Bibles in ancient languages
Old translations
Modern translations

Biblia Hebraica Stuttgartiensia 1 Samuel 22

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיֵּ֤לֶךְ דָּוִד֙ מִשָּׁ֔ם וַיִּמָּלֵ֖ט אֶל־מְעָרַ֣ת עֲדֻלָּ֑ם וַיִּשְׁמְע֤וּ אֶחָיו֙ וְכָל־בֵּ֣ית אָבִ֔יו וַיֵּרְד֥וּ אֵלָ֖יו שָֽׁמָּה׃

wayé֤̇lekĕ dá̇wid֙ mişá̇̌֔m wayi̇má̇lé֖t ʼel־mĕʻára֣ţ ʻàdulá֑̇m wayi̇şĕ̌mĕʻ֤ẇ ʼeẖáyw֙ wĕkál־bé֣̇yţ ʼábi֔yw wayé̇rĕd֥ẇ ʼélá֖yw şáֽ̌má̇h׃

2
וַיִּֽתְקַבְּצ֣וּ אֵ֠לָיו כָּל־אִ֨ישׁ מָצֹ֜וק וְכָל־אִ֨ישׁ אֲשֶׁר־לֹ֤ו נֹשֶׁא֙ וְכָל־אִ֣ישׁ מַר־נֶ֔פֶשׁ וַיְהִ֥י עֲלֵיהֶ֖ם לְשָׂ֑ר וַיִּהְי֣וּ עִמֹּ֔ו כְּאַרְבַּ֥ע מֵאֹ֖ות אִֽישׁ׃

wayiֽ̇ţĕqabĕ̇ẕ֣ẇ ʼé֠láyw ká̇l־ʼi֨yş̌ máẕò֜wq wĕkál־ʼi֨yş̌ ʼàşěr־lò֤w nòşěʼ֙ wĕkál־ʼi֣yş̌ mar־ne֔peş̌ wayĕhi֥y ʻàléyhe֖m lĕşá֑̂r wayi̇hĕy֣ẇ ʻimò̇֔w kĕ̇ʼarĕbȧ֥ʻ méʼò֖wţ ʼiֽyş̌׃

3
וַיֵּ֧לֶךְ דָּוִ֛ד מִשָּׁ֖ם מִצְפֵּ֣ה מֹואָ֑ב וַיֹּ֣אמֶר׀ אֶל־מֶ֣לֶךְ מֹואָ֗ב יֵֽצֵא־נָ֞א אָבִ֤י וְאִמִּי֙ אִתְּכֶ֔ם עַ֚ד אֲשֶׁ֣ר אֵדַ֔ע מַה־יַּֽעֲשֶׂה־לִּ֖י אֱלֹהִֽים׃

wayé֧̇lekĕ dá̇wi֛d mişá֖̇̌m miẕĕpé֣̇h mòwʼá֑b wayò֣̇ʼmer׀ ʼel־me֣lekĕ mòwʼá֗b yéֽẕéʼ־ná֞ʼ ʼábi֤y wĕʼimi̇y֙ ʼiţĕ̇ke֔m ʻa֚d ʼàşě֣r ʼéda֔ʻ mah־yȧֽʻàşêh־li֖̇y ʼèlòhiֽym׃

4
וַיַּנְחֵ֕ם אֶת־פְּנֵ֖י מֶ֣לֶךְ מֹואָ֑ב וַיֵּשְׁב֣וּ עִמֹּ֔ו כָּל־יְמֵ֥י הֱיֹות־דָּוִ֖ד בַּמְּצוּדָֽה׃ ס

wayȧnĕẖé֕m ʼeţ־pĕ̇né֖y me֣lekĕ mòwʼá֑b wayé̇şĕ̌b֣ẇ ʻimò̇֔w ká̇l־yĕmé֥y hèyòwţ־dá̇wi֖d bȧmĕ̇ẕẇdáֽh׃ s

5
וַיֹּאמֶר֩ גָּ֨ד הַנָּבִ֜יא אֶל־דָּוִ֗ד לֹ֤א תֵשֵׁב֙ בַּמְּצוּדָ֔ה לֵ֥ךְ וּבָֽאתָ־לְּךָ֖ אֶ֣רֶץ יְהוּדָ֑ה וַיֵּ֣לֶךְ דָּוִ֔ד וַיָּבֹ֖א יַ֥עַר חָֽרֶת׃ ס

wayò̇ʼmer֩ gá̇֨d haná̇bi֜yʼ ʼel־dá̇wi֗d lò֤ʼ ţéşé̌b֙ bȧmĕ̇ẕẇdá֔h lé֥kĕ ẇbáֽʼţá־lĕ̇ká֖ ʼe֣reẕ yĕhẇdá֑h wayé֣̇lekĕ dá̇wi֔d wayá̇bò֖ʼ ya֥ʻar ẖáֽreţ׃ s

