Bibles in ancient languages
Old translations
Modern translations

Biblia Hebraica Stuttgartiensia 2 Chronicles 33

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
בֶּן־שְׁתֵּ֥ים עֶשְׂרֵ֛ה שָׁנָ֖ה מְנַשֶּׁ֣ה בְמָלְכֹ֑ו וַחֲמִשִּׁ֤ים וְחָמֵשׁ֙ שָׁנָ֔ה מָלַ֖ךְ בִּירוּשָׁלִָֽם׃

bėn־şĕ̌ţé֥̇ym ʻeşĕ̂ré֛h şá̌ná֖h mĕnaşė֣̌h bĕmálĕkò֑w waẖàmişi֤̇̌ym wĕẖáméş̌֙ şá̌ná֔h mála֖kĕ bi̇yrẇşá̌láֽim׃

2
וַיַּ֥עַשׂ הָרַ֖ע בְּעֵינֵ֣י יְהוָ֑ה כְּתֹֽועֲבֹות֙ הַגֹּויִ֔ם אֲשֶׁר֙ הֹורִ֣ישׁ יְהוָ֔ה מִפְּנֵ֖י בְּנֵ֥י יִשְׂרָאֵֽל׃

wayȧ֥ʻaş̂ hára֖ʻ bĕ̇ʻéyné֣y yĕhwá֑h kĕ̇ţòֽwʻàbòwţ֙ hagò̇wyi֔m ʼàşěr֙ hòwri֣yş̌ yĕhwá֔h mipĕ̇né֖y bĕ̇né֥y yişĕ̂ráʼéֽl׃

3
וַיָּ֗שָׁב וַיִּ֨בֶן֙ אֶת־הַבָּמֹ֔ות אֲשֶׁ֥ר נִתַּ֖ץ יְחִזְקִיָּ֣הוּ אָבִ֑יו וַיָּ֨קֶם מִזְבְּחֹ֤ות לַבְּעָלִים֙ וַיַּ֣עַשׂ אֲשֵׁרֹ֔ות וַיִּשְׁתַּ֨חוּ֙ לְכָל־צְבָ֣א הַשָּׁמַ֔יִם וַֽיַּעֲבֹ֖ד אֹתָֽם׃

wayá̇֗şá̌b wayi̇֨ben֙ ʼeţ־habá̇mò֔wţ ʼàşě֥r niţȧ֖ẕ yĕẖizĕqiyá֣̇hẇ ʼábi֑yw wayá̇֨qem mizĕbĕ̇ẖò֤wţ labĕ̇ʻáliym֙ wayȧ֣ʻaş̂ ʼàşé̌rò֔wţ wayi̇şĕ̌ţȧ֨ẖẇ֙ lĕkál־ẕĕbá֣ʼ haşá̇̌ma֔yim waֽyȧʻàbò֖d ʼòţáֽm׃

4
וּבָנָ֥ה מִזְבְּחֹ֖ות בְּבֵ֣ית יְהוָ֑ה אֲשֶׁר֙ אָמַ֣ר יְהוָ֔ה בִּירוּשָׁלִַ֥ם יִֽהְיֶה־שְּׁמִ֖י לְעֹולָֽם׃

ẇbáná֥h mizĕbĕ̇ẖò֖wţ bĕ̇bé֣yţ yĕhwá֑h ʼàşěr֙ ʼáma֣r yĕhwá֔h bi̇yrẇşá̌lia֥m yiֽhĕyeh־şĕ̇̌mi֖y lĕʻòwláֽm׃

5
וַיִּ֥בֶן מִזְבְּחֹ֖ות לְכָל־צְבָ֣א הַשָּׁמָ֑יִם בִּשְׁתֵּ֖י חַצְרֹ֥ות בֵּית־יְהוָֽה׃

wayi֥̇ben mizĕbĕ̇ẖò֖wţ lĕkál־ẕĕbá֣ʼ haşá̇̌má֑yim bi̇şĕ̌ţé֖̇y ẖaẕĕrò֥wţ bé̇yţ־yĕhwáֽh׃

