Bibles in ancient languages
Old translations
Modern translations

Biblia Hebraica Stuttgartiensia Genesis 27

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיְהִי֙ כִּֽי־זָקֵ֣ן יִצְחָ֔ק וַתִּכְהֶ֥יןָ עֵינָ֖יו מֵרְאֹ֑ת וַיִּקְרָ֞א אֶת־עֵשָׂ֣ו׀ בְּנֹ֣ו הַגָּדֹ֗ל וַיֹּ֤אמֶר אֵלָיו֙ בְּנִ֔י וַיֹּ֥אמֶר אֵלָ֖יו הִנֵּֽנִי׃

wayĕhiy֙ kiֽ̇y־záqé֣n yiẕĕẖá֔q waţi̇kĕhe֥yná ʻéyná֖yw mérĕʼò֑ţ wayi̇qĕrá֞ʼ ʼeţ־ʻéşá֣̂w׀ bĕ̇nò֣w hagá̇dò֗l wayò֤̇ʼmer ʼéláyw֙ bĕ̇ni֔y wayò֥̇ʼmer ʼélá֖yw hinéֽ̇niy׃

2
וַיֹּ֕אמֶר הִנֵּה־נָ֖א זָקַ֑נְתִּי לֹ֥א יָדַ֖עְתִּי יֹ֥ום מֹותִֽי׃

wayò̇֕ʼmer hiné̇h־ná֖ʼ záqa֑nĕţi̇y lò֥ʼ yáda֖ʻĕţi̇y yò֥wm mòwţiֽy׃

3
וְעַתָּה֙ שָׂא־נָ֣א כֵלֶ֔יךָ תֶּלְיְךָ֖ וְקַשְׁתֶּ֑ךָ וְצֵא֙ הַשָּׂדֶ֔ה וְצ֥וּדָה לִּ֖י צֵידָה

wĕʻaţá̇h֙ şá̂ʼ־ná֣ʼ kéle֔yká ţėlĕyĕká֖ wĕqaşĕ̌ţė֑ká wĕẕéʼ֙ haşá̇̂de֔h wĕẕ֥ẇdáh li֖̇y ẕéydáh

4
וַעֲשֵׂה־לִ֨י מַטְעַמִּ֜ים כַּאֲשֶׁ֥ר אָהַ֛בְתִּי וְהָבִ֥יאָה לִּ֖י וְאֹכֵ֑לָה בַּעֲב֛וּר תְּבָרֶכְךָ֥ נַפְשִׁ֖י בְּטֶ֥רֶם אָמֽוּת׃

waʻàşé̂h־li֨y matĕʻami̇֜ym kȧʼàşě֥r ʼáha֛bĕţi̇y wĕhábi֥yʼáh li֖̇y wĕʼòké֑láh bȧʻàb֛ẇr ţĕ̇bárekĕká֥ napĕşǐ֖y bĕ̇te֥rem ʼámֽẇţ׃

5
וְרִבְקָ֣ה שֹׁמַ֔עַת בְּדַבֵּ֣ר יִצְחָ֔ק אֶל־עֵשָׂ֖ו בְּנֹ֑ו וַיֵּ֤לֶךְ עֵשָׂו֙ הַשָּׂדֶ֔ה לָצ֥וּד צַ֖יִד לְהָבִֽיא׃

wĕribĕqá֣h şò̌ma֔ʻaţ bĕ̇dabé֣̇r yiẕĕẖá֔q ʼel־ʻéşá֖̂w bĕ̇nò֑w wayé֤̇lekĕ ʻéşá̂w֙ haşá̇̂de֔h láẕ֥ẇd ẕa֖yid lĕhábiֽyʼ׃

6
וְרִבְקָה֙ אָֽמְרָ֔ה אֶל־יַעֲקֹ֥ב בְּנָ֖הּ לֵאמֹ֑ר הִנֵּ֤ה שָׁמַ֨עְתִּי֙ אֶת־אָבִ֔יךָ מְדַבֵּ֛ר אֶל־עֵשָׂ֥ו אָחִ֖יךָ לֵאמֹֽר׃

wĕribĕqáh֙ ʼáֽmĕrá֔h ʼel־yaʻàqò֥b bĕ̇ná֖ḣ léʼmò֑r hiné֤̇h şá̌ma֨ʻĕţi̇y֙ ʼeţ־ʼábi֔yká mĕdabé֛̇r ʼel־ʻéşá֥̂w ʼáẖi֖yká léʼmòֽr׃

