Bibles in ancient languages
Old translations
Modern translations

Biblia Hebraica Stuttgartiensia Judges 9

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיֵּ֨לֶךְ אֲבִימֶ֤לֶךְ בֶּן־יְרֻבַּ֨עַל֙ שְׁכֶ֔מָה אֶל־אֲחֵ֖י אִמֹּ֑ו וַיְדַבֵּ֣ר אֲלֵיהֶ֔ם וְאֶל־כָּל־מִשְׁפַּ֛חַת בֵּית־אֲבִ֥י אִמֹּ֖ו לֵאמֹֽר׃

wayé̇֨lekĕ ʼàbiyme֤lekĕ bėn־yĕrubȧ֨ʻal֙ şĕ̌ke֔máh ʼel־ʼàẖé֖y ʼimò֑̇w wayĕdabé֣̇r ʼàléyhe֔m wĕʼel־ká̇l־mişĕ̌pȧ֛ẖaţ bé̇yţ־ʼàbi֥y ʼimò֖̇w léʼmòֽr׃

2
דַּבְּרוּ־נָ֞א בְּאָזְנֵ֨י כָל־בַּעֲלֵ֣י שְׁכֶם֮ מַה־טֹּ֣וב לָכֶם֒ הַמְשֹׁ֨ל בָּכֶ֜ם שִׁבְעִ֣ים אִ֗ישׁ כֹּ֚ל בְּנֵ֣י יְרֻבַּ֔עַל אִם־מְשֹׁ֥ל בָּכֶ֖ם אִ֣ישׁ אֶחָ֑ד וּזְכַרְתֶּ֕ם כִּֽי־עַצְמֵכֶ֥ם וּבְשַׂרְכֶ֖ם אָנִֽי׃

dȧbĕ̇rẇ־ná֞ʼ bĕ̇ʼázĕné֨y kál־bȧʻàlé֣y şĕ̌kem֮ mah־tò֣̇wb lákem֒ hamĕşò̌֨l bá̇ke֜m şǐbĕʻi֣ym ʼi֗yş̌ kò֚̇l bĕ̇né֣y yĕrubȧ֔ʻal ʼim־mĕşò֥̌l bá̇ke֖m ʼi֣yş̌ ʼeẖá֑d ẇzĕkarĕţė֕m kiֽ̇y־ʻaẕĕméke֥m ẇbĕşârĕke֖m ʼániֽy׃

3
וַיְדַבְּר֨וּ אֲחֵֽי־אִמֹּ֜ו עָלָ֗יו בְּאָזְנֵי֙ כָּל־בַּעֲלֵ֣י שְׁכֶ֔ם אֵ֥ת כָּל־הַדְּבָרִ֖ים הָאֵ֑לֶּה וַיֵּ֤ט לִבָּם֙ אַחֲרֵ֣י אֲבִימֶ֔לֶךְ כִּ֥י אָמְר֖וּ אָחִ֥ינוּ הֽוּא׃

wayĕdabĕ̇r֨ẇ ʼàẖéֽy־ʼimò̇֜w ʻálá֗yw bĕ̇ʼázĕnéy֙ ká̇l־bȧʻàlé֣y şĕ̌ke֔m ʼé֥ţ ká̇l־hadĕ̇bári֖ym háʼé֑lėh wayé֤̇t libá̇m֙ ʼaẖàré֣y ʼàbiyme֔lekĕ ki֥̇y ʼámĕr֖ẇ ʼáẖi֥ynẇ hֽẇʼ׃

4
וַיִּתְּנוּ־לֹו֙ שִׁבְעִ֣ים כֶּ֔סֶף מִבֵּ֖ית בַּ֣עַל בְּרִ֑ית וַיִּשְׂכֹּ֨ר בָּהֶ֜ם אֲבִימֶ֗לֶךְ אֲנָשִׁ֤ים רֵיקִים֙ וּפֹ֣חֲזִ֔ים וַיֵּלְכ֖וּ אַחֲרָֽיו׃

wayi̇ţĕ̇nẇ־lòw֙ şǐbĕʻi֣ym kė֔sep mibé֖̇yţ bȧ֣ʻal bĕ̇ri֑yţ wayi̇şĕ̂kò̇֨r bá̇he֜m ʼàbiyme֗lekĕ ʼànáşǐ֤ym réyqiym֙ ẇpò֣ẖàzi֔ym wayé̇lĕk֖ẇ ʼaẖàráֽyw׃

5
וַיָּבֹ֤א בֵית־אָבִיו֙ עָפְרָ֔תָה וַֽיַּהֲרֹ֞ג אֶת־אֶחָ֧יו בְּנֵֽי־יְרֻבַּ֛עַל שִׁבְעִ֥ים אִ֖ישׁ עַל־אֶ֣בֶן אֶחָ֑ת וַיִּוָּתֵ֞ר יֹותָ֧ם בֶּן־יְרֻבַּ֛עַל הַקָּטֹ֖ן כִּ֥י נֶחְבָּֽא׃ ס

wayá̇bò֤ʼ béyţ־ʼábiyw֙ ʻápĕrá֔ţáh waֽyȧhàrò֞g ʼeţ־ʼeẖá֧yw bĕ̇néֽy־yĕrubȧ֛ʻal şǐbĕʻi֥ym ʼi֖yş̌ ʻal־ʼe֣ben ʼeẖá֑ţ wayi̇wá̇ţé֞r yòwţá֧m bėn־yĕrubȧ֛ʻal haqá̇tò֖n ki֥̇y neẖĕbáֽ̇ʼ׃ s

6
וַיֵּאָ֨סְפ֜וּ כָּל־בַּעֲלֵ֤י שְׁכֶם֙ וְכָל־בֵּ֣ית מִלֹּ֔וא וַיֵּ֣לְכ֔וּ וַיַּמְלִ֥יכוּ אֶת־אֲבִימֶ֖לֶךְ לְמֶ֑לֶךְ עִם־אֵלֹ֥ון מֻצָּ֖ב אֲשֶׁ֥ר בִּשְׁכֶֽם׃

wayé̇ʼá֨sĕp֜ẇ ká̇l־bȧʻàlé֤y şĕ̌kem֙ wĕkál־bé֣̇yţ milò̇֔wʼ wayé֣̇lĕk֔ẇ wayȧmĕli֥ykẇ ʼeţ־ʼàbiyme֖lekĕ lĕme֑lekĕ ʻim־ʼélò֥wn muẕá֖̇b ʼàşě֥r bi̇şĕ̌keֽm׃

