Bibles in ancient languages
Old translations
Modern translations

Biblia Hebraica Stuttgartiensia Isaiah 7

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיְהִ֡י בִּימֵ֣י אָ֠חָז בֶּן־יֹותָ֨ם בֶּן־עֻזִּיָּ֜הוּ מֶ֣לֶךְ יְהוּדָ֗ה עָלָ֣ה רְצִ֣ין מֶֽלֶךְ־אֲ֠רָם וּפֶ֨קַח בֶּן־רְמַלְיָ֤הוּ מֶֽלֶךְ־יִשְׂרָאֵל֙ יְר֣וּשָׁלִַ֔ם לַמִּלְחָמָ֖ה עָלֶ֑יהָ וְלֹ֥א יָכֹ֖ל לְהִלָּחֵ֥ם עָלֶֽיהָ׃

wayĕhi֡y bi̇ymé֣y ʼá֠ẖáz bėn־yòwţá֨m bėn־ʻuzi̇yá̇֜hẇ me֣lekĕ yĕhẇdá֗h ʻálá֣h rĕẕi֣yn meֽlekĕ־ʼà֠rám ẇpe֨qaẖ bėn־rĕmalĕyá֤hẇ meֽlekĕ־yişĕ̂ráʼél֙ yĕr֣ẇşá̌lia֔m lami̇lĕẖámá֖h ʻále֑yhá wĕlò֥ʼ yákò֖l lĕhilá̇ẖé֥m ʻáleֽyhá׃

2
וַיֻּגַּ֗ד לְבֵ֤ית דָּוִד֙ לֵאמֹ֔ר נָ֥חָֽה אֲרָ֖ם עַל־אֶפְרָ֑יִם וַיָּ֤נַע לְבָבֹו֙ וּלְבַ֣ב עַמֹּ֔ו כְּנֹ֥ועַ עֲצֵי־יַ֖עַר מִפְּנֵי־רֽוּחַ׃

wayu̇gȧ֗d lĕbé֤yţ dá̇wid֙ léʼmò֔r ná֥ẖáֽh ʼàrá֖m ʻal־ʼepĕrá֑yim wayá֤̇naʻ lĕbábòw֙ ẇlĕba֣b ʻamò̇֔w kĕ̇nò֥wʻa ʻàẕéy־ya֖ʻar mipĕ̇néy־rֽẇẖa׃

3
וַיֹּ֣אמֶר יְהוָה֮ אֶֽל־יְשַׁעְיָהוּ֒ צֵא־נָא֙ לִקְרַ֣את אָחָ֔ז אַתָּ֕ה וּשְׁאָ֖ר יָשׁ֣וּב בְּנֶ֑ךָ אֶל־קְצֵ֗ה תְּעָלַת֙ הַבְּרֵכָ֣ה הָעֶלְיֹונָ֔ה אֶל־מְסִלַּ֖ת שְׂדֵ֥ה כֹובֵֽס׃

wayò֣̇ʼmer yĕhwáh֮ ʼeֽl־yĕşǎʻĕyáhẇ֒ ẕéʼ־náʼ֙ liqĕra֣ʼţ ʼáẖá֔z ʼaţá̇֕h ẇşĕ̌ʼá֖r yáş֣̌ẇb bĕ̇ne֑ká ʼel־qĕẕé֗h ţĕ̇ʻálaţ֙ habĕ̇réká֣h háʻelĕyòwná֔h ʼel־mĕsilȧ֖ţ şĕ̂dé֥h kòwbéֽs׃

