Bibles in ancient languages
Old translations
Modern translations

Biblia Hebraica Stuttgartiensia Genesis 19

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַ֠יָּבֹאוּ שְׁנֵ֨י הַמַּלְאָכִ֤ים סְדֹ֨מָה֙ בָּעֶ֔רֶב וְלֹ֖וט יֹשֵׁ֣ב בְּשַֽׁעַר־סְדֹ֑ם וַיַּרְא־לֹוט֙ וַיָּ֣קָם לִקְרָאתָ֔ם וַיִּשְׁתַּ֥חוּ אַפַּ֖יִם אָֽרְצָה׃

wa֠yá̇bòʼẇ şĕ̌né֨y hamȧlĕʼáki֤ym sĕdò֨máh֙ bá̇ʻe֔reb wĕlò֖wt yòşé֣̌b bĕ̇şǎֽʻar־sĕdò֑m wayȧrĕʼ־lòwt֙ wayá֣̇qám liqĕráʼţá֔m wayi̇şĕ̌ţȧ֥ẖẇ ʼapȧ֖yim ʼáֽrĕẕáh׃

2
וַיֹּ֜אמֶר הִנֶּ֣ה נָּא־אֲדֹנַ֗י ס֣וּרוּ נָ֠א אֶל־בֵּ֨ית עַבְדְּכֶ֤ם וְלִ֨ינוּ֙ וְרַחֲצ֣וּ רַגְלֵיכֶ֔ם וְהִשְׁכַּמְתֶּ֖ם וַהְלַכְתֶּ֣ם לְדַרְכְּכֶ֑ם וַיֹּאמְר֣וּ לֹּ֔א כִּ֥י בָרְחֹ֖וב נָלִֽין׃

wayò̇֜ʼmer hinė֣h ná̇ʼ־ʼàdòna֗y s֣ẇrẇ ná֠ʼ ʼel־bé̇֨yţ ʻabĕdĕ̇ke֤m wĕli֨ynẇ֙ wĕraẖàẕ֣ẇ ragĕléyke֔m wĕhişĕ̌kȧmĕţė֖m wahĕlakĕţė֣m lĕdarĕkĕ̇ke֑m wayò̇ʼmĕr֣ẇ lò̇֔ʼ ki֥̇y bárĕẖò֖wb náliֽyn׃

3
וַיִּפְצַר־בָּ֣ם מְאֹ֔ד וַיָּסֻ֣רוּ אֵלָ֔יו וַיָּבֹ֖אוּ אֶל־בֵּיתֹ֑ו וַיַּ֤עַשׂ לָהֶם֙ מִשְׁתֶּ֔ה וּמַצֹּ֥ות אָפָ֖ה וַיֹּאכֵֽלוּ׃

wayi̇pĕẕar־bá֣̇m mĕʼò֔d wayá̇su֣rẇ ʼélá֔yw wayá̇bò֖ʼẇ ʼel־bé̇yţò֑w wayȧ֤ʻaş̂ láhem֙ mişĕ̌ţė֔h ẇmaẕò֥̇wţ ʼápá֖h wayò̇ʼkéֽlẇ׃

4
טֶרֶם֮ יִשְׁכָּבוּ֒ וְאַנְשֵׁ֨י הָעִ֜יר אַנְשֵׁ֤י סְדֹם֙ נָסַ֣בּוּ עַל־הַבַּ֔יִת מִנַּ֖עַר וְעַד־זָקֵ֑ן כָּל־הָעָ֖ם מִקָּצֶֽה׃

terem֮ yişĕ̌ká̇bẇ֒ wĕʼanĕşé̌֨y háʻi֜yr ʼanĕşé֤̌y sĕdòm֙ nása֣ḃẇ ʻal־habȧ֔yiţ minȧ֖ʻar wĕʻad־záqé֑n ká̇l־háʻá֖m miqá̇ẕeֽh׃

