Bibles in ancient languages
Old translations
Modern translations

Biblia Hebraica Stuttgartensia Ézéchiel 35

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיְהִ֥י דְבַר־יְהוָ֖ה אֵלַ֥י לֵאמֹֽר׃

wayĕhi֥y dĕbar־yĕhwá֖h ʼéla֥y léʼmòֽr׃

2
בֶּן־אָדָ֕ם שִׂ֥ים פָּנֶ֖יךָ עַל־הַ֣ר שֵׂעִ֑יר וְהִנָּבֵ֖א עָלָֽיו׃

bėn־ʼádá֕m şî֥ym pá̇ne֖yká ʻal־ha֣r şé̂ʻi֑yr wĕhiná̇bé֖ʼ ʻáláֽyw׃

3
וְאָמַ֣רְתָּ לֹּ֗ו כֹּ֤ה אָמַר֙ אֲדֹנָ֣י יְהוִ֔ה הִנְנִ֥י אֵלֶ֖יךָ הַר־שֵׂעִ֑יר וְנָטִ֤יתִי יָדִי֙ עָלֶ֔יךָ וּנְתַתִּ֖יךָ שְׁמָמָ֥ה וּמְשַׁמָּֽה׃

wĕʼáma֣rĕţá̇ lò̇֗w kò֤̇h ʼámar֙ ʼàdòná֣y yĕhwi֔h hinĕni֥y ʼéle֖yká har־şé̂ʻi֑yr wĕnáti֤yţiy yádiy֙ ʻále֔yká ẇnĕţaţi֖̇yká şĕ̌mámá֥h ẇmĕşǎmáֽ̇h׃

4
עָרֶ֨יךָ֙ חָרְבָּ֣ה אָשִׂ֔ים וְאַתָּ֖ה שְׁמָמָ֣ה תִֽהְיֶ֑ה וְיָדַעְתָּ֖ כִּֽי־אֲנִ֥י יְהוָֽה׃

ʻáre֨yká֙ ẖárĕbá֣̇h ʼáşî֔ym wĕʼaţá֖̇h şĕ̌mámá֣h ţiֽhĕye֑h wĕyádaʻĕţá֖̇ kiֽ̇y־ʼàni֥y yĕhwáֽh׃

5
יַ֗עַן הֱיֹ֤ות לְךָ֙ אֵיבַ֣ת עֹולָ֔ם וַתַּגֵּ֥ר אֶת־בְּנֵֽי־יִשְׂרָאֵ֖ל עַל־יְדֵי־חָ֑רֶב בְּעֵ֣ת אֵידָ֔ם בְּעֵ֖ת עֲוֹ֥ן קֵֽץ׃

ya֗ʻan hèyò֤wţ lĕká֙ ʼéyba֣ţ ʻòwlá֔m waţȧgé֥̇r ʼeţ־bĕ̇néֽy־yişĕ̂ráʼé֖l ʻal־yĕdéy־ẖá֑reb bĕ̇ʻé֣ţ ʼéydá֔m bĕ̇ʻé֖ţ ʻàwò֥n qéֽẕ׃

6
לָכֵ֣ן חַי־אָ֗נִי נְאֻם֙ אֲדֹנָ֣י יְהוִ֔ה כִּֽי־לְדָ֥ם אֶעֶשְׂךָ֖ וְדָ֣ם יִרְדֲּפֶ֑ךָ אִם־לֹ֥א דָ֛ם שָׂנֵ֖אתָ וְדָ֥ם יִרְדֲּפֶֽךָ׃

láké֣n ẖay־ʼá֗niy nĕʼum֙ ʼàdòná֣y yĕhwi֔h kiֽ̇y־lĕdá֥m ʼeʻeşĕ̂ká֖ wĕdá֣m yirĕdà̇pe֑ká ʼim־lò֥ʼ dá֛m şá̂né֖ʼţá wĕdá֥m yirĕdà̇peֽká׃

7
וְנָֽתַתִּי֙ אֶת־הַ֣ר שֵׂעִ֔יר לְשִֽׁמְמָ֖ה וּשְׁמָמָ֑ה וְהִכְרַתִּ֥י מִמֶּ֖נּוּ עֹבֵ֥ר וָשָֽׁב׃

wĕnáֽţaţi̇y֙ ʼeţ־ha֣r şé̂ʻi֔yr lĕşǐֽmĕmá֖h ẇşĕ̌mámá֑h wĕhikĕraţi֥̇y mimė֖ṅẇ ʻòbé֥r wáşáֽ̌b׃

8
וּמִלֵּאתִ֥י אֶת־הָרָ֖יו חֲלָלָ֑יו גִּבְעֹותֶ֤יךָ וְגֵאֹותֶ֨יךָ֙ וְכָל־אֲפִיקֶ֔יךָ חַלְלֵי־חֶ֖רֶב יִפְּל֥וּ בָהֶֽם׃

ẇmilé̇ʼţi֥y ʼeţ־hárá֖yw ẖàlálá֑yw gi̇bĕʻòwţe֤yká wĕgéʼòwţe֨yká֙ wĕkál־ʼàpiyqe֔yká ẖalĕléy־ẖe֖reb yipĕ̇l֥ẇ báheֽm׃

9
שִֽׁמְמֹ֤ות עֹולָם֙ אֶתֶּנְךָ֔ וְעָרֶ֖יךָ לֹ֣א תֵישַׁבְנָה וִֽידַעְתֶּ֖ם כִּֽי־אֲנִ֥י יְהוָֽה׃

