Bibles in ancient languages
Old translations
Modern translations

Biblia Hebraica Stuttgartensia Juges 18:15

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
בַּיָּמִ֣ים הָהֵ֔ם אֵ֥ין מֶ֖לֶךְ בְּיִשְׂרָאֵ֑ל וּבַיָּמִ֣ים הָהֵ֗ם שֵׁ֣בֶט הַדָּנִ֞י מְבַקֶּשׁ־לֹ֤ו נַֽחֲלָה֙ לָשֶׁ֔בֶת כִּי֩ לֹֽא־נָ֨פְלָה לֹּ֜ו עַד־הַיֹּ֥ום הַה֛וּא בְּתֹוךְ־שִׁבְטֵ֥י יִשְׂרָאֵ֖ל בְּנַחֲלָֽה׃ ס

bȧyá̇mi֣ym háhé֔m ʼé֥yn me֖lekĕ bĕ̇yişĕ̂ráʼé֑l ẇbayá̇mi֣ym háhé֗m şé֣̌bet hadá̇ni֞y mĕbaqėş̌־lò֤w naֽẖàláh֙ láşě֔beţ ki̇y֩ lòֽʼ־ná֨pĕláh lò̇֜w ʻad־hayò֥̇wm hah֛ẇʼ bĕ̇ţòwkĕ־şǐbĕté֥y yişĕ̂ráʼé֖l bĕ̇naẖàláֽh׃ s

2
וַיִּשְׁלְח֣וּ בְנֵי־דָ֣ן׀ מִֽמִּשְׁפַּחְתָּ֡ם חֲמִשָּׁ֣ה אֲנָשִׁ֣ים מִקְצֹותָם֩ אֲנָשִׁ֨ים בְּנֵי־חַ֜יִל מִצָּרְעָ֣ה וּמֵֽאֶשְׁתָּאֹ֗ל לְרַגֵּ֤ל אֶת־הָאָ֨רֶץ֙ וּלְחָקְרָ֔הּ וַיֹּאמְר֣וּ אֲלֵהֶ֔ם לְכ֖וּ חִקְר֣וּ אֶת־הָאָ֑רֶץ וַיָּבֹ֤אוּ הַר־אֶפְרַ֨יִם֙ עַד־בֵּ֣ית מִיכָ֔ה וַיָּלִ֖ינוּ שָֽׁם׃

wayi̇şĕ̌lĕẖ֣ẇ bĕnéy־dá֣n׀ miֽmi̇şĕ̌pȧẖĕţá̇֡m ẖàmişá֣̇̌h ʼànáşǐ֣ym miqĕẕòwţám֩ ʼànáşǐ֨ym bĕ̇néy־ẖa֜yil miẕá̇rĕʻá֣h ẇméֽʼeşĕ̌ţá̇ʼò֗l lĕragé֤̇l ʼeţ־háʼá֨reẕ֙ ẇlĕẖáqĕrá֔ḣ wayò̇ʼmĕr֣ẇ ʼàléhe֔m lĕk֖ẇ ẖiqĕr֣ẇ ʼeţ־háʼá֑reẕ wayá̇bò֤ʼẇ har־ʼepĕra֨yim֙ ʻad־bé֣̇yţ miyká֔h wayá̇li֖ynẇ şáֽ̌m׃

3
הֵ֚מָּה עִם־בֵּ֣ית מִיכָ֔ה וְהֵ֣מָּה הִכִּ֔ירוּ אֶת־קֹ֥ול הַנַּ֖עַר הַלֵּוִ֑י וַיָּס֣וּרוּ שָׁ֗ם וַיֹּ֤אמְרוּ לֹו֙ מִֽי־הֱבִיאֲךָ֣ הֲלֹ֔ם וּמָֽה־אַתָּ֥ה עֹשֶׂ֛ה בָּזֶ֖ה וּמַה־לְּךָ֥ פֹֽה׃

hé֚má̇h ʻim־bé֣̇yţ miyká֔h wĕhé֣má̇h hiki̇֔yrẇ ʼeţ־qò֥wl hanȧ֖ʻar halé̇wi֑y wayá̇s֣ẇrẇ şá̌֗m wayò֤̇ʼmĕrẇ lòw֙ miֽy־hèbiyʼàká֣ hàlò֔m ẇmáֽh־ʼaţá֥̇h ʻòşê֛h bá̇ze֖h ẇmah־lĕ̇ká֥ pòֽh׃

