Bibles in ancient languages
Old translations
Modern translations

Biblia Hebraica Stuttgartiensia 2 Samuel 15

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַֽיְהִי֙ מֵאַ֣חֲרֵי כֵ֔ן וַיַּ֤עַשׂ לֹו֙ אַבְשָׁלֹ֔ום מֶרְכָּבָ֖ה וְסֻסִ֑ים וַחֲמִשִּׁ֥ים אִ֖ישׁ רָצִ֥ים לְפָנָֽיו׃

waֽyĕhiy֙ méʼa֣ẖàréy ké֔n wayȧ֤ʻaş̂ lòw֙ ʼabĕşá̌lò֔wm merĕká̇bá֖h wĕsusi֑ym waẖàmişi֥̇̌ym ʼi֖yş̌ ráẕi֥ym lĕpánáֽyw׃

2
וְהִשְׁכִּים֙ אַבְשָׁלֹ֔ום וְעָמַ֕ד עַל־יַ֖ד דֶּ֣רֶךְ הַשָּׁ֑עַר וַיְהִ֡י כָּל־הָאִ֣ישׁ אֲשֶֽׁר־יִהְיֶה־לֹּו־רִיב֩ לָבֹ֨וא אֶל־הַמֶּ֜לֶךְ לַמִּשְׁפָּ֗ט וַיִּקְרָ֨א אַבְשָׁלֹ֤ום אֵלָיו֙ וַיֹּ֗אמֶר אֵֽי־מִזֶּ֥ה עִיר֙ אַ֔תָּה וַיֹּ֕אמֶר מֵאַחַ֥ד שִׁבְטֵֽי־יִשְׂרָאֵ֖ל עַבְדֶּֽךָ׃

wĕhişĕ̌ki̇ym֙ ʼabĕşá̌lò֔wm wĕʻáma֕d ʻal־ya֖d dė֣rekĕ haşá֑̇̌ʻar wayĕhi֡y ká̇l־háʼi֣yş̌ ʼàşěֽr־yihĕyeh־lò̇w־riyb֩ lábò֨wʼ ʼel־hamė֜lekĕ lami̇şĕ̌pá̇֗t wayi̇qĕrá֨ʼ ʼabĕşá̌lò֤wm ʼéláyw֙ wayò̇֗ʼmer ʼéֽy־mizė֥h ʻiyr֙ ʼa֔ţá̇h wayò̇֕ʼmer méʼaẖa֥d şǐbĕtéֽy־yişĕ̂ráʼé֖l ʻabĕdėֽká׃

3
וַיֹּ֤אמֶר אֵלָיו֙ אַבְשָׁלֹ֔ום רְאֵ֥ה דְבָרֶ֖ךָ טֹובִ֣ים וּנְכֹחִ֑ים וְשֹׁמֵ֥עַ אֵין־לְךָ֖ מֵאֵ֥ת הַמֶּֽלֶךְ׃

wayò֤̇ʼmer ʼéláyw֙ ʼabĕşá̌lò֔wm rĕʼé֥h dĕbáre֖ká tòwbi֣ym ẇnĕkòẖi֑ym wĕşò̌mé֥ʻa ʼéyn־lĕká֖ méʼé֥ţ hamėֽlekĕ׃

4
וַיֹּ֨אמֶר֙ אַבְשָׁלֹ֔ום מִי־יְשִׂמֵ֥נִי שֹׁפֵ֖ט בָּאָ֑רֶץ וְעָלַ֗י יָבֹ֥וא כָּל־אִ֛ישׁ אֲשֶֽׁר־יִהְיֶה־לֹּו־רִ֥יב וּמִשְׁפָּ֖ט וְהִצְדַּקְתִּֽיו׃

wayò̇֨ʼmer֙ ʼabĕşá̌lò֔wm miy־yĕşîmé֥niy şò̌pé֖t bá̇ʼá֑reẕ wĕʻála֗y yábò֥wʼ ká̇l־ʼi֛yş̌ ʼàşěֽr־yihĕyeh־lò̇w־ri֥yb ẇmişĕ̌pá֖̇t wĕhiẕĕdȧqĕţiֽ̇yw׃

