Bibles in ancient languages
Old translations
Modern translations

Biblia Hebraica Stuttgartiensia Joshua 24

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיֶּאֶסֹ֧ף יְהֹושֻׁ֛עַ אֶת־כָּל־שִׁבְטֵ֥י יִשְׂרָאֵ֖ל שְׁכֶ֑מָה וַיִּקְרָא֩ לְזִקְנֵ֨י יִשְׂרָאֵ֜ל וּלְרָאשָׁ֗יו וּלְשֹֽׁפְטָיו֙ וּלְשֹׁ֣טְרָ֔יו וַיִּֽתְיַצְּב֖וּ לִפְנֵ֥י הָאֱלֹהִֽים׃

wayėʼesò֧p yĕhòwşǔ֛ʻa ʼeţ־ká̇l־şǐbĕté֥y yişĕ̂ráʼé֖l şĕ̌ke֑máh wayi̇qĕráʼ֩ lĕziqĕné֨y yişĕ̂ráʼé֜l ẇlĕráʼşá̌֗yw ẇlĕşòֽ̌pĕtáyw֙ ẇlĕşò֣̌tĕrá֔yw wayiֽ̇ţĕyaẕĕ̇b֖ẇ lipĕné֥y háʼèlòhiֽym׃

2
וַיֹּ֨אמֶר יְהֹושֻׁ֜עַ אֶל־כָּל־הָעָ֗ם כֹּֽה־אָמַ֣ר יְהוָה֮ אֱלֹהֵ֣י יִשְׂרָאֵל֒ בְּעֵ֣בֶר הַנָּהָ֗ר יָשְׁב֤וּ אֲבֹֽותֵיכֶם֙ מֵֽעֹולָ֔ם תֶּ֛רַח אֲבִ֥י אַבְרָהָ֖ם וַאֲבִ֣י נָחֹ֑ור וַיַּעַבְד֖וּ אֱלֹהִ֥ים אֲחֵרִֽים׃

wayò̇֨ʼmer yĕhòwşǔ֜ʻa ʼel־ká̇l־háʻá֗m kòֽ̇h־ʼáma֣r yĕhwáh֮ ʼèlòhé֣y yişĕ̂ráʼél֒ bĕ̇ʻé֣ber haná̇há֗r yáşĕ̌b֤ẇ ʼàbòֽwţéykem֙ méֽʻòwlá֔m ţė֛raẖ ʼàbi֥y ʼabĕráhá֖m waʼàbi֣y náẖò֑wr wayȧʻabĕd֖ẇ ʼèlòhi֥ym ʼàẖériֽym׃

3
וָ֠אֶקַּח אֶת־אֲבִיכֶ֤ם אֶת־אַבְרָהָם֙ מֵעֵ֣בֶר הַנָּהָ֔ר וָאֹולֵ֥ךְ אֹותֹ֖ו בְּכָל־אֶ֣רֶץ כְּנָ֑עַן וָאֶרֶב אֶת־זַרְעֹ֔ו וָֽאֶתֶּן־לֹ֖ו אֶת־יִצְחָֽק׃

wá֠ʼeqȧẖ ʼeţ־ʼàbiyke֤m ʼeţ־ʼabĕráhám֙ méʻé֣ber haná̇há֔r wáʼòwlé֥kĕ ʼòwţò֖w bĕ̇kál־ʼe֣reẕ kĕ̇ná֑ʻan wáʼereb ʼeţ־zarĕʻò֔w wáֽʼeţėn־lò֖w ʼeţ־yiẕĕẖáֽq׃

4
וָאֶתֵּ֣ן לְיִצְחָ֔ק אֶֽת־יַעֲקֹ֖ב וְאֶת־עֵשָׂ֑ו וָאֶתֵּ֨ן לְעֵשָׂ֜ו אֶת־הַ֤ר שֵׂעִיר֙ לָרֶ֣שֶׁת אֹותֹ֔ו וְיַעֲקֹ֥ב וּבָנָ֖יו יָרְד֥וּ מִצְרָֽיִם׃

wáʼeţé֣̇n lĕyiẕĕẖá֔q ʼeֽţ־yaʻàqò֖b wĕʼeţ־ʻéşá֑̂w wáʼeţé̇֨n lĕʻéşá̂֜w ʼeţ־ha֤r şé̂ʻiyr֙ láre֣şěţ ʼòwţò֔w wĕyaʻàqò֥b ẇbáná֖yw yárĕd֥ẇ miẕĕráֽyim׃

