Bibles in ancient languages
Old translations
Modern translations

Biblia Hebraica Stuttgartensia 1 Rois 9:4

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיְהִי֙ כְּכַלֹּ֣ות שְׁלֹמֹ֔ה לִבְנֹ֥ות אֶת־בֵּית־יְהוָ֖ה וְאֶת־בֵּ֣ית הַמֶּ֑לֶךְ וְאֵת֙ כָּל־חֵ֣שֶׁק שְׁלֹמֹ֔ה אֲשֶׁ֥ר חָפֵ֖ץ לַעֲשֹֽׂות׃ פ

wayĕhiy֙ kĕ̇kalò֣̇wţ şĕ̌lòmò֔h libĕnò֥wţ ʼeţ־bé̇yţ־yĕhwá֖h wĕʼeţ־bé֣̇yţ hamė֑lekĕ wĕʼéţ֙ ká̇l־ẖé֣şěq şĕ̌lòmò֔h ʼàşě֥r ẖápé֖ẕ laʻàşòֽ̂wţ׃ p

2
וַיֵּרָ֧א יְהוָ֛ה אֶל־שְׁלֹמֹ֖ה שֵׁנִ֑ית כַּאֲשֶׁ֛ר נִרְאָ֥ה אֵלָ֖יו בְּגִבְעֹֽון׃

wayé̇rá֧ʼ yĕhwá֛h ʼel־şĕ̌lòmò֖h şé̌ni֑yţ kȧʼàşě֛r nirĕʼá֥h ʼélá֖yw bĕ̇gibĕʻòֽwn׃

3
וַיֹּ֨אמֶר יְהוָ֜ה אֵלָ֗יו שָׁ֠מַעְתִּי אֶת־תְּפִלָּתְךָ֣ וְאֶת־תְּחִנָּתְךָ֮ אֲשֶׁ֣ר הִתְחַנַּ֣נְתָּה לְפָנַי֒ הִקְדַּ֗שְׁתִּי אֶת־הַבַּ֤יִת הַזֶּה֙ אֲשֶׁ֣ר בָּנִ֔תָה לָשֽׂוּם־שְׁמִ֥י שָׁ֖ם עַד־עֹולָ֑ם וְהָי֨וּ עֵינַ֧י וְלִבִּ֛י שָׁ֖ם כָּל־הַיָּמִֽים׃

wayò̇֨ʼmer yĕhwá֜h ʼélá֗yw şá̌֠maʻĕţi̇y ʼeţ־ţĕ̇pilá̇ţĕká֣ wĕʼeţ־ţĕ̇ẖiná̇ţĕká֮ ʼàşě֣r hiţĕẖanȧ֣nĕţá̇h lĕpánay֒ hiqĕdȧ֗şĕ̌ţi̇y ʼeţ־habȧ֤yiţ hazėh֙ ʼàşě֣r bá̇ni֔ţáh láşֽ̂ẇm־şĕ̌mi֥y şá֖̌m ʻad־ʻòwlá֑m wĕháy֨ẇ ʻéyna֧y wĕlibi֛̇y şá֖̌m ká̇l־hayá̇miֽym׃

4
וְאַתָּ֞ה אִם־תֵּלֵ֣ךְ לְפָנַ֗י כַּאֲשֶׁ֨ר הָלַ֜ךְ דָּוִ֤ד אָבִ֨יךָ֙ בְּתָם־לֵבָ֣ב וּבְיֹ֔שֶׁר לַעֲשֹׂ֕ות כְּכֹ֖ל אֲשֶׁ֣ר צִוִּיתִ֑יךָ חֻקַּ֥י וּמִשְׁפָּטַ֖י תִּשְׁמֹֽר׃

wĕʼaţá̇֞h ʼim־ţé̇lé֣kĕ lĕpána֗y kȧʼàşě֨r hála֜kĕ dá̇wi֤d ʼábi֨yká֙ bĕ̇ţám־lébá֣b ẇbĕyò֔şěr laʻàşò̂֕wţ kĕ̇kò֖l ʼàşě֣r ẕiwi̇yţi֑yká ẖuqȧ֥y ẇmişĕ̌pá̇ta֖y ţi̇şĕ̌mòֽr׃