5
וְהָיָה֙ בִּקְרָב־אִ֔ישׁ לְהִשְׁתַּחֲוֹ֖ת לֹ֑ו וְשָׁלַ֧ח אֶת־יָדֹ֛ו וְהֶחֱזִ֥יק לֹ֖ו וְנָ֥שַׁק לֹֽו׃

wĕháyáh֙ bi̇qĕráb־ʼi֔yş̌ lĕhişĕ̌ţȧẖàwò֖ţ lò֑w wĕşá̌la֧ẖ ʼeţ־yádò֛w wĕheẖèzi֥yq lò֖w wĕná֥şǎq lòֽw׃

6
וַיַּ֨עַשׂ אַבְשָׁלֹ֜ום כַּדָּבָ֤ר הַזֶּה֙ לְכָל־יִשְׂרָאֵ֔ל אֲשֶׁר־יָבֹ֥אוּ לַמִּשְׁפָּ֖ט אֶל־הַמֶּ֑לֶךְ וַיְגַנֵּב֙ אַבְשָׁלֹ֔ום אֶת־לֵ֖ב אַנְשֵׁ֥י יִשְׂרָאֵֽל׃ פ

wayȧ֨ʻaş̂ ʼabĕşá̌lò֜wm kȧdá̇bá֤r hazėh֙ lĕkál־yişĕ̂ráʼé֔l ʼàşěr־yábò֥ʼẇ lami̇şĕ̌pá֖̇t ʼel־hamė֑lekĕ wayĕgané̇b֙ ʼabĕşá̌lò֔wm ʼeţ־lé֖b ʼanĕşé֥̌y yişĕ̂ráʼéֽl׃ p

7
וַיְהִ֕י מִקֵּ֖ץ אַרְבָּעִ֣ים שָׁנָ֑ה וַיֹּ֤אמֶר אַבְשָׁלֹום֙ אֶל־הַמֶּ֔לֶךְ אֵ֣לֲכָה נָּ֗א וַאֲשַׁלֵּ֛ם אֶת־נִדְרִ֛י אֲשֶׁר־נָדַ֥רְתִּי לַֽיהוָ֖ה בְּחֶבְרֹֽון׃

wayĕhi֕y miqé֖̇ẕ ʼarĕbá̇ʻi֣ym şá̌ná֑h wayò֤̇ʼmer ʼabĕşá̌lòwm֙ ʼel־hamė֔lekĕ ʼé֣làkáh ná̇֗ʼ waʼàşǎlé֛̇m ʼeţ־nidĕri֛y ʼàşěr־náda֥rĕţi̇y laֽyhwá֖h bĕ̇ẖebĕròֽwn׃

8
כִּי־נֵ֨דֶר֙ נָדַ֣ר עַבְדְּךָ֔ בְּשִׁבְתִּ֥י בִגְשׁ֛וּר בַּאֲרָ֖ם לֵאמֹ֑ר אִם־יְשִׁיב יְשִׁיבֵ֤נִי יְהוָה֙ יְר֣וּשָׁלִַ֔ם וְעָבַדְתִּ֖י אֶת־יְהוָֽה׃

ki̇y־né֨der֙ náda֣r ʻabĕdĕ̇ká֔ bĕ̇şǐbĕţi֥̇y bigĕş֛̌ẇr bȧʼàrá֖m léʼmò֑r ʼim־yĕşǐyb yĕşǐybé֤niy yĕhwáh֙ yĕr֣ẇşá̌lia֔m wĕʻábadĕţi֖̇y ʼeţ־yĕhwáֽh׃

9
וַיֹּֽאמֶר־לֹ֥ו הַמֶּ֖לֶךְ לֵ֣ךְ בְּשָׁלֹ֑ום וַיָּ֖קָם וַיֵּ֥לֶךְ חֶבְרֹֽונָה׃ פ

wayòֽ̇ʼmer־lò֥w hamė֖lekĕ lé֣kĕ bĕ̇şá̌lò֑wm wayá֖̇qám wayé֥̇lekĕ ẖebĕròֽwnáh׃ p

10
וַיִּשְׁלַ֤ח אַבְשָׁלֹום֙ מְרַגְּלִ֔ים בְּכָל־שִׁבְטֵ֥י יִשְׂרָאֵ֖ל לֵאמֹ֑ר כְּשָׁמְעֲכֶם֙ אֶת־קֹ֣ול הַשֹּׁפָ֔ר וַאֲמַרְתֶּ֕ם מָלַ֥ךְ אַבְשָׁלֹ֖ום בְּחֶבְרֹֽון׃

wayi̇şĕ̌la֤ẖ ʼabĕşá̌lòwm֙ mĕragĕ̇li֔ym bĕ̇kál־şǐbĕté֥y yişĕ̂ráʼé֖l léʼmò֑r kĕ̇şá̌mĕʻàkem֙ ʼeţ־qò֣wl haşò̇̌pá֔r waʼàmarĕţė֕m mála֥kĕ ʼabĕşá̌lò֖wm bĕ̇ẖebĕròֽwn׃