5
וַיִּקְרְא֤וּ אֶל־לֹוט֙ וַיֹּ֣אמְרוּ לֹ֔ו אַיֵּ֧ה הָאֲנָשִׁ֛ים אֲשֶׁר־בָּ֥אוּ אֵלֶ֖יךָ הַלָּ֑יְלָה הֹוצִיאֵ֣ם אֵלֵ֔ינוּ וְנֵדְעָ֖ה אֹתָֽם׃

wayi̇qĕrĕʼ֤ẇ ʼel־lòwt֙ wayò֣̇ʼmĕrẇ lò֔w ʼayé֧̇h háʼànáşǐ֛ym ʼàşěr־bá֥̇ʼẇ ʼéle֖yká halá֑̇yĕláh hòwẕiyʼé֣m ʼélé֔ynẇ wĕnédĕʻá֖h ʼòţáֽm׃

6
וַיֵּצֵ֧א אֲלֵהֶ֛ם לֹ֖וט הַפֶּ֑תְחָה וְהַדֶּ֖לֶת סָגַ֥ר אַחֲרָֽיו׃

wayé̇ẕé֧ʼ ʼàléhe֛m lò֖wt hapė֑ţĕẖáh wĕhadė֖leţ sága֥r ʼaẖàráֽyw׃

7
וַיֹּאמַ֑ר אַל־נָ֥א אַחַ֖י תָּרֵֽעוּ׃

wayò̇ʼma֑r ʼal־ná֥ʼ ʼaẖa֖y ţá̇réֽʻẇ׃

8
הִנֵּה־נָ֨א לִ֜י שְׁתֵּ֣י בָנֹ֗ות אֲשֶׁ֤ר לֹֽא־יָדְעוּ֙ אִ֔ישׁ אֹוצִֽיאָה־נָּ֤א אֶתְהֶן֙ אֲלֵיכֶ֔ם וַעֲשׂ֣וּ לָהֶ֔ן כַּטֹּ֖וב בְּעֵינֵיכֶ֑ם רַ֠ק לָֽאֲנָשִׁ֤ים הָאֵל֙ אַל־תַּעֲשׂ֣וּ דָבָ֔ר כִּֽי־עַל־כֵּ֥ן בָּ֖אוּ בְּצֵ֥ל קֹרָתִֽי׃

hiné̇h־ná֨ʼ li֜y şĕ̌ţé֣̇y bánò֗wţ ʼàşě֤r lòֽʼ־yádĕʻẇ֙ ʼi֔yş̌ ʼòwẕiֽyʼáh־ná֤̇ʼ ʼeţĕhen֙ ʼàléyke֔m waʻàş֣̂ẇ láhe֔n kȧtò֖̇wb bĕ̇ʻéynéyke֑m ra֠q láֽʼànáşǐ֤ym háʼél֙ ʼal־ţȧʻàş֣̂ẇ dábá֔r kiֽ̇y־ʻal־ké֥̇n bá֖̇ʼẇ bĕ̇ẕé֥l qòráţiֽy׃

9
וַיֹּאמְר֣וּ׀ גֶּשׁ־הָ֗לְאָה וַיֹּֽאמְרוּ֙ הָאֶחָ֤ד בָּֽא־לָגוּר֙ וַיִּשְׁפֹּ֣ט שָׁפֹ֔וט עַתָּ֕ה נָרַ֥ע לְךָ֖ מֵהֶ֑ם וַיִּפְצְר֨וּ בָאִ֤ישׁ בְּלֹוט֙ מְאֹ֔ד וַֽיִּגְּשׁ֖וּ לִשְׁבֹּ֥ר הַדָּֽלֶת׃

wayò̇ʼmĕr֣ẇ׀ gėş̌־há֗lĕʼáh wayòֽ̇ʼmĕrẇ֙ háʼeẖá֤d báֽ̇ʼ־lágẇr֙ wayi̇şĕ̌pò֣̇t şá̌pò֔wt ʻaţá̇֕h nára֥ʻ lĕká֖ méhe֑m wayi̇pĕẕĕr֨ẇ báʼi֤yş̌ bĕ̇lòwt֙ mĕʼò֔d waֽyi̇gĕ̇ş֖̌ẇ lişĕ̌bò֥̇r hadáֽ̇leţ׃

