Bibles in ancient languages
Old translations
Modern translations

Biblia Hebraica Stuttgartiensia Judges 13

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיֹּסִ֨פוּ֙ בְּנֵ֣י יִשְׂרָאֵ֔ל לַעֲשֹׂ֥ות הָרַ֖ע בְּעֵינֵ֣י יְהוָ֑ה וַיִּתְּנֵ֧ם יְהוָ֛ה בְּיַד־פְּלִשְׁתִּ֖ים אַרְבָּעִ֥ים שָׁנָֽה׃ פ

wayò̇si֨pẇ֙ bĕ̇né֣y yişĕ̂ráʼé֔l laʻàşò֥̂wţ hára֖ʻ bĕ̇ʻéyné֣y yĕhwá֑h wayi̇ţĕ̇né֧m yĕhwá֛h bĕ̇yad־pĕ̇lişĕ̌ţi֖̇ym ʼarĕbá̇ʻi֥ym şá̌náֽh׃ p

2
וַיְהִי֩ אִ֨ישׁ אֶחָ֧ד מִצָּרְעָ֛ה מִמִּשְׁפַּ֥חַת הַדָּנִ֖י וּשְׁמֹ֣ו מָנֹ֑וחַ וְאִשְׁתֹּ֥ו עֲקָרָ֖ה וְלֹ֥א יָלָֽדָה׃

wayĕhiy֩ ʼi֨yş̌ ʼeẖá֧d miẕá̇rĕʻá֛h mimi̇şĕ̌pȧ֥ẖaţ hadá̇ni֖y ẇşĕ̌mò֣w mánò֑wẖa wĕʼişĕ̌ţò֥̇w ʻàqárá֖h wĕlò֥ʼ yáláֽdáh׃

3
וַיֵּרָ֥א מַלְאַךְ־יְהוָ֖ה אֶל־הָאִשָּׁ֑ה וַיֹּ֣אמֶר אֵלֶ֗יהָ הִנֵּה־נָ֤א אַתְּ־עֲקָרָה֙ וְלֹ֣א יָלַ֔דְתְּ וְהָרִ֖ית וְיָלַ֥דְתְּ בֵּֽן׃

wayé̇rá֥ʼ malĕʼakĕ־yĕhwá֖h ʼel־háʼişá֑̇̌h wayò֣̇ʼmer ʼéle֗yhá hiné̇h־ná֤ʼ ʼaţĕ̇־ʻàqáráh֙ wĕlò֣ʼ yála֔dĕţĕ̇ wĕhári֖yţ wĕyála֥dĕţĕ̇ béֽ̇n׃

4
וְעַתָּה֙ הִשָּׁ֣מְרִי נָ֔א וְאַל־תִּשְׁתִּ֖י יַ֣יִן וְשֵׁכָ֑ר וְאַל־תֹּאכְלִ֖י כָּל־טָמֵֽא׃

wĕʻaţá̇h֙ hişá֣̇̌mĕriy ná֔ʼ wĕʼal־ţi̇şĕ̌ţi֖̇y ya֣yin wĕşé̌ká֑r wĕʼal־ţò̇ʼkĕli֖y ká̇l־táméֽʼ׃

5
כִּי֩ הִנָּ֨ךְ הָרָ֜ה וְיֹלַ֣דְתְּ בֵּ֗ן וּמֹורָה֙ לֹא־יַעֲלֶ֣ה עַל־רֹאשֹׁ֔ו כִּֽי־נְזִ֧יר אֱלֹהִ֛ים יִהְיֶ֥ה הַנַּ֖עַר מִן־הַבָּ֑טֶן וְה֗וּא יָחֵ֛ל לְהֹושִׁ֥יעַ אֶת־יִשְׂרָאֵ֖ל מִיַּ֥ד פְּלִשְׁתִּֽים׃

ki̇y֩ hiná̇֨kĕ hárá֜h wĕyòla֣dĕţĕ̇ bé̇֗n ẇmòwráh֙ lòʼ־yaʻàle֣h ʻal־ròʼşò̌֔w kiֽ̇y־nĕzi֧yr ʼèlòhi֛ym yihĕye֥h hanȧ֖ʻar min־habá֑̇ten wĕh֗ẇʼ yáẖé֛l lĕhòwşǐ֥yʻa ʼeţ־yişĕ̂ráʼé֖l miyȧ֥d pĕ̇lişĕ̌ţiֽ̇ym׃