7
הָבִ֨יאָה לִּ֥י צַ֛יִד וַעֲשֵׂה־לִ֥י מַטְעַמִּ֖ים וְאֹכֵ֑לָה וַאֲבָרֶכְכָ֛ה לִפְנֵ֥י יְהוָ֖ה לִפְנֵ֥י מֹותִֽי׃

hábi֨yʼáh li֥̇y ẕa֛yid waʻàşé̂h־li֥y matĕʻami֖̇ym wĕʼòké֑láh waʼàbárekĕká֛h lipĕné֥y yĕhwá֖h lipĕné֥y mòwţiֽy׃

8
וְעַתָּ֥ה בְנִ֖י שְׁמַ֣ע בְּקֹלִ֑י לַאֲשֶׁ֥ר אֲנִ֖י מְצַוָּ֥ה אֹתָֽךְ׃

wĕʻaţá֥̇h bĕni֖y şĕ̌ma֣ʻ bĕ̇qòli֑y laʼàşě֥r ʼàni֖y mĕẕawá֥̇h ʼòţáֽkĕ׃

9
לֶךְ־נָא֙ אֶל־הַצֹּ֔אן וְקַֽח־לִ֣י מִשָּׁ֗ם שְׁנֵ֛י עִזִּ֖ים טֹבִ֑ים גְּדָיֵ֥י וְאֶֽעֱשֶׂ֨ה אֹתָ֧ם מַטְעַמִּ֛ים לְאָבִ֖יךָ כַּאֲשֶׁ֥ר אָהֵֽב׃

lekĕ־náʼ֙ ʼel־haẕò̇֔ʼn wĕqaֽẖ־li֣y mişá̇̌֗m şĕ̌né֛y ʻizi֖̇ym tòbi֑ym gĕ̇dáyé֥y wĕʼeֽʻèşê֨h ʼòţá֧m matĕʻami֛̇ym lĕʼábi֖yká kȧʼàşě֥r ʼáhéֽb׃

10
וְהֵבֵאתָ֥ לְאָבִ֖יךָ וְאָכָ֑ל בַּעֲבֻ֛ר אֲשֶׁ֥ר יְבָרֶכְךָ֖ לִפְנֵ֥י מֹותֹֽו׃

wĕhébéʼţá֥ lĕʼábi֖yká wĕʼáká֑l bȧʻàbu֛r ʼàşě֥r yĕbárekĕká֖ lipĕné֥y mòwţòֽw׃

11
וַיֹּ֣אמֶר יַעֲקֹ֔ב אֶל־רִבְקָ֖ה אִמֹּ֑ו הֵ֣ן עֵשָׂ֤ו אָחִי֙ אִ֣ישׁ שָׂעִ֔ר וְאָנֹכִ֖י אִ֥ישׁ חָלָֽק׃

wayò֣̇ʼmer yaʻàqò֔b ʼel־ribĕqá֖h ʼimò֑̇w hé֣n ʻéşá֤̂w ʼáẖiy֙ ʼi֣yş̌ şá̂ʻi֔r wĕʼánòki֖y ʼi֥yş̌ ẖáláֽq׃

12
אוּלַ֤י יְמֻשֵּׁ֨נִי֙ אָבִ֔י וְהָיִ֥יתִי בְעֵינָ֖יו כִּמְתַעְתֵּ֑עַ וְהֵבֵאתִ֥י עָלַ֛י קְלָלָ֖ה וְלֹ֥א בְרָכָֽה׃

ʼẇla֤y yĕmuşé̇̌֨niy֙ ʼábi֔y wĕháyi֥yţiy bĕʻéyná֖yw ki̇mĕţaʻĕţé֑̇ʻa wĕhébéʼţi֥y ʻála֛y qĕlálá֖h wĕlò֥ʼ bĕrákáֽh׃

13
וַתֹּ֤אמֶר לֹו֙ אִמֹּ֔ו עָלַ֥י קִלְלָתְךָ֖ בְּנִ֑י אַ֛ךְ שְׁמַ֥ע בְּקֹלִ֖י וְלֵ֥ךְ קַֽח־לִֽי׃

waţò֤̇ʼmer lòw֙ ʼimò̇֔w ʻála֥y qilĕláţĕká֖ bĕ̇ni֑y ʼa֛kĕ şĕ̌ma֥ʻ bĕ̇qòli֖y wĕlé֥kĕ qaֽẖ־liֽy׃