6
וְהוּא֩ הֶעֱבִ֨יר אֶת־בָּנָ֤יו בָּאֵשׁ֙ בְּגֵ֣י בֶן־הִנֹּ֔ם וְעֹונֵ֤ן וְנִחֵשׁ֙ וְֽכִשֵּׁ֔ף וְעָ֥שָׂה אֹ֖וב וְיִדְּעֹונִ֑י הִרְבָּ֗ה לַעֲשֹׂ֥ות הָרַ֛ע בְּעֵינֵ֥י יְהוָ֖ה לְהַכְעִיסֹֽו׃

wĕhẇʼ֩ heʻèbi֨yr ʼeţ־bá̇ná֤yw bá̇ʼéş̌֙ bĕ̇gé֣y ben־hinò̇֔m wĕʻòwné֤n wĕniẖéş̌֙ wĕֽkişé̇̌֔p wĕʻá֥şá̂h ʼò֖wb wĕyidĕ̇ʻòwni֑y hirĕbá̇֗h laʻàşò֥̂wţ hára֛ʻ bĕ̇ʻéyné֥y yĕhwá֖h lĕhakĕʻiysòֽw׃

7
וַיָּ֕שֶׂם אֶת־פֶּ֥סֶל הַסֶּ֖מֶל אֲשֶׁ֣ר עָשָׂ֑ה בְּבֵ֣ית הָאֱלֹהִ֗ים אֲשֶׁ֨ר אָמַ֤ר אֱלֹהִים֙ אֶל־דָּוִיד֙ וְאֶל־שְׁלֹמֹ֣ה בְנֹ֔ו בַּבַּ֨יִת הַזֶּ֜ה וּבִֽירוּשָׁלִַ֗ם אֲשֶׁ֤ר בָּחַ֨רְתִּי֙ מִכֹּל֙ שִׁבְטֵ֣י יִשְׂרָאֵ֔ל אָשִׂ֥ים אֶת־שְׁמִ֖י לְעֵילֹֽום׃

wayá̇֕şêm ʼeţ־pė֥sel hasė֖mel ʼàşě֣r ʻáşá֑̂h bĕ̇bé֣yţ háʼèlòhi֗ym ʼàşě֨r ʼáma֤r ʼèlòhiym֙ ʼel־dá̇wiyd֙ wĕʼel־şĕ̌lòmò֣h bĕnò֔w bȧbȧ֨yiţ hazė֜h ẇbiֽyrẇşá̌lia֗m ʼàşě֤r bá̇ẖa֨rĕţi̇y֙ mikò̇l֙ şǐbĕté֣y yişĕ̂ráʼé֔l ʼáşî֥ym ʼeţ־şĕ̌mi֖y lĕʻéylòֽwm׃

8
וְלֹ֣א אֹוסִ֗יף לְהָסִיר֙ אֶת־רֶ֣גֶל יִשְׂרָאֵ֔ל מֵעַל֙ הָֽאֲדָמָ֔ה אֲשֶׁ֥ר הֶֽעֱמַ֖דְתִּי לַאֲבֹֽתֵיכֶ֑ם רַ֣ק׀ אִם־יִשְׁמְר֣וּ לַעֲשֹׂ֗ות אֵ֚ת כָּל־אֲשֶׁ֣ר צִוִּיתִ֔ים לְכָל־הַתֹּורָ֛ה וְהַֽחֻקִּ֥ים וְהַמִּשְׁפָּטִ֖ים בְּיַד־מֹשֶֽׁה׃

wĕlò֣ʼ ʼòwsi֗yp lĕhásiyr֙ ʼeţ־re֣gel yişĕ̂ráʼé֔l méʻal֙ háֽʼàdámá֔h ʼàşě֥r heֽʻèma֖dĕţi̇y laʼàbòֽţéyke֑m ra֣q׀ ʼim־yişĕ̌mĕr֣ẇ laʻàşò̂֗wţ ʼé֚ţ ká̇l־ʼàşě֣r ẕiwi̇yţi֔ym lĕkál־haţò̇wrá֛h wĕhaֽẖuqi֥̇ym wĕhami̇şĕ̌pá̇ti֖ym bĕ̇yad־mòşěֽh׃

9
וַיֶּ֣תַע מְנַשֶּׁ֔ה אֶת־יְהוּדָ֖ה וְיֹשְׁבֵ֣י יְרוּשָׁלִָ֑ם לַעֲשֹׂ֣ות רָ֔ע מִן־הַ֨גֹּויִ֔ם אֲשֶׁר֙ הִשְׁמִ֣יד יְהוָ֔ה מִפְּנֵ֖י בְּנֵ֥י יִשְׂרָאֵֽל׃ פ

wayė֣ţaʻ mĕnaşė̌֔h ʼeţ־yĕhẇdá֖h wĕyòşĕ̌bé֣y yĕrẇşá̌liá֑m laʻàşò֣̂wţ rá֔ʻ min־ha֨gò̇wyi֔m ʼàşěr֙ hişĕ̌mi֣yd yĕhwá֔h mipĕ̇né֖y bĕ̇né֥y yişĕ̂ráʼéֽl׃ p