5
וַהֲקִ֨מֹתִ֜י אֶת־כִּסֵּ֧א מַֽמְלַכְתְּךָ֛ עַל־יִשְׂרָאֵ֖ל לְעֹלָ֑ם כַּאֲשֶׁ֣ר דִּבַּ֗רְתִּי עַל־דָּוִ֤ד אָבִ֨יךָ֙ לֵאמֹ֔ר לֹֽא־יִכָּרֵ֤ת לְךָ֙ אִ֔ישׁ מֵעַ֖ל כִּסֵּ֥א יִשְׂרָאֵֽל׃

wahàqi֨mòţi֜y ʼeţ־ki̇sé֧̇ʼ maֽmĕlakĕţĕ̇ká֛ ʻal־yişĕ̂ráʼé֖l lĕʻòlá֑m kȧʼàşě֣r di̇bȧ֗rĕţi̇y ʻal־dá̇wi֤d ʼábi֨yká֙ léʼmò֔r lòֽʼ־yiká̇ré֤ţ lĕká֙ ʼi֔yş̌ méʻa֖l ki̇sé֥̇ʼ yişĕ̂ráʼéֽl׃

6
אִם־שֹׁ֨וב תְּשֻׁב֜וּן אַתֶּ֤ם וּבְנֵיכֶם֙ מֵֽאַחֲרַ֔י וְלֹ֤א תִשְׁמְרוּ֙ מִצְוֹתַ֣י חֻקֹּתַ֔י אֲשֶׁ֥ר נָתַ֖תִּי לִפְנֵיכֶ֑ם וַהֲלַכְתֶּ֗ם וַעֲבַדְתֶּם֙ אֱלֹהִ֣ים אֲחֵרִ֔ים וְהִשְׁתַּחֲוִיתֶ֖ם לָהֶֽם׃

ʼim־şò̌֨wb ţĕ̇şǔb֜ẇn ʼaţė֤m ẇbĕnéykem֙ méֽʼaẖàra֔y wĕlò֤ʼ ţişĕ̌mĕrẇ֙ miẕĕwòţa֣y ẖuqò̇ţa֔y ʼàşě֥r náţa֖ţi̇y lipĕnéyke֑m wahàlakĕţė֗m waʻàbadĕţėm֙ ʼèlòhi֣ym ʼàẖéri֔ym wĕhişĕ̌ţȧẖàwiyţe֖m láheֽm׃

7
וְהִכְרַתִּ֣י אֶת־יִשְׂרָאֵ֗ל מֵעַ֨ל פְּנֵ֤י הָאֲדָמָה֙ אֲשֶׁ֣ר נָתַ֣תִּי לָהֶ֔ם וְאֶת־הַבַּ֨יִת֙ אֲשֶׁ֣ר הִקְדַּ֣שְׁתִּי לִשְׁמִ֔י אֲשַׁלַּ֖ח מֵעַ֣ל פָּנָ֑י וְהָיָ֧ה יִשְׂרָאֵ֛ל לְמָשָׁ֥ל וְלִשְׁנִינָ֖ה בְּכָל־הָעַמִּֽים׃

wĕhikĕraţi֣̇y ʼeţ־yişĕ̂ráʼé֗l méʻa֨l pĕ̇né֤y háʼàdámáh֙ ʼàşě֣r náţa֣ţi̇y láhe֔m wĕʼeţ־habȧ֨yiţ֙ ʼàşě֣r hiqĕdȧ֣şĕ̌ţi̇y lişĕ̌mi֔y ʼàşǎlȧ֖ẖ méʻa֣l pá̇ná֑y wĕháyá֧h yişĕ̂ráʼé֛l lĕmáşá֥̌l wĕlişĕ̌niyná֖h bĕ̇kál־háʻamiֽ̇ym׃