14
וַיֵּ֨לֶךְ֙ וַיִּקַּ֔ח וַיָּבֵ֖א לְאִמֹּ֑ו וַתַּ֤עַשׂ אִמֹּו֙ מַטְעַמִּ֔ים כַּאֲשֶׁ֖ר אָהֵ֥ב אָבִֽיו׃

wayé̇֨lekĕ֙ wayi̇qȧ֔ẖ wayá̇bé֖ʼ lĕʼimò֑̇w waţȧ֤ʻaş̂ ʼimò̇w֙ matĕʻami̇֔ym kȧʼàşě֖r ʼáhé֥b ʼábiֽyw׃

15
וַתִּקַּ֣ח רִ֠בְקָה אֶת־בִּגְדֵ֨י עֵשָׂ֜ו בְּנָ֤הּ הַגָּדֹל֙ הַחֲמֻדֹ֔ת אֲשֶׁ֥ר אִתָּ֖הּ בַּבָּ֑יִת וַתַּלְבֵּ֥שׁ אֶֽת־יַעֲקֹ֖ב בְּנָ֥הּ הַקָּטָֽן׃

waţi̇qȧ֣ẖ ri֠bĕqáh ʼeţ־bi̇gĕdé֨y ʻéşá̂֜w bĕ̇ná֤ḣ hagá̇dòl֙ haẖàmudò֔ţ ʼàşě֥r ʼiţá֖̇ḣ bȧbá֑̇yiţ waţȧlĕbé֥̇ş̌ ʼeֽţ־yaʻàqò֖b bĕ̇ná֥ḣ haqá̇táֽn׃

16
וְאֵ֗ת עֹרֹת֙ גְּדָיֵ֣י הָֽעִזִּ֔ים הִלְבִּ֖ישָׁה עַל־יָדָ֑יו וְעַ֖ל חֶלְקַ֥ת צַוָּארָֽיו׃

wĕʼé֗ţ ʻòròţ֙ gĕ̇dáyé֣y háֽʻizi̇֔ym hilĕbi֖̇yşá̌h ʻal־yádá֑yw wĕʻa֖l ẖelĕqa֥ţ ẕawá̇ʼráֽyw׃

17
וַתִּתֵּ֧ן אֶת־הַמַּטְעַמִּ֛ים וְאֶת־הַלֶּ֖חֶם אֲשֶׁ֣ר עָשָׂ֑תָה בְּיַ֖ד יַעֲקֹ֥ב בְּנָֽהּ׃

waţi̇ţé֧̇n ʼeţ־hamȧtĕʻami֛̇ym wĕʼeţ־halė֖ẖem ʼàşě֣r ʻáşá֑̂ţáh bĕ̇ya֖d yaʻàqò֥b bĕ̇náֽḣ׃

18
וַיָּבֹ֥א אֶל־אָבִ֖יו וַיֹּ֣אמֶר אָבִ֑י וַיֹּ֣אמֶר הִנֶּ֔נִּי מִ֥י אַתָּ֖ה בְּנִֽי׃

wayá̇bò֥ʼ ʼel־ʼábi֖yw wayò֣̇ʼmer ʼábi֑y wayò֣̇ʼmer hinė֔ni̇y mi֥y ʼaţá֖̇h bĕ̇niֽy׃

19
וַיֹּ֨אמֶר יַעֲקֹ֜ב אֶל־אָבִ֗יו אָנֹכִי֙ עֵשָׂ֣ו בְּכֹרֶ֔ךָ עָשִׂ֕יתִי כַּאֲשֶׁ֥ר דִּבַּ֖רְתָּ אֵלָ֑י קֽוּם־נָ֣א שְׁבָ֗ה וְאָכְלָה֙ מִצֵּידִ֔י בַּעֲב֖וּר תְּבָרֲכַ֥נִּי נַפְשֶֽׁךָ׃

wayò̇֨ʼmer yaʻàqò֜b ʼel־ʼábi֗yw ʼánòkiy֙ ʻéşá֣̂w bĕ̇kòre֔ká ʻáşî֕yţiy kȧʼàşě֥r di̇bȧ֖rĕţá̇ ʼélá֑y qֽẇm־ná֣ʼ şĕ̌bá֗h wĕʼákĕláh֙ miẕé̇ydi֔y bȧʻàb֖ẇr ţĕ̇báràka֥ni̇y napĕşěֽká׃