6
וַיִּשְׁמַ֣ע שָׁא֔וּל כִּ֚י נֹודַ֣ע דָּוִ֔ד וַאֲנָשִׁ֖ים אֲשֶׁ֣ר אִתֹּ֑ו וְשָׁאוּל֩ יֹושֵׁ֨ב בַּגִּבְעָ֜ה תַּֽחַת־הָאֶ֤שֶׁל בָּֽרָמָה֙ וַחֲנִיתֹ֣ו בְיָדֹ֔ו וְכָל־עֲבָדָ֖יו נִצָּבִ֥ים עָלָֽיו׃

wayi̇şĕ̌ma֣ʻ şá̌ʼ֔ẇl ki֚̇y nòwda֣ʻ dá̇wi֔d waʼànáşǐ֖ym ʼàşě֣r ʼiţò֑̇w wĕşá̌ʼẇl֩ yòwşé̌֨b bȧgi̇bĕʻá֜h ţȧֽẖaţ־háʼe֤şěl báֽ̇rámáh֙ waẖàniyţò֣w bĕyádò֔w wĕkál־ʻàbádá֖yw niẕá̇bi֥ym ʻáláֽyw׃

7
וַיֹּ֣אמֶר שָׁא֗וּל לַֽעֲבָדָיו֙ הַנִּצָּבִ֣ים עָלָ֔יו שִׁמְעוּ־נָ֖א בְּנֵ֣י יְמִינִ֑י גַּם־לְכֻלְּכֶ֗ם יִתֵּ֤ן בֶּן־יִשַׁי֙ שָׂדֹ֣ות וּכְרָמִ֔ים לְכֻלְּכֶ֣ם יָשִׂ֔ים שָׂרֵ֥י אֲלָפִ֖ים וְשָׂרֵ֥י מֵאֹֽות׃

wayò֣̇ʼmer şá̌ʼ֗ẇl laֽʻàbádáyw֙ hani̇ẕá̇bi֣ym ʻálá֔yw şǐmĕʻẇ־ná֖ʼ bĕ̇né֣y yĕmiyni֑y gȧm־lĕkulĕ̇ke֗m yiţé֤̇n bėn־yişǎy֙ şá̂dò֣wţ ẇkĕrámi֔ym lĕkulĕ̇ke֣m yáşî֔ym şá̂ré֥y ʼàlápi֖ym wĕşá̂ré֥y méʼòֽwţ׃

8
כִּי֩ קְשַׁרְתֶּ֨ם כֻּלְּכֶ֜ם עָלַ֗י וְאֵין־גֹּלֶ֤ה אֶת־אָזְנִי֙ בִּכְרָת־בְּנִ֣י עִם־בֶּן־יִשַׁ֔י וְאֵין־חֹלֶ֥ה מִכֶּ֛ם עָלַ֖י וְגֹלֶ֣ה אֶת־אָזְנִ֑י כִּ֣י הֵקִים֩ בְּנִ֨י אֶת־עַבְדִּ֥י עָלַ֛י לְאֹרֵ֖ב כַּיֹּ֥ום הַזֶּֽה׃ ס

ki̇y֩ qĕşǎrĕţė֨m ku̇lĕ̇ke֜m ʻála֗y wĕʼéyn־gò̇le֤h ʼeţ־ʼázĕniy֙ bi̇kĕráţ־bĕ̇ni֣y ʻim־bėn־yişǎ֔y wĕʼéyn־ẖòle֥h mikė֛m ʻála֖y wĕgòle֣h ʼeţ־ʼázĕni֑y ki֣̇y héqiym֩ bĕ̇ni֨y ʼeţ־ʻabĕdi֥̇y ʻála֛y lĕʼòré֖b kȧyò֥̇wm hazėֽh׃ s

