Bibles in ancient languages
Old translations
Modern translations

Biblia Hebraica Stuttgartiensia Nehemiah 2

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיְהִ֣י׀ בְּחֹ֣דֶשׁ נִיסָ֗ן שְׁנַ֥ת עֶשְׂרִ֛ים לְאַרְתַּחְשַׁ֥סְתְּא הַמֶּ֖לֶךְ יַ֣יִן לְפָנָ֑יו וָאֶשָּׂ֤א אֶת־הַיַּ֨יִן֙ וָאֶתְּנָ֣ה לַמֶּ֔לֶךְ וְלֹא־הָיִ֥יתִי רַ֖ע לְפָנָֽיו׃

wayĕhi֣y׀ bĕ̇ẖò֣deş̌ niysá֗n şĕ̌na֥ţ ʻeşĕ̂ri֛ym lĕʼarĕţȧẖĕşǎ֥sĕţĕ̇ʼ hamė֖lekĕ ya֣yin lĕpáná֑yw wáʼeşá֤̇̂ʼ ʼeţ־hayȧ֨yin֙ wáʼeţĕ̇ná֣h lamė֔lekĕ wĕlòʼ־háyi֥yţiy ra֖ʻ lĕpánáֽyw׃

2
וַיֹּאמֶר֩ לִ֨י הַמֶּ֜לֶךְ מַדּ֣וּעַ׀ פָּנֶ֣יךָ רָעִ֗ים וְאַתָּה֙ אֵֽינְךָ֣ חֹולֶ֔ה אֵ֣ין זֶ֔ה כִּי־אִ֖ם רֹ֣עַֽ לֵ֑ב וָאִירָ֖א הַרְבֵּ֥ה מְאֹֽד׃

wayò̇ʼmer֩ li֨y hamė֜lekĕ maḋ֣ẇʻa׀ pá̇ne֣yká ráʻi֗ym wĕʼaţá̇h֙ ʼéֽynĕká֣ ẖòwle֔h ʼé֣yn ze֔h ki̇y־ʼi֖m rò֣ʻaֽ lé֑b wáʼiyrá֖ʼ harĕbé֥̇h mĕʼòֽd׃

3
וָאֹמַ֣ר לַמֶּ֔לֶךְ הַמֶּ֖לֶךְ לְעֹולָ֣ם יִחְיֶ֑ה מַדּ֜וּעַ לֹא־יֵרְע֣וּ פָנַ֗י אֲשֶׁ֨ר הָעִ֜יר בֵּית־קִבְרֹ֤ות אֲבֹתַי֙ חֲרֵבָ֔ה וּשְׁעָרֶ֖יהָ אֻכְּל֥וּ בָאֵֽשׁ׃ ס

wáʼòma֣r lamė֔lekĕ hamė֖lekĕ lĕʻòwlá֣m yiẖĕye֑h maḋ֜ẇʻa lòʼ־yérĕʻ֣ẇ pána֗y ʼàşě֨r háʻi֜yr bé̇yţ־qibĕrò֤wţ ʼàbòţay֙ ẖàrébá֔h ẇşĕ̌ʻáre֖yhá ʼukĕ̇l֥ẇ báʼéֽş̌׃ s

4
וַיֹּ֤אמֶר לִי֙ הַמֶּ֔לֶךְ עַל־מַה־זֶּ֖ה אַתָּ֣ה מְבַקֵּ֑שׁ וָֽאֶתְפַּלֵּ֔ל אֶל־אֱלֹהֵ֖י הַשָּׁמָֽיִם׃

wayò֤̇ʼmer liy֙ hamė֔lekĕ ʻal־mah־zė֖h ʼaţá֣̇h mĕbaqé֑̇ş̌ wáֽʼeţĕpȧlé̇֔l ʼel־ʼèlòhé֖y haşá̇̌máֽyim׃

