Bibles in ancient languages
Old translations
Modern translations

Biblia Hebraica Stuttgartiensia Ezekiel 5

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וְאַתָּ֨ה בֶן־אָדָ֜ם קַח־לְךָ֣׀ חֶ֣רֶב חַדָּ֗ה תַּ֤עַר הַגַּלָּבִים֙ תִּקָּחֶ֣נָּה לָּ֔ךְ וְהַעֲבַרְתָּ֥ עַל־רֹאשְׁךָ֖ וְעַל־זְקָנֶ֑ךָ וְלָקַחְתָּ֥ לְךָ֛ מֹאזְנֵ֥י מִשְׁקָ֖ל וְחִלַּקְתָּֽם׃

wĕʼaţá̇֨h ben־ʼádá֜m qaẖ־lĕká֣׀ ẖe֣reb ẖadá̇֗h ţȧ֤ʻar hagȧlá̇biym֙ ţi̇qá̇ẖe֣ná̇h lá̇֔kĕ wĕhaʻàbarĕţá֥̇ ʻal־ròʼşĕ̌ká֖ wĕʻal־zĕqáne֑ká wĕláqaẖĕţá֥̇ lĕká֛ mòʼzĕné֥y mişĕ̌qá֖l wĕẖilȧqĕţáֽ̇m׃

2
שְׁלִשִׁ֗ית בָּא֤וּר תַּבְעִיר֙ בְּתֹ֣וךְ הָעִ֔יר כִּמְלֹ֖את יְמֵ֣י הַמָּצֹ֑ור וְלָֽקַחְתָּ֣ אֶת־הַשְּׁלִשִׁ֗ית תַּכֶּ֤ה בַחֶ֨רֶב֙ סְבִ֣יבֹותֶ֔יהָ וְהַשְּׁלִשִׁית֙ תִּזְרֶ֣ה לָר֔וּחַ וְחֶ֖רֶב אָרִ֥יק אַחֲרֵיהֶֽם׃

şĕ̌lişǐ֗yţ bá̇ʼ֤ẇr ţȧbĕʻiyr֙ bĕ̇ţò֣wkĕ háʻi֔yr ki̇mĕlò֖ʼţ yĕmé֣y hamá̇ẕò֑wr wĕláֽqaẖĕţá֣̇ ʼeţ־haşĕ̇̌lişǐ֗yţ ţȧkė֤h baẖe֨reb֙ sĕbi֣ybòwţe֔yhá wĕhaşĕ̇̌lişǐyţ֙ ţi̇zĕre֣h lár֔ẇẖa wĕẖe֖reb ʼári֥yq ʼaẖàréyheֽm׃

3
וְלָקַחְתָּ֥ מִשָּׁ֖ם מְעַ֣ט בְּמִסְפָּ֑ר וְצַרְתָּ֥ אֹותָ֖ם בִּכְנָפֶֽיךָ׃

wĕláqaẖĕţá֥̇ mişá֖̇̌m mĕʻa֣t bĕ̇misĕpá֑̇r wĕẕarĕţá֥̇ ʼòwţá֖m bi̇kĕnápeֽyká׃

4
וּמֵהֶם֙ עֹ֣וד תִּקָּ֔ח וְהִשְׁלַכְתָּ֤ אֹותָם֙ אֶל־תֹּ֣וךְ הָאֵ֔שׁ וְשָׂרַפְתָּ֥ אֹתָ֖ם בָּאֵ֑שׁ מִמֶּ֥נּוּ תֵצֵא־אֵ֖שׁ אֶל־כָּל־בֵּ֥ית יִשְׂרָאֵֽל׃ פ

ẇméhem֙ ʻò֣wd ţi̇qá̇֔ẖ wĕhişĕ̌lakĕţá֤̇ ʼòwţám֙ ʼel־ţò֣̇wkĕ háʼé֔ş̌ wĕşá̂rapĕţá֥̇ ʼòţá֖m bá̇ʼé֑ş̌ mimė֥ṅẇ ţéẕéʼ־ʼé֖ş̌ ʼel־ká̇l־bé֥̇yţ yişĕ̂ráʼéֽl׃ p

