Bibles in ancient languages
Old translations
Modern translations

Biblia Hebraica Stuttgartiensia 2 Kings 2

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיְהִ֗י בְּהַעֲלֹ֤ות יְהוָה֙ אֶת־אֵ֣לִיָּ֔הוּ בַּֽסְעָרָ֖ה הַשָּׁמָ֑יִם וַיֵּ֧לֶךְ אֵלִיָּ֛הוּ וֶאֱלִישָׁ֖ע מִן־הַגִּלְגָּֽל׃

wayĕhi֗y bĕ̇haʻàlò֤wţ yĕhwáh֙ ʼeţ־ʼé֣liyá̇֔hẇ bȧֽsĕʻárá֖h haşá̇̌má֑yim wayé֧̇lekĕ ʼéliyá֛̇hẇ weʼèliyşá֖̌ʻ min־hagi̇lĕgáֽ̇l׃

2
וַיֹּאמֶר֩ אֵלִיָּ֨הוּ אֶל־אֱלִישָׁ֜ע שֵֽׁב־נָ֣א פֹ֗ה כִּ֤י יְהוָה֙ שְׁלָחַ֣נִי עַד־בֵּֽית־אֵ֔ל וַיֹּ֣אמֶר אֱלִישָׁ֔ע חַי־יְהוָ֥ה וְחֵֽי־נַפְשְׁךָ֖ אִם־אֶעֶזְבֶ֑ךָּ וַיֵּרְד֖וּ בֵּֽית־אֵֽל׃

wayò̇ʼmer֩ ʼéliyá̇֨hẇ ʼel־ʼèliyşá̌֜ʻ şéֽ̌b־ná֣ʼ pò֗h ki֤̇y yĕhwáh֙ şĕ̌láẖa֣niy ʻad־béֽ̇yţ־ʼé֔l wayò֣̇ʼmer ʼèliyşá̌֔ʻ ẖay־yĕhwá֥h wĕẖéֽy־napĕşĕ̌ká֖ ʼim־ʼeʻezĕbe֑ká̇ wayé̇rĕd֖ẇ béֽ̇yţ־ʼéֽl׃

3
וַיֵּצְא֨וּ בְנֵֽי־הַנְּבִיאִ֥ים אֲשֶׁר־בֵּֽית־אֵל֮ אֶל־אֱלִישָׁע֒ וַיֹּאמְר֣וּ אֵלָ֔יו הֲיָדַ֕עְתָּ כִּ֣י הַיֹּ֗ום יְהוָ֛ה לֹקֵ֥חַ אֶת־אֲדֹנֶ֖יךָ מֵעַ֣ל רֹאשֶׁ֑ךָ וַיֹּ֛אמֶר גַּם־אֲנִ֥י יָדַ֖עְתִּי הֶחֱשֽׁוּ׃

wayé̇ẕĕʼ֨ẇ bĕnéֽy־hanĕ̇biyʼi֥ym ʼàşěr־béֽ̇yţ־ʼél֮ ʼel־ʼèliyşá̌ʻ֒ wayò̇ʼmĕr֣ẇ ʼélá֔yw hàyáda֕ʻĕţá̇ ki֣̇y hayò̇֗wm yĕhwá֛h lòqé֥ẖa ʼeţ־ʼàdòne֖yká méʻa֣l ròʼşě֑ká wayò֛̇ʼmer gȧm־ʼàni֥y yáda֖ʻĕţi̇y heẖèşֽ̌ẇ׃

4
וַיֹּאמֶר֩ לֹ֨ו אֵלִיָּ֜הוּ אֱלִישָׁ֣ע׀ שֵֽׁב־נָ֣א פֹ֗ה כִּ֤י יְהוָה֙ שְׁלָחַ֣נִי יְרִיחֹ֔ו וַיֹּ֕אמֶר חַי־יְהוָ֥ה וְחֵֽי־נַפְשְׁךָ֖ אִם־אֶעֶזְבֶ֑ךָּ וַיָּבֹ֖אוּ יְרִיחֹֽו׃

wayò̇ʼmer֩ lò֨w ʼéliyá̇֜hẇ ʼèliyşá֣̌ʻ׀ şéֽ̌b־ná֣ʼ pò֗h ki֤̇y yĕhwáh֙ şĕ̌láẖa֣niy yĕriyẖò֔w wayò̇֕ʼmer ẖay־yĕhwá֥h wĕẖéֽy־napĕşĕ̌ká֖ ʼim־ʼeʻezĕbe֑ká̇ wayá̇bò֖ʼẇ yĕriyẖòֽw׃

