Bibles en langues anciennes
Traductions anciennes
Traductions modernes

Biblia Hebraica Stuttgartensia Jérémie 21, 1

Torah
Prophètes antérieurs (Neviim Rishonim)
Écrits
Prophètes postérieurs (Neviim Aharonim)
Chapitre
Versets
1
הַדָּבָ֛ר אֲשֶׁר־הָיָ֥ה אֶֽל־יִרְמְיָ֖הוּ מֵאֵ֣ת יְהוָ֑ה בִּשְׁלֹ֨חַ אֵלָ֜יו הַמֶּ֣לֶךְ צִדְקִיָּ֗הוּ אֶת־פַּשְׁחוּר֙ בֶּן־מַלְכִּיָּ֔ה וְאֶת־צְפַנְיָ֧ה בֶן־מַעֲשֵׂיָ֛ה הַכֹּהֵ֖ן לֵאמֹֽר׃

hadá̇bá֛r ʼàşěr־háyá֥h ʼeֽl־yirĕmĕyá֖hẇ méʼé֣ţ yĕhwá֑h bi̇şĕ̌lò֨ẖa ʼélá֜yw hamė֣lekĕ ẕidĕqiyá̇֗hẇ ʼeţ־pȧşĕ̌ẖẇr֙ bėn־malĕki̇yá̇֔h wĕʼeţ־ẕĕpanĕyá֧h ben־maʻàşé̂yá֛h hakò̇hé֖n léʼmòֽr׃

2
דְּרָשׁ־נָ֤א בַעֲדֵ֨נוּ֙ אֶת־יְהוָ֔ה כִּ֛י נְבוּכַדְרֶאצַּ֥ר מֶֽלֶךְ־בָּבֶ֖ל נִלְחָ֣ם עָלֵ֑ינוּ אוּלַי֩ יַעֲשֶׂ֨ה יְהוָ֤ה אֹותָ֨נוּ֙ כְּכָל־נִפְלְאֹתָ֔יו וְיַעֲלֶ֖ה מֵעָלֵֽינוּ׃ ס

dĕ̇ráş̌־ná֤ʼ baʻàdé֨nẇ֙ ʼeţ־yĕhwá֔h ki֛̇y nĕbẇkadĕreʼẕȧ֥r meֽlekĕ־bá̇be֖l nilĕẖá֣m ʻálé֑ynẇ ʼẇlay֩ yaʻàşê֨h yĕhwá֤h ʼòwţá֨nẇ֙ kĕ̇kál־nipĕlĕʼòţá֔yw wĕyaʻàle֖h méʻáléֽynẇ׃ s

3
וַיֹּ֥אמֶר יִרְמְיָ֖הוּ אֲלֵיהֶ֑ם כֹּ֥ה תֹאמְרֻ֖ן אֶל־צִדְקִיָּֽהוּ׃

wayò֥̇ʼmer yirĕmĕyá֖hẇ ʼàléyhe֑m kò֥̇h ţòʼmĕru֖n ʼel־ẕidĕqiyáֽ̇hẇ׃

4
כֹּֽה־אָמַ֨ר יְהוָ֜ה אֱלֹהֵ֣י יִשְׂרָאֵ֗ל הִנְנִ֣י מֵסֵב֮ אֶת־כְּלֵ֣י הַמִּלְחָמָה֮ אֲשֶׁ֣ר בְּיֶדְכֶם֒ אֲשֶׁ֨ר אַתֶּ֜ם נִלְחָמִ֣ים בָּ֗ם אֶת־מֶ֤לֶךְ בָּבֶל֙ וְאֶת־הַכַּשְׂדִּ֔ים הַצָּרִ֣ים עֲלֵיכֶ֔ם מִח֖וּץ לַֽחֹומָ֑ה וְאָסַפְתִּ֣י אֹותָ֔ם אֶל־תֹּ֖וךְ הָעִ֥יר הַזֹּֽאת׃

kòֽ̇h־ʼáma֨r yĕhwá֜h ʼèlòhé֣y yişĕ̂ráʼé֗l hinĕni֣y méséb֮ ʼeţ־kĕ̇lé֣y hami̇lĕẖámáh֮ ʼàşě֣r bĕ̇yedĕkem֒ ʼàşě֨r ʼaţė֜m nilĕẖámi֣ym bá̇֗m ʼeţ־me֤lekĕ bá̇bel֙ wĕʼeţ־hakȧşĕ̂di̇֔ym haẕá̇ri֣ym ʻàléyke֔m miẖ֖ẇẕ laֽẖòwmá֑h wĕʼásapĕţi֣̇y ʼòwţá֔m ʼel־ţò֖̇wkĕ háʻi֥yr hazòֽ̇ʼţ׃