20
וַיֹּ֤אמֶר יִצְחָק֙ אֶל־בְּנֹ֔ו מַה־זֶּ֛ה מִהַ֥רְתָּ לִמְצֹ֖א בְּנִ֑י וַיֹּ֕אמֶר כִּ֥י הִקְרָ֛ה יְהוָ֥ה אֱלֹהֶ֖יךָ לְפָנָֽי׃

wayò֤̇ʼmer yiẕĕẖáq֙ ʼel־bĕ̇nò֔w mah־zė֛h miha֥rĕţá̇ limĕẕò֖ʼ bĕ̇ni֑y wayò̇֕ʼmer ki֥̇y hiqĕrá֛h yĕhwá֥h ʼèlòhe֖yká lĕpánáֽy׃

21
וַיֹּ֤אמֶר יִצְחָק֙ אֶֽל־יַעֲקֹ֔ב גְּשָׁה־נָּ֥א וַאֲמֻֽשְׁךָ֖ בְּנִ֑י הַֽאַתָּ֥ה זֶ֛ה בְּנִ֥י עֵשָׂ֖ו אִם־לֹֽא׃

wayò֤̇ʼmer yiẕĕẖáq֙ ʼeֽl־yaʻàqò֔b gĕ̇şá̌h־ná֥̇ʼ waʼàmuֽşĕ̌ká֖ bĕ̇ni֑y haֽʼaţá֥̇h ze֛h bĕ̇ni֥y ʻéşá֖̂w ʼim־lòֽʼ׃

22
וַיִּגַּ֧שׁ יַעֲקֹ֛ב אֶל־יִצְחָ֥ק אָבִ֖יו וַיְמֻשֵּׁ֑הוּ וַיֹּ֗אמֶר הַקֹּל֙ קֹ֣ול יַעֲקֹ֔ב וְהַיָּדַ֖יִם יְדֵ֥י עֵשָֽׂו׃

wayi̇gȧ֧ş̌ yaʻàqò֛b ʼel־yiẕĕẖá֥q ʼábi֖yw wayĕmuşé֑̇̌hẇ wayò̇֗ʼmer haqò̇l֙ qò֣wl yaʻàqò֔b wĕhayá̇da֖yim yĕdé֥y ʻéşáֽ̂w׃

23
וְלֹ֣א הִכִּירֹ֔ו כִּֽי־הָי֣וּ יָדָ֗יו כִּידֵ֛י עֵשָׂ֥ו אָחִ֖יו שְׂעִרֹ֑ת וַֽיְבָרְכֵֽהוּ׃

wĕlò֣ʼ hiki̇yrò֔w kiֽ̇y־háy֣ẇ yádá֗yw ki̇ydé֛y ʻéşá֥̂w ʼáẖi֖yw şĕ̂ʻirò֑ţ waֽyĕbárĕkéֽhẇ׃

24
וַיֹּ֕אמֶר אַתָּ֥ה זֶ֖ה בְּנִ֣י עֵשָׂ֑ו וַיֹּ֖אמֶר אָֽנִי׃

wayò̇֕ʼmer ʼaţá֥̇h ze֖h bĕ̇ni֣y ʻéşá֑̂w wayò֖̇ʼmer ʼáֽniy׃

25
וַיֹּ֗אמֶר הַגִּ֤שָׁה לִּי֙ וְאֹֽכְלָה֙ מִצֵּ֣יד בְּנִ֔י לְמַ֥עַן תְּבָֽרֶכְךָ֖ נַפְשִׁ֑י וַיַּגֶּשׁ־לֹו֙ וַיֹּאכַ֔ל וַיָּ֧בֵא לֹ֦ו יַ֖יִן וַיֵּֽשְׁתְּ׃

wayò̇֗ʼmer hagi֤̇şá̌h li̇y֙ wĕʼòֽkĕláh֙ miẕé֣̇yd bĕ̇ni֔y lĕma֥ʻan ţĕ̇báֽrekĕká֖ napĕşǐ֑y wayȧgėş̌־lòw֙ wayò̇ʼka֔l wayá֧̇béʼ lò֦w ya֖yin wayéֽ̇şĕ̌ţĕ̇׃

