Bibles in ancient languages
Old translations
Modern translations

Biblia Hebraica Stuttgartensia Jérémie 18:23

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
הַדָּבָר֙ אֲשֶׁ֣ר הָיָ֣ה אֶֽל־יִרְמְיָ֔הוּ מֵאֵ֥ת יְהוָ֖ה לֵאמֹֽר׃

hadá̇bár֙ ʼàşě֣r háyá֣h ʼeֽl־yirĕmĕyá֔hẇ méʼé֥ţ yĕhwá֖h léʼmòֽr׃

2
ק֥וּם וְיָרַדְתָּ֖ בֵּ֣ית הַיֹּוצֵ֑ר וְשָׁ֖מָּה אַשְׁמִֽיעֲךָ֥ אֶת־דְּבָרָֽי׃

q֥ẇm wĕyáradĕţá֖̇ bé֣̇yţ hayò̇wẕé֑r wĕşá֖̌má̇h ʼaşĕ̌miֽyʻàká֥ ʼeţ־dĕ̇báráֽy׃

3
וָאֵרֵ֖ד בֵּ֣ית הַיֹּוצֵ֑ר וְהִנֵּהוּ עֹשֶׂ֥ה מְלָאכָ֖ה עַל־הָאָבְנָֽיִם׃

wáʼéré֖d bé֣̇yţ hayò̇wẕé֑r wĕhiné̇hẇ ʻòşê֥h mĕláʼká֖h ʻal־háʼábĕnáֽyim׃

4
וְנִשְׁחַ֣ת הַכְּלִ֗י אֲשֶׁ֨ר ה֥וּא עֹשֶׂ֛ה בַּחֹ֖מֶר בְּיַ֣ד הַיֹּוצֵ֑ר וְשָׁ֗ב וַֽיַּעֲשֵׂ֨הוּ֙ כְּלִ֣י אַחֵ֔ר כַּאֲשֶׁ֥ר יָשַׁ֛ר בְּעֵינֵ֥י הַיֹּוצֵ֖ר לַעֲשֹֽׂות׃ פ

wĕnişĕ̌ẖa֣ţ hakĕ̇li֗y ʼàşě֨r h֥ẇʼ ʻòşê֛h bȧẖò֖mer bĕ̇ya֣d hayò̇wẕé֑r wĕşá̌֗b waֽyȧʻàşé̂֨hẇ֙ kĕ̇li֣y ʼaẖé֔r kȧʼàşě֥r yáşǎ֛r bĕ̇ʻéyné֥y hayò̇wẕé֖r laʻàşòֽ̂wţ׃ p

5
וַיְהִ֥י דְבַר־יְהוָ֖ה אֵלַ֥י לֵאמֹֽור׃

wayĕhi֥y dĕbar־yĕhwá֖h ʼéla֥y léʼmòֽwr׃

6
הֲכַיֹּוצֵ֨ר הַזֶּ֜ה לֹא־אוּכַ֨ל לַעֲשֹׂ֥ות לָכֶ֛ם בֵּ֥ית יִשְׂרָאֵ֖ל נְאֻם־יְהוָ֑ה הִנֵּ֤ה כַחֹ֨מֶר֙ בְּיַ֣ד הַיֹּוצֵ֔ר כֵּן־אַתֶּ֥ם בְּיָדִ֖י בֵּ֥ית יִשְׂרָאֵֽל׃ ס

hàkayò̇wẕé֨r hazė֜h lòʼ־ʼẇka֨l laʻàşò֥̂wţ láke֛m bé֥̇yţ yişĕ̂ráʼé֖l nĕʼum־yĕhwá֑h hiné֤̇h kaẖò֨mer֙ bĕ̇ya֣d hayò̇wẕé֔r ké̇n־ʼaţė֥m bĕ̇yádi֖y bé֥̇yţ yişĕ̂ráʼéֽl׃ s

7
רֶ֣גַע אֲדַבֵּ֔ר עַל־גֹּ֖וי וְעַל־מַמְלָכָ֑ה לִנְתֹ֥ושׁ וְלִנְתֹ֖וץ וּֽלְהַאֲבִֽיד׃

re֣gaʻ ʼàdabé̇֔r ʻal־gò֖̇wy wĕʻal־mamĕláká֑h linĕţò֥wş̌ wĕlinĕţò֖wẕ ẇֽlĕhaʼàbiֽyd׃