9
וַיַּ֜עַן דֹּאֵ֣ג הָאֲדֹמִ֗י וְה֛וּא נִצָּ֥ב עַל־עַבְדֵֽי־שָׁא֖וּל וַיֹּאמַ֑ר רָאִ֨יתִי֙ אֶת־בֶּן־יִשַׁ֔י בָּ֣א נֹ֔בֶה אֶל־אֲחִימֶ֖לֶךְ בֶּן־אֲחִטֽוּב׃

wayȧ֜ʻan dò̇ʼé֣g háʼàdòmi֗y wĕh֛ẇʼ niẕá֥̇b ʻal־ʻabĕdéֽy־şá̌ʼ֖ẇl wayò̇ʼma֑r ráʼi֨yţiy֙ ʼeţ־bėn־yişǎ֔y bá֣̇ʼ nò֔beh ʼel־ʼàẖiyme֖lekĕ bėn־ʼàẖitֽẇb׃

10
וַיִּשְׁאַל־לֹו֙ בַּֽיהוָ֔ה וְצֵידָ֖ה נָ֣תַן לֹ֑ו וְאֵ֗ת חֶ֛רֶב גָּלְיָ֥ת הַפְּלִשְׁתִּ֖י נָ֥תַן לֹֽו׃

wayi̇şĕ̌ʼal־lòw֙ bȧֽyhwá֔h wĕẕéydá֖h ná֣ţan lò֑w wĕʼé֗ţ ẖe֛reb gá̇lĕyá֥ţ hapĕ̇lişĕ̌ţi֖̇y ná֥ţan lòֽw׃

11
וַיִּשְׁלַ֣ח הַמֶּ֡לֶךְ לִקְרֹא֩ אֶת־אֲחִימֶ֨לֶךְ בֶּן־אֲחִיט֜וּב הַכֹּהֵ֗ן וְאֵ֨ת כָּל־בֵּ֥ית אָבִ֛יו הַכֹּהֲנִ֖ים אֲשֶׁ֣ר בְּנֹ֑ב וַיָּבֹ֥אוּ כֻלָּ֖ם אֶל־הַמֶּֽלֶךְ׃ ס

wayi̇şĕ̌la֣ẖ hamė֡lekĕ liqĕròʼ֩ ʼeţ־ʼàẖiyme֨lekĕ bėn־ʼàẖiyt֜ẇb hakò̇hé֗n wĕʼé֨ţ ká̇l־bé֥̇yţ ʼábi֛yw hakò̇hàni֖ym ʼàşě֣r bĕ̇nò֑b wayá̇bò֥ʼẇ kulá֖̇m ʼel־hamėֽlekĕ׃ s

12
וַיֹּ֣אמֶר שָׁא֔וּל שְֽׁמַֽע־נָ֖א בֶּן־אֲחִיט֑וּב וַיֹּ֖אמֶר הִנְנִ֥י אֲדֹנִֽי׃

wayò֣̇ʼmer şá̌ʼ֔ẇl şĕֽ̌maֽʻ־ná֖ʼ bėn־ʼàẖiyt֑ẇb wayò֖̇ʼmer hinĕni֥y ʼàdòniֽy׃

13
וַיֹּ֤אמֶר אֵלֹו שָׁא֔וּל לָ֚מָּה קְשַׁרְתֶּ֣ם עָלַ֔י אַתָּ֖ה וּבֶן־יִשָׁ֑י בְּתִתְּךָ֙ לֹ֜ו לֶ֣חֶם וְחֶ֗רֶב וְשָׁאֹ֥ול לֹו֙ בֵּֽאלֹהִ֔ים לָק֥וּם אֵלַ֛י לְאֹרֵ֖ב כַּיֹּ֥ום הַזֶּֽה׃ ס

wayò֤̇ʼmer ʼélòw şá̌ʼ֔ẇl lá֚má̇h qĕşǎrĕţė֣m ʻála֔y ʼaţá֖̇h ẇben־yişá֑̌y bĕ̇ţiţĕ̇ká֙ lò֜w le֣ẖem wĕẖe֗reb wĕşá̌ʼò֥wl lòw֙ béֽ̇ʼlòhi֔ym láq֥ẇm ʼéla֛y lĕʼòré֖b kȧyò֥̇wm hazėֽh׃ s

14
וַיַּ֧עַן אֲחִימֶ֛לֶךְ אֶת־הַמֶּ֖לֶךְ וַיֹּאמַ֑ר וּמִ֤י בְכָל־עֲבָדֶ֨יךָ֙ כְּדָוִ֣ד נֶאֱמָ֔ן וַחֲתַ֥ן הַמֶּ֛לֶךְ וְסָ֥ר אֶל־מִשְׁמַעְתֶּ֖ךָ וְנִכְבָּ֥ד בְּבֵיתֶֽךָ׃

wayȧ֧ʻan ʼàẖiyme֛lekĕ ʼeţ־hamė֖lekĕ wayò̇ʼma֑r ẇmi֤y bĕkál־ʻàbáde֨yká֙ kĕ̇dáwi֣d neʼèmá֔n waẖàţa֥n hamė֛lekĕ wĕsá֥r ʼel־mişĕ̌maʻĕţė֖ká wĕnikĕbá֥̇d bĕ̇béyţeֽká׃

