Bibles in ancient languages
Old translations
Modern translations

Biblia Hebraica Stuttgartiensia Jeremiah 13

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
כֹּֽה־אָמַ֨ר יְהוָ֜ה אֵלַ֗י הָלֹ֞וךְ וְקָנִ֤יתָ לְּךָ֙ אֵזֹ֣ור פִּשְׁתִּ֔ים וְשַׂמְתֹּ֖ו עַל־מָתְנֶ֑יךָ וּבַמַּ֖יִם לֹ֥א תְבִאֵֽהוּ׃

kòֽ̇h־ʼáma֨r yĕhwá֜h ʼéla֗y hálò֞wkĕ wĕqáni֤yţá lĕ̇ká֙ ʼézò֣wr pi̇şĕ̌ţi̇֔ym wĕşâmĕţò֖̇w ʻal־máţĕne֑yká ẇbamȧ֖yim lò֥ʼ ţĕbiʼéֽhẇ׃

2
וָאֶקְנֶ֥ה אֶת־הָאֵזֹ֖ור כִּדְבַ֣ר יְהוָ֑ה וָאָשִׂ֖ם עַל־מָתְנָֽי׃ ס

wáʼeqĕne֥h ʼeţ־háʼézò֖wr ki̇dĕba֣r yĕhwá֑h wáʼáşî֖m ʻal־máţĕnáֽy׃ s

3
וַיְהִ֧י דְבַר־יְהוָ֛ה אֵלַ֖י שֵׁנִ֥ית לֵאמֹֽר׃

wayĕhi֧y dĕbar־yĕhwá֛h ʼéla֖y şé̌ni֥yţ léʼmòֽr׃

4
קַ֧ח אֶת־הָאֵזֹ֛ור אֲשֶׁ֥ר קָנִ֖יתָ אֲשֶׁ֣ר עַל־מָתְנֶ֑יךָ וְקוּם֙ לֵ֣ךְ פְּרָ֔תָה וְטָמְנֵ֥הוּ שָׁ֖ם בִּנְקִ֥יק הַסָּֽלַע׃

qa֧ẖ ʼeţ־háʼézò֛wr ʼàşě֥r qáni֖yţá ʼàşě֣r ʻal־máţĕne֑yká wĕqẇm֙ lé֣kĕ pĕ̇rá֔ţáh wĕtámĕné֥hẇ şá֖̌m bi̇nĕqi֥yq hasáֽ̇laʻ׃

5
וָאֵלֵ֕ךְ וָאֶטְמְנֵ֖הוּ בִּפְרָ֑ת כַּאֲשֶׁ֛ר צִוָּ֥ה יְהוָ֖ה אֹותִֽי׃

wáʼélé֕kĕ wáʼetĕmĕné֖hẇ bi̇pĕrá֑ţ kȧʼàşě֛r ẕiwá֥̇h yĕhwá֖h ʼòwţiֽy׃

6
וַיְהִ֕י מִקֵּ֖ץ יָמִ֣ים רַבִּ֑ים וַיֹּ֨אמֶר יְהוָ֜ה אֵלַ֗י ק֚וּם לֵ֣ךְ פְּרָ֔תָה וְקַ֤ח מִשָּׁם֙ אֶת־הָ֣אֵזֹ֔ור אֲשֶׁ֥ר צִוִּיתִ֖יךָ לְטָמְנֹו־שָֽׁם׃

wayĕhi֕y miqé֖̇ẕ yámi֣ym rabi֑̇ym wayò̇֨ʼmer yĕhwá֜h ʼéla֗y q֚ẇm lé֣kĕ pĕ̇rá֔ţáh wĕqa֤ẖ mişá̇̌m֙ ʼeţ־há֣ʼézò֔wr ʼàşě֥r ẕiwi̇yţi֖yká lĕtámĕnòw־şáֽ̌m׃

7
וָאֵלֵ֣ךְ פְּרָ֔תָה וָאֶחְפֹּ֗ר וָֽאֶקַּח֙ אֶת־הָ֣אֵזֹ֔ור מִן־הַמָּקֹ֖ום אֲשֶׁר־טְמַנְתִּ֣יו שָׁ֑מָּה וְהִנֵּה֙ נִשְׁחַ֣ת הָאֵזֹ֔ור לֹ֥א יִצְלַ֖ח לַכֹּֽל׃ פ

wáʼélé֣kĕ pĕ̇rá֔ţáh wáʼeẖĕpò̇֗r wáֽʼeqȧẖ֙ ʼeţ־há֣ʼézò֔wr min־hamá̇qò֖wm ʼàşěr־tĕmanĕţi֣̇yw şá֑̌má̇h wĕhiné̇h֙ nişĕ̌ẖa֣ţ háʼézò֔wr lò֥ʼ yiẕĕla֖ẖ lakòֽ̇l׃ p