4
וְאָמַרְתָּ֣ אֵ֠לָיו הִשָּׁמֵ֨ר וְהַשְׁקֵ֜ט אַל־תִּירָ֗א וּלְבָבְךָ֙ אַל־יֵרַ֔ךְ מִשְּׁנֵ֨י זַנְבֹ֧ות הָאוּדִ֛ים הָעֲשֵׁנִ֖ים הָאֵ֑לֶּה בָּחֳרִי־אַ֛ף רְצִ֥ין וַאֲרָ֖ם וּבֶן־רְמַלְיָֽהוּ׃

wĕʼámarĕţá֣̇ ʼé֠láyw hişá̇̌mé֨r wĕhaşĕ̌qé֜t ʼal־ţi̇yrá֗ʼ ẇlĕbábĕká֙ ʼal־yéra֔kĕ mişĕ̇̌né֨y zanĕbò֧wţ háʼẇdi֛ym háʻàşé̌ni֖ym háʼé֑lėh bá̇ẖoriy־ʼa֛p rĕẕi֥yn waʼàrá֖m ẇben־rĕmalĕyáֽhẇ׃

5
יַ֗עַן כִּֽי־יָעַ֥ץ עָלֶ֛יךָ אֲרָ֖ם רָעָ֑ה אֶפְרַ֥יִם וּבֶן־רְמַלְיָ֖הוּ לֵאמֹֽר׃

ya֗ʻan kiֽ̇y־yáʻa֥ẕ ʻále֛yká ʼàrá֖m ráʻá֑h ʼepĕra֥yim ẇben־rĕmalĕyá֖hẇ léʼmòֽr׃

6
נַעֲלֶ֤ה בִֽיהוּדָה֙ וּנְקִיצֶ֔נָּה וְנַבְקִעֶ֖נָּה אֵלֵ֑ינוּ וְנַמְלִ֥יךְ מֶ֨לֶךְ֙ בְּתֹוכָ֔הּ אֵ֖ת בֶּן־טָֽבְאַֽל׃ ס

naʻàle֤h biֽyhẇdáh֙ ẇnĕqiyẕe֔ná̇h wĕnabĕqiʻe֖ná̇h ʼélé֑ynẇ wĕnamĕli֥ykĕ me֨lekĕ֙ bĕ̇ţòwká֔ḣ ʼé֖ţ bėn־táֽbĕʼaֽl׃ s

7
כֹּ֥ה אָמַ֖ר אֲדֹנָ֣י יְהוִ֑ה לֹ֥א תָק֖וּם וְלֹ֥א תִֽהְיֶֽה׃

kò֥̇h ʼáma֖r ʼàdòná֣y yĕhwi֑h lò֥ʼ ţáq֖ẇm wĕlò֥ʼ ţiֽhĕyeֽh׃

8
כִּ֣י רֹ֤אשׁ אֲרָם֙ דַּמֶּ֔שֶׂק וְרֹ֥אשׁ דַּמֶּ֖שֶׂק רְצִ֑ין וּבְעֹ֗וד שִׁשִּׁ֤ים וְחָמֵשׁ֙ שָׁנָ֔ה יֵחַ֥ת אֶפְרַ֖יִם מֵעָֽם׃

ki֣̇y rò֤ʼş̌ ʼàrám֙ dȧmė֔şêq wĕrò֥ʼş̌ dȧmė֖şêq rĕẕi֑yn ẇbĕʻò֗wd şǐşi֤̇̌ym wĕẖáméş̌֙ şá̌ná֔h yéẖa֥ţ ʼepĕra֖yim méʻáֽm׃

9
וְרֹ֤אשׁ אֶפְרַ֨יִם֙ שֹׁמְרֹ֔ון וְרֹ֥אשׁ שֹׁמְרֹ֖ון בֶּן־רְמַלְיָ֑הוּ אִ֚ם לֹ֣א תַאֲמִ֔ינוּ כִּ֖י לֹ֥א תֵאָמֵֽנוּ׃ ס

wĕrò֤ʼş̌ ʼepĕra֨yim֙ şò̌mĕrò֔wn wĕrò֥ʼş̌ şò̌mĕrò֖wn bėn־rĕmalĕyá֑hẇ ʼi֚m lò֣ʼ ţaʼàmi֔ynẇ ki֖̇y lò֥ʼ ţéʼáméֽnẇ׃ s