5
וָאֹמַ֣ר לַמֶּ֔לֶךְ אִם־עַל־הַמֶּ֣לֶךְ טֹ֔וב וְאִם־יִיטַ֥ב עַבְדְּךָ֖ לְפָנֶ֑יךָ אֲשֶׁ֧ר תִּשְׁלָחֵ֣נִי אֶל־יְהוּדָ֗ה אֶל־עִ֛יר קִבְרֹ֥ות אֲבֹתַ֖י וְאֶבְנֶֽנָּה׃

wáʼòma֣r lamė֔lekĕ ʼim־ʻal־hamė֣lekĕ tò֔wb wĕʼim־yiyta֥b ʻabĕdĕ̇ká֖ lĕpáne֑yká ʼàşě֧r ţi̇şĕ̌láẖé֣niy ʼel־yĕhẇdá֗h ʼel־ʻi֛yr qibĕrò֥wţ ʼàbòţa֖y wĕʼebĕneֽná̇h׃

6
וַיֹּאמֶר֩ לִ֨י הַמֶּ֜לֶךְ וְהַשֵּׁגַ֣ל׀ יֹושֶׁ֣בֶת אֶצְלֹ֗ו עַד־מָתַ֛י יִהְיֶ֥ה מַֽהֲלָכֲךָ֖ וּמָתַ֣י תָּשׁ֑וּב וַיִּיטַ֤ב לִפְנֵֽי־הַמֶּ֨לֶךְ֙ וַיִּשְׁלָחֵ֔נִי וָֽאֶתְּנָ֥ה לֹ֖ו זְמָֽן׃

wayò̇ʼmer֩ li֨y hamė֜lekĕ wĕhaşé̇̌ga֣l׀ yòwşě֣beţ ʼeẕĕlò֗w ʻad־máţa֛y yihĕye֥h maֽhàlákàká֖ ẇmáţa֣y ţá̇ş֑̌ẇb wayi̇yta֤b lipĕnéֽy־hamė֨lekĕ֙ wayi̇şĕ̌láẖé֔niy wáֽʼeţĕ̇ná֥h lò֖w zĕmáֽn׃

7
וָאֹומַר֮ לַמֶּלֶךְ֒ אִם־עַל־הַמֶּ֣לֶךְ טֹ֔וב אִגְּרֹות֙ יִתְּנוּ־לִ֔י עַֽל־פַּחֲוֹ֖ות עֵ֣בֶר הַנָּהָ֑ר אֲשֶׁר֙ יַעֲבִיר֔וּנִי עַ֥ד אֲשֶׁר־אָבֹ֖וא אֶל־יְהוּדָֽה׃

wáʼòwmar֮ lamėlekĕ֒ ʼim־ʻal־hamė֣lekĕ tò֔wb ʼigĕ̇ròwţ֙ yiţĕ̇nẇ־li֔y ʻaֽl־pȧẖàwò֖wţ ʻé֣ber haná̇há֑r ʼàşěr֙ yaʻàbiyr֔ẇniy ʻa֥d ʼàşěr־ʼábò֖wʼ ʼel־yĕhẇdáֽh׃

8
וְאִגֶּ֡רֶת אֶל־אָסָף֩ שֹׁמֵ֨ר הַפַּרְדֵּ֜ס אֲשֶׁ֣ר לַמֶּ֗לֶךְ אֲשֶׁ֣ר יִתֶּן־לִ֣י עֵצִ֡ים לְ֠קָרֹות אֶת־שַׁעֲרֵ֨י הַבִּירָ֤ה אֲשֶׁר־לַבַּ֨יִת֙ וּלְחֹומַ֣ת הָעִ֔יר וְלַבַּ֖יִת אֲשֶׁר־אָבֹ֣וא אֵלָ֑יו וַיִּתֶּן־לִ֣י הַמֶּ֔לֶךְ כְּיַד־אֱלֹהַ֖י הַטֹּובָ֥ה עָלָֽי׃

wĕʼigė֡reţ ʼel־ʼásáp֩ şò̌mé֨r hapȧrĕdé̇֜s ʼàşě֣r lamė֗lekĕ ʼàşě֣r yiţėn־li֣y ʻéẕi֡ym lĕ֠qáròwţ ʼeţ־şǎʻàré֨y habi̇yrá֤h ʼàşěr־labȧ֨yiţ֙ ẇlĕẖòwma֣ţ háʻi֔yr wĕlabȧ֖yiţ ʼàşěr־ʼábò֣wʼ ʼélá֑yw wayi̇ţėn־li֣y hamė֔lekĕ kĕ̇yad־ʼèlòha֖y hatò̇wbá֥h ʻáláֽy׃