7
וַיַּגִּ֣דוּ לְיֹותָ֗ם וַיֵּ֨לֶךְ֙ וַֽיַּעֲמֹד֙ בְּרֹ֣אשׁ הַר־גְּרִזִ֔ים וַיִּשָּׂ֥א קֹולֹ֖ו וַיִּקְרָ֑א וַיֹּ֣אמֶר לָהֶ֗ם שִׁמְע֤וּ אֵלַי֙ בַּעֲלֵ֣י שְׁכֶ֔ם וְיִשְׁמַ֥ע אֲלֵיכֶ֖ם אֱלֹהִֽים׃

wayȧgi֣̇dẇ lĕyòwţá֗m wayé̇֨lekĕ֙ waֽyȧʻàmòd֙ bĕ̇rò֣ʼş̌ har־gĕ̇rizi֔ym wayi̇şá֥̇̂ʼ qòwlò֖w wayi̇qĕrá֑ʼ wayò֣̇ʼmer láhe֗m şǐmĕʻ֤ẇ ʼélay֙ bȧʻàlé֣y şĕ̌ke֔m wĕyişĕ̌ma֥ʻ ʼàléyke֖m ʼèlòhiֽym׃

8
הָלֹ֤וךְ הָֽלְכוּ֙ הָעֵצִ֔ים לִמְשֹׁ֥חַ עֲלֵיהֶ֖ם מֶ֑לֶךְ וַיֹּאמְר֥וּ לַזַּ֖יִת מָלֹוכָה עָלֵֽינוּ׃

hálò֤wkĕ háֽlĕkẇ֙ háʻéẕi֔ym limĕşò֥̌ẖa ʻàléyhe֖m me֑lekĕ wayò̇ʼmĕr֥ẇ lazȧ֖yiţ málòwkáh ʻáléֽynẇ׃

9
וַיֹּ֤אמֶר לָהֶם֙ הַזַּ֔יִת הֶחֳדַ֨לְתִּי֙ אֶת־דִּשְׁנִ֔י אֲשֶׁר־בִּ֛י יְכַבְּד֥וּ אֱלֹהִ֖ים וַאֲנָשִׁ֑ים וְהָ֣לַכְתִּ֔י לָנ֖וּעַ עַל־הָעֵצִֽים׃

wayò֤̇ʼmer láhem֙ hazȧ֔yiţ heẖoda֨lĕţi̇y֙ ʼeţ־di̇şĕ̌ni֔y ʼàşěr־bi֛̇y yĕkabĕ̇d֥ẇ ʼèlòhi֖ym waʼànáşǐ֑ym wĕhá֣lakĕţi̇֔y lán֖ẇʻa ʻal־háʻéẕiֽym׃

10
וַיֹּאמְר֥וּ הָעֵצִ֖ים לַתְּאֵנָ֑ה לְכִי־אַ֖תְּ מָלְכִ֥י עָלֵֽינוּ׃

wayò̇ʼmĕr֥ẇ háʻéẕi֖ym laţĕ̇ʼéná֑h lĕkiy־ʼa֖ţĕ̇ málĕki֥y ʻáléֽynẇ׃

11
וַתֹּ֤אמֶר לָהֶם֙ הַתְּאֵנָ֔ה הֶחֳדַ֨לְתִּי֙ אֶת־מָתְקִ֔י וְאֶת־תְּנוּבָתִ֖י הַטֹּובָ֑ה וְהָ֣לַכְתִּ֔י לָנ֖וּעַ עַל־הָעֵצִֽים׃

waţò֤̇ʼmer láhem֙ haţĕ̇ʼéná֔h heẖoda֨lĕţi̇y֙ ʼeţ־máţĕqi֔y wĕʼeţ־ţĕ̇nẇbáţi֖y hatò̇wbá֑h wĕhá֣lakĕţi̇֔y lán֖ẇʻa ʻal־háʻéẕiֽym׃

12
וַיֹּאמְר֥וּ הָעֵצִ֖ים לַגָּ֑פֶן לְכִי־אַ֖תְּ מָלֹוכִי עָלֵֽינוּ׃

wayò̇ʼmĕr֥ẇ háʻéẕi֖ym lagá֑̇pen lĕkiy־ʼa֖ţĕ̇ málòwkiy ʻáléֽynẇ׃

13
וַתֹּ֤אמֶר לָהֶם֙ הַגֶּ֔פֶן הֶחֳדַ֨לְתִּי֙ אֶת־תִּ֣ירֹושִׁ֔י הַֽמְשַׂמֵּ֥חַ אֱלֹהִ֖ים וַאֲנָשִׁ֑ים וְהָ֣לַכְתִּ֔י לָנ֖וּעַ עַל־הָעֵצִֽים׃

waţò֤̇ʼmer láhem֙ hagė֔pen heẖoda֨lĕţi̇y֙ ʼeţ־ţi֣̇yròwşǐ֔y haֽmĕşâmé֥̇ẖa ʼèlòhi֖ym waʼànáşǐ֑ym wĕhá֣lakĕţi̇֔y lán֖ẇʻa ʻal־háʻéẕiֽym׃

14
וַיֹּאמְר֥וּ כָל־הָעֵצִ֖ים אֶל־הָאָטָ֑ד לֵ֥ךְ אַתָּ֖ה מְלָךְ־עָלֵֽינוּ׃

wayò̇ʼmĕr֥ẇ kál־háʻéẕi֖ym ʼel־háʼátá֑d lé֥kĕ ʼaţá֖̇h mĕlákĕ־ʻáléֽynẇ׃

15
וַיֹּ֣אמֶר הָאָטָד֮ אֶל־הָעֵצִים֒ אִ֡ם בֶּאֱמֶ֣ת אַתֶּם֩ מֹשְׁחִ֨ים אֹתִ֤י לְמֶ֨לֶךְ֙ עֲלֵיכֶ֔ם בֹּ֖אוּ חֲס֣וּ בְצִלִּ֑י וְאִם־אַ֕יִן תֵּ֤צֵא אֵשׁ֙ מִן־הָ֣אָטָ֔ד וְתֹאכַ֖ל אֶת־אַרְזֵ֥י הַלְּבָנֹֽון׃

wayò֣̇ʼmer háʼátád֮ ʼel־háʻéẕiym֒ ʼi֡m bėʼème֣ţ ʼaţėm֩ mòşĕ̌ẖi֨ym ʼòţi֤y lĕme֨lekĕ֙ ʻàléyke֔m bò֖̇ʼẇ ẖàs֣ẇ bĕẕili֑̇y wĕʼim־ʼa֕yin ţé֤̇ẕéʼ ʼéş̌֙ min־há֣ʼátá֔d wĕţòʼka֖l ʼeţ־ʼarĕzé֥y halĕ̇bánòֽwn׃

