Bibles in ancient languages
Old translations
Modern translations

Biblia Hebraica Stuttgartiensia Numbers 20

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיָּבֹ֣אוּ בְנֵֽי־יִ֠שְׂרָאֵל כָּל־הָ֨עֵדָ֤ה מִדְבַּר־צִן֙ בַּחֹ֣דֶשׁ הָֽרִאשֹׁ֔ון וַיֵּ֥שֶׁב הָעָ֖ם בְּקָדֵ֑שׁ וַתָּ֤מָת שָׁם֙ מִרְיָ֔ם וַתִּקָּבֵ֖ר שָֽׁם׃

wayá̇bò֣ʼẇ bĕnéֽy־yi֠şĕ̂ráʼél ká̇l־há֨ʻédá֤h midĕbȧr־ẕin֙ bȧẖò֣deş̌ háֽriʼşò̌֔wn wayé֥̇şěb háʻá֖m bĕ̇qádé֑ş̌ waţá֤̇máţ şá̌m֙ mirĕyá֔m waţi̇qá̇bé֖r şáֽ̌m׃

2
וְלֹא־הָ֥יָה מַ֖יִם לָעֵדָ֑ה וַיִּקָּ֣הֲל֔וּ עַל־מֹשֶׁ֖ה וְעַֽל־אַהֲרֹֽן׃

wĕlòʼ־há֥yáh ma֖yim láʻédá֑h wayi̇qá֣̇hàl֔ẇ ʻal־mòşě֖h wĕʻaֽl־ʼahàròֽn׃

3
וַיָּ֥רֶב הָעָ֖ם עִם־מֹשֶׁ֑ה וַיֹּאמְר֣וּ לֵאמֹ֔ר וְל֥וּ גָוַ֛עְנוּ בִּגְוַ֥ע אַחֵ֖ינוּ לִפְנֵ֥י יְהוָֽה׃

wayá֥̇reb háʻá֖m ʻim־mòşě֑h wayò̇ʼmĕr֣ẇ léʼmò֔r wĕl֥ẇ gáwa֛ʻĕnẇ bi̇gĕwa֥ʻ ʼaẖé֖ynẇ lipĕné֥y yĕhwáֽh׃

4
וְלָמָ֤ה הֲבֵאתֶם֙ אֶת־קְהַ֣ל יְהוָ֔ה אֶל־הַמִּדְבָּ֖ר הַזֶּ֑ה לָמ֣וּת שָׁ֔ם אֲנַ֖חְנוּ וּבְעִירֵֽנוּ׃

wĕlámá֤h hàbéʼţem֙ ʼeţ־qĕha֣l yĕhwá֔h ʼel־hami̇dĕbá֖̇r hazė֑h lám֣ẇţ şá̌֔m ʼàna֖ẖĕnẇ ẇbĕʻiyréֽnẇ׃

5
וְלָמָ֤ה הֶֽעֱלִיתֻ֨נוּ֙ מִמִּצְרַ֔יִם לְהָבִ֣יא אֹתָ֔נוּ אֶל־הַמָּקֹ֥ום הָרָ֖ע הַזֶּ֑ה לֹ֣א׀ מְקֹ֣ום זֶ֗רַע וּתְאֵנָ֤ה וְגֶ֨פֶן֙ וְרִמֹּ֔ון וּמַ֥יִם אַ֖יִן לִשְׁתֹּֽות׃

wĕlámá֤h heֽʻèliyţu֨nẇ֙ mimi̇ẕĕra֔yim lĕhábi֣yʼ ʼòţá֔nẇ ʼel־hamá̇qò֥wm hárá֖ʻ hazė֑h lò֣ʼ׀ mĕqò֣wm ze֗raʻ ẇţĕʼéná֤h wĕge֨pen֙ wĕrimò̇֔wn ẇma֥yim ʼa֖yin lişĕ̌ţòֽ̇wţ׃

6
וַיָּבֹא֩ מֹשֶׁ֨ה וְאַהֲרֹ֜ן מִפְּנֵ֣י הַקָּהָ֗ל אֶל־פֶּ֨תַח֙ אֹ֣הֶל מֹועֵ֔ד וַֽיִּפְּל֖וּ עַל־פְּנֵיהֶ֑ם וַיֵּרָ֥א כְבֹוד־יְהוָ֖ה אֲלֵיהֶֽם׃ פ

wayá̇bòʼ֩ mòşě֨h wĕʼahàrò֜n mipĕ̇né֣y haqá̇há֗l ʼel־pė֨ţaẖ֙ ʼò֣hel mòwʻé֔d waֽyi̇pĕ̇l֖ẇ ʻal־pĕ̇néyhe֑m wayé̇rá֥ʼ kĕbòwd־yĕhwá֖h ʼàléyheֽm׃ p