8
וְהַבַּ֤יִת הַזֶּה֙ יִהְיֶ֣ה עֶלְיֹ֔ון כָּל־עֹבֵ֥ר עָלָ֖יו יִשֹּׁ֣ם וְשָׁרָ֑ק וְאָמְר֗וּ עַל־מֶ֨ה עָשָׂ֤ה יְהוָה֙ כָּ֔כָה לָאָ֥רֶץ הַזֹּ֖את וְלַבַּ֥יִת הַזֶּֽה׃

wĕhabȧ֤yiţ hazėh֙ yihĕye֣h ʻelĕyò֔wn ká̇l־ʻòbé֥r ʻálá֖yw yişò֣̇̌m wĕşá̌rá֑q wĕʼámĕr֗ẇ ʻal־me֨h ʻáşá֤̂h yĕhwáh֙ ká̇֔káh láʼá֥reẕ hazò֖̇ʼţ wĕlabȧ֥yiţ hazėֽh׃

9
וְאָמְר֗וּ עַל֩ אֲשֶׁ֨ר עָזְב֜וּ אֶת־יְהוָ֣ה אֱלֹהֵיהֶ֗ם אֲשֶׁ֨ר הֹוצִ֣יא אֶת־אֲבֹתָם֮ מֵאֶ֣רֶץ מִצְרַיִם֒ וַֽיַּחֲזִ֨קוּ֙ בֵּאלֹהִ֣ים אֲחֵרִ֔ים וַיִּשְׁתַּחוּ לָהֶ֖ם וַיַּעַבְדֻ֑ם עַל־כֵּ֗ן הֵבִ֤יא יְהוָה֙ עֲלֵיהֶ֔ם אֵ֥ת כָּל־הָרָעָ֖ה הַזֹּֽאת׃ פ

wĕʼámĕr֗ẇ ʻal֩ ʼàşě֨r ʻázĕb֜ẇ ʼeţ־yĕhwá֣h ʼèlòhéyhe֗m ʼàşě֨r hòwẕi֣yʼ ʼeţ־ʼàbòţám֮ méʼe֣reẕ miẕĕrayim֒ waֽyȧẖàzi֨qẇ֙ bé̇ʼlòhi֣ym ʼàẖéri֔ym wayi̇şĕ̌ţȧẖẇ láhe֖m wayȧʻabĕdu֑m ʻal־ké̇֗n hébi֤yʼ yĕhwáh֙ ʻàléyhe֔m ʼé֥ţ ká̇l־háráʻá֖h hazòֽ̇ʼţ׃ p

10
וַיְהִ֗י מִקְצֵה֙ עֶשְׂרִ֣ים שָׁנָ֔ה אֲשֶׁר־בָּנָ֥ה שְׁלֹמֹ֖ה אֶת־שְׁנֵ֣י הַבָּתִּ֑ים אֶת־בֵּ֥ית יְהוָ֖ה וְאֶת־בֵּ֥ית הַמֶּֽלֶךְ׃

wayĕhi֗y miqĕẕéh֙ ʻeşĕ̂ri֣ym şá̌ná֔h ʼàşěr־bá̇ná֥h şĕ̌lòmò֖h ʼeţ־şĕ̌né֣y habá̇ţi֑̇ym ʼeţ־bé֥̇yţ yĕhwá֖h wĕʼeţ־bé֥̇yţ hamėֽlekĕ׃