11
וְאֶת־אַבְשָׁלֹ֗ום הָלְכ֞וּ מָאתַ֤יִם אִישׁ֙ מִיר֣וּשָׁלִַ֔ם קְרֻאִ֖ים וְהֹלְכִ֣ים לְתֻמָּ֑ם וְלֹ֥א יָדְע֖וּ כָּל־דָּבָֽר׃

wĕʼeţ־ʼabĕşá̌lò֗wm hálĕk֞ẇ máʼţa֤yim ʼiyş̌֙ miyr֣ẇşá̌lia֔m qĕruʼi֖ym wĕhòlĕki֣ym lĕţumá֑̇m wĕlò֥ʼ yádĕʻ֖ẇ ká̇l־dá̇báֽr׃

12
וַיִּשְׁלַ֣ח אַ֠בְשָׁלֹום אֶת־אֲחִיתֹ֨פֶל הַגִּֽילֹנִ֜י יֹועֵ֣ץ דָּוִ֗ד מֵֽעִירֹו֙ מִגִּלֹ֔ה בְּזָבְחֹ֖ו אֶת־הַזְּבָחִ֑ים וַיְהִ֤י הַקֶּ֨שֶׁר֙ אַמִּ֔ץ וְהָעָ֛ם הֹולֵ֥ךְ וָרָ֖ב אֶת־אַבְשָׁלֹֽום׃

wayi̇şĕ̌la֣ẖ ʼa֠bĕşá̌lòwm ʼeţ־ʼàẖiyţò֨pel hagiֽ̇ylòni֜y yòwʻé֣ẕ dá̇wi֗d méֽʻiyròw֙ migi̇lò֔h bĕ̇zábĕẖò֖w ʼeţ־hazĕ̇báẖi֑ym wayĕhi֤y haqė֨şěr֙ ʼami̇֔ẕ wĕháʻá֛m hòwlé֥kĕ wárá֖b ʼeţ־ʼabĕşá̌lòֽwm׃

13
וַיָּבֹא֙ הַמַּגִּ֔יד אֶל־דָּוִ֖ד לֵאמֹ֑ר הָיָ֛ה לֶב־אִ֥ישׁ יִשְׂרָאֵ֖ל אַחֲרֵ֥י אַבְשָׁלֹֽום׃

wayá̇bòʼ֙ hamȧgi̇֔yd ʼel־dá̇wi֖d léʼmò֑r háyá֛h leb־ʼi֥yş̌ yişĕ̂ráʼé֖l ʼaẖàré֥y ʼabĕşá̌lòֽwm׃

14
וַיֹּ֣אמֶר דָּ֠וִד לְכָל־עֲבָדָ֨יו אֲשֶׁר־אִתֹּ֤ו בִירוּשָׁלִַ֨ם֙ ק֣וּמוּ וְנִבְרָ֔חָה כִּ֛י לֹא־תִֽהְיֶה־לָּ֥נוּ פְלֵיטָ֖ה מִפְּנֵ֣י אַבְשָׁלֹ֑ום מַהֲר֣וּ לָלֶ֗כֶת פֶּן־יְמַהֵ֤ר וְהִשִּׂגָ֨נוּ֙ וְהִדִּ֤יחַ עָלֵ֨ינוּ֙ אֶת־הָ֣רָעָ֔ה וְהִכָּ֥ה הָעִ֖יר לְפִי־חָֽרֶב׃

wayò֣̇ʼmer dá̇֠wid lĕkál־ʻàbádá֨yw ʼàşěr־ʼiţò֤̇w biyrẇşá̌lia֨m֙ q֣ẇmẇ wĕnibĕrá֔ẖáh ki֛̇y lòʼ־ţiֽhĕyeh־lá֥̇nẇ pĕléytá֖h mipĕ̇né֣y ʼabĕşá̌lò֑wm mahàr֣ẇ lále֗keţ pėn־yĕmahé֤r wĕhişi̇̂gá֨nẇ֙ wĕhidi֤̇yẖa ʻálé֨ynẇ֙ ʼeţ־há֣ráʻá֔h wĕhiká֥̇h háʻi֖yr lĕpiy־ẖáֽreb׃