7
וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

wayĕdabé֥̇r yĕhwá֖h ʼel־mòşě֥h lé̇ʼmòֽr׃

8
קַ֣ח אֶת־הַמַּטֶּ֗ה וְהַקְהֵ֤ל אֶת־הָעֵדָה֙ אַתָּה֙ וְאַהֲרֹ֣ן אָחִ֔יךָ וְדִבַּרְתֶּ֧ם אֶל־הַסֶּ֛לַע לְעֵינֵיהֶ֖ם וְנָתַ֣ן מֵימָ֑יו וְהֹוצֵאתָ֙ לָהֶ֥ם מַ֨יִם֙ מִן־הַסֶּ֔לַע וְהִשְׁקִיתָ֥ אֶת־הָעֵדָ֖ה וְאֶת־בְּעִירָֽם׃

qa֣ẖ ʼeţ־hamȧtė֗h wĕhaqĕhé֤l ʼeţ־háʻédáh֙ ʼaţá̇h֙ wĕʼahàrò֣n ʼáẖi֔yká wĕdibȧrĕţė֧m ʼel־hasė֛laʻ lĕʻéynéyhe֖m wĕnáţa֣n méymá֑yw wĕhòwẕéʼţá֙ láhe֥m ma֨yim֙ min־hasė֔laʻ wĕhişĕ̌qiyţá֥ ʼeţ־háʻédá֖h wĕʼeţ־bĕ̇ʻiyráֽm׃

9
וַיִּקַּ֥ח מֹשֶׁ֛ה אֶת־הַמַּטֶּ֖ה מִלִּפְנֵ֣י יְהוָ֑ה כַּאֲשֶׁ֖ר צִוָּֽהוּ׃

wayi̇qȧ֥ẖ mòşě֛h ʼeţ־hamȧtė֖h mili̇pĕné֣y yĕhwá֑h kȧʼàşě֖r ẕiwáֽ̇hẇ׃

10
וַיַּקְהִ֜לוּ מֹשֶׁ֧ה וְאַהֲרֹ֛ן אֶת־הַקָּהָ֖ל אֶל־פְּנֵ֣י הַסָּ֑לַע וַיֹּ֣אמֶר לָהֶ֗ם שִׁמְעוּ־נָא֙ הַמֹּרִ֔ים הֲמִן־הַסֶּ֣לַע הַזֶּ֔ה נֹוצִ֥יא לָכֶ֖ם מָֽיִם׃

wayȧqĕhi֜lẇ mòşě֧h wĕʼahàrò֛n ʼeţ־haqá̇há֖l ʼel־pĕ̇né֣y hasá֑̇laʻ wayò֣̇ʼmer láhe֗m şǐmĕʻẇ־náʼ֙ hamò̇ri֔ym hàmin־hasė֣laʻ hazė֔h nòwẕi֥yʼ láke֖m máֽyim׃

11
וַיָּ֨רֶם מֹשֶׁ֜ה אֶת־יָדֹ֗ו וַיַּ֧ךְ אֶת־הַסֶּ֛לַע בְּמַטֵּ֖הוּ פַּעֲמָ֑יִם וַיֵּצְאוּ֙ מַ֣יִם רַבִּ֔ים וַתֵּ֥שְׁתְּ הָעֵדָ֖ה וּבְעִירָֽם׃ ס

wayá̇֨rem mòşě֜h ʼeţ־yádò֗w wayȧ֧kĕ ʼeţ־hasė֛laʻ bĕ̇maté֖̇hẇ pȧʻàmá֑yim wayé̇ẕĕʼẇ֙ ma֣yim rabi̇֔ym waţé֥̇şĕ̌ţĕ̇ háʻédá֖h ẇbĕʻiyráֽm׃ s

12
וַיֹּ֣אמֶר יְהוָה֮ אֶל־מֹשֶׁ֣ה וְאֶֽל־אַהֲרֹן֒ יַ֚עַן לֹא־הֶאֱמַנְתֶּ֣ם בִּ֔י לְהַ֨קְדִּישֵׁ֔נִי לְעֵינֵ֖י בְּנֵ֣י יִשְׂרָאֵ֑ל לָכֵ֗ן לֹ֤א תָבִ֨יאוּ֙ אֶת־הַקָּהָ֣ל הַזֶּ֔ה אֶל־הָאָ֖רֶץ אֲשֶׁר־נָתַ֥תִּי לָהֶֽם׃

wayò֣̇ʼmer yĕhwáh֮ ʼel־mòşě֣h wĕʼeֽl־ʼahàròn֒ ya֚ʻan lòʼ־heʼèmanĕţė֣m bi̇֔y lĕha֨qĕdi̇yşé̌֔niy lĕʻéyné֖y bĕ̇né֣y yişĕ̂ráʼé֑l láké֗n lò֤ʼ ţábi֨yʼẇ֙ ʼeţ־haqá̇há֣l hazė֔h ʼel־háʼá֖reẕ ʼàşěr־náţa֥ţi̇y láheֽm׃