11
חִירָ֣ם מֶֽלֶךְ־צֹ֠ר נִשָּׂ֨א אֶת־שְׁלֹמֹ֜ה בַּעֲצֵי֩ אֲרָזִ֨ים וּבַעֲצֵ֧י בְרֹושִׁ֛ים וּבַזָּהָ֖ב לְכָל־חֶפְצֹ֑ו אָ֡ז יִתֵּן֩ הַמֶּ֨לֶךְ שְׁלֹמֹ֤ה לְחִירָם֙ עֶשְׂרִ֣ים עִ֔יר בְּאֶ֖רֶץ הַגָּלִֽיל׃

ẖiyrá֣m meֽlekĕ־ẕò֠r nişá̇̂֨ʼ ʼeţ־şĕ̌lòmò֜h bȧʻàẕéy֩ ʼàrázi֨ym ẇbaʻàẕé֧y bĕròwşǐ֛ym ẇbazá̇há֖b lĕkál־ẖepĕẕò֑w ʼá֡z yiţé̇n֩ hamė֨lekĕ şĕ̌lòmò֤h lĕẖiyrám֙ ʻeşĕ̂ri֣ym ʻi֔yr bĕ̇ʼe֖reẕ hagá̇liֽyl׃

12
וַיֵּצֵ֤א חִירָם֙ מִצֹּ֔ר לִרְאֹות֙ אֶת־הֶ֣עָרִ֔ים אֲשֶׁ֥ר נָתַן־לֹ֖ו שְׁלֹמֹ֑ה וְלֹ֥א יָשְׁר֖וּ בְּעֵינָֽיו׃

wayé̇ẕé֤ʼ ẖiyrám֙ miẕò̇֔r lirĕʼòwţ֙ ʼeţ־he֣ʻári֔ym ʼàşě֥r náţan־lò֖w şĕ̌lòmò֑h wĕlò֥ʼ yáşĕ̌r֖ẇ bĕ̇ʻéynáֽyw׃

13
וַיֹּ֕אמֶר מָ֚ה הֶעָרִ֣ים הָאֵ֔לֶּה אֲשֶׁר־נָתַ֥תָּה לִּ֖י אָחִ֑י וַיִּקְרָ֤א לָהֶם֙ אֶ֣רֶץ כָּב֔וּל עַ֖ד הַיֹּ֥ום הַזֶּֽה׃ פ

wayò̇֕ʼmer má֚h heʻári֣ym háʼé֔lėh ʼàşěr־náţa֥ţá̇h li֖̇y ʼáẖi֑y wayi̇qĕrá֤ʼ láhem֙ ʼe֣reẕ ká̇b֔ẇl ʻa֖d hayò֥̇wm hazėֽh׃ p

14
וַיִּשְׁלַ֥ח חִירָ֖ם לַמֶּ֑לֶךְ מֵאָ֥ה וְעֶשְׂרִ֖ים כִּכַּ֥ר זָהָֽב׃

wayi̇şĕ̌la֥ẖ ẖiyrá֖m lamė֑lekĕ méʼá֥h wĕʻeşĕ̂ri֖ym ki̇kȧ֥r záháֽb׃

15
וְזֶ֨ה דְבַר־הַמַּ֜ס אֲשֶֽׁר־הֶעֱלָ֣ה׀ הַמֶּ֣לֶךְ שְׁלֹמֹ֗ה לִבְנֹות֩ אֶת־בֵּ֨ית יְהוָ֤ה וְאֶת־בֵּיתֹו֙ וְאֶת־הַמִּלֹּ֔וא וְאֵ֖ת חֹומַ֣ת יְרוּשָׁלִָ֑ם וְאֶת־חָצֹ֥ר וְאֶת־מְגִדֹּ֖ו וְאֶת־גָּֽזֶר׃

wĕze֨h dĕbar־hamȧ֜s ʼàşěֽr־heʻèlá֣h׀ hamė֣lekĕ şĕ̌lòmò֗h libĕnòwţ֩ ʼeţ־bé̇֨yţ yĕhwá֤h wĕʼeţ־bé̇yţòw֙ wĕʼeţ־hami̇lò̇֔wʼ wĕʼé֖ţ ẖòwma֣ţ yĕrẇşá̌liá֑m wĕʼeţ־ẖáẕò֥r wĕʼeţ־mĕgidò֖̇w wĕʼeţ־gáֽ̇zer׃