26
וַיֹּ֥אמֶר אֵלָ֖יו יִצְחָ֣ק אָבִ֑יו גְּשָׁה־נָּ֥א וּשְׁקָה־לִּ֖י בְּנִֽי׃

wayò֥̇ʼmer ʼélá֖yw yiẕĕẖá֣q ʼábi֑yw gĕ̇şá̌h־ná֥̇ʼ ẇşĕ̌qáh־li֖̇y bĕ̇niֽy׃

27
וַיִּגַּשׁ֙ וַיִּשַּׁק־לֹ֔ו וַיָּ֛רַח אֶת־רֵ֥יחַ בְּגָדָ֖יו וַֽיְבָרֲכֵ֑הוּ וַיֹּ֗אמֶר רְאֵה֙ רֵ֣יחַ בְּנִ֔י כְּרֵ֣יחַ שָׂדֶ֔ה אֲשֶׁ֥ר בֵּרֲכֹ֖ו יְהוָֽה׃

wayi̇gȧş̌֙ wayi̇şȧ̌q־lò֔w wayá֛̇raẖ ʼeţ־ré֥yẖa bĕ̇gádá֖yw waֽyĕbáràké֑hẇ wayò̇֗ʼmer rĕʼéh֙ ré֣yẖa bĕ̇ni֔y kĕ̇ré֣yẖa şá̂de֔h ʼàşě֥r bé̇ràkò֖w yĕhwáֽh׃

28
וְיִֽתֶּן־לְךָ֙ הָאֱלֹהִ֔ים מִטַּל֙ הַשָּׁמַ֔יִם וּמִשְׁמַנֵּ֖י הָאָ֑רֶץ וְרֹ֥ב דָּגָ֖ן וְתִירֹֽשׁ׃

wĕyiֽţėn־lĕká֙ háʼèlòhi֔ym mitȧl֙ haşá̇̌ma֔yim ẇmişĕ̌mané֖̇y háʼá֑reẕ wĕrò֥b dá̇gá֖n wĕţiyròֽş̌׃

29
יַֽעַבְד֣וּךָ עַמִּ֗ים וְיִשְׁתַּחֲוֻ לְךָ֙ לְאֻמִּ֔ים הֱוֵ֤ה גְבִיר֙ לְאַחֶ֔יךָ וְיִשְׁתַּחֲוּ֥וּ לְךָ֖ בְּנֵ֣י אִמֶּ֑ךָ אֹרְרֶ֣יךָ אָר֔וּר וּֽמְבָרֲכֶ֖יךָ בָּרֽוּךְ׃

yaֽʻabĕd֣ẇká ʻami̇֗ym wĕyişĕ̌ţȧẖàwu lĕká֙ lĕʼumi̇֔ym hèwé֤h gĕbiyr֙ lĕʼaẖe֔yká wĕyişĕ̌ţȧẖàẇ֥ẇ lĕká֖ bĕ̇né֣y ʼimė֑ká ʼòrĕre֣yká ʼár֔ẇr ẇֽmĕbáràke֖yká bá̇rֽẇkĕ׃

30
וַיְהִ֗י כַּאֲשֶׁ֨ר כִּלָּ֣ה יִצְחָק֮ לְבָרֵ֣ךְ אֶֽת־יַעֲקֹב֒ וַיְהִ֗י אַ֣ךְ יָצֹ֤א יָצָא֙ יַעֲקֹ֔ב מֵאֵ֥ת פְּנֵ֖י יִצְחָ֣ק אָבִ֑יו וְעֵשָׂ֣ו אָחִ֔יו בָּ֖א מִצֵּידֹֽו׃

wayĕhi֗y kȧʼàşě֨r ki̇lá֣̇h yiẕĕẖáq֮ lĕbáré֣kĕ ʼeֽţ־yaʻàqòb֒ wayĕhi֗y ʼa֣kĕ yáẕò֤ʼ yáẕáʼ֙ yaʻàqò֔b méʼé֥ţ pĕ̇né֖y yiẕĕẖá֣q ʼábi֑yw wĕʻéşá֣̂w ʼáẖi֔yw bá֖̇ʼ miẕé̇ydòֽw׃

31
וַיַּ֤עַשׂ גַּם־הוּא֙ מַטְעַמִּ֔ים וַיָּבֵ֖א לְאָבִ֑יו וַיֹּ֣אמֶר לְאָבִ֗יו יָקֻ֤ם אָבִי֙ וְיֹאכַל֙ מִצֵּ֣יד בְּנֹ֔ו בַּעֲב֖וּר תְּבָרֲכַ֥נִּי נַפְשֶֽׁךָ׃

wayȧ֤ʻaş̂ gȧm־hẇʼ֙ matĕʻami̇֔ym wayá̇bé֖ʼ lĕʼábi֑yw wayò֣̇ʼmer lĕʼábi֗yw yáqu֤m ʼábiy֙ wĕyòʼkal֙ miẕé֣̇yd bĕ̇nò֔w bȧʻàb֖ẇr ţĕ̇báràka֥ni̇y napĕşěֽká׃