10
וַיִּשְׁלְח֤וּ הָֽאֲנָשִׁים֙ אֶת־יָדָ֔ם וַיָּבִ֧יאוּ אֶת־לֹ֛וט אֲלֵיהֶ֖ם הַבָּ֑יְתָה וְאֶת־הַדֶּ֖לֶת סָגָֽרוּ׃

wayi̇şĕ̌lĕẖ֤ẇ háֽʼànáşǐym֙ ʼeţ־yádá֔m wayá̇bi֧yʼẇ ʼeţ־lò֛wt ʼàléyhe֖m habá֑̇yĕţáh wĕʼeţ־hadė֖leţ ságáֽrẇ׃

11
וְֽאֶת־הָאֲנָשִׁ֞ים אֲשֶׁר־פֶּ֣תַח הַבַּ֗יִת הִכּוּ֙ בַּסַּנְוֵרִ֔ים מִקָּטֹ֖ן וְעַד־גָּדֹ֑ול וַיִּלְא֖וּ לִמְצֹ֥א הַפָּֽתַח׃

wĕֽʼeţ־háʼànáşǐ֞ym ʼàşěr־pė֣ţaẖ habȧ֗yiţ hik̇ẇ֙ bȧsȧnĕwéri֔ym miqá̇tò֖n wĕʻad־gá̇dò֑wl wayi̇lĕʼ֖ẇ limĕẕò֥ʼ hapáֽ̇ţaẖ׃

12
וַיֹּאמְר֨וּ הָאֲנָשִׁ֜ים אֶל־לֹ֗וט עֹ֚ד מִֽי־לְךָ֣ פֹ֔ה חָתָן֙ וּבָנֶ֣יךָ וּבְנֹתֶ֔יךָ וְכֹ֥ל אֲשֶׁר־לְךָ֖ בָּעִ֑יר הֹוצֵ֖א מִן־הַמָּקֹֽום׃

wayò̇ʼmĕr֨ẇ háʼànáşǐ֜ym ʼel־lò֗wt ʻò֚d miֽy־lĕká֣ pò֔h ẖáţán֙ ẇbáne֣yká ẇbĕnòţe֔yká wĕkò֥l ʼàşěr־lĕká֖ bá̇ʻi֑yr hòwẕé֖ʼ min־hamá̇qòֽwm׃

13
כִּֽי־מַשְׁחִתִ֣ים אֲנַ֔חְנוּ אֶת־הַמָּקֹ֖ום הַזֶּ֑ה כִּֽי־גָֽדְלָ֤ה צַעֲקָתָם֙ אֶת־פְּנֵ֣י יְהוָ֔ה וַיְשַׁלְּחֵ֥נוּ יְהוָ֖ה לְשַׁחֲתָֽהּ׃

kiֽ̇y־maşĕ̌ẖiţi֣ym ʼàna֔ẖĕnẇ ʼeţ־hamá̇qò֖wm hazė֑h kiֽ̇y־gáֽdĕlá֤h ẕaʻàqáţám֙ ʼeţ־pĕ̇né֣y yĕhwá֔h wayĕşǎlĕ̇ẖé֥nẇ yĕhwá֖h lĕşǎẖàţáֽḣ׃