13
הֵ֚מָּה מֵ֣י מְרִיבָ֔ה אֲשֶׁר־רָב֥וּ בְנֵֽי־יִשְׂרָאֵ֖ל אֶת־יְהוָ֑ה וַיִּקָּדֵ֖שׁ בָּֽם׃ ס

hé֚má̇h mé֣y mĕriybá֔h ʼàşěr־ráb֥ẇ bĕnéֽy־yişĕ̂ráʼé֖l ʼeţ־yĕhwá֑h wayi̇qá̇dé֖ş̌ báֽ̇m׃ s

14
וַיִּשְׁלַ֨ח מֹשֶׁ֧ה מַלְאָכִ֛ים מִקָּדֵ֖שׁ אֶל־מֶ֣לֶךְ אֱדֹ֑ום כֹּ֤ה אָמַר֙ אָחִ֣יךָ יִשְׂרָאֵ֔ל אַתָּ֣ה יָדַ֔עְתָּ אֵ֥ת כָּל־הַתְּלָאָ֖ה אֲשֶׁ֥ר מְצָאָֽתְנוּ׃

wayi̇şĕ̌la֨ẖ mòşě֧h malĕʼáki֛ym miqá̇dé֖ş̌ ʼel־me֣lekĕ ʼèdò֑wm kò֤̇h ʼámar֙ ʼáẖi֣yká yişĕ̂ráʼé֔l ʼaţá֣̇h yáda֔ʻĕţá̇ ʼé֥ţ ká̇l־haţĕ̇láʼá֖h ʼàşě֥r mĕẕáʼáֽţĕnẇ׃

15
וַיֵּרְד֤וּ אֲבֹתֵ֨ינוּ֙ מִצְרַ֔יְמָה וַנֵּ֥שֶׁב בְּמִצְרַ֖יִם יָמִ֣ים רַבִּ֑ים וַיָּרֵ֥עוּ לָ֛נוּ מִצְרַ֖יִם וְלַאֲבֹתֵֽינוּ׃

wayé̇rĕd֤ẇ ʼàbòţé֨ynẇ֙ miẕĕra֔yĕmáh wané֥̇şěb bĕ̇miẕĕra֖yim yámi֣ym rabi֑̇ym wayá̇ré֥ʻẇ lá֛nẇ miẕĕra֖yim wĕlaʼàbòţéֽynẇ׃

16
וַנִּצְעַ֤ק אֶל־יְהוָה֙ וַיִּשְׁמַ֣ע קֹלֵ֔נוּ וַיִּשְׁלַ֣ח מַלְאָ֔ךְ וַיֹּצִאֵ֖נוּ מִמִּצְרָ֑יִם וְהִנֵּה֙ אֲנַ֣חְנוּ בְקָדֵ֔שׁ עִ֖יר קְצֵ֥ה גְבוּלֶֽךָ׃

wani̇ẕĕʻa֤q ʼel־yĕhwáh֙ wayi̇şĕ̌ma֣ʻ qòlé֔nẇ wayi̇şĕ̌la֣ẖ malĕʼá֔kĕ wayò̇ẕiʼé֖nẇ mimi̇ẕĕrá֑yim wĕhiné̇h֙ ʼàna֣ẖĕnẇ bĕqádé֔ş̌ ʻi֖yr qĕẕé֥h gĕbẇleֽká׃

17
נַעְבְּרָה־נָּ֣א בְאַרְצֶ֗ךָ לֹ֤א נַעֲבֹר֙ בְּשָׂדֶ֣ה וּבְכֶ֔רֶם וְלֹ֥א נִשְׁתֶּ֖ה מֵ֣י בְאֵ֑ר דֶּ֧רֶךְ הַמֶּ֣לֶךְ נֵלֵ֗ךְ לֹ֤א נִטֶּה֙ יָמִ֣ין וּשְׂמֹ֔אול עַ֥ד אֲשֶֽׁר־נַעֲבֹ֖ר גְּבוּלֶֽךָ׃

naʻĕbĕ̇ráh־ná֣̇ʼ bĕʼarĕẕe֗ká lò֤ʼ naʻàbòr֙ bĕ̇şá̂de֣h ẇbĕke֔rem wĕlò֥ʼ nişĕ̌ţė֖h mé֣y bĕʼé֑r dė֧rekĕ hamė֣lekĕ nélé֗kĕ lò֤ʼ nitėh֙ yámi֣yn ẇşĕ̂mò֔ʼwl ʻa֥d ʼàşěֽr־naʻàbò֖r gĕ̇bẇleֽká׃