10
וַיֹּ֣וסֶף יְהוָ֔ה דַּבֵּ֥ר אֶל־אָחָ֖ז לֵאמֹֽר׃

wayò֣̇wsep yĕhwá֔h dȧbé֥̇r ʼel־ʼáẖá֖z léʼmòֽr׃

11
שְׁאַל־לְךָ֣ אֹ֔ות מֵעִ֖ם יְהוָ֣ה אֱלֹהֶ֑יךָ הַעְמֵ֣ק שְׁאָ֔לָה אֹ֖ו הַגְבֵּ֥הַּ לְמָֽעְלָה׃

şĕ̌ʼal־lĕká֣ ʼò֔wţ méʻi֖m yĕhwá֣h ʼèlòhe֑yká haʻĕmé֣q şĕ̌ʼá֔láh ʼò֖w hagĕbé֥̇hȧ lĕmáֽʻĕláh׃

12
וַיֹּ֖אמֶר אָחָ֑ז לֹא־אֶשְׁאַ֥ל וְלֹֽא־אֲנַסֶּ֖ה אֶת־יְהוָֽה׃

wayò֖̇ʼmer ʼáẖá֑z lòʼ־ʼeşĕ̌ʼa֥l wĕlòֽʼ־ʼànasė֖h ʼeţ־yĕhwáֽh׃

13
וַיֹּ֕אמֶר שִׁמְעוּ־נָ֖א בֵּ֣ית דָּוִ֑ד הַמְעַ֤ט מִכֶּם֙ הַלְאֹ֣ות אֲנָשִׁ֔ים כִּ֥י תַלְא֖וּ גַּ֥ם אֶת־אֱלֹהָֽי׃

wayò̇֕ʼmer şǐmĕʻẇ־ná֖ʼ bé֣̇yţ dá̇wi֑d hamĕʻa֤t mikėm֙ halĕʼò֣wţ ʼànáşǐ֔ym ki֥̇y ţalĕʼ֖ẇ gȧ֥m ʼeţ־ʼèlòháֽy׃

14
לָ֠כֵן יִתֵּ֨ן אֲדֹנָ֥י ה֛וּא לָכֶ֖ם אֹ֑ות הִנֵּ֣ה הָעַלְמָ֗ה הָרָה֙ וְיֹלֶ֣דֶת בֵּ֔ן וְקָרָ֥את שְׁמֹ֖ו עִמָּ֥נוּ אֵֽל׃

lá֠kén yiţé̇֨n ʼàdòná֥y h֛ẇʼ láke֖m ʼò֑wţ hiné֣̇h háʻalĕmá֗h háráh֙ wĕyòle֣deţ bé̇֔n wĕqárá֥ʼţ şĕ̌mò֖w ʻimá֥̇nẇ ʼéֽl׃

15
חֶמְאָ֥ה וּדְבַ֖שׁ יֹאכֵ֑ל לְדַעְתֹּ֛ו מָאֹ֥וס בָּרָ֖ע וּבָחֹ֥ור בַּטֹּֽוב׃

ẖemĕʼá֥h ẇdĕba֖ş̌ yòʼké֑l lĕdaʻĕţò֛̇w máʼò֥ws bá̇rá֖ʻ ẇbáẖò֥wr bȧtòֽ̇wb׃

16
כִּ֠י בְּטֶ֨רֶם יֵדַ֥ע הַנַּ֛עַר מָאֹ֥ס בָּרָ֖ע וּבָחֹ֣ר בַּטֹּ֑וב תֵּעָזֵ֤ב הָאֲדָמָה֙ אֲשֶׁ֣ר אַתָּ֣ה קָ֔ץ מִפְּנֵ֖י שְׁנֵ֥י מְלָכֶֽיהָ׃

ki̇֠y bĕ̇te֨rem yéda֥ʻ hanȧ֛ʻar máʼò֥s bá̇rá֖ʻ ẇbáẖò֣r bȧtò֑̇wb ţé̇ʻázé֤b háʼàdámáh֙ ʼàşě֣r ʼaţá֣̇h qá֔ẕ mipĕ̇né֖y şĕ̌né֥y mĕlákeֽyhá׃