8
וַיְהִ֥י דְבַר־יְהוָ֖ה אֵלַ֥י לֵאמֹֽר׃

wayĕhi֥y dĕbar־yĕhwá֖h ʼéla֥y léʼmòֽr׃

9
כֹּ֖ה אָמַ֣ר יְהוָ֑ה כָּ֠כָה אַשְׁחִ֞ית אֶת־גְּאֹ֧ון יְהוּדָ֛ה וְאֶת־גְּאֹ֥ון יְרוּשָׁלִַ֖ם הָרָֽב׃

kò֖̇h ʼáma֣r yĕhwá֑h ká̇֠káh ʼaşĕ̌ẖi֞yţ ʼeţ־gĕ̇ʼò֧wn yĕhẇdá֛h wĕʼeţ־gĕ̇ʼò֥wn yĕrẇşá̌lia֖m háráֽb׃

10
הָעָם֩ הַזֶּ֨ה הָרָ֜ע הַֽמֵּאֲנִ֣ים׀ לִשְׁמֹ֣ועַ אֶת־דְּבָרַ֗י הַהֹֽלְכִים֙ בִּשְׁרִר֣וּת לִבָּ֔ם וַיֵּלְכ֗וּ אַֽחֲרֵי֙ אֱלֹהִ֣ים אֲחֵרִ֔ים לְעָבְדָ֖ם וּלְהִשְׁתַּחֲוֹ֣ת לָהֶ֑ם וִיהִי֙ כָּאֵזֹ֣ור הַזֶּ֔ה אֲשֶׁ֥ר לֹא־יִצְלַ֖ח לַכֹּֽל׃

háʻám֩ hazė֨h hárá֜ʻ haֽmé̇ʼàni֣ym׀ lişĕ̌mò֣wʻa ʼeţ־dĕ̇bára֗y hahòֽlĕkiym֙ bi̇şĕ̌rir֣ẇţ libá̇֔m wayé̇lĕk֗ẇ ʼaֽẖàréy֙ ʼèlòhi֣ym ʼàẖéri֔ym lĕʻábĕdá֖m ẇlĕhişĕ̌ţȧẖàwò֣ţ láhe֑m wiyhiy֙ ká̇ʼézò֣wr hazė֔h ʼàşě֥r lòʼ־yiẕĕla֖ẖ lakòֽ̇l׃

11
כִּ֡י כַּאֲשֶׁר֩ יִדְבַּ֨ק הָאֵזֹ֜ור אֶל־מָתְנֵי־אִ֗ישׁ כֵּ֣ן הִדְבַּ֣קְתִּי אֵ֠לַי אֶת־כָּל־בֵּ֨ית יִשְׂרָאֵ֜ל וְאֶת־כָּל־בֵּ֤ית יְהוּדָה֙ נְאֻם־יְהוָ֔ה לִֽהְיֹ֥ות לִי֙ לְעָ֔ם וּלְשֵׁ֥ם וְלִתְהִלָּ֖ה וּלְתִפְאָ֑רֶת וְלֹ֖א שָׁמֵֽעוּ׃

ki̇֡y kȧʼàşěr֩ yidĕbȧ֨q háʼézò֜wr ʼel־máţĕnéy־ʼi֗yş̌ ké֣̇n hidĕbȧ֣qĕţi̇y ʼé֠lay ʼeţ־ká̇l־bé̇֨yţ yişĕ̂ráʼé֜l wĕʼeţ־ká̇l־bé֤̇yţ yĕhẇdáh֙ nĕʼum־yĕhwá֔h liֽhĕyò֥wţ liy֙ lĕʻá֔m ẇlĕşé֥̌m wĕliţĕhilá֖̇h ẇlĕţipĕʼá֑reţ wĕlò֖ʼ şá̌méֽʻẇ׃