32
וַיֹּ֥אמֶר לֹ֛ו יִצְחָ֥ק אָבִ֖יו מִי־אָ֑תָּה וַיֹּ֕אמֶר אֲנִ֛י בִּנְךָ֥ בְכֹֽרְךָ֖ עֵשָֽׂו׃

wayò֥̇ʼmer lò֛w yiẕĕẖá֥q ʼábi֖yw miy־ʼá֑ţá̇h wayò̇֕ʼmer ʼàni֛y bi̇nĕká֥ bĕkòֽrĕká֖ ʻéşáֽ̂w׃

33
וַיֶּחֱרַ֨ד יִצְחָ֣ק חֲרָדָה֮ גְּדֹלָ֣ה עַד־מְאֹד֒ וַיֹּ֡אמֶר מִֽי־אֵפֹ֡וא ה֣וּא הַצָּֽד־צַיִד֩ וַיָּ֨בֵא לִ֜י וָאֹכַ֥ל מִכֹּ֛ל בְּטֶ֥רֶם תָּבֹ֖וא וָאֲבָרֲכֵ֑הוּ גַּם־בָּר֖וּךְ יִהְיֶֽה׃

wayėẖèra֨d yiẕĕẖá֣q ẖàrádáh֮ gĕ̇dòlá֣h ʻad־mĕʼòd֒ wayò̇֡ʼmer miֽy־ʼépò֡wʼ h֣ẇʼ haẕáֽ̇d־ẕayid֩ wayá̇֨béʼ li֜y wáʼòka֥l mikò֛̇l bĕ̇te֥rem ţá̇bò֖wʼ wáʼàbáràké֑hẇ gȧm־bá̇r֖ẇkĕ yihĕyeֽh׃

34
כִּשְׁמֹ֤עַ עֵשָׂו֙ אֶת־דִּבְרֵ֣י אָבִ֔יו וַיִּצְעַ֣ק צְעָקָ֔ה גְּדֹלָ֥ה וּמָרָ֖ה עַד־מְאֹ֑ד וַיֹּ֣אמֶר לְאָבִ֔יו בָּרֲכֵ֥נִי גַם־אָ֖נִי אָבִֽי׃

ki̇şĕ̌mò֤ʻa ʻéşá̂w֙ ʼeţ־di̇bĕré֣y ʼábi֔yw wayi̇ẕĕʻa֣q ẕĕʻáqá֔h gĕ̇dòlá֥h ẇmárá֖h ʻad־mĕʼò֑d wayò֣̇ʼmer lĕʼábi֔yw bá̇ràké֥niy gam־ʼá֖niy ʼábiֽy׃

35
וַיֹּ֕אמֶר בָּ֥א אָחִ֖יךָ בְּמִרְמָ֑ה וַיִּקַּ֖ח בִּרְכָתֶֽךָ׃

wayò̇֕ʼmer bá֥̇ʼ ʼáẖi֖yká bĕ̇mirĕmá֑h wayi̇qȧ֖ẖ bi̇rĕkáţeֽká׃

36
וַיֹּ֡אמֶר הֲכִי֩ קָרָ֨א שְׁמֹ֜ו יַעֲקֹ֗ב וַֽיַּעְקְבֵ֨נִי֙ זֶ֣ה פַעֲמַ֔יִם אֶת־בְּכֹרָתִ֣י לָקָ֔ח וְהִנֵּ֥ה עַתָּ֖ה לָקַ֣ח בִּרְכָתִ֑י וַיֹּאמַ֕ר הֲלֹא־אָצַ֥לְתָּ לִּ֖י בְּרָכָֽה׃

wayò̇֡ʼmer hàkiy֩ qárá֨ʼ şĕ̌mò֜w yaʻàqò֗b waֽyȧʻĕqĕbé֨niy֙ ze֣h paʻàma֔yim ʼeţ־bĕ̇kòráţi֣y láqá֔ẖ wĕhiné֥̇h ʻaţá֖̇h láqa֣ẖ bi̇rĕkáţi֑y wayò̇ʼma֕r hàlòʼ־ʼáẕa֥lĕţá̇ li֖̇y bĕ̇rákáֽh׃