17
יָבִ֨יא יְהוָ֜ה עָלֶ֗יךָ וְעַֽל־עַמְּךָ֮ וְעַל־בֵּ֣ית אָבִיךָ֒ יָמִים֙ אֲשֶׁ֣ר לֹא־בָ֔אוּ לְמִיֹּ֥ום סוּר־אֶפְרַ֖יִם מֵעַ֣ל יְהוּדָ֑ה אֵ֖ת מֶ֥לֶךְ אַשּֽׁוּר׃ פ

yábi֨yʼ yĕhwá֜h ʻále֗yká wĕʻaֽl־ʻamĕ̇ká֮ wĕʻal־bé֣̇yţ ʼábiyká֒ yámiym֙ ʼàşě֣r lòʼ־bá֔ʼẇ lĕmiyò֥̇wm sẇr־ʼepĕra֖yim méʻa֣l yĕhẇdá֑h ʼé֖ţ me֥lekĕ ʼaşֽ̇̌ẇr׃ p

18
וְהָיָ֣ה׀ בַּיֹּ֣ום הַה֗וּא יִשְׁרֹ֤ק יְהוָה֙ לַזְּב֔וּב אֲשֶׁ֥ר בִּקְצֵ֖ה יְאֹרֵ֣י מִצְרָ֑יִם וְלַ֨דְּבֹורָ֔ה אֲשֶׁ֖ר בְּאֶ֥רֶץ אַשּֽׁוּר׃

wĕháyá֣h׀ bȧyò֣̇wm hah֗ẇʼ yişĕ̌rò֤q yĕhwáh֙ lazĕ̇b֔ẇb ʼàşě֥r bi̇qĕẕé֖h yĕʼòré֣y miẕĕrá֑yim wĕla֨dĕ̇bòwrá֔h ʼàşě֖r bĕ̇ʼe֥reẕ ʼaşֽ̇̌ẇr׃

19
וּבָ֨אוּ וְנָח֤וּ כֻלָּם֙ בְּנַחֲלֵ֣י הַבַּתֹּ֔ות וּבִנְקִיקֵ֖י הַסְּלָעִ֑ים וּבְכֹל֙ הַנַּ֣עֲצוּצִ֔ים וּבְכֹ֖ל הַנַּהֲלֹלִֽים׃

ẇbá֨ʼẇ wĕnáẖ֤ẇ kulá̇m֙ bĕ̇naẖàlé֣y habȧţò̇֔wţ ẇbinĕqiyqé֖y hasĕ̇láʻi֑ym ẇbĕkòl֙ hanȧ֣ʻàẕẇẕi֔ym ẇbĕkò֖l hanȧhàlòliֽym׃

20
בַּיֹּ֣ום הַה֡וּא יְגַלַּ֣ח אֲדֹנָי֩ בְּתַ֨עַר הַשְּׂכִירָ֜ה בְּעֶבְרֵ֤י נָהָר֙ בְּמֶ֣לֶךְ אַשּׁ֔וּר אֶת־הָרֹ֖אשׁ וְשַׂ֣עַר הָרַגְלָ֑יִם וְגַ֥ם אֶת־הַזָּקָ֖ן תִּסְפֶּֽה׃ ס

bȧyò֣̇wm hah֡ẇʼ yĕgalȧ֣ẖ ʼàdònáy֩ bĕ̇ţa֨ʻar haşĕ̇̂kiyrá֜h bĕ̇ʻebĕré֤y náhár֙ bĕ̇me֣lekĕ ʼaş̇̌֔ẇr ʼeţ־hárò֖ʼş̌ wĕşâ֣ʻar háragĕlá֑yim wĕga֥m ʼeţ־hazá̇qá֖n ţi̇sĕpėֽh׃ s