16
פַּרְעֹ֨ה מֶֽלֶךְ־מִצְרַ֜יִם עָלָ֗ה וַיִּלְכֹּ֤ד אֶת־גֶּ֨זֶר֙ וַיִּשְׂרְפָ֣הּ בָּאֵ֔שׁ וְאֶת־הַֽכְּנַעֲנִ֛י הַיֹּשֵׁ֥ב בָּעִ֖יר הָרָ֑ג וַֽיִּתְּנָהּ֙ שִׁלֻּחִ֔ים לְבִתֹּ֖ו אֵ֥שֶׁת שְׁלֹמֹֽה׃

pȧrĕʻò֨h meֽlekĕ־miẕĕra֜yim ʻálá֗h wayi̇lĕkò֤̇d ʼeţ־gė֨zer֙ wayi̇şĕ̂rĕpá֣ḣ bá̇ʼé֔ş̌ wĕʼeţ־haֽkĕ̇naʻàni֛y hayò̇şé֥̌b bá̇ʻi֖yr hárá֑g waֽyi̇ţĕ̇náḣ֙ şǐlu̇ẖi֔ym lĕbiţò֖̇w ʼé֥şěţ şĕ̌lòmòֽh׃

17
וַיִּ֤בֶן שְׁלֹמֹה֙ אֶת־גָּ֔זֶר וְאֶת־בֵּ֥ית חֹרֹ֖ן תַּחְתּֽוֹן׃

wayi֤̇ben şĕ̌lòmòh֙ ʼeţ־gá̇֔zer wĕʼeţ־bé֥̇yţ ẖòrò֖n ţȧẖĕţֽ̇wòn׃

18
וְאֶֽת־בַּעֲלָ֛ת וְאֶת־תמר תַּדְמֹ֥ר בַּמִּדְבָּ֖ר בָּאָֽרֶץ׃

wĕʼeֽţ־bȧʻàlá֛ţ wĕʼeţ־ţmr ţȧdĕmò֥r bȧmi̇dĕbá֖̇r bá̇ʼáֽreẕ׃

19
וְאֵ֨ת כָּל־עָרֵ֤י הַֽמִּסְכְּנֹות֙ אֲשֶׁ֣ר הָי֣וּ לִשְׁלֹמֹ֔ה וְאֵת֙ עָרֵ֣י הָרֶ֔כֶב וְאֵ֖ת עָרֵ֣י הַפָּרָשִׁ֑ים וְאֵ֣ת׀ חֵ֣שֶׁק שְׁלֹמֹ֗ה אֲשֶׁ֤ר חָשַׁק֙ לִבְנֹ֤ות בִּירוּשָׁלִַ֨ם֙ וּבַלְּבָנֹ֔ון וּבְכֹ֖ל אֶ֥רֶץ מֶמְשַׁלְתֹּֽו׃

wĕʼé֨ţ ká̇l־ʻáré֤y haֽmi̇sĕkĕ̇nòwţ֙ ʼàşě֣r háy֣ẇ lişĕ̌lòmò֔h wĕʼéţ֙ ʻáré֣y háre֔keb wĕʼé֖ţ ʻáré֣y hapá̇ráşǐ֑ym wĕʼé֣ţ׀ ẖé֣şěq şĕ̌lòmò֗h ʼàşě֤r ẖáşǎq֙ libĕnò֤wţ bi̇yrẇşá̌lia֨m֙ ẇbalĕ̇bánò֔wn ẇbĕkò֖l ʼe֥reẕ memĕşǎlĕţòֽ̇w׃