15
וַיֹּאמְר֥וּ עַבְדֵֽי־הַמֶּ֖לֶךְ אֶל־הַמֶּ֑לֶךְ כְּכֹ֧ל אֲשֶׁר־יִבְחַ֛ר אֲדֹנִ֥י הַמֶּ֖לֶךְ הִנֵּ֥ה עֲבָדֶֽיךָ׃

wayò̇ʼmĕr֥ẇ ʻabĕdéֽy־hamė֖lekĕ ʼel־hamė֑lekĕ kĕ̇kò֧l ʼàşěr־yibĕẖa֛r ʼàdòni֥y hamė֖lekĕ hiné֥̇h ʻàbádeֽyká׃

16
וַיֵּצֵ֥א הַמֶּ֛לֶךְ וְכָל־בֵּיתֹ֖ו בְּרַגְלָ֑יו וַיַּעֲזֹ֣ב הַמֶּ֗לֶךְ אֵ֣ת עֶ֧שֶׂר נָשִׁ֛ים פִּֽלַגְשִׁ֖ים לִשְׁמֹ֥ר הַבָּֽיִת׃

wayé̇ẕé֥ʼ hamė֛lekĕ wĕkál־bé̇yţò֖w bĕ̇ragĕlá֑yw wayȧʻàzò֣b hamė֗lekĕ ʼé֣ţ ʻe֧şêr náşǐ֛ym piֽ̇lagĕşǐ֖ym lişĕ̌mò֥r habáֽ̇yiţ׃

17
וַיֵּצֵ֥א הַמֶּ֛לֶךְ וְכָל־הָעָ֖ם בְּרַגְלָ֑יו וַיַּעַמְד֖וּ בֵּ֥ית הַמֶּרְחָֽק׃

wayé̇ẕé֥ʼ hamė֛lekĕ wĕkál־háʻá֖m bĕ̇ragĕlá֑yw wayȧʻamĕd֖ẇ bé֥̇yţ hamėrĕẖáֽq׃

18
וְכָל־עֲבָדָיו֙ עֹבְרִ֣ים עַל־יָדֹ֔ו וְכָל־הַכְּרֵתִ֖י וְכָל־הַפְּלֵתִ֑י וְכָֽל־הַגִּתִּ֞ים שֵׁשׁ־מֵאֹ֣ות אִ֗ישׁ אֲשֶׁר־בָּ֤אוּ בְרַגְלֹו֙ מִגַּ֔ת עֹבְרִ֖ים עַל־פְּנֵ֥י הַמֶּֽלֶךְ׃ וְכָֽל־הַגִּתִּ֞ים שֵׁשׁ־מֵאֹ֣ות אִ֗ישׁ אֲשֶׁר־בָּ֤אוּ בְרַגְלֹו֙ מִגַּ֔ת עֹבְרִ֖ים עַל־פְּנֵ֥י הַמֶּֽלֶךְ׃

wĕkál־ʻàbádáyw֙ ʻòbĕri֣ym ʻal־yádò֔w wĕkál־hakĕ̇réţi֖y wĕkál־hapĕ̇léţi֑y wĕkáֽl־hagi̇ţi̇֞ym şé̌ş̌־méʼò֣wţ ʼi֗yş̌ ʼàşěr־bá֤̇ʼẇ bĕragĕlòw֙ migȧ֔ţ ʻòbĕri֖ym ʻal־pĕ̇né֥y hamėֽlekĕ׃ wĕkáֽl־hagi̇ţi̇֞ym şé̌ş̌־méʼò֣wţ ʼi֗yş̌ ʼàşěr־bá֤̇ʼẇ bĕragĕlòw֙ migȧ֔ţ ʻòbĕri֖ym ʻal־pĕ̇né֥y hamėֽlekĕ׃