5
וָאֶשְׁלַ֞ח אֶת־מֹשֶׁ֤ה וְאֶֽת־אַהֲרֹן֙ וָאֶגֹּ֣ף אֶת־מִצְרַ֔יִם כַּאֲשֶׁ֥ר עָשִׂ֖יתִי בְּקִרְבֹּ֑ו וְאַחַ֖ר הֹוצֵ֥אתִי אֶתְכֶֽם׃

wáʼeşĕ̌la֞ẖ ʼeţ־mòşě֤h wĕʼeֽţ־ʼahàròn֙ wáʼegò֣̇p ʼeţ־miẕĕra֔yim kȧʼàşě֥r ʻáşî֖yţiy bĕ̇qirĕbò֑̇w wĕʼaẖa֖r hòwẕé֥ʼţiy ʼeţĕkeֽm׃

6
וָֽאֹוצִ֤יא אֶת־אֲבֹֽותֵיכֶם֙ מִמִּצְרַ֔יִם וַתָּבֹ֖אוּ הַיָּ֑מָּה וַיִּרְדְּפ֨וּ מִצְרַ֜יִם אַחֲרֵ֧י אֲבֹותֵיכֶ֛ם בְּרֶ֥כֶב וּבְפָרָשִׁ֖ים יַם־סֽוּף׃

wáֽʼòwẕi֤yʼ ʼeţ־ʼàbòֽwţéykem֙ mimi̇ẕĕra֔yim waţá̇bò֖ʼẇ hayá֑̇má̇h wayi̇rĕdĕ̇p֨ẇ miẕĕra֜yim ʼaẖàré֧y ʼàbòwţéyke֛m bĕ̇re֥keb ẇbĕpáráşǐ֖ym yam־sֽẇp׃

7
וַיִּצְעֲק֣וּ אֶל־יְהוָ֗ה וַיָּ֨שֶׂם מַֽאֲפֵ֜ל בֵּינֵיכֶ֣ם׀ וּבֵ֣ין הַמִּצְרִ֗ים וַיָּבֵ֨א עָלָ֤יו אֶת־הַיָּם֙ וַיְכַסֵּ֔הוּ וַתִּרְאֶ֨ינָה֙ עֵינֵיכֶ֔ם אֵ֥ת אֲשֶׁר־עָשִׂ֖יתִי בְּמִצְרָ֑יִם וַתֵּשְׁב֥וּ בַמִּדְבָּ֖ר יָמִ֥ים רַבִּֽים׃

wayi̇ẕĕʻàq֣ẇ ʼel־yĕhwá֗h wayá̇֨şêm maֽʼàpé֜l bé̇ynéyke֣m׀ ẇbé֣yn hami̇ẕĕri֗ym wayá̇bé֨ʼ ʻálá֤yw ʼeţ־hayá̇m֙ wayĕkasé̇֔hẇ waţi̇rĕʼe֨ynáh֙ ʻéynéyke֔m ʼé֥ţ ʼàşěr־ʻáşî֖yţiy bĕ̇miẕĕrá֑yim waţé̇şĕ̌b֥ẇ bami̇dĕbá֖̇r yámi֥ym rabiֽ̇ym׃

8
וָאָבִאָה אֶתְכֶ֗ם אֶל־אֶ֤רֶץ הָאֱמֹרִי֙ הַיֹּושֵׁב֙ בְּעֵ֣בֶר הַיַּרְדֵּ֔ן וַיִּֽלָּחֲמ֖וּ אִתְּכֶ֑ם וָאֶתֵּ֨ן אֹותָ֤ם בְּיֶדְכֶם֙ וַתִּֽירְשׁ֣וּ אֶת־אַרְצָ֔ם וָאַשְׁמִידֵ֖ם מִפְּנֵיכֶֽם׃

wáʼábiʼáh ʼeţĕke֗m ʼel־ʼe֤reẕ háʼèmòriy֙ hayò̇wşé̌b֙ bĕ̇ʻé֣ber hayȧrĕdé̇֔n wayiֽ̇lá̇ẖàm֖ẇ ʼiţĕ̇ke֑m wáʼeţé̇֨n ʼòwţá֤m bĕ̇yedĕkem֙ waţiֽ̇yrĕş֣̌ẇ ʼeţ־ʼarĕẕá֔m wáʼaşĕ̌miydé֖m mipĕ̇néykeֽm׃