5
וַיִּגְּשׁ֨וּ בְנֵֽי־הַנְּבִיאִ֥ים אֲשֶׁר־בִּֽירִיחֹו֮ אֶל־אֱלִישָׁע֒ וַיֹּאמְר֣וּ אֵלָ֔יו הֲיָדַ֕עְתָּ כִּ֣י הַיֹּ֗ום יְהוָ֛ה לֹקֵ֥חַ אֶת־אֲדֹנֶ֖יךָ מֵעַ֣ל רֹאשֶׁ֑ךָ וַיֹּ֛אמֶר גַּם־אֲנִ֥י יָדַ֖עְתִּי הֶחֱשֽׁוּ׃

wayi̇gĕ̇ş̌֨ẇ bĕnéֽy־hanĕ̇biyʼi֥ym ʼàşěr־biֽ̇yriyẖòw֮ ʼel־ʼèliyşá̌ʻ֒ wayò̇ʼmĕr֣ẇ ʼélá֔yw hàyáda֕ʻĕţá̇ ki֣̇y hayò̇֗wm yĕhwá֛h lòqé֥ẖa ʼeţ־ʼàdòne֖yká méʻa֣l ròʼşě֑ká wayò֛̇ʼmer gȧm־ʼàni֥y yáda֖ʻĕţi̇y heẖèşֽ̌ẇ׃

6
וַיֹּאמֶר֩ לֹ֨ו אֵלִיָּ֜הוּ שֵֽׁב־נָ֣א פֹ֗ה כִּ֤י יְהוָה֙ שְׁלָחַ֣נִי הַיַּרְדֵּ֔נָה וַיֹּ֕אמֶר חַי־יְהוָ֥ה וְחֵֽי־נַפְשְׁךָ֖ אִם־אֶעֶזְבֶ֑ךָּ וַיֵּלְכ֖וּ שְׁנֵיהֶֽם׃

wayò̇ʼmer֩ lò֨w ʼéliyá̇֜hẇ şéֽ̌b־ná֣ʼ pò֗h ki֤̇y yĕhwáh֙ şĕ̌láẖa֣niy hayȧrĕdé̇֔náh wayò̇֕ʼmer ẖay־yĕhwá֥h wĕẖéֽy־napĕşĕ̌ká֖ ʼim־ʼeʻezĕbe֑ká̇ wayé̇lĕk֖ẇ şĕ̌néyheֽm׃

7
וַחֲמִשִּׁ֨ים אִ֜ישׁ מִבְּנֵ֤י הַנְּבִיאִים֙ הָֽלְכ֔וּ וַיַּעַמְד֥וּ מִנֶּ֖גֶד מֵרָחֹ֑וק וּשְׁנֵיהֶ֖ם עָמְד֥וּ עַל־הַיַּרְדֵּֽן׃

waẖàmişi̇̌֨ym ʼi֜yş̌ mibĕ̇né֤y hanĕ̇biyʼiym֙ háֽlĕk֔ẇ wayȧʻamĕd֥ẇ minė֖ged méráẖò֑wq ẇşĕ̌néyhe֖m ʻámĕd֥ẇ ʻal־hayȧrĕdéֽ̇n׃

8
וַיִּקַּח֩ אֵלִיָּ֨הוּ אֶת־אַדַּרְתֹּ֤ו וַיִּגְלֹם֙ וַיַּכֶּ֣ה אֶת־הַמַּ֔יִם וַיֵּחָצ֖וּ הֵ֣נָּה וָהֵ֑נָּה וַיַּעַבְר֥וּ שְׁנֵיהֶ֖ם בֶּחָרָבָֽה׃

wayi̇qȧẖ֩ ʼéliyá̇֨hẇ ʼeţ־ʼadȧrĕţò֤̇w wayi̇gĕlòm֙ wayȧkė֣h ʼeţ־hamȧ֔yim wayé̇ẖáẕ֖ẇ hé֣ná̇h wáhé֑ná̇h wayȧʻabĕr֥ẇ şĕ̌néyhe֖m bėẖárábáֽh׃