19
וַיֹּ֤אמֶר הַמֶּ֨לֶךְ֙ אֶל־אִתַּ֣י הַגִּתִּ֔י לָ֧מָּה תֵלֵ֛ךְ גַּם־אַתָּ֖ה אִתָּ֑נוּ שׁ֣וּב וְשֵׁ֤ב עִם־הַמֶּ֨לֶךְ֙ כִּֽי־נָכְרִ֣י אַ֔תָּה וְגַם־גֹּלֶ֥ה אַתָּ֖ה לִמְקֹומֶֽךָ׃

wayò֤̇ʼmer hamė֨lekĕ֙ ʼel־ʼiţȧ֣y hagi̇ţi̇֔y lá֧má̇h ţélé֛kĕ gȧm־ʼaţá֖̇h ʼiţá֑̇nẇ ş֣̌ẇb wĕşé֤̌b ʻim־hamė֨lekĕ֙ kiֽ̇y־nákĕri֣y ʼa֔ţá̇h wĕgam־gò̇le֥h ʼaţá֖̇h limĕqòwmeֽká׃

20
תְּמֹ֣ול׀ בֹּואֶ֗ךָ וְהַיֹּ֞ום אֲנֹועֲךָ עִמָּ֨נוּ֙ לָלֶ֔כֶת וַאֲנִ֣י הֹולֵ֔ךְ עַ֥ל אֲשֶׁר־אֲנִ֖י הֹולֵ֑ךְ שׁ֣וּב וְהָשֵׁ֧ב אֶת־אַחֶ֛יךָ עִמָּ֖ךְ חֶ֥סֶד וֶאֱמֶֽת׃

ţĕ̇mò֣wl׀ bò̇wʼe֗ká wĕhayò̇֞wm ʼànòwʻàká ʻimá̇֨nẇ֙ lále֔keţ waʼàni֣y hòwlé֔kĕ ʻa֥l ʼàşěr־ʼàni֖y hòwlé֑kĕ ş֣̌ẇb wĕháşé֧̌b ʼeţ־ʼaẖe֛yká ʻimá֖̇kĕ ẖe֥sed weʼèmeֽţ׃

21
וַיַּ֧עַן אִתַּ֛י אֶת־הַמֶּ֖לֶךְ וַיֹּאמַ֑ר חַי־יְהוָ֗ה וְחֵי֙ אֲדֹנִ֣י הַמֶּ֔לֶךְ כִּ֠י אִם־בִּמְקֹ֞ום אֲשֶׁ֥ר יִֽהְיֶה־שָּׁ֣ם׀ אֲדֹנִ֣י הַמֶּ֗לֶךְ אִם־לְמָ֨וֶת֙ אִם־לְחַיִּ֔ים כִּי־שָׁ֖ם יִהְיֶ֥ה עַבְדֶּֽךָ׃

wayȧ֧ʻan ʼiţȧ֛y ʼeţ־hamė֖lekĕ wayò̇ʼma֑r ẖay־yĕhwá֗h wĕẖéy֙ ʼàdòni֣y hamė֔lekĕ ki̇֠y ʼim־bi̇mĕqò֞wm ʼàşě֥r yiֽhĕyeh־şá֣̇̌m׀ ʼàdòni֣y hamė֗lekĕ ʼim־lĕmá֨weţ֙ ʼim־lĕẖayi̇֔ym ki̇y־şá֖̌m yihĕye֥h ʻabĕdėֽká׃

22
וַיֹּ֧אמֶר דָּוִ֛ד אֶל־אִתַּ֖י לֵ֣ךְ וַעֲבֹ֑ר וַֽיַּעֲבֹ֞ר אִתַּ֤י הַגִּתִּי֙ וְכָל־אֲנָשָׁ֔יו וְכָל־הַטַּ֖ף אֲשֶׁ֥ר אִתֹּֽו׃

wayò֧̇ʼmer dá̇wi֛d ʼel־ʼiţȧ֖y lé֣kĕ waʻàbò֑r waֽyȧʻàbò֞r ʼiţȧ֤y hagi̇ţi̇y֙ wĕkál־ʼànáşá̌֔yw wĕkál־hatȧ֖p ʼàşě֥r ʼiţòֽ̇w׃