9
וַיָּ֨קָם בָּלָ֤ק בֶּן־צִפֹּור֙ מֶ֣לֶךְ מֹואָ֔ב וַיִּלָּ֖חֶם בְּיִשְׂרָאֵ֑ל וַיִּשְׁלַ֗ח וַיִּקְרָ֛א לְבִלְעָ֥ם בֶּן־בְּעֹ֖ור לְקַלֵּ֥ל אֶתְכֶֽם׃

wayá̇֨qám bá̇lá֤q bėn־ẕipò̇wr֙ me֣lekĕ mòwʼá֔b wayi̇lá֖̇ẖem bĕ̇yişĕ̂ráʼé֑l wayi̇şĕ̌la֗ẖ wayi̇qĕrá֛ʼ lĕbilĕʻá֥m bėn־bĕ̇ʻò֖wr lĕqalé֥̇l ʼeţĕkeֽm׃

10
וְלֹ֥א אָבִ֖יתִי לִשְׁמֹ֣עַ לְבִלְעָ֑ם וַיְבָ֤רֶךְ בָּרֹוךְ֙ אֶתְכֶ֔ם וָאַצִּ֥ל אֶתְכֶ֖ם מִיָּדֹֽו׃

wĕlò֥ʼ ʼábi֖yţiy lişĕ̌mò֣ʻa lĕbilĕʻá֑m wayĕbá֤rekĕ bá̇ròwkĕ֙ ʼeţĕke֔m wáʼaẕi֥̇l ʼeţĕke֖m miyá̇dòֽw׃

11
וַתַּעַבְר֣וּ אֶת־הַיַּרְדֵּן֮ וַתָּבֹ֣אוּ אֶל־יְרִיחֹו֒ וַיִּלָּחֲמ֣וּ בָכֶ֣ם בַּעֲלֵֽי־יְ֠רִיחֹו הָֽאֱמֹרִ֨י וְהַפְּרִזִּ֜י וְהַֽכְּנַעֲנִ֗י וְהַֽחִתִּי֙ וְהַגִּרְגָּשִׁ֔י הַֽחִוִּ֖י וְהַיְבוּסִ֑י וָאֶתֵּ֥ן אֹותָ֖ם בְּיֶדְכֶֽם׃

waţȧʻabĕr֣ẇ ʼeţ־hayȧrĕdé̇n֮ waţá̇bò֣ʼẇ ʼel־yĕriyẖòw֒ wayi̇lá̇ẖàm֣ẇ báke֣m bȧʻàléֽy־yĕ֠riyẖòw háֽʼèmòri֨y wĕhapĕ̇rizi̇֜y wĕhaֽkĕ̇naʻàni֗y wĕhaֽẖiţi̇y֙ wĕhagi̇rĕgá̇şǐ֔y haֽẖiwi֖̇y wĕhayĕbẇsi֑y wáʼeţé֥̇n ʼòwţá֖m bĕ̇yedĕkeֽm׃

12
וָאֶשְׁלַ֤ח לִפְנֵיכֶם֙ אֶת־הַצִּרְעָ֔ה וַתְּגָ֤רֶשׁ אֹותָם֙ מִפְּנֵיכֶ֔ם שְׁנֵ֖י מַלְכֵ֣י הָאֱמֹרִ֑י לֹ֥א בְחַרְבְּךָ֖ וְלֹ֥א בְקַשְׁתֶּֽךָ׃

wáʼeşĕ̌la֤ẖ lipĕnéykem֙ ʼeţ־haẕi̇rĕʻá֔h waţĕ̇gá֤reş̌ ʼòwţám֙ mipĕ̇néyke֔m şĕ̌né֖y malĕké֣y háʼèmòri֑y lò֥ʼ bĕẖarĕbĕ̇ká֖ wĕlò֥ʼ bĕqaşĕ̌ţėֽká׃