37
וַיַּ֨עַן יִצְחָ֜ק וַיֹּ֣אמֶר לְעֵשָׂ֗ו הֵ֣ן גְּבִ֞יר שַׂמְתִּ֥יו לָךְ֙ וְאֶת־כָּל־אֶחָ֗יו נָתַ֤תִּי לֹו֙ לַעֲבָדִ֔ים וְדָגָ֥ן וְתִירֹ֖שׁ סְמַכְתִּ֑יו וּלְכָ֣ה אֵפֹ֔וא מָ֥ה אֶֽעֱשֶׂ֖ה בְּנִֽי׃

wayȧ֨ʻan yiẕĕẖá֜q wayò֣̇ʼmer lĕʻéşá̂֗w hé֣n gĕ̇bi֞yr şâmĕţi֥̇yw lákĕ֙ wĕʼeţ־ká̇l־ʼeẖá֗yw náţa֤ţi̇y lòw֙ laʻàbádi֔ym wĕdágá֥n wĕţiyrò֖ş̌ sĕmakĕţi֑̇yw ẇlĕká֣h ʼépò֔wʼ má֥h ʼeֽʻèşê֖h bĕ̇niֽy׃

38
וַיֹּ֨אמֶר עֵשָׂ֜ו אֶל־אָבִ֗יו הַֽבְרָכָ֨ה אַחַ֤ת הִֽוא־לְךָ֙ אָבִ֔י בָּרֲכֵ֥נִי גַם־אָ֖נִי אָבִ֑י וַיִּשָּׂ֥א עֵשָׂ֛ו קֹלֹ֖ו וַיֵּֽבְךְּ׃

wayò̇֨ʼmer ʻéşá̂֜w ʼel־ʼábi֗yw haֽbĕráká֨h ʼaẖa֤ţ hiֽwʼ־lĕká֙ ʼábi֔y bá̇ràké֥niy gam־ʼá֖niy ʼábi֑y wayi̇şá֥̇̂ʼ ʻéşá֛̂w qòlò֖w wayéֽ̇bĕkĕ̇׃

39
וַיַּ֛עַן יִצְחָ֥ק אָבִ֖יו וַיֹּ֣אמֶר אֵלָ֑יו הִנֵּ֞ה מִשְׁמַנֵּ֤י הָאָ֨רֶץ֙ יִהְיֶ֣ה מֹֽושָׁבֶ֔ךָ וּמִטַּ֥ל הַשָּׁמַ֖יִם מֵעָֽל׃

wayȧ֛ʻan yiẕĕẖá֥q ʼábi֖yw wayò֣̇ʼmer ʼélá֑yw hiné̇֞h mişĕ̌mané֤̇y háʼá֨reẕ֙ yihĕye֣h mòֽwşá̌be֔ká ẇmitȧ֥l haşá̇̌ma֖yim méʻáֽl׃

40
וְעַל־חַרְבְּךָ֣ תִֽחְיֶ֔ה וְאֶת־אָחִ֖יךָ תַּעֲבֹ֑ד וְהָיָה֙ כַּאֲשֶׁ֣ר תָּרִ֔יד וּפָרַקְתָּ֥ עֻלֹּ֖ו מֵעַ֥ל צַוָּארֶֽךָ׃

wĕʻal־ẖarĕbĕ̇ká֣ ţiֽẖĕye֔h wĕʼeţ־ʼáẖi֖yká ţȧʻàbò֑d wĕháyáh֙ kȧʼàşě֣r ţá̇ri֔yd ẇpáraqĕţá֥̇ ʻulò֖̇w méʻa֥l ẕawá̇ʼreֽká׃

41
וַיִּשְׂטֹ֤ם עֵשָׂו֙ אֶֽת־יַעֲקֹ֔ב עַל־הַ֨בְּרָכָ֔ה אֲשֶׁ֥ר בֵּרֲכֹ֖ו אָבִ֑יו וַיֹּ֨אמֶר עֵשָׂ֜ו בְּלִבֹּ֗ו יִקְרְבוּ֙ יְמֵי֙ אֵ֣בֶל אָבִ֔י וְאַֽהַרְגָ֖ה אֶת־יַעֲקֹ֥ב אָחִֽי׃

wayi̇şĕ̂tò֤m ʻéşá̂w֙ ʼeֽţ־yaʻàqò֔b ʻal־ha֨bĕ̇ráká֔h ʼàşě֥r bé̇ràkò֖w ʼábi֑yw wayò̇֨ʼmer ʻéşá̂֜w bĕ̇libò̇֗w yiqĕrĕbẇ֙ yĕméy֙ ʼé֣bel ʼábi֔y wĕʼaֽharĕgá֖h ʼeţ־yaʻàqò֥b ʼáẖiֽy׃