9
וַיְהִ֣י כְעָבְרָ֗ם וְאֵ֨לִיָּ֜הוּ אָמַ֤ר אֶל־אֱלִישָׁע֙ שְׁאַל֙ מָ֣ה אֶֽעֱשֶׂה־לָּ֔ךְ בְּטֶ֖רֶם אֶלָּקַ֣ח מֵעִמָּ֑ךְ וַיֹּ֣אמֶר אֱלִישָׁ֔ע וִֽיהִי־נָ֛א פִּֽי־שְׁנַ֥יִם בְּרוּחֲךָ֖ אֵלָֽי׃

wayĕhi֣y kĕʻábĕrá֗m wĕʼé֨liyá̇֜hẇ ʼáma֤r ʼel־ʼèliyşá̌ʻ֙ şĕ̌ʼal֙ má֣h ʼeֽʻèşêh־lá̇֔kĕ bĕ̇te֖rem ʼelá̇qa֣ẖ méʻimá֑̇kĕ wayò֣̇ʼmer ʼèliyşá̌֔ʻ wiֽyhiy־ná֛ʼ piֽ̇y־şĕ̌na֥yim bĕ̇rẇẖàká֖ ʼéláֽy׃

10
וַיֹּ֖אמֶר הִקְשִׁ֣יתָ לִשְׁאֹ֑ול אִם־תִּרְאֶ֨ה אֹתִ֜י לֻקָּ֤ח מֵֽאִתָּךְ֙ יְהִֽי־לְךָ֣ כֵ֔ן וְאִם־אַ֖יִן לֹ֥א יִהְיֶֽה׃

wayò֖̇ʼmer hiqĕşǐ֣yţá lişĕ̌ʼò֑wl ʼim־ţi̇rĕʼe֨h ʼòţi֜y luqá֤̇ẖ méֽʼiţá̇kĕ֙ yĕhiֽy־lĕká֣ ké֔n wĕʼim־ʼa֖yin lò֥ʼ yihĕyeֽh׃

11
וַיְהִ֗י הֵ֣מָּה הֹלְכִ֤ים הָלֹוךְ֙ וְדַבֵּ֔ר וְהִנֵּ֤ה רֶֽכֶב־אֵשׁ֙ וְס֣וּסֵי אֵ֔שׁ וַיַּפְרִ֖דוּ בֵּ֣ין שְׁנֵיהֶ֑ם וַיַּ֨עַל֙ אֵ֣לִיָּ֔הוּ בַּֽסְּעָרָ֖ה הַשָּׁמָֽיִם׃

wayĕhi֗y hé֣má̇h hòlĕki֤ym hálòwkĕ֙ wĕdabé̇֔r wĕhiné֤̇h reֽkeb־ʼéş̌֙ wĕs֣ẇséy ʼé֔ş̌ wayȧpĕri֖dẇ bé֣̇yn şĕ̌néyhe֑m wayȧ֨ʻal֙ ʼé֣liyá̇֔hẇ bȧֽsĕ̇ʻárá֖h haşá̇̌máֽyim׃

12
וֶאֱלִישָׁ֣ע רֹאֶ֗ה וְה֤וּא מְצַעֵק֙ אָבִ֣י׀ אָבִ֗י רֶ֤כֶב יִשְׂרָאֵל֙ וּפָ֣רָשָׁ֔יו וְלֹ֥א רָאָ֖הוּ עֹ֑וד וַֽיַּחֲזֵק֙ בִּבְגָדָ֔יו וַיִּקְרָעֵ֖ם לִשְׁנַ֥יִם קְרָעִֽים׃

weʼèliyşá֣̌ʻ ròʼe֗h wĕh֤ẇʼ mĕẕaʻéq֙ ʼábi֣y׀ ʼábi֗y re֤keb yişĕ̂ráʼél֙ ẇpá֣ráşá̌֔yw wĕlò֥ʼ ráʼá֖hẇ ʻò֑wd waֽyȧẖàzéq֙ bi̇bĕgádá֔yw wayi̇qĕráʻé֖m lişĕ̌na֥yim qĕráʻiֽym׃