13
וָאֶתֵּ֨ן לָכֶ֜ם אֶ֣רֶץ׀ אֲשֶׁ֧ר לֹֽא־יָגַ֣עְתָּ בָּ֗הּ וְעָרִים֙ אֲשֶׁ֣ר לֹא־בְנִיתֶ֔ם וַתֵּשְׁב֖וּ בָּהֶ֑ם כְּרָמִ֤ים וְזֵיתִים֙ אֲשֶׁ֣ר לֹֽא־נְטַעְתֶּ֔ם אַתֶּ֖ם אֹכְלִֽים׃

wáʼeţé̇֨n láke֜m ʼe֣reẕ׀ ʼàşě֧r lòֽʼ־yága֣ʻĕţá̇ bá̇֗ḣ wĕʻáriym֙ ʼàşě֣r lòʼ־bĕniyţe֔m waţé̇şĕ̌b֖ẇ bá̇he֑m kĕ̇rámi֤ym wĕzéyţiym֙ ʼàşě֣r lòֽʼ־nĕtaʻĕţė֔m ʼaţė֖m ʼòkĕliֽym׃

14
וְעַתָּ֞ה יְר֧אוּ אֶת־יְהוָ֛ה וְעִבְד֥וּ אֹתֹ֖ו בְּתָמִ֣ים וּבֶֽאֱמֶ֑ת וְהָסִ֣ירוּ אֶת־אֱלֹהִ֗ים אֲשֶׁר֩ עָבְד֨וּ אֲבֹותֵיכֶ֜ם בְּעֵ֤בֶר הַנָּהָר֙ וּבְמִצְרַ֔יִם וְעִבְד֖וּ אֶת־יְהוָֽה׃

wĕʻaţá̇֞h yĕr֧ʼẇ ʼeţ־yĕhwá֛h wĕʻibĕd֥ẇ ʼòţò֖w bĕ̇ţámi֣ym ẇbeֽʼème֑ţ wĕhási֣yrẇ ʼeţ־ʼèlòhi֗ym ʼàşěr֩ ʻábĕd֨ẇ ʼàbòwţéyke֜m bĕ̇ʻé֤ber haná̇hár֙ ẇbĕmiẕĕra֔yim wĕʻibĕd֖ẇ ʼeţ־yĕhwáֽh׃

15
וְאִם֩ רַ֨ע בְּֽעֵינֵיכֶ֜ם לַעֲבֹ֣ד אֶת־יְהוָ֗ה בַּחֲר֨וּ לָכֶ֣ם הַיֹּום֮ אֶת־מִ֣י תַעֲבֹדוּן֒ אִ֣ם אֶת־אֱלֹהִ֞ים אֲשֶׁר־עָבְד֣וּ אֲבֹותֵיכֶ֗ם אֲשֶׁר֙ בְּעֵבֶר הַנָּהָ֔ר וְאִם֙ אֶת־אֱלֹהֵ֣י הָאֱמֹרִ֔י אֲשֶׁ֥ר אַתֶּ֖ם יֹשְׁבִ֣ים בְּאַרְצָ֑ם וְאָנֹכִ֣י וּבֵיתִ֔י נַעֲבֹ֖ד אֶת־יְהוָֽה׃ פ

wĕʼim֩ ra֨ʻ bĕֽ̇ʻéynéyke֜m laʻàbò֣d ʼeţ־yĕhwá֗h bȧẖàr֨ẇ láke֣m hayò̇wm֮ ʼeţ־mi֣y ţaʻàbòdẇn֒ ʼi֣m ʼeţ־ʼèlòhi֞ym ʼàşěr־ʻábĕd֣ẇ ʼàbòwţéyke֗m ʼàşěr֙ bĕ̇ʻéber haná̇há֔r wĕʼim֙ ʼeţ־ʼèlòhé֣y háʼèmòri֔y ʼàşě֥r ʼaţė֖m yòşĕ̌bi֣ym bĕ̇ʼarĕẕá֑m wĕʼánòki֣y ẇbéyţi֔y naʻàbò֖d ʼeţ־yĕhwáֽh׃ p