6
וַתָּבֹ֣א הָאִשָּׁ֗ה וַתֹּ֣אמֶר לְאִישָׁהּ֮ לֵאמֹר֒ אִ֤ישׁ הָאֱלֹהִים֙ בָּ֣א אֵלַ֔י וּמַרְאֵ֕הוּ כְּמַרְאֵ֛ה מַלְאַ֥ךְ הָאֱלֹהִ֖ים נֹורָ֣א מְאֹ֑ד וְלֹ֤א שְׁאִלְתִּ֨יהוּ֙ אֵֽי־מִזֶּ֣ה ה֔וּא וְאֶת־שְׁמֹ֖ו לֹֽא־הִגִּ֥יד לִֽי׃

waţá̇bò֣ʼ háʼişá̇̌֗h waţò֣̇ʼmer lĕʼiyşá̌ḣ֮ léʼmòr֒ ʼi֤yş̌ háʼèlòhiym֙ bá֣̇ʼ ʼéla֔y ẇmarĕʼé֕hẇ kĕ̇marĕʼé֛h malĕʼa֥kĕ háʼèlòhi֖ym nòwrá֣ʼ mĕʼò֑d wĕlò֤ʼ şĕ̌ʼilĕţi̇֨yhẇ֙ ʼéֽy־mizė֣h h֔ẇʼ wĕʼeţ־şĕ̌mò֖w lòֽʼ־higi֥̇yd liֽy׃

7
וַיֹּ֣אמֶר לִ֔י הִנָּ֥ךְ הָרָ֖ה וְיֹלַ֣דְתְּ בֵּ֑ן וְעַתָּ֞ה אַל־תִּשְׁתִּ֣י׀ יַ֣יִן וְשֵׁכָ֗ר וְאַל־תֹּֽאכְלִי֙ כָּל־טֻמְאָ֔ה כִּֽי־נְזִ֤יר אֱלֹהִים֙ יִהְיֶ֣ה הַנַּ֔עַר מִן־הַבֶּ֖טֶן עַד־יֹ֥ום מֹותֹֽו׃ פ

wayò֣̇ʼmer li֔y hiná֥̇kĕ hárá֖h wĕyòla֣dĕţĕ̇ bé֑̇n wĕʻaţá̇֞h ʼal־ţi̇şĕ̌ţi֣̇y׀ ya֣yin wĕşé̌ká֗r wĕʼal־ţòֽ̇ʼkĕliy֙ ká̇l־tumĕʼá֔h kiֽ̇y־nĕzi֤yr ʼèlòhiym֙ yihĕye֣h hanȧ֔ʻar min־habė֖ten ʻad־yò֥wm mòwţòֽw׃ p

8
וַיֶּעְתַּ֥ר מָנֹ֛וחַ אֶל־יְהוָ֖ה וַיֹּאמַ֑ר בִּ֣י אֲדֹונָ֔י אִ֣ישׁ הָאֱלֹהִ֞ים אֲשֶׁ֣ר שָׁלַ֗חְתָּ יָבֹוא־נָ֥א עֹוד֙ אֵלֵ֔ינוּ וְיֹורֵ֕נוּ מַֽה־נַּעֲשֶׂ֖ה לַנַּ֥עַר הַיּוּלָּֽד׃

wayėʻĕţȧ֥r mánò֛wẖa ʼel־yĕhwá֖h wayò̇ʼma֑r bi֣̇y ʼàdòwná֔y ʼi֣yş̌ háʼèlòhi֞ym ʼàşě֣r şá̌la֗ẖĕţá̇ yábòwʼ־ná֥ʼ ʻòwd֙ ʼélé֔ynẇ wĕyòwré֕nẇ maֽh־nȧʻàşê֖h lanȧ֥ʻar haẏẇláֽ̇d׃

9
וַיִּשְׁמַ֥ע הָאֱלֹהִ֖ים בְּקֹ֣ול מָנֹ֑וחַ וַיָּבֹ֣א מַלְאַךְ֩ הָאֱלֹהִ֨ים עֹ֜וד אֶל־הָאִשָּׁ֗ה וְהִיא֙ יֹושֶׁ֣בֶת בַּשָּׂדֶ֔ה וּמָנֹ֥וחַ אִישָׁ֖הּ אֵ֥ין עִמָּֽהּ׃

wayi̇şĕ̌ma֥ʻ háʼèlòhi֖ym bĕ̇qò֣wl mánò֑wẖa wayá̇bò֣ʼ malĕʼakĕ֩ háʼèlòhi֨ym ʻò֜wd ʼel־háʼişá̇̌֗h wĕhiyʼ֙ yòwşě֣beţ bȧşá̇̂de֔h ẇmánò֥wẖa ʼiyşá֖̌ḣ ʼé֥yn ʻimáֽ̇ḣ׃