14
וַיֵּצֵ֨א לֹ֜וט וַיְדַבֵּ֣ר׀ אֶל־חֲתָנָ֣יו׀ לֹקְחֵ֣י בְנֹתָ֗יו וַיֹּ֨אמֶר֙ ק֤וּמוּ צְּאוּ֙ מִן־הַמָּקֹ֣ום הַזֶּ֔ה כִּֽי־מַשְׁחִ֥ית יְהוָ֖ה אֶת־הָעִ֑יר וַיְהִ֥י כִמְצַחֵ֖ק בְּעֵינֵ֥י חֲתָנָֽיו׃

wayé̇ẕé֨ʼ lò֜wt wayĕdabé֣̇r׀ ʼel־ẖàţáná֣yw׀ lòqĕẖé֣y bĕnòţá֗yw wayò̇֨ʼmer֙ q֤ẇmẇ ẕĕ̇ʼẇ֙ min־hamá̇qò֣wm hazė֔h kiֽ̇y־maşĕ̌ẖi֥yţ yĕhwá֖h ʼeţ־háʻi֑yr wayĕhi֥y kimĕẕaẖé֖q bĕ̇ʻéyné֥y ẖàţánáֽyw׃

15
וּכְמֹו֙ הַשַּׁ֣חַר עָלָ֔ה וַיָּאִ֥יצוּ הַמַּלְאָכִ֖ים בְּלֹ֣וט לֵאמֹ֑ר קוּם֩ קַ֨ח אֶֽת־אִשְׁתְּךָ֜ וְאֶת־שְׁתֵּ֤י בְנֹתֶ֨יךָ֙ הַנִּמְצָאֹ֔ת פֶּן־תִּסָּפֶ֖ה בַּעֲוֹ֥ן הָעִֽיר׃

ẇkĕmòw֙ haşȧ֣̌ẖar ʻálá֔h wayá̇ʼi֥yẕẇ hamȧlĕʼáki֖ym bĕ̇lò֣wt léʼmò֑r qẇm֩ qa֨ẖ ʼeֽţ־ʼişĕ̌ţĕ̇ká֜ wĕʼeţ־şĕ̌ţé֤̇y bĕnòţe֨yká֙ hani̇mĕẕáʼò֔ţ pėn־ţi̇sá̇pe֖h bȧʻàwò֥n háʻiֽyr׃

16
וַֽיִּתְמַהְמָ֓הּ׀ וַיַּחֲזִ֨קוּ הָאֲנָשִׁ֜ים בְּיָדֹ֣ו וּבְיַד־אִשְׁתֹּ֗ו וּבְיַד֙ שְׁתֵּ֣י בְנֹתָ֔יו בְּחֶמְלַ֥ת יְהוָ֖ה עָלָ֑יו וַיֹּצִאֻ֥הוּ וַיַּנִּחֻ֖הוּ מִח֥וּץ לָעִֽיר׃

waֽyi̇ţĕmahĕmá֓ḣ׀ wayȧẖàzi֨qẇ háʼànáşǐ֜ym bĕ̇yádò֣w ẇbĕyad־ʼişĕ̌ţò̇֗w ẇbĕyad֙ şĕ̌ţé֣̇y bĕnòţá֔yw bĕ̇ẖemĕla֥ţ yĕhwá֖h ʻálá֑yw wayò̇ẕiʼu֥hẇ wayȧni̇ẖu֖hẇ miẖ֥ẇẕ láʻiֽyr׃

17
וַיְהִי֩ כְהֹוצִיאָ֨ם אֹתָ֜ם הַח֗וּצָה וַיֹּ֨אמֶר֙ הִמָּלֵ֣ט עַל־נַפְשֶׁ֔ךָ אַל־תַּבִּ֣יט אַחֲרֶ֔יךָ וְאַֽל־תַּעֲמֹ֖ד בְּכָל־הַכִּכָּ֑ר הָהָ֥רָה הִמָּלֵ֖ט פֶּן־תִּסָּפֶֽה׃

wayĕhiy֩ kĕhòwẕiyʼá֨m ʼòţá֜m haẖ֗ẇẕáh wayò̇֨ʼmer֙ himá̇lé֣t ʻal־napĕşě֔ká ʼal־ţȧbi֣̇yt ʼaẖàre֔yká wĕʼaֽl־ţȧʻàmò֖d bĕ̇kál־haki̇ká֑̇r háhá֥ráh himá̇lé֖t pėn־ţi̇sá̇peֽh׃

