Bibles in ancient languages
Old translations
Modern translations

Biblia Hebraica Stuttgartiensia Ezekiel 39

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וְאַתָּ֤ה בֶן־אָדָם֙ הִנָּבֵ֣א עַל־גֹּ֔וג וְאָ֣מַרְתָּ֔ כֹּ֥ה אָמַ֖ר אֲדֹנָ֣י יְהוִ֑ה הִנְנִ֤י אֵלֶ֨יךָ֙ גֹּ֔וג נְשִׂ֕יא רֹ֖אשׁ מֶ֥שֶׁךְ וְתֻבָֽל׃

wĕʼaţá֤̇h ben־ʼádám֙ hiná̇bé֣ʼ ʻal־gò̇֔wg wĕʼá֣marĕţá̇֔ kò֥̇h ʼáma֖r ʼàdòná֣y yĕhwi֑h hinĕni֤y ʼéle֨yká֙ gò̇֔wg nĕşî֕yʼ rò֖ʼş̌ me֥şěkĕ wĕţubáֽl׃

2
וְשֹׁבַבְתִּ֨יךָ֙ וְשִׁשֵּׁאתִ֔יךָ וְהַעֲלִיתִ֖יךָ מִיַּרְכְּתֵ֣י צָפֹ֑ון וַהֲבִאֹותִ֖ךָ עַל־הָרֵ֥י יִשְׂרָאֵֽל׃

wĕşò̌babĕţi̇֨yká֙ wĕşǐşé̇̌ʼţi֔yká wĕhaʻàliyţi֖yká miyȧrĕkĕ̇ţé֣y ẕápò֑wn wahàbiʼòwţi֖ká ʻal־háré֥y yişĕ̂ráʼéֽl׃

3
וְהִכֵּיתִ֥י קַשְׁתְּךָ֖ מִיַּ֣ד שְׂמֹאולֶ֑ךָ וְחִצֶּ֕יךָ מִיַּ֥ד יְמִינְךָ֖ אַפִּֽיל׃

wĕhiké̇yţi֥y qaşĕ̌ţĕ̇ká֖ miyȧ֣d şĕ̂mòʼwle֑ká wĕẖiẕė֕yká miyȧ֥d yĕmiynĕká֖ ʼapiֽ̇yl׃

4
עַל־הָרֵ֨י יִשְׂרָאֵ֜ל תִּפֹּ֗ול אַתָּה֙ וְכָל־אֲגַפֶּ֔יךָ וְעַמִּ֖ים אֲשֶׁ֣ר אִתָּ֑ךְ לְעֵ֨יט צִפֹּ֧ור כָּל־כָּנָ֛ף וְחַיַּ֥ת הַשָּׂדֶ֖ה נְתַתִּ֥יךָ לְאָכְלָֽה׃

ʻal־háré֨y yişĕ̂ráʼé֜l ţi̇pò̇֗wl ʼaţá̇h֙ wĕkál־ʼàgapė֔yká wĕʻami֖̇ym ʼàşě֣r ʼiţá֑̇kĕ lĕʻé֨yt ẕipò֧̇wr ká̇l־ká̇ná֛p wĕẖayȧ֥ţ haşá̇̂de֖h nĕţaţi֥̇yká lĕʼákĕláֽh׃

5
עַל־פְּנֵ֥י הַשָּׂדֶ֖ה תִּפֹּ֑ול כִּ֚י אֲנִ֣י דִבַּ֔רְתִּי נְאֻ֖ם אֲדֹנָ֥י יְהוִֽה׃

ʻal־pĕ̇né֥y haşá̇̂de֖h ţi̇pò֑̇wl ki֚̇y ʼàni֣y dibȧ֔rĕţi̇y nĕʼu֖m ʼàdòná֥y yĕhwiֽh׃

6
וְשִׁלַּחְתִּי־אֵ֣שׁ בְּמָגֹ֔וג וּבְיֹשְׁבֵ֥י הָאִיִּ֖ים לָבֶ֑טַח וְיָדְע֖וּ כִּי־אֲנִ֥י יְהוָֽה׃

wĕşǐlȧẖĕţi̇y־ʼé֣ş̌ bĕ̇mágò֔wg ẇbĕyòşĕ̌bé֥y háʼiyi֖̇ym lábe֑taẖ wĕyádĕʻ֖ẇ ki̇y־ʼàni֥y yĕhwáֽh׃

