Bibles in ancient languages
Old translations
Modern translations

Novum Testamentum Graecum Galates 6:5

New Testament
Chapter
Verses
1
’Αδελφοί, ἐὰν καὶ προλημφθῇ ἄνθρωπος ἔν τινι παραπτώματι, ὑμεῖς οἱ πνευματικοὶ καταρτίζετε τὸν τοιοῦτον ἐν πνεύματι πραΰτητος, σκοπῶν σεαυτόν, μὴ καὶ σὺ πειρασθῇς.

’Adelphoí, eàn kaì prolēmphthē̂i ánthrōpos én tini paraptṓmati, hymeîs hoi pneumatikoì katartízete tòn toioûton en pneúmati praǘtētos, skopō̂n seautón, mḕ kaì sỳ peirasthē̂is.

2
’Αλλήλων τὰ βάρη βαστάζετε, καὶ οὕτως ἀναπληρώσετε τὸν νόμον τοῦ Χριστοῦ.

’Allḗlōn tà bárē bastázete, kaì hoútōs anaplērṓsete tòn nómon toû Christoû.

3
εἰ γὰρ δοκεῖ τις εἶναί τι μηδὲν ὤν, φρεναπατᾷ ἑαυτόν·

ei gàr dokeî tis eînaí ti mēdèn ṓn, phrenapatā̂i heautón:

4
τὸ δὲ ἔργον ἑαυτοῦ δοκιμαζέτω ἕκαστος, καὶ τότε εἰς ἑαυτὸν μόνον τὸ καύχημα ἕξει καὶ οὐκ εἰς τὸν ἕτερον·

tò dè érgon heautoû dokimazétō hékastos, kaì tóte eis heautòn mónon tò kaúchēma héxei kaì ouk eis tòn héteron:

5
ἕκαστος γὰρ τὸ ἴδιον φορτίον βαστάσει.

hékastos gàr tò ídion phortíon bastásei.

6
Κοινωνείτω δὲ ὁ κατηχούμενος τὸν λόγον τῷ κατηχοῦντι ἐν πᾶσιν ἀγαθοῖς.

Koinōneítō dè ho katēchoúmenos tòn lógon tō̂i katēchoûnti en pâsin agathoîs.

7
Μὴ πλανᾶσθε, θεὸς οὐ μυκτηρίζεται· ὃ γὰρ ἐὰν σπείρῃ ἄνθρωπος, τοῦτο καὶ θερίσει·

Mḕ planâsthe, theòs ou myktērízetai: hò gàr eàn speírēi ánthrōpos, toûto kaì therísei:

8
ὅτι ὁ σπείρων εἰς τὴν σάρκα ἑαυτοῦ ἐκ τῆς σαρκὸς θερίσει φθοράν, ὁ δὲ σπείρων εἰς τὸ πνεῦμα ἐκ τοῦ πνεύματος θερίσει ζωὴν αἰώνιον.

hóti ho speírōn eis tḕn sárka heautoû ek tē̂s sarkòs therísei phthorán, ho dè speírōn eis tò pneûma ek toû pneúmatos therísei zōḕn aiṓnion.

9
τὸ δὲ καλὸν ποιοῦντες μὴ ἐγκακῶμεν, καιρῷ γὰρ ἰδίῳ θερίσομεν μὴ ἐκλυόμενοι.

tò dè kalòn poioûntes mḕ enkakō̂men, kairō̂i gàr idíōi therísomen mḕ eklyómenoi.

10
ἄρα οὖν ὡς καιρὸν ἔχομεν, ἐργαζώμεθα τὸ ἀγαθὸν πρὸς πάντας, μάλιστα δὲ πρὸς τοὺς οἰκείους τῆς πίστεως.

ára oûn hōs kairòn échomen, ergazṓmetha tò agathòn pròs pántas, málista dè pròs toùs oikeíous tē̂s písteōs.

11
῎Ιδετε πηλίκοις ὑμῖν γράμμασιν ἔγραψα τῇ ἐμῇ χειρί.

῎Idete pēlíkois hymîn grámmasin égrapsa tē̂i emē̂i cheirí.

12
ὅσοι θέλουσιν εὐπροσωπῆσαι ἐν σαρκί, οὗτοι ἀναγκάζουσιν ὑμᾶς περιτέμνεσθαι, μόνον ἵνα τῷ σταυρῷ τοῦ Χριστοῦ μὴ διώκωνται·

hósoi thélousin euprosōpē̂sai en sarkí, hoûtoi anankázousin hymâs peritémnesthai, mónon hína tō̂i staurō̂i toû Christoû mḕ diṓkōntai:

13
οὐδὲ γὰρ οἱ περιτεμνόμενοι αὐτοὶ νόμον φυλάσσουσιν, ἀλλὰ θέλουσιν ὑμᾶς περιτέμνεσθαι ἵνα ἐν τῇ ὑμετέρᾳ σαρκὶ καυχήσωνται.

oudè gàr hoi peritemnómenoi autoì nómon phylássousin, allà thélousin hymâs peritémnesthai hína en tē̂i hymetérāi sarkì kauchḗsōntai.

14
ἐμοὶ δὲ μὴ γένοιτο καυχᾶσθαι εἰ μὴ ἐν τῷ σταυρῷ τοῦ κυρίου ἡμῶν ’Ιησοῦ Χριστοῦ, δι’ οὗ ἐμοὶ κόσμος ἐσταύρωται κἀγὼ κόσμῳ.

emoì dè mḕ génoito kauchâsthai ei mḕ en tō̂i staurō̂i toû kyríou hēmō̂n ’Iēsoû Christoû, di’ hoû emoì kósmos estaúrōtai kagṑ kósmōi.

15
οὔτε γὰρ περιτομή τί ἐστιν οὔτε ἀκροβυστία, ἀλλὰ καινὴ κτίσις.

oúte gàr peritomḗ tí estin oúte akrobystía, allà kainḕ ktísis.

16
καὶ ὅσοι τῷ κανόνι τούτῳ στοιχήσουσιν, εἰρήνη ἐπ’ αὐτοὺς καὶ ἔλεος, καὶ ἐπὶ τὸν ’Ισραὴλ τοῦ θεοῦ.

kaì hósoi tō̂i kanóni toútōi stoichḗsousin, eirḗnē ep’ autoùs kaì éleos, kaì epì tòn ’Israḕl toû theoû.

17
Τοῦ λοιποῦ κόπους μοι μηδεὶς παρεχέτω, ἐγὼ γὰρ τὰ στίγματα τοῦ ’Ιησοῦ ἐν τῷ σώματί μου βαστάζω.

Toû loipoû kópous moi mēdeìs parechétō, egṑ gàr tà stígmata toû ’Iēsoû en tō̂i sṓmatí mou bastázō.

18
‘Η χάρις τοῦ κυρίου ἡμῶν ’Ιησοῦ Χριστοῦ μετὰ τοῦ πνεύματος ὑμῶν, ἀδελφοί· ἀμήν.

‘Ē cháris toû kyríou hēmō̂n ’Iēsoû Christoû metà toû pneúmatos hymō̂n, adelphoí: amḗn.