16
וַיַּ֤עַן הָעָם֙ וַיֹּ֔אמֶר חָלִ֣ילָה לָּ֔נוּ מֵעֲזֹ֖ב אֶת־יְהוָ֑ה לַעֲבֹ֖ד אֱלֹהִ֥ים אֲחֵרִֽים׃

wayȧ֤ʻan háʻám֙ wayò̇֔ʼmer ẖáli֣yláh lá̇֔nẇ méʻàzò֖b ʼeţ־yĕhwá֑h laʻàbò֖d ʼèlòhi֥ym ʼàẖériֽym׃

17
כִּ֚י יְהוָ֣ה אֱלֹהֵ֔ינוּ הוּא֩ הַמַּעֲלֶ֨ה אֹתָ֧נוּ וְאֶת־אֲבֹותֵ֛ינוּ מֵאֶ֥רֶץ מִצְרַ֖יִם מִבֵּ֣ית עֲבָדִ֑ים וַאֲשֶׁ֧ר עָשָׂ֣ה לְעֵינֵ֗ינוּ אֶת־הָאֹתֹ֤ות הַגְּדֹלֹות֙ הָאֵ֔לֶּה וַֽיִּשְׁמְרֵ֗נוּ בְּכָל־הַדֶּ֨רֶךְ֙ אֲשֶׁ֣ר הָלַ֣כְנוּ בָ֔הּ וּבְכֹל֙ הָֽעַמִּ֔ים אֲשֶׁ֥ר עָבַ֖רְנוּ בְּקִרְבָּֽם׃

ki֚̇y yĕhwá֣h ʼèlòhé֔ynẇ hẇʼ֩ hamȧʻàle֨h ʼòţá֧nẇ wĕʼeţ־ʼàbòwţé֛ynẇ méʼe֥reẕ miẕĕra֖yim mibé֣̇yţ ʻàbádi֑ym waʼàşě֧r ʻáşá֣̂h lĕʻéyné֗ynẇ ʼeţ־háʼòţò֤wţ hagĕ̇dòlòwţ֙ háʼé֔lėh waֽyi̇şĕ̌mĕré֗nẇ bĕ̇kál־hadė֨rekĕ֙ ʼàşě֣r hála֣kĕnẇ bá֔ḣ ẇbĕkòl֙ háֽʻami̇֔ym ʼàşě֥r ʻába֖rĕnẇ bĕ̇qirĕbáֽ̇m׃

18
וַיְגָ֨רֶשׁ יְהוָ֜ה אֶת־כָּל־הָעַמִּ֗ים וְאֶת־הָאֱמֹרִ֛י יֹשֵׁ֥ב הָאָ֖רֶץ מִפָּנֵ֑ינוּ גַּם־אֲנַ֨חְנוּ֙ נַעֲבֹ֣ד אֶת־יְהוָ֔ה כִּי־ה֖וּא אֱלֹהֵֽינוּ׃ ס

wayĕgá֨reş̌ yĕhwá֜h ʼeţ־ká̇l־háʻami̇֗ym wĕʼeţ־háʼèmòri֛y yòşé֥̌b háʼá֖reẕ mipá̇né֑ynẇ gȧm־ʼàna֨ẖĕnẇ֙ naʻàbò֣d ʼeţ־yĕhwá֔h ki̇y־h֖ẇʼ ʼèlòhéֽynẇ׃ s

19
וַיֹּ֨אמֶר יְהֹושֻׁ֜עַ אֶל־הָעָ֗ם לֹ֤א תֽוּכְלוּ֙ לַעֲבֹ֣ד אֶת־יְהוָ֔ה כִּֽי־אֱלֹהִ֥ים קְדֹשִׁ֖ים ה֑וּא אֵֽל־קַנֹּ֣וא ה֔וּא לֹֽא־יִשָּׂ֥א לְפִשְׁעֲכֶ֖ם וּלְחַטֹּאותֵיכֶֽם׃

wayò̇֨ʼmer yĕhòwşǔ֜ʻa ʼel־háʻá֗m lò֤ʼ ţֽẇkĕlẇ֙ laʻàbò֣d ʼeţ־yĕhwá֔h kiֽ̇y־ʼèlòhi֥ym qĕdòşǐ֖ym h֑ẇʼ ʼéֽl־qanò֣̇wʼ h֔ẇʼ lòֽʼ־yişá֥̇̂ʼ lĕpişĕ̌ʻàke֖m ẇlĕẖatò̇ʼwţéykeֽm׃