7
וְאֶת־שֵׁ֨ם קָדְשִׁ֜י אֹודִ֗יעַ בְּתֹוךְ֙ עַמִּ֣י יִשְׂרָאֵ֔ל וְלֹֽא־אַחֵ֥ל אֶת־שֵׁם־קָדְשִׁ֖י עֹ֑וד וְיָדְע֤וּ הַגֹּויִם֙ כִּי־אֲנִ֣י יְהוָ֔ה קָדֹ֖ושׁ בְּיִשְׂרָאֵֽל׃

wĕʼeţ־şé̌֨m qádĕşǐ֜y ʼòwdi֗yʻa bĕ̇ţòwkĕ֙ ʻami֣̇y yişĕ̂ráʼé֔l wĕlòֽʼ־ʼaẖé֥l ʼeţ־şé̌m־qádĕşǐ֖y ʻò֑wd wĕyádĕʻ֤ẇ hagò̇wyim֙ ki̇y־ʼàni֣y yĕhwá֔h qádò֖wş̌ bĕ̇yişĕ̂ráʼéֽl׃

8
הִנֵּ֤ה בָאָה֙ וְנִֽהְיָ֔תָה נְאֻ֖ם אֲדֹנָ֣י יְהוִ֑ה ה֥וּא הַיֹּ֖ום אֲשֶׁ֥ר דִּבַּֽרְתִּי׃

hiné֤̇h báʼáh֙ wĕniֽhĕyá֔ţáh nĕʼu֖m ʼàdòná֣y yĕhwi֑h h֥ẇʼ hayò֖̇wm ʼàşě֥r di̇bȧֽrĕţi̇y׃

9
וְֽיָצְא֞וּ יֹשְׁבֵ֣י׀ עָרֵ֣י יִשְׂרָאֵ֗ל וּבִעֲר֡וּ וְ֠הִשִּׂיקוּ בְּנֶ֨שֶׁק וּמָגֵ֤ן וְצִנָּה֙ בְּקֶ֣שֶׁת וּבְחִצִּ֔ים וּבְמַקֵּ֥ל יָ֖ד וּבְרֹ֑מַח וּבִעֲר֥וּ בָהֶ֛ם אֵ֖שׁ שֶׁ֥בַע שָׁנִֽים׃

wĕֽyáẕĕʼ֞ẇ yòşĕ̌bé֣y׀ ʻáré֣y yişĕ̂ráʼé֗l ẇbiʻàr֡ẇ wĕ֠hişi̇̂yqẇ bĕ̇ne֨şěq ẇmágé֤n wĕẕiná̇h֙ bĕ̇qe֣şěţ ẇbĕẖiẕi̇֔ym ẇbĕmaqé֥̇l yá֖d ẇbĕrò֑maẖ ẇbiʻàr֥ẇ báhe֛m ʼé֖ş̌ şě֥baʻ şá̌niֽym׃

10
וְלֹֽא־יִשְׂא֨וּ עֵצִ֜ים מִן־הַשָּׂדֶ֗ה וְלֹ֤א יַחְטְבוּ֙ מִן־הַיְּעָרִ֔ים כִּ֥י בַנֶּ֖שֶׁק יְבַֽעֲרוּ־אֵ֑שׁ וְשָׁלְל֣וּ אֶת־שֹׁלְלֵיהֶ֗ם וּבָֽזְזוּ֙ אֶת־בֹּ֣זְזֵיהֶ֔ם נְאֻ֖ם אֲדֹנָ֥י יְהוִֽה׃ ס

wĕlòֽʼ־yişĕ̂ʼ֨ẇ ʻéẕi֜ym min־haşá̇̂de֗h wĕlò֤ʼ yaẖĕtĕbẇ֙ min־hayĕ̇ʻári֔ym ki֥̇y banė֖şěq yĕbaֽʻàrẇ־ʼé֑ş̌ wĕşá̌lĕl֣ẇ ʼeţ־şò̌lĕléyhe֗m ẇbáֽzĕzẇ֙ ʼeţ־bò֣̇zĕzéyhe֔m nĕʼu֖m ʼàdòná֥y yĕhwiֽh׃ s