4
וַיֹּ֣אמֶר אֲלֵהֶ֔ם כָּזֹ֣ה וְכָזֶ֔ה עָ֥שָׂה לִ֖י מִיכָ֑ה וַיִּשְׂכְּרֵ֕נִי וָאֱהִי־לֹ֖ו לְכֹהֵֽן׃

wayò֣̇ʼmer ʼàléhe֔m ká̇zò֣h wĕkáze֔h ʻá֥şá̂h li֖y miyká֑h wayi̇şĕ̂kĕ̇ré֕niy wáʼèhiy־lò֖w lĕkòhéֽn׃

5
וַיֹּ֥אמְרוּ לֹ֖ו שְׁאַל־נָ֣א בֵאלֹהִ֑ים וְנֵ֣דְעָ֔ה הֲתַצְלִ֣יחַ דַּרְכֵּ֔נוּ אֲשֶׁ֥ר אֲנַ֖חְנוּ הֹלְכִ֥ים עָלֶֽיהָ׃

wayò֥̇ʼmĕrẇ lò֖w şĕ̌ʼal־ná֣ʼ béʼlòhi֑ym wĕné֣dĕʻá֔h hàţaẕĕli֣yẖa dȧrĕké̇֔nẇ ʼàşě֥r ʼàna֖ẖĕnẇ hòlĕki֥ym ʻáleֽyhá׃

6
וַיֹּ֧אמֶר לָהֶ֛ם הַכֹּהֵ֖ן לְכ֣וּ לְשָׁלֹ֑ום נֹ֣כַח יְהוָ֔ה דַּרְכְּכֶ֖ם אֲשֶׁ֥ר תֵּֽלְכוּ־בָֽהּ׃ פ

wayò֧̇ʼmer láhe֛m hakò̇hé֖n lĕk֣ẇ lĕşá̌lò֑wm nò֣kaẖ yĕhwá֔h dȧrĕkĕ̇ke֖m ʼàşě֥r ţéֽ̇lĕkẇ־báֽḣ׃ p

7
וַיֵּלְכוּ֙ חֲמֵ֣שֶׁת הָאֲנָשִׁ֔ים וַיָּבֹ֖אוּ לָ֑יְשָׁה וַיִּרְא֣וּ אֶת־הָעָ֣ם אֲשֶׁר־בְּקִרְבָּ֣הּ יֹושֶֽׁבֶת־לָ֠בֶטַח כְּמִשְׁפַּ֨ט צִדֹנִ֜ים שֹׁקֵ֣ט׀ וּבֹטֵ֗חַ וְאֵין־מַכְלִ֨ים דָּבָ֤ר בָּאָ֨רֶץ֙ יֹורֵ֣שׁ עֶ֔צֶר וּרְחֹקִ֥ים הֵ֨מָּה֙ מִצִּ֣דֹנִ֔ים וְדָבָ֥ר אֵין־לָהֶ֖ם עִם־אָדָֽם׃

wayé̇lĕkẇ֙ ẖàmé֣şěţ háʼànáşǐ֔ym wayá̇bò֖ʼẇ lá֑yĕşá̌h wayi̇rĕʼ֣ẇ ʼeţ־háʻá֣m ʼàşěr־bĕ̇qirĕbá֣̇ḣ yòwşěֽbeţ־lá֠betaẖ kĕ̇mişĕ̌pȧ֨t ẕidòni֜ym şò̌qé֣t׀ ẇbòté֗ẖa wĕʼéyn־makĕli֨ym dá̇bá֤r bá̇ʼá֨reẕ֙ yòwré֣ş̌ ʻe֔ẕer ẇrĕẖòqi֥ym hé֨má̇h֙ miẕi֣̇dòni֔ym wĕdábá֥r ʼéyn־láhe֖m ʻim־ʼádáֽm׃

8
וַיָּבֹ֨אוּ֙ אֶל־אֲחֵיהֶ֔ם צָרְעָ֖ה וְאֶשְׁתָּאֹ֑ל וַיֹּאמְר֥וּ לָהֶ֛ם אֲחֵיהֶ֖ם מָ֥ה אַתֶּֽם׃

wayá̇bò֨ʼẇ֙ ʼel־ʼàẖéyhe֔m ẕárĕʻá֖h wĕʼeşĕ̌ţá̇ʼò֑l wayò̇ʼmĕr֥ẇ láhe֛m ʼàẖéyhe֖m má֥h ʼaţėֽm׃