20
כִּ֤י תַֽעַזְבוּ֙ אֶת־יְהוָ֔ה וַעֲבַדְתֶּ֖ם אֱלֹהֵ֣י נֵכָ֑ר וְשָׁ֨ב וְהֵרַ֤ע לָכֶם֙ וְכִלָּ֣ה אֶתְכֶ֔ם אַחֲרֵ֖י אֲשֶׁר־הֵיטִ֥יב לָכֶֽם׃

ki֤̇y ţaֽʻazĕbẇ֙ ʼeţ־yĕhwá֔h waʻàbadĕţė֖m ʼèlòhé֣y néká֑r wĕşá̌֨b wĕhéra֤ʻ lákem֙ wĕkilá֣̇h ʼeţĕke֔m ʼaẖàré֖y ʼàşěr־héyti֥yb lákeֽm׃

21
וַיֹּ֥אמֶר הָעָ֖ם אֶל־יְהֹושֻׁ֑עַ לֹ֕א כִּ֥י אֶת־יְהוָ֖ה נַעֲבֹֽד׃

wayò֥̇ʼmer háʻá֖m ʼel־yĕhòwşǔ֑ʻa lò֕ʼ ki֥̇y ʼeţ־yĕhwá֖h naʻàbòֽd׃

22
וַיֹּ֨אמֶר יְהֹושֻׁ֜עַ אֶל־הָעָ֗ם עֵדִ֤ים אַתֶּם֙ בָּכֶ֔ם כִּֽי־אַתֶּ֞ם בְּחַרְתֶּ֥ם לָכֶ֛ם אֶת־יְהוָ֖ה לַעֲבֹ֣ד אֹותֹ֑ו וַיֹּאמְר֖וּ עֵדִֽים׃

wayò̇֨ʼmer yĕhòwşǔ֜ʻa ʼel־háʻá֗m ʻédi֤ym ʼaţėm֙ bá̇ke֔m kiֽ̇y־ʼaţė֞m bĕ̇ẖarĕţė֥m láke֛m ʼeţ־yĕhwá֖h laʻàbò֣d ʼòwţò֑w wayò̇ʼmĕr֖ẇ ʻédiֽym׃

23
וְעַתָּ֕ה הָסִ֛ירוּ אֶת־אֱלֹהֵ֥י הַנֵּכָ֖ר אֲשֶׁ֣ר בְּקִרְבְּכֶ֑ם וְהַטּוּ֙ אֶת־לְבַבְכֶ֔ם אֶל־יְהוָ֖ה אֱלֹהֵ֥י יִשְׂרָאֵֽל׃

wĕʻaţá̇֕h hási֛yrẇ ʼeţ־ʼèlòhé֥y hané̇ká֖r ʼàşě֣r bĕ̇qirĕbĕ̇ke֑m wĕhaṫẇ֙ ʼeţ־lĕbabĕke֔m ʼel־yĕhwá֖h ʼèlòhé֥y yişĕ̂ráʼéֽl׃

24
וַיֹּאמְר֥וּ הָעָ֖ם אֶל־יְהֹושֻׁ֑עַ אֶת־יְהוָ֤ה אֱלֹהֵ֨ינוּ֙ נַעֲבֹ֔ד וּבְקֹולֹ֖ו נִשְׁמָֽע׃

wayò̇ʼmĕr֥ẇ háʻá֖m ʼel־yĕhòwşǔ֑ʻa ʼeţ־yĕhwá֤h ʼèlòhé֨ynẇ֙ naʻàbò֔d ẇbĕqòwlò֖w nişĕ̌máֽʻ׃

25
וַיִּכְרֹ֨ת יְהֹושֻׁ֧עַ בְּרִ֛ית לָעָ֖ם בַּיֹּ֣ום הַה֑וּא וַיָּ֥שֶׂם לֹ֛ו חֹ֥ק וּמִשְׁפָּ֖ט בִּשְׁכֶֽם׃

wayi̇kĕrò֨ţ yĕhòwşǔ֧ʻa bĕ̇ri֛yţ láʻá֖m bȧyò֣̇wm hah֑ẇʼ wayá֥̇şêm lò֛w ẖò֥q ẇmişĕ̌pá֖̇t bi̇şĕ̌keֽm׃

