Bibles in ancient languages
Old translations
Modern translations

Biblia Hebraica Stuttgartiensia Genesis 40

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיְהִ֗י אַחַר֙ הַדְּבָרִ֣ים הָאֵ֔לֶּה חָ֥טְא֛וּ מַשְׁקֵ֥ה מֶֽלֶךְ־מִצְרַ֖יִם וְהָאֹפֶ֑ה לַאֲדֹנֵיהֶ֖ם לְמֶ֥לֶךְ מִצְרָֽיִם׃

wayĕhi֗y ʼaẖar֙ hadĕ̇bári֣ym háʼé֔lėh ẖá֥tĕʼ֛ẇ maşĕ̌qé֥h meֽlekĕ־miẕĕra֖yim wĕháʼòpe֑h laʼàdònéyhe֖m lĕme֥lekĕ miẕĕráֽyim׃

2
וַיִּקְצֹ֣ף פַּרְעֹ֔ה עַ֖ל שְׁנֵ֣י סָרִיסָ֑יו עַ֚ל שַׂ֣ר הַמַּשְׁקִ֔ים וְעַ֖ל שַׂ֥ר הָאֹופִֽים׃

wayi̇qĕẕò֣p pȧrĕʻò֔h ʻa֖l şĕ̌né֣y sáriysá֑yw ʻa֚l şâ֣r hamȧşĕ̌qi֔ym wĕʻa֖l şâ֥r háʼòwpiֽym׃

3
וַיִּתֵּ֨ן אֹתָ֜ם בְּמִשְׁמַ֗ר בֵּ֛ית שַׂ֥ר הַטַבָּחִ֖ים אֶל־בֵּ֣ית הַסֹּ֑הַר מְקֹ֕ום אֲשֶׁ֥ר יֹוסֵ֖ף אָס֥וּר שָֽׁם׃

wayi̇ţé̇֨n ʼòţá֜m bĕ̇mişĕ̌ma֗r bé֛̇yţ şâ֥r hatabá̇ẖi֖ym ʼel־bé֣̇yţ hasò֑̇har mĕqò֕wm ʼàşě֥r yòwsé֖p ʼás֥ẇr şáֽ̌m׃

4
וַ֠יִּפְקֹד שַׂ֣ר הַטַּבָּחִ֧ים אֶת־יֹוסֵ֛ף אִתָּ֖ם וַיְשָׁ֣רֶת אֹתָ֑ם וַיִּהְי֥וּ יָמִ֖ים בְּמִשְׁמָֽר׃

wa֠yi̇pĕqòd şâ֣r hatȧbá̇ẖi֧ym ʼeţ־yòwsé֛p ʼiţá֖̇m wayĕşá֣̌reţ ʼòţá֑m wayi̇hĕy֥ẇ yámi֖ym bĕ̇mişĕ̌máֽr׃

5
וַיַּֽחַלְמוּ֩ חֲלֹ֨ום שְׁנֵיהֶ֜ם אִ֤ישׁ חֲלֹמֹו֙ בְּלַ֣יְלָה אֶחָ֔ד אִ֖ישׁ כְּפִתְרֹ֣ון חֲלֹמֹ֑ו הַמַּשְׁקֶ֣ה וְהָאֹפֶ֗ה אֲשֶׁר֙ לְמֶ֣לֶךְ מִצְרַ֔יִם אֲשֶׁ֥ר אֲסוּרִ֖ים בְּבֵ֥ית הַסֹּֽהַר׃

wayȧֽẖalĕmẇ֩ ẖàlò֨wm şĕ̌néyhe֜m ʼi֤yş̌ ẖàlòmòw֙ bĕ̇la֣yĕláh ʼeẖá֔d ʼi֖yş̌ kĕ̇piţĕrò֣wn ẖàlòmò֑w hamȧşĕ̌qe֣h wĕháʼòpe֗h ʼàşěr֙ lĕme֣lekĕ miẕĕra֔yim ʼàşě֥r ʼàsẇri֖ym bĕ̇bé֥yţ hasòֽ̇har׃