9
וַיֹּאמְר֗וּ ק֚וּמָה וְנַעֲלֶ֣ה עֲלֵיהֶ֔ם כִּ֤י רָאִ֨ינוּ֙ אֶת־הָאָ֔רֶץ וְהִנֵּ֥ה טֹובָ֖ה מְאֹ֑ד וְאַתֶּ֣ם מַחְשִׁ֔ים אַל־תֵּעָ֣צְל֔וּ לָלֶ֥כֶת לָבֹ֖א לָרֶ֥שֶׁת אֶת־הָאָֽרֶץ׃

wayò̇ʼmĕr֗ẇ q֚ẇmáh wĕnaʻàle֣h ʻàléyhe֔m ki֤̇y ráʼi֨ynẇ֙ ʼeţ־háʼá֔reẕ wĕhiné֥̇h tòwbá֖h mĕʼò֑d wĕʼaţė֣m maẖĕşǐ֔ym ʼal־ţé̇ʻá֣ẕĕl֔ẇ lále֥keţ lábò֖ʼ láre֥şěţ ʼeţ־háʼáֽreẕ׃

10
כְּבֹאֲכֶ֞ם תָּבֹ֣אוּ׀ אֶל־עַ֣ם בֹּטֵ֗חַ וְהָאָ֨רֶץ֙ רַחֲבַ֣ת יָדַ֔יִם כִּֽי־נְתָנָ֥הּ אֱלֹהִ֖ים בְּיֶדְכֶ֑ם מָקֹום֙ אֲשֶׁ֣ר אֵֽין־שָׁ֣ם מַחְסֹ֔ור כָּל־דָּבָ֖ר אֲשֶׁ֥ר בָּאָֽרֶץ׃

kĕ̇bòʼàke֞m ţá̇bò֣ʼẇ׀ ʼel־ʻa֣m bò̇té֗ẖa wĕháʼá֨reẕ֙ raẖàba֣ţ yáda֔yim kiֽ̇y־nĕţáná֥ḣ ʼèlòhi֖ym bĕ̇yedĕke֑m máqòwm֙ ʼàşě֣r ʼéֽyn־şá֣̌m maẖĕsò֔wr ká̇l־dá̇bá֖r ʼàşě֥r bá̇ʼáֽreẕ׃

11
וַיִּסְע֤וּ מִשָּׁם֙ מִמִּשְׁפַּ֣חַת הַדָּנִ֔י מִצָּרְעָ֖ה וּמֵאֶשְׁתָּאֹ֑ל שֵֽׁשׁ־מֵאֹ֣ות אִ֔ישׁ חָג֖וּר כְּלֵ֥י מִלְחָמָֽה׃

wayi̇sĕʻ֤ẇ mişá̇̌m֙ mimi̇şĕ̌pȧ֣ẖaţ hadá̇ni֔y miẕá̇rĕʻá֖h ẇméʼeşĕ̌ţá̇ʼò֑l şéֽ̌ş̌־méʼò֣wţ ʼi֔yş̌ ẖág֖ẇr kĕ̇lé֥y milĕẖámáֽh׃

12
וַֽיַּעֲל֗וּ וַֽיַּחֲנ֛וּ בְּקִרְיַ֥ת יְעָרִ֖ים בִּֽיהוּדָ֑ה עַל־כֵּ֡ן קָרְאוּ֩ לַמָּקֹ֨ום הַה֜וּא מַחֲנֵה־דָ֗ן עַ֚ד הַיֹּ֣ום הַזֶּ֔ה הִנֵּ֕ה אַחֲרֵ֖י קִרְיַ֥ת יְעָרִֽים׃

waֽyȧʻàl֗ẇ waֽyȧẖàn֛ẇ bĕ̇qirĕya֥ţ yĕʻári֖ym biֽ̇yhẇdá֑h ʻal־ké̇֡n qárĕʼẇ֩ lamá̇qò֨wm hah֜ẇʼ maẖànéh־dá֗n ʻa֚d hayò֣̇wm hazė֔h hiné̇֕h ʼaẖàré֖y qirĕya֥ţ yĕʻáriֽym׃