5
כֹּ֤ה אָמַר֙ אֲדֹנָ֣י יְהֹוִ֔ה זֹ֚את יְר֣וּשָׁלִַ֔ם בְּתֹ֥וךְ הַגֹּויִ֖ם שַׂמְתִּ֑יהָ וּסְבִיבֹותֶ֖יהָ אֲרָצֹֽות׃

kò֤̇h ʼámar֙ ʼàdòná֣y yĕhòwi֔h zò֚ʼţ yĕr֣ẇşá̌lia֔m bĕ̇ţò֥wkĕ hagò̇wyi֖m şâmĕţi֑̇yhá ẇsĕbiybòwţe֖yhá ʼàráẕòֽwţ׃

6
וַתֶּ֨מֶר אֶת־מִשְׁפָּטַ֤י לְרִשְׁעָה֙ מִן־הַגֹּויִ֔ם וְאֶ֨ת־חֻקֹּותַ֔י מִן־הָאֲרָצֹ֖ות אֲשֶׁ֣ר סְבִיבֹותֶ֑יהָ כִּ֤י בְמִשְׁפָּטַי֙ מָאָ֔סוּ וְחֻקֹּותַ֖י לֹא־הָלְכ֥וּ בָהֶֽם׃ ס

waţė֨mer ʼeţ־mişĕ̌pá̇ta֤y lĕrişĕ̌ʻáh֙ min־hagò̇wyi֔m wĕʼe֨ţ־ẖuqò̇wţa֔y min־háʼàráẕò֖wţ ʼàşě֣r sĕbiybòwţe֑yhá ki֤̇y bĕmişĕ̌pá̇tay֙ máʼá֔sẇ wĕẖuqò̇wţa֖y lòʼ־hálĕk֥ẇ báheֽm׃ s

7
לָכֵ֞ן כֹּֽה־אָמַ֣ר׀ אֲדֹנָ֣י יְהוִ֗ה יַ֤עַן הֲמָנְכֶם֙ מִן־הַגֹּויִם֙ אֲשֶׁ֣ר סְבִיבֹֽותֵיכֶ֔ם בְּחֻקֹּותַי֙ לֹ֣א הֲלַכְתֶּ֔ם וְאֶת־מִשְׁפָּטַ֖י לֹ֣א עֲשִׂיתֶ֑ם וּֽכְמִשְׁפְּטֵ֧י הַגֹּויִ֛ם אֲשֶׁ֥ר סְבִיבֹותֵיכֶ֖ם לֹ֥א עֲשִׂיתֶֽם׃ ס

láké֞n kòֽ̇h־ʼáma֣r׀ ʼàdòná֣y yĕhwi֗h ya֤ʻan hàmánĕkem֙ min־hagò̇wyim֙ ʼàşě֣r sĕbiybòֽwţéyke֔m bĕ̇ẖuqò̇wţay֙ lò֣ʼ hàlakĕţė֔m wĕʼeţ־mişĕ̌pá̇ta֖y lò֣ʼ ʻàşîyţe֑m ẇֽkĕmişĕ̌pĕ̇té֧y hagò̇wyi֛m ʼàşě֥r sĕbiybòwţéyke֖m lò֥ʼ ʻàşîyţeֽm׃ s

8
לָכֵ֗ן כֹּ֤ה אָמַר֙ אֲדֹנָ֣י יְהוִ֔ה הִנְנִ֥י עָלַ֖יִךְ גַּם־אָ֑נִי וְעָשִׂ֧יתִי בְתֹוכֵ֛ךְ מִשְׁפָּטִ֖ים לְעֵינֵ֥י הַגֹּויִֽם׃

láké֗n kò֤̇h ʼámar֙ ʼàdòná֣y yĕhwi֔h hinĕni֥y ʻála֖yikĕ gȧm־ʼá֑niy wĕʻáşî֧yţiy bĕţòwké֛kĕ mişĕ̌pá̇ti֖ym lĕʻéyné֥y hagò̇wyiֽm׃

9
וְעָשִׂ֣יתִי בָ֗ךְ אֵ֚ת אֲשֶׁ֣ר לֹֽא־עָשִׂ֔יתִי וְאֵ֛ת אֲשֶֽׁר־לֹֽא־אֶעֱשֶׂ֥ה כָמֹ֖הוּ עֹ֑וד יַ֖עַן כָּל־תֹּועֲבֹתָֽיִךְ׃ ס

wĕʻáşî֣yţiy bá֗kĕ ʼé֚ţ ʼàşě֣r lòֽʼ־ʻáşî֔yţiy wĕʼé֛ţ ʼàşěֽr־lòֽʼ־ʼeʻèşê֥h kámò֖hẇ ʻò֑wd ya֖ʻan ká̇l־ţò̇wʻàbòţáֽyikĕ׃ s