6
וַיָּבֹ֧א אֲלֵיהֶ֛ם יֹוסֵ֖ף בַּבֹּ֑קֶר וַיַּ֣רְא אֹתָ֔ם וְהִנָּ֖ם זֹעֲפִֽים׃

wayá̇bò֧ʼ ʼàléyhe֛m yòwsé֖p bȧbò֑̇qer wayȧ֣rĕʼ ʼòţá֔m wĕhiná֖̇m zòʻàpiֽym׃

7
וַיִּשְׁאַ֞ל אֶת־סְרִיסֵ֣י פַרְעֹ֗ה אֲשֶׁ֨ר אִתֹּ֧ו בְמִשְׁמַ֛ר בֵּ֥ית אֲדֹנָ֖יו לֵאמֹ֑ר מַדּ֛וּעַ פְּנֵיכֶ֥ם רָעִ֖ים הַיֹּֽום׃

wayi̇şĕ̌ʼa֞l ʼeţ־sĕriysé֣y parĕʻò֗h ʼàşě֨r ʼiţò֧̇w bĕmişĕ̌ma֛r bé֥̇yţ ʼàdòná֖yw léʼmò֑r maḋ֛ẇʻa pĕ̇néyke֥m ráʻi֖ym hayòֽ̇wm׃

8
וַיֹּאמְר֣וּ אֵלָ֔יו חֲלֹ֣ום חָלַ֔מְנוּ וּפֹתֵ֖ר אֵ֣ין אֹתֹ֑ו וַיֹּ֨אמֶר אֲלֵהֶ֜ם יֹוסֵ֗ף הֲלֹ֤וא לֵֽאלֹהִים֙ פִּתְרֹנִ֔ים סַפְּרוּ־נָ֖א לִֽי׃

wayò̇ʼmĕr֣ẇ ʼélá֔yw ẖàlò֣wm ẖála֔mĕnẇ ẇpòţé֖r ʼé֣yn ʼòţò֑w wayò̇֨ʼmer ʼàléhe֜m yòwsé֗p hàlò֤wʼ léֽʼlòhiym֙ pi̇ţĕròni֔ym sapĕ̇rẇ־ná֖ʼ liֽy׃

9
וַיְסַפֵּ֧ר שַֽׂר־הַמַּשְׁקִ֛ים אֶת־חֲלֹמֹ֖ו לְיֹוסֵ֑ף וַיֹּ֣אמֶר לֹ֔ו בַּחֲלֹומִ֕י וְהִנֵּה־גֶ֖פֶן לְפָנָֽי׃

wayĕsapé֧̇r şâֽr־hamȧşĕ̌qi֛ym ʼeţ־ẖàlòmò֖w lĕyòwsé֑p wayò֣̇ʼmer lò֔w bȧẖàlòwmi֕y wĕhiné̇h־ge֖pen lĕpánáֽy׃

10
וּבַגֶּ֖פֶן שְׁלֹשָׁ֣ה שָׂרִיגִ֑ם וְהִ֤יא כְפֹרַ֨חַת֙ עָלְתָ֣ה נִצָּ֔הּ הִבְשִׁ֥ילוּ אַשְׁכְּלֹתֶ֖יהָ עֲנָבִֽים׃

ẇbagė֖pen şĕ̌lòşá֣̌h şá̂riygi֑m wĕhi֤yʼ kĕpòra֨ẖaţ֙ ʻálĕţá֣h niẕá̇֔ḣ hibĕşǐ֥ylẇ ʼaşĕ̌kĕ̇lòţe֖yhá ʻànábiֽym׃

11
וְכֹ֥וס פַּרְעֹ֖ה בְּיָדִ֑י וָאֶקַּ֣ח אֶת־הָֽעֲנָבִ֗ים וָֽאֶשְׂחַ֤ט אֹתָם֙ אֶל־כֹּ֣וס פַּרְעֹ֔ה וָאֶתֵּ֥ן אֶת־הַכֹּ֖וס עַל־כַּ֥ף פַּרְעֹֽה׃

wĕkò֥ws pȧrĕʻò֖h bĕ̇yádi֑y wáʼeqȧ֣ẖ ʼeţ־háֽʻànábi֗ym wáֽʼeşĕ̂ẖa֤t ʼòţám֙ ʼel־kò֣̇ws pȧrĕʻò֔h wáʼeţé֥̇n ʼeţ־hakò֖̇ws ʻal־kȧ֥p pȧrĕʻòֽh׃

12
וַיֹּ֤אמֶר לֹו֙ יֹוסֵ֔ף זֶ֖ה פִּתְרֹנֹ֑ו שְׁלֹ֨שֶׁת֙ הַשָּׂ֣רִגִ֔ים שְׁלֹ֥שֶׁת יָמִ֖ים הֵֽם׃

wayò֤̇ʼmer lòw֙ yòwsé֔p ze֖h pi̇ţĕrònò֑w şĕ̌lò֨şěţ֙ haşá֣̇̂rigi֔ym şĕ̌lò֥şěţ yámi֖ym héֽm׃