20
כָּל־הָ֠עָם הַנֹּותָ֨ר מִן־הָאֱמֹרִ֜י הַחִתִּ֤י הַפְּרִזִּי֙ הַחִוִּ֣י וְהַיְבוּסִ֔י אֲשֶׁ֛ר לֹֽא־מִבְּנֵ֥י יִשְׂרָאֵ֖ל הֵֽמָּה׃

ká̇l־há֠ʻám hanò̇wţá֨r min־háʼèmòri֜y haẖiţi֤̇y hapĕ̇rizi̇y֙ haẖiwi֣̇y wĕhayĕbẇsi֔y ʼàşě֛r lòֽʼ־mibĕ̇né֥y yişĕ̂ráʼé֖l héֽmá̇h׃

21
:בְּנֵיהֶ֗ם אֲשֶׁ֨ר נֹתְר֤וּ אַחֲרֵיהֶם֙ בָּאָ֔רֶץ אֲשֶׁ֧ר לֹֽא־יָכְל֛וּ בְּנֵ֥י יִשְׂרָאֵ֖ל לְהַֽחֲרִימָ֑ם וַיַּעֲלֵ֤ם שְׁלֹמֹה֙ לְמַס־עֹבֵ֔ד עַ֖ד הַיּ֥וֹם הַזֶּֽה׃

:bĕ̇néyhe֗m ʼàşě֨r nòţĕr֤ẇ ʼaẖàréyhem֙ bá̇ʼá֔reẕ ʼàşě֧r lòֽʼ־yákĕl֛ẇ bĕ̇né֥y yişĕ̂ráʼé֖l lĕhֽaẖàriymá֑m wayȧʻàlé֤m şĕ̌lòmòh֙ lĕmas־ʻòbé֔d ʻa֖d haẏ֥wòm hazėֽh׃

22
וּמִבְּנֵי֙ יִשְׂרָאֵ֔ל לֹֽא־נָתַ֥ן שְׁלֹמֹ֖ה עָ֑בֶד כִּי־הֵ֞ם אַנְשֵׁ֣י הַמִּלְחָמָ֗ה וַעֲבָדָיו֙ וְשָׂרָ֣יו וְשָׁלִשָׁ֔יו וְשָׂרֵ֥י רִכְבֹּ֖ו וּפָרָשָֽׁיו׃ ס

ẇmibĕ̇néy֙ yişĕ̂ráʼé֔l lòֽʼ־náţa֥n şĕ̌lòmò֖h ʻá֑bed ki̇y־hé֞m ʼanĕşé֣̌y hami̇lĕẖámá֗h waʻàbádáyw֙ wĕşá̂rá֣yw wĕşá̌lişá̌֔yw wĕşá̂ré֥y rikĕbò֖̇w ẇpáráşáֽ̌yw׃ s

23
אֵ֣לֶּה׀ שָׂרֵ֣י הַנִּצָּבִ֗ים אֲשֶׁ֤ר עַל־הַמְּלָאכָה֙ לִשְׁלֹמֹ֔ה חֲמִשִּׁ֖ים וַחֲמֵ֣שׁ מֵאֹ֑ות הָרֹדִ֣ים בָּעָ֔ם הָעֹשִׂ֖ים בַּמְּלָאכָֽה׃

ʼé֣lėh׀ şá̂ré֣y hani̇ẕá̇bi֗ym ʼàşě֤r ʻal־hamĕ̇láʼkáh֙ lişĕ̌lòmò֔h ẖàmişi֖̇̌ym waẖàmé֣ş̌ méʼò֑wţ háròdi֣ym bá̇ʻá֔m háʻòşî֖ym bȧmĕ̇láʼkáֽh׃

24
אַ֣ךְ בַּת־פַּרְעֹ֗ה עָֽלְתָה֙ מֵעִ֣יר דָּוִ֔ד אֶל־בֵּיתָ֖הּ אֲשֶׁ֣ר בָּֽנָה־לָ֑הּ אָ֖ז בָּנָ֥ה אֶת־הַמִּלֹּֽוא׃