12
וְאָמַרְתָּ֙ אֲלֵיהֶ֜ם אֶת־הַדָּבָ֣ר הַזֶּ֗ה סכֹּֽה־אָמַ֤ר יְהוָה֙ אֱלֹהֵ֣י יִשְׂרָאֵ֔ל כָּל־נֵ֖בֶל יִמָּ֣לֵא יָ֑יִן וְאָמְר֣וּ אֵלֶ֔יךָ הֲיָדֹ֨עַ֙ לֹ֣א נֵדַ֔ע כִּ֥י כָל־נֵ֖בֶל יִמָּ֥לֵא יָֽיִן׃

wĕʼámarĕţá̇֙ ʼàléyhe֜m ʼeţ־hadá̇bá֣r hazė֗h skòֽ̇h־ʼáma֤r yĕhwáh֙ ʼèlòhé֣y yişĕ̂ráʼé֔l ká̇l־né֖bel yimá֣̇léʼ yá֑yin wĕʼámĕr֣ẇ ʼéle֔yká hàyádò֨ʻa֙ lò֣ʼ néda֔ʻ ki֥̇y kál־né֖bel yimá֥̇léʼ yáֽyin׃

13
וְאָמַרְתָּ֙ אֲלֵיהֶ֜ם כֹּֽה־אָמַ֣ר יְהוָ֗ה הִנְנִ֣י מְמַלֵּ֣א אֶת־כָּל־יֹשְׁבֵ֣י הָאָ֪רֶץ הַזֹּ֟את וְאֶת־הַמְּלָכִ֣ים הַיֹּשְׁבִים֩ לְדָוִ֨ד עַל־כִּסְאֹ֜ו וְאֶת־הַכֹּהֲנִ֣ים וְאֶת־הַנְּבִיאִ֗ים וְאֵ֛ת כָּל־יֹשְׁבֵ֥י יְרוּשָׁלִָ֖ם שִׁכָּרֹֽון׃

wĕʼámarĕţá̇֙ ʼàléyhe֜m kòֽ̇h־ʼáma֣r yĕhwá֗h hinĕni֣y mĕmalé֣̇ʼ ʼeţ־ká̇l־yòşĕ̌bé֣y háʼá֪reẕ hazò̇֟ʼţ wĕʼeţ־hamĕ̇láki֣ym hayò̇şĕ̌biym֩ lĕdáwi֨d ʻal־ki̇sĕʼò֜w wĕʼeţ־hakò̇hàni֣ym wĕʼeţ־hanĕ̇biyʼi֗ym wĕʼé֛ţ ká̇l־yòşĕ̌bé֥y yĕrẇşá̌liá֖m şǐká̇ròֽwn׃

14
וְנִפַּצְתִּים֩ אִ֨ישׁ אֶל־אָחִ֜יו וְהָאָבֹ֧ות וְהַבָּנִ֛ים יַחְדָּ֖ו נְאֻם־יְהוָ֑ה לֹֽא־אֶחְמֹ֧ול וְלֹֽא־אָח֛וּס וְלֹ֥א אֲרַחֵ֖ם מֵהַשְׁחִיתָֽם׃ ס

wĕnipȧẕĕţi̇ym֩ ʼi֨yş̌ ʼel־ʼáẖi֜yw wĕháʼábò֧wţ wĕhabá̇ni֛ym yaẖĕdá֖̇w nĕʼum־yĕhwá֑h lòֽʼ־ʼeẖĕmò֧wl wĕlòֽʼ־ʼáẖ֛ẇs wĕlò֥ʼ ʼàraẖé֖m méhaşĕ̌ẖiyţáֽm׃ s

15
שִׁמְע֥וּ וְהַאֲזִ֖ינוּ אַל־תִּגְבָּ֑הוּ כִּ֥י יְהוָ֖ה דִּבֵּֽר׃

şǐmĕʻ֥ẇ wĕhaʼàzi֖ynẇ ʼal־ţi̇gĕbá֑̇hẇ ki֥̇y yĕhwá֖h di̇béֽ̇r׃

16
תְּנוּ֩ לַיהוָ֨ה אֱלֹהֵיכֶ֤ם כָּבֹוד֙ בְּטֶ֣רֶם יַחְשִׁ֔ךְ וּבְטֶ֛רֶם יִֽתְנַגְּפ֥וּ רַגְלֵיכֶ֖ם עַל־הָ֣רֵי נָ֑שֶׁף וְקִוִּיתֶ֤ם לְאֹור֙ וְשָׂמָ֣הּ לְצַלְמָ֔וֶת יָשִׁית לַעֲרָפֶֽל׃