10
וַיְדַבֵּ֧ר יְהוָ֛ה אֶל־מְנַשֶּׁ֥ה וְאֶל־עַמֹּ֖ו וְלֹ֥א הִקְשִֽׁיבוּ׃

wayĕdabé֧̇r yĕhwá֛h ʼel־mĕnaşė֥̌h wĕʼel־ʻamò֖̇w wĕlò֥ʼ hiqĕşǐֽybẇ׃

11
וַיָּבֵ֨א יְהוָ֜ה עֲלֵיהֶ֗ם אֶת־שָׂרֵ֤י הַצָּבָא֙ אֲשֶׁר֙ לְמֶ֣לֶךְ אַשּׁ֔וּר וַיִּלְכְּד֥וּ אֶת־מְנַשֶּׁ֖ה בַּחֹחִ֑ים וַיַּֽאַסְרֻ֨הוּ֙ בַּֽנְחֻשְׁתַּ֔יִם וַיֹּולִיכֻ֖הוּ בָּבֶֽלָה׃

wayá̇bé֨ʼ yĕhwá֜h ʻàléyhe֗m ʼeţ־şá̂ré֤y haẕá̇báʼ֙ ʼàşěr֙ lĕme֣lekĕ ʼaş̇̌֔ẇr wayi̇lĕkĕ̇d֥ẇ ʼeţ־mĕnaşė֖̌h bȧẖòẖi֑ym wayȧֽʼasĕru֨hẇ֙ bȧֽnĕẖuşĕ̌ţȧ֔yim wayò̇wliyku֖hẇ bá̇beֽláh׃

12
וּכְהָצֵ֣ר לֹ֔ו חִלָּ֕ה אֶת־פְּנֵ֖י יְהוָ֣ה אֱלֹהָ֑יו וַיִּכָּנַ֣ע מְאֹ֔ד מִלִּפְנֵ֖י אֱלֹהֵ֥י אֲבֹתָֽיו׃

ẇkĕháẕé֣r lò֔w ẖilá̇֕h ʼeţ־pĕ̇né֖y yĕhwá֣h ʼèlòhá֑yw wayi̇ká̇na֣ʻ mĕʼò֔d mili̇pĕné֖y ʼèlòhé֥y ʼàbòţáֽyw׃

13
וַיִּתְפַּלֵּ֣ל אֵלָ֗יו וַיֵּעָ֤תֶר לֹו֙ וַיִּשְׁמַ֣ע תְּחִנָּתֹ֔ו וַיְשִׁיבֵ֥הוּ יְרוּשָׁלִַ֖ם לְמַלְכוּתֹ֑ו וַיֵּ֣דַע מְנַשֶּׁ֔ה כִּ֥י יְהוָ֖ה ה֥וּא הָֽאֱלֹהִֽים׃

wayi̇ţĕpȧlé֣̇l ʼélá֗yw wayé̇ʻá֤ţer lòw֙ wayi̇şĕ̌ma֣ʻ ţĕ̇ẖiná̇ţò֔w wayĕşǐybé֥hẇ yĕrẇşá̌lia֖m lĕmalĕkẇţò֑w wayé֣̇daʻ mĕnaşė̌֔h ki֥̇y yĕhwá֖h h֥ẇʼ háֽʼèlòhiֽym׃

14
וְאַחֲרֵי־כֵ֡ן בָּנָ֣ה חֹומָ֣ה חִֽיצֹונָ֣ה׀ לְעִיר־דָּוִ֡יד מַעְרָבָה֩ לְגִיחֹ֨ון בַּנַּ֜חַל וְלָבֹ֨וא בְשַׁ֤עַר הַדָּגִים֙ וְסָבַ֣ב לָעֹ֔פֶל וַיַּגְבִּיהֶ֖הָ מְאֹ֑ד וַיָּ֧שֶׂם שָֽׂרֵי־חַ֛יִל בְּכָל־הֶעָרִ֥ים הַבְּצֻרֹ֖ות בִּיהוּדָֽה׃

wĕʼaẖàréy־ké֡n bá̇ná֣h ẖòwmá֣h ẖiֽyẕòwná֣h׀ lĕʻiyr־dá̇wi֡yd maʻĕrábáh֩ lĕgiyẖò֨wn bȧnȧ֜ẖal wĕlábò֨wʼ bĕşǎ֤ʻar hadá̇giym֙ wĕsába֣b láʻò֔pel wayȧgĕbi̇yhe֖há mĕʼò֑d wayá֧̇şêm şáֽ̂réy־ẖa֛yil bĕ̇kál־heʻári֥ym habĕ̇ẕurò֖wţ bi̇yhẇdáֽh׃