ʼa֣kĕ bȧţ־pȧrĕʻò֗h ʻáֽlĕţáh֙ méʻi֣yr dá̇wi֔d ʼel־bé̇yţá֖ḣ ʼàşě֣r báֽ̇náh־lá֑ḣ ʼá֖z bá̇ná֥h ʼeţ־hami̇lòֽ̇wʼ׃

25
וְהֶעֱלָ֣ה שְׁלֹמֹ֡ה שָׁלֹשׁ֩ פְּעָמִ֨ים בַּשָּׁנָ֜ה עֹלֹ֣ות וּשְׁלָמִ֗ים עַל־הַמִּזְבֵּ֨חַ֙ אֲשֶׁ֣ר בָּנָ֣ה לַיהוָ֔ה וְהַקְטֵ֣יר אִתֹּ֗ו אֲשֶׁ֖ר לִפְנֵ֣י יְהוָ֑ה וְשִׁלַּ֖ם אֶת־הַבָּֽיִת׃

wĕheʻèlá֣h şĕ̌lòmò֡h şá̌lòş̌֩ pĕ̇ʻámi֨ym bȧşá̇̌ná֜h ʻòlò֣wţ ẇşĕ̌lámi֗ym ʻal־hami̇zĕbé̇֨ẖa֙ ʼàşě֣r bá̇ná֣h layhwá֔h wĕhaqĕté֣yr ʼiţò̇֗w ʼàşě֖r lipĕné֣y yĕhwá֑h wĕşǐlȧ֖m ʼeţ־habáֽ̇yiţ׃

26
וָאֳנִ֡י עָשָׂה֩ הַמֶּ֨לֶךְ שְׁלֹמֹ֜ה בְּעֶצְיֹֽון־גֶּ֨בֶר אֲשֶׁ֧ר אֶת־אֵלֹ֛ות עַל־שְׂפַ֥ת יַם־ס֖וּף בְּאֶ֥רֶץ אֱדֹֽום׃

wáʼoni֡y ʻáşá̂h֩ hamė֨lekĕ şĕ̌lòmò֜h bĕ̇ʻeẕĕyòֽwn־gė֨ber ʼàşě֧r ʼeţ־ʼélò֛wţ ʻal־şĕ̂pa֥ţ yam־s֖ẇp bĕ̇ʼe֥reẕ ʼèdòֽwm׃

27
וַיִּשְׁלַ֨ח חִירָ֤ם בָּֽאֳנִי֙ אֶת־עֲבָדָ֔יו אַנְשֵׁ֣י אֳנִיֹּ֔ות יֹדְעֵ֖י הַיָּ֑ם עִ֖ם עַבְדֵ֥י שְׁלֹמֹֽה׃

wayi̇şĕ̌la֨ẖ ẖiyrá֤m báֽ̇ʼoniy֙ ʼeţ־ʻàbádá֔yw ʼanĕşé֣̌y ʼoniyò̇֔wţ yòdĕʻé֖y hayá֑̇m ʻi֖m ʻabĕdé֥y şĕ̌lòmòֽh׃

28
וַיָּבֹ֣אוּ אֹופִ֔ירָה וַיִּקְח֤וּ מִשָּׁם֙ זָהָ֔ב אַרְבַּע־מֵאֹ֥ות וְעֶשְׂרִ֖ים כִּכָּ֑ר וַיָּבִ֖אוּ אֶל־הַמֶּ֥לֶךְ שְׁלֹמֹֽה׃ פ

wayá̇bò֣ʼẇ ʼòwpi֔yráh wayi̇qĕẖ֤ẇ mişá̇̌m֙ záhá֔b ʼarĕbȧʻ־méʼò֥wţ wĕʻeşĕ̂ri֖ym ki̇ká֑̇r wayá̇bi֖ʼẇ ʼel־hamė֥lekĕ şĕ̌lòmòֽh׃ p