26
וַיִּכְתֹּ֤ב יְהֹושֻׁ֨עַ֙ אֶת־הַדְּבָרִ֣ים הָאֵ֔לֶּה בְּסֵ֖פֶר תֹּורַ֣ת אֱלֹהִ֑ים וַיִּקַּח֙ אֶ֣בֶן גְּדֹולָ֔ה וַיְקִימֶ֣הָ שָּׁ֔ם תַּ֚חַת הָֽאַלָּ֔ה אֲשֶׁ֖ר בְּמִקְדַּ֥שׁ יְהוָֽה׃ ס

wayi̇kĕţò֤̇b yĕhòwşǔ֨ʻa֙ ʼeţ־hadĕ̇bári֣ym háʼé֔lėh bĕ̇sé֖per ţò̇wra֣ţ ʼèlòhi֑ym wayi̇qȧẖ֙ ʼe֣ben gĕ̇dòwlá֔h wayĕqiyme֣há şá̇̌֔m ţȧ֚ẖaţ háֽʼalá̇֔h ʼàşě֖r bĕ̇miqĕdȧ֥ş̌ yĕhwáֽh׃ s

27
וַיֹּ֨אמֶר יְהֹושֻׁ֜עַ אֶל־כָּל־הָעָ֗ם הִנֵּ֨ה הָאֶ֤בֶן הַזֹּאת֙ תִּֽהְיֶה־בָּ֣נוּ לְעֵדָ֔ה כִּֽי־הִ֣יא שָׁמְעָ֗ה אֵ֚ת כָּל־אִמְרֵ֣י יְהוָ֔ה אֲשֶׁ֥ר דִּבֶּ֖ר עִמָּ֑נוּ וְהָיְתָ֤ה בָכֶם֙ לְעֵדָ֔ה פֶּֽן־תְּכַחֲשׁ֖וּן בֵּאלֹהֵיכֶֽם׃

wayò̇֨ʼmer yĕhòwşǔ֜ʻa ʼel־ká̇l־háʻá֗m hiné̇֨h háʼe֤ben hazò̇ʼţ֙ ţiֽ̇hĕyeh־bá֣̇nẇ lĕʻédá֔h kiֽ̇y־hi֣yʼ şá̌mĕʻá֗h ʼé֚ţ ká̇l־ʼimĕré֣y yĕhwá֔h ʼàşě֥r di̇bė֖r ʻimá֑̇nẇ wĕháyĕţá֤h bákem֙ lĕʻédá֔h pėֽn־ţĕ̇kaẖàş֖̌ẇn bé̇ʼlòhéykeֽm׃

28
וַיְשַׁלַּ֤ח יְהֹושֻׁ֨עַ֙ אֶת־הָעָ֔ם אִ֖ישׁ לְנַחֲלָתֹֽו׃ פ

wayĕşǎlȧ֤ẖ yĕhòwşǔ֨ʻa֙ ʼeţ־háʻá֔m ʼi֖yş̌ lĕnaẖàláţòֽw׃ p

29
וַיְהִ֗י אַֽחֲרֵי֙ הַדְּבָרִ֣ים הָאֵ֔לֶּה וַיָּ֛מָת יְהֹושֻׁ֥עַ בִּן־נ֖וּן עֶ֣בֶד יְהוָ֑ה בֶּן־מֵאָ֥ה וָעֶ֖שֶׂר שָׁנִֽים׃

wayĕhi֗y ʼaֽẖàréy֙ hadĕ̇bári֣ym háʼé֔lėh wayá֛̇máţ yĕhòwşǔ֥ʻa bi̇n־n֖ẇn ʻe֣bed yĕhwá֑h bėn־méʼá֥h wáʻe֖şêr şá̌niֽym׃