18
וַיֹּ֥אמֶר לֹ֖וט אֲלֵהֶ֑ם אַל־נָ֖א אֲדֹנָֽי׃

wayò֥̇ʼmer lò֖wt ʼàléhe֑m ʼal־ná֖ʼ ʼàdònáֽy׃

19
הִנֵּה־נָ֠א מָצָ֨א עַבְדְּךָ֣ חֵן֮ בְּעֵינֶיךָ֒ וַתַּגְדֵּ֣ל חַסְדְּךָ֗ אֲשֶׁ֤ר עָשִׂ֨יתָ֙ עִמָּדִ֔י לְהַחֲיֹ֖ות אֶת־נַפְשִׁ֑י וְאָנֹכִ֗י לֹ֤א אוּכַל֙ לְהִמָּלֵ֣ט הָהָ֔רָה פֶּן־תִּדְבָּקַ֥נִי הָרָעָ֖ה וָמַֽתִּי׃

hiné̇h־ná֠ʼ máẕá֨ʼ ʻabĕdĕ̇ká֣ ẖén֮ bĕ̇ʻéyneyká֒ waţȧgĕdé֣̇l ẖasĕdĕ̇ká֗ ʼàşě֤r ʻáşî֨yţá֙ ʻimá̇di֔y lĕhaẖàyò֖wţ ʼeţ־napĕşǐ֑y wĕʼánòki֗y lò֤ʼ ʼẇkal֙ lĕhimá̇lé֣t háhá֔ráh pėn־ţi̇dĕbá̇qa֥niy háráʻá֖h wámaֽţi̇y׃

20
הִנֵּה־נָ֠א הָעִ֨יר הַזֹּ֧את קְרֹבָ֛ה לָנ֥וּס שָׁ֖מָּה וְהִ֣יא מִצְעָ֑ר אִמָּלְטָ֨ה נָּ֜א שָׁ֗מָּה הֲלֹ֥א מִצְעָ֛ר הִ֖וא וּתְחִ֥י נַפְשִֽׁי׃

hiné̇h־ná֠ʼ háʻi֨yr hazò֧̇ʼţ qĕròbá֛h lán֥ẇs şá֖̌má̇h wĕhi֣yʼ miẕĕʻá֑r ʼimá̇lĕtá֨h ná̇֜ʼ şá̌֗má̇h hàlò֥ʼ miẕĕʻá֛r hi֖wʼ ẇţĕẖi֥y napĕşǐֽy׃

21
וַיֹּ֣אמֶר אֵלָ֔יו הִנֵּה֙ נָשָׂ֣אתִי פָנֶ֔יךָ גַּ֖ם לַדָּבָ֣ר הַזֶּ֑ה לְבִלְתִּ֛י הָפְכִּ֥י אֶת־הָעִ֖יר אֲשֶׁ֥ר דִּבַּֽרְתָּ׃

wayò֣̇ʼmer ʼélá֔yw hiné̇h֙ náşá֣̂ʼţiy páne֔yká gȧ֖m ladá̇bá֣r hazė֑h lĕbilĕţi֛̇y hápĕki֥̇y ʼeţ־háʻi֖yr ʼàşě֥r di̇bȧֽrĕţá̇׃

22
מַהֵר֙ הִמָּלֵ֣ט שָׁ֔מָּה כִּ֣י לֹ֤א אוּכַל֙ לַעֲשֹׂ֣ות דָּבָ֔ר עַד־בֹּאֲךָ֖ שָׁ֑מָּה עַל־כֵּ֛ן קָרָ֥א שֵׁם־הָעִ֖יר צֹֽועַר׃

mahér֙ himá̇lé֣t şá̌֔má̇h ki֣̇y lò֤ʼ ʼẇkal֙ laʻàşò֣̂wţ dá̇bá֔r ʻad־bò̇ʼàká֖ şá֑̌má̇h ʻal־ké֛̇n qárá֥ʼ şé̌m־háʻi֖yr ẕòֽwʻar׃