42
וַיֻּגַּ֣ד לְרִבְקָ֔ה אֶת־דִּבְרֵ֥י עֵשָׂ֖ו בְּנָ֣הּ הַגָּדֹ֑ל וַתִּשְׁלַ֞ח וַתִּקְרָ֤א לְיַעֲקֹב֙ בְּנָ֣הּ הַקָּטָ֔ן וַתֹּ֣אמֶר אֵלָ֔יו הִנֵּה֙ עֵשָׂ֣ו אָחִ֔יךָ מִתְנַחֵ֥ם לְךָ֖ לְהָרְגֶֽךָ׃

wayu̇gȧ֣d lĕribĕqá֔h ʼeţ־di̇bĕré֥y ʻéşá֖̂w bĕ̇ná֣ḣ hagá̇dò֑l waţi̇şĕ̌la֞ẖ waţi̇qĕrá֤ʼ lĕyaʻàqòb֙ bĕ̇ná֣ḣ haqá̇tá֔n waţò֣̇ʼmer ʼélá֔yw hiné̇h֙ ʻéşá֣̂w ʼáẖi֔yká miţĕnaẖé֥m lĕká֖ lĕhárĕgeֽká׃

43
וְעַתָּ֥ה בְנִ֖י שְׁמַ֣ע בְּקֹלִ֑י וְק֧וּם בְּרַח־לְךָ֛ אֶל־לָבָ֥ן אָחִ֖י חָרָֽנָה׃

wĕʻaţá֥̇h bĕni֖y şĕ̌ma֣ʻ bĕ̇qòli֑y wĕq֧ẇm bĕ̇raẖ־lĕká֛ ʼel־lábá֥n ʼáẖi֖y ẖáráֽnáh׃

44
וְיָשַׁבְתָּ֥ עִמֹּ֖ו יָמִ֣ים אֲחָדִ֑ים עַ֥ד אֲשֶׁר־תָּשׁ֖וּב חֲמַ֥ת אָחִֽיךָ׃

wĕyáşǎbĕţá֥̇ ʻimò֖̇w yámi֣ym ʼàẖádi֑ym ʻa֥d ʼàşěr־ţá̇ş֖̌ẇb ẖàma֥ţ ʼáẖiֽyká׃

45
עַד־שׁ֨וּב אַף־אָחִ֜יךָ מִמְּךָ֗ וְשָׁכַח֙ אֵ֣ת אֲשֶׁר־עָשִׂ֣יתָ לֹּ֔ו וְשָׁלַחְתִּ֖י וּלְקַחְתִּ֣יךָ מִשָּׁ֑ם לָמָ֥ה אֶשְׁכַּ֛ל גַּם־שְׁנֵיכֶ֖ם יֹ֥ום אֶחָֽד׃

ʻad־ş̌֨ẇb ʼap־ʼáẖi֜yká mimĕ̇ká֗ wĕşá̌kaẖ֙ ʼé֣ţ ʼàşěr־ʻáşî֣yţá lò̇֔w wĕşá̌laẖĕţi֖̇y ẇlĕqaẖĕţi֣̇yká mişá֑̇̌m lámá֥h ʼeşĕ̌kȧ֛l gȧm־şĕ̌néyke֖m yò֥wm ʼeẖáֽd׃

46
וַתֹּ֤אמֶר רִבְקָה֙ אֶל־יִצְחָ֔ק קַ֣צְתִּי בְחַיַּ֔י מִפְּנֵ֖י בְּנֹ֣ות חֵ֑ת אִם־לֹקֵ֣חַ יַ֠עֲקֹב אִשָּׁ֨ה מִבְּנֹֽות־חֵ֤ת כָּאֵ֨לֶּה֙ מִבְּנֹ֣ות הָאָ֔רֶץ לָ֥מָּה לִּ֖י חַיִּֽים׃

waţò֤̇ʼmer ribĕqáh֙ ʼel־yiẕĕẖá֔q qa֣ẕĕţi̇y bĕẖayȧ֔y mipĕ̇né֖y bĕ̇nò֣wţ ẖé֑ţ ʼim־lòqé֣ẖa ya֠ʻàqòb ʼişá̇̌֨h mibĕ̇nòֽwţ־ẖé֤ţ ká̇ʼé֨lėh֙ mibĕ̇nò֣wţ háʼá֔reẕ lá֥má̇h li֖̇y ẖayiֽ̇ym׃