18
וַיֹּ֤אמֶר אֵלָיו֙ אֱדֹ֔ום לֹ֥א תַעֲבֹ֖ר בִּ֑י פֶּן־בַּחֶ֖רֶב אֵצֵ֥א לִקְרָאתֶֽךָ׃

wayò֤̇ʼmer ʼéláyw֙ ʼèdò֔wm lò֥ʼ ţaʻàbò֖r bi֑̇y pėn־bȧẖe֖reb ʼéẕé֥ʼ liqĕráʼţeֽká׃

19
וַיֹּאמְר֨וּ אֵלָ֥יו בְּנֵֽי־יִשְׂרָאֵל֮ בַּֽמְסִלָּ֣ה נַעֲלֶה֒ וְאִם־מֵימֶ֤יךָ נִשְׁתֶּה֙ אֲנִ֣י וּמִקְנַ֔י וְנָתַתִּ֖י מִכְרָ֑ם רַ֥ק אֵין־דָּבָ֖ר בְּרַגְלַ֥י אֶֽעֱבֹֽרָה׃

wayò̇ʼmĕr֨ẇ ʼélá֥yw bĕ̇néֽy־yişĕ̂ráʼél֮ bȧֽmĕsilá֣̇h naʻàleh֒ wĕʼim־méyme֤yká nişĕ̌ţėh֙ ʼàni֣y ẇmiqĕna֔y wĕnáţaţi֖̇y mikĕrá֑m ra֥q ʼéyn־dá̇bá֖r bĕ̇ragĕla֥y ʼeֽʻèbòֽráh׃

20
וַיֹּ֖אמֶר לֹ֣א תַעֲבֹ֑ר וַיֵּצֵ֤א אֱדֹום֙ לִקְרָאתֹ֔ו בְּעַ֥ם כָּבֵ֖ד וּבְיָ֥ד חֲזָקָֽה׃

wayò֖̇ʼmer lò֣ʼ ţaʻàbò֑r wayé̇ẕé֤ʼ ʼèdòwm֙ liqĕráʼţò֔w bĕ̇ʻa֥m ká̇bé֖d ẇbĕyá֥d ẖàzáqáֽh׃

21
וַיְמָאֵ֣ן׀ אֱדֹ֗ום נְתֹן֙ אֶת־יִשְׂרָאֵ֔ל עֲבֹ֖ר בִּגְבֻלֹ֑ו וַיֵּ֥ט יִשְׂרָאֵ֖ל מֵעָלָֽיו׃ פ

wayĕmáʼé֣n׀ ʼèdò֗wm nĕţòn֙ ʼeţ־yişĕ̂ráʼé֔l ʻàbò֖r bi̇gĕbulò֑w wayé֥̇t yişĕ̂ráʼé֖l méʻáláֽyw׃ p

22
וַיִּסְע֖וּ מִקָּדֵ֑שׁ וַיָּבֹ֧אוּ בְנֵֽי־יִשְׂרָאֵ֛ל כָּל־הָעֵדָ֖ה הֹ֥ר הָהָֽר׃

wayi̇sĕʻ֖ẇ miqá̇dé֑ş̌ wayá̇bò֧ʼẇ bĕnéֽy־yişĕ̂ráʼé֛l ká̇l־háʻédá֖h hò֥r háháֽr׃

23
וַיֹּ֧אמֶר יְהוָ֛ה אֶל־מֹשֶׁ֥ה וְאֶֽל־אַהֲרֹ֖ן בְּהֹ֣ר הָהָ֑ר עַל־גְּב֥וּל אֶֽרֶץ־אֱדֹ֖ום לֵאמֹֽר׃

wayò֧̇ʼmer yĕhwá֛h ʼel־mòşě֥h wĕʼeֽl־ʼahàrò֖n bĕ̇hò֣r háhá֑r ʻal־gĕ̇b֥ẇl ʼeֽreẕ־ʼèdò֖wm léʼmòֽr׃