23
הַשֶּׁ֖מֶשׁ יָצָ֣א עַל־הָאָ֑רֶץ וְלֹ֖וט בָּ֥א צֹֽעֲרָה׃

haşė֖̌meş̌ yáẕá֣ʼ ʻal־háʼá֑reẕ wĕlò֖wt bá֥̇ʼ ẕòֽʻàráh׃

24
וַֽיהוָ֗ה הִמְטִ֧יר עַל־סְדֹ֛ם וְעַל־עֲמֹרָ֖ה גָּפְרִ֣ית וָאֵ֑שׁ מֵאֵ֥ת יְהוָ֖ה מִן־הַשָּׁמָֽיִם׃

waֽyhwá֗h himĕti֧yr ʻal־sĕdò֛m wĕʻal־ʻàmòrá֖h gá̇pĕri֣yţ wáʼé֑ş̌ méʼé֥ţ yĕhwá֖h min־haşá̇̌máֽyim׃

25
וַֽיַּהֲפֹךְ֙ אֶת־הֶעָרִ֣ים הָאֵ֔ל וְאֵ֖ת כָּל־הַכִּכָּ֑ר וְאֵת֙ כָּל־יֹשְׁבֵ֣י הֶעָרִ֔ים וְצֶ֖מַח הָאֲדָמָֽה׃

waֽyȧhàpòkĕ֙ ʼeţ־heʻári֣ym háʼé֔l wĕʼé֖ţ ká̇l־haki̇ká֑̇r wĕʼéţ֙ ká̇l־yòşĕ̌bé֣y heʻári֔ym wĕẕe֖maẖ háʼàdámáֽh׃

26
וַתַּבֵּ֥ט אִשְׁתֹּ֖ו מֵאַחֲרָ֑יו וַתְּהִ֖י נְצִ֥יב מֶֽלַח׃

waţȧbé֥̇t ʼişĕ̌ţò֖̇w méʼaẖàrá֑yw waţĕ̇hi֖y nĕẕi֥yb meֽlaẖ׃

27
וַיַּשְׁכֵּ֥ם אַבְרָהָ֖ם בַּבֹּ֑קֶר אֶל־הַ֨מָּקֹ֔ום אֲשֶׁר־עָ֥מַד שָׁ֖ם אֶת־פְּנֵ֥י יְהוָֽה׃

wayȧşĕ̌ké֥̇m ʼabĕráhá֖m bȧbò֑̇qer ʼel־ha֨má̇qò֔wm ʼàşěr־ʻá֥mad şá֖̌m ʼeţ־pĕ̇né֥y yĕhwáֽh׃

28
וַיַּשְׁקֵ֗ף עַל־פְּנֵ֤י סְדֹם֙ וַעֲמֹרָ֔ה וְעַֽל־כָּל־פְּנֵ֖י אֶ֣רֶץ הַכִּכָּ֑ר וַיַּ֗רְא וְהִנֵּ֤ה עָלָה֙ קִיטֹ֣ר הָאָ֔רֶץ כְּקִיטֹ֖ר הַכִּבְשָֽׁן׃

wayȧşĕ̌qé֗p ʻal־pĕ̇né֤y sĕdòm֙ waʻàmòrá֔h wĕʻaֽl־ká̇l־pĕ̇né֖y ʼe֣reẕ haki̇ká֑̇r wayȧ֗rĕʼ wĕhiné֤̇h ʻáláh֙ qiytò֣r háʼá֔reẕ kĕ̇qiytò֖r haki̇bĕşáֽ̌n׃