15
וַ֠יָּסַר אֶת־אֱלֹהֵ֨י הַנֵּכָ֤ר וְאֶת־הַסֶּ֨מֶל֙ מִבֵּ֣ית יְהוָ֔ה וְכָל־הַֽמִּזְבְּחֹ֗ות אֲשֶׁ֥ר בָּנָ֛ה בְּהַ֥ר בֵּית־יְהוָ֖ה וּבִירוּשָׁלִָ֑ם וַיַּשְׁלֵ֖ךְ ח֥וּצָה לָעִֽיר׃

wa֠yá̇sar ʼeţ־ʼèlòhé֨y hané̇ká֤r wĕʼeţ־hasė֨mel֙ mibé֣̇yţ yĕhwá֔h wĕkál־haֽmi̇zĕbĕ̇ẖò֗wţ ʼàşě֥r bá̇ná֛h bĕ̇ha֥r bé̇yţ־yĕhwá֖h ẇbiyrẇşá̌liá֑m wayȧşĕ̌lé֖kĕ ẖ֥ẇẕáh láʻiֽyr׃

16
וַיָּכֶן אֶת־מִזְבַּ֣ח יְהוָ֔ה וַיִּזְבַּ֣ח עָלָ֔יו זִבְחֵ֥י שְׁלָמִ֖ים וְתֹודָ֑ה וַיֹּ֨אמֶר֙ לִֽיהוּדָ֔ה לַעֲבֹ֕וד אֶת־יְהוָ֖ה אֱלֹהֵ֥י יִשְׂרָאֵֽל׃

wayá̇ken ʼeţ־mizĕbȧ֣ẖ yĕhwá֔h wayi̇zĕbȧ֣ẖ ʻálá֔yw zibĕẖé֥y şĕ̌lámi֖ym wĕţòwdá֑h wayò̇֨ʼmer֙ liֽyhẇdá֔h laʻàbò֕wd ʼeţ־yĕhwá֖h ʼèlòhé֥y yişĕ̂ráʼéֽl׃

17
אֲבָל֙ עֹ֣וד הָעָ֔ם זֹבְחִ֖ים בַּבָּמֹ֑ות רַ֖ק לַיהוָ֥ה אֱלֹהֵיהֶֽם׃

ʼàbál֙ ʻò֣wd háʻá֔m zòbĕẖi֖ym bȧbá̇mò֑wţ ra֖q layhwá֥h ʼèlòhéyheֽm׃

18
וְיֶ֨תֶר דִּבְרֵ֣י מְנַשֶּׁה֮ וּתְפִלָּתֹ֣ו אֶל־אֱלֹהָיו֒ וְדִבְרֵי֙ הַֽחֹזִ֔ים הַֽמְדַבְּרִ֣ים אֵלָ֔יו בְּשֵׁ֥ם יְהוָ֖ה אֱלֹהֵ֣י יִשְׂרָאֵ֑ל הִנָּ֕ם עַל־דִּבְרֵ֖י מַלְכֵ֥י יִשְׂרָאֵֽל׃

wĕye֨ţer di̇bĕré֣y mĕnaşė̌h֮ ẇţĕpilá̇ţò֣w ʼel־ʼèlòháyw֒ wĕdibĕréy֙ haֽẖòzi֔ym haֽmĕdabĕ̇ri֣ym ʼélá֔yw bĕ̇şé֥̌m yĕhwá֖h ʼèlòhé֣y yişĕ̂ráʼé֑l hiná̇֕m ʻal־di̇bĕré֖y malĕké֥y yişĕ̂ráʼéֽl׃

19
וּתְפִלָּתֹ֣ו וְהֵֽעָתֶר־לֹו֮ וְכָל־חַטָּאתֹ֣ו וּמַעְלֹו֒ וְהַמְּקֹמֹ֗ות אֲשֶׁר֩ בָּנָ֨ה בָהֶ֤ם בָּמֹות֙ וְהֶעֱמִיד֙ הָאֲשֵׁרִ֣ים וְהַפְּסִלִ֔ים לִפְנֵ֖י הִכָּנְעֹ֑ו הִנָּ֣ם כְּתוּבִ֔ים עַ֖ל דִּבְרֵ֥י חֹוזָֽי׃

ẇţĕpilá̇ţò֣w wĕhéֽʻáţer־lòw֮ wĕkál־ẖatá̇ʼţò֣w ẇmaʻĕlòw֒ wĕhamĕ̇qòmò֗wţ ʼàşěr֩ bá̇ná֨h báhe֤m bá̇mòwţ֙ wĕheʻèmiyd֙ háʼàşé̌ri֣ym wĕhapĕ̇sili֔ym lipĕné֖y hiká̇nĕʻò֑w hiná֣̇m kĕ̇ţẇbi֔ym ʻa֖l di̇bĕré֥y ẖòwzáֽy׃