23
וְכָל־הָאָ֗רֶץ בֹּוכִים֙ קֹ֣ול גָּדֹ֔ול וְכָל־הָעָ֖ם עֹֽבְרִ֑ים וְהַמֶּ֗לֶךְ עֹבֵר֙ בְּנַ֣חַל קִדְרֹ֔ון וְכָל־הָעָם֙ עֹבְרִ֔ים עַל־פְּנֵי־דֶ֖רֶךְ אֶת־הַמִּדְבָּֽר׃

wĕkál־háʼá֗reẕ bò̇wkiym֙ qò֣wl gá̇dò֔wl wĕkál־háʻá֖m ʻòֽbĕri֑ym wĕhamė֗lekĕ ʻòbér֙ bĕ̇na֣ẖal qidĕrò֔wn wĕkál־háʻám֙ ʻòbĕri֔ym ʻal־pĕ̇néy־de֖rekĕ ʼeţ־hami̇dĕbáֽ̇r׃

24
וְהִנֵּ֨ה גַם־צָדֹ֜וק וְכָֽל־הַלְוִיִּ֣ם אִתֹּ֗ו נֹֽשְׂאִים֙ אֶת־אֲרֹון֙ בְּרִ֣ית הָאֱלֹהִ֔ים וַיַּצִּ֨קוּ֙ אֶת־אֲרֹ֣ון הָאֱלֹהִ֔ים וַיַּ֖עַל אֶבְיָתָ֑ר עַד־תֹּ֥ם כָּל־הָעָ֖ם לַעֲבֹ֥ור מִן־הָעִֽיר׃

wĕhiné̇֨h gam־ẕádò֜wq wĕkáֽl־halĕwiyi֣̇m ʼiţò̇֗w nòֽşĕ̂ʼiym֙ ʼeţ־ʼàròwn֙ bĕ̇ri֣yţ háʼèlòhi֔ym wayȧẕi̇֨qẇ֙ ʼeţ־ʼàrò֣wn háʼèlòhi֔ym wayȧ֖ʻal ʼebĕyáţá֑r ʻad־ţò֥̇m ká̇l־háʻá֖m laʻàbò֥wr min־háʻiֽyr׃

25
וַיֹּ֤אמֶר הַמֶּ֨לֶךְ֙ לְצָדֹ֔וק הָשֵׁ֛ב אֶת־אֲרֹ֥ון הָאֱלֹהִ֖ים הָעִ֑יר אִם־אֶמְצָ֥א חֵן֙ בְּעֵינֵ֣י יְהוָ֔ה וֶהֱשִׁבַ֕נִי וְהִרְאַ֥נִי אֹתֹ֖ו וְאֶת־נָוֵֽהוּ׃

wayò֤̇ʼmer hamė֨lekĕ֙ lĕẕádò֔wq háşé֛̌b ʼeţ־ʼàrò֥wn háʼèlòhi֖ym háʻi֑yr ʼim־ʼemĕẕá֥ʼ ẖén֙ bĕ̇ʻéyné֣y yĕhwá֔h wehèşǐba֕niy wĕhirĕʼa֥niy ʼòţò֖w wĕʼeţ־náwéֽhẇ׃

26
וְאִם֙ כֹּ֣ה יֹאמַ֔ר לֹ֥א חָפַ֖צְתִּי בָּ֑ךְ הִנְנִ֕י יַֽעֲשֶׂה־לִּ֕י כַּאֲשֶׁ֥ר טֹ֖וב בְּעֵינָֽיו׃ ס

wĕʼim֙ kò֣̇h yòʼma֔r lò֥ʼ ẖápa֖ẕĕţi̇y bá֑̇kĕ hinĕni֕y yaֽʻàşêh־li̇֕y kȧʼàşě֥r tò֖wb bĕ̇ʻéynáֽyw׃ s

27
וַיֹּ֤אמֶר הַמֶּ֨לֶךְ֙ אֶל־צָדֹ֣וק הַכֹּהֵ֔ן הֲרֹואֶ֣ה אַתָּ֔ה שֻׁ֥בָה הָעִ֖יר בְּשָׁלֹ֑ום וַאֲחִימַ֨עַץ בִּנְךָ֜ וִיהֹונָתָ֧ן בֶּן־אֶבְיָתָ֛ר שְׁנֵ֥י בְנֵיכֶ֖ם אִתְּכֶֽם׃

wayò֤̇ʼmer hamė֨lekĕ֙ ʼel־ẕádò֣wq hakò̇hé֔n hàròwʼe֣h ʼaţá̇֔h şǔ֥báh háʻi֖yr bĕ̇şá̌lò֑wm waʼàẖiyma֨ʻaẕ bi̇nĕká֜ wiyhòwnáţá֧n bėn־ʼebĕyáţá֛r şĕ̌né֥y bĕnéyke֖m ʼiţĕ̇keֽm׃