8
וְשָׁב֙ הַגֹּ֣וי הַה֔וּא מֵרָ֣עָתֹ֔ו אֲשֶׁ֥ר דִּבַּ֖רְתִּי עָלָ֑יו וְנִֽחַמְתִּי֙ עַל־הָ֣רָעָ֔ה אֲשֶׁ֥ר חָשַׁ֖בְתִּי לַעֲשֹׂ֥ות לֹֽו׃ ס

wĕşá̌b֙ hagò֣̇wy hah֔ẇʼ mérá֣ʻáţò֔w ʼàşě֥r di̇bȧ֖rĕţi̇y ʻálá֑yw wĕniֽẖamĕţi̇y֙ ʻal־há֣ráʻá֔h ʼàşě֥r ẖáşǎ֖bĕţi̇y laʻàşò֥̂wţ lòֽw׃ s

9
וְרֶ֣גַע אֲדַבֵּ֔ר עַל־גֹּ֖וי וְעַל־מַמְלָכָ֑ה לִבְנֹ֖ת וְלִנְטֹֽעַ׃

wĕre֣gaʻ ʼàdabé̇֔r ʻal־gò֖̇wy wĕʻal־mamĕláká֑h libĕnò֖ţ wĕlinĕtòֽʻa׃

10
וְעָשָׂ֤ה הָרָעָה בְּעֵינַ֔י לְבִלְתִּ֖י שְׁמֹ֣עַ בְּקֹולִ֑י וְנִֽחַמְתִּי֙ עַל־הַטֹּובָ֔ה אֲשֶׁ֥ר אָמַ֖רְתִּי לְהֵיטִ֥יב אֹותֹֽו׃ ס

wĕʻáşá֤̂h háráʻáh bĕ̇ʻéyna֔y lĕbilĕţi֖̇y şĕ̌mò֣ʻa bĕ̇qòwli֑y wĕniֽẖamĕţi̇y֙ ʻal־hatò̇wbá֔h ʼàşě֥r ʼáma֖rĕţi̇y lĕhéyti֥yb ʼòwţòֽw׃ s

11
וְעַתָּ֡ה אֱמָר־נָ֣א אֶל־אִישׁ־יְהוּדָה֩ וְעַל־יֹושְׁבֵ֨י יְרוּשָׁלִַ֜ם לֵאמֹ֗ר כֹּ֚ה אָמַ֣ר יְהוָ֔ה הִנֵּ֨ה אָנֹכִ֜י יֹוצֵ֤ר עֲלֵיכֶם֙ רָעָ֔ה וְחֹשֵׁ֥ב עֲלֵיכֶ֖ם מַֽחֲשָׁבָ֑ה שׁ֣וּבוּ נָ֗א אִ֚ישׁ מִדַּרְכֹּ֣ו הָֽרָעָ֔ה וְהֵיטִ֥יבוּ דַרְכֵיכֶ֖ם וּמַעַלְלֵיכֶֽם׃

wĕʻaţá̇֡h ʼèmár־ná֣ʼ ʼel־ʼiyş̌־yĕhẇdáh֩ wĕʻal־yòwşĕ̌bé֨y yĕrẇşá̌lia֜m léʼmò֗r kò֚̇h ʼáma֣r yĕhwá֔h hiné̇֨h ʼánòki֜y yòwẕé֤r ʻàléykem֙ ráʻá֔h wĕẖòşé֥̌b ʻàléyke֖m maֽẖàşá̌bá֑h ş֣̌ẇbẇ ná֗ʼ ʼi֚yş̌ midȧrĕkò֣̇w háֽráʻá֔h wĕhéyti֥ybẇ darĕkéyke֖m ẇmaʻalĕléykeֽm׃

12
וְאָמְר֖וּ נֹואָ֑שׁ כִּֽי־אַחֲרֵ֤י מַחְשְׁבֹותֵ֨ינוּ֙ נֵלֵ֔ךְ וְאִ֛ישׁ שְׁרִר֥וּת לִבֹּֽו־הָרָ֖ע נַעֲשֶֽׂה׃ ס

wĕʼámĕr֖ẇ nòwʼá֑ş̌ kiֽ̇y־ʼaẖàré֤y maẖĕşĕ̌bòwţé֨ynẇ֙ nélé֔kĕ wĕʼi֛yş̌ şĕ̌rir֥ẇţ libòֽ̇w־hárá֖ʻ naʻàşêֽh׃ s