24
יֵאָסֵ֤ף אַהֲרֹן֙ אֶל־עַמָּ֔יו כִּ֣י לֹ֤א יָבֹא֙ אֶל־הָאָ֔רֶץ אֲשֶׁ֥ר נָתַ֖תִּי לִבְנֵ֣י יִשְׂרָאֵ֑ל עַ֛ל אֲשֶׁר־מְרִיתֶ֥ם אֶת־פִּ֖י לְמֵ֥י מְרִיבָֽה׃

yéʼásé֤p ʼahàròn֙ ʼel־ʻamá̇֔yw ki֣̇y lò֤ʼ yábòʼ֙ ʼel־háʼá֔reẕ ʼàşě֥r náţa֖ţi̇y libĕné֣y yişĕ̂ráʼé֑l ʻa֛l ʼàşěr־mĕriyţe֥m ʼeţ־pi֖̇y lĕmé֥y mĕriybáֽh׃

25
קַ֚ח אֶֽת־אַהֲרֹ֔ן וְאֶת־אֶלְעָזָ֖ר בְּנֹ֑ו וְהַ֥עַל אֹתָ֖ם הֹ֥ר הָהָֽר׃

qa֚ẖ ʼeֽţ־ʼahàrò֔n wĕʼeţ־ʼelĕʻázá֖r bĕ̇nò֑w wĕha֥ʻal ʼòţá֖m hò֥r háháֽr׃

26
וְהַפְשֵׁ֤ט אֶֽת־אַהֲרֹן֙ אֶת־בְּגָדָ֔יו וְהִלְבַּשְׁתָּ֖ם אֶת־אֶלְעָזָ֣ר בְּנֹ֑ו וְאַהֲרֹ֥ן יֵאָסֵ֖ף וּמֵ֥ת שָֽׁם׃

wĕhapĕşé֤̌t ʼeֽţ־ʼahàròn֙ ʼeţ־bĕ̇gádá֔yw wĕhilĕbȧşĕ̌ţá֖̇m ʼeţ־ʼelĕʻázá֣r bĕ̇nò֑w wĕʼahàrò֥n yéʼásé֖p ẇmé֥ţ şáֽ̌m׃

27
וַיַּ֣עַשׂ מֹשֶׁ֔ה כַּאֲשֶׁ֖ר צִוָּ֣ה יְהוָ֑ה וַֽיַּעֲלוּ֙ אֶל־הֹ֣ר הָהָ֔ר לְעֵינֵ֖י כָּל־הָעֵדָֽה׃

wayȧ֣ʻaş̂ mòşě֔h kȧʼàşě֖r ẕiwá֣̇h yĕhwá֑h waֽyȧʻàlẇ֙ ʼel־hò֣r háhá֔r lĕʻéyné֖y ká̇l־háʻédáֽh׃

28
וַיַּפְשֵׁט֩ מֹשֶׁ֨ה אֶֽת־אַהֲרֹ֜ן אֶת־בְּגָדָ֗יו וַיַּלְבֵּ֤שׁ אֹתָם֙ אֶת־אֶלְעָזָ֣ר בְּנֹ֔ו וַיָּ֧מָת אַהֲרֹ֛ן שָׁ֖ם בְּרֹ֣אשׁ הָהָ֑ר וַיֵּ֧רֶד מֹשֶׁ֛ה וְאֶלְעָזָ֖ר מִן־הָהָֽר׃

wayȧpĕşé̌t֩ mòşě֨h ʼeֽţ־ʼahàrò֜n ʼeţ־bĕ̇gádá֗yw wayȧlĕbé֤̇ş̌ ʼòţám֙ ʼeţ־ʼelĕʻázá֣r bĕ̇nò֔w wayá֧̇máţ ʼahàrò֛n şá֖̌m bĕ̇rò֣ʼş̌ háhá֑r wayé֧̇red mòşě֛h wĕʼelĕʻázá֖r min־háháֽr׃

29
וַיִּרְאוּ֙ כָּל־הָ֣עֵדָ֔ה כִּ֥י גָוַ֖ע אַהֲרֹ֑ן וַיִּבְכּ֤וּ אֶֽת־אַהֲרֹן֙ שְׁלֹשִׁ֣ים יֹ֔ום כֹּ֖ל בֵּ֥ית יִשְׂרָאֵֽל׃ ס

wayi̇rĕʼẇ֙ ká̇l־há֣ʻédá֔h ki֥̇y gáwa֖ʻ ʼahàrò֑n wayi̇bĕk֤̇ẇ ʼeֽţ־ʼahàròn֙ şĕ̌lòşǐ֣ym yò֔wm kò֖̇l bé֥̇yţ yişĕ̂ráʼéֽl׃ s