20
וַיִּשְׁכַּ֤ב מְנַשֶּׁה֙ עִם־אֲבֹתָ֔יו וַֽיִּקְבְּרֻ֖הוּ בֵּיתֹ֑ו וַיִּמְלֹ֛ךְ אָמֹ֥ון בְּנֹ֖ו תַּחְתָּֽיו׃ פ

wayi̇şĕ̌kȧ֤b mĕnaşė̌h֙ ʻim־ʼàbòţá֔yw waֽyi̇qĕbĕ̇ru֖hẇ bé̇yţò֑w wayi̇mĕlò֛kĕ ʼámò֥wn bĕ̇nò֖w ţȧẖĕţáֽ̇yw׃ p

21
בֶּן־עֶשְׂרִ֧ים וּשְׁתַּ֛יִם שָׁנָ֖ה אָמֹ֣ון בְּמָלְכֹ֑ו וּשְׁתַּ֣יִם שָׁנִ֔ים מָלַ֖ךְ בִּֽירוּשָׁלִָֽם׃

bėn־ʻeşĕ̂ri֧ym ẇşĕ̌ţȧ֛yim şá̌ná֖h ʼámò֣wn bĕ̇málĕkò֑w ẇşĕ̌ţȧ֣yim şá̌ni֔ym mála֖kĕ biֽ̇yrẇşá̌láֽim׃

22
וַיַּ֤עַשׂ הָרַע֙ בְּעֵינֵ֣י יְהוָ֔ה כַּאֲשֶׁ֥ר עָשָׂ֖ה מְנַשֶּׁ֣ה אָבִ֑יו וּֽלְכָל־הַפְּסִילִ֗ים אֲשֶׁ֤ר עָשָׂה֙ מְנַשֶּׁ֣ה אָבִ֔יו זִבַּ֥ח אָמֹ֖ון וַיַּֽעַבְדֵֽם׃

wayȧ֤ʻaş̂ háraʻ֙ bĕ̇ʻéyné֣y yĕhwá֔h kȧʼàşě֥r ʻáşá֖̂h mĕnaşė֣̌h ʼábi֑yw ẇֽlĕkál־hapĕ̇siyli֗ym ʼàşě֤r ʻáşá̂h֙ mĕnaşė֣̌h ʼábi֔yw zibȧ֥ẖ ʼámò֖wn wayȧֽʻabĕdéֽm׃

23
וְלֹ֤א נִכְנַע֙ מִלִּפְנֵ֣י יְהוָ֔ה כְּהִכָּנַ֖ע מְנַשֶּׁ֣ה אָבִ֑יו כִּ֛י ה֥וּא אָמֹ֖ון הִרְבָּ֥ה אַשְׁמָֽה׃

wĕlò֤ʼ nikĕnaʻ֙ mili̇pĕné֣y yĕhwá֔h kĕ̇hiká̇na֖ʻ mĕnaşė֣̌h ʼábi֑yw ki֛̇y h֥ẇʼ ʼámò֖wn hirĕbá֥̇h ʼaşĕ̌máֽh׃

24
וַיִּקְשְׁר֤וּ עָלָיו֙ עֲבָדָ֔יו וַיְמִיתֻ֖הוּ בְּבֵיתֹֽו׃

wayi̇qĕşĕ̌r֤ẇ ʻáláyw֙ ʻàbádá֔yw wayĕmiyţu֖hẇ bĕ̇béyţòֽw׃

25
וַיַּכּוּ֙ עַם־הָאָ֔רֶץ אֵ֥ת כָּל־הַקֹּֽשְׁרִ֖ים עַל־הַמֶּ֣לֶךְ אָמֹ֑ון וַיַּמְלִ֧יכוּ עַם־הָאָ֛רֶץ אֶת־יֹאשִׁיָּ֥הוּ בְנֹ֖ו תַּחְתָּֽיו׃ פ

wayȧk̇ẇ֙ ʻam־háʼá֔reẕ ʼé֥ţ ká̇l־haqòֽ̇şĕ̌ri֖ym ʻal־hamė֣lekĕ ʼámò֑wn wayȧmĕli֧ykẇ ʻam־háʼá֛reẕ ʼeţ־yòʼşǐyá֥̇hẇ bĕnò֖w ţȧẖĕţáֽ̇yw׃ p