10
וַתְּמַהֵר֙ הָֽאִשָּׁ֔ה וַתָּ֖רָץ וַתַּגֵּ֣ד לְאִישָׁ֑הּ וַתֹּ֣אמֶר אֵלָ֔יו הִנֵּ֨ה נִרְאָ֤ה אֵלַי֙ הָאִ֔ישׁ אֲשֶׁר־בָּ֥א בַיֹּ֖ום אֵלָֽי׃

waţĕ̇mahér֙ háֽʼişá̇̌֔h waţá֖̇ráẕ waţȧgé֣̇d lĕʼiyşá֑̌ḣ waţò֣̇ʼmer ʼélá֔yw hiné̇֨h nirĕʼá֤h ʼélay֙ háʼi֔yş̌ ʼàşěr־bá֥̇ʼ bayò֖̇wm ʼéláֽy׃

11
וַיָּ֛קָם וַיֵּ֥לֶךְ מָנֹ֖וחַ אַחֲרֵ֣י אִשְׁתֹּ֑ו וַיָּבֹא֙ אֶל־הָאִ֔ישׁ וַיֹּ֣אמֶר לֹ֗ו הַאַתָּ֥ה הָאִ֛ישׁ אֲשֶׁר־דִּבַּ֥רְתָּ אֶל־הָאִשָּׁ֖ה וַיֹּ֥אמֶר אָֽנִי׃

wayá֛̇qám wayé֥̇lekĕ mánò֖wẖa ʼaẖàré֣y ʼişĕ̌ţò֑̇w wayá̇bòʼ֙ ʼel־háʼi֔yş̌ wayò֣̇ʼmer lò֗w haʼaţá֥̇h háʼi֛yş̌ ʼàşěr־di̇bȧ֥rĕţá̇ ʼel־háʼişá֖̇̌h wayò֥̇ʼmer ʼáֽniy׃

12
וַיֹּ֣אמֶר מָנֹ֔וחַ עַתָּ֖ה יָבֹ֣א דְבָרֶ֑יךָ מַה־יִּֽהְיֶ֥ה מִשְׁפַּט־הַנַּ֖עַר וּמַעֲשֵֽׂהוּ׃

wayò֣̇ʼmer mánò֔wẖa ʻaţá֖̇h yábò֣ʼ dĕbáre֑yká mah־yiֽ̇hĕye֥h mişĕ̌pȧt־hanȧ֖ʻar ẇmaʻàşéֽ̂hẇ׃

13
וַיֹּ֛אמֶר מַלְאַ֥ךְ יְהוָ֖ה אֶל־מָנֹ֑וחַ מִכֹּ֛ל אֲשֶׁר־אָמַ֥רְתִּי אֶל־הָאִשָּׁ֖ה תִּשָּׁמֵֽר׃

wayò֛̇ʼmer malĕʼa֥kĕ yĕhwá֖h ʼel־mánò֑wẖa mikò֛̇l ʼàşěr־ʼáma֥rĕţi̇y ʼel־háʼişá֖̇̌h ţi̇şá̇̌méֽr׃

14
מִכֹּ֣ל אֲשֶׁר־יֵצֵא֩ מִגֶּ֨פֶן הַיַּ֜יִן לֹ֣א תֹאכַ֗ל וְיַ֤יִן וְשֵׁכָר֙ אַל־תֵּ֔שְׁתְּ וְכָל־טֻמְאָ֖ה אַל־תֹּאכַ֑ל כֹּ֥ל אֲשֶׁר־צִוִּיתִ֖יהָ תִּשְׁמֹֽר׃

mikò֣̇l ʼàşěr־yéẕéʼ֩ migė֨pen hayȧ֜yin lò֣ʼ ţòʼka֗l wĕya֤yin wĕşé̌kár֙ ʼal־ţé̇֔şĕ̌ţĕ̇ wĕkál־tumĕʼá֖h ʼal־ţò̇ʼka֑l kò֥̇l ʼàşěr־ẕiwi̇yţi֖yhá ţi̇şĕ̌mòֽr׃