13
וַיַּעַבְר֥וּ מִשָּׁ֖ם הַר־אֶפְרָ֑יִם וַיָּבֹ֖אוּ עַד־בֵּ֥ית מִיכָֽה׃

wayȧʻabĕr֥ẇ mişá֖̇̌m har־ʼepĕrá֑yim wayá̇bò֖ʼẇ ʻad־bé֥̇yţ miykáֽh׃

14
וַֽיַּעֲנ֞וּ חֲמֵ֣שֶׁת הָאֲנָשִׁ֗ים הַהֹלְכִים֮ לְרַגֵּל֮ אֶת־הָאָ֣רֶץ לַיִשׁ֒ וַיֹּֽאמְרוּ֙ אֶל־אֲחֵיהֶ֔ם הַיְדַעְתֶּ֗ם כִּ֠י יֵ֣שׁ בַּבָּתִּ֤ים הָאֵ֨לֶּה֙ אֵפֹ֣וד וּתְרָפִ֔ים וּפֶ֖סֶל וּמַסֵּכָ֑ה וְעַתָּ֖ה דְּע֥וּ מַֽה־תַּעֲשֽׂוּ׃

waֽyȧʻàn֞ẇ ẖàmé֣şěţ háʼànáşǐ֗ym hahòlĕkiym֮ lĕragé̇l֮ ʼeţ־háʼá֣reẕ layiş̌֒ wayòֽ̇ʼmĕrẇ֙ ʼel־ʼàẖéyhe֔m hayĕdaʻĕţė֗m ki̇֠y yé֣ş̌ bȧbá̇ţi֤̇ym háʼé֨lėh֙ ʼépò֣wd ẇţĕrápi֔ym ẇpe֖sel ẇmasé̇ká֑h wĕʻaţá֖̇h dĕ̇ʻ֥ẇ maֽh־ţȧʻàşֽ̂ẇ׃

15
וַיָּס֣וּרוּ שָׁ֔מָּה וַיָּבֹ֛אוּ אֶל־בֵּֽית־הַנַּ֥עַר הַלֵּוִ֖י בֵּ֣ית מִיכָ֑ה וַיִּשְׁאֲלוּ־לֹ֖ו לְשָׁלֹֽום׃

wayá̇s֣ẇrẇ şá̌֔má̇h wayá̇bò֛ʼẇ ʼel־béֽ̇yţ־hanȧ֥ʻar halé̇wi֖y bé֣̇yţ miyká֑h wayi̇şĕ̌ʼàlẇ־lò֖w lĕşá̌lòֽwm׃

16
וְשֵׁשׁ־מֵאֹ֣ות אִ֗ישׁ חֲגוּרִים֙ כְּלֵ֣י מִלְחַמְתָּ֔ם נִצָּבִ֖ים פֶּ֣תַח הַשָּׁ֑עַר אֲשֶׁ֖ר מִבְּנֵי־דָֽן׃

wĕşé̌ş̌־méʼò֣wţ ʼi֗yş̌ ẖàgẇriym֙ kĕ̇lé֣y milĕẖamĕţá̇֔m niẕá̇bi֖ym pė֣ţaẖ haşá֑̇̌ʻar ʼàşě֖r mibĕ̇néy־dáֽn׃

17
וַֽיַּעֲל֞וּ חֲמֵ֣שֶׁת הָאֲנָשִׁ֗ים הַהֹלְכִים֮ לְרַגֵּ֣ל אֶת־הָאָרֶץ֒ בָּ֣אוּ שָׁ֔מָּה לָקְח֗וּ אֶת־הַפֶּ֨סֶל֙ וְאֶת־הָ֣אֵפֹ֔וד וְאֶת־הַתְּרָפִ֖ים וְאֶת־הַמַּסֵּכָ֑ה וְהַכֹּהֵ֗ן נִצָּב֙ פֶּ֣תַח הַשַּׁ֔עַר וְשֵׁשׁ־מֵאֹ֣ות הָאִ֔ישׁ הֶחָג֖וּר כְּלֵ֥י הַמִּלְחָמָֽה׃

waֽyȧʻàl֞ẇ ẖàmé֣şěţ háʼànáşǐ֗ym hahòlĕkiym֮ lĕragé֣̇l ʼeţ־háʼáreẕ֒ bá֣̇ʼẇ şá̌֔má̇h láqĕẖ֗ẇ ʼeţ־hapė֨sel֙ wĕʼeţ־há֣ʼépò֔wd wĕʼeţ־haţĕ̇rápi֖ym wĕʼeţ־hamȧsé̇ká֑h wĕhakò̇hé֗n niẕá̇b֙ pė֣ţaẖ haşȧ̌֔ʻar wĕşé̌ş̌־méʼò֣wţ háʼi֔yş̌ heẖág֖ẇr kĕ̇lé֥y hami̇lĕẖámáֽh׃