9
וָֽאָבֹ֗וא אֶֽל־פַּֽחֲוֹות֙ עֵ֣בֶר הַנָּהָ֔ר וָאֶתְּנָ֣ה לָהֶ֔ם אֵ֖ת אִגְּרֹ֣ות הַמֶּ֑לֶךְ וַיִּשְׁלַ֤ח עִמִּי֙ הַמֶּ֔לֶךְ שָׂ֥רֵי חַ֖יִל וּפָרָשִֽׁים׃ פ

wáֽʼábò֗wʼ ʼeֽl־pȧֽẖàwòwţ֙ ʻé֣ber haná̇há֔r wáʼeţĕ̇ná֣h láhe֔m ʼé֖ţ ʼigĕ̇rò֣wţ hamė֑lekĕ wayi̇şĕ̌la֤ẖ ʻimi̇y֙ hamė֔lekĕ şá֥̂réy ẖa֖yil ẇpáráşǐֽym׃ p

10
וַיִּשְׁמַ֞ע סַנְבַלַּ֣ט הַחֹרֹנִ֗י וְטֹֽובִיָּה֙ הָעֶ֣בֶד הָֽעַמֹּנִ֔י וַיֵּ֥רַע לָהֶ֖ם רָעָ֣ה גְדֹלָ֑ה אֲשֶׁר־בָּ֥א אָדָ֔ם לְבַקֵּ֥שׁ טֹובָ֖ה לִבְנֵ֥י יִשְׂרָאֵֽל׃

wayi̇şĕ̌ma֞ʻ sanĕbalȧ֣t haẖòròni֗y wĕtòֽwbiyá̇h֙ háʻe֣bed háֽʻamò̇ni֔y wayé֥̇raʻ láhe֖m ráʻá֣h gĕdòlá֑h ʼàşěr־bá֥̇ʼ ʼádá֔m lĕbaqé֥̇ş̌ tòwbá֖h libĕné֥y yişĕ̂ráʼéֽl׃

11
וָאָבֹ֖וא אֶל־יְרוּשָׁלִָ֑ם וָאֱהִי־שָׁ֖ם יָמִ֥ים שְׁלֹשָֽׁה׃

wáʼábò֖wʼ ʼel־yĕrẇşá̌liá֑m wáʼèhiy־şá֖̌m yámi֥ym şĕ̌lòşáֽ̌h׃

12
וָאָק֣וּם׀ לַ֗יְלָה אֲנִי֮ וַאֲנָשִׁ֣ים׀ מְעַט֮ עִמִּי֒ וְלֹא־הִגַּ֣דְתִּי לְאָדָ֔ם מָ֗ה אֱלֹהַי֙ נֹתֵ֣ן אֶל־לִבִּ֔י לַעֲשֹׂ֖ות לִירוּשָׁלִָ֑ם וּבְהֵמָה֙ אֵ֣ין עִמִּ֔י כִּ֚י אִם־הַבְּהֵמָ֔ה אֲשֶׁ֥ר אֲנִ֖י רֹכֵ֥ב בָּֽהּ׃

wáʼáq֣ẇm׀ la֗yĕláh ʼàniy֮ waʼànáşǐ֣ym׀ mĕʻat֮ ʻimi̇y֒ wĕlòʼ־higȧ֣dĕţi̇y lĕʼádá֔m má֗h ʼèlòhay֙ nòţé֣n ʼel־libi̇֔y laʻàşò֖̂wţ liyrẇşá̌liá֑m ẇbĕhémáh֙ ʼé֣yn ʻimi̇֔y ki֚̇y ʼim־habĕ̇hémá֔h ʼàşě֥r ʼàni֖y ròké֥b báֽ̇ḣ׃