11
וְהָיָ֣ה בַיֹּ֣ום הַה֡וּא אֶתֵּ֣ן לְגֹוג֩׀ מְקֹֽום־שָׁ֨ם קֶ֜בֶר בְּיִשְׂרָאֵ֗ל גֵּ֤י הָעֹֽבְרִים֙ קִדְמַ֣ת הַיָּ֔ם וְחֹסֶ֥מֶת הִ֖יא אֶת־הָעֹֽבְרִ֑ים וְקָ֣בְרוּ שָׁ֗ם אֶת־גֹּוג֙ וְאֶת־כָּל־המונה וְקָ֣רְא֔וּ גֵּ֖יא הֲמֹ֥ון גֹּֽוג׃

wĕháyá֣h bayò֣̇wm hah֡ẇʼ ʼeţé֣̇n lĕgòwg֩׀ mĕqòֽwm־şá̌֨m qe֜ber bĕ̇yişĕ̂ráʼé֗l gé֤̇y háʻòֽbĕriym֙ qidĕma֣ţ hayá̇֔m wĕẖòse֥meţ hi֖yʼ ʼeţ־háʻòֽbĕri֑ym wĕqá֣bĕrẇ şá̌֗m ʼeţ־gò̇wg֙ wĕʼeţ־ká̇l־hmwnh wĕqá֣rĕʼ֔ẇ gé֖̇yʼ hàmò֥wn gòֽ̇wg׃

12
וּקְבָרוּם֙ בֵּ֣ית יִשְׂרָאֵ֔ל לְמַ֖עַן טַהֵ֣ר אֶת־הָאָ֑רֶץ שִׁבְעָ֖ה חֳדָשִֽׁים׃

ẇqĕbárẇm֙ bé֣̇yţ yişĕ̂ráʼé֔l lĕma֖ʻan tahé֣r ʼeţ־háʼá֑reẕ şǐbĕʻá֖h ẖodáşǐֽym׃

13
וְקָֽבְרוּ֙ כָּל־עַ֣ם הָאָ֔רֶץ וְהָיָ֥ה לָהֶ֖ם לְשֵׁ֑ם יֹ֚ום הִכָּ֣בְדִ֔י נְאֻ֖ם אֲדֹנָ֥י יְהוִֽה׃

wĕqáֽbĕrẇ֙ ká̇l־ʻa֣m háʼá֔reẕ wĕháyá֥h láhe֖m lĕşé֑̌m yò֚wm hiká֣̇bĕdi֔y nĕʼu֖m ʼàdòná֥y yĕhwiֽh׃

14
וְאַנְשֵׁ֨י תָמִ֤יד יַבְדִּ֨ילוּ֙ עֹבְרִ֣ים בָּאָ֔רֶץ מְקַבְּרִ֣ים אֶת־הָעֹבְרִ֗ים אֶת־הַנֹּותָרִ֛ים עַל־פְּנֵ֥י הָאָ֖רֶץ לְטַֽהֲרָ֑הּ מִקְצֵ֥ה שִׁבְעָֽה־חֳדָשִׁ֖ים יַחְקֹֽרוּ׃

wĕʼanĕşé̌֨y ţámi֤yd yabĕdi̇֨ylẇ֙ ʻòbĕri֣ym bá̇ʼá֔reẕ mĕqabĕ̇ri֣ym ʼeţ־háʻòbĕri֗ym ʼeţ־hanò̇wţári֛ym ʻal־pĕ̇né֥y háʼá֖reẕ lĕtaֽhàrá֑ḣ miqĕẕé֥h şǐbĕʻáֽh־ẖodáşǐ֖ym yaẖĕqòֽrẇ׃