18
וְאֵ֗לֶּה בָּ֚אוּ בֵּ֣ית מִיכָ֔ה וַיִּקְחוּ֙ אֶת־פֶּ֣סֶל הָאֵפֹ֔וד וְאֶת־הַתְּרָפִ֖ים וְאֶת־הַמַּסֵּכָ֑ה וַיֹּ֤אמֶר אֲלֵיהֶם֙ הַכֹּהֵ֔ן מָ֥ה אַתֶּ֖ם עֹשִֽׂים׃

wĕʼé֗lėh bá֚̇ʼẇ bé֣̇yţ miyká֔h wayi̇qĕẖẇ֙ ʼeţ־pė֣sel háʼépò֔wd wĕʼeţ־haţĕ̇rápi֖ym wĕʼeţ־hamȧsé̇ká֑h wayò֤̇ʼmer ʼàléyhem֙ hakò̇hé֔n má֥h ʼaţė֖m ʻòşîֽym׃

19
וַיֹּאמְרוּ֩ לֹ֨ו הַחֲרֵ֜שׁ שִֽׂים־יָדְךָ֤ עַל־פִּ֨יךָ֙ וְלֵ֣ךְ עִמָּ֔נוּ וֶֽהְיֵה־לָ֖נוּ לְאָ֣ב וּלְכֹהֵ֑ן הֲטֹ֣וב׀ הֱיֹותְךָ֣ כֹהֵ֗ן לְבֵית֙ אִ֣ישׁ אֶחָ֔ד אֹ֚ו הֱיֹותְךָ֣ כֹהֵ֔ן לְשֵׁ֥בֶט וּלְמִשְׁפָּחָ֖ה בְּיִשְׂרָאֵֽל׃

wayò̇ʼmĕrẇ֩ lò֨w haẖàré֜ş̌ şîֽym־yádĕká֤ ʻal־pi̇֨yká֙ wĕlé֣kĕ ʻimá̇֔nẇ weֽhĕyéh־lá֖nẇ lĕʼá֣b ẇlĕkòhé֑n hàtò֣wb׀ hèyòwţĕká֣ kòhé֗n lĕbéyţ֙ ʼi֣yş̌ ʼeẖá֔d ʼò֚w hèyòwţĕká֣ kòhé֔n lĕşé֥̌bet ẇlĕmişĕ̌pá̇ẖá֖h bĕ̇yişĕ̂ráʼéֽl׃

20
וַיִּיטַב֙ לֵ֣ב הַכֹּהֵ֔ן וַיִּקַּח֙ אֶת־הָ֣אֵפֹ֔וד וְאֶת־הַתְּרָפִ֖ים וְאֶת־הַפָּ֑סֶל וַיָּבֹ֖א בְּקֶ֥רֶב הָעָֽם׃

wayi̇ytab֙ lé֣b hakò̇hé֔n wayi̇qȧẖ֙ ʼeţ־há֣ʼépò֔wd wĕʼeţ־haţĕ̇rápi֖ym wĕʼeţ־hapá֑̇sel wayá̇bò֖ʼ bĕ̇qe֥reb háʻáֽm׃

21
וַיִּפְנ֖וּ וַיֵּלֵ֑כוּ וַיָּשִׂ֨ימוּ אֶת־הַטַּ֧ף וְאֶת־הַמִּקְנֶ֛ה וְאֶת־הַכְּבוּדָּ֖ה לִפְנֵיהֶֽם׃

wayi̇pĕn֖ẇ wayé̇lé֑kẇ wayá̇şî֨ymẇ ʼeţ־hatȧ֧p wĕʼeţ־hami̇qĕne֛h wĕʼeţ־hakĕ̇bẇdá֖̇h lipĕnéyheֽm׃

