖h min־háʼá֑reẕ wĕyáşĕ̌b֤ẇ bami̇dĕbá̇r֙ lábe֔taẖ wĕyáşĕ̌n֖ẇ bȧyĕ̇ʻáriֽym׃

26
וְנָתַתִּ֥י אֹותָ֛ם וּסְבִיבֹ֥ות גִּבְעָתִ֖י בְּרָכָ֑ה וְהֹורַדְתִּ֤י הַגֶּ֨שֶׁם֙ בְּעִתֹּ֔ו גִּשְׁמֵ֥י בְרָכָ֖ה יִֽהְיֽוּ׃

wĕnáţaţi֥̇y ʼòwţá֛m ẇsĕbiybò֥wţ gi̇bĕʻáţi֖y bĕ̇ráká֑h wĕhòwradĕţi֤̇y hagė֨şěm֙ bĕ̇ʻiţò̇֔w gi̇şĕ̌mé֥y bĕráká֖h yiֽhĕyֽẇ׃

27
וְנָתַן֩ עֵ֨ץ הַשָּׂדֶ֜ה אֶת־פִּרְיֹ֗ו וְהָאָ֨רֶץ֙ תִּתֵּ֣ן יְבוּלָ֔הּ וְהָי֥וּ עַל־אַדְמָתָ֖ם לָבֶ֑טַח וְֽיָדְע֞וּ כִּי־אֲנִ֣י יְהוָ֗ה בְּשִׁבְרִי֙ אֶת־מֹטֹ֣ות עֻלָּ֔ם וְהִ֨צַּלְתִּ֔ים מִיַּ֖ד הָעֹבְדִ֥ים בָּהֶֽם׃

wĕnáţan֩ ʻé֨ẕ haşá̇̂de֜h ʼeţ־pi̇rĕyò֗w wĕháʼá֨reẕ֙ ţi̇ţé֣̇n yĕbẇlá֔ḣ wĕháy֥ẇ ʻal־ʼadĕmáţá֖m lábe֑taẖ wĕֽyádĕʻ֞ẇ ki̇y־ʼàni֣y yĕhwá֗h bĕ̇şǐbĕriy֙ ʼeţ־mòtò֣wţ ʻulá̇֔m wĕhi֨ẕȧlĕţi̇֔ym miyȧ֖d háʻòbĕdi֥ym bá̇heֽm׃

28
וְלֹא־יִהְי֨וּ עֹ֥וד בַּז֙ לַגֹּויִ֔ם וְחַיַּ֥ת הָאָ֖רֶץ לֹ֣א תֹאכְלֵ֑ם וְיָשְׁב֥וּ לָבֶ֖טַח וְאֵ֥ין מַחֲרִֽיד׃

wĕlòʼ־yihĕy֨ẇ ʻò֥wd bȧz֙ lagò̇wyi֔m wĕẖayȧ֥ţ háʼá֖reẕ lò֣ʼ ţòʼkĕlé֑m wĕyáşĕ̌b֥ẇ lábe֖taẖ wĕʼé֥yn maẖàriֽyd׃

29
וַהֲקִמֹתִ֥י לָהֶ֛ם מַטָּ֖ע לְשֵׁ֑ם וְלֹֽא־יִהְי֨וּ עֹ֜וד אֲסֻפֵ֤י רָעָב֙ בָּאָ֔רֶץ וְלֹֽא־יִשְׂא֥וּ עֹ֖וד כְּלִמַּ֥ת הַגֹּויִֽם׃

wahàqimòţi֥y láhe֛m matá֖̇ʻ lĕşé֑̌m wĕlòֽʼ־yihĕy֨ẇ ʻò֜wd ʼàsupé֤y ráʻáb֙ bá̇ʼá֔reẕ wĕlòֽʼ־yişĕ̂ʼ֥ẇ ʻò֖wd kĕ̇limȧ֥ţ hagò̇wyiֽm׃

30
וְיָדְע֗וּ כִּ֣י אֲנִ֧י יְהוָ֛ה אֱלֹהֵיהֶ֖ם אִתָּ֑ם וְהֵ֗מָּה עַמִּי֙ בֵּ֣ית יִשְׂרָאֵ֔ל נְאֻ֖ם אֲדֹנָ֥י יְהוִֽה׃

wĕyádĕʻ֗ẇ ki֣̇y ʼàni֧y yĕhwá֛h ʼèlòhéyhe֖m ʼiţá֑̇m wĕhé֗má̇h ʻami̇y֙ bé֣̇yţ yişĕ̂ráʼé֔l nĕʼu֖m ʼàdòná֥y yĕhwiֽh׃

31
וְאַתֵּ֥ן צֹאנִ֛י צֹ֥אן מַרְעִיתִ֖י אָדָ֣ם אַתֶּ֑ם אֲנִי֙ אֱלֹ֣הֵיכֶ֔ם נְאֻ֖ם אֲדֹנָ֥י יְהוִֽה׃ פ

wĕʼaţé֥̇n ẕòʼni֛y ẕò֥ʼn marĕʻiyţi֖y ʼádá֣m ʼaţė֑m ʼàniy֙ ʼèlò֣héyke֔m nĕʼu֖m ʼàdòná֥y yĕhwiֽh׃ p