16
וְעַתָּ֗ה אִם־בֶּאֱמֶ֤ת וּבְתָמִים֙ עֲשִׂיתֶ֔ם וַתַּמְלִ֖יכוּ אֶת־אֲבִימֶ֑לֶךְ וְאִם־טֹובָ֤ה עֲשִׂיתֶם֙ עִם־יְרֻבַּ֣עַל וְעִם־בֵּיתֹ֔ו וְאִם־כִּגְמ֥וּל יָדָ֖יו עֲשִׂ֥יתֶם לֹֽו׃

wĕʻaţá̇֗h ʼim־bėʼème֤ţ ẇbĕţámiym֙ ʻàşîyţe֔m waţȧmĕli֖ykẇ ʼeţ־ʼàbiyme֑lekĕ wĕʼim־tòwbá֤h ʻàşîyţem֙ ʻim־yĕrubȧ֣ʻal wĕʻim־bé̇yţò֔w wĕʼim־ki̇gĕm֥ẇl yádá֖yw ʻàşî֥yţem lòֽw׃

17
אֲשֶׁר־נִלְחַ֥ם אָבִ֖י עֲלֵיכֶ֑ם וַיַּשְׁלֵ֤ךְ אֶת־נַפְשֹׁו֙ מִנֶּ֔גֶד וַיַּצֵּ֥ל אֶתְכֶ֖ם מִיַּ֥ד מִדְיָֽן׃

ʼàşěr־nilĕẖa֥m ʼábi֖y ʻàléyke֑m wayȧşĕ̌lé֤kĕ ʼeţ־napĕşò̌w֙ minė֔ged wayȧẕé֥̇l ʼeţĕke֖m miyȧ֥d midĕyáֽn׃

18
וְאַתֶּ֞ם קַמְתֶּ֨ם עַל־בֵּ֤ית אָבִי֙ הַיֹּ֔ום וַתַּהַרְג֧וּ אֶת־בָּנָ֛יו שִׁבְעִ֥ים אִ֖ישׁ עַל־אֶ֣בֶן אֶחָ֑ת וַתַּמְלִ֜יכוּ אֶת־אֲבִימֶ֤לֶךְ בֶּן־אֲמָתֹו֙ עַל־בַּעֲלֵ֣י שְׁכֶ֔ם כִּ֥י אֲחִיכֶ֖ם הֽוּא׃

wĕʼaţė֞m qamĕţė֨m ʻal־bé֤̇yţ ʼábiy֙ hayò̇֔wm waţȧharĕg֧ẇ ʼeţ־bá̇ná֛yw şǐbĕʻi֥ym ʼi֖yş̌ ʻal־ʼe֣ben ʼeẖá֑ţ waţȧmĕli֜ykẇ ʼeţ־ʼàbiyme֤lekĕ bėn־ʼàmáţòw֙ ʻal־bȧʻàlé֣y şĕ̌ke֔m ki֥̇y ʼàẖiyke֖m hֽẇʼ׃

19
וְאִם־בֶּאֱמֶ֨ת וּבְתָמִ֧ים עֲשִׂיתֶ֛ם עִם־יְרֻבַּ֥עַל וְעִם־בֵּיתֹ֖ו הַיֹּ֣ום הַזֶּ֑ה שִׂמְחוּ֙ בַּאֲבִימֶ֔לֶךְ וְיִשְׂמַ֥ח גַּם־ה֖וּא בָּכֶֽם׃

wĕʼim־bėʼème֨ţ ẇbĕţámi֧ym ʻàşîyţe֛m ʻim־yĕrubȧ֥ʻal wĕʻim־bé̇yţò֖w hayò֣̇wm hazė֑h şîmĕẖẇ֙ bȧʼàbiyme֔lekĕ wĕyişĕ̂ma֥ẖ gȧm־h֖ẇʼ bá̇keֽm׃

20
וְאִם־אַ֕יִן תֵּ֤צֵא אֵשׁ֙ מֵאֲבִימֶ֔לֶךְ וְתֹאכַ֛ל אֶת־בַּעֲלֵ֥י שְׁכֶ֖ם וְאֶת־בֵּ֣ית מִלֹּ֑וא וְתֵצֵ֨א אֵ֜שׁ מִבַּעֲלֵ֤י שְׁכֶם֙ וּמִבֵּ֣ית מִלֹּ֔וא וְתֹאכַ֖ל אֶת־אֲבִימֶֽלֶךְ׃

wĕʼim־ʼa֕yin ţé֤̇ẕéʼ ʼéş̌֙ méʼàbiyme֔lekĕ wĕţòʼka֛l ʼeţ־bȧʻàlé֥y şĕ̌ke֖m wĕʼeţ־bé֣̇yţ milò֑̇wʼ wĕţéẕé֨ʼ ʼé֜ş̌ mibȧʻàlé֤y şĕ̌kem֙ ẇmibé֣̇yţ milò̇֔wʼ wĕţòʼka֖l ʼeţ־ʼàbiymeֽlekĕ׃

21
וַיָּ֣נָס יֹותָ֔ם וַיִּבְרַ֖ח וַיֵּ֣לֶךְ בְּאֵ֑רָה וַיֵּ֣שֶׁב שָׁ֔ם מִפְּנֵ֖י אֲבִימֶ֥לֶךְ אָחִֽיו׃ פ

wayá֣̇nás yòwţá֔m wayi̇bĕra֖ẖ wayé֣̇lekĕ bĕ̇ʼé֑ráh wayé֣̇şěb şá̌֔m mipĕ̇né֖y ʼàbiyme֥lekĕ ʼáẖiֽyw׃ p