22
הֵ֥מָּה הִרְחִ֖יקוּ מִבֵּ֣ית מִיכָ֑ה וְהָאֲנָשִׁ֗ים אֲשֶׁ֤ר בַּבָּתִּים֙ אֲשֶׁר֙ עִם־בֵּ֣ית מִיכָ֔ה נִֽזְעֲק֔וּ וַיַּדְבִּ֖יקוּ אֶת־בְּנֵי־דָֽן׃

hé֥má̇h hirĕẖi֖yqẇ mibé֣̇yţ miyká֑h wĕháʼànáşǐ֗ym ʼàşě֤r bȧbá̇ţi̇ym֙ ʼàşěr֙ ʻim־bé֣̇yţ miyká֔h niֽzĕʻàq֔ẇ wayȧdĕbi֖̇yqẇ ʼeţ־bĕ̇néy־dáֽn׃

23
וַֽיִּקְרְאוּ֙ אֶל־בְּנֵי־דָ֔ן וַיַּסֵּ֖בּוּ פְּנֵיהֶ֑ם וַיֹּאמְר֣וּ לְמִיכָ֔ה מַה־לְּךָ֖ כִּ֥י נִזְעָֽקְתָּ׃

waֽyi̇qĕrĕʼẇ֙ ʼel־bĕ̇néy־dá֔n wayȧsé֖̇ḃẇ pĕ̇néyhe֑m wayò̇ʼmĕr֣ẇ lĕmiyká֔h mah־lĕ̇ká֖ ki֥̇y nizĕʻáֽqĕţá̇׃

24
וַיֹּ֡אמֶר אֶת־אֱלֹהַי֩ אֲשֶׁר־עָשִׂ֨יתִי לְקַחְתֶּ֧ם וְֽאֶת־הַכֹּהֵ֛ן וַתֵּלְכ֖וּ וּמַה־לִּ֣י עֹ֑וד וּמַה־זֶּ֛ה תֹּאמְר֥וּ אֵלַ֖י מַה־לָּֽךְ׃

wayò̇֡ʼmer ʼeţ־ʼèlòhay֩ ʼàşěr־ʻáşî֨yţiy lĕqaẖĕţė֧m wĕֽʼeţ־hakò̇hé֛n waţé̇lĕk֖ẇ ẇmah־li֣̇y ʻò֑wd ẇmah־zė֛h ţò̇ʼmĕr֥ẇ ʼéla֖y mah־láֽ̇kĕ׃

25
וַיֹּאמְר֤וּ אֵלָיו֙ בְּנֵי־דָ֔ן אַל־תַּשְׁמַ֥ע קֹולְךָ֖ עִמָּ֑נוּ פֶּֽן־יִפְגְּע֣וּ בָכֶ֗ם אֲנָשִׁים֙ מָ֣רֵי נֶ֔פֶשׁ וְאָסַפְתָּ֥ה נַפְשְׁךָ֖ וְנֶ֥פֶשׁ בֵּיתֶֽךָ׃

wayò̇ʼmĕr֤ẇ ʼéláyw֙ bĕ̇néy־dá֔n ʼal־ţȧşĕ̌ma֥ʻ qòwlĕká֖ ʻimá֑̇nẇ pėֽn־yipĕgĕ̇ʻ֣ẇ báke֗m ʼànáşǐym֙ má֣réy ne֔peş̌ wĕʼásapĕţá֥̇h napĕşĕ̌ká֖ wĕne֥peş̌ bé̇yţeֽká׃

26
וַיֵּלְכ֥וּ בְנֵי־דָ֖ן לְדַרְכָּ֑ם וַיַּ֣רְא מִיכָ֗ה כִּי־חֲזָקִ֥ים הֵ֨מָּה֙ מִמֶּ֔נּוּ וַיִּ֖פֶן וַיָּ֥שָׁב אֶל־בֵּיתֹֽו׃

wayé̇lĕk֥ẇ bĕnéy־dá֖n lĕdarĕká֑̇m wayȧ֣rĕʼ miyká֗h ki̇y־ẖàzáqi֥ym hé֨má̇h֙ mimė֔ṅẇ wayi֖̇pen wayá֥̇şá̌b ʼel־bé̇yţòֽw׃