10
לָכֵ֗ן אָבֹ֞ות יֹאכְל֤וּ בָנִים֙ בְּתֹוכֵ֔ךְ וּבָנִ֖ים יֹאכְל֣וּ אֲבֹותָ֑ם וְעָשִׂ֤יתִי בָךְ֙ שְׁפָטִ֔ים וְזֵרִיתִ֥י אֶת־כָּל־שְׁאֵרִיתֵ֖ךְ לְכָל־רֽוּחַ׃ פ

láké֗n ʼábò֞wţ yòʼkĕl֤ẇ bániym֙ bĕ̇ţòwké֔kĕ ẇbáni֖ym yòʼkĕl֣ẇ ʼàbòwţá֑m wĕʻáşî֤yţiy bákĕ֙ şĕ̌páti֔ym wĕzériyţi֥y ʼeţ־ká̇l־şĕ̌ʼériyţé֖kĕ lĕkál־rֽẇẖa׃ p

11
לָכֵ֣ן חַי־אָ֗נִי נְאֻם֮ אֲדֹנָ֣י יְהוִה֒ אִם־לֹ֗א יַ֚עַן אֶת־מִקְדָּשִׁ֣י טִמֵּ֔את בְּכָל־שִׁקּוּצַ֖יִךְ וּבְכָל־תֹּועֲבֹתָ֑יִךְ וְגַם־אֲנִ֤י אֶגְרַע֙ וְלֹא־תָחֹ֣וס עֵינִ֔י וְגַם־אֲנִ֖י לֹ֥א אֶחְמֹֽול׃

láké֣n ẖay־ʼá֗niy nĕʼum֮ ʼàdòná֣y yĕhwih֒ ʼim־lò֗ʼ ya֚ʻan ʼeţ־miqĕdá̇şǐ֣y timé̇֔ʼţ bĕ̇kál־şǐq̇ẇẕa֖yikĕ ẇbĕkál־ţò̇wʻàbòţá֑yikĕ wĕgam־ʼàni֤y ʼegĕraʻ֙ wĕlòʼ־ţáẖò֣ws ʻéyni֔y wĕgam־ʼàni֖y lò֥ʼ ʼeẖĕmòֽwl׃

12
שְׁלִשִׁתֵ֞יךְ בַּדֶּ֣בֶר יָמ֗וּתוּ וּבָֽרָעָב֙ יִכְל֣וּ בְתֹוכֵ֔ךְ וְהַ֨שְּׁלִשִׁ֔ית בַּחֶ֖רֶב יִפְּל֣וּ סְבִיבֹותָ֑יִךְ וְהַשְּׁלִישִׁית֙ לְכָל־ר֣וּחַ אֱזָרֶ֔ה וְחֶ֖רֶב אָרִ֥יק אַחֲרֵיהֶֽם׃

şĕ̌lişǐţé֞ykĕ bȧdė֣ber yám֗ẇţẇ ẇbáֽráʻáb֙ yikĕl֣ẇ bĕţòwké֔kĕ wĕha֨şĕ̇̌lişǐ֔yţ bȧẖe֖reb yipĕ̇l֣ẇ sĕbiybòwţá֑yikĕ wĕhaşĕ̇̌liyşǐyţ֙ lĕkál־r֣ẇẖa ʼèzáre֔h wĕẖe֖reb ʼári֥yq ʼaẖàréyheֽm׃

13
וְכָלָ֣ה אַפִּ֗י וַהֲנִחֹותִ֧י חֲמָתִ֛י בָּ֖ם וְהִנֶּחָ֑מְתִּי וְֽיָדְע֞וּ כִּי־אֲנִ֣י יְהוָ֗ה דִּבַּ֨רְתִּי֙ בְּקִנְאָתִ֔י בְּכַלֹּותִ֥י חֲמָתִ֖י בָּֽם׃

wĕkálá֣h ʼapi̇֗y wahàniẖòwţi֧y ẖàmáţi֛y bá֖̇m wĕhinėẖá֑mĕţi̇y wĕֽyádĕʻ֞ẇ ki̇y־ʼàni֣y yĕhwá֗h di̇bȧ֨rĕţi̇y֙ bĕ̇qinĕʼáţi֔y bĕ̇kalò̇wţi֥y ẖàmáţi֖y báֽ̇m׃