22
וַיָּ֧שַׂר אֲבִימֶ֛לֶךְ עַל־יִשְׂרָאֵ֖ל שָׁלֹ֥שׁ שָׁנִֽים׃

wayá֧̇şâr ʼàbiyme֛lekĕ ʻal־yişĕ̂ráʼé֖l şá̌lò֥ş̌ şá̌niֽym׃

23
וַיִּשְׁלַ֤ח אֱלֹהִים֙ ר֣וּחַ רָעָ֔ה בֵּ֣ין אֲבִימֶ֔לֶךְ וּבֵ֖ין בַּעֲלֵ֣י שְׁכֶ֑ם וַיִּבְגְּד֥וּ בַעֲלֵי־שְׁכֶ֖ם בַּאֲבִימֶֽלֶךְ׃

wayi̇şĕ̌la֤ẖ ʼèlòhiym֙ r֣ẇẖa ráʻá֔h bé֣̇yn ʼàbiyme֔lekĕ ẇbé֖yn bȧʻàlé֣y şĕ̌ke֑m wayi̇bĕgĕ̇d֥ẇ baʻàléy־şĕ̌ke֖m bȧʼàbiymeֽlekĕ׃

24
לָבֹ֕וא חֲמַ֖ס שִׁבְעִ֣ים בְּנֵֽי־יְרֻבָּ֑עַל וְדָמָ֗ם לָשׂ֞וּם עַל־אֲבִימֶ֤לֶךְ אֲחִיהֶם֙ אֲשֶׁ֣ר הָרַ֣ג אֹותָ֔ם וְעַל֙ בַּעֲלֵ֣י שְׁכֶ֔ם אֲשֶׁר־חִזְּק֥וּ אֶת־יָדָ֖יו לַהֲרֹ֥ג אֶת־אֶחָֽיו׃

lábò֕wʼ ẖàma֖s şǐbĕʻi֣ym bĕ̇néֽy־yĕrubá֑̇ʻal wĕdámá֗m láş̂֞ẇm ʻal־ʼàbiyme֤lekĕ ʼàẖiyhem֙ ʼàşě֣r hára֣g ʼòwţá֔m wĕʻal֙ bȧʻàlé֣y şĕ̌ke֔m ʼàşěr־ẖizĕ̇q֥ẇ ʼeţ־yádá֖yw lahàrò֥g ʼeţ־ʼeẖáֽyw׃

25
וַיָּשִׂ֣ימוּ לֹו֩ בַעֲלֵ֨י שְׁכֶ֜ם מְאָרְבִ֗ים עַ֚ל רָאשֵׁ֣י הֶהָרִ֔ים וַיִּגְזְל֗וּ אֵ֛ת כָּל־אֲשֶׁר־יַעֲבֹ֥ר עֲלֵיהֶ֖ם בַּדָּ֑רֶךְ וַיֻּגַּ֖ד לַאֲבִימֶֽלֶךְ׃ פ

wayá̇şî֣ymẇ lòw֩ baʻàlé֨y şĕ̌ke֜m mĕʼárĕbi֗ym ʻa֚l ráʼşé֣̌y hehári֔ym wayi̇gĕzĕl֗ẇ ʼé֛ţ ká̇l־ʼàşěr־yaʻàbò֥r ʻàléyhe֖m bȧdá֑̇rekĕ wayu̇gȧ֖d laʼàbiymeֽlekĕ׃ p

26
וַיָּבֹ֞א גַּ֤עַל בֶּן־עֶ֨בֶד֙ וְאֶחָ֔יו וַיַּעַבְר֖וּ בִּשְׁכֶ֑ם וַיִּבְטְחוּ־בֹ֖ו בַּעֲלֵ֥י שְׁכֶֽם׃

wayá̇bò֞ʼ gȧ֤ʻal bėn־ʻe֨bed֙ wĕʼeẖá֔yw wayȧʻabĕr֖ẇ bi̇şĕ̌ke֑m wayi̇bĕtĕẖẇ־bò֖w bȧʻàlé֥y şĕ̌keֽm׃

27
וַיֵּצְא֨וּ הַשָּׂדֶ֜ה וַֽיִּבְצְר֤וּ אֶת־כַּרְמֵיהֶם֙ וַֽיִּדְרְכ֔וּ וַֽיַּעֲשׂ֖וּ הִלּוּלִ֑ים וַיָּבֹ֨אוּ֙ בֵּ֣ית אֱֽלֹֽהֵיהֶ֔ם וַיֹּֽאכְלוּ֙ וַיִּשְׁתּ֔וּ וַֽיְקַלְל֖וּ אֶת־אֲבִימֶֽלֶךְ׃

wayé̇ẕĕʼ֨ẇ haşá̇̂de֜h waֽyi̇bĕẕĕr֤ẇ ʼeţ־kȧrĕméyhem֙ waֽyi̇dĕrĕk֔ẇ waֽyȧʻàş֖̂ẇ hil̇ẇli֑ym wayá̇bò֨ʼẇ֙ bé֣̇yţ ʼèֽlòֽhéyhe֔m wayòֽ̇ʼkĕlẇ֙ wayi̇şĕ̌ţ̇֔ẇ waֽyĕqalĕl֖ẇ ʼeţ־ʼàbiymeֽlekĕ׃

28
וַיֹּ֣אמֶר׀ גַּ֣עַל בֶּן־עֶ֗בֶד מִֽי־אֲבִימֶ֤לֶךְ וּמִֽי־שְׁכֶם֙ כִּ֣י נַעַבְדֶ֔נּוּ הֲלֹ֥א בֶן־יְרֻבַּ֖עַל וּזְבֻ֣ל פְּקִידֹ֑ו עִבְד֗וּ אֶת־אַנְשֵׁ֤י חֲמֹור֙ אֲבִ֣י שְׁכֶ֔ם וּמַדּ֖וּעַ נַעַבְדֶ֥נּוּ אֲנָֽחְנוּ׃

wayò֣̇ʼmer׀ gȧ֣ʻal bėn־ʻe֗bed miֽy־ʼàbiyme֤lekĕ ẇmiֽy־şĕ̌kem֙ ki֣̇y naʻabĕde֔ṅẇ hàlò֥ʼ ben־yĕrubȧ֖ʻal ẇzĕbu֣l pĕ̇qiydò֑w ʻibĕd֗ẇ ʼeţ־ʼanĕşé֤̌y ẖàmòwr֙ ʼàbi֣y şĕ̌ke֔m ẇmaḋ֖ẇʻa naʻabĕde֥ṅẇ ʼànáֽẖĕnẇ׃