13
בְּעֹ֣וד׀ שְׁלֹ֣שֶׁת יָמִ֗ים יִשָּׂ֤א פַרְעֹה֙ אֶת־רֹאשֶׁ֔ךָ וַהֲשִֽׁיבְךָ֖ עַל־כַּנֶּ֑ךָ וְנָתַתָּ֤ כֹוס־פַּרְעֹה֙ בְּיָדֹ֔ו כַּמִּשְׁפָּט֙ הָֽרִאשֹׁ֔ון אֲשֶׁ֥ר הָיִ֖יתָ מַשְׁקֵֽהוּ׃

bĕ̇ʻò֣wd׀ şĕ̌lò֣şěţ yámi֗ym yişá֤̇̂ʼ parĕʻòh֙ ʼeţ־ròʼşě֔ká wahàşǐֽybĕká֖ ʻal־kȧnė֑ká wĕnáţaţá֤̇ kòws־pȧrĕʻòh֙ bĕ̇yádò֔w kȧmi̇şĕ̌pá̇t֙ háֽriʼşò̌֔wn ʼàşě֥r háyi֖yţá maşĕ̌qéֽhẇ׃

14
כִּ֧י אִם־זְכַרְתַּ֣נִי אִתְּךָ֗ כַּאֲשֶׁר֙ יִ֣יטַב לָ֔ךְ וְעָשִֽׂיתָ־נָּ֥א עִמָּדִ֖י חָ֑סֶד וְהִזְכַּרְתַּ֨נִי֙ אֶל־פַּרְעֹ֔ה וְהֹוצֵאתַ֖נִי מִן־הַבַּ֥יִת הַזֶּֽה׃

ki֧̇y ʼim־zĕkarĕţȧ֣niy ʼiţĕ̇ká֗ kȧʼàşěr֙ yi֣ytab lá֔kĕ wĕʻáşîֽyţá־ná֥̇ʼ ʻimá̇di֖y ẖá֑sed wĕhizĕkȧrĕţȧ֨niy֙ ʼel־pȧrĕʻò֔h wĕhòwẕéʼţa֖niy min־habȧ֥yiţ hazėֽh׃

15
כִּֽי־גֻנֹּ֣ב גֻּנַּ֔בְתִּי מֵאֶ֖רֶץ הָעִבְרִ֑ים וְגַם־פֹּה֙ לֹא־עָשִׂ֣יתִֽי מְא֔וּמָה כִּֽי־שָׂמ֥וּ אֹתִ֖י בַּבֹּֽור׃

kiֽ̇y־gunò֣̇b gu̇nȧ֔bĕţi̇y méʼe֖reẕ háʻibĕri֑ym wĕgam־pò̇h֙ lòʼ־ʻáşî֣yţiֽy mĕʼ֔ẇmáh kiֽ̇y־şá̂m֥ẇ ʼòţi֖y bȧbòֽ̇wr׃

16
וַיַּ֥רְא שַׂר־הָאֹפִ֖ים כִּ֣י טֹ֣וב פָּתָ֑ר וַיֹּ֨אמֶר֙ אֶל־יֹוסֵ֔ף אַף־אֲנִי֙ בַּחֲלֹומִ֔י וְהִנֵּ֗ה שְׁלֹשָׁ֛ה סַלֵּ֥י חֹרִ֖י עַל־רֹאשִֽׁי׃

wayȧ֥rĕʼ şâr־háʼòpi֖ym ki֣̇y tò֣wb pá̇ţá֑r wayò̇֨ʼmer֙ ʼel־yòwsé֔p ʼap־ʼàniy֙ bȧẖàlòwmi֔y wĕhiné̇֗h şĕ̌lòşá֛̌h salé֥̇y ẖòri֖y ʻal־ròʼşǐֽy׃

17
וּבַסַּ֣ל הָֽעֶלְיֹו֔ן מִכֹּ֛ל מַאֲכַ֥ל פַּרְעֹ֖ה מַעֲשֵׂ֣ה אֹפֶ֑ה וְהָעֹ֗וף אֹכֵ֥ל אֹתָ֛ם מִן־הַסַּ֖ל מֵעַ֥ל רֹאשִֽׁי׃