5
וְנִלְחַמְתִּ֤י אֲנִי֙ אִתְּכֶ֔ם בְּיָ֥ד נְטוּיָ֖ה וּבִזְרֹ֣ועַ חֲזָקָ֑ה וּבְאַ֥ף וּבְחֵמָ֖ה וּבְקֶ֥צֶף גָּדֹֽול׃

wĕnilĕẖamĕţi֤̇y ʼàniy֙ ʼiţĕ̇ke֔m bĕ̇yá֥d nĕtẇyá֖h ẇbizĕrò֣wʻa ẖàzáqá֑h ẇbĕʼa֥p ẇbĕẖémá֖h ẇbĕqe֥ẕep gá̇dòֽwl׃

6
וְהִכֵּיתִ֗י אֶת־יֹֽושְׁבֵי֙ הָעִ֣יר הַזֹּ֔את וְאֶת־הָאָדָ֖ם וְאֶת־הַבְּהֵמָ֑ה בְּדֶ֥בֶר גָּדֹ֖ול יָמֻֽתוּ׃

wĕhiké̇yţi֗y ʼeţ־yòֽwşĕ̌béy֙ háʻi֣yr hazò̇֔ʼţ wĕʼeţ־háʼádá֖m wĕʼeţ־habĕ̇hémá֑h bĕ̇de֥ber gá̇dò֖wl yámuֽţẇ׃

7
וְאַחֲרֵי־כֵ֣ן נְאֻם־יְהוָ֡ה אֶתֵּ֣ן אֶת־צִדְקִיָּ֣הוּ מֶֽלֶךְ־יְהוּדָ֣ה וְאֶת־עֲבָדָ֣יו׀ וְאֶת־הָעָ֡ם וְאֶת־הַנִּשְׁאָרִים֩ בָּעִ֨יר הַזֹּ֜את מִן־הַדֶּ֣בֶר׀ מִן־הַחֶ֣רֶב וּמִן־הָרָעָ֗ב בְּיַד֙ נְבוּכַדְרֶאצַּ֣ר מֶֽלֶךְ־בָּבֶ֔ל וּבְיַד֙ אֹֽיְבֵיהֶ֔ם וּבְיַ֖ד מְבַקְשֵׁ֣י נַפְשָׁ֑ם וְהִכָּ֣ם לְפִי־חֶ֔רֶב לֹֽא־יָח֣וּס עֲלֵיהֶ֔ם וְלֹ֥א יַחְמֹ֖ל וְלֹ֥א יְרַחֵֽם׃

wĕʼaẖàréy־ké֣n nĕʼum־yĕhwá֡h ʼeţé֣̇n ʼeţ־ẕidĕqiyá֣̇hẇ meֽlekĕ־yĕhẇdá֣h wĕʼeţ־ʻàbádá֣yw׀ wĕʼeţ־háʻá֡m wĕʼeţ־hani̇şĕ̌ʼáriym֩ bá̇ʻi֨yr hazò̇֜ʼţ min־hadė֣ber׀ min־haẖe֣reb ẇmin־háráʻá֗b bĕ̇yad֙ nĕbẇkadĕreʼẕȧ֣r meֽlekĕ־bá̇be֔l ẇbĕyad֙ ʼòֽyĕbéyhe֔m ẇbĕya֖d mĕbaqĕşé֣̌y napĕşá֑̌m wĕhiká֣̇m lĕpiy־ẖe֔reb lòֽʼ־yáẖ֣ẇs ʻàléyhe֔m wĕlò֥ʼ yaẖĕmò֖l wĕlò֥ʼ yĕraẖéֽm׃

8
וְאֶל־הָעָ֤ם הַזֶּה֙ תֹּאמַ֔ר כֹּ֖ה אָמַ֣ר יְהוָ֑ה הִנְנִ֤י נֹתֵן֙ לִפְנֵיכֶ֔ם אֶת־דֶּ֥רֶךְ הַחַיִּ֖ים וְאֶת־דֶּ֥רֶךְ הַמָּֽוֶת׃

wĕʼel־háʻá֤m hazėh֙ ţò̇ʼma֔r kò֖̇h ʼáma֣r yĕhwá֑h hinĕni֤y nòţén֙ lipĕnéyke֔m ʼeţ־dė֥rekĕ haẖayi֖̇ym wĕʼeţ־dė֥rekĕ hamáֽ̇weţ׃