13
לָכֵ֗ן כֹּ֚ה אָמַ֣ר יְהוָ֔ה שַֽׁאֲלוּ־נָא֙ בַּגֹּויִ֔ם מִ֥י שָׁמַ֖ע כָּאֵ֑לֶּה שַֽׁעֲרֻרִת֙ עָשְׂתָ֣ה מְאֹ֔ד בְּתוּלַ֖ת יִשְׂרָאֵֽל׃

láké֗n kò֚̇h ʼáma֣r yĕhwá֔h şǎֽʼàlẇ־náʼ֙ bȧgò̇wyi֔m mi֥y şá̌ma֖ʻ ká̇ʼé֑lėh şǎֽʻàruriţ֙ ʻáşĕ̂ţá֣h mĕʼò֔d bĕ̇ţẇla֖ţ yişĕ̂ráʼéֽl׃

14
הֲיַעֲזֹ֥ב מִצּ֛וּר שָׂדַ֖י שֶׁ֣לֶג לְבָנֹ֑ון אִם־יִנָּתְשׁ֗וּ מַ֛יִם זָרִ֥ים קָרִ֖ים נֹוזְלִֽים׃

hàyaʻàzò֥b miẕ֛̇ẇr şá̂da֖y şě֣leg lĕbánò֑wn ʼim־yiná̇ţĕş̌֗ẇ ma֛yim zári֥ym qári֖ym nòwzĕliֽym׃

15
כִּֽי־שְׁכֵחֻ֥נִי עַמִּ֖י לַשָּׁ֣וְא יְקַטֵּ֑רוּ וַיַּכְשִׁל֤וּם בְּדַרְכֵיהֶם֙ שְׁבִילֵ֣י עֹולָ֔ם לָלֶ֣כֶת נְתִיבֹ֔ות דֶּ֖רֶךְ לֹ֥א סְלוּלָֽה׃

kiֽ̇y־şĕ̌kéẖu֥niy ʻami֖̇y laşá֣̇̌wĕʼ yĕqaté֑̇rẇ wayȧkĕşǐl֤ẇm bĕ̇darĕkéyhem֙ şĕ̌biylé֣y ʻòwlá֔m lále֣keţ nĕţiybò֔wţ dė֖rekĕ lò֥ʼ sĕlẇláֽh׃

16
לָשׂ֥וּם אַרְצָ֛ם לְשַׁמָּ֖ה שְׁרוּקַת עֹולָ֑ם כֹּ֚ל עֹובֵ֣ר עָלֶ֔יהָ יִשֹּׁ֖ם וְיָנִ֥יד בְּרֹאשֹֽׁו׃

láş֥̂ẇm ʼarĕẕá֛m lĕşǎmá֖̇h şĕ̌rẇqaţ ʻòwlá֑m kò֚̇l ʻòwbé֣r ʻále֔yhá yişò֖̇̌m wĕyáni֥yd bĕ̇ròʼşòֽ̌w׃

17
כְּרֽוּחַ־קָדִ֥ים אֲפִיצֵ֖ם לִפְנֵ֣י אֹויֵ֑ב עֹ֧רֶף וְלֹֽא־פָנִ֛ים אֶרְאֵ֖ם בְּיֹ֥ום אֵידָֽם׃ ס

kĕ̇rֽẇẖa־qádi֥ym ʼàpiyẕé֖m lipĕné֣y ʼòwyé֑b ʻò֧rep wĕlòֽʼ־páni֛ym ʼerĕʼé֖m bĕ̇yò֥wm ʼéydáֽm׃ s

18
וַיֹּאמְר֗וּ לְכ֨וּ וְנַחְשְׁבָ֣ה עַֽל־יִרְמְיָהוּ֮ מַחֲשָׁבֹות֒ כִּי֩ לֹא־תֹאבַ֨ד תֹּורָ֜ה מִכֹּהֵ֗ן וְעֵצָה֙ מֵֽחָכָ֔ם וְדָבָ֖ר מִנָּבִ֑יא לְכוּ֙ וְנַכֵּ֣הוּ בַלָּשֹׁ֔ון וְאַל־נַקְשִׁ֖יבָה אֶל־כָּל־דְּבָרָֽיו׃

wayò̇ʼmĕr֗ẇ lĕk֨ẇ wĕnaẖĕşĕ̌bá֣h ʻaֽl־yirĕmĕyáhẇ֮ maẖàşá̌bòwţ֒ ki̇y֩ lòʼ־ţòʼba֨d ţò̇wrá֜h mikò̇hé֗n wĕʻéẕáh֙ méֽẖáká֔m wĕdábá֖r miná̇bi֑yʼ lĕkẇ֙ wĕnaké֣̇hẇ balá̇şò̌֔wn wĕʼal־naqĕşǐ֖ybáh ʼel־ká̇l־dĕ̇báráֽyw׃