29
וּמִ֨י יִתֵּ֜ן אֶת־הָעָ֤ם הַזֶּה֙ בְּיָדִ֔י וְאָסִ֖ירָה אֶת־אֲבִימֶ֑לֶךְ וַיֹּ֨אמֶר֙ לַאֲבִימֶ֔לֶךְ רַבֶּ֥ה צְבָאֲךָ֖ וָצֵֽאָה׃

ẇmi֨y yiţé̇֜n ʼeţ־háʻá֤m hazėh֙ bĕ̇yádi֔y wĕʼási֖yráh ʼeţ־ʼàbiyme֑lekĕ wayò̇֨ʼmer֙ laʼàbiyme֔lekĕ rabė֥h ẕĕbáʼàká֖ wáẕéֽʼáh׃

30
וַיִּשְׁמַ֗ע זְבֻל֙ שַׂר־הָעִ֔יר אֶת־דִּבְרֵ֖י גַּ֣עַל בֶּן־עָ֑בֶד וַיִּ֖חַר אַפֹּֽו׃

wayi̇şĕ̌ma֗ʻ zĕbul֙ şâr־háʻi֔yr ʼeţ־di̇bĕré֖y gȧ֣ʻal bėn־ʻá֑bed wayi֖̇ẖar ʼapòֽ̇w׃

31
וַיִּשְׁלַ֧ח מַלְאָכִ֛ים אֶל־אֲבִימֶ֖לֶךְ בְּתָרְמָ֣ה לֵאמֹ֑ר הִנֵּה֩ גַ֨עַל בֶּן־עֶ֤בֶד וְאֶחָיו֙ בָּאִ֣ים שְׁכֶ֔מָה וְהִנָּ֛ם צָרִ֥ים אֶת־הָעִ֖יר עָלֶֽיךָ׃

wayi̇şĕ̌la֧ẖ malĕʼáki֛ym ʼel־ʼàbiyme֖lekĕ bĕ̇ţárĕmá֣h léʼmò֑r hiné̇h֩ ga֨ʻal bėn־ʻe֤bed wĕʼeẖáyw֙ bá̇ʼi֣ym şĕ̌ke֔máh wĕhiná֛̇m ẕári֥ym ʼeţ־háʻi֖yr ʻáleֽyká׃

32
וְעַתָּה֙ ק֣וּם לַ֔יְלָה אַתָּ֖ה וְהָעָ֣ם אֲשֶׁר־אִתָּ֑ךְ וֶאֱרֹ֖ב בַּשָּׂדֶֽה׃

wĕʻaţá̇h֙ q֣ẇm la֔yĕláh ʼaţá֖̇h wĕháʻá֣m ʼàşěr־ʼiţá֑̇kĕ weʼèrò֖b bȧşá̇̂deֽh׃

33
וְהָיָ֤ה בַבֹּ֨קֶר֙ כִּזְרֹ֣חַ הַשֶּׁ֔מֶשׁ תַּשְׁכִּ֖ים וּפָשַׁטְתָּ֣ עַל־הָעִ֑יר וְהִנֵּה־ה֞וּא וְהָעָ֤ם אֲשֶׁר־אִתֹּו֙ יֹצְאִ֣ים אֵלֶ֔יךָ וְעָשִׂ֣יתָ לֹּ֔ו כַּאֲשֶׁ֖ר תִּמְצָ֥א יָדֶֽךָ׃ ס

wĕháyá֤h babò̇֨qer֙ ki̇zĕrò֣ẖa haşė̌֔meş̌ ţȧşĕ̌ki֖̇ym ẇpáşǎtĕţá֣̇ ʻal־háʻi֑yr wĕhiné̇h־h֞ẇʼ wĕháʻá֤m ʼàşěr־ʼiţò̇w֙ yòẕĕʼi֣ym ʼéle֔yká wĕʻáşî֣yţá lò̇֔w kȧʼàşě֖r ţi̇mĕẕá֥ʼ yádeֽká׃ s

34
וַיָּ֧קָם אֲבִימֶ֛לֶךְ וְכָל־הָעָ֥ם אֲשֶׁר־עִמֹּ֖ו לָ֑יְלָה וַיֶּאֶרְב֣וּ עַל־שְׁכֶ֔ם אַרְבָּעָ֖ה רָאשִֽׁים׃

wayá֧̇qám ʼàbiyme֛lekĕ wĕkál־háʻá֥m ʼàşěr־ʻimò֖̇w lá֑yĕláh wayėʼerĕb֣ẇ ʻal־şĕ̌ke֔m ʼarĕbá̇ʻá֖h ráʼşǐֽym׃

35
וַיֵּצֵא֙ גַּ֣עַל בֶּן־עֶ֔בֶד וַיַּעֲמֹ֕ד פֶּ֖תַח שַׁ֣עַר הָעִ֑יר וַיָּ֧קָם אֲבִימֶ֛לֶךְ וְהָעָ֥ם אֲשֶׁר־אִתֹּ֖ו מִן־הַמַּאְרָֽב׃

wayé̇ẕéʼ֙ gȧ֣ʻal bėn־ʻe֔bed wayȧʻàmò֕d pė֖ţaẖ şǎ֣ʻar háʻi֑yr wayá֧̇qám ʼàbiyme֛lekĕ wĕháʻá֥m ʼàşěr־ʼiţò֖̇w min־hamȧʼĕráֽb׃