13
וַיָּ֨רֶם֙ אֶת־אַדֶּ֣רֶת אֵלִיָּ֔הוּ אֲשֶׁ֥ר נָפְלָ֖ה מֵעָלָ֑יו וַיָּ֥שָׁב וַֽיַּעֲמֹ֖ד עַל־שְׂפַ֥ת הַיַּרְדֵּֽן׃

wayá̇֨rem֙ ʼeţ־ʼadė֣reţ ʼéliyá̇֔hẇ ʼàşě֥r nápĕlá֖h méʻálá֑yw wayá֥̇şá̌b waֽyȧʻàmò֖d ʻal־şĕ̂pa֥ţ hayȧrĕdéֽ̇n׃

14
וַיִּקַּח֩ אֶת־אַדֶּ֨רֶת אֵלִיָּ֜הוּ אֲשֶׁר־נָפְלָ֤ה מֵֽעָלָיו֙ וַיַּכֶּ֣ה אֶת־הַמַּ֔יִם וַיֹּאמַ֕ר אַיֵּ֕ה יְהוָ֖ה אֱלֹהֵ֣י אֵלִיָּ֑הוּ אַף־ה֣וּא׀ וַיַּכֶּ֣ה אֶת־הַמַּ֗יִם וַיֵּֽחָצוּ֙ הֵ֣נָּה וָהֵ֔נָּה וַֽיַּעֲבֹ֖ר אֱלִישָֽׁע׃

wayi̇qȧẖ֩ ʼeţ־ʼadė֨reţ ʼéliyá̇֜hẇ ʼàşěr־nápĕlá֤h méֽʻáláyw֙ wayȧkė֣h ʼeţ־hamȧ֔yim wayò̇ʼma֕r ʼayé̇֕h yĕhwá֖h ʼèlòhé֣y ʼéliyá֑̇hẇ ʼap־h֣ẇʼ׀ wayȧkė֣h ʼeţ־hamȧ֗yim wayéֽ̇ẖáẕẇ֙ hé֣ná̇h wáhé֔ná̇h waֽyȧʻàbò֖r ʼèliyşáֽ̌ʻ׃

15
וַיִּרְאֻ֨הוּ בְנֵֽי־הַנְּבִיאִ֤ים אֲשֶׁר־בִּֽירִיחֹו֙ מִנֶּ֔גֶד וַיֹּ֣אמְר֔וּ נָ֛חָה ר֥וּחַ אֵלִיָּ֖הוּ עַל־אֱלִישָׁ֑ע וַיָּבֹ֨אוּ֙ לִקְרָאתֹ֔ו וַיִּשְׁתַּחֲווּ־לֹ֖ו אָֽרְצָה׃

wayi̇rĕʼu֨hẇ bĕnéֽy־hanĕ̇biyʼi֤ym ʼàşěr־biֽ̇yriyẖòw֙ minė֔ged wayò֣̇ʼmĕr֔ẇ ná֛ẖáh r֥ẇẖa ʼéliyá֖̇hẇ ʻal־ʼèliyşá֑̌ʻ wayá̇bò֨ʼẇ֙ liqĕráʼţò֔w wayi̇şĕ̌ţȧẖàwẇ־lò֖w ʼáֽrĕẕáh׃

16
וַיֹּאמְר֣וּ אֵלָ֡יו הִנֵּה־נָ֣א יֵֽשׁ־אֶת־עֲבָדֶיךָ֩ חֲמִשִּׁ֨ים אֲנָשִׁ֜ים בְּנֵֽי־חַ֗יִל יֵ֣לְכוּ נָא֮ וִיבַקְשׁ֣וּ אֶת־אֲדֹנֶיךָ֒ פֶּן־נְשָׂאֹו֙ ר֣וּחַ יְהוָ֔ה וַיַּשְׁלִכֵ֨הוּ֙ בְּאַחַ֣ד הֶהָרִ֔ים אֹ֖ו בְּאַחַ֣ת הַגְּיָאֹות וַיֹּ֖אמֶר לֹ֥א תִשְׁלָֽחוּ׃