15
וְעָבְר֤וּ הָעֹֽבְרִים֙ בָּאָ֔רֶץ וְרָאָה֙ עֶ֣צֶם אָדָ֔ם וּבָנָ֥ה אֶצְלֹ֖ו צִיּ֑וּן עַ֣ד קָבְר֤וּ אֹתֹו֙ הַֽמְקַבְּרִ֔ים אֶל־גֵּ֖יא הֲמֹ֥ון גֹּֽוג׃

wĕʻábĕr֤ẇ háʻòֽbĕriym֙ bá̇ʼá֔reẕ wĕráʼáh֙ ʻe֣ẕem ʼádá֔m ẇbáná֥h ʼeẕĕlò֖w ẕiẏ֑ẇn ʻa֣d qábĕr֤ẇ ʼòţòw֙ haֽmĕqabĕ̇ri֔ym ʼel־gé֖̇yʼ hàmò֥wn gòֽ̇wg׃

16
וְגַ֥ם שֶׁם־עִ֛יר הֲמֹונָ֖ה וְטִהֲר֥וּ הָאָֽרֶץ׃ ס

wĕga֥m şěm־ʻi֛yr hàmòwná֖h wĕtihàr֥ẇ háʼáֽreẕ׃ s

17
וְאַתָּ֨ה בֶן־אָדָ֜ם כֹּֽה־אָמַ֣ר׀ אֲדֹנָ֣י יְהֹוִ֗ה אֱמֹר֩ לְצִפֹּ֨ור כָּל־כָּנָ֜ף וּלְכֹ֣ל׀ חַיַּ֣ת הַשָּׂדֶ֗ה הִקָּבְצ֤וּ וָבֹ֨אוּ֙ הֵאָסְפ֣וּ מִסָּבִ֔יב עַל־זִבְחִ֗י אֲשֶׁ֨ר אֲנִ֜י זֹבֵ֤חַ לָכֶם֙ זֶ֣בַח גָּדֹ֔ול עַ֖ל הָרֵ֣י יִשְׂרָאֵ֑ל וַאֲכַלְתֶּ֥ם בָּשָׂ֖ר וּשְׁתִ֥יתֶם דָּֽם׃

wĕʼaţá̇֨h ben־ʼádá֜m kòֽ̇h־ʼáma֣r׀ ʼàdòná֣y yĕhòwi֗h ʼèmòr֩ lĕẕipò̇֨wr ká̇l־ká̇ná֜p ẇlĕkò֣l׀ ẖayȧ֣ţ haşá̇̂de֗h hiqá̇bĕẕ֤ẇ wábò֨ʼẇ֙ héʼásĕp֣ẇ misá̇bi֔yb ʻal־zibĕẖi֗y ʼàşě֨r ʼàni֜y zòbé֤ẖa lákem֙ ze֣baẖ gá̇dò֔wl ʻa֖l háré֣y yişĕ̂ráʼé֑l waʼàkalĕţė֥m bá̇şá֖̂r ẇşĕ̌ţi֥yţem dáֽ̇m׃

18
בְּשַׂ֤ר גִּבֹּורִים֙ תֹּאכֵ֔לוּ וְדַם־נְשִׂיאֵ֥י הָאָ֖רֶץ תִּשְׁתּ֑וּ אֵילִ֨ים כָּרִ֤ים וְעַתּוּדִים֙ פָּרִ֔ים מְרִיאֵ֥י בָשָׁ֖ן כֻּלָּֽם׃

bĕ̇şâ֤r gi̇bò̇wriym֙ ţò̇ʼké֔lẇ wĕdam־nĕşîyʼé֥y háʼá֖reẕ ţi̇şĕ̌ţ֑̇ẇ ʼéyli֨ym ká̇ri֤ym wĕʻaţ̇ẇdiym֙ pá̇ri֔ym mĕriyʼé֥y báşá֖̌n ku̇láֽ̇m׃

19
וַאֲכַלְתֶּם־חֵ֣לֶב לְשָׂבְעָ֔ה וּשְׁתִ֥יתֶם דָּ֖ם לְשִׁכָּרֹ֑ון מִזִּבְחִ֖י אֲשֶׁר־זָבַ֥חְתִּי לָכֶֽם׃

waʼàkalĕţėm־ẖé֣leb lĕşá̂bĕʻá֔h ẇşĕ̌ţi֥yţem dá֖̇m lĕşǐká̇rò֑wn mizi̇bĕẖi֖y ʼàşěr־zába֥ẖĕţi̇y lákeֽm׃

