Bibles in ancient languages
Old translations
Modern translations

Novum Testamentum Graecum 2 Corinthiens 4:13

New Testament
Chapter
Verses
1
Διὰ τοῦτο, ἔχοντες τὴν διακονίαν ταύτην, καθὼς ἠλεήθημεν, οὐκ ἐγκακοῦμεν,

Dià toûto, échontes tḕn diakonían taútēn, kathṑs ēleḗthēmen, ouk enkakoûmen,

2
ἀλλὰ ἀπειπάμεθα τὰ κρυπτὰ τῆς αἰσχύνης, μὴ περιπατοῦντες ἐν πανουργίᾳ μηδὲ δολοῦντες τὸν λόγον τοῦ θεοῦ, ἀλλὰ τῇ φανερώσει τῆς ἀληθείας συνιστάνοντες ἑαυτοὺς πρὸς πᾶσαν συνείδησιν ἀνθρώπων ἐνώπιον τοῦ θεοῦ.

allà apeipámetha tà kryptà tē̂s aischýnēs, mḕ peripatoûntes en panourgíāi mēdè doloûntes tòn lógon toû theoû, allà tē̂i phanerṓsei tē̂s alētheías synistánontes heautoùs pròs pâsan syneídēsin anthrṓpōn enṓpion toû theoû.

3
εἰ δὲ καὶ ἔστιν κεκαλυμμένον τὸ εὐαγγέλιον ἡμῶν, ἐν τοῖς ἀπολλυμένοις ἐστὶν κεκαλυμμένον,

ei dè kaì éstin kekalymménon tò euangélion hēmō̂n, en toîs apollyménois estìn kekalymménon,

4
ἐν οἷς ὁ θεὸς τοῦ αἰῶνος τούτου ἐτύφλωσεν τὰ νοήματα τῶν ἀπίστων εἰς τὸ μὴ αὐγάσαι τὸν φωτισμὸν τοῦ εὐαγγελίου τῆς δόξης τοῦ Χριστοῦ, ὅς ἐστιν εἰκὼν τοῦ θεοῦ.

en hoîs ho theòs toû aiō̂nos toútou etýphlōsen tà noḗmata tō̂n apístōn eis tò mḕ augásai tòn phōtismòn toû euangelíou tē̂s dóxēs toû Christoû, hós estin eikṑn toû theoû.

5
οὐ γὰρ ἑαυτοὺς κηρύσσομεν ἀλλὰ ’Ιησοῦν Χριστὸν κύριον, ἑαυτοὺς δὲ δούλους ὑμῶν διὰ ’Ιησοῦν.

ou gàr heautoùs kērýssomen allà ’Iēsoûn Christòn kýrion, heautoùs dè doúlous hymō̂n dià ’Iēsoûn.

6
ὅτι ὁ θεὸς ὁ εἰπών, ’Εκ σκότους φῶς λάμψει, ὃς ἔλαμψεν ἐν ταῖς καρδίαις ἡμῶν πρὸς φωτισμὸν τῆς γνώσεως τῆς δόξης τοῦ θεοῦ ἐν προσώπῳ Χριστοῦ.

hóti ho theòs ho eipṓn, ’Ek skótous phō̂s lámpsei, hòs élampsen en taîs kardíais hēmō̂n pròs phōtismòn tē̂s gnṓseōs tē̂s dóxēs toû theoû en prosṓpōi Christoû.

7
῎Εχομεν δὲ τὸν θησαυρὸν τοῦτον ἐν ὀστρακίνοις σκεύεσιν, ἵνα ἡ ὑπερβολὴ τῆς δυνάμεως ᾖ τοῦ θεοῦ καὶ μὴ ἐξ ἡμῶν·

῎Echomen dè tòn thēsauròn toûton en ostrakínois skeúesin, hína hē hyperbolḕ tē̂s dynámeōs ē̂i toû theoû kaì mḕ ex hēmō̂n:

8
ἐν παντὶ θλιβόμενοι ἀλλ’ οὐ στενοχωρούμενοι, ἀπορούμενοι ἀλλ’ οὐκ ἐξαπορούμενοι,

en pantì thlibómenoi all’ ou stenochōroúmenoi, aporoúmenoi all’ ouk exaporoúmenoi,

9
διωκόμενοι ἀλλ’ οὐκ ἐγκαταλειπόμενοι, καταβαλλόμενοι ἀλλ’ οὐκ ἀπολλύμενοι,

diōkómenoi all’ ouk enkataleipómenoi, kataballómenoi all’ ouk apollýmenoi,

10
πάντοτε τὴν νέκρωσιν τοῦ ’Ιησοῦ ἐν τῷ σώματι περιφέροντες, ἵνα καὶ ἡ ζωὴ τοῦ ’Ιησοῦ ἐν τῷ σώματι ἡμῶν φανερωθῇ.

pántote tḕn nékrōsin toû ’Iēsoû en tō̂i sṓmati periphérontes, hína kaì hē zōḕ toû ’Iēsoû en tō̂i sṓmati hēmō̂n phanerōthē̂i.