ẇbasȧ֣l háֽʻelĕyòw֔n mikò֛̇l maʼàka֥l pȧrĕʻò֖h maʻàşé֣̂h ʼòpe֑h wĕháʻò֗wp ʼòké֥l ʼòţá֛m min־hasȧ֖l méʻa֥l ròʼşǐֽy׃

18
וַיַּ֤עַן יֹוסֵף֙ וַיֹּ֔אמֶר זֶ֖ה פִּתְרֹנֹ֑ו שְׁלֹ֨שֶׁת֙ הַסַּלִּ֔ים שְׁלֹ֥שֶׁת יָמִ֖ים הֵֽם׃

wayȧ֤ʻan yòwsép֙ wayò̇֔ʼmer ze֖h pi̇ţĕrònò֑w şĕ̌lò֨şěţ֙ hasȧli̇֔ym şĕ̌lò֥şěţ yámi֖ym héֽm׃

19
בְּעֹ֣וד׀ שְׁלֹ֣שֶׁת יָמִ֗ים יִשָּׂ֨א פַרְעֹ֤ה אֶת־רֹֽאשְׁךָ֙ מֵֽעָלֶ֔יךָ וְתָלָ֥ה אֹותְךָ֖ עַל־עֵ֑ץ וְאָכַ֥ל הָעֹ֛וף אֶת־בְּשָׂרְךָ֖ מֵעָלֶֽיךָ׃

bĕ̇ʻò֣wd׀ şĕ̌lò֣şěţ yámi֗ym yişá̇̂֨ʼ parĕʻò֤h ʼeţ־ròֽʼşĕ̌ká֙ méֽʻále֔yká wĕţálá֥h ʼòwţĕká֖ ʻal־ʻé֑ẕ wĕʼáka֥l háʻò֛wp ʼeţ־bĕ̇şá̂rĕká֖ méʻáleֽyká׃

20
וַיְהִ֣י׀ בַּיֹּ֣ום הַשְּׁלִישִׁ֗י יֹ֚ום הֻלֶּ֣דֶת אֶת־פַּרְעֹ֔ה וַיַּ֥עַשׂ מִשְׁתֶּ֖ה לְכָל־עֲבָדָ֑יו וַיִּשָּׂ֞א אֶת־רֹ֣אשׁ׀ שַׂ֣ר הַמַּשְׁקִ֗ים וְאֶת־רֹ֛אשׁ שַׂ֥ר הָאֹפִ֖ים בְּתֹ֥וךְ עֲבָדָֽיו׃

wayĕhi֣y׀ bȧyò֣̇wm haşĕ̇̌liyşǐ֗y yò֚wm hulė֣deţ ʼeţ־pȧrĕʻò֔h wayȧ֥ʻaş̂ mişĕ̌ţė֖h lĕkál־ʻàbádá֑yw wayi̇şá̇̂֞ʼ ʼeţ־rò֣ʼş̌׀ şâ֣r hamȧşĕ̌qi֗ym wĕʼeţ־rò֛ʼş̌ şâ֥r háʼòpi֖ym bĕ̇ţò֥wkĕ ʻàbádáֽyw׃

21
וַיָּ֛שֶׁב אֶת־שַׂ֥ר הַמַּשְׁקִ֖ים עַל־מַשְׁקֵ֑הוּ וַיִּתֵּ֥ן הַכֹּ֖וס עַל־כַּ֥ף פַּרְעֹֽה׃

wayá֛̇şěb ʼeţ־şâ֥r hamȧşĕ̌qi֖ym ʻal־maşĕ̌qé֑hẇ wayi̇ţé֥̇n hakò֖̇ws ʻal־kȧ֥p pȧrĕʻòֽh׃

22
וְאֵ֛ת שַׂ֥ר הָאֹפִ֖ים תָּלָ֑ה כַּאֲשֶׁ֥ר פָּתַ֛ר לָהֶ֖ם יֹוסֵֽף׃

wĕʼé֛ţ şâ֥r háʼòpi֖ym ţá̇lá֑h kȧʼàşě֥r pá̇ţa֛r láhe֖m yòwséֽp׃

23
וְלֹֽא־זָכַ֧ר שַֽׂר־הַמַּשְׁקִ֛ים אֶת־יֹוסֵ֖ף וַיִּשְׁכָּחֵֽהוּ׃ פ

wĕlòֽʼ־záka֧r şâֽr־hamȧşĕ̌qi֛ym ʼeţ־yòwsé֖p wayi̇şĕ̌ká̇ẖéֽhẇ׃ p