15
הַיֹּ֧ום הַחִלֹּ֛תִי לְשָׁאוּל לֹ֥ו בֵאלֹהִ֖ים חָלִ֣ילָה לִּ֑י אַל־יָשֵׂם֩ הַמֶּ֨לֶךְ בְּעַבְדֹּ֤ו דָבָר֙ בְּכָל־בֵּ֣ית אָבִ֔י כִּ֠י לֹֽא־יָדַ֤ע עַבְדְּךָ֙ בְּכָל־זֹ֔את דָּבָ֥ר קָטֹ֖ן אֹ֥ו גָדֹֽול׃

hayò֧̇wm haẖilò֛̇ţiy lĕşá̌ʼẇl lò֥w béʼlòhi֖ym ẖáli֣yláh li֑̇y ʼal־yáşé̂m֩ hamė֨lekĕ bĕ̇ʻabĕdò֤̇w dábár֙ bĕ̇kál־bé֣̇yţ ʼábi֔y ki̇֠y lòֽʼ־yáda֤ʻ ʻabĕdĕ̇ká֙ bĕ̇kál־zò֔ʼţ dá̇bá֥r qátò֖n ʼò֥w gádòֽwl׃

16
וַיֹּ֣אמֶר הַמֶּ֔לֶךְ מֹ֥ות תָּמ֖וּת אֲחִימֶ֑לֶךְ אַתָּ֖ה וְכָל־בֵּ֥ית אָבִֽיךָ׃

wayò֣̇ʼmer hamė֔lekĕ mò֥wţ ţá̇m֖ẇţ ʼàẖiyme֑lekĕ ʼaţá֖̇h wĕkál־bé֥̇yţ ʼábiֽyká׃

17
וַיֹּ֣אמֶר הַמֶּ֡לֶךְ לָרָצִים֩ הַנִּצָּבִ֨ים עָלָ֜יו סֹ֥בּוּ וְהָמִ֣יתוּ׀ כֹּהֲנֵ֣י יְהוָ֗ה כִּ֤י גַם־יָדָם֙ עִם־דָּוִ֔ד וְכִ֤י יָֽדְעוּ֙ כִּֽי־בֹרֵ֣חַ ה֔וּא וְלֹ֥א גָל֖וּ אֶת־אָזְנֹו וְלֹֽא־אָב֞וּ עַבְדֵ֤י הַמֶּ֨לֶךְ֙ לִשְׁלֹ֣חַ אֶת־יָדָ֔ם לִפְגֹ֖עַ בְּכֹהֲנֵ֥י יְהוָֽה׃ ס

wayò֣̇ʼmer hamė֡lekĕ láráẕiym֩ hani̇ẕá̇bi֨ym ʻálá֜yw sò֥ḃẇ wĕhámi֣yţẇ׀ kò̇hàné֣y yĕhwá֗h ki֤̇y gam־yádám֙ ʻim־dá̇wi֔d wĕki֤y yáֽdĕʻẇ֙ kiֽ̇y־bòré֣ẖa h֔ẇʼ wĕlò֥ʼ gál֖ẇ ʼeţ־ʼázĕnòw wĕlòֽʼ־ʼáb֞ẇ ʻabĕdé֤y hamė֨lekĕ֙ lişĕ̌lò֣ẖa ʼeţ־yádá֔m lipĕgò֖ʻa bĕ̇kòhàné֥y yĕhwáֽh׃ s

18
וַיֹּ֤אמֶר הַמֶּ֨לֶךְ֙ לְדֹוֵיג סֹ֣ב אַתָּ֔ה וּפְגַ֖ע בַּכֹּהֲנִ֑ים וַיִּסֹּ֞ב דֹּוֵיג הָאֲדֹמִ֗י וַיִּפְגַּע־הוּא֙ בַּכֹּ֣הֲנִ֔ים וַיָּ֣מֶת׀ בַּיֹּ֣ום הַה֗וּא שְׁמֹנִ֤ים וַחֲמִשָּׁה֙ אִ֔ישׁ נֹשֵׂ֖א אֵפֹ֥וד בָּֽד׃

wayò֤̇ʼmer hamė֨lekĕ֙ lĕdòwéyg sò֣b ʼaţá̇֔h ẇpĕga֖ʻ bȧkò̇hàni֑ym wayi̇sò̇֞b dò̇wéyg háʼàdòmi֗y wayi̇pĕgȧʻ־hẇʼ֙ bȧkò֣̇hàni֔ym wayá֣̇meţ׀ bȧyò֣̇wm hah֗ẇʼ şĕ̌mòni֤ym waẖàmişá̇̌h֙ ʼi֔yş̌ nòşé֖̂ʼ ʼépò֥wd báֽ̇d׃