13
וָאֵצְאָ֨ה בְשַֽׁעַר־הַגַּ֜יא לַ֗יְלָה וְאֶל־פְּנֵי֙ עֵ֣ין הַתַּנִּ֔ין וְאֶל־שַׁ֖עַר הָאַשְׁפֹּ֑ת וָאֱהִ֨י שֹׂבֵ֜ר בְּחֹומֹ֤ת יְרוּשָׁלִַ֨ם֙ אֲשֶׁר־הַמְפֹרוָצִים וּשְׁעָרֶ֖יהָ אֻכְּל֥וּ בָאֵֽשׁ׃

wáʼéẕĕʼá֨h bĕşǎֽʻar־hagȧ֜yʼ la֗yĕláh wĕʼel־pĕ̇néy֙ ʻé֣yn haţȧni̇֔yn wĕʼel־şǎ֖ʻar háʼaşĕ̌pò֑̇ţ wáʼèhi֨y şò̂bé֜r bĕ̇ẖòwmò֤ţ yĕrẇşá̌lia֨m֙ ʼàşěr־hamĕpòrwáẕiym ẇşĕ̌ʻáre֖yhá ʼukĕ̇l֥ẇ báʼéֽş̌׃

14
וָאֶֽעֱבֹר֙ אֶל־שַׁ֣עַר הָעַ֔יִן וְאֶל־בְּרֵכַ֖ת הַמֶּ֑לֶךְ וְאֵין־מָקֹ֥ום לַבְּהֵמָ֖ה לַעֲבֹ֥ר תַּחְתָּֽי׃

wáʼeֽʻèbòr֙ ʼel־şǎ֣ʻar háʻa֔yin wĕʼel־bĕ̇réka֖ţ hamė֑lekĕ wĕʼéyn־máqò֥wm labĕ̇hémá֖h laʻàbò֥r ţȧẖĕţáֽ̇y׃

15
וָאֱהִ֨י עֹלֶ֤ה בַנַּ֨חַל֙ לַ֔יְלָה וָאֱהִ֥י שֹׂבֵ֖ר בַּחֹומָ֑ה וָאָשׁ֗וּב וָאָבֹ֛וא בְּשַׁ֥עַר הַגַּ֖יְא וָאָשֽׁוּב׃

wáʼèhi֨y ʻòle֤h banȧ֨ẖal֙ la֔yĕláh wáʼèhi֥y şò̂bé֖r bȧẖòwmá֑h wáʼáş̌֗ẇb wáʼábò֛wʼ bĕ̇şǎ֥ʻar hagȧ֖yĕʼ wáʼáşֽ̌ẇb׃

16
וְהַסְּגָנִ֗ים לֹ֤א יָדְעוּ֙ אָ֣נָה הָלַ֔כְתִּי וּמָ֖ה אֲנִ֣י עֹשֶׂ֑ה וְלַיְּהוּדִ֨ים וְלַכֹּהֲנִ֜ים וְלַחֹרִ֣ים וְלַסְּגָנִ֗ים וּלְיֶ֨תֶר֙ עֹשֵׂ֣ה הַמְּלָאכָ֔ה עַד־כֵּ֖ן לֹ֥א הִגַּֽדְתִּי׃

wĕhasĕ̇gáni֗ym lò֤ʼ yádĕʻẇ֙ ʼá֣náh hála֔kĕţi̇y ẇmá֖h ʼàni֣y ʻòşê֑h wĕlayĕ̇hẇdi֨ym wĕlakò̇hàni֜ym wĕlaẖòri֣ym wĕlasĕ̇gáni֗ym ẇlĕye֨ţer֙ ʻòşé֣̂h hamĕ̇láʼká֔h ʻad־ké֖̇n lò֥ʼ higȧֽdĕţi̇y׃

17
וָאֹומַ֣ר אֲלֵהֶ֗ם אַתֶּ֤ם רֹאִים֙ הָרָעָה֙ אֲשֶׁ֣ר אֲנַ֣חְנוּ בָ֔הּ אֲשֶׁ֤ר יְרוּשָׁלִַ֨ם֙ חֲרֵבָ֔ה וּשְׁעָרֶ֖יהָ נִצְּת֣וּ בָאֵ֑שׁ לְכ֗וּ וְנִבְנֶה֙ אֶת־חֹומַ֣ת יְרוּשָׁלִַ֔ם וְלֹא־נִהְיֶ֥ה עֹ֖וד חֶרְפָּֽה׃

wáʼòwma֣r ʼàléhe֗m ʼaţė֤m ròʼiym֙ háráʻáh֙ ʼàşě֣r ʼàna֣ẖĕnẇ bá֔ḣ ʼàşě֤r yĕrẇşá̌lia֨m֙ ẖàrébá֔h ẇşĕ̌ʻáre֖yhá niẕĕ̇ţ֣ẇ báʼé֑ş̌ lĕk֗ẇ wĕnibĕneh֙ ʼeţ־ẖòwma֣ţ yĕrẇşá̌lia֔m wĕlòʼ־nihĕye֥h ʻò֖wd ẖerĕpáֽ̇h׃