14
וְאֶתְּנֵךְ֙ לְחָרְבָּ֣ה וּלְחֶרְפָּ֔ה בַּגֹּויִ֖ם אֲשֶׁ֣ר סְבִיבֹותָ֑יִךְ לְעֵינֵ֖י כָּל־עֹובֵֽר׃

wĕʼeţĕ̇nékĕ֙ lĕẖárĕbá֣̇h ẇlĕẖerĕpá̇֔h bȧgò̇wyi֖m ʼàşě֣r sĕbiybòwţá֑yikĕ lĕʻéyné֖y ká̇l־ʻòwbéֽr׃

15
וְֽהָ֨יְתָ֜ה חֶרְפָּ֤ה וּגְדוּפָה֙ מוּסָ֣ר וּמְשַׁמָּ֔ה לַגֹּויִ֖ם אֲשֶׁ֣ר סְבִיבֹותָ֑יִךְ בַּעֲשֹׂותִי֩ בָ֨ךְ שְׁפָטִ֜ים בְּאַ֤ף וּבְחֵמָה֙ וּבְתֹכְחֹ֣ות חֵמָ֔ה אֲנִ֥י יְהוָ֖ה דִּבַּֽרְתִּי׃

wĕֽhá֨yĕţá֜h ẖerĕpá֤̇h ẇgĕdẇpáh֙ mẇsá֣r ẇmĕşǎmá̇֔h lagò̇wyi֖m ʼàşě֣r sĕbiybòwţá֑yikĕ bȧʻàşò̂wţiy֩ bá֨kĕ şĕ̌páti֜ym bĕ̇ʼa֤p ẇbĕẖémáh֙ ẇbĕţòkĕẖò֣wţ ẖémá֔h ʼàni֥y yĕhwá֖h di̇bȧֽrĕţi̇y׃

16
בְּֽשַׁלְּחִ֡י אֶת־חִצֵּי֩ הָרָעָ֨ב הָרָעִ֤ים בָּהֶם֙ אֲשֶׁ֣ר הָי֣וּ לְמַשְׁחִ֔ית אֲשֶׁר־אֲשַׁלַּ֥ח אֹותָ֖ם לְשַֽׁחֶתְכֶ֑ם וְרָעָב֙ אֹסֵ֣ף עֲלֵיכֶ֔ם וְשָׁבַרְתִּ֥י לָכֶ֖ם מַטֵּה־לָֽחֶם׃

bĕֽ̇şǎlĕ̇ẖi֡y ʼeţ־ẖiẕé̇y֩ háráʻá֨b háráʻi֤ym bá̇hem֙ ʼàşě֣r háy֣ẇ lĕmaşĕ̌ẖi֔yţ ʼàşěr־ʼàşǎlȧ֥ẖ ʼòwţá֖m lĕşǎֽẖeţĕke֑m wĕráʻáb֙ ʼòsé֣p ʻàléyke֔m wĕşá̌barĕţi֥̇y láke֖m maté̇h־láֽẖem׃

17
וְשִׁלַּחְתִּ֣י עֲ֠לֵיכֶם רָעָ֞ב וְחַיָּ֤ה רָעָה֙ וְשִׁכְּלֻ֔ךְ וְדֶ֥בֶר וָדָ֖ם יַעֲבָר־בָּ֑ךְ וְחֶ֨רֶב֙ אָבִ֣יא עָלַ֔יִךְ אֲנִ֥י יְהוָ֖ה דִּבַּֽרְתִּי׃ פ

wĕşǐlȧẖĕţi֣̇y ʻà֠léykem ráʻá֞b wĕẖayá֤̇h ráʻáh֙ wĕşǐkĕ̇lu֔kĕ wĕde֥ber wádá֖m yaʻàbár־bá֑̇kĕ wĕẖe֨reb֙ ʼábi֣yʼ ʻála֔yikĕ ʼàni֥y yĕhwá֖h di̇bȧֽrĕţi̇y׃ p