19
וְאֵ֨ת נֹ֤ב עִיר־הַכֹּֽהֲנִים֙ הִכָּ֣ה לְפִי־חֶ֔רֶב מֵאִישׁ֙ וְעַד־אִשָּׁ֔ה מֵעֹולֵ֖ל וְעַד־יֹונֵ֑ק וְשֹׁ֧ור וַחֲמֹ֛ור וָשֶׂ֖ה לְפִי־חָֽרֶב׃

wĕʼé֨ţ nò֤b ʻiyr־hakòֽ̇hàniym֙ hiká֣̇h lĕpiy־ẖe֔reb méʼiyş̌֙ wĕʻad־ʼişá̇̌֔h méʻòwlé֖l wĕʻad־yòwné֑q wĕşò֧̌wr waẖàmò֛wr wáşê֖h lĕpiy־ẖáֽreb׃

20
וַיִּמָּלֵ֣ט בֵּן־אֶחָ֗ד לַאֲחִימֶ֨לֶךְ֙ בֶּן־אֲחִט֔וּב וּשְׁמֹ֖ו אֶבְיָתָ֑ר וַיִּבְרַ֖ח אַחֲרֵ֥י דָוִֽד׃

wayi̇má̇lé֣t bé̇n־ʼeẖá֗d laʼàẖiyme֨lekĕ֙ bėn־ʼàẖit֔ẇb ẇşĕ̌mò֖w ʼebĕyáţá֑r wayi̇bĕra֖ẖ ʼaẖàré֥y dáwiֽd׃

21
וַיַּגֵּ֥ד אֶבְיָתָ֖ר לְדָוִ֑ד כִּ֚י הָרַ֣ג שָׁא֔וּל אֵ֖ת כֹּהֲנֵ֥י יְהוָֽה׃

wayȧgé֥̇d ʼebĕyáţá֖r lĕdáwi֑d ki֚̇y hára֣g şá̌ʼ֔ẇl ʼé֖ţ kò̇hàné֥y yĕhwáֽh׃

22
וַיֹּ֨אמֶר דָּוִ֜ד לְאֶבְיָתָ֗ר יָדַ֜עְתִּי בַּיֹּ֤ום הַהוּא֙ כִּֽי־שָׁם֙ דֹּוֵיג הָאֲדֹמִ֔י כִּֽי־הַגֵּ֥ד יַגִּ֖יד לְשָׁא֑וּל אָנֹכִ֣י סַבֹּ֔תִי בְּכָל־נֶ֖פֶשׁ בֵּ֥ית אָבִֽיךָ׃

wayò̇֨ʼmer dá̇wi֜d lĕʼebĕyáţá֗r yáda֜ʻĕţi̇y bȧyò֤̇wm hahẇʼ֙ kiֽ̇y־şá̌m֙ dò̇wéyg háʼàdòmi֔y kiֽ̇y־hagé֥̇d yagi֖̇yd lĕşá̌ʼ֑ẇl ʼánòki֣y sabò̇֔ţiy bĕ̇kál־ne֖peş̌ bé֥̇yţ ʼábiֽyká׃

23
שְׁבָ֤ה אִתִּי֙ אַל־תִּירָ֔א כִּ֛י אֲשֶׁר־יְבַקֵּ֥שׁ אֶת־נַפְשִׁ֖י יְבַקֵּ֣שׁ אֶת־נַפְשֶׁ֑ךָ כִּֽי־מִשְׁמֶ֥רֶת אַתָּ֖ה עִמָּדִֽי׃

şĕ̌bá֤h ʼiţi̇y֙ ʼal־ţi̇yrá֔ʼ ki֛̇y ʼàşěr־yĕbaqé֥̇ş̌ ʼeţ־napĕşǐ֖y yĕbaqé֣̇ş̌ ʼeţ־napĕşě֑ká kiֽ̇y־mişĕ̌me֥reţ ʼaţá֖̇h ʻimá̇diֽy׃