28
רְאוּ֙ אָנֹכִ֣י מִתְמַהְמֵ֔הַּ בְּעַבְרֹות הַמִּדְבָּ֑ר עַ֣ד בֹּ֥וא דָבָ֛ר מֵעִמָּכֶ֖ם לְהַגִּ֥יד לִֽי׃

rĕʼẇ֙ ʼánòki֣y miţĕmahĕmé֔hȧ bĕ̇ʻabĕròwţ hami̇dĕbá֑̇r ʻa֣d bò֥̇wʼ dábá֛r méʻimá̇ke֖m lĕhagi֥̇yd liֽy׃

29
וַיָּ֨שֶׁב צָדֹ֧וק וְאֶבְיָתָ֛ר אֶת־אֲרֹ֥ון הָאֱלֹהִ֖ים יְרוּשָׁלִָ֑ם וַיֵּשְׁב֖וּ שָֽׁם׃

wayá̇֨şěb ẕádò֧wq wĕʼebĕyáţá֛r ʼeţ־ʼàrò֥wn háʼèlòhi֖ym yĕrẇşá̌liá֑m wayé̇şĕ̌b֖ẇ şáֽ̌m׃

30
וְדָוִ֡ד עֹלֶה֩ בְמַעֲלֵ֨ה הַזֵּיתִ֜ים עֹלֶ֣ה׀ וּבֹוכֶ֗ה וְרֹ֥אשׁ לֹו֙ חָפ֔וּי וְה֖וּא הֹלֵ֣ךְ יָחֵ֑ף וְכָל־הָעָ֣ם אֲשֶׁר־אִתֹּ֗ו חָפוּ֙ אִ֣ישׁ רֹאשֹׁ֔ו וְעָל֥וּ עָלֹ֖ה וּבָכֹֽה׃

wĕdáwi֡d ʻòleh֩ bĕmaʻàlé֨h hazé̇yţi֜ym ʻòle֣h׀ ẇbòwke֗h wĕrò֥ʼş̌ lòw֙ ẖáp֔ẇy wĕh֖ẇʼ hòlé֣kĕ yáẖé֑p wĕkál־háʻá֣m ʼàşěr־ʼiţò̇֗w ẖápẇ֙ ʼi֣yş̌ ròʼşò̌֔w wĕʻál֥ẇ ʻálò֖h ẇbákòֽh׃

31
וְדָוִד֙ הִגִּ֣יד לֵאמֹ֔ר אֲחִיתֹ֥פֶל בַּקֹּשְׁרִ֖ים עִם־אַבְשָׁלֹ֑ום וַיֹּ֣אמֶר דָּוִ֔ד סַכֶּל־נָ֛א אֶת־עֲצַ֥ת אֲחִיתֹ֖פֶל יְהוָֽה׃

wĕdáwid֙ higi֣̇yd léʼmò֔r ʼàẖiyţò֥pel bȧqò̇şĕ̌ri֖ym ʻim־ʼabĕşá̌lò֑wm wayò֣̇ʼmer dá̇wi֔d sakėl־ná֛ʼ ʼeţ־ʻàẕa֥ţ ʼàẖiyţò֖pel yĕhwáֽh׃

32
וַיְהִ֤י דָוִד֙ בָּ֣א עַד־הָרֹ֔אשׁ אֲשֶֽׁר־יִשְׁתַּחֲוֶ֥ה שָׁ֖ם לֵאלֹהִ֑ים וְהִנֵּ֤ה לִקְרָאתֹו֙ חוּשַׁ֣י הָאַרְכִּ֔י קָר֨וּעַ֙ כֻּתָּנְתֹּ֔ו וַאֲדָמָ֖ה עַל־רֹאשֹֽׁו׃

wayĕhi֤y dáwid֙ bá֣̇ʼ ʻad־hárò֔ʼş̌ ʼàşěֽr־yişĕ̌ţȧẖàwe֥h şá֖̌m léʼlòhi֑ym wĕhiné֤̇h liqĕráʼţòw֙ ẖẇşǎ֣y háʼarĕki̇֔y qár֨ẇʻa֙ ku̇ţá̇nĕţò̇֔w waʼàdámá֖h ʻal־ròʼşòֽ̌w׃