20
וּשְׂבַעְתֶּ֤ם עַל־שֻׁלְחָנִי֙ ס֣וּס וָרֶ֔כֶב גִּבֹּ֖ור וְכָל־אִ֣ישׁ מִלְחָמָ֑ה נְאֻ֖ם אֲדֹנָ֥י יְהוִֽה׃

ẇşĕ̂baʻĕţė֤m ʻal־şǔlĕẖániy֙ s֣ẇs wáre֔keb gi̇bò֖̇wr wĕkál־ʼi֣yş̌ milĕẖámá֑h nĕʼu֖m ʼàdòná֥y yĕhwiֽh׃

21
וְנָתַתִּ֥י אֶת־כְּבֹודִ֖י בַּגֹּויִ֑ם וְרָא֣וּ כָל־הַגֹּויִ֗ם אֶת־מִשְׁפָּטִי֙ אֲשֶׁ֣ר עָשִׂ֔יתִי וְאֶת־יָדִ֖י אֲשֶׁר־שַׂ֥מְתִּי בָהֶֽם׃

wĕnáţaţi֥̇y ʼeţ־kĕ̇bòwdi֖y bȧgò̇wyi֑m wĕráʼ֣ẇ kál־hagò̇wyi֗m ʼeţ־mişĕ̌pá̇tiy֙ ʼàşě֣r ʻáşî֔yţiy wĕʼeţ־yádi֖y ʼàşěr־şâ֥mĕţi̇y báheֽm׃

22
וְיָֽדְעוּ֙ בֵּ֣ית יִשְׂרָאֵ֔ל כִּ֛י אֲנִ֥י יְהוָ֖ה אֱלֹֽהֵיהֶ֑ם מִן־הַיֹּ֥ום הַה֖וּא וָהָֽלְאָה׃

wĕyáֽdĕʻẇ֙ bé֣̇yţ yişĕ̂ráʼé֔l ki֛̇y ʼàni֥y yĕhwá֖h ʼèlòֽhéyhe֑m min־hayò֥̇wm hah֖ẇʼ wáháֽlĕʼáh׃

23
וְיָדְע֣וּ הַ֠גֹּויִם כִּ֣י בַעֲוֹנָ֞ם גָּל֣וּ בֵֽית־יִשְׂרָאֵ֗ל עַ֚ל אֲשֶׁ֣ר מָֽעֲלוּ־בִ֔י וָאַסְתִּ֥ר פָּנַ֖י מֵהֶ֑ם וָֽאֶתְּנֵם֙ בְּיַ֣ד צָרֵיהֶ֔ם וַיִּפְּל֥וּ בַחֶ֖רֶב כֻּלָּֽם׃

wĕyádĕʻ֣ẇ ha֠gò̇wyim ki֣̇y baʻàwòná֞m gá̇l֣ẇ béֽyţ־yişĕ̂ráʼé֗l ʻa֚l ʼàşě֣r máֽʻàlẇ־bi֔y wáʼasĕţi֥̇r pá̇na֖y méhe֑m wáֽʼeţĕ̇ném֙ bĕ̇ya֣d ẕáréyhe֔m wayi̇pĕ̇l֥ẇ baẖe֖reb ku̇láֽ̇m׃

24
כְּטֻמְאָתָ֥ם וּכְפִשְׁעֵיהֶ֖ם עָשִׂ֣יתִי אֹתָ֑ם וָאַסְתִּ֥ר פָּנַ֖י מֵהֶֽם׃ ס

kĕ̇tumĕʼáţá֥m ẇkĕpişĕ̌ʻéyhe֖m ʻáşî֣yţiy ʼòţá֑m wáʼasĕţi֥̇r pá̇na֖y méheֽm׃ s

25
לָכֵ֗ן כֹּ֤ה אָמַר֙ אֲדֹנָ֣י יְהוִ֔ה עַתָּ֗ה אָשִׁיב֙ אֶת־שְׁבִית יַֽעֲקֹ֔ב וְרִֽחַמְתִּ֖י כָּל־בֵּ֣ית יִשְׂרָאֵ֑ל וְקִנֵּאתִ֖י לְשֵׁ֥ם קָדְשִֽׁי׃