36
וַיַּרְא־גַּעַל֮ אֶת־הָעָם֒ וַיֹּ֣אמֶר אֶל־זְבֻ֔ל הִנֵּה־עָ֣ם יֹורֵ֔ד מֵרָאשֵׁ֖י הֶהָרִ֑ים וַיֹּ֤אמֶר אֵלָיו֙ זְבֻ֔ל אֵ֣ת צֵ֧ל הֶהָרִ֛ים אַתָּ֥ה רֹאֶ֖ה כָּאֲנָשִֽׁים׃ ס

wayȧrĕʼ־gȧʻal֮ ʼeţ־háʻám֒ wayò֣̇ʼmer ʼel־zĕbu֔l hiné̇h־ʻá֣m yòwré֔d méráʼşé֖̌y hehári֑ym wayò֤̇ʼmer ʼéláyw֙ zĕbu֔l ʼé֣ţ ẕé֧l hehári֛ym ʼaţá֥̇h ròʼe֖h ká̇ʼànáşǐֽym׃ s

37
וַיֹּ֨סֶף עֹ֣וד גַּעַל֮ לְדַבֵּר֒ וַיֹּ֕אמֶר הִנֵּה־עָם֙ יֹֽורְדִ֔ים מֵעִ֖ם טַבּ֣וּר הָאָ֑רֶץ וְרֹאשׁ־אֶחָ֣ד בָּ֔א מִדֶּ֖רֶךְ אֵלֹ֥ון מְעֹונְנִֽים׃

wayò̇֨sep ʻò֣wd gȧʻal֮ lĕdabé̇r֒ wayò̇֕ʼmer hiné̇h־ʻám֙ yòֽwrĕdi֔ym méʻi֖m taḃ֣ẇr háʼá֑reẕ wĕròʼş̌־ʼeẖá֣d bá̇֔ʼ midė֖rekĕ ʼélò֥wn mĕʻòwnĕniֽym׃

38
וַיֹּ֨אמֶר אֵלָ֜יו זְבֻ֗ל אַיֵּ֨ה אֵפֹ֥וא פִ֨יךָ֙ אֲשֶׁ֣ר תֹּאמַ֔ר מִ֥י אֲבִימֶ֖לֶךְ כִּ֣י נַעַבְדֶ֑נּוּ הֲלֹ֨א זֶ֤ה הָעָם֙ אֲשֶׁ֣ר מָאַ֣סְתָּה בֹּ֔ו צֵא־נָ֥א עַתָּ֖ה וְהִלָּ֥חֶם בֹּֽו׃ ס

wayò̇֨ʼmer ʼélá֜yw zĕbu֗l ʼayé̇֨h ʼépò֥wʼ pi֨yká֙ ʼàşě֣r ţò̇ʼma֔r mi֥y ʼàbiyme֖lekĕ ki֣̇y naʻabĕde֑ṅẇ hàlò֨ʼ ze֤h háʻám֙ ʼàşě֣r máʼa֣sĕţá̇h bò̇֔w ẕéʼ־ná֥ʼ ʻaţá֖̇h wĕhilá֥̇ẖem bòֽ̇w׃ s

39
וַיֵּ֣צֵא גַ֔עַל לִפְנֵ֖י בַּעֲלֵ֣י שְׁכֶ֑ם וַיִּלָּ֖חֶם בַּאֲבִימֶֽלֶךְ׃

wayé֣̇ẕéʼ ga֔ʻal lipĕné֖y bȧʻàlé֣y şĕ̌ke֑m wayi̇lá֖̇ẖem bȧʼàbiymeֽlekĕ׃

40
וַיִּרְדְּפֵ֣הוּ אֲבִימֶ֔לֶךְ וַיָּ֖נָס מִפָּנָ֑יו וַֽיִּפְּל֛וּ חֲלָלִ֥ים רַבִּ֖ים עַד־פֶּ֥תַח הַשָּֽׁעַר׃

wayi̇rĕdĕ̇pé֣hẇ ʼàbiyme֔lekĕ wayá֖̇nás mipá̇ná֑yw waֽyi̇pĕ̇l֛ẇ ẖàláli֥ym rabi֖̇ym ʻad־pė֥ţaẖ haşáֽ̇̌ʻar׃

41
וַיֵּ֥שֶׁב אֲבִימֶ֖לֶךְ בָּארוּמָ֑ה וַיְגָ֧רֶשׁ זְבֻ֛ל אֶת־גַּ֥עַל וְאֶת־אֶחָ֖יו מִשֶּׁ֥בֶת בִּשְׁכֶֽם׃

wayé֥̇şěb ʼàbiyme֖lekĕ bá̇ʼrẇmá֑h wayĕgá֧reş̌ zĕbu֛l ʼeţ־gȧ֥ʻal wĕʼeţ־ʼeẖá֖yw mişė֥̌beţ bi̇şĕ̌keֽm׃

42
וַֽיְהִי֙ מִֽמָּחֳרָ֔ת וַיֵּצֵ֥א הָעָ֖ם הַשָּׂדֶ֑ה וַיַּגִּ֖דוּ לַאֲבִימֶֽלֶךְ׃

waֽyĕhiy֙ miֽmá̇ẖorá֔ţ wayé̇ẕé֥ʼ háʻá֖m haşá̇̂de֑h wayȧgi֖̇dẇ laʼàbiymeֽlekĕ׃

43
וַיִּקַּ֣ח אֶת־הָעָ֗ם וַֽיֶּחֱצֵם֙ לִשְׁלֹשָׁ֣ה רָאשִׁ֔ים וַיֶּאֱרֹ֖ב בַּשָּׂדֶ֑ה וַיַּ֗רְא וְהִנֵּ֤ה הָעָם֙ יֹצֵ֣א מִן־הָעִ֔יר וַיָּ֥קָם עֲלֵיהֶ֖ם וַיַּכֵּֽם׃

wayi̇qȧ֣ẖ ʼeţ־háʻá֗m waֽyėẖèẕém֙ lişĕ̌lòşá֣̌h ráʼşǐ֔ym wayėʼèrò֖b bȧşá̇̂de֑h wayȧ֗rĕʼ wĕhiné֤̇h háʻám֙ yòẕé֣ʼ min־háʻi֔yr wayá֥̇qám ʻàléyhe֖m wayȧkéֽ̇m׃