33
וַיֹּ֥אמֶר לֹ֖ו דָּוִ֑ד אִ֚ם עָבַ֣רְתָּ אִתִּ֔י וְהָיִ֥תָ עָלַ֖י לְמַשָּֽׂא׃

wayò֥̇ʼmer lò֖w dá̇wi֑d ʼi֚m ʻába֣rĕţá̇ ʼiţi̇֔y wĕháyi֥ţá ʻála֖y lĕmaşáֽ̇̂ʼ׃

34
וְאִם־הָעִ֣יר תָּשׁ֗וּב וְאָמַרְתָּ֤ לְאַבְשָׁלֹום֙ עַבְדְּךָ֙ אֲנִ֤י הַמֶּ֨לֶךְ֙ אֶֽהְיֶ֔ה עֶ֣בֶד אָבִ֤יךָ וַֽאֲנִי֙ מֵאָ֔ז וְעַתָּ֖ה וַאֲנִ֣י עַבְדֶּ֑ךָ וְהֵפַרְתָּ֣ה לִ֔י אֵ֖ת עֲצַ֥ת אֲחִיתֹֽפֶל׃

wĕʼim־háʻi֣yr ţá̇ş̌֗ẇb wĕʼámarĕţá֤̇ lĕʼabĕşá̌lòwm֙ ʻabĕdĕ̇ká֙ ʼàni֤y hamė֨lekĕ֙ ʼeֽhĕye֔h ʻe֣bed ʼábi֤yká waֽʼàniy֙ méʼá֔z wĕʻaţá֖̇h waʼàni֣y ʻabĕdė֑ká wĕhéparĕţá֣̇h li֔y ʼé֖ţ ʻàẕa֥ţ ʼàẖiyţòֽpel׃

35
וַהֲלֹ֤וא עִמְּךָ֙ שָׁ֔ם צָדֹ֥וק וְאֶבְיָתָ֖ר הַכֹּהֲנִ֑ים וְהָיָ֗ה כָּל־הַדָּבָר֙ אֲשֶׁ֤ר תִּשְׁמַע֙ מִבֵּ֣ית הַמֶּ֔לֶךְ תַּגִּ֕יד לְצָדֹ֥וק וּלְאֶבְיָתָ֖ר הַכֹּהֲנִֽים׃

wahàlò֤wʼ ʻimĕ̇ká֙ şá̌֔m ẕádò֥wq wĕʼebĕyáţá֖r hakò̇hàni֑ym wĕháyá֗h ká̇l־hadá̇bár֙ ʼàşě֤r ţi̇şĕ̌maʻ֙ mibé֣̇yţ hamė֔lekĕ ţȧgi̇֕yd lĕẕádò֥wq ẇlĕʼebĕyáţá֖r hakò̇hàniֽym׃

36
הִנֵּה־שָׁ֤ם עִמָּם֙ שְׁנֵ֣י בְנֵיהֶ֔ם אֲחִימַ֣עַץ לְצָדֹ֔וק וִיהֹונָתָ֖ן לְאֶבְיָתָ֑ר וּשְׁלַחְתֶּ֤ם בְּיָדָם֙ אֵלַ֔י כָּל־דָּבָ֖ר אֲשֶׁ֥ר תִּשְׁמָֽעוּ׃

hiné̇h־şá֤̌m ʻimá̇m֙ şĕ̌né֣y bĕnéyhe֔m ʼàẖiyma֣ʻaẕ lĕẕádò֔wq wiyhòwnáţá֖n lĕʼebĕyáţá֑r ẇşĕ̌laẖĕţė֤m bĕ̇yádám֙ ʼéla֔y ká̇l־dá̇bá֖r ʼàşě֥r ţi̇şĕ̌máֽʻẇ׃

37
וַיָּבֹ֥א חוּשַׁ֛י רֵעֶ֥ה דָוִ֖ד הָעִ֑יר וְאַבְשָׁלֹ֔ם יָבֹ֖א יְרוּשָׁלִָֽם׃

wayá̇bò֥ʼ ẖẇşǎ֛y réʻe֥h dáwi֖d háʻi֑yr wĕʼabĕşá̌lò֔m yábò֖ʼ yĕrẇşá̌láֽim׃