15
וַיֹּ֥אמֶר מָנֹ֖וחַ אֶל־מַלְאַ֣ךְ יְהוָ֑ה נַעְצְרָה־נָּ֣א אֹותָ֔ךְ וְנַעֲשֶׂ֥ה לְפָנֶ֖יךָ גְּדִ֥י עִזִּֽים׃

wayò֥̇ʼmer mánò֖wẖa ʼel־malĕʼa֣kĕ yĕhwá֑h naʻĕẕĕráh־ná֣̇ʼ ʼòwţá֔kĕ wĕnaʻàşê֥h lĕpáne֖yká gĕ̇di֥y ʻiziֽ̇ym׃

16
וַיֹּאמֶר֩ מַלְאַ֨ךְ יְהוָ֜ה אֶל־מָנֹ֗וחַ אִם־תַּעְצְרֵ֨נִי֙ לֹא־אֹכַ֣ל בְּלַחְמֶ֔ךָ וְאִם־תַּעֲשֶׂ֣ה עֹלָ֔ה לַיהוָ֖ה תַּעֲלֶ֑נָּה כִּ֚י לֹא־יָדַ֣ע מָנֹ֔וחַ כִּֽי־מַלְאַ֥ךְ יְהוָ֖ה הֽוּא׃

wayò̇ʼmer֩ malĕʼa֨kĕ yĕhwá֜h ʼel־mánò֗wẖa ʼim־ţȧʻĕẕĕré֨niy֙ lòʼ־ʼòka֣l bĕ̇laẖĕme֔ká wĕʼim־ţȧʻàşê֣h ʻòlá֔h layhwá֖h ţȧʻàle֑ná̇h ki֚̇y lòʼ־yáda֣ʻ mánò֔wẖa kiֽ̇y־malĕʼa֥kĕ yĕhwá֖h hֽẇʼ׃

17
וַיֹּ֧אמֶר מָנֹ֛וחַ אֶל־מַלְאַ֥ךְ יְהוָ֖ה מִ֣י שְׁמֶ֑ךָ כִּֽי־יָבֹ֥א דִבְרֵיךָ וְכִבַּדְנֽוּךָ׃

wayò֧̇ʼmer mánò֛wẖa ʼel־malĕʼa֥kĕ yĕhwá֖h mi֣y şĕ̌me֑ká kiֽ̇y־yábò֥ʼ dibĕréyká wĕkibȧdĕnֽẇká׃

18
וַיֹּ֤אמֶר לֹו֙ מַלְאַ֣ךְ יְהוָ֔ה לָ֥מָּה זֶּ֖ה תִּשְׁאַ֣ל לִשְׁמִ֑י וְהוּא־פֶֽלִאי׃ ס

wayò֤̇ʼmer lòw֙ malĕʼa֣kĕ yĕhwá֔h lá֥má̇h zė֖h ţi̇şĕ̌ʼa֣l lişĕ̌mi֑y wĕhẇʼ־peֽliʼy׃ s

19
וַיִּקַּ֨ח מָנֹ֜וחַ אֶת־גְּדִ֤י הָעִזִּים֙ וְאֶת־הַמִּנְחָ֔ה וַיַּ֥עַל עַל־הַצּ֖וּר לַֽיהוָ֑ה וּמַפְלִ֣א לַעֲשֹׂ֔ות וּמָנֹ֥וחַ וְאִשְׁתֹּ֖ו רֹאִֽים׃

wayi̇qȧ֨ẖ mánò֜wẖa ʼeţ־gĕ̇di֤y háʻizi̇ym֙ wĕʼeţ־hami̇nĕẖá֔h wayȧ֥ʻal ʻal־haẕ֖̇ẇr laֽyhwá֑h ẇmapĕli֣ʼ laʻàşò̂֔wţ ẇmánò֥wẖa wĕʼişĕ̌ţò֖̇w ròʼiֽym׃