18
וָאַגִּ֨יד לָהֶ֜ם אֶת־יַ֣ד אֱלֹהַ֗י אֲשֶׁר־הִיא֙ טֹובָ֣ה עָלַ֔י וְאַף־דִּבְרֵ֥י הַמֶּ֖לֶךְ אֲשֶׁ֣ר אָֽמַר־לִ֑י וַיֹּֽאמְרוּ֙ נָק֣וּם וּבָנִ֔ינוּ וַיְחַזְּק֥וּ יְדֵיהֶ֖ם לַטֹּובָֽה׃ פ

wáʼagi̇֨yd láhe֜m ʼeţ־ya֣d ʼèlòha֗y ʼàşěr־hiyʼ֙ tòwbá֣h ʻála֔y wĕʼap־di̇bĕré֥y hamė֖lekĕ ʼàşě֣r ʼáֽmar־li֑y wayòֽ̇ʼmĕrẇ֙ náq֣ẇm ẇbáni֔ynẇ wayĕẖazĕ̇q֥ẇ yĕdéyhe֖m latò̇wbáֽh׃ p

19
וַיִּשְׁמַע֩ סַנְבַלַּ֨ט הַחֹרֹנִ֜י וְטֹבִיָּ֣ה׀ הָעֶ֣בֶד הָֽעַמֹּונִ֗י וְגֶ֨שֶׁם֙ הָֽעַרְבִ֔י וַיַּלְעִ֣גוּ לָ֔נוּ וַיִּבְז֖וּ עָלֵ֑ינוּ וַיֹּאמְר֗וּ מָֽה־הַדָּבָ֤ר הַזֶּה֙ אֲשֶׁ֣ר אַתֶּ֣ם עֹשִׂ֔ים הַעַ֥ל הַמֶּ֖לֶךְ אַתֶּ֥ם מֹרְדִֽים׃

wayi̇şĕ̌maʻ֩ sanĕbalȧ֨t haẖòròni֜y wĕtòbiyá֣̇h׀ háʻe֣bed háֽʻamò̇wni֗y wĕge֨şěm֙ háֽʻarĕbi֔y wayȧlĕʻi֣gẇ lá֔nẇ wayi̇bĕz֖ẇ ʻálé֑ynẇ wayò̇ʼmĕr֗ẇ máֽh־hadá̇bá֤r hazėh֙ ʼàşě֣r ʼaţė֣m ʻòşî֔ym haʻa֥l hamė֖lekĕ ʼaţė֥m mòrĕdiֽym׃

20
וָאָשִׁ֨יב אֹותָ֜ם דָּבָ֗ר וָאֹומַ֤ר לָהֶם֙ אֱלֹהֵ֣י הַשָּׁמַ֔יִם ה֚וּא יַצְלִ֣יחַֽ לָ֔נוּ וַאֲנַ֥חְנוּ עֲבָדָ֖יו נָק֣וּם וּבָנִ֑ינוּ וְלָכֶ֗ם אֵֽין־חֵ֧לֶק וּצְדָקָ֛ה וְזִכָּרֹ֖ון בִּירוּשָׁלִָֽם׃

wáʼáşǐ֨yb ʼòwţá֜m dá̇bá֗r wáʼòwma֤r láhem֙ ʼèlòhé֣y haşá̇̌ma֔yim h֚ẇʼ yaẕĕli֣yẖaֽ lá֔nẇ waʼàna֥ẖĕnẇ ʻàbádá֖yw náq֣ẇm ẇbáni֑ynẇ wĕláke֗m ʼéֽyn־ẖé֧leq ẇẕĕdáqá֛h wĕziká̇rò֖wn bi̇yrẇşá̌láֽim׃