láké֗n kò֤̇h ʼámar֙ ʼàdòná֣y yĕhwi֔h ʻaţá̇֗h ʼáşǐyb֙ ʼeţ־şĕ̌biyţ yaֽʻàqò֔b wĕriֽẖamĕţi֖̇y ká̇l־bé֣̇yţ yişĕ̂ráʼé֑l wĕqiné̇ʼţi֖y lĕşé֥̌m qádĕşǐֽy׃

26
וְנָשׂוּ֙ אֶת־כְּלִמָּתָ֔ם וְאֶת־כָּל־מַעֲלָ֖ם אֲשֶׁ֣ר מָעֲלוּ־בִ֑י בְּשִׁבְתָּ֧ם עַל־אַדְמָתָ֛ם לָבֶ֖טַח וְאֵ֥ין מַחֲרִֽיד׃

wĕnáş̂ẇ֙ ʼeţ־kĕ̇limá̇ţá֔m wĕʼeţ־ká̇l־maʻàlá֖m ʼàşě֣r máʻàlẇ־bi֑y bĕ̇şǐbĕţá֧̇m ʻal־ʼadĕmáţá֛m lábe֖taẖ wĕʼé֥yn maẖàriֽyd׃

27
בְּשֹׁובְבִ֤י אֹותָם֙ מִן־הָ֣עַמִּ֔ים וְקִבַּצְתִּ֣י אֹתָ֔ם מֵֽאַרְצֹ֖ות אֹֽיְבֵיהֶ֑ם וְנִקְדַּ֣שְׁתִּי בָ֔ם לְעֵינֵ֖י הַגֹּויִ֥ם רַבִּֽים׃

bĕ̇şò̌wbĕbi֤y ʼòwţám֙ min־há֣ʻami̇֔ym wĕqibȧẕĕţi֣̇y ʼòţá֔m méֽʼarĕẕò֖wţ ʼòֽyĕbéyhe֑m wĕniqĕdȧ֣şĕ̌ţi̇y bá֔m lĕʻéyné֖y hagò̇wyi֥m rabiֽ̇ym׃

28
וְיָדְע֗וּ כִּ֣י אֲנִ֤י יְהוָה֙ אֱלֹ֣הֵיהֶ֔ם בְּהַגְלֹותִ֤י אֹתָם֙ אֶל־הַגֹּויִ֔ם וְכִנַּסְתִּ֖ים עַל־אַדְמָתָ֑ם וְלֹֽא־אֹותִ֥יר עֹ֛וד מֵהֶ֖ם שָֽׁם׃

wĕyádĕʻ֗ẇ ki֣̇y ʼàni֤y yĕhwáh֙ ʼèlò֣héyhe֔m bĕ̇hagĕlòwţi֤y ʼòţám֙ ʼel־hagò̇wyi֔m wĕkinȧsĕţi֖̇ym ʻal־ʼadĕmáţá֑m wĕlòֽʼ־ʼòwţi֥yr ʻò֛wd méhe֖m şáֽ̌m׃

29
וְלֹֽא־אַסְתִּ֥יר עֹ֛וד פָּנַ֖י מֵהֶ֑ם אֲשֶׁ֨ר שָׁפַ֤כְתִּי אֶת־רוּחִי֙ עַל־בֵּ֣ית יִשְׂרָאֵ֔ל נְאֻ֖ם אֲדֹנָ֥י יְהוִֽה׃ פ

wĕlòֽʼ־ʼasĕţi֥̇yr ʻò֛wd pá̇na֖y méhe֑m ʼàşě֨r şá̌pa֤kĕţi̇y ʼeţ־rẇẖiy֙ ʻal־bé֣̇yţ yişĕ̂ráʼé֔l nĕʼu֖m ʼàdòná֥y yĕhwiֽh׃ p