ţĕ̇nẇ֩ layhwá֨h ʼèlòhéyke֤m ká̇bòwd֙ bĕ̇te֣rem yaẖĕşǐ֔kĕ ẇbĕte֛rem yiֽţĕnagĕ̇p֥ẇ ragĕléyke֖m ʻal־há֣réy ná֑şěp wĕqiwi̇yţe֤m lĕʼòwr֙ wĕşá̂má֣ḣ lĕẕalĕmá֔weţ yáşǐyţ laʻàrápeֽl׃

17
וְאִם֙ לֹ֣א תִשְׁמָע֔וּהָ בְּמִסְתָּרִ֥ים תִּבְכֶּֽה־נַפְשִׁ֖י מִפְּנֵ֣י גֵוָ֑ה וְדָמֹ֨עַ תִּדְמַ֜ע וְתֵרַ֤ד עֵינִי֙ דִּמְעָ֔ה כִּ֥י נִשְׁבָּ֖ה עֵ֥דֶר יְהוָֽה׃ ס

wĕʼim֙ lò֣ʼ ţişĕ̌máʻ֔ẇhá bĕ̇misĕţá̇ri֥ym ţi̇bĕkėֽh־napĕşǐ֖y mipĕ̇né֣y géwá֑h wĕdámò֨ʻa ţi̇dĕma֜ʻ wĕţéra֤d ʻéyniy֙ di̇mĕʻá֔h ki֥̇y nişĕ̌bá֖̇h ʻé֥der yĕhwáֽh׃ s

18
אֱמֹ֥ר לַמֶּ֛לֶךְ וְלַגְּבִירָ֖ה הַשְׁפִּ֣ילוּ שֵׁ֑בוּ כִּ֤י יָרַד֙ מַרְאֲשֹׁ֣ותֵיכֶ֔ם עֲטֶ֖רֶת תִּֽפְאַרְתְּכֶֽם׃

ʼèmò֥r lamė֛lekĕ wĕlagĕ̇biyrá֖h haşĕ̌pi֣̇ylẇ şé֑̌bẇ ki֤̇y yárad֙ marĕʼàşò֣̌wţéyke֔m ʻàte֖reţ ţiֽ̇pĕʼarĕţĕ̇keֽm׃

19
עָרֵ֥י הַנֶּ֛גֶב סֻגְּר֖וּ וְאֵ֣ין פֹּתֵ֑חַ הָגְלָ֧ת יְהוּדָ֛ה כֻּלָּ֖הּ הָגְלָ֥ת שְׁלֹומִֽים׃ ס

ʻáré֥y hanė֛geb sugĕ̇r֖ẇ wĕʼé֣yn pò̇ţé֑ẖa hágĕlá֧ţ yĕhẇdá֛h ku̇lá֖̇ḣ hágĕlá֥ţ şĕ̌lòwmiֽym׃ s

20
שְׂאִי עֵֽינֵיכֶם֙ וּרְאִי הַבָּאִ֖ים מִצָּפֹ֑ון אַיֵּ֗ה הָעֵ֨דֶר֙ נִתַּן־לָ֔ךְ צֹ֖אן תִּפְאַרְתֵּֽךְ׃

şĕ̂ʼiy ʻéֽynéykem֙ ẇrĕʼiy habá̇ʼi֖ym miẕá̇pò֑wn ʼayé̇֗h háʻé֨der֙ niţȧn־lá֔kĕ ẕò֖ʼn ţi̇pĕʼarĕţéֽ̇kĕ׃

21
מַה־תֹּֽאמְרִי֙ כִּֽי־יִפְקֹ֣ד עָלַ֔יִךְ וְ֠אַתְּ לִמַּ֨דְתְּ אֹתָ֥ם עָלַ֛יִךְ אַלֻּפִ֖ים לְרֹ֑אשׁ הֲלֹ֤וא חֲבָלִים֙ יֹאחֱז֔וּךְ כְּמֹ֖ו אֵ֥שֶׁת לֵדָֽה׃

mah־ţòֽ̇ʼmĕriy֙ kiֽ̇y־yipĕqò֣d ʻála֔yikĕ wĕ֠ʼaţĕ̇ limȧ֨dĕţĕ̇ ʼòţá֥m ʻála֛yikĕ ʼalu̇pi֖ym lĕrò֑ʼş̌ hàlò֤wʼ ẖàbáliym֙ yòʼẖèz֔ẇkĕ kĕ̇mò֖w ʼé֥şěţ lédáֽh׃