9
הַיֹּשֵׁב֙ בָּעִ֣יר הַזֹּ֔את יָמ֕וּת בַּחֶ֖רֶב וּבָרָעָ֣ב וּבַדָּ֑בֶר וְהַיֹּוצֵא֩ וְנָפַ֨ל עַל־הַכַּשְׂדִּ֜ים הַצָּרִ֤ים עֲלֵיכֶם֙ יִחְיֶה וְהָֽיְתָה־לֹּ֥ו נַפְשֹׁ֖ו לְשָׁלָֽל׃

hayò̇şé̌b֙ bá̇ʻi֣yr hazò̇֔ʼţ yám֕ẇţ bȧẖe֖reb ẇbáráʻá֣b ẇbadá֑̇ber wĕhayò̇wẕéʼ֩ wĕnápa֨l ʻal־hakȧşĕ̂di̇֜ym haẕá̇ri֤ym ʻàléykem֙ yiẖĕyeh wĕháֽyĕţáh־lò֥̇w napĕşò֖̌w lĕşá̌láֽl׃

10
כִּ֣י שַׂ֣מְתִּי פָ֠נַי בָּעִ֨יר הַזֹּ֧את לְרָעָ֛ה וְלֹ֥א לְטֹובָ֖ה נְאֻם־יְהוָ֑ה בְּיַד־מֶ֤לֶךְ בָּבֶל֙ תִּנָּתֵ֔ן וּשְׂרָפָ֖הּ בָּאֵֽשׁ׃ ס

ki֣̇y şâ֣mĕţi̇y pá֠nay bá̇ʻi֨yr hazò֧̇ʼţ lĕráʻá֛h wĕlò֥ʼ lĕtòwbá֖h nĕʼum־yĕhwá֑h bĕ̇yad־me֤lekĕ bá̇bel֙ ţi̇ná̇ţé֔n ẇşĕ̂rápá֖ḣ bá̇ʼéֽş̌׃ s

11
וּלְבֵית֙ מֶ֣לֶךְ יְהוּדָ֔ה שִׁמְע֖וּ דְּבַר־יְהוָֽה׃

ẇlĕbéyţ֙ me֣lekĕ yĕhẇdá֔h şǐmĕʻ֖ẇ dĕ̇bar־yĕhwáֽh׃

12
בֵּ֣ית דָּוִ֗ד כֹּ֚ה אָמַ֣ר יְהוָ֔ה דִּ֤ינוּ לַבֹּ֨קֶר֙ מִשְׁפָּ֔ט וְהַצִּ֥ילוּ גָז֖וּל מִיַּ֣ד עֹושֵׁ֑ק פֶּן־תֵּצֵ֨א כָאֵ֜שׁ חֲמָתִ֗י וּבָעֲרָה֙ וְאֵ֣ין מְכַבֶּ֔ה מִפְּנֵ֖י רֹ֥עַ מַעַלְלֵיהֶם

bé֣̇yţ dá̇wi֗d kò֚̇h ʼáma֣r yĕhwá֔h di֤̇ynẇ labò̇֨qer֙ mişĕ̌pá̇֔t wĕhaẕi֥̇ylẇ gáz֖ẇl miyȧ֣d ʻòwşé֑̌q pėn־ţé̇ẕé֨ʼ káʼé֜ş̌ ẖàmáţi֗y ẇbáʻàráh֙ wĕʼé֣yn mĕkabė֔h mipĕ̇né֖y rò֥ʻa maʻalĕléyhem

13
הִנְנִ֨י אֵלַ֜יִךְ יֹשֶׁ֧בֶת הָעֵ֛מֶק צ֥וּר הַמִּישֹׁ֖ר נְאֻם־יְהוָ֑ה הָאֹֽמְרִים֙ מִֽי־יֵחַ֣ת עָלֵ֔ינוּ וּמִ֥י יָבֹ֖וא בִּמְעֹונֹותֵֽינוּ׃

hinĕni֨y ʼéla֜yikĕ yòşě֧beţ háʻé֛meq ẕ֥ẇr hami̇yşò֖̌r nĕʼum־yĕhwá֑h háʼòֽmĕriym֙ miֽy־yéẖa֣ţ ʻálé֔ynẇ ẇmi֥y yábò֖wʼ bi̇mĕʻòwnòwţéֽynẇ׃

14
וּפָקַדְתִּ֧י עֲלֵיכֶ֛ם כִּפְרִ֥י מַעַלְלֵיכֶ֖ם נְאֻם־יְהוָ֑ה וְהִצַּ֤תִּי אֵשׁ֙ בְּיַעְרָ֔הּ וְאָכְלָ֖ה כָּל־סְבִיבֶֽיהָ׃ ס

ẇpáqadĕţi֧̇y ʻàléyke֛m ki̇pĕri֥y maʻalĕléyke֖m nĕʼum־yĕhwá֑h wĕhiẕȧ֤ţi̇y ʼéş̌֙ bĕ̇yaʻĕrá֔ḣ wĕʼákĕlá֖h ká̇l־sĕbiybeֽyhá׃ s