19
הַקְשִׁ֥יבָה יְהוָ֖ה אֵלָ֑י וּשְׁמַ֖ע לְקֹ֥ול יְרִיבָֽי׃

haqĕşǐ֥ybáh yĕhwá֖h ʼélá֑y ẇşĕ̌ma֖ʻ lĕqò֥wl yĕriybáֽy׃

20
הַיְשֻׁלַּ֤ם תַּֽחַת־טֹובָה֙ רָעָ֔ה כִּֽי־כָר֥וּ שׁוּחָ֖ה לְנַפְשִׁ֑י זְכֹ֣ר׀ עָמְדִ֣י לְפָנֶ֗יךָ לְדַבֵּ֤ר עֲלֵיהֶם֙ טֹובָ֔ה לְהָשִׁ֥יב אֶת־חֲמָתְךָ֖ מֵהֶֽם׃

hayĕşǔlȧ֤m ţȧֽẖaţ־tòwbáh֙ ráʻá֔h kiֽ̇y־kár֥ẇ ş̌ẇẖá֖h lĕnapĕşǐ֑y zĕkò֣r׀ ʻámĕdi֣y lĕpáne֗yká lĕdabé֤̇r ʻàléyhem֙ tòwbá֔h lĕháşǐ֥yb ʼeţ־ẖàmáţĕká֖ méheֽm׃

21
לָכֵן֩ תֵּ֨ן אֶת־בְּנֵיהֶ֜ם לָרָעָ֗ב וְהַגִּרֵם֮ עַל־יְדֵי־חֶרֶב֒ וְתִֽהְיֶ֨נָה נְשֵׁיהֶ֤ם שַׁכֻּלֹות֙ וְאַלְמָנֹ֔ות וְאַ֨נְשֵׁיהֶ֔ם יִֽהְי֖וּ הֲרֻ֣גֵי מָ֑וֶת בַּח֣וּרֵיהֶ֔ם מֻכֵּי־חֶ֖רֶב בַּמִּלְחָמָֽה׃

lákén֩ ţé̇֨n ʼeţ־bĕ̇néyhe֜m láráʻá֗b wĕhagi̇rém֮ ʻal־yĕdéy־ẖereb֒ wĕţiֽhĕye֨náh nĕşé̌yhe֤m şǎku̇lòwţ֙ wĕʼalĕmánò֔wţ wĕʼa֨nĕşé̌yhe֔m yiֽhĕy֖ẇ hàru֣géy má֑weţ bȧẖ֣ẇréyhe֔m muké̇y־ẖe֖reb bȧmi̇lĕẖámáֽh׃

22
תִּשָּׁמַ֤ע זְעָקָה֙ מִבָּ֣תֵּיהֶ֔ם כִּֽי־תָבִ֧יא עֲלֵיהֶ֛ם גְּד֖וּד פִּתְאֹ֑ם כִּֽי־כָר֤וּ שִׁיחָה לְלָכְדֵ֔נִי וּפַחִ֖ים טָמְנ֥וּ לְרַגְלָֽי׃

ţi̇şá̇̌ma֤ʻ zĕʻáqáh֙ mibá֣̇ţé̇yhe֔m kiֽ̇y־ţábi֧yʼ ʻàléyhe֛m gĕ̇d֖ẇd pi̇ţĕʼò֑m kiֽ̇y־kár֤ẇ şǐyẖáh lĕlákĕdé֔niy ẇpaẖi֖ym támĕn֥ẇ lĕragĕláֽy׃

23
וְאַתָּ֣ה יְ֠הוָה יָדַ֜עְתָּ אֶֽת־כָּל־עֲצָתָ֤ם עָלַי֙ לַמָּ֔וֶת אַל־תְּכַפֵּר֙ עַל־עֲוֹנָ֔ם וְחַטָּאתָ֖ם מִלְּפָנֶ֣יךָ אַל־תֶּ֑מְחִי וְהָיוּ מֻכְשָׁלִים֙ לְפָנֶ֔יךָ בְּעֵ֥ת אַפְּךָ֖ עֲשֵׂ֥ה בָהֶֽם׃ ס

wĕʼaţá֣̇h yĕ֠hwáh yáda֜ʻĕţá̇ ʼeֽţ־ká̇l־ʻàẕáţá֤m ʻálay֙ lamá̇֔weţ ʼal־ţĕ̇kapé̇r֙ ʻal־ʻàwòná֔m wĕẖatá̇ʼţá֖m milĕ̇páne֣yká ʼal־ţė֑mĕẖiy wĕháyẇ mukĕşá̌liym֙ lĕpáne֔yká bĕ̇ʻé֥ţ ʼapĕ̇ká֖ ʻàşé֥̂h báheֽm׃ s