30
וַיִּקְבְּר֤וּ אֹתֹו֙ בִּגְב֣וּל נַחֲלָתֹ֔ו בְּתִמְנַת־סֶ֖רַח אֲשֶׁ֣ר בְּהַר־אֶפְרָ֑יִם מִצְּפֹ֖ון לְהַר־גָּֽעַשׁ׃

wayi̇qĕbĕ̇r֤ẇ ʼòţòw֙ bi̇gĕb֣ẇl naẖàláţò֔w bĕ̇ţimĕnaţ־se֖raẖ ʼàşě֣r bĕ̇har־ʼepĕrá֑yim miẕĕ̇pò֖wn lĕhar־gáֽ̇ʻaş̌׃

31
וַיַּעֲבֹ֤ד יִשְׂרָאֵל֙ אֶת־יְהוָ֔ה כֹּ֖ל יְמֵ֣י יְהֹושֻׁ֑עַ וְכֹ֣ל׀ יְמֵ֣י הַזְּקֵנִ֗ים אֲשֶׁ֨ר הֶאֱרִ֤יכוּ יָמִים֙ אַחֲרֵ֣י יְהֹושֻׁ֔עַ וַאֲשֶׁ֣ר יָדְע֗וּ אֵ֚ת כָּל־מַעֲשֵׂ֣ה יְהוָ֔ה אֲשֶׁ֥ר עָשָׂ֖ה לְיִשְׂרָאֵֽל׃

wayȧʻàbò֤d yişĕ̂ráʼél֙ ʼeţ־yĕhwá֔h kò֖̇l yĕmé֣y yĕhòwşǔ֑ʻa wĕkò֣l׀ yĕmé֣y hazĕ̇qéni֗ym ʼàşě֨r heʼèri֤ykẇ yámiym֙ ʼaẖàré֣y yĕhòwşǔ֔ʻa waʼàşě֣r yádĕʻ֗ẇ ʼé֚ţ ká̇l־maʻàşé֣̂h yĕhwá֔h ʼàşě֥r ʻáşá֖̂h lĕyişĕ̂ráʼéֽl׃

32
וְאֶת־עַצְמֹ֣ות יֹ֠וסֵף אֲשֶׁר־הֶעֱל֨וּ בְנֵי־יִשְׂרָאֵ֥ל׀ מִמִּצְרַיִם֮ קָבְר֣וּ בִשְׁכֶם֒ בְּחֶלְקַ֣ת הַשָּׂדֶ֗ה אֲשֶׁ֨ר קָנָ֧ה יַעֲקֹ֛ב מֵאֵ֛ת בְּנֵֽי־חֲמֹ֥ור אֲבִֽי־שְׁכֶ֖ם בְּמֵאָ֣ה קְשִׂיטָ֑ה וַיִּֽהְי֥וּ לִבְנֵֽי־יֹוסֵ֖ף לְנַחֲלָֽה׃

wĕʼeţ־ʻaẕĕmò֣wţ yò֠wsép ʼàşěr־heʻèl֨ẇ bĕnéy־yişĕ̂ráʼé֥l׀ mimi̇ẕĕrayim֮ qábĕr֣ẇ bişĕ̌kem֒ bĕ̇ẖelĕqa֣ţ haşá̇̂de֗h ʼàşě֨r qáná֧h yaʻàqò֛b méʼé֛ţ bĕ̇néֽy־ẖàmò֥wr ʼàbiֽy־şĕ̌ke֖m bĕ̇méʼá֣h qĕşîytá֑h wayiֽ̇hĕy֥ẇ libĕnéֽy־yòwsé֖p lĕnaẖàláֽh׃

33
וְאֶלְעָזָ֥ר בֶּֽן־אַהֲרֹ֖ן מֵ֑ת וַיִּקְבְּר֣וּ אֹתֹ֗ו בְּגִבְעַת֙ פִּֽינְחָ֣ס בְּנֹ֔ו אֲשֶׁ֥ר נִתַּן־לֹ֖ו בְּהַ֥ר אֶפְרָֽיִם׃

wĕʼelĕʻázá֥r bėֽn־ʼahàrò֖n mé֑ţ wayi̇qĕbĕ̇r֣ẇ ʼòţò֗w bĕ̇gibĕʻaţ֙ piֽ̇ynĕẖá֣s bĕ̇nò֔w ʼàşě֥r niţȧn־lò֖w bĕ̇ha֥r ʼepĕráֽyim׃