wayò̇ʼmĕr֣ẇ ʼélá֡yw hiné̇h־ná֣ʼ yéֽş̌־ʼeţ־ʻàbádeyká֩ ẖàmişi̇̌֨ym ʼànáşǐ֜ym bĕ̇néֽy־ẖa֗yil yé֣lĕkẇ náʼ֮ wiybaqĕş֣̌ẇ ʼeţ־ʼàdòneyká֒ pėn־nĕşá̂ʼòw֙ r֣ẇẖa yĕhwá֔h wayȧşĕ̌liké֨hẇ֙ bĕ̇ʼaẖa֣d hehári֔ym ʼò֖w bĕ̇ʼaẖa֣ţ hagĕ̇yáʼòwţ wayò֖̇ʼmer lò֥ʼ ţişĕ̌láֽẖẇ׃

17
וַיִּפְצְרוּ־בֹ֥ו עַד־בֹּ֖שׁ וַיֹּ֣אמֶר שְׁלָ֑חוּ וַֽיִּשְׁלְחוּ֙ חֲמִשִּׁ֣ים אִ֔ישׁ וַיְבַקְשׁ֥וּ שְׁלֹשָֽׁה־יָמִ֖ים וְלֹ֥א מְצָאֻֽהוּ׃

wayi̇pĕẕĕrẇ־bò֥w ʻad־bò֖̇ş̌ wayò֣̇ʼmer şĕ̌lá֑ẖẇ waֽyi̇şĕ̌lĕẖẇ֙ ẖàmişi֣̇̌ym ʼi֔yş̌ wayĕbaqĕş֥̌ẇ şĕ̌lòşáֽ̌h־yámi֖ym wĕlò֥ʼ mĕẕáʼuֽhẇ׃

18
וַיָּשֻׁ֣בוּ אֵלָ֔יו וְה֖וּא יֹשֵׁ֣ב בִּירִיחֹ֑ו וַיֹּ֣אמֶר אֲלֵהֶ֔ם הֲלֹֽוא־אָמַ֥רְתִּי אֲלֵיכֶ֖ם אַל־תֵּלֵֽכוּ׃

wayá̇şǔ֣bẇ ʼélá֔yw wĕh֖ẇʼ yòşé֣̌b bi̇yriyẖò֑w wayò֣̇ʼmer ʼàléhe֔m hàlòֽwʼ־ʼáma֥rĕţi̇y ʼàléyke֖m ʼal־ţé̇léֽkẇ׃

19
וַיֹּ֨אמְר֜וּ אַנְשֵׁ֤י הָעִיר֙ אֶל־אֱלִישָׁ֔ע הִנֵּה־נָ֞א מֹושַׁ֤ב הָעִיר֙ טֹ֔וב כַּאֲשֶׁ֥ר אֲדֹנִ֖י רֹאֶ֑ה וְהַמַּ֥יִם רָעִ֖ים וְהָאָ֥רֶץ מְשַׁכָּֽלֶת׃

wayò̇֨ʼmĕr֜ẇ ʼanĕşé֤̌y háʻiyr֙ ʼel־ʼèliyşá̌֔ʻ hiné̇h־ná֞ʼ mòwşǎ֤b háʻiyr֙ tò֔wb kȧʼàşě֥r ʼàdòni֖y ròʼe֑h wĕhamȧ֥yim ráʻi֖ym wĕháʼá֥reẕ mĕşǎkáֽ̇leţ׃

20
וַיֹּ֗אמֶר קְחוּ־לִי֙ צְלֹחִ֣ית חֲדָשָׁ֔ה וְשִׂ֥ימוּ שָׁ֖ם מֶ֑לַח וַיִּקְח֖וּ אֵלָֽיו׃

wayò̇֗ʼmer qĕẖẇ־liy֙ ẕĕlòẖi֣yţ ẖàdáşá̌֔h wĕşî֥ymẇ şá֖̌m me֑laẖ wayi̇qĕẖ֖ẇ ʼéláֽyw׃