27
וְהֵ֨מָּה לָקְח֜וּ אֵ֧ת אֲשֶׁר־עָשָׂ֣ה מִיכָ֗ה וְֽאֶת־הַכֹּהֵן֮ אֲשֶׁ֣ר הָיָה־לֹו֒ וַיָּבֹ֣אוּ עַל־לַ֗יִשׁ עַל־עַם֙ שֹׁקֵ֣ט וּבֹטֵ֔חַ וַיַּכּ֥וּ אֹותָ֖ם לְפִי־חָ֑רֶב וְאֶת־הָעִ֖יר שָׂרְפ֥וּ בָאֵֽשׁ׃

wĕhé֨má̇h láqĕẖ֜ẇ ʼé֧ţ ʼàşěr־ʻáşá֣̂h miyká֗h wĕֽʼeţ־hakò̇hén֮ ʼàşě֣r háyáh־lòw֒ wayá̇bò֣ʼẇ ʻal־la֗yiş̌ ʻal־ʻam֙ şò̌qé֣t ẇbòté֔ẖa wayȧk֥̇ẇ ʼòwţá֖m lĕpiy־ẖá֑reb wĕʼeţ־háʻi֖yr şá̂rĕp֥ẇ báʼéֽş̌׃

28
וְאֵ֨ין מַצִּ֜יל כִּ֧י רְֽחֹוקָה־הִ֣יא מִצִּידֹ֗ון וְדָבָ֤ר אֵין־לָהֶם֙ עִם־אָדָ֔ם וְהִ֕יא בָּעֵ֖מֶק אֲשֶׁ֣ר לְבֵית־רְחֹ֑וב וַיִּבְנ֥וּ אֶת־הָעִ֖יר וַיֵּ֥שְׁבוּ בָֽהּ׃

wĕʼé֨yn maẕi̇֜yl ki֧̇y rĕֽẖòwqáh־hi֣yʼ miẕi̇ydò֗wn wĕdábá֤r ʼéyn־láhem֙ ʻim־ʼádá֔m wĕhi֕yʼ bá̇ʻé֖meq ʼàşě֣r lĕbéyţ־rĕẖò֑wb wayi̇bĕn֥ẇ ʼeţ־háʻi֖yr wayé֥̇şĕ̌bẇ báֽḣ׃

29
וַיִּקְרְא֤וּ שֵׁם־הָעִיר֙ דָּ֔ן בְּשֵׁם֙ דָּ֣ן אֲבִיהֶ֔ם אֲשֶׁ֥ר יוּלַּ֖ד לְיִשְׂרָאֵ֑ל וְאוּלָ֛ם לַ֥יִשׁ שֵׁם־הָעִ֖יר לָרִאשֹׁנָֽה׃

wayi̇qĕrĕʼ֤ẇ şé̌m־háʻiyr֙ dá̇֔n bĕ̇şé̌m֙ dá֣̇n ʼàbiyhe֔m ʼàşě֥r yẇlȧ֖d lĕyişĕ̂ráʼé֑l wĕʼẇlá֛m la֥yiş̌ şé̌m־háʻi֖yr láriʼşò̌náֽh׃

30
וַיָּקִ֧ימוּ לָהֶ֛ם בְּנֵי־דָ֖ן אֶת־הַפָּ֑סֶל וִ֠יהֹונָתָן בֶּן־גֵּרְשֹׁ֨ם בֶּן־מְנַשֶּׁ֜ה ה֣וּא וּבָנָ֗יו הָי֤וּ כֹהֲנִים֙ לְשֵׁ֣בֶט הַדָּנִ֔י עַד־יֹ֖ום גְּלֹ֥ות הָאָֽרֶץ׃

wayá̇qi֧ymẇ láhe֛m bĕ̇néy־dá֖n ʼeţ־hapá֑̇sel wi֠yhòwnáţán bėn־gé̇rĕşò̌֨m bėn־mĕnaşė̌֜h h֣ẇʼ ẇbáná֗yw háy֤ẇ kòhàniym֙ lĕşé֣̌bet hadá̇ni֔y ʻad־yò֖wm gĕ̇lò֥wţ háʼáֽreẕ׃

31
וַיָּשִׂ֣ימוּ לָהֶ֔ם אֶת־פֶּ֥סֶל מִיכָ֖ה אֲשֶׁ֣ר עָשָׂ֑ה כָּל־יְמֵ֛י הֱיֹ֥ות בֵּית־הָאֱלֹהִ֖ים בְּשִׁלֹֽה׃ פ

wayá̇şî֣ymẇ láhe֔m ʼeţ־pė֥sel miyká֖h ʼàşě֣r ʻáşá֑̂h ká̇l־yĕmé֛y hèyò֥wţ bé̇yţ־háʼèlòhi֖ym bĕ̇şǐlòֽh׃ p