29
וַיְהִ֗י בְּשַׁחֵ֤ת אֱלֹהִים֙ אֶת־עָרֵ֣י הַכִּכָּ֔ר וַיִּזְכֹּ֥ר אֱלֹהִ֖ים אֶת־אַבְרָהָ֑ם וַיְשַׁלַּ֤ח אֶת־לֹוט֙ מִתֹּ֣וךְ הַהֲפֵכָ֔ה בַּהֲפֹךְ֙ אֶת־הֶ֣עָרִ֔ים אֲשֶׁר־יָשַׁ֥ב בָּהֵ֖ן לֹֽוט׃

wayĕhi֗y bĕ̇şǎẖé֤ţ ʼèlòhiym֙ ʼeţ־ʻáré֣y haki̇ká̇֔r wayi̇zĕkò֥̇r ʼèlòhi֖ym ʼeţ־ʼabĕráhá֑m wayĕşǎlȧ֤ẖ ʼeţ־lòwt֙ miţò֣̇wkĕ hahàpéká֔h bȧhàpòkĕ֙ ʼeţ־he֣ʻári֔ym ʼàşěr־yáşǎ֥b bá̇hé֖n lòֽwt׃

30
וַיַּעַל֩ לֹ֨וט מִצֹּ֜ועַר וַיֵּ֣שֶׁב בָּהָ֗ר וּשְׁתֵּ֤י בְנֹתָיו֙ עִמֹּ֔ו כִּ֥י יָרֵ֖א לָשֶׁ֣בֶת בְּצֹ֑ועַר וַיֵּ֨שֶׁב֙ בַּמְּעָרָ֔ה ה֖וּא וּשְׁתֵּ֥י בְנֹתָֽיו׃

wayȧʻal֩ lò֨wt miẕò̇֜wʻar wayé֣̇şěb bá̇há֗r ẇşĕ̌ţé֤̇y bĕnòţáyw֙ ʻimò̇֔w ki֥̇y yáré֖ʼ láşě֣beţ bĕ̇ẕò֑wʻar wayé̇֨şěb֙ bȧmĕ̇ʻárá֔h h֖ẇʼ ẇşĕ̌ţé֥̇y bĕnòţáֽyw׃

31
וַתֹּ֧אמֶר הַבְּכִירָ֛ה אֶל־הַצְּעִירָ֖ה אָבִ֣ינוּ זָקֵ֑ן וְאִ֨ישׁ אֵ֤ין בָּאָ֨רֶץ֙ לָבֹ֣וא עָלֵ֔ינוּ כְּדֶ֖רֶךְ כָּל־הָאָֽרֶץ׃

waţò֧̇ʼmer habĕ̇kiyrá֛h ʼel־haẕĕ̇ʻiyrá֖h ʼábi֣ynẇ záqé֑n wĕʼi֨yş̌ ʼé֤yn bá̇ʼá֨reẕ֙ lábò֣wʼ ʻálé֔ynẇ kĕ̇de֖rekĕ ká̇l־háʼáֽreẕ׃

32
לְכָ֨ה נַשְׁקֶ֧ה אֶת־אָבִ֛ינוּ יַ֖יִן וְנִשְׁכְּבָ֣ה עִמֹּ֑ו וּנְחַיֶּ֥ה מֵאָבִ֖ינוּ זָֽרַע׃

lĕká֨h naşĕ̌qe֧h ʼeţ־ʼábi֛ynẇ ya֖yin wĕnişĕ̌kĕ̇bá֣h ʻimò֑̇w ẇnĕẖayė֥h méʼábi֖ynẇ záֽraʻ׃

33
וַתַּשְׁקֶ֧יןָ אֶת־אֲבִיהֶ֛ן יַ֖יִן בַּלַּ֣יְלָה ה֑וּא וַתָּבֹ֤א הַבְּכִירָה֙ וַתִּשְׁכַּ֣ב אֶת־אָבִ֔יהָ וְלֹֽא־יָדַ֥ע בְּשִׁכְבָ֖הּ וּבְקוּׄמָֽהּ׃

waţȧşĕ̌qe֧yná ʼeţ־ʼàbiyhe֛n ya֖yin bȧlȧ֣yĕláh h֑ẇʼ waţá̇bò֤ʼ habĕ̇kiyráh֙ waţi̇şĕ̌kȧ֣b ʼeţ־ʼábi֔yhá wĕlòֽʼ־yáda֥ʻ bĕ̇şǐkĕbá֖ḣ ẇbĕqẇׄmáֽḣ׃