22
וְכִ֤י תֹאמְרִי֙ בִּלְבָבֵ֔ךְ מַדּ֖וּעַ קְרָאֻ֣נִי אֵ֑לֶּה בְּרֹ֧ב עֲוֹנֵ֛ךְ נִגְל֥וּ שׁוּלַ֖יִךְ נֶחְמְס֥וּ עֲקֵבָֽיִךְ׃

wĕki֤y ţòʼmĕriy֙ bi̇lĕbábé֔kĕ maḋ֖ẇʻa qĕráʼu֣niy ʼé֑lėh bĕ̇rò֧b ʻàwòné֛kĕ nigĕl֥ẇ ş̌ẇla֖yikĕ neẖĕmĕs֥ẇ ʻàqébáֽyikĕ׃

23
הֲיַהֲפֹ֤ךְ כּוּשִׁי֙ עֹורֹ֔ו וְנָמֵ֖ר חֲבַרְבֻּרֹתָ֑יו גַּם־אַתֶּם֙ תּוּכְל֣וּ לְהֵיטִ֔יב לִמֻּדֵ֖י הָרֵֽעַ׃

hàyahàpò֤kĕ k̇ẇşǐy֙ ʻòwrò֔w wĕnámé֖r ẖàbarĕbu̇ròţá֑yw gȧm־ʼaţėm֙ ţ̇ẇkĕl֣ẇ lĕhéyti֔yb limu̇dé֖y háréֽʻa׃

24
וַאֲפִיצֵ֖ם כְּקַשׁ־עֹובֵ֑ר לְר֖וּחַ מִדְבָּֽר׃

waʼàpiyẕé֖m kĕ̇qaş̌־ʻòwbé֑r lĕr֖ẇẖa midĕbáֽ̇r׃

25
זֶ֣ה גֹורָלֵ֧ךְ מְנָת־מִדַּ֛יִךְ מֵֽאִתִּ֖י נְאֻם־יְהוָ֑ה אֲשֶׁר֙ שָׁכַ֣חַתְּ אֹותִ֔י וַֽתִּבְטְחִ֖י בַּשָּֽׁקֶר׃

ze֣h gòwrálé֧kĕ mĕnáţ־midȧ֛yikĕ méֽʼiţi֖̇y nĕʼum־yĕhwá֑h ʼàşěr֙ şá̌ka֣ẖaţĕ̇ ʼòwţi֔y waֽţi̇bĕtĕẖi֖y bȧşáֽ̇̌qer׃

26
וְגַם־אֲנִ֛י חָשַׂ֥פְתִּי שׁוּלַ֖יִךְ עַל־פָּנָ֑יִךְ וְנִרְאָ֖ה קְלֹונֵֽךְ׃

wĕgam־ʼàni֛y ẖáşâ֥pĕţi̇y ş̌ẇla֖yikĕ ʻal־pá̇ná֑yikĕ wĕnirĕʼá֖h qĕlòwnéֽkĕ׃

27
נִֽאֻפַ֤יִךְ וּמִצְהֲלֹותַ֨יִךְ֙ זִמַּ֣ת זְנוּתֵ֔ךְ עַל־גְּבָעֹות֙ בַּשָּׂדֶ֔ה רָאִ֖יתִי שִׁקּוּצָ֑יִךְ אֹ֥וי לָךְ֙ יְר֣וּשָׁלִַ֔ם לֹ֣א תִטְהֲרִ֔י אַחֲרֵ֥י מָתַ֖י עֹֽד׃ פ

niֽʼupa֤yikĕ ẇmiẕĕhàlòwţa֨yikĕ֙ zimȧ֣ţ zĕnẇţé֔kĕ ʻal־gĕ̇báʻòwţ֙ bȧşá̇̂de֔h ráʼi֖yţiy şǐq̇ẇẕá֑yikĕ ʼò֥wy lákĕ֙ yĕr֣ẇşá̌lia֔m lò֣ʼ ţitĕhàri֔y ʼaẖàré֥y máţa֖y ʻòֽd׃ p