44
וַאֲבִימֶ֗לֶךְ וְהָרָאשִׁים֙ אֲשֶׁ֣ר עִמֹּ֔ו פָּשְׁט֕וּ וַיַּ֣עַמְד֔וּ פֶּ֖תַח שַׁ֣עַר הָעִ֑יר וּשְׁנֵ֣י הָֽרָאשִׁ֗ים פָּֽשְׁט֛וּ עַֽל־כָּל־אֲשֶׁ֥ר בַּשָּׂדֶ֖ה וַיַּכּֽוּם׃

waʼàbiyme֗lekĕ wĕháráʼşǐym֙ ʼàşě֣r ʻimò̇֔w pá̇şĕ̌t֕ẇ wayȧ֣ʻamĕd֔ẇ pė֖ţaẖ şǎ֣ʻar háʻi֑yr ẇşĕ̌né֣y háֽráʼşǐ֗ym páֽ̇şĕ̌t֛ẇ ʻaֽl־ká̇l־ʼàşě֥r bȧşá̇̂de֖h wayȧkֽ̇ẇm׃

45
וַאֲבִימֶ֜לֶךְ נִלְחָ֣ם בָּעִ֗יר כֹּ֚ל הַיֹּ֣ום הַה֔וּא וַיִּלְכֹּד֙ אֶת־הָעִ֔יר וְאֶת־הָעָ֥ם אֲשֶׁר־בָּ֖הּ הָרָ֑ג וַיִּתֹּץ֙ אֶת־הָעִ֔יר וַיִּזְרָעֶ֖הָ מֶֽלַח׃ פ

waʼàbiyme֜lekĕ nilĕẖá֣m bá̇ʻi֗yr kò֚̇l hayò֣̇wm hah֔ẇʼ wayi̇lĕkò̇d֙ ʼeţ־háʻi֔yr wĕʼeţ־háʻá֥m ʼàşěr־bá֖̇ḣ hárá֑g wayi̇ţò̇ẕ֙ ʼeţ־háʻi֔yr wayi̇zĕráʻe֖há meֽlaẖ׃ p

46
וַֽיִּשְׁמְע֔וּ כָּֽל־בַּעֲלֵ֖י מִֽגְדַּל־שְׁכֶ֑ם וַיָּבֹ֣אוּ אֶל־צְרִ֔יחַ בֵּ֖ית אֵ֥ל בְּרִֽית׃

waֽyi̇şĕ̌mĕʻ֔ẇ káֽ̇l־bȧʻàlé֖y miֽgĕdȧl־şĕ̌ke֑m wayá̇bò֣ʼẇ ʼel־ẕĕri֔yẖa bé֖̇yţ ʼé֥l bĕ̇riֽyţ׃

47
וַיֻּגַּ֖ד לַאֲבִימֶ֑לֶךְ כִּ֣י הִֽתְקַבְּצ֔וּ כָּֽל־בַּעֲלֵ֖י מִֽגְדַּל־שְׁכֶֽם׃

wayu̇gȧ֖d laʼàbiyme֑lekĕ ki֣̇y hiֽţĕqabĕ̇ẕ֔ẇ káֽ̇l־bȧʻàlé֖y miֽgĕdȧl־şĕ̌keֽm׃

48
וַיַּ֨עַל אֲבִימֶ֜לֶךְ הַר־צַלְמֹ֗ון הוּא֮ וְכָל־הָעָ֣ם אֲשֶׁר־אִתֹּו֒ וַיִּקַּח֩ אֲבִימֶ֨לֶךְ אֶת־הַקַּרְדֻּמֹּ֜ות בְּיָדֹ֗ו וַיִּכְרֹת֙ שֹׂוכַ֣ת עֵצִ֔ים וַיִּ֨שָּׂאֶ֔הָ וַיָּ֖שֶׂם עַל־שִׁכְמֹ֑ו וַיֹּ֜אמֶר אֶל־הָעָ֣ם אֲשֶׁר־עִמֹּ֗ו מָ֤ה רְאִיתֶם֙ עָשִׂ֔יתִי מַהֲר֖וּ עֲשׂ֥וּ כָמֹֽונִי׃

wayȧ֨ʻal ʼàbiyme֜lekĕ har־ẕalĕmò֗wn hẇʼ֮ wĕkál־háʻá֣m ʼàşěr־ʼiţò̇w֒ wayi̇qȧẖ֩ ʼàbiyme֨lekĕ ʼeţ־haqȧrĕdu̇mò̇֜wţ bĕ̇yádò֗w wayi̇kĕròţ֙ şò̂wka֣ţ ʻéẕi֔ym wayi̇֨şá̇̂ʼe֔há wayá֖̇şêm ʻal־şǐkĕmò֑w wayò̇֜ʼmer ʼel־háʻá֣m ʼàşěr־ʻimò̇֗w má֤h rĕʼiyţem֙ ʻáşî֔yţiy mahàr֖ẇ ʻàş֥̂ẇ kámòֽwniy׃

49
וַיִּכְרְת֨וּ גַם־כָּל־הָעָ֜ם אִ֣ישׁ שֹׂוכֹ֗ה וַיֵּ֨לְכ֜וּ אַחֲרֵ֤י אֲבִימֶ֨לֶךְ֙ וַיָּשִׂ֣ימוּ עַֽל־הַצְּרִ֔יחַ וַיַּצִּ֧יתוּ עֲלֵיהֶ֛ם אֶֽת־הַצְּרִ֖יחַ בָּאֵ֑שׁ וַיָּמֻ֜תוּ גַּ֣ם כָּל־אַנְשֵׁ֧י מִֽגְדַּל־שְׁכֶ֛ם כְּאֶ֖לֶף אִ֥ישׁ וְאִשָּֽׁה׃ פ

wayi̇kĕrĕţ֨ẇ gam־ká̇l־háʻá֜m ʼi֣yş̌ şò̂wkò֗h wayé̇֨lĕk֜ẇ ʼaẖàré֤y ʼàbiyme֨lekĕ֙ wayá̇şî֣ymẇ ʻaֽl־haẕĕ̇ri֔yẖa wayȧẕi֧̇yţẇ ʻàléyhe֛m ʼeֽţ־haẕĕ̇ri֖yẖa bá̇ʼé֑ş̌ wayá̇mu֜ţẇ gȧ֣m ká̇l־ʼanĕşé֧̌y miֽgĕdȧl־şĕ̌ke֛m kĕ̇ʼe֖lep ʼi֥yş̌ wĕʼişáֽ̇̌h׃ p