20
וַיְהִי֩ בַעֲלֹ֨ות הַלַּ֜הַב מֵעַ֤ל הַמִּזְבֵּ֨חַ֙ הַשָּׁמַ֔יְמָה וַיַּ֥עַל מַלְאַךְ־יְהוָ֖ה בְּלַ֣הַב הַמִּזְבֵּ֑חַ וּמָנֹ֤וחַ וְאִשְׁתֹּו֙ רֹאִ֔ים וַיִּפְּל֥וּ עַל־פְּנֵיהֶ֖ם אָֽרְצָה׃

wayĕhiy֩ baʻàlò֨wţ halȧ֜hab méʻa֤l hami̇zĕbé̇֨ẖa֙ haşá̇̌ma֔yĕmáh wayȧ֥ʻal malĕʼakĕ־yĕhwá֖h bĕ̇la֣hab hami̇zĕbé֑̇ẖa ẇmánò֤wẖa wĕʼişĕ̌ţò̇w֙ ròʼi֔ym wayi̇pĕ̇l֥ẇ ʻal־pĕ̇néyhe֖m ʼáֽrĕẕáh׃

21
וְלֹא־יָ֤סַף עֹוד֙ מַלְאַ֣ךְ יְהוָ֔ה לְהֵרָאֹ֖ה אֶל־מָנֹ֣וחַ וְאֶל־אִשְׁתֹּ֑ו אָ֚ז יָדַ֣ע מָנֹ֔וחַ כִּֽי־מַלְאַ֥ךְ יְהוָ֖ה הֽוּא׃

wĕlòʼ־yá֤sap ʻòwd֙ malĕʼa֣kĕ yĕhwá֔h lĕhéráʼò֖h ʼel־mánò֣wẖa wĕʼel־ʼişĕ̌ţò֑̇w ʼá֚z yáda֣ʻ mánò֔wẖa kiֽ̇y־malĕʼa֥kĕ yĕhwá֖h hֽẇʼ׃

22
וַיֹּ֧אמֶר מָנֹ֛וחַ אֶל־אִשְׁתֹּ֖ו מֹ֣ות נָמ֑וּת כִּ֥י אֱלֹהִ֖ים רָאִֽינוּ׃

wayò֧̇ʼmer mánò֛wẖa ʼel־ʼişĕ̌ţò֖̇w mò֣wţ nám֑ẇţ ki֥̇y ʼèlòhi֖ym ráʼiֽynẇ׃

23
וַתֹּ֧אמֶר לֹ֣ו אִשְׁתֹּ֗ו לוּ֩ חָפֵ֨ץ יְהוָ֤ה לַהֲמִיתֵ֨נוּ֙ לֹֽא־לָקַ֤ח מִיָּדֵ֨נוּ֙ עֹלָ֣ה וּמִנְחָ֔ה וְלֹ֥א הֶרְאָ֖נוּ אֶת־כָּל־אֵ֑לֶּה וְכָעֵ֕ת לֹ֥א הִשְׁמִיעָ֖נוּ כָּזֹֽאת׃

waţò֧̇ʼmer lò֣w ʼişĕ̌ţò̇֗w lẇ֩ ẖápé֨ẕ yĕhwá֤h lahàmiyţé֨nẇ֙ lòֽʼ־láqa֤ẖ miyá̇dé֨nẇ֙ ʻòlá֣h ẇminĕẖá֔h wĕlò֥ʼ herĕʼá֖nẇ ʼeţ־ká̇l־ʼé֑lėh wĕkáʻé֕ţ lò֥ʼ hişĕ̌miyʻá֖nẇ ká̇zòֽʼţ׃

24
וַתֵּ֤לֶד הָֽאִשָּׁה֙ בֵּ֔ן וַתִּקְרָ֥א אֶת־שְׁמֹ֖ו שִׁמְשֹׁ֑ון וַיִּגְדַּ֣ל הַנַּ֔עַר וַֽיְבָרְכֵ֖הוּ יְהוָֽה׃

waţé֤̇led háֽʼişá̇̌h֙ bé̇֔n waţi̇qĕrá֥ʼ ʼeţ־şĕ̌mò֖w şǐmĕşò֑̌wn wayi̇gĕdȧ֣l hanȧ֔ʻar waֽyĕbárĕké֖hẇ yĕhwáֽh׃

25
וַתָּ֨חֶל֙ ר֣וּחַ יְהוָ֔ה לְפַעֲמֹ֖ו בְּמַחֲנֵה־דָ֑ן בֵּ֥ין צָרְעָ֖ה וּבֵ֥ין אֶשְׁתָּאֹֽל׃ פ

waţá̇֨ẖel֙ r֣ẇẖa yĕhwá֔h lĕpaʻàmò֖w bĕ̇maẖànéh־dá֑n bé֥̇yn ẕárĕʻá֖h ẇbé֥yn ʼeşĕ̌ţá̇ʼòֽl׃ p