21
וְהָיָ֖ה בַּיֹּ֣ום הַה֑וּא יְחַיֶּה־אִ֛ישׁ עֶגְלַ֥ת בָּקָ֖ר וּשְׁתֵּי־צֹֽאן׃

wĕháyá֖h bȧyò֣̇wm hah֑ẇʼ yĕẖayėh־ʼi֛yş̌ ʻegĕla֥ţ bá̇qá֖r ẇşĕ̌ţé̇y־ẕòֽʼn׃

22
וְהָיָ֗ה מֵרֹ֛ב עֲשֹׂ֥ות חָלָ֖ב יֹאכַ֣ל חֶמְאָ֑ה כִּֽי־חֶמְאָ֤ה וּדְבַשׁ֙ יֹאכֵ֔ל כָּל־הַנֹּותָ֖ר בְּקֶ֥רֶב הָאָֽרֶץ׃

wĕháyá֗h mérò֛b ʻàşò֥̂wţ ẖálá֖b yòʼka֣l ẖemĕʼá֑h kiֽ̇y־ẖemĕʼá֤h ẇdĕbaş̌֙ yòʼké֔l ká̇l־hanò̇wţá֖r bĕ̇qe֥reb háʼáֽreẕ׃

23
וְהָיָה֙ בַּיֹּ֣ום הַה֔וּא יִֽהְיֶ֣ה כָל־מָקֹ֗ום אֲשֶׁ֧ר יִֽהְיֶה־שָּׁ֛ם אֶ֥לֶף גֶּ֖פֶן בְּאֶ֣לֶף כָּ֑סֶף לַשָּׁמִ֥יר וְלַשַּׁ֖יִת יִֽהְיֶֽה׃

wĕháyáh֙ bȧyò֣̇wm hah֔ẇʼ yiֽhĕye֣h kál־máqò֗wm ʼàşě֧r yiֽhĕyeh־şá֛̇̌m ʼe֥lep gė֖pen bĕ̇ʼe֣lep ká֑̇sep laşá̇̌mi֥yr wĕlaşȧ֖̌yiţ yiֽhĕyeֽh׃

24
בַּחִצִּ֥ים וּבַקֶּ֖שֶׁת יָ֣בֹוא שָׁ֑מָּה כִּי־שָׁמִ֥יר וָשַׁ֖יִת תִּֽהְיֶ֥ה כָל־הָאָֽרֶץ׃

bȧẖiẕi֥̇ym ẇbaqė֖şěţ yá֣bòwʼ şá֑̌má̇h ki̇y־şá̌mi֥yr wáşǎ֖yiţ ţiֽ̇hĕye֥h kál־háʼáֽreẕ׃

25
וְכֹ֣ל הֶהָרִ֗ים אֲשֶׁ֤ר בַּמַּעְדֵּר֙ יֵעָ֣דֵר֔וּן לֹֽא־תָבֹ֣וא שָׁ֔מָּה יִרְאַ֖ת שָׁמִ֣יר וָשָׁ֑יִת וְהָיָה֙ לְמִשְׁלַ֣ח שֹׁ֔ור וּלְמִרְמַ֖ס שֶֽׂה׃ פ

wĕkò֣l hehári֗ym ʼàşě֤r bȧmȧʻĕdé̇r֙ yéʻá֣dér֔ẇn lòֽʼ־ţábò֣wʼ şá̌֔má̇h yirĕʼa֖ţ şá̌mi֣yr wáşá֑̌yiţ wĕháyáh֙ lĕmişĕ̌la֣ẖ şò̌֔wr ẇlĕmirĕma֖s şêֽh׃ p