21
וַיֵּצֵא֙ אֶל־מֹוצָ֣א הַמַּ֔יִם וַיַּשְׁלֶךְ־שָׁ֖ם מֶ֑לַח וַיֹּ֜אמֶר כֹּֽה־אָמַ֣ר יְהוָ֗ה רִפִּ֨אתִי֙ לַמַּ֣יִם הָאֵ֔לֶּה לֹֽא־יִהְיֶ֥ה מִשָּׁ֛ם עֹ֖וד מָ֥וֶת וּמְשַׁכָּֽלֶת׃

wayé̇ẕéʼ֙ ʼel־mòwẕá֣ʼ hamȧ֔yim wayȧşĕ̌lekĕ־şá֖̌m me֑laẖ wayò̇֜ʼmer kòֽ̇h־ʼáma֣r yĕhwá֗h ripi̇֨ʼţiy֙ lamȧ֣yim háʼé֔lėh lòֽʼ־yihĕye֥h mişá֛̇̌m ʻò֖wd má֥weţ ẇmĕşǎkáֽ̇leţ׃

22
וַיֵּרָפ֣וּ הַמַּ֔יִם עַ֖ד הַיֹּ֣ום הַזֶּ֑ה כִּדְבַ֥ר אֱלִישָׁ֖ע אֲשֶׁ֥ר דִּבֵּֽר׃ פ

wayé̇ráp֣ẇ hamȧ֔yim ʻa֖d hayò֣̇wm hazė֑h ki̇dĕba֥r ʼèliyşá֖̌ʻ ʼàşě֥r di̇béֽ̇r׃ p

23
וַיַּ֥עַל מִשָּׁ֖ם בֵּֽית־אֵ֑ל וְה֣וּא׀ עֹלֶ֣ה בַדֶּ֗רֶךְ וּנְעָרִ֤ים קְטַנִּים֙ יָצְא֣וּ מִן־הָעִ֔יר וַיִּתְקַלְּסוּ־בֹו֙ וַיֹּ֣אמְרוּ לֹ֔ו עֲלֵ֥ה קֵרֵ֖חַ עֲלֵ֥ה קֵרֵֽחַ׃

wayȧ֥ʻal mişá֖̇̌m béֽ̇yţ־ʼé֑l wĕh֣ẇʼ׀ ʻòle֣h badė֗rekĕ ẇnĕʻári֤ym qĕtani̇ym֙ yáẕĕʼ֣ẇ min־háʻi֔yr wayi̇ţĕqalĕ̇sẇ־bòw֙ wayò֣̇ʼmĕrẇ lò֔w ʻàlé֥h qéré֖ẖa ʻàlé֥h qéréֽẖa׃

24
וַיִּ֤פֶן אַֽחֲרָיו֙ וַיִּרְאֵ֔ם וַֽיְקַלְלֵ֖ם בְּשֵׁ֣ם יְהוָ֑ה וַתֵּצֶ֨אנָה שְׁתַּ֤יִם דֻּבִּים֙ מִן־הַיַּ֔עַר וַתְּבַקַּ֣עְנָה מֵהֶ֔ם אַרְבָּעִ֥ים וּשְׁנֵ֖י יְלָדִֽים׃

wayi֤̇pen ʼaֽẖàráyw֙ wayi̇rĕʼé֔m waֽyĕqalĕlé֖m bĕ̇şé֣̌m yĕhwá֑h waţé̇ẕe֨ʼnáh şĕ̌ţȧ֤yim du̇bi̇ym֙ min־hayȧ֔ʻar waţĕ̇baqȧ֣ʻĕnáh méhe֔m ʼarĕbá̇ʻi֥ym ẇşĕ̌né֖y yĕládiֽym׃

25
וַיֵּ֥לֶךְ מִשָּׁ֖ם אֶל־הַ֣ר הַכַּרְמֶ֑ל וּמִשָּׁ֖ם שָׁ֥ב שֹׁמְרֹֽון׃ פ

wayé֥̇lekĕ mişá֖̇̌m ʼel־ha֣r hakȧrĕme֑l ẇmişá֖̇̌m şá֥̌b şò̌mĕròֽwn׃ p