50
וַיֵּ֥לֶךְ אֲבִימֶ֖לֶךְ אֶל־תֵּבֵ֑ץ וַיִּ֥חַן בְּתֵבֵ֖ץ וַֽיִּלְכְּדָֽהּ׃

wayé֥̇lekĕ ʼàbiyme֖lekĕ ʼel־ţé̇bé֑ẕ wayi֥̇ẖan bĕ̇ţébé֖ẕ waֽyi̇lĕkĕ̇dáֽḣ׃

51
וּמִגְדַּל־עֹז֮ הָיָ֣ה בְתֹוךְ־הָעִיר֒ וַיָּנֻ֨סוּ שָׁ֜מָּה כָּל־הָאֲנָשִׁ֣ים וְהַנָּשִׁ֗ים וְכֹל֙ בַּעֲלֵ֣י הָעִ֔יר וַֽיִּסְגְּר֖וּ בַּעֲדָ֑ם וַֽיַּעֲל֖וּ עַל־גַּ֥ג הַמִּגְדָּֽל׃

ẇmigĕdȧl־ʻòz֮ háyá֣h bĕţòwkĕ־háʻiyr֒ wayá̇nu֨sẇ şá̌֜má̇h ká̇l־háʼànáşǐ֣ym wĕhaná̇şǐ֗ym wĕkòl֙ bȧʻàlé֣y háʻi֔yr waֽyi̇sĕgĕ̇r֖ẇ bȧʻàdá֑m waֽyȧʻàl֖ẇ ʻal־gȧ֥g hami̇gĕdáֽ̇l׃

52
וַיָּבֹ֤א אֲבִימֶ֨לֶךְ֙ עַד־הַמִּגְדָּ֔ל וַיִּלָּ֖חֶם בֹּ֑ו וַיִּגַּ֛שׁ עַד־פֶּ֥תַח הַמִּגְדָּ֖ל לְשָׂרְפֹ֥ו בָאֵֽשׁ׃

wayá̇bò֤ʼ ʼàbiyme֨lekĕ֙ ʻad־hami̇gĕdá̇֔l wayi̇lá֖̇ẖem bò֑̇w wayi̇gȧ֛ş̌ ʻad־pė֥ţaẖ hami̇gĕdá֖̇l lĕşá̂rĕpò֥w báʼéֽş̌׃

53
וַתַּשְׁלֵ֞ךְ אִשָּׁ֥ה אַחַ֛ת פֶּ֥לַח רֶ֖כֶב עַל־רֹ֣אשׁ אֲבִימֶ֑לֶךְ וַתָּ֖רִץ אֶת־גֻּלְגָּלְתֹּֽו׃

waţȧşĕ̌lé֞kĕ ʼişá֥̇̌h ʼaẖa֛ţ pė֥laẖ re֖keb ʻal־rò֣ʼş̌ ʼàbiyme֑lekĕ waţá֖̇riẕ ʼeţ־gu̇lĕgá̇lĕţòֽ̇w׃

54
וַיִּקְרָ֨א מְהֵרָ֜ה אֶל־הַנַּ֣עַר׀ נֹשֵׂ֣א כֵלָ֗יו וַיֹּ֤אמֶר לֹו֙ שְׁלֹ֤ף חַרְבְּךָ֙ וּמֹ֣ותְתֵ֔נִי פֶּן־יֹ֥אמְרוּ לִ֖י אִשָּׁ֣ה הֲרָגָ֑תְהוּ וַיִּדְקְרֵ֥הוּ נַעֲרֹ֖ו וַיָּמֹֽת׃

wayi̇qĕrá֨ʼ mĕhérá֜h ʼel־hanȧ֣ʻar׀ nòşé֣̂ʼ kélá֗yw wayò֤̇ʼmer lòw֙ şĕ̌lò֤p ẖarĕbĕ̇ká֙ ẇmò֣wţĕţé֔niy pėn־yò֥ʼmĕrẇ li֖y ʼişá֣̇̌h hàrágá֑ţĕhẇ wayi̇dĕqĕré֥hẇ naʻàrò֖w wayá̇mòֽţ׃

55
וַיִּרְא֥וּ אִֽישׁ־יִשְׂרָאֵ֖ל כִּ֣י מֵ֣ת אֲבִימֶ֑לֶךְ וַיֵּלְכ֖וּ אִ֥ישׁ לִמְקֹמֹֽו׃

wayi̇rĕʼ֥ẇ ʼiֽyş̌־yişĕ̂ráʼé֖l ki֣̇y mé֣ţ ʼàbiyme֑lekĕ wayé̇lĕk֖ẇ ʼi֥yş̌ limĕqòmòֽw׃

56
וַיָּ֣שֶׁב אֱלֹהִ֔ים אֵ֖ת רָעַ֣ת אֲבִימֶ֑לֶךְ אֲשֶׁ֤ר עָשָׂה֙ לְאָבִ֔יו לַהֲרֹ֖ג אֶת־שִׁבְעִ֥ים אֶחָֽיו׃

wayá֣̇şěb ʼèlòhi֔ym ʼé֖ţ ráʻa֣ţ ʼàbiyme֑lekĕ ʼàşě֤r ʻáşá̂h֙ lĕʼábi֔yw lahàrò֖g ʼeţ־şǐbĕʻi֥ym ʼeẖáֽyw׃

57
וְאֵ֗ת כָּל־רָעַת֙ אַנְשֵׁ֣י שְׁכֶ֔ם הֵשִׁ֥יב אֱלֹהִ֖ים בְּרֹאשָׁ֑ם וַתָּבֹ֣א אֲלֵיהֶ֔ם קִֽלֲלַ֖ת יֹותָ֥ם בֶּן־יְרֻבָּֽעַל׃ פ

wĕʼé֗ţ ká̇l־ráʻaţ֙ ʼanĕşé֣̌y şĕ̌ke֔m héşǐ֥yb ʼèlòhi֖ym bĕ̇ròʼşá֑̌m waţá̇bò֣ʼ ʼàléyhe֔m qiֽlàla֖ţ yòwţá֥m bėn־yĕrubáֽ̇ʻal׃ p