11
ἀεὶ γὰρ ἡμεῖς οἱ ζῶντες εἰς θάνατον παραδιδόμεθα διὰ ’Ιησοῦν, ἵνα καὶ ἡ ζωὴ τοῦ ’Ιησοῦ φανερωθῇ ἐν τῇ θνητῇ σαρκὶ ἡμῶν.

aeì gàr hēmeîs hoi zō̂ntes eis thánaton paradidómetha dià ’Iēsoûn, hína kaì hē zōḕ toû ’Iēsoû phanerōthē̂i en tē̂i thnētē̂i sarkì hēmō̂n.

12
ὥστε ὁ θάνατος ἐν ἡμῖν ἐνεργεῖται, ἡ δὲ ζωὴ ἐν ὑμῖν.

hṓste ho thánatos en hēmîn energeîtai, hē dè zōḕ en hymîn.

13
ἔχοντες δὲ τὸ αὐτὸ πνεῦμα τῆς πίστεως, κατὰ τὸ γεγραμμένον, ’Επίστευσα, διὸ ἐλάλησα, καὶ ἡμεῖς πιστεύομεν, διὸ καὶ λαλοῦμεν,

échontes dè tò autò pneûma tē̂s písteōs, katà tò gegramménon, ’Epísteusa, diò elálēsa, kaì hēmeîs pisteúomen, diò kaì laloûmen,

14
εἰδότες ὅτι ὁ ἐγείρας τὸν κύριον ’Ιησοῦν καὶ ἡμᾶς σὺν ’Ιησοῦ ἐγερεῖ καὶ παραστήσει σὺν ὑμῖν.

eidótes hóti ho egeíras tòn kýrion ’Iēsoûn kaì hēmâs sỳn ’Iēsoû egereî kaì parastḗsei sỳn hymîn.

15
τὰ γὰρ πάντα δι’ ὑμᾶς, ἵνα ἡ χάρις πλεονάσασα διὰ τῶν πλειόνων τὴν εὐχαριστίαν περισσεύσῃ εἰς τὴν δόξαν τοῦ θεοῦ.

tà gàr pánta di’ hymâs, hína hē cháris pleonásasa dià tō̂n pleiónōn tḕn eucharistían perisseúsēi eis tḕn dóxan toû theoû.

16
Διὸ οὐκ ἐγκακοῦμεν, ἀλλ’ εἰ καὶ ὁ ἔξω ἡμῶν ἄνθρωπος διαφθείρεται, ἀλλ’ ὁ ἔσω ἡμῶν ἀνακαινοῦται ἡμέρᾳ καὶ ἡμέρᾳ.

Diò ouk enkakoûmen, all’ ei kaì ho éxō hēmō̂n ánthrōpos diaphtheíretai, all’ ho ésō hēmō̂n anakainoûtai hēmérāi kaì hēmérāi.

17
τὸ γὰρ παραυτίκα ἐλαφρὸν τῆς θλίψεως ἡμῶν καθ’ ὑπερβολὴν εἰς ὑπερβολὴν αἰώνιον βάρος δόξης κατεργάζεται ἡμῖν,

tò gàr parautíka elaphròn tē̂s thlípseōs hēmō̂n kath’ hyperbolḕn eis hyperbolḕn aiṓnion báros dóxēs katergázetai hēmîn,

18
μὴ σκοπούντων ἡμῶν τὰ βλεπόμενα ἀλλὰ τὰ μὴ βλεπόμενα· τὰ γὰρ βλεπόμενα πρόσκαιρα, τὰ δὲ μὴ βλεπόμενα αἰώνια.

mḕ skopoúntōn hēmō̂n tà blepómena allà tà mḕ blepómena: tà gàr blepómena próskaira, tà dè mḕ blepómena aiṓnia.