34
וַֽיְהִי֙ מִֽמָּחֳרָ֔ת וַתֹּ֤אמֶר הַבְּכִירָה֙ אֶל־הַצְּעִירָ֔ה הֵן־שָׁכַ֥בְתִּי אֶ֖מֶשׁ אֶת־אָבִ֑י נַשְׁקֶ֨נּוּ יַ֜יִן גַּם־הַלַּ֗יְלָה וּבֹ֨אִי֙ שִׁכְבִ֣י עִמֹּ֔ו וּנְחַיֶּ֥ה מֵאָבִ֖ינוּ זָֽרַע׃

waֽyĕhiy֙ miֽmá̇ẖorá֔ţ waţò֤̇ʼmer habĕ̇kiyráh֙ ʼel־haẕĕ̇ʻiyrá֔h hén־şá̌ka֥bĕţi̇y ʼe֖meş̌ ʼeţ־ʼábi֑y naşĕ̌qe֨ṅẇ ya֜yin gȧm־halȧ֗yĕláh ẇbò֨ʼiy֙ şǐkĕbi֣y ʻimò̇֔w ẇnĕẖayė֥h méʼábi֖ynẇ záֽraʻ׃

35
וַתַּשְׁקֶ֜יןָ גַּ֣ם בַּלַּ֧יְלָה הַה֛וּא אֶת־אֲבִיהֶ֖ן יָ֑יִן וַתָּ֤קָם הַצְּעִירָה֙ וַתִּשְׁכַּ֣ב עִמֹּ֔ו וְלֹֽא־יָדַ֥ע בְּשִׁכְבָ֖הּ וּבְקֻמָֽהּ׃

waţȧşĕ̌qe֜yná gȧ֣m bȧlȧ֧yĕláh hah֛ẇʼ ʼeţ־ʼàbiyhe֖n yá֑yin waţá֤̇qám haẕĕ̇ʻiyráh֙ waţi̇şĕ̌kȧ֣b ʻimò̇֔w wĕlòֽʼ־yáda֥ʻ bĕ̇şǐkĕbá֖ḣ ẇbĕqumáֽḣ׃

36
וַֽתַּהֲרֶ֛יןָ שְׁתֵּ֥י בְנֹֽות־לֹ֖וט מֵאֲבִיהֶֽן׃

waֽţȧhàre֛yná şĕ̌ţé֥̇y bĕnòֽwţ־lò֖wt méʼàbiyheֽn׃

37
וַתֵּ֤לֶד הַבְּכִירָה֙ בֵּ֔ן וַתִּקְרָ֥א שְׁמֹ֖ו מֹואָ֑ב ה֥וּא אֲבִֽי־מֹואָ֖ב עַד־הַיֹּֽום׃

waţé֤̇led habĕ̇kiyráh֙ bé̇֔n waţi̇qĕrá֥ʼ şĕ̌mò֖w mòwʼá֑b h֥ẇʼ ʼàbiֽy־mòwʼá֖b ʻad־hayòֽ̇wm׃

38
וְהַצְּעִירָ֤ה גַם־הִוא֙ יָ֣לְדָה בֵּ֔ן וַתִּקְרָ֥א שְׁמֹ֖ו בֶּן־עַמִּ֑י ה֛וּא אֲבִ֥י בְנֵֽי־עַמֹּ֖ון עַד־הַיֹּֽום׃ ס

wĕhaẕĕ̇ʻiyrá֤h gam־hiwʼ֙ yá֣lĕdáh bé̇֔n waţi̇qĕrá֥ʼ şĕ̌mò֖w bėn־ʻami֑̇y h֛ẇʼ ʼàbi֥y bĕnéֽy־ʻamò֖̇wn ʻad־hayòֽ̇wm׃ s