şǐֽmĕmò֤wţ ʻòwlám֙ ʼeţėnĕká֔ wĕʻáre֖yká lò֣ʼ ţéyşǎbĕnáh wiֽydaʻĕţė֖m kiֽ̇y־ʼàni֥y yĕhwáֽh׃

10
יַ֣עַן אֲ֠מָרְךָ אֶת־שְׁנֵ֨י הַגֹּויִ֜ם וְאֶת־שְׁתֵּ֧י הָאֲרָצֹ֛ות לִ֥י תִהְיֶ֖ינָה וִֽירַשְׁנ֑וּהָ וַֽיהוָ֖ה שָׁ֥ם הָיָֽה׃

ya֣ʻan ʼà֠márĕká ʼeţ־şĕ̌né֨y hagò̇wyi֜m wĕʼeţ־şĕ̌ţé֧̇y háʼàráẕò֛wţ li֥y ţihĕye֖ynáh wiֽyraşĕ̌n֑ẇhá waֽyhwá֖h şá֥̌m háyáֽh׃

11
לָכֵ֣ן חַי־אָ֗נִי נְאֻם֮ אֲדֹנָ֣י יְהוִה֒ וְעָשִׂ֗יתִי כְּאַפְּךָ֙ וּכְקִנְאָ֣תְךָ֔ אֲשֶׁ֣ר עָשִׂ֔יתָה מִשִּׂנְאָתֶ֖יךָ בָּ֑ם וְנֹודַ֥עְתִּי בָ֖ם כַּאֲשֶׁ֥ר אֶשְׁפְּטֶֽךָ׃

láké֣n ẖay־ʼá֗niy nĕʼum֮ ʼàdòná֣y yĕhwih֒ wĕʻáşî֗yţiy kĕ̇ʼapĕ̇ká֙ ẇkĕqinĕʼá֣ţĕká֔ ʼàşě֣r ʻáşî֔yţáh mişi̇̂nĕʼáţe֖yká bá֑̇m wĕnòwda֥ʻĕţi̇y bá֖m kȧʼàşě֥r ʼeşĕ̌pĕ̇teֽká׃

12
וְֽיָדַעְתָּ֮ כִּֽי־אֲנִ֣י יְהוָה֒ שָׁמַ֣עְתִּי׀ אֶת־כָּל־נָאָֽצֹותֶ֗יךָ אֲשֶׁ֥ר אָמַ֛רְתָּ עַל־הָרֵ֥י יִשְׂרָאֵ֖ל לֵאמֹ֣ר׀ שָׁמֵמָה לָ֥נוּ נִתְּנ֖וּ לְאָכְלָֽה׃

wĕֽyádaʻĕţá֮̇ kiֽ̇y־ʼàni֣y yĕhwáh֒ şá̌ma֣ʻĕţi̇y׀ ʼeţ־ká̇l־náʼáֽẕòwţe֗yká ʼàşě֥r ʼáma֛rĕţá̇ ʻal־háré֥y yişĕ̂ráʼé֖l léʼmò֣r׀ şá̌mémáh lá֥nẇ niţĕ̇n֖ẇ lĕʼákĕláֽh׃

13
וַתַּגְדִּ֤ילוּ עָלַי֙ בְּפִיכֶ֔ם וְהַעְתַּרְתֶּ֥ם עָלַ֖י דִּבְרֵיכֶ֑ם אֲנִ֖י שָׁמָֽעְתִּי׃ ס

waţȧgĕdi֤̇ylẇ ʻálay֙ bĕ̇piyke֔m wĕhaʻĕţȧrĕţė֥m ʻála֖y di̇bĕréyke֑m ʼàni֖y şá̌máֽʻĕţi̇y׃ s

14
כֹּ֥ה אָמַ֖ר אֲדֹנָ֣י יְהוִ֑ה כִּשְׂמֹ֨חַ֙ כָּל־הָאָ֔רֶץ שְׁמָמָ֖ה אֶעֱשֶׂה־לָּֽךְ׃

kò֥̇h ʼáma֖r ʼàdòná֣y yĕhwi֑h ki̇şĕ̂mò֨ẖa֙ ká̇l־háʼá֔reẕ şĕ̌mámá֖h ʼeʻèşêh־láֽ̇kĕ׃

15
כְּשִׂמְחָ֨תְךָ֜ לְנַחְלַ֧ת בֵּֽית־יִשְׂרָאֵ֛ל עַ֥ל אֲשֶׁר־שָׁמֵ֖מָה כֵּ֣ן אֶעֱשֶׂה־לָּ֑ךְ שְׁמָמָ֨ה תִֽהְיֶ֤ה הַר־שֵׂעִיר֙ וְכָל־אֱדֹ֣ום כֻּלָּ֔הּ וְיָדְע֖וּ כִּֽי־אֲנִ֥י יְהוָֽה׃ פ

kĕ̇şîmĕẖá֨ţĕká֜ lĕnaẖĕla֧ţ béֽ̇yţ־yişĕ̂ráʼé֛l ʻa֥l ʼàşěr־şá̌mé֖máh ké֣̇n ʼeʻèşêh־lá֑̇kĕ şĕ̌mámá֨h ţiֽhĕye֤h har־şé̂ʻiyr֙ wĕkál־ʼèdò֣wm ku̇lá̇֔ḣ wĕyádĕʻ֖ẇ kiֽ̇y־ʼàni֥y yĕhwáֽh׃ p